TITUS
Vetus testamentum iberice: Exodus (rec. AK)
Part No. 74
Previous part

Chapter: 29  
თავი XXIX


Verse: 1   Link to mcat Link to sept   და თთუესა მას მეშჳდესა, ერთსა თთჳსასა, წოდებულ წმიდა იყოს თქუენდა, ყოველივე საქმე სამსახურებელი არა ჰქმნეთ; დღედ შესწავებულად იყავნ თქუენდა.

Verse: 2   Link to mcat Link to sept   ჰყვით მსხუერპლენი სულად სულნელად უფლისა: ზუარაკი ერთი ზროხათაგან, ვერძო ერთი, ტარიგნი წელიწდეულნი შჳდნი უბიწონი.

Verse: 3   Link to mcat Link to sept   და შესაწირავი მათი: სამინდო, შექმნული ზეთითა, სამი ათეულისაგანი ზუარაკსა მას ერთსა და ორი ათეულისაგანი ვერძსა მას ერთსა,

Verse: 4   Link to mcat Link to sept   და მეათე ათეულისაგანი ტარიგსა მას ერთსა შჳდთავე მათ ტარიგთა,

Verse: 5   Link to mcat Link to sept   და ვაცი თხათაგან ერთი ცოდვისათჳს სალხინებელად თქუენდა,

Verse: 6   Link to mcat Link to sept   თჳნიერ ყოვლადმწუართა მათ ახალთთჳსათა და შესაწირავი მათი, ღჳნო მათი და ყოვლად Page of ms. S: 295r  მწუარი იგი სამარადისო და შესაწირავი მათი ბრძანებულისაებრ მათისა სულად სულნელად უფლისა.

Verse: 7   Link to mcat Link to sept   და მეათე იგი მის თთჳსა წმიდა წოდებულ იყავნ თქუენდა და არა განიბოროტნეთ სულნი თქუენნი და ყოველი საქმე სამსახურებელი არა ჰქმნეთ.

Verse: 8   Link to mcat Link to sept   და შესწიროთ მრგულიად-მწუარი სულად სულნელად ნაყოფად უფლისა: ზუარაკი ერთი, ვერძი ერთი, ტარიგნი წელიწდეულნი შჳდნი. უბიწონი იყვნედ თქუენდა.

Verse: 9   Link to mcat Link to sept   შესაწირავი მათი: სამინდო, აღმზადებული ზეთითა, სამი ათეულისაგანი ზუარაკსა მას ერთსა და ორი ათეულისაგანი ეერძსა მას ერთსა,

Verse: 10   Link to mcat Link to sept   და მეათე ათეულისაგანი ტარიგსა მას ერთსა შჳდთავე მათ ტარიგთა,

Verse: 11   Link to mcat Link to sept   და ვაცი ერთი ცოდვისათჳს სალხინებელად თქუენ შორის, თჳნიერ მისა, რომელ-იგი ცოდვისათჳს არს სალხინებელად, და მრგულიად-მწუხარისაჲ მის სამარადისოსა და შესაწირავი მისი და ღჳნო მისი ბრძანებისა მისებრვე სულად სულნელად ნაყოფად უფლისა.

Verse: 12   Link to mcat Link to sept   და მეათხუთმეტე იგი დღე მეშჳდისა მის თთჳსაჲ წმიდა წოდებულ იყავნ თქუენდა, ყოველივე საქმი სამსახურებელი არა ჰქმნეთ და დღე\სასწაულობდით Page of ms. S: 295v   უფლისა შჳდ დღე.

Verse: 13   Link to mcat Link to sept   და შესწიროთ მას (!) მრგულიად-მწუარები ნაყოფი სულად სულნელად უფლისა: დღესა მას პირველსა ზუარაკი ზროხათაგან ათცამეტ... უბიწო იყვნედ,

Verse: 14   Link to mcat Link to sept   შესაწირავნი მათნი: სამინდო, აღმზადებული ზეთითა, სამი ათეულისაგანი ზუარაკსა მას ერთსა ათცამეტთავე მათ ზუარაკთა და ორი ათეულისაგანი ვერძსა მას ერთსა ორთავე მათ ზედა ვერძთა,

Verse: 15   Link to mcat Link to sept   და მეათე ათეულისაგანი ტარიგსა მას ერთსა ათოთხმეტთავე მათ ზედა ტარიგთა,

Verse: 16   Link to mcat Link to sept   და ვაცი თხათაგან ერთი ცოდვისათჳს, თჳნიერ მრგულიად-მწურისა მის სამარადისოსა შესაწირავნი მათნი და ღჳნო მათი,

Verse: 17   Link to mcat Link to sept   და დღესა მას მეორესა ზუარაკები ათორმეტ, ვერძი ორ, ტარიგი წელიწდეული უბიწონი ათოთხმეტ,

Verse: 18   Link to mcat Link to sept   შესაწირავი მათი და ღჳნო მათი ზუარაკთა მათ და ვერძთა და ტარიგთა მსგავსად რიცხჳსა მათისა და ბრძანებულისა მათისა,

Verse: 19   Link to mcat Link to sept   ვაცი თხათაგან ერთი ცოდვისათჳს მრგულიად-მწურისა სამარადისოსა, შესაწირავი მათი, ღჳნო მათი.

