TITUS
Denkard Book 7
Part No. 5
Previous part

Chapter: 4  

Paragraph: 0   abar abdīh ī paydāgīhist az hampursagīh fradom frāz tā haftom hampursagīh sar, ī būd andar drahnāy ī dah sāl vābarīgānīh ī-š pad waxšwarīh andar gēhān ud padīriftan ī burzāwand kaywištāsp dēn, čiyōn pas az dah sāl ī andar hampursagīh



Paragraph: 1     pad dō sāl ēk ēd ī paydāg kū ka az hampursagīh ī fradom abāz būd, ēg-iš pad fradom framān ī xwadāy dādār ohrmazd ēg ētāg andar kayagān ud karbān ram waxšwarīh ī-š dēn māzdēsn ud āštagīh ī ohrmazd xwānd. čiyōn pad buland wāng srūd mardōm ō dēn ī ohrmazd xwānd.

Paragraph: 2     čiyōn ēd ī dēn gōwēd kū: "ēg-iš be ō ham ārāst zarduxšt ō ēn ī mānišnōmand gōspandōmand <gēhān> ān ī pad hāzišn ī axw ī astōmand be nigerišnīh".

Paragraph: 3     ud ka ān ī awēšān niwēyišn ō niyōšišn-gōwišnīh be mad, ēg Page of ed.: 390  zarduxšt pad buland-rasišnīh abar be xwānd ō gēhān ī astōmand ī ahlāyīh.

Paragraph: 4     stāyīdan ī ahlāyīh ud nikōhīdan ī dēwān ud franāmišn māzdēsnīh ī zarduxšt ān ī amahraspandān ēzišn ud niyāyišn ō ašmā pahlom gōwēm; ud a-yazišnīh, ō dēwān ud xwēdōdah ān-iz pahlom āgāh-dahišnīh, kū az āgāhīh ī dād ēstēd astōwānīh kirbag ī ān meh andartom awēšān pid, duxt, pus burdār ud brād, xwāh.

Paragraph: 5     paydāg kū pad ān gōwišn anōšmar kayag ud karb ud dēwēzag abar zarduxšt sārīhīd ud ō-š ōš tuxšīd hēnd čiyōn ēd ī dēn gōwēd had : ēg mar be wiraxt hēnd, kē pad nazdīgīh nišast hēnd ī tur hunušag ud čardār ud brād ī tūr čiyōn mardōm kē šarm; kū-šān az xwēdōdah ī ōy guft kū ōh kunēd, šarm būd.

Paragraph: 6     ēn tūr, tūr <ī> urwēdādang ī usixšān čiyōn meh pādixšāy ī ān kustag būd, u-š was spāh ud nērōg dāšt.

Paragraph: 7     u-š guft mar u-š mēx stad kē kahīhist tūr ī urwēdādang ī usixšān hunušag kū-š: "padiš ēn mēx zanēm kē amā ān ī abzōnīg saxon ō ham gōmēzēd", kū čiš-ē ī padiš ēdōn abēgumān hēm kū nē abāyēd kardan, čiyōn xwēdōdah, ā-mān gumān hamē kunēd kū ōh abāyēd kardan.

Paragraph: 8     u-š guft tūr ī urwēdādang ī usixšān, kū mā ōy mard zanē, kē-m ēg az harwisp axw ī astōmand kāmag-dōisratom dīd ōz rasēd čē nē man ēd-rāy ka-š zanē dagr zamān Page of ed.: 391  dānāgīh būd sahist, kū andar ēn zamīg any dānāgīh nē bawēd ī ēdōn hanǰamanīg, čiyōn ēd ast kū ka mard-ē ī hanǰamanīg zanēnd dagr dānāgīh nē bawēd.

Paragraph: 9     u-š guft tūr ī urwēdādang ī usixšān kū: man rāy abaydāg kū hanǰamanīg hē?

Paragraph: 10     u-š guft zarduxšt kū: "nē ān ī hagirz a-frāz-guftār bawēm kē-š ō man guft ōy abzōnīgtom hāzišn andarag-gōwišnīh ud xēm wirāstan ud xwēdōdah ud dastwar kardan, yazišn kardan.

Paragraph: 11     ud ēdar hu-axwīh ud xwarrah ud amāwandīh ī zarduxšt ān ī passazag ō āštagīh ī abartom xwadāy ud dādār ohrmazd paydāgīhist wuzurg abdīh ō wasān dīdārīgīhist wuzurg frāzīh ī-š abar waxšwar ī dāmān kē pad nōgīh riftagōmand kas nihān-rawišn ud frēftār-gōnag xūb xōg nihuftag rāyēnišn.

