TITUS
Vetus testamentum iberice: Exodus (rec. AK)
Part No. 79
Previous part

Chapter: 34  
თავი XXXIV


Verse: 1   Link to mcat Link to sept   და ეტყოდა უფალი მოსეს და ჰრქუა:

Verse: 2   Link to mcat Link to sept   ამცენ ძეთა ისრაელისათა და ეტყოდე მათ და არქუ: თქუენ შეხუალთ ქუეყანად ქანანისა, იგი იყოს სამკჳდრებელ [თქუენდა], ქუეყანა ქანანისა საზღურითურთ მისით.

Verse: 3   Link to mcat Link to sept   და იყოს ერთკერძო იგი, რომელ არს ბღუარით კერძო უდაბნოთგან სინათ მიჰმახლობელადმდე ედომისა, და იყვნენ საზღვარნი თქუენნი ბღუარითნი ზღჳთ კერძო მარილოვნით, აღმოსავლით კერძო.

Verse: 4   Link to mcat Link to sept   და გარემო-მოგესხნენ თქუენ საზღუარნი ბღოვარით აღმოსავალსა აკრაბინისასა და წარგე\ვლოს Page of ms. S: 306r   სენაკი და იყოს გამოსავალი მისი ბღუარით კერძო კადეს-ბარნესა და მიიწიოს ბანაკსა არადისსა და გარე-წარვლოს ასემონა;

Verse: 5   Link to mcat Link to sept   და შე-გარე-ვლოს საზღვარმან ასემონათ ნაღუარევი ეგჳპტისა და იყოს გამოსავალი მისი ზღუა;

Verse: 6   Link to mcat Link to sept   და საზღვარნი ზღჳსანი იყვნენ თქუენდა, ზღუაჲ დიდი ეზღუანდეს, ესე იყვნენ თქუენდა საზღვარნი ზღჳსანი.

Verse: 7   Link to mcat Link to sept   და ესე იყვნენ თქუენდა საზღვარნი ჩრდილოთ [ზღჳთ] დილითგან, დაიზომოთ თქუენ მთისპირი,

Verse: 8   Link to mcat Link to sept   და მთითგან მთადმდე დაიზომოთ თქუენდამი შესავალადმდე ემათისა, და იყოს გამოსავალი მისი საზღვართა სარადისათა;

Verse: 9   Link to mcat Link to sept   და განვლნეს საზღვარნი ზეფრონისანი, და იყოს გამოსავალი მისი ასერნას, ესე იყოს თქუენდა საზღვრად ჩრდილო[ჲ]თ,

Verse: 10   Link to mcat Link to sept   და დაიზომნეთ საზღვარნი თქუენდა აღმოსავალით კერძო, ასარინათ სე[ნა]ფამად.

Verse: 11   Link to mcat Link to sept   და შთავლოს საზღუარმან სენაფამაჲთ არბელად აღმოსავალით წყაროდ კერძო, და შთავიდეს საზღუარი და მისწუდეს ბელად, ბღოვარით კერძო ზღუასა ქენერეთისასა, აღმოსავალით;

Verse: 12   Link to mcat Link to sept   და შთავიდეს საზღუარი იორდანედ კერძო და იყოს გამოსავალი მისი ზღუაჲ მარილოვანი. ესე იყოს თქუენდა ქუეყანა და საზღვარნი მისნი გარემოს.

Verse: 13   Link to mcat Link to sept   და ა\მცნო Page of ms. S: 306v   მოსე ძეთა ისრაელისათა და ჰრქუა: ესე არს ქუეყანაჲ იგი, რომელ დაიმკჳდროთ წილით, ვითარცა ბრძანა უფალმან მიცემად იგი ცხრათა... ნათესავსა მანასესსა,

Verse: 14   Link to mcat Link to sept   რამეთუ მიიღო ნათესავმან ძეთა რუბენისთამან და ნათესავმან ძეთა გადისთამან, სახლად-სახლად ტომთა მათთა მიიღეს ნაწილი მათი;

Verse: 15   Link to mcat Link to sept   ორთა ნათესავთა და ზოგმან ნათესავისამან მანასესმან მიიღეს ნაწილი მათი წიაღ იორდანესა, იერიქოთ კერძო, ბღოვარით აღმოსავალსა.

Verse: 16   Link to mcat Link to sept   და ეტყოდა უფალი მოსეს და ჰრქუა:

Verse: 17   Link to mcat Link to sept   ესე არს სახელები კაცთა მათ, რომელთა დაგიმკჳდრონ თქუენ ქუეყანაჲ იგი: ელეაზარ მღდელმან და ისუ, ძემან ნავესმან.

Verse: 18   Link to mcat Link to sept   და მთავარი ერთი ნათესავისაგან მოიყვანოთ დამკჳდრებად თქუენდა ქუეყანისა მის.

Verse: 19   Link to mcat Link to sept   და ესე არს სახელები კაცთა მათ: ნათესავისა იუდასი ქალებ, ძე იეფონესი;

Verse: 20   Link to mcat Link to sept   ნათესავისა სჳმეონისათა სალამიელ, ძე სემიუდისი;

Verse: 21   Link to mcat Link to sept   ...ელიად, ძე ქესლონისი:

Verse: 22   Link to mcat Link to sept   ნათესავისა ძეთა დანისთაჲ მთავარი ბოკი, ძე იოგლისი;

Verse: 23   Link to mcat Link to sept   ძეთა იოსებისთა, ნათესავისა ძეთა მანასესთა მთავარი ანესელ, ძე ეფოდისი;

Verse: 24   Link to mcat Link to sept   ნათესავისა ძეთა ეფრემისთა მთავარი კამთელ, ძე საფტანისი;

Verse: 25   Link to mcat Link to sept   ნათესავისა ძეთა ზაბულონისთაჲ მთავარი ელისაფან, ძე ფარნაქისი;

Verse: 26   Link to mcat Link to sept   ნათესავისა Page of ms. S: 307r   ისაქარისთა მთავარი ფალტიელ, ძე ოზასი;

Verse: 27   Link to mcat Link to sept   ნათესავისა ძეთა ასერისთა მთავარი აქიურ, ძე სელემისი;

Verse: 28   Link to mcat Link to sept   ნათესავისა ძეთა ნეფთალემისთა მთავარი ფადაელ, ძე ამიუდისი.

Verse: 29   Link to mcat Link to sept   ესე არიან, რომელთა ამცნო უფალმან განყოფად ძეთა ისრაელისათა ქუეყანასა ქანანისასა.



Next part


This text is part of the TITUS edition of Vetus testamentum iberice: Exodus (rec. AK).

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.