TITUS
Black Yajur-Veda: Kathaka-Samhita
Part No. 6
Previous part

Sthanaka: 6  
Anuvaka: 1  
Line : 10  Pada: a     prajā́patir vā́ idám āsīt

Pada: b     tásmād agnír ádʰyasr̥jyata

Pada: c     sò 'sya mūrdʰná ūrdʰvá údadravat

Line : 11  Pada: d     tásya yál lóhitam ā́sīt tád ápāmr̥ṣṭa

Pada: e     tád bʰū́myāṃ nyàmārṭ

Pada: f     táta udumbáro 'jāyata

Line : 12  Pada: g     tásmāt sá lóhitaṃ pacyate

Pada: h     sá prā́ṅ prā́dravat

Pada: i     tám̐ svā́ vā́g aiṭṭa juhudʰī́ti

Line : 13  Pada: j     sá itáḥ páryamr̥ṣṭa

Pada: k     tát svā́héty ajuhot

Pada: l     tásmād eṣaívám ā́hutis

Pada: m     svā́ hy ènaṃ vā́g aíṭṭa

Line : 14  Pada: n     tásmān ná lalā́ṭe lómā́sti ná pāṇyós

Pada: o     tásmād aratnimātrī́ srúg bʰavati

Line : 15  Pada: p     cákṣur vā́vá sá tát svám ajuhot \

Pada: q     amúm evā́dityám

Pada: r     agnaú jyótir jyótir agnā́ íti

Line : 16  Pada: s     jyótir evá jyótiṣy ajuhot \

Pada: t     bráhmājuhot satyám ajuhot \

Pada: u     amúm evá tád ādityám ajuhot \

Page: 50  
Line : 1  Pada: v     eṣá hy èvā́gnihotrám \

Pada: w     śváśśvo vásīyān bʰavati yásyaivám agnihotrám̐ hūyáte //


Line : 2  Pada: x     ná vaí purā́horātré āstām \

Pada: y     té etáyā́hutyobʰé sahā́sr̥jyetām \

Pada: z     yát sāyáṃ juhóti

Line : 3  Pada: aa     téna bʰrā́tr̥vyāya párācīṃ vívāsayati

Pada: ab     yát prātás

Pada: ac     ténātmáne pratī́cīm


Line : 4  Pada: ad     agnér vaí gúptyā agnihotrám̐ hūyate

Pada: ae     yát sāyáṃ juhóti ténainaṃ rā́tryai ramayati

Line : 5  Pada: af     yát prātás ténā́hna


Pada: ag     eṣā́ vā́ agnā́ ā́hutiḥ pratʰamā́ hutā yád agnihotrám \

Line : 6  Pada: ah     tásmād agnaú sárvā ā́hutayo hūyánte \

Pada: ai     átʰaiṣaívā́gnihotrám ucyate \

Pada: aj     agnihotráṃ ha vaí nā́ma

Line : 7  Pada: ak     nā́smād anyás samānéṣu vásīyān bʰavati yásyaivám agnihotrám̐ hūyáte //


Anuvaka: 2  
Line : 9  Pada: a     sá nā́ramata

Pada: b     sá prā́dravat

Pada: c     tásminn ajuhot

Pada: d     tásyā ā́hutyāḥ púruṣo 'jāyata

Line : 10  Pada: e     sá nā́ramata

Pada: f     sá prā́dravat

Pada: g     tásminn ajuhot

Pada: h     tásyā ā́hutyā áśvo 'jāyata

Pada: i     tásmāt púruṣaś cāśvaś ca náktaṃ pratyáñcau ná sú vijñāyéte iva

Line : 11  Pada: j     sá nā́ramata

Line : 12  Pada: k     sá prā́dravat

Pada: l     tásminn ajuhot

Pada: m     tásyā ā́hutyā gaúr ajāyatā́vir ajāyatājā́jāyata yávo 'jāyata vrīhír ajāyata \

Line : 13  Pada: n     etā́bʰyo vaí saptábʰya ā́hutibʰyas saptémé grāmyā́ḥ paśávo 'sr̥jyanta