Paragraph: 12     ēg a-xwēškārīh homānāg bīm-āyōz ud ahlomōγ ēwēnāg ēk-ēk amaragānīg hāxtār. ka ō was grōhīh rasēd andag-andag-iz ōy nimūdār ud kōxšīdār mehīh xwāstār bawēd.

Paragraph: 13     paydāg kū-š pad ān nēw-dilīh ud abartar mēnišnīh pad xwarrah ī ān stabr gund angad xīr ī was.

Paragraph: 14     būm pādixšāy tūr <ī> urwēdādang mayān xešmēn ud ō ōš ī ōy srādag ud anbōh ī kayagān ud karbān ō dēn ī ohrmazd xwānd čiyōn ēd ī dēn gōwēd kū: u-š guft zarduxšt kū: "stāy ahlāyīh tūr ī urwēdādang ī usixšān nikōh dēwān franām māzdēsnīh zarduxšt!".

Page of ed.: 392 
Paragraph: 15     u-š guft tūr ī urwēdādang ī usixšān kū: "zarduxšt ī spitāmān ma man ō ēd anāgīh hāzē kē andar tō-z hē".

Paragraph: 16     u-š guft zarduxšt kū: "pursīd az man ohrmazd kū zarduxšt: ka ō amā andar axwān be mad hē ā-t kē andar axw ī astōmand az mardōmān pahān-tuwāngarān ud mardōmān ī artēštārān sūd-xwāstārtom ud gōspandān-xwāstārtom ud dūr-nāmīgtom ud was-pihwtom, kū čiš wēš be dahēd; was dartom, kū dar ī āfrīn hanǰēnag dīd.

Paragraph: 17     man ō ōy passox guft kū: "tūr ī urwēdādang ī usixšān!".

Paragraph: 18     ud ōy ō man passox guft kū: "ān tō zarduxšt fradom az mardōmān artēštārān hāzē ō ēn dēn abar-mēnišnīh abar-gōwišnīh ud abar-warzišnīh kē ohrmazd ud zarduxšt agar ān zarduxšt hāzēd u-š wurrōyēd ud rawāgīh-iz ō ēd ī tō dahēd, padīrag-iz nišīnēd pad hāwištīh, ēd kū hāwištīh ī tō gōwēd ud kunēd ud dēn be niyōšēd ud rawāg kunēd, ān-iz hamē pas ast zarduxšt fradom az mardōmān artēštārān sūd-xwāstārtom gōspandān-xwāstārtom ud dūr-nāmīgtom ud was-dartom az awēšān kē ul zād ēstēnd nūn kē ul zāyēd az nūn frāz.

Paragraph: 19     ud agar ān zarduxšt nē hāzēd, u-š nē wurrōyēd nē ēd ī tō rawāgīh dahēd, nē niyōšēd nē tō padīrag nišīnēd čē nē tō padīrag nišīnēd ay kū-m dānišnīg kū nē hāzēd, abar ōy gōwē, zarduxšt kū: "zad xwāstār-ahlāyīh hē, ud tanāpuhlagān margarzān, xrōsišn dādār ō ruwān, čē ēdōn-iz ast ud ēd rāy margarzān bawēd čē-š hastīgīh ī dēn dānist".

Page of ed.: 393 
Paragraph: 20     čē tō gōwēm tūr ī urwēdādang ī usixšān kū: "zad-xwāstār ahlāyīh hē tanāpuhlagān margarzān xrōsišn dādar ō ruwān".

Paragraph: 21     ēk škaft ī dēwān paydāg kē har čē yazdān dušmen karb-ē vaēduuōi nām ahixtān ī ohrmazd.

Paragraph: 22     u-š guft ohrmazd kū: "a-šarm ēdōn ān mard zarduxšt kē-š pad man abar dām frāz dād-ēstēd kē xvānē : ohrmazd hōm čē az hēm pad ahlāyīh ǰud bēš, kū pad frārōnīh bēš az dāmān abāz dārēm amahraspandān ǰud bēš hēnd.

Paragraph: 23     ēg be raw zarduxšt, man rāy az ōy xwāhē kū pad xwēšīh ī man dār ē-sad tuštar ud kanīg ud āyōzišn ī čahār asp, ēdōn ōy ō gōw kū: "wēdišt" az tō ohrmazd xwāhēd ē-sad tuštar ud kanīg ud āyōzišn ī čahār aspān agar ō ōy dahē tō ray ud xwarrah pad ān dahišn ud agar ō ōy nē dahē tō duš-xwarrahīh pad ān nē dahišnīh".

