TITUS
Black Yajur-Veda: Taittiriya-Samhita
Part No. 4
Previous part

Chapter: 4 
Paragraph: 1 
Verse: 1 
Sentence: 1=a    ā́ dade grā́vāsy adʰvarakŕ̥d devébʰyo gambʰīrám imám adʰvaráṃ kr̥dʰy uttaména pavínendrāya sómaṁ súṣutam mádʰumantam páyasvantaṃ vr̥ṣṭivánim
Sentence: 2=b    índrāya tvā vr̥tragʰná índrāya tvā vr̥tratúra índrāya tvābʰimātigʰná índrāya tvādityaváta índrāya tvā viśvádevyāvate
Sentence: 3=c    śvātrā́ stʰa vr̥tratúro rā́dʰogūrtā amŕ̥tasya pátnīs tā́ devīr devatrémáṃ yajñáṃ dʰattópahūtāḥ sómasya pibatópahūto yuṣmā́kam //

Verse: 2 
Sentence: 1    sómaḥ pibatu
Sentence: 2=d    yát te soma diví jyótir yát pr̥tʰivyā́ṃ yád urā́v antárikṣe ténāsmái yájamānāyorú rāyā́ kr̥dʰy ádʰi dātré vocas \
Sentence: 3=e    dʰíṣaṇe vīḍū́ satī́ vīḍayetʰām ū́rjaṃ dadʰātʰām ū́rjam me dʰattam, mā́ vāṁ hiṁsiṣam mā́ mā hiṁsiṣṭam
Sentence: 4=f    prā́g ápāg údag adʰarā́k tā́s tvā díśa ā́ dʰāvantv ámba ní ṣvara
Sentence: 5=g    yát te somā́dābʰyaṃ nā́ma jā́gr̥vi tásmai te soma sómāya svā́hā //

Paragraph: 2 
Verse: 1 
Sentence: 1=a    vācás pátaye pavasva vājin vŕ̥ṣā vŕ̥ṣṇo aṁśúbʰyāṃ gábʰastipūto devó devā́nām pavítram asi yéṣāṃ bʰāgó 'si tébʰyas tvā
Sentence: 2=b    svā́ṃkr̥to 'si mádʰumatīr na íṣas kr̥dʰi víśvebʰyas tvendriyébʰyo divyébʰyaḥ pā́rtʰivebʰyas \
Sentence: 3=c    mánas tvāṣṭu \
Sentence: 4=d    urv àntárikṣam ánv ihi
Sentence: 5=e    svā́hā tvā subʰavaḥ sū́ryāya
Sentence: 6=f    devébʰyas tvā marīcipébʰyas \
Sentence: 7=g    eṣá te yóniḥ prāṇā́ya tvā //

Paragraph: 3 
Verse: 1 
Sentence: 1=a    upayāmágr̥hīto 'si \
Sentence: 2=b    antár yacʰa magʰavan pāhí sómam uruṣyá rā́yaḥ sám íṣo yajasvāntás te dadʰāmi dyā́vāpr̥tʰivī́ antár urv àntárikṣaṁ sajóṣā deváir ávaraiḥ páraiś cāntaryāmé magʰavan mādayasva
Sentence: 3=c    svā́ṃkr̥to 'si mádʰumatīr na íṣas kr̥dʰi víśvebʰyas tvendriyébʰyo {F divyébʰyaḥ} {W divyébʰyāḥ} {ASS divyébʰyaḥ} {BI divyébʰyaḥ} {GOLS divyébʰyaḥ} pā́rtʰivebʰyas \
Sentence: 4=d    mánas tvāṣṭu \
Sentence: 5=e    urv àntárikṣam ánv ihi
Sentence: 6=f    svā́hā tvā subʰavaḥ sū́ryāya
Sentence: 7=g    devébʰyas tvā marīcipébʰyas \
Sentence: 8=h    eṣá te yónir apānā́ya tvā //