Line : 14  Pada: o     sá nā́ramata

Pada: p     sá prā́dravat

Pada: q     tásminn ajuhot

Pada: r     tásyā ā́hutyā vasantò 'jāyata grīṣmò 'jāyata varṣā́ ajāyanta śarád ajāyata hemantò 'jāyata

Line : 16  Pada: s     sá trayodaśyā́m ā́hutyām údyatāyām abibʰet

Pada: t     táṃ pratyáṅṅ úpāpadyata

Line : 17  Pada: u     táṃ pāṇitáḥ prā́viśat

Pada: v     tásmāt pāṇyór lóma nā́sti \

Pada: w     agnidʰā́nam̐ hy ètát

Pada: x     tásmād dʰástābʰyām agnír matʰyámāno jāyate //

Line : 18  Pada: y     tásmād dʰanyámāno * hástau prátigr̥hṇāti * \
      FN emended. Ed.: dʰanyámānau. Raghuvira, KpS, xxiv: dʰanyamāno. Oertel, Zur Kapiṣṭʰala-Kaṭʰa-Saṃhitā, p. 21. Mittwede, Textkritische Bemerkungen, p. 50
      FN Oertel, Zur Kapiṣṭʰala-Kaṭʰa-Saṃhitā, p. 21: originally pratipragr̥hṇāti. Mittwede, Textkritische Bemerkungen, p. 50: pratiprágr̥hṇāty ?

Line : 19  Pada: z     agnā́ evá tát trā́ṇam iccʰate \

Pada: aa     agníṃ vaí paśávo 'nū́patiṣṭʰante

Pada: ab     paśū́n agníḥ

Page: 51  
Line : 1  Pada: ac     praínaṃ paśávo viśanti

Pada: ad     prá paśū́n viśati yá eváṃ véda

Pada: ae     tā́m ā́hutim apsú prā́siñcat

Line : 2  Pada: af     tátaś śíśiram ajāyata

Pada: ag     tásmāt tát krūrátamam \

Pada: ah     nahí tád dʰutā́n nā́hutād ájāyata

Line : 3  Pada: ai     sā́hutir apó dágdʰum úpākramata *
      FN Raghuvira, KpS, xxiv. Ed.: úpākrāmata. Mittwede, Textkritische Bemerkungen, p. 51

Pada: aj     táta ā́po 'gnáye vájro 'bʰavan \

Line : 4  Pada: ak     tásmāt prókṣánn agníṃ ná prā́payet \

Pada: al     yát prāpáyed dʰaténa yajeta

Pada: am     tā́m ā́hutim óṣadʰīṣu * nyàdadʰāt
      FN Mittwede, Textkritische Bemerkungen, p. 51: óṣadʰiṣu

Line : 5  Pada: an     tásmād óṣadʰayó 'nabʰyaktā rebʰante \

Pada: ao     óṣadʰibʰyó 'dʰi paśávaḥ paśúbʰyó ádʰi prajā́s

Line : 6  Pada: ap     tád etác cʰíśira ā́jyam̐ śyāyaty agnáye

Pada: aq     tásmāc cʰíśire kákṣa upādútyaḥ priyám evá dʰā́māgnáye prā́dāt

Line : 7  Pada: ar     sò 'smā annā́dyaṃ práyaccʰati \

Line : 8  Pada: as     annādó bʰavati yá eváṃ véda //


Anuvaka: 3  
Line : 9  Pada: a     samāne vai yonā āstām̐ sūryaś cāgniś ca

Pada: b     tatas sūrya ūrdʰva udadravat

Pada: c     tasya retaḥ parāpatat

Line : 10  Pada: d     tad agnir yoninopāgr̥hṇāt \

Pada: e     ayasā tad akrūḍayat

Pada: f     tat krūḍyamānaṃ gavi nyadadʰāt

Line : 11  Pada: g     tad idaṃ payas

Pada: h     tasmād atrapvayaḥ pātraṃ * pratidʰuk krūḍayati
      FN Raghuvira, KpS, xxiv: atrapv ayaspātraṃ. Mittwede, Textkritische Bemerkungen, p. 51