Paragraph: 24     ēg be raft zarduxšt ān ō wēdišt ī āhixtān u-š ō ōy guft kū: "wēdišt ī āhixtān! ān az tō ohrmazd xwāhēd ē-sad tuštar ud kanīg ud āyōzišn ī čahār asp ud agar ō ōy dahē, tō ray ud xwarrah pad ān dahišn; ud agar ō ōy nē dahē tō duš-xwarrahīh pad ān nē dahišnīh".

Paragraph: 25     ud ān karb pad passox <ī> zarduxšt drāyīd kū: "-m nē az tō bēš, kū-m tuwāngarīh ast nē az kardan ī tō ud nē az ohrmazd. bagtar az hēm, ud pad tuwāngarīh frāztar hēm az ohrmazd-iz u-m was ān ē-hazārgānag ramag windīd ēstēd".

Page of ed.: 394 
Paragraph: 26     be raft zarduxšt abar ō ohrmazd, abar ō amahraspandān; u-š guft zarduxšt kū: "ohrmazd, mēnōg abzōnīg, dādār ī gēhān ī astōmandān ahlaw! ēdōn-iš ō man passox guft kū-m nē az tō bēš ud nē az ohrmazd. bagtar az hēm az tō ud ohrmazd-iz u-m was ān ī ē-hazārgānag ramag windīd ēstēd".

Paragraph: 27-28     u-š guft ohrmazd kū: az awēšān ī amā ray ud xwarrah ī zarduxšt ōy mard abar-mēnišnīh windīd ēstēd; kū gōspand amā dād. ōy abar-mēnišnīh was gōspandīh, ēg-iz ōy ēn pad ān ī pādāšn ka nē ān ī sidīgar šab frāz pad sar zīndag rasēd, pad ān sidīgar šab ōy gyān az kustag be ēstād hēnd, kū-š az ayārīhōmandīh abāz ēstād hēnd. haft ān ī rōšn ī spēd-doisar awēšān ān pad ulīh ul dawīd, ānōh pad ulīh ul parnām afrāz xward.

Paragraph: 29-30     ēk wuzurg bēšāzišnīh az āb ī hōmīgān zarduxšt az rōd ī dāitī ān ēn stad, ī ka wahman ō hampursagīh nīd. paydāgīhist, čiyōn pad gōwišn ī ohrmazd ō zarduxšt paydāg kū: pad awēšān āb ī hōmīgān kē barē zarduxšt! ma pad ān mardōm ī dēwēzag dēwān yazēnd ayāb ō ǰašnzār ān abar āhanǰānd ō gāw ān frāz barē, ī čahār sālag škast dašn ī syā mōy ī ǰiwōmand ud āb frāz-xwarišnīh ān gāw az ān wīmārīh be drust bawēd.

Paragraph: 31     be pas raft zarduxšt fradom andar axw ī astōmand kē im paršēd gāw nām būd ī sāyidān pad sar abar mānist.

Page of ed.: 395 
Paragraph: 32     u-š ō ōy guft paršīd gāw kū: "zarduxšt ī spitāmān ō man ēd āb dah ī hōmīgān kē barē!".

Paragraph: 33     u-š guft zarduxšt kū: "stāy tō ahlāyīh paršīd-gāw! ud nikōh dēwān. franām māzdēsnīh ī zarduxšt, andarag wattarān gōw!"

Paragraph: 34     stāyīd-iš paršīd-gāw u-š nikōhīd dēwān u-š [nē] az ōy padīrift māzdēsnīh ī zarduxšt, andarag ī wattarān guft.

Paragraph: 35     frāz ō ōy raft zarduxšt pad ān ahlāyīh-stāyišnīh ā-š ān āb ī hōmīgān kē burd zarduxšt, nē pad ān mardōm ī dēwēzag dēw yašt hēnd, u-š ō ān gāw ān frāz burd zarduxšt ī čahār sālag ī škast dašn ī syā mōy ī sōgōmand ud az ān āb frāz-barišnīh ān gāw az ān wīmārīh be drust būd.

Paragraph: 36     ēk ān ī az dwāristan ī ganāg-mēnōg ō kōxšišn ī zarduxšt paydāg, čiyōn dēn gōwēd kū: "az abāxtar nēmag frāz dwārīd ganāg-mēnōg ī purr-marg, u-š ēdōn dawist ōy ī duš-dānāg, ganāg-mēnōg ī purr-marg, kū: druz abar dwārīd ud murnǰēnīd ahlaw zarduxšt!".

Paragraph: 37-38     druz ō ōy abar dwārīd hēnd, but dēw ud seǰ ī nihān-rawišn ī frēftār, ud zarduxšt ahunawar frāz srūd, druz ō ōy stard abāz dwārīd hēnd. but dēw ud sēǰ ī nihān-rawišn ī frēftār.

