და იტყოდა კორე, ძე ისსაარისიძისა კაათისა, ძისა ლევისი და დათან და აბირონ, ძენი ელიაბისნი (და ან, ძე ფალეკისი, ძისა რუბენისი) და ავნან ძე ფალეთისი, ძისა რუბენისი,
და აღდგეს წინაშე მოსესსა და კაცნი ძეთა ისრაელისათანი ორასერგასისნი, მთავარნი კრ\ებულისანი, Page of ms. S: 270v წოდებულნი ზრახვისანი და კაცნი სახელოვანნი.
შეკრბეს მოსეს ზედა და აჰრონის ზედა და თქუეს: გაქუნდინ თქუენ, რამეთუ ყოველი ეგე კრებული ყაველნი წმიდა არიან და მათ შორის უფალი. და რაჲსათჳს აღდგომილ ხართ თქუენ კრებულსა ზედა უფლისასა?
და ესმა ესე მოსეს და დავარდა პირსა ზედა, თჳსსა
და ეტყოდა კორეს და ყოველსა კრებულსა მისსა და ჰრქუა: მოხედა და იცნა ღმერთმან, რომელნი-იგი არიან მისნი და წმიდანი მისნი, და მოიყუანნა იგინი თავისა თჳსისა; და რომელნი არა გამოირჩინა, არა მოიყვანნა თავისა თჳსისა.
აწ ესე ყავთ: მოიღეთ სასაკმევლე თქუენი კორე და ყოველმან კრებულმან მისმან
და შთაასხათ მას ცეცხლი და დაასხათ მას ზედა საკმეველი წინაშე უფლისა ხვალე; იყოს, კაცი, რომელი გამოირჩიოს უფალმან, წმიდა არს იგი, კმა იყავნ თქუენდა ძენო ლევისნო!
და ჰრქუა მოსე კორეს: ისმინეთ ჩემი, ძენო ლევისნო!
მცირე არსა ესე თქუენდა, რამეთუ გამოგირჩინა თქუენ ღმერთმან ისრაელისამან კრებულისაგან ისრაელისა და მოგიყუანნა თქუენ თავისა თჳსისა მსახურებად მსახურებასა კარვისა უფლისასა და წარდგომად წინაშე კრებულისა და მსახურებად მისა?
და მოგიყვანნა შენ და ყოველნი ძმანი შენნი, ძენი ლევისნი, ნი, შენ თანა, და გნებავს კუალად მღდელობაჲ?
ესრეთ შენ და კრებულსა შენსა, რომელნი შეკრებულ ხართ ღმრთისა ზედა, და აჰრონ ვინ არს, რამეთუ სდრტჳნავთ მისთჳს?
და მიავლინა მოსე წოდებად დათანისა და აბირონისა, ძეთა ელიაბისთა. Page of ms. S: 271r და თქუეს: არა აღვალთ!
მცირე არს ნუ ესე, რამეთუ გამოგჳყუანე ჩუენ ქუეყანისაგან, გამო,მცემელისა სძისა და თაფლისა, მოსრვად ჩუენდა უდაბნოსა ზედა? რამეთუ შენ გუმძლავრობ ჩუენ, და აწ შენ მთავარ ხარ?
და ქუეყანასა, გამომცემელსა სძისა და თაფლისასა, შეგჳყუანენ ჩუენ და გუეც ჩუენ სამკჳდრებელი ყანებისა და ვენაჴებისა? და თუალნი მათ კაცთანი აღმოუთხიენ? აწ არა აღვალთ!
და ფიცხლად განრისხნა მოსე ფრიად და თქუა უფლისა მიმართ: ნუ მოხედავ შესაწირავსა ზედა მათსა, რამეთუ არარაჲ გულისსათქუმელი არავისი მათგანისა მოვიღე, არცა ბოროტი უყავ მაგათგანსა ვის.