Paragraph: 4 
Verse: 1 
Sentence: 1=a    ā́ vāyo bʰūṣa śucipā úpa naḥ sahásraṃ te niyúto viśvavāra / úpo te ándʰo mádyam ayāmi yásya deva dadʰiṣé pūrvapéyam //
Sentence: 2=b    upayāmágr̥hīto 'si vāyáve tvā \
Sentence: 3=c    índravāyū imé sutā́ḥ / úpa práyobʰir ā́ gatam índavo vām uśánti hí /
Sentence: 4=d    upayāmágr̥hīto 'sīndravāyúbʰyāṃ tvaiṣá te yóniḥ sajóṣābʰyāṃ tvā //

Paragraph: 5 
Verse: 1 
Sentence: 1=a    ayáṃ vāṃ mitrāvaruṇā sutáḥ sóma r̥tāvr̥dʰā / mámed ihá śrutaṁ hávam //
Sentence: 2=b    upayāmágr̥hīto 'si mitrā́váruṇābyāṃ tvaiṣá te yónir r̥tāyúbʰyāṃ tvā //

Paragraph: 6 
Verse: 1 
Sentence: 1=a    yā́ vāṃ káśā mádʰumaty áśvinā sūnŕ̥tāvatī / táyā yajñám mimikṣatam //
Sentence: 2=b    upayāmágr̥hīto 'sy aśvíbʰyāṃ tvaiṣá te yónir mā́dʰvībʰyāṃ tvā //

Paragraph: 7 
Verse: 1 
Sentence: 1=a    prātaryújau ví mucyetʰām áśvināv éhá gacʰatam / asyá sómasya pītáye //
Sentence: 2=b    upayāmágr̥hīto 'sy aśvíbʰyāṃ tvaiṣá te yónir aśvíbʰyāṃ tvā //

Paragraph: 8 
Verse: 1 
Sentence: 1=a    ayáṃ venáś codayat pŕ̥śnigarbʰā jyótirjarāyū rájaso vimā́ne / imám apā́ṁ saṃgamé sū́ryasya śíśuṃ ná víprā matíbʰī rihanti //
Sentence: 2=b    upayāmágr̥hīto 'si śáṇḍāya tvaiṣá te yónir vīrátām pāhi //

Paragraph: 9 
Verse: 1 
Sentence: 1=a    tám pratnátʰā pūrvátʰā viśvátʰemátʰā jyeṣṭʰátātim barhiṣádaṁ suvarvídam / pratīcīnáṃ vr̥jánaṃ dohase girā́śúṃ jáyantam ánu yā́su várdʰase //
Sentence: 2=b    upayāmágr̥tʰīto 'si márkāya tvaiṣá te yóniḥ prajā́ḥ pāhi //

Paragraph: 10 
Verse: 1 
Sentence: 1=a    yé devā divy ékādaśa stʰá pr̥tʰivyā́m ádʰy ékādaśa stʰā́psuṣádo mahináikādaśa stʰá té devā yajñám imáṃ juṣadʰvam /
Sentence: 2=b    upayāmagr̥hīto 'sy āgrayaṇò 'si svā̀grayaṇo jínva yajñáṃ jínva yajñápatim abʰí sávanā pāhi víṣṇus tvā́m pātu víśam tvám pāhīndriyéṇaiṣá te yónir víśvebʰyas tvā devébʰyaḥ //

Paragraph: 11 
Verse: 1 
Sentence: 1=a    triṁśát tráyaś ca gaṇíno rujánto dívaṁ rudrā́ḥ pr̥tʰivī́ṃ ca sacante / ekādaśā́so apsuṣádaḥ sutáṁ sómaṃ juṣantāṁ sávanāya víśve //
Sentence: 2=b    upayāmágr̥hīto 'sy āgrayaṇò 'si svā̀grayaṇo jínva yajñáṃ jínva yajñápatim abʰí sávanā pāhi víṣṇus tvām pātu víśaṃ tváṃ pāhīndriyéṇaiṣá te yónir víśvebʰyas tvā devébʰyaḥ //