Paragraph: 39     ud druz ō ōy dawist hēnd kū: "tar-nigerišn hē ganāg mēnōg!, kū čiš pad čim be nē nigerē ud ān framāyēd kardan nē šāyēd nē mān ān ī ōy ōš abar dīd kē spitāmān zarduxšt".

Paragraph: 40     az purr-xwarrahīh ī ahlaw zarduxšt pad mēnišn abar dīd kū: "dēw Page of ed.: 396  ī druwand duš-dānāg pad ān ī man ōš ham-pursēnd ud ul ēstād zarduxšt, frāz raft zarduxšt".

Paragraph: 41     ēdar paydāgīhist wuzurg abdīh ō wasān pad ān ī gōwēd kū: "u-š sang frāz dād dast dāšt ī kadag-masā būd ahlaw zarduxšt kē-š windīd-ēstād az dādār ohrmazd, mēnōg yaϑāahuwērēyō".

Paragraph: 42-43     ud ēk ēd ī nē ēwāz andar ērān-šahr ō ērān be andar harwisp būm ud ō har srādag paydāgīhist, škastan ī dēwān kālbod frāz srāyišnīh ī zarduxšt ahunawar. čiyōn ān ī gōwēd kū: čār ī kayān xwarrah yazēm, kē-š abar abāg būd ahlaw zarduxšt, pad abar-mēnišnīh abar-gōwišnīh abar-warzišnīh ī dēn, kē būd az harwisp axw ī astōmand pad ahlāyīh ahlawtom pad xwadāyīh xwadāytom ud pad ray rāyōmandtom ud pad xwarrah xwarrahōmandtom.

Paragraph: 44     ud pad wēnābdāgīh pēš az ān, dēwān padīd hēnd, u-šān pad wēnābdāgīh māyišn frawīd, u-šān pad wēnābdāgīh ǰeh be kašīd az mardōmān pad ān snōhišn garzīd. ā-šān stahmagīhātar warzīd dēwān

Paragraph: 45     pad awēšān ahunawar ī ahlaw zarduxšt frāz srūd andar zamīg nigān wāzīd hēnd harwisp dēw, kū-šān kālbod be škast.

Paragraph: 46     ud paydāg kū-šān pas az škastan ī-šān kālbod, pad dēw-karbīh andar gēhān paydāg būdan, wināhišn kardan nē šāyīd hēnd; nihān-xēmīh ō mardōmān paydāg būd hēnd mardōmān awēšān be šnāxt kū nē yazadān bē dēw hēnd.

Paragraph: 47     zarduxšt az gōwišnīh ī ohrmazd ō mardōm āhuft čiyōn andar ēd ī dēn pad gōwišnīh ō zarduxšt gōwēd kū: "čiyōn andar axw ī astōmand mardōmān dēw pad āfrāh pad dastwar dārēnd?" čiyōn hēnd kū: "gōwēnd kū pad dastwar abāyēnd dāštan?"

Page of ed.: 397 
Paragraph: 48     u-š guft ō zarduxšt ohrmazd kū: "čiyōn awēšān zarduxšt ī mardōm dēw pad āfrāh dārēnd? ud čiyōn hēnd, kū čē gōwēnd dēw kū-tān kunēm čē gōwēnd dēw kū-tān rasēd?"

Paragraph: 49     u-š guft zarduxšt kū: be pad ān ohrmazd be tazēnd mardōm ō ān ī a-mānišn ud šakar-dašt-ē, kū kas nē mānēd, az rōšnīh franāmišn ān tā ō hu-waxš rasēd, ka šab dō hāsar ud abāz ayāb az hu-frašmōdād ān tā ō ham-wardišnīh ka šab dō hāsar šud kū ānōh nē kunišn mardōmān nē sagān wāng ašnawēnd.

Paragraph: 50     ēg pad ān gōwēnd: "pad abāz-rasišnīh kū ānōh ō dēwān ham-pursīd hēm, ka sāstārīh pēšōbāyīh az awēšān zayēm, ān ō amā dahēnd. ka pahōmandīh ud tuwāngarīh az awēšān zāyēm, ān ō amā dahēnd.

Paragraph: 51     čiyōn ēdōn čiš pad awešan zarduxšt kunēnd? kū-šān dād, dād čiyōn rasēd, kū-šān gōwēnd kū-mān mad.

