Page of ms. S: 303v და ესე არიან საბანაკონი ძეთა ისრაელისათანი, რაჟამს გამოვიდეს იგინი ქუეყანით ეგჳპტით ძალითურთ ჴელითა მოსესითა და აჰრონისითა.
და დაწერა მოსე სლვაჲ მათი და სადგურები მათი სიტყჳთა უფლისაჲთა და ესე არს სადგურები სლვისა მათისა:
და იტრნეს რამესეთ თთუესა პირველსა, მეათხუთმეტესა დღესა თთჳსა მის პირველისასა, ხვალისაგან ზატიკისა გამოვიდეს ძენი ისრაელისანი ჴელითა მაღლითა წინაშე ყოველთა ეგჳპტელთა.
და ეგჳპტელნი დაჰფლვიდეს ყოველთა მათ, რომელ მოსრნა უფალმან მათგანნი -- ყოველი პირმშო ქუეყანასა ეგვპტისასა, და შორის ღმერთთა მათთა ყო უფალმან შურისგებაჲ
და იტრნეს ძენი ისრაელისანი ჰრამესეთ და დაიბანაკეს სოკქოთს.
და იტრნეს სოკქოთით და დაიბანაკეუთანს, რომელ არს ნაწილი უდაბნოსაგანი.
და იტრნეს უთანით და დაიბანაკეს პირსა ზედა ეროთისასა, რომელ არს მართლ ბეელსეპფონსა და დაიბანაკეს წინაშე მაგდოლასა.
და იტრნეს მართლ იოროთით და განჴდეს საშუვალ ზღუასა უდაბნოდ და ვიდოდეს გზასა სამ დღისა სავალსა უდაბნოსა ემათისასა და დაიბანაკეს განსამწარებელსა.
და იტრნეს განსამწარებულით და მოვიდეს ელიმდ. და ელიმს იყო ათორმეტი წყაროჲ Page of ms. S: 304r წყლისა და სამეოცდაათ ძირ დანაკისკუდი, და დაიბანაკეს მუნ, წყაროსა მას ზედა.
და იტრნეს ელიმით და დაიბანაკეს ზღუასა ზედა ერჳრასა
და იტრნეს ზღჳთ ერჳთრაჲთ და დაიბანაკეს უდაბნოსა სინასასა.
და იტრნეს უდაბნოთ სინათ და დაიბანაკეს აფეკს.
და იტრნეს აფეკათ და დაიბანაკეს ელუსას.
და იტრნეს ელუსით და დაიბანაკეს ჰრაფინდინს. და არა იყო მუნ წყალი სასუმელად ერისა მისთჳს.
და იტრნეს ჰრაფიდინით და დაიბანაკეს უდაბნოსა სინასა
და იტრნეს უდაბნოთ სინათ და დაიბანაკეს სამარობანსა გულისთქმისასა.
და იტრნეს სამარობნით გულისთქმისათა და დაიბანაკეს ასეროთს.
და იტრნეს ასეროთით და დაიბანაკეს ჰრათმას.
და იტრნეს ჰრათმათ და დაიბანაკეს ჰრემონ-ფარესს.
და იტრნეს ჰრემონ-ფარესით და დაიბანაკეს ლებონას.
და იტრნეს ლებონათ და დაიბანაკეს რესსას.
და იტრნეს რესსათ და დაიბანაკეს მაკელლათას.
და იტრნეს მაკელლათათ და დაიბანაკეს საფარს.
და იტრნეს საფარით და დაიბანაკეს ქარას.
და იტრნეს ქარადათ და დაიბანაკეს მაკედოთს.
და იტრნეს მაკედოთით და დაიბანაკეს თათს.
და Page of ms. S: 304v იტრნეს თათით და დაიბანაკეს თარას.
და იტრნეს თარათ და დაიბანაკეს მათეკას.
და იტრნეს მათეკათ და დაიბანაკეს ასემონას.
და იტრნეს ასემონათ და დაიბანაკეს მასსუროთს.
და იტრნეს მასსუროთით და დაიბანაკეს ბანაიკამს.