Paragraph: 12 
Verse: 1 
Sentence: 1=a    upayāmágr̥hīto 'sī́ndrāya tvā br̥hádvate váyasvata uktʰāyúve yát ta indra br̥hád váyas tásmai tvā víṣṇave tvaiṣá te yónir índrāya tvoktʰāyúve //

Paragraph: 13 
Verse: 1 
Sentence: 1=a    mūrdʰā́naṃ divó aratím pr̥tʰivyā́ vaiśvānarám r̥tā́ya jātám agním / kavíṁ samrā́jam átitʰiṃ jánānām āsánn ā́ pā́traṃ janayanta devā́ḥ //
Sentence: 2=b    upayāmágr̥hīto 'sy agnáye tvā vaiśvānarā́ya dʰruvò 'si dʰruvákṣitir dʰruvā́ṇāṃ dʰruvátamó 'cyutānām acyutakṣíttama eṣá te yónir agnáye tvā vaiśvānarā́ya //

Paragraph: 14 
Verse: 1 
Sentence: 1=a    mádʰuś ca mā́dʰavaś ca śukráś ca śúciś ca nábʰaś ca nabʰasyàś ceṣáś corjáś ca sáhaś ca sahasyàś ca tápaś ca tapasyàś ca \
Sentence: 2=b    upayāmágr̥hīto 'si
Sentence: 3=c    saṁsárpo 'si \
Sentence: 4=d    aṁhaspatyā́ya tvā //

Paragraph: 15 
Verse: 1 
Sentence: 1=a    índrāgnī ā́ gataṁ sutáṃ gīrbʰír nábʰo váreṇyam asyá pātaṃ dʰiyéṣitā́ //
Sentence: 2=b    upayāmágr̥hīto 'sīndrāgníbʰyāṃ tvaiṣá te yónir indrāgníbʰyāṃ tvā //

Paragraph: 16 
Verse: 1 
Sentence: 1=a    ómāsaś carṣaṇīdʰr̥to víśve devāsa ā́ gata / dāśvā́ṁso dāśúṣaḥ sutám //
Sentence: 2=b    upayāmágr̥hīto 'si víśvebʰyas tvā devébʰya eṣá te yónir víśvebʰyas tvā devébʰyaḥ //

Paragraph: 17 
Verse: 1 
Sentence: 1=a    marútvantaṃ vr̥ṣabʰáṃ vāvr̥dʰānám ákavāriṃ divyáṁ śāsám índram / viśvāsā́ham ávase nū́tanāyo 'gráṁ sahodā́m ihá táṁ huvema //
Sentence: 2=b    upayāmágr̥hīto 'sī́ndrāya tvā marútvata eṣá te yónir índrāya tvā marútvate //

Paragraph: 18 
Verse: 1 
Sentence: 1=a    índra marutva ihá pāhi sómaṃ yátʰā śāryāté ápibaḥ sutásya / táva práṇītī táva śūra śármann ā́ vivāsanti kaváyaḥ suyajñā́ḥ //
Sentence: 2=b    upayāmágr̥hīto 'sī́ndrāya tvā marútvata eṣá te yónir índrāya tvā mrútvate //

Paragraph: 19 
Verse: 1 
Sentence: 1=a    marútvāṁ indra vr̥ṣabʰó ráṇāya píbā sómam anuṣvadʰám mádāya / ā́ siñcasva jaṭʰáre mádʰva ūrmíṃ tváṁ rā́jāsi pradívaḥ sutā́nām //
Sentence: 2=b    upayāmágr̥hīto 'sī́ndrāya tvā marútvata eṣá te yónir índrāya tvā marútvate //

Paragraph: 20 
Verse: 1 
Sentence: 1=a    mahā́ṁ índro yá ójasā parjányo vr̥ṣṭimā́ṁ iva / stómair vatsásya vāvr̥dʰe //
Sentence: 2=b    upayāmágr̥hīto 'si mahendrā́ya tvaiṣá te yónir mahendrā́ya tvā //