Paragraph: 52     u-š guft zarduxšt kū ǰud pad ān ohrmazd ābādīh gōwēnd, ast kē ēdōn gōwēd kū: "hamē pas ramagōmandtar būd hēm, tā ka ō dēwān hampursagīh hēm, ud ast kē ēdōn gōwēd kū: hamē pad wadagtar ud duš-xwarrahtar būd hēm tā ka ō-šān dēwān ham-pursīd hēm." čiyōn pad awēšān az dēwān be bawišnīh dārēnd, kū Page of ed.: 398  ka az dēwān ǰud be bawēnd, abar gōwēnd?"

Paragraph: 53     u-š guft zarduxšt kū: "ēdōn pad ān ohrmazd gōwēnd kū: parrōn be nigerēd, kū kas az amā abāz wardēd ayāb ō ham mōšēd, kū sar frōd ō kanār dārēd; ayāb be mōšēd, kū kust-ē be nigerēd, ayāb be namāz ōftēd ud andar ān az abāgīh bē ī mardōmān dēw be wisānēnd".

Paragraph: 54     u-š guft ohrmazd kū: "čiyōn-it kāmag tō zarduxšt ast ī tō be niger ulīh az sar nigunīh az zērīh pāy ud dō ālag kust ud kust ud zahā pēš ud pas harwisp-iz nēmag čē nē amā az tō be pad awinābdāgīh be wizīhēm, čiyōn dēw az mardōmān."

Paragraph: 55     be dēw pad frāz būdišnīh ka be dwārēnd be pad awēnābdāgīh be wisānēnd.

Paragraph: 56     abar-iz ō tō zarduxšt druz be dwārēd mādag kirb, zarrēn [ud] pad sēn, kū pestānbān dārēd, ud ham-hāgīh ī az tō zastan, dwārēd mādag kirb zarrēn [ud] pad sēn ham-pursagīh az tō zastan ham-kardārīh az tō zastan u-š ma ham-hāgīh bawē ud ma ham-pursagīh ud ma ham-kardārīh framāyē ōy ō pasīh frōd waštan; ān ī pērōzgar gōwišn frāz gōwē! yaϑāahuwēryō.

Paragraph: 57     be raft zarduxšt ō ān ī mānišnōmand gōspandōmand gēhān; āz hāzišn ī axw ī astōmand be nigerišnīh rāy, ēg ō druz frāz mad ka pad nazdīgīh ī ǰāmag nišast ān ī ǰāmag ī ka wahman be ō ham-pursagīh nīd; ā-š be nihād, mādag kirb zarrēn pad-sēn. u-š ham-hāgīh ud ham-pursagīh ud ham-kardārīh az ōy zast. u-š dawist Page of ed.: 399  kū: "az hēm spandarmad".

Paragraph: 58     guft-iš zarduxšt kū: "bē-m ān nigerēd kē spandarmad andar ān ī rōšn rōz ī anabr; ud ān man sahist spandarmad huōrōn ud huparrōn ud hutarist kū hamāg gyāg, nēk būd. pasīh frōd ward kū šnāsēm agar tō hē spandarmad?".

Paragraph: 59     u-š ō ōy druz guft kū: "zarduxšt ī spitāmān! kū awēšān amā hēm kē mādagān nēkōg az pēš nēmag ud duš zišt pasīh, ma man ō pasīh framāyēn!".

Paragraph: 60     pas az sidīgar pahikārīd, druz ō pasīh frōd wašt u-š ōy dīd zarduxšt pas andarag haxt ka ahrift ēstād purr gaz ud ōdarāy ud karbōg ud pazdūg ud wazag.

Paragraph: 61-62     u-š ān ī pērōzgar gōwišn frāz guft zarduxšt yaϑāahuwēryō. ēg ān druz be nasīd ud čēšmag kirb frāz dwārīd. u-š dawist pad be-nasišnīh kū: "anāgīh az ēdar ēdōn čiyōn man windīd, čē az tō mēnīd kū-t ziyānīhātar az gurdān čē kē pad zanišn ō dušox šawēnd man ziyānīhātar ēstēm abar pad tan gyān, kū-t pad tan gyān be frēbēm u-m tō rāy be frēft hē".

Paragraph: 63     ud zarduxšt ēd rāz ō mardōm āhuft u-šān uzmūd<an> ud dēw padiš šnāxtan paydāgīhist. az-iz ham dar wuzurg abdīh ō mardōmān wēnābdāg-dwārišnīh ī dēwān pēš az zarduxšt andar gēhān, škast-kālbod ī-šān pas pad frāz-srāyišnīh ī zarduxšt dēn; az abestāg paydāg ī dahibed wištāsp ud mardōm ī ān zamānag pad rāstīh padīrift; ud agar ēd ōwōn nē būd, Page of ed.: 400  wištāsp ud awēšān āwāmīgān; abestāg kē ēd ēdōnīh az-iš paydāg, pad drō dāštan nē padīrift ud ō amā nē paywast hē.

