TITUS
Vetus testamentum iberice: Exodus (rec. AK)
Part No. 73
Previous part

Chapter: 28  
თავი XXVIII


Verse: 1   Link to mcat Link to sept   და ეტყოდა უფალი მოსეს და ჰრქუა:

Verse: 2   Link to mcat Link to sept   ამცენ ძეთა ისრაელისათა Page of ms. S: 293r   და არქუ მათ: ძღუენი ჩემი, მოსაცემელი ჩემი, პირველნაყოფი ჩემი სულად სულნელად დაიმარხეთ შემოწირვად ჩენდა დღესასწაულთა ჩემთა.

Verse: 3   Link to mcat Link to sept   და არქუ მათ: ესე არს ნაყოფი ჩემი, რომელი მოართუათ უფალსა: ტარიგნი წელიწდეულნი ორნი დღესა შინა ყოვლად-მწურად მარადღე.

Verse: 4   Link to mcat Link to sept   ტარიგი იგი ერთი ჰყო განთიად და ტარიგი იგი ერთი -- მიმწუხრი.

Verse: 5   Link to mcat Link to sept   და ჰყო მეათე სათოელისაჲ სამინდო შესაწირავად, შესუარული ზეთითა მეოთხე საწყაულისა.

Verse: 6   Link to mcat Link to sept   ყოვლად-მწუარი სამარადისოსაჲ, რომელი იყო მთასა სინასა სულად სულნელად უფლისა.

Verse: 7   Link to mcat Link to sept   და საწდეველი მისი მეოთხე მერისა ღჳნოჲ ერთსა მას ტარიგსა: წმიდასა მას შინა ასხუროდი საწდეველი თაფლუჭად უფლისა.

Verse: 8   Link to mcat Link to sept   და ტარიგი იგი მეორე ჰყო მიმწუხრი, სულნელებისა მისებრვე მისისა და საწდეველისა მისებრ მისისა სულად სულნელად უფლისა.

Verse: 9   Link to mcat Link to sept   და დღესა შაბათსა მოიბნეთ ტარიგნი უბიწონი წელიწდეულნი ორნი და ათეულისაგანი ორი სამინდოჲ, აღმზადებული ზეთითა, შესაწირავად

Verse: 10   Link to mcat Link to sept   და საწდეველად ყოვლად-მწუარი შაბათთა შინა ყოვლად-დასაწუელსა მას ზედა სამარადისოსა [და] ღჳნოჲ მისი.

Verse: 11   Link to mcat Link to sept   ახალთთჳსათა შემოსწიროთ ყოვლად-მწურად უფლისა: ზუარაკნი ზროხათაგან Page of ms. S: 293v   ორნი, ვერძი ერთი, ტარიგნი წელიწდეულნი შჳდნი უბიწონი,

Verse: 12   Link to mcat Link to sept   სამი ათეულისაგანი სამინდო, აღმზადებული ზეთითა მეოთხითა საწყაულისათა, ზუარაკსა მას ერთსა, ორი ათეულისაგანი სამინდო, აღმზადებული ზეთითა, ვერძსა მას ერთსა,

Verse: 13   Link to mcat Link to sept   და მეათე სამინდოსა ტარიგსა მას ერთსა შესაწირავად სულად სულნელად, პირველნაყოფად უფლისა.

Verse: 14   Link to mcat Link to sept   ღჳნო მათი: კერძო საწყაულისაჲ ჰყო ზუარაკსა მას ერთსა და მესამე საწყაულისა იყოს ვერძსა მას ერთსა და მეოთხე საწყაულისაჲ იყოს ღჳნო ტარიგსა მას ერთსა; ესე ყოვლად-ლასაწუელი თთჳთითთუედ თთუეთა წელიწადისათა.

Verse: 15   Link to mcat Link to sept   და ვაცი თხათაგან ერთი ცოდვისათჳს, ყოვლად-დასაწუელსა მას თანა სამარადისოსა ჰყოდით ღჳნოჲ მისი.

