TITUS
Handarz-i Oshnar-i Danag
Part No. 4
Previous part

Paragraph: [4]  
Sentence: 28  
   4 HWEd OD OL g՚s YHMTWNd gwptn' LA ՚p̄՚yt hwlšn OD gwk՚lyt W NYŠE OD YMYTWNyt W tg GBRA OD MN k՚lyc՚l LAWHL YATWNyt W bl ẕmȳḵ OD OL hnb՚l OḆYDWNyt.:.
   čahār hēnd, tā ō gāh rasēd, guftan nē abāyēd: xwarišn, tā gugārēd, ud zan, tā mirēd, ud tag mard, tā az kārezār abāz āyēd, ud bar zamīg, tā ō hambār kunēd

Sentence: 29  
   3 HWEd MNW KRA cnd MDM SGYTWNd hw՚ltl hmwcšn plh՚n-1 Y ՚p̄synt W SLYYA W mltwm Page: 4  SLYA W r՚s t՚lȳḵ bymkyn'.:.
   sē hēnd, kē harw čand abar rawēnd, xwārdar: hammōzišn frahang-ē ī apassend ud wad, ud mardōm Page: 4  wad, ud rāh tārīg bīmgēn.:.

Sentence: 30  
   4 MNDOM GBRA bwlcšnȳḵtl YHWWNyt PWB hlt W hym W hwk nyh՚n'yh.:.
   čahār tis mard burzišnīgdar bawēd: pad xrad ud xēm ud xōg nihānīh.:.

Sentence: 31  
   PWN 4 [!] MNDOM GBRA byš ՚cš š՚yt gwk՚ltn' [Handschriften P. und M.: ՚wk՚ltn'] PWN s՚n-1 d՚n՚k՚n W wynšn dwst՚n W HS.:.
   pad čahār tis mard bēš aziš šāyēd gugārdan [Handschriften P. und M.: ōgārdan]: pad sān-ē dānāgān ud wēnišn dōstān ud may.:.

Sentence: 32  
   BYRH YWM 3 MNDOM l՚d twhššn OḆYDWNšn l՚mšn Y NPŠE W psnd Y ŠPYL՚n W šn՚dynšn Y krpk' mzd.:.
   māh rōz sē tis rāy tuxšišn kunišn: rāmišn ī xwēš ud passand ī wehān ud šnāyēnišn ī kirbag mizd.:.

Sentence: 33  
   4 MNDOM l՚d GBRA zyd՚ngltl YHWWNyt KBD OŠTENtn' Y HS W wlnȳḵ PWN NYŠE՚n W KBD krtn' Y nyw ՚lthšyl nhcyl LA PWN ptm՚nkyh.:.
   čahār tis rāy mard zyāngardar bawēd: was xwardan ī may ud waranīg pad zanān ud was kardan ī nēw-ardaxšīr, naxčīr nē pad paymānagīh.:.

Sentence: 34  
   PWN ẔNE 4 MNDOM b՚yst [!] GBRA ՚šwpyt BRE W NYŠE W hš՚krt hdyb՚lyh Y SLYA.:.
   pad ēn čahār tis bāyist mard āšōbēd: pus ud zan ud hašāgird, ayārīh ī wad

Sentence: 35  
   4 [!]MNDOM GBRA gl՚mȳḵtl OḆYDWNšn [oder: OHDWNšn] W {YHSNNyt} +YHSNNšn bwlcšn Y wclg՚n Y p՚n՚kyh W ptwndšn LWTE ŠPYL՚n.:.
   čahār tis mard grāmīgdar kunišn [oder: gīrišn] ud dārišn: burzišn ī wuzurgān ud pānāgīh ud paywandišn abāg wehān.:.

Next part


This text is part of the TITUS edition of Handarz-i Oshnar-i Danag.

Copyright TITUS Project, Frankfurt a/M, 7.8.2010. No parts of this document may be republished in any form without prior permission by the copyright holder.