Paragraph: 64     ēk ēd ī abāg-iz ān ī zarduxšt az dēn abar wattarīh waštag-dēnīh ī zahag ī purr-marg karbān ī wištāsp, any-iz was kay ud karb ī abar dar ī wištāsp hamīh ī ī-šān abar ōš ī zarduxšt wirāstan ī abar-iš garān ānāst ō wištāsp ud sārēnīdan ī wištāsp ō ōš ī ōy ud az framān ī wištāsp ō škeft band ud pādifrāh rasēd, āgāh būd.

Paragraph: 65     pas-iz āgāhīh ī-š abar bōxtišn ī az-iš paydāgīh ī-š abdīh ud gōgāyīh ī abar waxšwarīh madan rāy, pas az ān ī abdom frašn, dah sāl ī ham-pursagīh sazišn. pad ān ī ohrmazd handarz ud framān ētāg ō dar ī wištāsp ud war ī ān sahmagen razm franaftan.

Paragraph: 66     abar aspānur ī wištāsp āštīh ī ohrmazd amāwandīh ud pērōzgarīh abār xwēš guft, ud wištāsp ō dēn ī ohrmazd xwānd ud abāg ān ī wištāsp wuzurg-xrad bowandag-mēnišnīh ud mēnōg-wurrōyišnīh ī xwēš rāy zarduxšt saxon ašnūd pad waxšwarīh andāxtan rāy xwāst hē.

Paragraph: 67     ud pas-iz, pēš kū-š saxon ī zarduxšt ašnūd ud čiyōnīh ī zarduxšt šnāxt hē az sazēnīdan ī zahag ī purr-marg ud abārīg awēšān kayagān ud karbān spazgišnīhā ud ǰadūg-kārīhā wištāsp abar zarduxšt be <sārēnīdan> ēg-iš zarduxšt ō ān band pādifrāh abespārdan ī čiyōn pad gōwišn ī zarduxšt gōwēd. kū: "-šān sīh ud se ānāst abar guftēm, ud sīh ud se az-išān bast hēm man marān ī druwandān ī dēwēsnān pad sīh ud se band".

Page of ed.: 401 
Paragraph: 68     be man suy ī duš-nakkirāyīh ān ī pay ōgārd zōr. be man suy ī duš-nakkirāyīh ān ī bāzāy ōgārd ōz be man suy ī duš-nakkirāyīh ān ī gōš ōgārd ašnawišn. be man suy ī duš-nakkirāyīh ān ī čašm ōgārd wēnišn. u-m be sēnag ō pušt abar abyōxt, kū-m pad pušt abāz ēstād, az abrāstišnīh ān ī dušnakkīr suy ī purr-marg".

Paragraph: 69     ud ēdar az tagīgīh ī zarduxšt pad ē-tāg ō ān sahmagen razm raft. ānōh, pad ān ēwēnag ī nibišt, paydāg būd pattūdan ī-š zīndagīh andar ān ōwōn padifrāh az suy ud tišn ud band ī garān abārīg anāgīh ī andar nērōg ī čihr ī mardōm pattāy ī andar nē waxt. paydāgīhist wuzurg abdīh ō wištāsp šāh u-š darīgān. ka-šān windād purr-xwarrah tan andar škeftīh ud bandīh ud did ōy padištagīh dagr axwardārīh zīndag.

Paragraph: 70     ēk ēd ī yazdān ō wihān ī bōxtišn ī ōy az ān škeftīh handāxt. gyānōmand tan bahr az-iš a-zīndag ud abaydāg būd; pad andar wuzurg nišast ī wištāsp ud hanǰamanīgān ī zarduxšt pad ōz ud wābarīgānīh ī ān ī rāst saxon, im tan nōg abāz kard čiyōn ān ī abdīh ī abar asp ī šēd ī wištāspān andar srawahīg.

Paragraph: 71     ēk mēnišn ī wištāsp šāh ī kišwarīgān any-iz was ī nihuftag xīr pad mēnōg-wēnišnīh guftan ud āškārēnīdan.

Paragraph: 72     ēk čand čiš ī widimās ī dahāg pad ǰādūgīh andar bāwel kard ēstād, mardōm pad ān wiyābānīh ō uzdēs-paristišnīh mad ēstād hēnd, ud az-iš murnǰēnišn ī gēhān būd, pad ān ī pērōzgar dēn gōwišn, ī zarduxšt ān padīrag ān ǰādūgīh frāz guft, Page of ed.: 402  hamāg wišōbīhist ud agārīhist.