Verse: 16   Link to mcat Link to sept   და თთუესა მას პირველსა, მეათოთხმეტესა [დღესა] თთჳსასა, -- პასქა უფლისაჲ, რომელ არს ვნებაჲ.

Verse: 17   Link to mcat Link to sept   და მეათოთხმეტესა ამის თთჳსასა დღესასწაულსა: შჳდ დღე უცომოსა შჭამდეთ.

Verse: 18   Link to mcat Link to sept   და პირველი იგი დღე წოდებულ წმიდა იყავნ თქუენდა: ყოველი საქმე სამსახურებელი არა ჰქმნეთ.

Verse: 19   Link to mcat Link to sept   და შემოსწიროთ ყოვლად-მწუარები ნაყოფად უფლისა: ზუარაკნი ზროხათაგან ორნი, ვერძი ერთი, ტარიგნი წელიწდეულნი შჳდნი, Page of ms. S: 294r   უბიწონი იყვნედ თქუენდა,

Verse: 20   Link to mcat Link to sept   და შესაწირავად ამათა: სამინდო, აღმზადებული ზეთითა. სამი ათეულისაგანი ზუარაკსა მას ერთსა და ორი ათისაგანი ვერძსა მას ერთსა ჰყვით,

Verse: 21   Link to mcat Link to sept   და ათისაგანი მეათე ტარიგსა მას ერთსა შჳდთავე მათ ტარიგთა

Verse: 22   Link to mcat Link to sept   და ვაცი თხათაგან ერთი ცოდვისათჳს სალხინებელად თქუენდა.

Verse: 23   Link to mcat Link to sept   თჳნიერ ყოვლად-დასაწუელისა მის სამარადისოსა განთიადისა, რომელ არს ყოვლად-დასაწუელი სამარადისო,

Verse: 24   Link to mcat Link to sept   და ესე ჰყვით დღესა ერთსა შჳდთა მათ დღეთასა: ძღუნად ნაყოფად სულად სულნელად უფლისა, ყოვლადდასაწუელთა მათთასა სამარადისოთა ჰყოდი ღჳნოჲ მისი.

Verse: 25   Link to mcat Link to sept   და დღე იგი მეშჳდე წოდებულ წმიდა იყავნ თქუენდა, ყოველივე საქმე სამსახურებელი არა ჰქმნეთ მას შინა.

Verse: 26   Link to mcat Link to sept   და დღეთა მათ ახალთასა, რაჟამს შესწირვიდეთ შესაწირავსა ახალსა უფლისა, წოდებულ წმიდა იყავნ თქუენდა, სამსახურებელი არა ჰქმნეთ მას შინა.

Verse: 27   Link to mcat Link to sept   და შესწიროთ ყოვლად-მწუარები სულად სულნელად უფლისა: ზუარაკნი ზროხათაგან ორნი, ვერძი ერთი, ტარიგნი წელიწდეულნი შჳდნი უბიწონი,

Verse: 28   Link to mcat Link to sept   შესაწირავი მათი: სამინდო, ქმნული ზეთითა, სამი ათი\საგანი Page of ms. S: 294v   ზუარაკსა მას ერთსა და ორი ათეულისაგანი ვერძსა მას ერთსა.

Verse: 29   Link to mcat Link to sept   და ათისაგანი მეათე ტარიგსა ერთსა შჳდთავე მათ ტარიგთა,

Verse: 30   Link to mcat Link to sept   და ვაცი ერთი თხათაგან ცოდვისათჳს სალხინებელად თქუენდა, თჳნიერ ყოვლად-მწუარებისა მის სამარადისოსა.

Verse: 31   Link to mcat Link to sept   და შესაწირავი მათი ჰყვით ჩემდად -- უბიწონი იყვნედ თქუენდა -- და ღჳნო მათი.



Next part


This text is part of the TITUS edition of Vetus testamentum iberice: Exodus (rec. AK).

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.