Verse: 20   Link to mcat Link to sept   დღესა მესამესა ზუარაკები ათერთმეტ ვერძი ორ, ტარიგი წელიწდეული ათოთხმეტ, უბიწონი იყვნედ,

Verse: 21   Link to mcat Link to sept   შესაწირავი მათი Page of ms. S: 296r   და ღჳნო მათი ზუარაკთა მათთა თანა და ტარიგთა მსგავსად რიცხჳსა მათისა და ბრძანებულისა მათისა,

Verse: 22   Link to mcat Link to sept   ვაცი თხათაგან ერთი ცოდვისათჳს, თჳნიერ მრგულიადმწურისა მის სამარადისოსა შესაწირავი მათი და ღჳნო მათი.

Verse: 23   Link to mcat Link to sept   დღესა მეოთხესა ზუარაკები ათ, ვერძი ორ, ტარიგი წელიწდეული უბიწო ათორმეტ,

Verse: 24   Link to mcat Link to sept   შესაწირავი მათი და ღჳნო მათი ზუარაკთა მათთა თანა და ვერძთა და ტარიგთა მსგავსად რიცხჳსაებრ მათისა და ბრძანებულისა მათისა,

Verse: 25   Link to mcat Link to sept   და ვაცი თხათაგან ერთი ცოდვისათჳს თჳნიერ მრგულიად-მწურისა მის სამარადისოსა და შესაწირავისა მათისა და ღჳნისა მათისა.

Verse: 26   Link to mcat Link to sept   დღესა მეხუთესა ზუარაკები ცხრა, ვერძი ცხრა, ტარიგი წელიწდეული ათოთხმეტ, უბიწონი იყვნენ,

Verse: 27   Link to mcat Link to sept   შესაწირავი მათი და ღჳნო მათი ზუარაკთა მათ თანა და ტარიგთა მსგავსად რიცხჳსა მათისა და ბრძანებულისა მათისა,

Verse: 28   Link to mcat Link to sept   და ვაცი თხათაგან ერთი ცოდვისათჳს, თჳნიერ მრგულიადმწურისა მის სამარადისოსა შესაწირავისა მათისა და ღჳნისა მათისა.

Verse: 29   Link to mcat Link to sept   დღესა მეექუსესა ზუარაკები რვა, ვერძი ორ, ტარიგი წელიწდეული ათოთხმეტ,

Verse: 30   Link to mcat Link to sept   შესაწირავნი მათნი და ღჳნო მათი ზუარაკთა მათ თანა და ვერძთა და ტარიგთა რიცხჳსაებრ მათისა და ბრძანებულისა მათისა,

Verse: 31   Link to mcat Link to sept   და ვაცი ერთი თხათაგან ცოდვისათჳს თჳნიერ მრგულიად-მწურისა მის სამარადისოსა შესაწირავისა მათისა და ღჳნისა მათისა.

Verse: 32   Link to mcat Link to sept   დღესა მეშჳდესა ზუარაკები შჳდ, ვერძი Page of ms. S: 296v   ორ, ტარიგი წელიწდეული ათოთხმეტ,

Verse: 33   Link to mcat Link to sept   შესაწირავი მათი და ღჳნო მათი ზუარაკთა მათ თანა და ვერძთა და ტარიგთა მსგავსად რიცხჳსა მათისა და ბრძანებულისა მათისა,

Verse: 34   Link to mcat Link to sept   და ვაცი თხათაგან ერთი ცოდვისათჳს, თჳნიერ მრგულიად-მწურისა მის სამარადისოსა და შესაწირავისა მათისა და ღჳნისა მათისა.

Verse: 35   Link to mcat Link to sept   და დღე იგი მერვე განსლვად დღესასწაულისა იყავნ თქუენდა: ყოველი საქმე სამსახურებელი არა ჰქმნეთ მას შინა.

Verse: 36   Link to mcat Link to sept   და შესწიროთ მრგულიად-მწუარი სულად სულნელად უფლისა: ზუარაკი ერთი, ვერძი ერთი, ტარიგნი წელიწდეულნი უბიწონი შჳდნი,

Verse: 37   Link to mcat Link to sept   შესაწირავი მათი და ღჳნო მათი ზუარაკსა მას თანა და ვერძსა და ტარიგსა რიცხჳსაებრ მათისა და ბრძანებულისა მათისა და შესაძრწუნებელისა მათისა,

Verse: 38   Link to mcat Link to sept   და ვაცი თხათაგან ერთი ცოდვისათჳს, თჳნიერ მწუარისა მის სამარადისოსა შესაწირავი მათი და ღჳნო მათი.

Verse: 39   Link to mcat Link to sept   ამას შესწირევდით უფალსა დღესასწაულთა თქუენთა, თჳნიერ აღნათქუამთა თქუენთა და ნეფსითთა თქუენთა და Page of ms. S: 297r   ღჳნოთა და საცხოვრებელთა თქუენთა.



Next part


This text is part of the TITUS edition of Vetus testamentum iberice: Exodus (rec. AK).

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.