და იტრნეს ბანაკაიმით და დაიბანაკეს მთასა გადგადსა.
და იტრნეს მთით გადგადით და დაიბანაკეს იეტაბათას.
და იტრნეს იეტაბათით და დაიბანაკეს ებრბონას.
და იტრნეს ებრბონათ და დაიბანაკეს გესიონგაბერს.
და იტრნეს გესიონგაბერათ და დაიბანაკეს უდაბნოსა სინასასა, ესე არს კადე.
და იტრნეს კადეთ და დაიბანაკეს ორსა მთასა, მახლობელად ქუეყანასა ედომისასა.
და აღვიდა აჰრონ მღუდელი ბრძანებითა უფლისაჲთა და მოკუდა მუნ მეორმოცესა წელსა გამოსლვასა ძეთა ისრაელისათასა ქუეყანით ეგჳპტით, თთუესა მეხუთესა, ერთსა თთჳსასა.
და აჰრონ იყო ას ოცდასამ წლის, რაჟამს მოკუდებოდა ორს მთასა.
და ესმა ქანანის მეფესა არადს და იგი დაშენებულ იყო ბღოარით კერძო ქუეყანასა მას ქანანისასა, რაჟამს შევიდოდეს ძენი ისრაელისანი.
და იტრნეს ორით მთით და დაიბ\ანაკეს Page of ms. S: 305r სელმონას.
და იტრნეს სელმონათ და დაიბანაკეს ფენონს.
და იტრნეს ფენონით და დაიბანაკეს ობოთს.
და იტრნეს ობოთათ და დაიბანაკეს გეს წიაღ, საზღვართა ზედა მოაბისათა.
და იტრნეს გესით და დაიბანაკეს დებონგათს.
და იტრნეს დებონგადით და დაიბანაკეს გელმონს დაბლათაიმს.
და იტრნეს გელმონ დაბლათაიმით და დაიბანაკეს მთათა ზედა აბარიმისათა, მართლ ნაბავსა.
და იტრნეს მთით აბარიმით და დაიბანაკეს დასავალით კერძო მოაბსა, იორდანესა ზედა, იერიქოთ კერძო.
... და დაიბანაკეს იორდანესა ზედა, საშუვალ ესიმოთსა მიაბელსატტიდმდე, რომელ არს დასავალით მოაბსა.
და ეტყოდა უფალი მოსეს დასავალით მოაბსა, იორდანესა ზედა, იერიქოთ კერძო, და თქუა:
ეტყოდე ძეთა ისრაელისათა და არქუ მათ: თქუენ წიაღ-ხუალთ იორდანესა ქუეყანად ქანანისად,
და წარსწყმიდნეთ ყოველნი დამკჳდრებულნი ქუეყანასა მას პირისაგან თქუენისა და მოსპოთ ყოველი ბაგინები მათი და ყოველი კერპები დასხმულები იგი მათი წარწყმიდოთ და ყოველი ძეგლები მათი მოსპოთ;
და წარსწყმიდნეთ ყოველნი იგი მკჳდრნი მის ქუეყანისანი და და\ეშენენით Page of ms. S: 305v მას შინა, რამეთუ თქუენ მიგეც ქუეყანა იგი მათი ნაწილად;
... წილით ნათესავად-ნათესავთა თქუენთა: უმრავლესთა განამრავლოთ სამკჳდრებელი მათი და უმცირესთა დაამციროთ სამკჳდრებელი მათი. რომელსაცა აღმოჴდეს სახელი მისი მუნ, მისი იყოს, ნათესავადნათესავად ტომთა თქუენთა დაიმკჳდრეთ.
უკუეთუ არა წარსწყმიდნეთ მკჳდრნი იგი მის ქუეყანისანი პირისაგან თქუენისა, და იყუნენ, რომელნიიგი დაუტევნეთ მათგანნი, ჩნდე თუალთა თქუენთა და ისარ გუერდთა თქუენთა, და გემტერნენ თქუენ ქუეყანასა ზედა, რომელსა მკჳდრ იყუნეთ.
და იყოს, ვითარ-იგი ჯერ-იყო ყოფად მათა, გიყო თქუენ.
