drāyān-ǰōyišnīh ī ān ī aburnāyagān ī panǰ sālag ō bun nēst; ud az panǰ sālag Line: 2 tā haft sālag, ka-š pid pad hammōxtārīh a-wināh, ā-š ō bun nēst; ud ka wināhgār, Line: 3 ō bun ī pidar.
ud az hašt sālag tā pānzdah sālag, mard ud zan, agar-iz pad yašt kardan a-wināh, Line: 2 bē-š iϑā u aṣ̌əm vohū tuwān guftan, ud nē gōwēd, ā-š drāyān-ǰōyišnīh ōh Page: 92 Line: 1 bun; ud ka-š yašt narm tuwān kardan, ud iϑā aṣ̌əm vohū gōwēd, būd kē Line: 2 guft, kū ēdōn bawēd, čiyōn ka-š yašt nē kard ēstēd, ud GSTWPLYT nē bawēd, ud Line: 3 būd kē guft, kū drāyān-ǰōyišnīh nē bawēd.
drāyān-ǰōyišnīh har pehan-ēw ōh bawēd; ud ōy, kē yašt kard ēstēd, tanāpuhl-ēw; Line: 2 ōy, kē yašt nē kard ēstēd,, būd kē sē srōšočarnām guft.
drāyān-ǰōyišnīh paymānag tanāpuhl-ēw; ēn, kū har pehan-ēw, ayāb har pārag-ēw, Line: 2 ayāb har mizag-ēw, ā-m nē grift ēstēd.
drāyān-ǰōyišnīh ī ān, kē yašt nē kard ēstēd, abarag *ēw(!) pāyag xwārtar guft, Line: 2 mēdōmāh har dō ēk guft; ud u-š az ēd bē guft, čē ān, kē yašt nē kard ēstēd, Line: 3 u-š yatā ud ašemwohū nē wurrōyēd guftan, <ā>-š garāntar-iz ast, čiyōn ān, kē yašt Line: 4 kard ēstēd, u-š drōn nē wurrōyēd yaštan.
mēdōmāh guft, ē! gētō-xrīd nē bawēd; abarag guft, ē! gētō-xrīd pad har kas ōh Line: 2 bawēd, bē pad ān kas, kē yašt narm, ud pad wināhgārīh bē nē kunēd; ud pad Line: 3 ān zamān bawēd, ka andar zīndagīh ī ōy, pad framān ī ōy, pad ēn menišn, kū Line: 4 kāmam kardan, ā-m āstawānīh ī pad dēn, guft bawēd.
karr ud gung, ka-š ašem-ēw nē tuwān guftan, ā-š drāyān-ǰōyišnīh nē kunēd; ud Line: 2 ka-š aṣ̌əm-ēw tuwān guft, ā-š aṣ̌əm aṣ̌əm aṣ̌əm sē bār bē gōwēd ud agar-iš Line: 3 iϑā ud ašemwohū tuwān guftan, xūb; ud ka-š iϑā tanīhā tuwān guftan, ā-š kār nēst.
