ეტყოდა უფალი მოსეს და ჰრქუა:
მოიღე რიცხჳ იგი ძეთა კაათისთა შორის ძეთა ლევისთა ტომად-ტომადი მათი და სახლად-სახლად[ი] მამათა მათთაჲ,
ოცდახუთისა წლისათ და უზეშთაესი ვიდრე ერგასის წლადმდე, ყოველი, რომელი შევიდოდის მსახურებად და საქმედ ყოვლისავე საქმისა კარვისა საწამებელისა.
და ესე საქმე იყოს ძეთა კაათისთა კარავსა მას წამებისასა, წმიდასა წმიდათა[სა].
და შევიდენ აჰრონ და ძენი მისნი, რაჟამს აღიძრას ბანაკი იგი და გარდამოჰ\ჴსნენ Page of ms. S: 147v კრეთსაბმელი იგი, რომელი აგრილობდა, და დახურონ მით კიდობანი იგი წამებისა,
და დასდვან საბურველი იგი ტყავი ჳაკინთონი და დაჰბურონ მას სამოსელი ყოლად ჳაკინთონი ზედა კერძო და განუთხინენ აღსაღებელნი,
და ტაბლასა მას წინაშესა დასდვან მას ზედა ყოლად ძოწეული სამოსელი, პინაკები და ფიალები და ციცხუები და ტაკუკები, რომლითა-იგი შესწირვიდეს, და პურნი იგი სამარადისონი მას ზედა იყვნენ;
და დადვან მას ზედა სამოსელი მეწამული და დაფარონ იგი საბურველითა ტყავისა ჳაკინთონისათა და განუთხინენ მას აღსაღებელნი იგი;
და მოიღონ სამოსელ, ჳაკინთონი და შეხურონ სასანთლე იგი, რომელ-იგი ჰნათობნ, და ორნი სანთელნი მისნი და მოსაყოფელნი მისნი და ყოველივე ჭურჭელი ზეთისაჲ, რომლითა-იგი ჰმსახურებედ,
და შთადვან იგი და ყოველი ჭურჭელი მისი Page of ms. S: 249r საბურველსა ტყავისა ჳაკინთონისასა და დადვან იგი აღსაღებელთა მათ ზედა.
და საკურთხეველსა მას ზედა ოქროსასა დაჰბურონ საბურველი ჳაკინთონი და დაფარონ იგი ტყავითა ჳაკინთონისათა და განუთხინენ აღსაღებელნი მისნი.
და მოიღონ ყოველი ჭურჭელი სამსახურებელი, რომლითა ჰმსახურებდენ მით სიწმიდეთა შინა და შთადვან იგი სამოსელსა შინა იაკინთოსა და დაფარონ იგი საბურველითა ტყავითა ჳაკინთონითა და დადვან იგი აღსაღებელთა მათ ზედა.
და საბურველი იგი დაჰბურონ საკურთხეველსა და დასდვან მას სამოსელი ყოვლად ძოწეული
და დაასხან მას ზედა ყოველი ჭურჭელი, რომლითა მსახურებდენ მით: საცეცხურები იგი და ფიალები, საბურველი და ყოველი ჭურჭელი საკურთხეველისაჲ და დასდვან მას ზედა საბურველი ტყავი იაკინთონი და განუთხინენ მას აღსაღებელნი ტყავნი Page of ms. S: 249v მისნი. და მოიღონ სამოსელი ძოწეული და შეხურონ ემბაზსა მას და ხარისხთა მისთა და შთადვან იგი საბურველსა ტყავისა ჳაკინთოსა და დადგან იგი აღსაღებელთა მათ.
და აღასრულონ არონ და ძეთა მისთა დაბურვაჲ იგი სიწმიდისაჲ მის და ყოველი ჭურჭელი წმიდაჲ ტრვასა მას ბანაკისასა. ამისა შემდგომად შევიდენ ძენი კაათისნი აღებად და არა შეეხნენ სიწმიდეთა მათ, რაჲთა არა მოწყდენ. ესე აღიღოდინ ძეთა კაათისთა კარავსა მას საწამებელისა[სა].
და მოღუაწემან ელიაზარ, ძემან აჰრონ მღდელისამან: ზეთი იგი სანთლისა და საკმეველი შეზავებული და შესაწირავი იგი დღითიდღედ[ი] და ზეთი იგი ცხებისა და საღუაწოჲ ყოველი კარვისა, რავდენი არს სიწმიდესა მას შინა, და ყოველივე საქმარი მისი.
და ეტყოდა უფალი მოსეს და აჰრონს და ჰრქუა:
ნუ მოსრავთ ნათესავსა გუნდისა მის კაათისსა შორის ლევიტელთა,
Page of ms. S: 250r ესრეთ ყავთ მათა მიმართ და ცხონდენ და არა მოწყდენ, მო-რაჲ-ვიდოდიან იგინი წმიდასა მას წმიდათასა: და აჰრონ და ძენი მისნი შევიდენ და დაადგინონ კაცად-კაცადი მათი მსგავსად აღსაღებელისა მათისა;
და არა შევიდენ იგინი მეყსეულად ხილვად წმიდასა მას წმიდათასა, რაჲთა არა მოწყდენ.
ეტყოდა უფალი მოსეს და ჰრქუა:
მოიყვანენ თავად-თავად ძენი გეთსონისნი და სახლად-სახლადი მამათა მათთა და ტომად-ტომადი იგი მათი,
ოცდახუთით წლითგან და უზეშთაესი ვიდრე ერგასის წლადმდე, და აღიხილენ, ყოველი, რომელი შევიდოდის მსახურებად და საქმედ საქმესა თჳსსა კარავსა მას შინა წამებისასა.
