და მოვიდეს ძენი ისრაელისანი _ ყოველი იგი კრებული უდაბნოსა მას სინასასა თთუესა მას პირველსა და დაადგრა ერი იგი კადეს და მოკუდა მუნ მარიამ.
და არა იყო მუნ წყალი სმად ერისათჳს, და შეკრბეს მოსეს და აჰრონის ზედა,
და აგინებდეს მოსეს: ...მოთუმცა-მწყდარ ვიყუენით ჩუენ წარწყმედითა ძმათა ჩუენთათა წინაშე უფლისა.
და რაჲსათჳს მოვიყუანეთ კრებული ესე უფლისაჲ უდაბნოსა მას? მოწყუედად ჩუეწდა და პირუტყუთა ჩუენთა?
და აღმო-ვე-რაჲსა-მიყუანენ ჩუენ ეგჳპტით ქუეყანასა ამას ბოროტსა, ადგილსა, რომელსა არა ითესვის, არცა არს ლეღჳ, არცა ვენაჴი, არცა მროწეული, არცა არს წყალი სუმად?
და შევიდეს მოსე და აჰრონ პირისაგან მის კრებულისა კარვად საწამებელისა და დაცჳვეს იგინი პირსა ზედა თჳსსა, და გამოჩნდა დიდებაჲ უფლისაჲ მათ ზედა.
და ეტყოდა უფალი მოსეს და ჰრქუა:
მიიღეთ კუერთხი ეგე და შეკრიბეთ კრებული ეგე შენ და აჰრონ, და ეტყოდეთ კლდესა მას წინაშე მათსა და მოს\ცეს Page of ms. S: 278v წყალი, და გამოუდინეთ წყალი კლდისაგან, და სუას კრებულმან მაგან და პირუტყუთა მათთა.
და მოიღო მოსე კუერთხი იგი წინაშე უფლისა, ვითარცა უბრძანა მას უფალმან.
და შეკრიბეს კრებული იგი წინაშე კლდისა მის, და ჰრქუა მათ მოსე: ისმინეთ ჩემი, ურჩნო, ნუუკუე ამის კლდისაგან გამოგიდინო თქუენ წყალი?
და აღიპყრა ჴელი მოსე და სცა კლდესა მას ორგზის კუერთხითა მით, და გამოეცა წყალი ფრიად და სუა კრებულმან მან და საცხოვარმან მათმან.
და ჰრქუა უფალმან მოსეს და აჰრონს: რამეთუ არარაჲ გრწმენა წმიდა-ყოფაჲ ჩემი წინაშე ძეთა ისრაელისათა, ამისთჳს არა შეიყუანოთ თქუენ კრებული ესე ქუეყანასა მას, რომელი მივეც მათ.
ესე არს წყალი გინებისა, რამეთუ აგინებდეს ძენი ისრაელისანი მოსეს წინაშე უფლისა, და იდიდა მათ ზედა.
და წარავლინნა მოსე მოციქულნი კადეთ მეფისა ედომისა და ჰრქუა: ამას იტყჳს ძმაჲ შენი ისრაელი: უწყი ყოველივე რუდუნებაჲ, რომელთა გჳპოვნეს ჩუენ.
რამეთუ შთავიდეს მამანი ჩუენნი ეგჳპტეს და ვმწირობდით ჩუენ მუნ დღეთა მრავალთა და ბოროტსა გჳყოფდეს ჩუენ ეგჳპტელნი და მამათა ჩუენთა.
და ღაღად-ვყავთ ჩუენ უფლისა მიმართ, და შეისმინა ჴმისა ჩუენისა და მოავლინა ანგელოზი მისი და გამოგჳყუანნა ჩუენ ეგჳპტით. და აწ ვართ ჩუენ კადეს Page of ms. S: 279r ქალაქსა, ერთ კერძო საზღურისა შენისა[ჲ]თ.
წარვიდეთ ადგილით შენით, არა განვლოთ ყანით შენით. არცა ვენაჴით, არცა ვსუათ წყალი ჯურღმულთაგან შენთა: გზა სამეუფო წარვლოთ, არა მივაქციოთ მარჯულ. არცა მარცხლ, ვიდრემდე წარვლოთ საზღვარი შენი.
და ჰრქუა მას ედომ: არა განვლო ჩემით, უკუეთუ არა, ბრძოლით განვიდე შემთხუევად შენდა.
და ჰრქუეს მას ძეთა ისრაელისათა: მთით კერძო წარვლოთ, უკუეთუ ვსუათ წყალი შენი მე და საცხოვარმან ჩემმან, სასყიდელი მიგცე შენ; არამედ საქმე ესე არარაჲ არს, მთით კერძო წარვიდეთ.
და ჰრქუა ედომ: არა წარვლო ქუეყანით ჩემით. და გამოვიდა ედომ წყობად მათა ერითა ძლიერითა და ჴელითა მტკიცითა.
და არა ენება ცემად წარსავალი ისრაელისაჲ საზღვართაგან მისთა, და მიაქცია მისგან ისრაელმან.
და წარვიდეს კადეთ და მოვიდეს ძენი ისრაელისანი ორდ მთად, და ყოველი იგი კრებული.
და ჰრქუა უფალმან მოსეს და აჰრონს ორს მთასა, საზღვარსა ქუეყანისა ედომისასა:
შეეძინენ აჰრონ ერსა თჳსსა, რამეთუ არა შევიდეს ქუეყანასა მას, რომელი მივეც ძეთა ისრაელისათა, რამეთუ განმარისხეთ მე წყალსა მას ზედა Page of ms. S: 279v გინებისასა.
წარიყუანენ აჰრონ და ელიაზარ, ძე მისი, და აღიყუანენ იგინი მთად ორდ, წინაშე ყოვლისა კრებულისა ძეთა ისრაელისათა,
და განსძარცუე აჰრონს სამოსელი მისი და შეჰმოსე იგი ელიაზარს, ძესა მისსა, და აჰრონ შეეძინოს და მოკუდეს მუნ.
და ყო ეგრე მოსე, ვითარცა უბრძანა მას უფალმან. და აღიყუანა იგი[ნი] ორდ, მთასა მას, წინაშე ყოვლისა კრებულისა ძეთა ისრაელისათა,
და განსძარცუა აჰრონს სამოსელი მისი და შეჰმოსა ელიაზარს, ძესა მისსა; და მოკუდა მუნ აჰრონ თხემსა ზედა მის მთისასა. და გარდამოვიდეს მისსა; და მოკუდა მუნ აჰრონ თხემსა ზედა მის მთისასა. და გარდამოვიდეს მოსე და ელიაზარ მიერ მთით.
და იხილეს ყოველმან კრებულმან, რამეთუ განეტევა აჰრონ, და სტიროდეს ოცდაათ დღე ყოველი სახლი ისრაელისა.
