TITUS
Handarz-i Oshnar-i Danag
Part No. 5
Previous part

Paragraph: [5]  
Sentence: 36  
   5 HWEd MNW MN {OL} +OLE BRA Y̱ḴOYMENyt pšym՚n LA YHWWNyt MN xwt՚y MNW nywk W SLYA LA YDOYTWNyt W dtȳḵl dwst Y PWN dysk W stȳḵl NYŠE Y SLYA W ch՚lwm hdyb՚l SLYA pncwm mzdwl Y SLYA.:.
   panj hēnd, kē az ōy be ēstēd, pašēmān nē bawēd: az xwadāy, kē nēk ud wad nē dānēd, ud dudīgar dōst ī pad dēsag ud sidīgar zan ī wad ud čahārom ayār wad, panjom mizdwar ī wad.:.

Sentence: 37  
   pnc MN g՚s Y .......WNstn' LA twb՚n ՚ywk mynšn Y p՚thš՚d՚n W dtȳḵl tg GBRA OD k՚lyc՚l LAWHL YATWNyt stȳḵl ՚lc՚nmndyh Page: 5  Y GBRA OD OL mdn' Y hncmn {՚wšt՚p̄wtnd} +՚wšt՚p̄yd ch՚lwm dwstyh GBRA OD OL ՚st՚nk' W pncwm hwslwbyh NYŠE՚n OD OL plc՚mk՚l.:.
   panj az gāh ī [ 7 ]WNstn' nē tuwān: ēk menišn ī pādixšāyān ud dudīgar tag mard, tā kārezār abāz āyēd, sidīgar arzānmandīh Page: 5  ī mard, tā ō madan ī hanjaman awištābēd, čahārom dōstīh mard tā ō astānag ud panjom husrawīh zanān tā ō frazāmgār.:.

Sentence: 38  
   W PWN ẔNE pnc MNDOM GBRA dlwnd ՚ywp dwsrwb' YHWWNyt pltwm MN zt՚lyh dtȳḵl MN ՚p̄swsglyh stȳḵl MN {hšmgwnyh} +hyšmgwnyh W ch՚lwm lwb՚n LA HYMNNyt W pncwm MN plypt՚lyh
   ud pad ēn panj tis mard druwand ayāb dusraw bawēd: fradom az zadārīh, dudīgar az afsōsgarīh, sidīgar az xēšmgōnīh ud čahārom: ruwān nē wurrōyēd, ud panjom az frēftārīh.:.

Sentence: 39  
   PWN ẔNE 5 MNDOM GBRA PWN d՚n՚k YHSNNšn LA PWN dwš՚k՚s ՚ywk PWN MNDOM OZLWNt W ՚wcyt byš LA YḆLWNyt W dtȳḵl MNDOM mt Y̱ḴOYMWNyt l՚d mytwxt LA mynyt W stȳḵl MNW PWN ZḴ md Y̱ḴOYMNyt hwnsn{n}d ch՚lwm PWN ZḴ ՚wmyt YHSNNyt Y scyt bwtn' pncwm PWN ՚n՚kyh dwšlm PWN nywkyh mst LA YHWWNyt.:.
   pad ēn panj tis mard pad dānāg dārišn, nē pad dušāgāh: ēk: pad tis šud ud uzīd bēš nē barēd, ud dudīgar: tis mad ēstēd rāy mihōxt nē mēnēd, ud sidīgar: kē pad ān mad ēstēd, hunsand, čahārom: pad ān ummēd dārēd, ī sazēd budan, panjom: pad anāgīh dušram, pad nēkīh mast nē bawēd.:.

Next part


This text is part of the TITUS edition of Handarz-i Oshnar-i Danag.

Copyright TITUS Project, Frankfurt a/M, 7.8.2010. No parts of this document may be republished in any form without prior permission by the copyright holder.