ესე არს მსახურებაჲ ტომისა გეთსონისი მსახურებად და აღღებად აღსაღებელსა:
მაშკები კარვისაჲ და კარავი იგი წამებისაჲ და საბურველი მისი და სახურველი იგი ჳაკინთონი, რომელ არს ზედა კერძო მისა, და საბურველი იგი კარვისა საწამე\ბელისა Page of ms. S: 250v
და კარვის ძელები იგი ეზოსა მის და რაოდენი არს კარვისა მის საწამებელისაჲ და მეტი იგი, ყოველი ჭურჭელი სამსახურებელი, რომლითა ჰმსახურებედ.
ყონ იგი წინაშე პირსა აჰრონისსა და ძეთა მისთასა, და იყოს მსახურებაჲ იგი ძეთა გეთსონისთა ყოვლისა მისებრ მსახურებისა მათისა და ყოვლისა მისებრ საქმისა მათისა, და აღიხილნეთ იგინი სახელად-სახელად ყოველივე აღსაღებელი მათგან,
ესე არს მსახურებაჲ ძეთა გეთსონისთა კარავსა მას შინა წამებისასა და ჴუმილვაჲ მათი ჴელითა ითამარისითა, ძისა აჰრონ მღდლისათა.
ძენი მერარისნი, ტომად-ტომადი მათი და სახლად-სახლადი მამათა მათთა აღიხილენ იგინი,
ოცდახუთისა წლისათგანი და უზეშთაესი ვიდრე ერგასის წლადმდე, ყოველი, რომელი შევიდოდის მსახურებად და საქმედ კარავსა მას წამებისასა.
და ესე არს საცავი, აღსაღებელი Page of ms. S: 251r მათ მიერ ყოვლისა მისებრ საქმისა კარავსა მას შინა წამებისასა: სუეტისთავები იგი კარვისა, მოქლონები და სუეტები მისი და ხარისხი მისი, გარდასაბურველი და ხარისხები მათი და საბურველი კარისა მის კარვისა
და სუეტები იგი ეზოსა მის გარემო და ხარისხები მათი და სუეტნი იგი კრეთსაბმელისა ბჭისა მის ეზოსანი და ხარისხები მათი და მანაები მათი და საბლები და ყოველი სამსახურებელი მათი; სახელად-სახელად აღიხილენით იგინი და ყოველივე ჭურჭელი საცავი, აღსაღებელი მათ მიერ;
ესე არს სამსახურებელი ძეთა მერარისთა ყოველსა შინა საქმესა მათსა კარავსა მას წამებისასა ჴელითა იათამარისითა, ძისა აჰრონის მღდელისათა.
და აღიხილნეს მოსე და აჰრონ და მთავართა ისრაელისათა ძენი კაათისნი ტომად-ტომადისა მათისა და სახლისაებრ მამათა მათთასა,
ოცდახუთისა წლისათგან და უზეშთაესი ვიდრე ერგასის წლადმდე, ყოველი, რომელი შევიდოდის მსახურებად საქმესა კარვისა მის წამებისასა;
იყო რიცხჳ ტომად-ტომადისა მათისა ორ ათას შჳდას და ერგასის.
ესე არს აღხილვა ძეთა კაათისთა, Page of ms. S: 251v ყოველი, რომელი ჰმსახურებდა კარავსა მას წამებისასა, ვითარცა აღიხილნეს მოსე და აჰრონ სიტყჳთა უფლისაჲთა, ჴელითა მოსესითა.
და აღიხილნეს ძენი გეთსონისნი, ტომად-ტომადი მათი და სახლად-სახლადი მამათა მათთა,
ოცდახუთისა წლისათგანი და უზეშთაესი ვიდრე ერგასის წლადმდე, ყოველი, რომელი შევიდოდის მსახურებად საქმესა კარვისა მის წამებისასა;
იყო რიცხჳ ტომადტომადისა მათისა... ორ ათას ექუსას და ერგასის.
ესე არს აღხილვაჲ ძეთა გეთსონისთა, ყოველი, რომელი ჰმსახურებდა კარავსა მას წამებისასა, რომელნი აღიხილნეს მოსე და აჰრონ სიტყჳთა უფლისაჲთა, ჴელითა მოსესითა.
აღიხილნეს ტომნიცა ძეთა მერარისთანი, გუნდად-გუნდადი მათი და სახლად-სახლადი მამათა მათთა,
ოცდახუთისა წლისათგან და უზეშთაესი ვიდრე ერგასის წლადმდე, ყოველი, რომელი შევიდოდა მსახურებად საქმესა კარვისა მის წამებისასა;
იყო რიცხჳ სახლად-სახლადისა მათისა სამ ათას ორას.
ესე არს აღხილვაჲ ტომისა ძეთა მერარისთაჲ, რომელნი აღიხილნეს მოსე და აჰრონ სიტყჳთა უფლისაჲთა, ჴელითა მოსესითა.
ყოველივე აღხილული, რომელი Page of ms. S: 252r აღიხილეს მოსე და აჰრონ და მთავართა ისრაელისათა, ლევიტელნი იგი, ტომად-ტომადი მათი და სახლადსახლადი მამათა მათთა,
ოცით წლითგან და უზეშთაესი ვიდრე ერგასის წლადმდე, ყოველი, რომელი შევიდოდა საქმესა სიწმიდეთასა, აღსაღებელსა კარვისა წამებისასა,
და იყვნეს აღხილულნი იგი რვა ათას ხუთას და ოთხმეოც.
სიტყჳთა უფლისაჲთა, ჴელითა მოსესითა კაცად-კაცადი -- საქმესა მათსა ზედა და რომელი აღიღოდიან; და აღიხილეს, ვითარცა უბრძანა უფალმან მოსეს.