Paragraph: 73     ēk ēd ī abāg abdīh ī az zarduxšt paydāgīhist pad pahikār ī abar dēn abāg kišwar nāmīg frazānagān kē-š andar pad frazānagīh gēhān āšnāg sraw bāwēlāyagān andar awēšān ī škeft-pahikārtar ān dwāzdah star gōwišn, kē-šān nām az dwāzdah star, dēn bōxtan u-š rāstīh-dānišnīg paydāgēnīdan. ud wištāsp šāh hammis awēšān frazānagān pad rāstīh ī dēn abēgumānēnīdan.

Paragraph: 74     frēstīd čand dādār ohrmazd wahman, ašwahišt ud ātaxš ī abzōnīg pad āštīh ō wištāsp abar rāst waxšwarīh ī zarduxšt ud kāmag ī ohrmazd pad padīriftan ī wištāsp dēn <ī> māzdēsn ud rawāgēnīdan ī andar gēhān.

Paragraph: 75     abdīh ī ō wištāsp ud kišwarīgān pad-iz frōd wāzīdan ī awēšān amahraspandān az asmān ō zamīg ud andar wāzīdan ī ō man ī wištāsp paydāgīhist, čiyōn ēd ī dēn gōwēd kū: "ēg-iš awēšān guft, kē dādār ohrmazd ō wahman, ašwahišt ud ātaxš-iz ī abzōnīg ī ohrmazd kū: "frāz rawēd kē amahraspandān abar ō mān ī wištāsp ī abzār-gōspand ī dūr-frāz-nāmīg abar-astišnīh ī ēn dēn rāy, kū tā pad ēn dēn be ēstād" ud passox-gōwišnīh ī spitāmān ī ahlaw zarduxšt rāy, ī-šān ān gōwišn padīrift.

Paragraph: 76     raft hēnd amahraspand abar ō mān ī wištāsp ī abzār-gōspand ī dūr-frāz-nāmīg awēšān rah ōy wištāsp andar ān buland mānišn mān. hamāg rošnīh sahist az ān ī meh amāwandīh ud pērōzgarīh ī awēšān. ēn kū ka-š ān ēdōn abar dīd burzāwand kaywištāsp Page of ed.: 403  larzīd ōy harwisp pēšag larzīd ōy harwisp pay grāhīd ōy az abartar nēmag čiyōn asp ī rah wāzēnīdār.

Paragraph: 77     u-š guft pad ān ī wīrān gōwišnīh ātaxš ī ohrmazd kū: "ma tars! čē-t nē abar tarsišn! burzāwand kaywištāsp nē-t ō mān tarist mad hēnd āštag ī abar-kār paygāmbar ī arǰāsp u-t nē ō mān tarist mad hēnd dō hāwand ī arǰāsp kē sāg ud bāǰ xwāhēnd u-t nē ō mān-it tarist mad ān ī harwisp tarwēnīdār duz ī xwāstār gēg ī rāhdār.

Paragraph: 78-79     se hēm kē-t ō mān ī tarist mad hēm wahman ašwahišt ud ātaxš-iz ī xwadāy ī abzōnīg. ēn tō āgāhīh ristagtom dānāgīhātom agar wēnāgīh abāgēnē, kū-t dānāgīh, abāyēd gētīg, weh-dēn ī māzdēsnān kē abēzagīhā pad ōšmurišn rawēd kē spitāmān zarduxšt.

Paragraph: 80     srāy ahunawar stāy ahlāyīh pahlom ud a-yazišnīh gōw ō dēwān. čē-š kāmag tō rāy ohrmazd abar-astišnīh ī ēn dēn. u-šān kāmag amahraspandān u-š kāmag tō rāy abārīg yazadān kē weh dāg ahlaw hēnd.

Paragraph: 81     ud pad ān yān, pad ān pādāšn, agar ašmā stāyēd weh dēn ī abēzag ī spitāmān ahlaw zarduxšt, amā ō tō dahēm dagr-xwadāyīh ud pādixšāyīh ud dagr-zīndagīh ī gyān ē-sad ud panǰāh sāl. ud amā ō tō dahēm ahlišwang ud ray-astišnīh ī dagr pad kāmāg pad hamēšag abāgīh. ud xūb abar-abāgīh. pad hamēšag-abāgīh ud frāz-sazišnīh. ud amā ō tō pus dahēm. pēšyōtan ast nām a-marg. ēdōn azarmān, Page of ed.: 404  asōyišn ast apōyišn; andar har dō axwān zīndag ud pādixšāy az astōmandān az-iz mēnōgān.