Paragraph: 21 
Verse: 1 
Sentence: 1=a    mahā́ṁ índro nr̥vád ā́ carṣaṇiprā́ utá dvibárhā amináḥ sáhobʰiḥ / asmadríyag vāvr̥dʰe vīryā̀yo 'rúḥ pr̥tʰúḥ súkr̥taḥ kartŕ̥bʰir bʰūt //
Sentence: 2=b    upayāmá gr̥hī́to 'si mahendrā́ya tvaiṣá te yónir mahendrā́ya tvā //

Paragraph: 22 
Verse: 1 
Sentence: 1=a    kadā́ caná starī́r asi néndra saścasi dāśúṣe / úpopén nú magʰavan bʰū́ya ín nú te dā́naṃ devásya pr̥cyate //
Sentence: 2=b    upayāmágr̥hīto 'sy ādityébʰyas tvā
Sentence: 3=c    kadā́ caná prá yucʰasy ubʰé ní pāsi jánmanī / túrīyāditya sávanaṃ ta indriyám ā́ tastʰāv amŕ̥taṃ diví //
Sentence: 4=d    yajñó devā́nām práty eti sumnáṃ ā́dityāso bʰávatā mr̥ḍáyantaḥ / ā́ vo 'rvā́cī sumatír vavr̥tyād aṁhóś cid yā́ varivovíttarā́sat //
Sentence: 5=e    vívasva ādityaiṣá te somapītʰás téna mandasva téna tr̥pya tr̥pyā́sma te vayáṃ tarpayitā́ro yā́ divyā́ vŕ̥ṣṭis táyā tvā śrīṇāmi //

Paragraph: 23 
Verse: 1 
Sentence: 1=a    vāmám adyá savitar vāmám u śvó divédive vāmám asmábʰyaṁ sāvīḥ / vāmásya hí kṣáyasya deva bʰū́rer ayā́ dʰiyā́ vāmabʰā́jaḥ syāma //
Sentence: 2=b    upayāmágr̥hīto 'si devā́ya tvā savitré //

Paragraph: 24 
Verse: 1 
Sentence: 1=a    ádabdʰebʰiḥ savitaḥ pāyúbʰiṣ ṭváṁ śivébʰir adyá pári pāhi no gáyam / híraṇyajíhvaḥ suvitā́ya návyase rákṣā mā́kir no agʰáśaṁsa īśata //
Sentence: 2=b    upayāmágr̥hīto 'si devā́ya tvā savitré //

Paragraph: 25 
Verse: 1 
Sentence: 1=a    híraṇyapāṇim ūtáye savitā́ram úpa hvaye / sá céttā devátā padám //
Sentence: 2=b    upayāmágr̥hīto 'si devā́ya tvā savitré //

Paragraph: 26 
Verse: 1 
Sentence: 1=a    suśármāsi supratiṣṭʰānás \
Sentence: 2=b    br̥hád ukṣé námas \
Sentence: 3=c    eṣá te yónir víśvebʰyas tvā devébʰyaḥ //

Paragraph: 27 
Verse: 1 
Sentence: 1=a    bŕ̥haspátisutasya ta indo indriyā́vataḥ pátnīvantaṃ gráhaṃ gr̥hṇāmi \
Sentence: 2=b    ágnā́3i pátnīvā́3ḥ sajū́r devéna tváṣṭrā sómam piba svā́hā //

Paragraph: 28 
Verse: 1 
Sentence: 1=a    hárir asi hāriyojanó háryo stʰātā́ vájrasya bʰartā́ pŕ̥śneḥ pretā́ tásya te deva someṣṭáyajuṣa stutástomasya śastóktʰasya hárivantaṃ gráhaṃ gr̥hṇāmi
Sentence: 2=b    harī́ stʰa háryor dʰānā́ḥ sahásomās \
Sentence: 3=c    índrāya svā́hā //