Pada: i     yat * payasāgnihotraṃ juhoti \
      FN emended. Ed.: tat. Raghuvira, KpS, xxiv. Mittwede, Textkritische Bemerkungen, p. 51

Line : 12  Pada: j     amum eva tad ādityaṃ juhoti \

Pada: k     eṣa hy evāgnihotram


Pada: l     anaḍuho vai payas taṇḍulās \

Line : 13  Pada: m     asā ādityo 'naḍvān

Pada: n     yad yavāgvāgnihotraṃ juhoti \

Pada: o     amum eva tad ādityaṃ juhoti \

Line : 14  Pada: p     eṣa hy evāgnihotram \


Pada: q     cakravr̥ttam anyad acakravr̥ttam anyat \

Pada: r     yac cakravr̥ttaṃ tad asuryaṃ yad acakravr̥ttaṃ tad devapātram * \
      FN emended. Ed.: devamātram. Raghuvira, KpS, xxiv. Mittwede, Textkritische Bemerkungen, p. 52

Line : 15  Pada: s     tasmād acakravr̥ttām agnihotratapanīṃ kurvīta //


Line : 16  Pada: t     na kṣīreṇa pratiṣiñcet \

Pada: u     nodakena

Pada: v     yat kṣīreṇa pratiṣiñced apratiṣiktam̐ syāt \

Pada: w     yad udakena śamayet \

Line : 17  Pada: x     dohane sam̐srāvam uccʰiṣya tenodakamiśreṇa * pratiṣiñcet
      FN emended. Ed.: uccʰiṣyeta nodakamiśreṇa. Raghuvira, KpS, xxiv. Mittwede, Textkritische Bemerkungen, p. 52

Pada: y     tan na kṣīreṇa pratiṣiktaṃ bʰavati nodakena


Line : 18  Pada: z     skannaṃ vāva tat pari ced ākaroti

Pada: aa     yā stʰāly agnihotratapanī tayā duhyāt \

Line : 19  Pada: ab     iyaṃ vai sā

Pada: ac     na vā * imām iha nehātiskandati \
      FN Raghuvira, KpS, xxiv. Ed.: mānavā. Mittwede, Textkritische Bemerkungen, p. 52


Page: 52  
Line : 1  Pada: ad     anayaivopasīdati

Pada: ae     tad asyāskannaṃ bʰavati \


Pada: af     adbʰiḥ pratiṣiñcati \

Pada: ag     āpo hi pratiṣecanāya tastʰire

Line : 2  Pada: ah     tac cʰāntaṃ mitʰunam āpaś ca payaś ca


Pada: ai     yadi duhyamānāvabʰindyād * anyayā stʰālyā duhyāt
      FN emended. Ed.: avabʰidyād. Raghuvira, KpS, xxiv. Mittwede, Textkritische Bemerkungen, p. 52

Line : 3  Pada: aj     saiva tatra prāyaścittis \


Pada: ak     yady adʰiśrīyamāṇaṃ yady adʰiśritam̐ skanded anyām abʰiduhyādʰiśrityonnīya juhuyāt

Line : 4  Pada: al     saiva tatra prāyaścittis \


Line : 5  Pada: am     yady unnīyamānaṃ yady unnītaṃ yadi pura upasannam ahute * skandet punar avanīyānyām abʰiduhyādʰiśrityonnīya juhuyāt
      FN Raghuvira, KpS, xxiv: ahutam̐. Mittwede, Textkritische Bemerkungen, p. 52

Line : 6  Pada: an     saiva tatra prāyaścittis \


Pada: ao     yatra skandet tad apo ninayet \

Line : 7  Pada: ap     āpo * vai yajñasya niṣkr̥tis \
      FN Corrigenda. Mittwede, Textkritische Bemerkungen, p. 52