და ჰრქუა მოსე კორეს: წმიდა ყავ კრებული ეგე შენი და მზა იყვენით წინაშე უფლისა, შენ და იგინი და აჰრონ ხვალე,
და მოიღეთ კაცად-კაცადმან სასაკმევლე თჳსი და დადევით მას ზედა საკმეველი, და მოიღეთ წინაშე უფლისა კაცად-კაცადმან სასაკმევლე თჳსი, ერგასის და ერგასისი სასაკმევლე: შენ და აჰრონ თქუენი სასაკუმევლე,
და მოიღო კაცად-კაცადმან სასაკუმევლე იგი თჳსი და დადვეს მათ ზედა ცეცხლი და დაასხეს მას საკუმეველი, და დადგეს კართა ზედა კარვისა მის საწამებელისათა მოსე და აჰრონ.
და ზედა-მიუვლინა მათ კორე ყოველი კრებული თჳსი კართა თანა კარვისა მის სა\წამებელისათა Page of ms. S: 271v და დიდებაჲ უფლისაჲ გამოჩნდა ყოველსა ზედა კრებულსა.
და ეტყოდა უფალი მოსეს და აჰრონს და ჰრქუა:
განეშორენით კრებულისა მაგისგან და აღვჴოცნე იგინი ყოვლად.
და დავარდეს პირსა ზედა მათსა და თქუეს: უფალო, უფალო სულთა და ყოველთა ჴორცთაო, კაცმან თუ ერთმან ცოდა, ყოველსა ზედა კრებულსა რისხვაჲ უფლისაჲ იყოსა?
და ეტყოდა უფალი მოსეს და ჰრქუა:
ეტყოდე კრებულსა ამას და არქუ: განეშორენით გარემოს კრებულსა ამას კორესსა.
და აღდგა მოსე და მივიდა დათანისა და აბირონისა, და მივიდეს მის თანა ყოველნი კრებულნი ისრაელისანი.
და ეტყოდა კრებულსა მას და თქუა: განეშორენით კარავთაგან კაცთა ამათ ფიცხელთასა და ნუ შეეხებით ყოველსა, რაჲცა არს Page of ms. S: 272r მათი, ნუუკუე წარსწყმდეთ ცოდვათა მათთა თანა.
და გამოეშორნეს გარემო კარავთა მათ კორესთა, და გამოვიდეს დათან და აბირონ და დადგეს კართა თანა კარვისა მათისათა ცოლით და შვილით მათითურთ და ყოველი ჭურჭელი მათი.
და თქუა მოსე: ამით სცნათ, რამეთუ უფალმან მომავლინა მე საქმედ ყოვლისა ამის საქმისა და არა თავით ჩემით.
უკუეთუ სიკუდილისაებრ ყოვლისა კაცისა მოსწყდენ ესენი, გინათუ მოხედვისაებრ ყოველთა კაცთასა მოხედვა იყოს მათა, არა უფალმან მომავლინა მე;
არამედ საოცრად აჩუენოს და განაღოს ქუეყანამან პირი თჳსი და შთანთქნეს იგინი და სახლნი მათნი და საყოფელნი მაგათნი და ყოველი, რაოდენი არს მაგათი, და შთაჴდენ ყოველნი ჯოჯოხეთა და სცნათ, რამეთუ განარისხეს კაცთა ამათ უფალი.
და ვითარცა დასცხრა მოსე სიტყუად ყოვლისა ამის სიტყჳსა, განსთქდა ქუეყანა ქუეშე მათსა
და განეღო და შთათქნა იგინი და სახლნი მათნი და ყოველნი კაცნი, რომელნი იყვნეს კორეს თანა, და ყოველივე საცხოვარი მათი
და ყოველივე, რაჲცა იყო მათი ცხოველნი, შთაჴლეს ჯოჯოხეთა და დაფარნა იგინი ქუეყანამან და წარწყმდეს იგინი შორის კრებულისა მის.
Page of ms. S: 272v და ყოველი ისრაელი ივლტოდა გარემო ჴმისაგან მათისა, რამეთუ თქუეს: ნუუკუე ჩუენცა შთამთქნეს ქუეყანამან.
და ცეცხლი გამოვიდა უფლისაგან და შეჭამნა ორასერგასისნი იგი კაცნი, რომელთა მოაქუნდა საკუმეველი.