Paragraph: 29 
Verse: 1 
Sentence: 1=a    ágna ā́yūṁṣi pavasa ā́ suvórjam íṣaṃ ca naḥ / āré bādʰasva ducʰúnām
Sentence: 2=b    upayāmágr̥hīto 'sy agnáye tvā téjasvata eṣá te yónir agnáye tvā téjasvate //

Paragraph: 30 
Verse: 1 
Sentence: 1=a    uttíṣṭʰann ójasā sahá pītvā́ śípre avepayaḥ / sómam indra camū́ sutám //
Sentence: 2=b    upayāmágr̥hīto 'sī́ndrāya tváujasvata eṣá te yónir índrāya tváujasvate //

Paragraph: 31 
Verse: 1 
Sentence: 1=a    taráṇir viśvádarśato jyotiṣkŕ̥d asi sūrya / víśvam ā́ bʰāsi rocanám //
Sentence: 2=b    upayāmágr̥hīto 'si sū́ryāya tvā bʰrā́jasvata eṣá te yóniḥ sū́ryāya tvā bʰrā́jasvate //

Paragraph: 32 
Verse: 1 
Sentence: 1=a    ā́ pyāyasva madintama sóma víśvābʰir ūtíbʰiḥ / bʰávā naḥ saprátʰastamaḥ //

Paragraph: 33 
Verse: 1 
Sentence: 1=a    īyúṣ ṭé yé pū́rvatarām ápaśyan vyucʰántīm uṣásam mártyāsaḥ / asmā́bʰir ū nú praticákṣyābʰūd ó té yanti yé aparī́ṣu páśyān //

Paragraph: 34 
Verse: 1 
Sentence: 1=a    jyótiṣmatīṃ tvā sādayāmi
Sentence: 2=b    jyotiṣkŕ̥taṃ tvā sādayāmi
Sentence: 3=c    jyotirvídaṃ tvā sādayāmi
Sentence: 4=d    bʰā́svatīṃ tvā sādayāmi
Sentence: 5=e    jválantīṃ tvā sādayāmi
Sentence: 6=f    malmalābʰávantīṃ tvā sādayāmi
Sentence: 7=g    dī́pyamānāṃ tvā sādayāmi
Sentence: 8=h    rócamānāṃ tvā sādayāmi
Sentence: 9=i    ájasrāṃ tvā sādayāmi
Sentence: 10=k    br̥hájjyotiṣaṃ tvā sādayāmi
Sentence: 11=l    bodʰáyantīṃ tvā sādayāmi
Sentence: 12=m    jā́gratīṃ tvā sādayāmi //

Paragraph: 35 
Verse: 1 
Sentence: 1=a    prayāsā́ya svā́hāyāsā́ya svā́hā viyāsā́ya svā́hā saṃyāsā́ya svā́hodyāsā́ya svā́hāvayāsā́ya svā́hā śucé svā́hā śókāya svā́hā tapyatvái svā́hā tápate svā́hā brahmahatyā́yai svā́hā sárvasmai svā́hā //

Paragraph: 36 
Verse: 1 
Sentence: 1=a    cittáṁ saṃtānéna bʰaváṃ yaknā́ rudráṃ tánimnā paśupátiṁ stʰūlahr̥dayénāgníṁ hŕ̥dayena rudráṃ lóhitena śarvám mátasnābʰyām mahādevám antáḥpārśvenauṣiṣṭʰahánaṁ śiṅgīnikośyā̀bʰyām //

Paragraph: 37 
Verse: 1 
Sentence: 1=a    ā́ tiṣṭʰa vr̥trahan rátʰaṃ yuktā́ te bráhmaṇā hárī / arvā́cī́naṁ sú te máno grā́vā kr̥ṇotu vagnúnā //
Sentence: 2=b    upayāmágr̥tʰīto 'sī́ndrāya tvā ṣoḍaśína eṣá te yónir índrāya tvā ṣoḍaśíne //