Paragraph: 82     pad ān yān pad ān pādāšn, agar ašmā nē stāyēd weh dēn ī abēzag ī spitāmān ahlaw zarduxšt ā tō pad ulīh ul wāzēnēm u-t pasīh framēyēm karkās ī zarmān-mēnišn awēšān ēd ī tō frāz xwarēnd, ast ud rag ud xōn ō zamīg be rasēd ud āb ō tan ī tō nē rasēd.

Paragraph: 83     ēk ān ī abāg wābarīhistan ī wištāsp andar dēn pad-iz ān rasišn ud gōwišn ī amahraspandān pas-iz padīsāi handēšišn ī-š az sar-xwadāyān pad xōn-rēzišn ī az arǰāsp ī hyōn ud fsērišn ī-š tar ham wihān az dēn padīruftārīh rōzīg ān ī āgāhīg wēnābdāg-iz nimūdan ō wištāsp pērōzīh ī abar arǰāsp <ī> hyōn.

Paragraph: 84     ō xwad-iz abartargāh ud a-sazišnīg-xwadāyīh ud ray ud xwarrah rāy frēstīd ī andar ham zamān dādār ohrmazd nērōsang yazad ō mān ī wištāsp pad āštagīh ō ašwahišt amahraspand xwārēnīdan ī ō wištāsp ān gyān, čašm pad abar-wēnišnīh ī ō mēnōgān axwān rōšngar xwarišn, kē rāy-iš dīd wištāsp wuzurg xwarrah ud rāz.

Paragraph: 85     čiyōn ēd ī dēn gōwēd, kū u-š ō nērōsang yazad guft kē dādār ohrmazd kū: be raw! wāz nērōsang ī hanǰamanīg abar ō mān ī wištāsp ī abzār-gōspand ī dūr-frāz-nāmīg ud ēn gōwē ō ašwahišt kū: "ašwahišt pādixšāy! stānē tašt ī nēk ī abar nēktar az ān taštagān ī kard, kū ǰām ēdōn nēk pad xwadāyīh šāyēd kardan abar hōm ud mang amā rāy barēnd ō wištāsp u-š Page of ed.: 405  pad ān abar frāz xwārēn dahibed wištāsp ī-š ī ōy gōwišn padīriftag.

Paragraph: 86     ašwahišt pādixšāy u-š stad tašt ī nēk u-š pad ān frāz xwārēnīd dahibed burzāwand kaywištāsp.

Paragraph: 87     ud sayist nisā dahibed burzāwand kay-wištāsp, ka az wistar frāz būd, u-š ō hutōs ī guft kū: "bawēd hutōs kē spitāmān zarduxšt tēz ō man be ēd rasēd pad tuxšāgīh ī spitāmān zarduxšt tēz ō man ē nigēzēd dēn ī ohrmazd ud zarduxšt".

Paragraph: 88     ēk ēd ī paydāg kū: ka wištāsp dēn padīrift, ahlāyīh stāyīd dēwān andar dušox agārēnīd hēnd ud xēšm dēw ō hyōnān dehān ud mar ī hyōn arǰasp, čiyōn andar ān hangām az sāstārān ān mazantom būd dwārīd, u-š andar hyōnān dehān zišttom wāng xrōst u-šān ō košišn sārēnīd.

Paragraph: 89     ud ēdar-iz paydāgīhist wuzurg abdīh ō-z ērān ram ī ānōh abar dar ī hyōn arǰasp madār būd hēnd. čiyōn ēd ī dēn gōwēd kū: "ēg abar pad zamān ā-š hanǰaman dawist nimūdag xešm ī tanāpuhlag ō ōy garzīd čiyōn āluh, u-š be garzīd čiyōn: anāg ašmā būd kē hyōn hēd! pad a-pērōzgarīh pas āyōzēd, az nūn frāz, nē ast kū pērōzīh ī ērān az anērān hyōnān tarist mad pad ham-hāgīh ō mān ān ī tagīgtar mard kē zādag spitāmān zarduxšt.

Paragraph: 90     ka-š ān zišt-xwadāyīh abar ašnūd mar hyōn arǰasp, ō mar gaw āšuft, kū-š ēk pad did frāz zad u-š ham-rān ud pad Page of ed.: 406  ham-xwarišnīh ō ham xward. u-š be ān ī taxl, [xūb] gašt hyōn, kū-š wiš be agārēnīd, ōy mar ī ān ī dašn gaw ō rān abar āsuft u-š ēdōn pad zišt xwadāyīh dawist kū: "tēz ō man ō ham rasēd hyōn mad ēg tēz ō man ō ham rasēd ēr deh.



Page of ed.: 407 
Next part


This text is part of the TITUS edition of Denkard Book 7.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.