Paragraph: 38 
Verse: 1 
Sentence: 1=a    índram íd dʰárī vaható 'pratidʰr̥ṣṭaśavasam ŕ̥ṣīṇāṃ ca stutī́r úpa yajñáṃ ca mā́nuṣāṇām
Sentence: 2=b    upayāmágr̥hīto 'sī́ndrāya tvā ṣoḍaśína eṣá te yónir índrāya tvā ṣoḍaśíne //

Paragraph: 39 
Verse: 1 
Sentence: 1=a    ásāvi sóma indra te śáviṣṭʰa dʰr̥ṣṇav ā́ gahi / ā́ tvā pr̥ṇaktv indriyáṁ rájaḥ sū́ryaṃ ná raśmíbʰiḥ //
Sentence: 2=b    upayāmágr̥tʰīto 'sī́ndrāya tvā ṣoḍaśina eṣá te yónir índrāya tvā ṣoḍaśíne //

Paragraph: 40 
Verse: 1 
Sentence: 1=a    sárvasya pratiśī́varī bʰū́mis tvopástʰa ā́dʰita / syonā́smai suṣádā bʰava yácʰāsmai śárma saprátʰāḥ //
Sentence: 2=b    upayāmágr̥tʰīto 'sī́ndrāya tvā ṣoḍaśina eṣá te yónir índrāya tvā ṣoḍaśíne //

Paragraph: 41 
Verse: 1 
Sentence: 1=a    mahā́ṁ índro vájrabāhuḥ ṣoḍaśī́ śárma yacʰatu / svastí no magʰávā karotu hántu pāpmā́naṃ yò 'smā́n dvéṣṭi //
Sentence: 2=b    upayāmágr̥tʰīto 'sī́ndrāya tvā ṣoḍaśina eṣá te yónir índrāya tvā ṣoḍaśíne //

Paragraph: 42 
Verse: 1 
Sentence: 1=a    sajóṣā índraḥ ságaṇo marúdbʰiḥ sómam piba vr̥trahañ cʰūra vidvā́n / jahí śátrūṁr ápa mŕ̥dʰo nudasvā́tʰā́bʰayaṃ kr̥ṇuhi viśváto naḥ //
Sentence: 2=b    upayāmágr̥tʰīto 'sī́ndrāya tvā ṣoḍaśina eṣá te yónir índrāya tvā ṣoḍaśíne //

Paragraph: 43 
Verse: 1 
Sentence: 1=a    úd u tyáṃ jātávedasaṃ deváṃ vahanti ketávaḥ / dr̥śé víśvāya sū́ryam //
Sentence: 2=b    citráṃ devā́nām úd agād ánīkaṃ cákṣur mitrásya váruṇasyāgnéḥ / ā́prā dyā́vāpr̥tʰivī́ antárikṣaṁ sū́rya ātmā́ jágatas tastʰúṣaś ca //
Sentence: 3=c    ágne náya supátʰā rāyé asmā́n víśvāni deva vayúnāni vidvā́n / yuyodʰy àsmáj juhurāṇám éno bʰū́yiṣṭʰāṃ te námauktiṃ vidʰema //
Sentence: 4=d    dívaṃ gacʰa súvaḥ pata
Sentence: 5=e    rūpéṇa //

Verse: 2 
Sentence: 1    vo rūpám abʰy áimi váyasā váyaḥ /
Sentence: 2=f    tutʰó vo viśvávedā ví bʰajatu várṣiṣṭʰe ádʰi nā́ke /
Sentence: 3=g    etát te agne rā́dʰa áiti sómacyutam \
Sentence: 4=h    tán mitrásya patʰā́ naya \
Sentence: 5=i    r̥tásya patʰā́ préta candrádakṣiṇā yajñásya patʰā́ suvitā́ náyantīs \
Sentence: 6=k    brāhmaṇám adyá rādʰyāsam ŕ̥ṣim ārṣeyám pitr̥mántam paitr̥matyáṁ sudʰā́tudakṣiṇam \
Sentence: 7=l    ví súvaḥ páśya vy àntárikṣam \
Sentence: 8=m    yátasva sadasyàis \
Sentence: 9=n    asmáddātrā devátrā gacʰata mádʰumatīḥ pradātā́ram ā́ viśatā́navahāyāsmā́n devayā́nena patʰéta sukŕ̥tāṃ loké sīdata
Sentence: 10=o    tán naḥ saṁskr̥tám //

Paragraph: 44 
Verse: 1 
Sentence: 1=a    dʰātā́ rātíḥ savitédáṃ juṣantām prajā́patir nidʰipátir no agníḥ / tváṣṭā víṣṇuḥ prajáyā saṁrarāṇó yájamānāya dráviṇaṃ dadʰātu //
Sentence: 2=b    sám indra ṇo mánasā neṣi góbʰiḥ sáṁ sūríbʰir magʰavant sáṁ svastyā́ / sám bráhmaṇā devákr̥taṃ yád ásti sáṃ devā́nāṁ sumatyā́ yajñíyānām //
Sentence: 3=c    sáṃ várcasā páyasā sáṃ tanū́bʰir áganmahi mánasā sáṁ śivéna / tváṣṭā no átra várivaḥ kr̥ṇotu //

Verse: 2 
Sentence: 1    ánu mārṣṭu tanúvo yád víliṣṭam //
Sentence: 2=d    yád adyá tvā prayatí yajñé asmínn ágne hótāram ávr̥ṇīmahīhá / ŕ̥dʰag ayāḍ ŕ̥dʰag utā́śamiṣṭʰāḥ prajānán yajñám úpa yāhi vidvā́n //
Sentence: 3=e    svagā́ vo devāḥ sádanam akarma yá ājagmá sávanedáṃ juṣāṇā́ḥ / jakṣivā́ṁsaḥ papivā́ṁsaś ca víśve 'smé dʰatta vasavo vásūni //
Sentence: 4=f    yā́n ā́vaha uśató deva devā́n tā́n //

Verse: 3 
Sentence: 1    préraya své agne sadʰástʰe / váhamānā bʰáramāṇā havī́ṁṣi vásuṃ gʰarmáṃ dívam ā́ tiṣṭʰatā́nu //
Sentence: 2=g    yájña yajñáṃ gacʰa yajñápatiṃ gacʰa svā́ṃ yóniṃ gacʰa svā́hā \
Sentence: 3=h    eṣá te yajñó yajñapate sahásūktavākaḥ suvī́raḥ svā́hā
Sentence: 4=i    dévā gātuvido gātúṃ vittvā́ gātúm ita
Sentence: 5=k    mánasas pata imáṃ no deva devéṣu yajñáṁ svā́hā vācí svā́hā vā́te dʰāḥ //

Paragraph: 45 
Verse: 1 
Sentence: 1=a    urúṁ hí rā́jā váruṇaś cakā́ra sū́ryāya pántʰām ánvetavā́ u / apáde pā́dā prátidʰātave 'kar utā́pavaktā́ hr̥dayāvídʰaś cit //
Sentence: 2=b    śatáṃ te rājan bʰiṣájaḥ sahásram urvī́ gambʰīrā́ sumatíṣ ṭe astu / bā́dʰasva dvéṣo nírr̥tim parācáiḥ kr̥táṃ cid énaḥ prá mumugdʰy asmát
Sentence: 3=c    abʰíṣṭʰito váruṇasya pā́śas \
Sentence: 4=d    agnér ánīkam apá ā́ viveśa / ápāṃ napāt pratirákṣann asuryàṃ dámedame //

Verse: 2 
Sentence: 1    samídʰaṃ yakṣy agne / práti te jihvā́ gʰr̥tám úc caraṇyet
Sentence: 2=e    samudré te hŕ̥dayam apsv àntáḥ / sáṃ tvā viśantv óṣadʰīr utā́po yajñásya tvā yajñapate havirbʰiḥ / sūktavāké namovāké vidʰema \
Sentence: 3=f    ávabʰr̥tʰa nicaṃkuṇa nicerúr asi nicaṃkuṇā́va deváir devákr̥tam éno 'yāḍ áva mártyair mártyakr̥tam urór ā́ no deva riṣás pāhi
Sentence: 4=g    sumitrā́ na ā́pa óṣadʰayaḥ //

Verse: 3 
Sentence: 1    santu durmitrā́s tásmai bʰūyāsur yò 'smā́n dvéṣṭi yáṃ ca vayáṃ dviṣmás \
Sentence: 2=h    dévīr āpa eṣá vo gárbʰas táṃ vaḥ súprītaṁ súbʰr̥tam akarma devéṣu naḥ sukŕ̥to brūtāt
Sentence: 3=i    prátiyuto váruṇasya pā́śaḥ prátyasto váruṇasya pā́śas \
Sentence: 4=k    édʰo 'sy edʰiṣīmáhi samíd asi téjo 'si téjo máyi dʰehi \
Sentence: 5=l    apó ánv acāriṣaṁ rásena sám asr̥kṣmahi páyasvāṁ agna ā́gamaṃ tám mā sáṁ sr̥ja várcasā //

Paragraph: 46 
Verse: 1 
Sentence: 1=a    yás tvā hr̥dā́ kīríṇā mányamānó 'martyam mártyo jóhavīmi / jā́tavedo yáśo asmā́su dʰehi prajā́bʰir agne amr̥tatvám aśyām //
Sentence: 2=b    yásmai tváṁ sukr̥te jātaveda ú lokám agne kr̥ṇávaḥ syonám / aśvínaṁ sá putríṇaṃ vīrávantaṃ gómantaṁ rayíṃ naśate svastí //
Sentence: 3=c    tvé sú putra śavasó 'vr̥tran kā́makātayaḥ / ná tvā́m indrā́ti ricyate //
Sentence: 4=d    uktʰáuktʰe sóma índram mamāda nītʰénītʰe magʰávānam //

Verse: 2 
Sentence: 1    sutā́saḥ / yád īṁ sabā́dʰaḥ pitáraṃ ná putrā́ḥ samānádakṣā ávase hávante //
Sentence: 2=e    ágne rásena téjasā jā́tavedo ví rocase / rakṣohā́mīvacā́tanaḥ //
Sentence: 3=f    apó ánv acāriṣaṁ rásena sám asr̥kṣamahi / páyasvāṁ agna ā́gamaṃ tám mā sáṁ sr̥ja várcasā //
Sentence: 4=g    vásur vásupatir híkam ásy agne vibʰā́vasuḥ / syā́ma te sumatā́v ápi //
Sentence: 5=h    tvā́m agne vásupatiṃ vásūnām abʰí prá mande //

Verse: 3 
Sentence: 1    adʰvaréṣu rājan / tváyā vā́jaṃ vājayánto jayemābʰí ṣyāma pr̥tstī́r mártyānām //
Sentence: 2=i    tvā́m agne vājasā́tamaṃ víprā vardʰanti súṣṭutam / sá no rāsva suvī́ryam //
Sentence: 3=k    ayáṃ no agnír várivaḥ kr̥ṇotv ayám mŕ̥dʰaḥ purá etu prabʰindán / ayáṁ śátrūñ jayatu járhr̥ṣāṇo 'yáṃ vā́jaṃ jayatu vā́jasātau //
Sentence: 4=l    agnínāgníḥ sám idʰyate kavír gr̥hápatir yúvā / havyavā́ḍ juhvā̀syaḥ //
Sentence: 5=m    tváṁ hy àgne agninā vípro vípreṇa sánt satā́ / sákʰā sákʰyā samidʰyáse //
Sentence: 6=n    úd agne śúcayas táva
Sentence: 7=o    ví jyótiṣā //

Next part


This text is part of the TITUS edition of Black Yajur-Veda: Taittiriya-Samhita.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.