Pada: aq     adbʰir evainaṃ niṣkaroti


Pada: ar     pratiṣiktam anyad apratiṣiktam anyat

Line : 8  Pada: as     pratiṣiktaṃ paśukāmasyāpratiṣiktaṃ brahmavarcasakāmasya

Line : 9  Pada: at     gʰarmo vā eṣa pravr̥jyate yad agnihotram \

Pada: au     yad apratiṣiktena * juhoti
      FN emended. Ed.: apratiṣiktaṃ na. Raghuvira, KpS, xxiv. Mittwede, Textkritische Bemerkungen, p. 52

Pada: av     brahmavarcasī bʰavati


Line : 10  Pada: aw     yadi payo na vinded ājyena juhuyāt

Pada: ax     tad dʰy apratiṣekyam apaśavyam īśvaram asyāśāntam̐ śucā paśūn nirdahaḥ


Line : 11  Pada: ay     pratiṣiktaṃ paśukāmasya

Pada: az     tac cʰāntaṃ mitʰunam āpaś ca payaś * ca
      FN emended. Ed.: mayaś. Raghuvira, KpS, xxiv. Mittwede, Textkritische Bemerkungen, p. 52

Line : 12  Pada: ba     yadi payo na vinded yavāgvā juhuyāt

Pada: bb     tad dʰi pratiṣekyam̐ śāntaṃ mitʰunaṃ paśavyam āpaś ca taṇḍulāś ca //


Anuvaka: 4  
Line : 14  Pada: a     agnihotre vai jāyampatī * vyabʰicarete
      FN Raghuvira, KpS, xxiv: jāyāpatī. Mittwede, Textkritische Bemerkungen, p. 53

Pada: b     yat prācīnam udvāsayet patiḥ pūrvaḥ pramīyeta

Line : 15  Pada: c     yat pratīcīnam udvāsayej jāyā pūrvā pramīyeta

Pada: d     saṃpraty udīcīnam udvāsayet

Line : 16  Pada: e     sam evaṃ * jīryataḥ pūrṇam agra unnayet \
      FN Raghuvira, KpS, xxiv: eva. Mittwede, Textkritische Bemerkungen, p. 53

Pada: f     atʰa saṃmitam atʰa saṃmitam atʰa saṃmitatamam uttamam

Line : 17  Pada: g     anujyeṣṭʰam evāsya putrā r̥dʰnuvanti


Pada: h     saṃmitam agra unnayet \

Pada: i     atʰa bʰūyo 'tʰa bʰūyo 'tʰa pūrṇam uttamaṃ bʰūyas \

Line : 18  Pada: j     bʰūya evānnādyam abʰyutkrāmati

Pada: k     kaniṣṭʰas tv asya putrāṇām ardʰuko bʰavati


Line : 19  Pada: l     sarvān samāvad unnayed yaḥ kāmayeta sarve me putrās samāvadr̥dʰnuyur iti

Line : 20  Pada: m     sarveṣāṃ vai pitā putrāṇām r̥ddʰiṃ kāmayate

Line : 21  Pada: n     sarva eva samāvadr̥dʰnuvanti //

Pada: o     nānyo 'nyam atikrāmati


Pada: p     catur unnayati

Pada: q     catuṣpada evāsmai paśūn na ...

Page: 53  
Line : 1  Pada: r     dvipada evāsmai paśūn yacʰati


Line : 2  Pada: s     paśūn me yacʰeti paścād upasādayet

Pada: t     paśavo vai gārhapatyaḥ paśavaḥ payaḥ

Line : 3  Pada: u     paśūnām evaiṣā yatis \


Pada: v     na paścād upasādayet \

Pada: w     havir vā etad yad agnihotram \

Line : 4  Pada: x     yajamāno havis \

Pada: y     havirbʰūtam eva yajamānam apanudate \


Pada: z     uttarād upasādayet \

Pada: aa     apūtaṃ vā etad yad agnihotram

Line : 5  Pada: ab     agniḥ pavitram \

Pada: ac     yat samayāgnim̐ harati

Pada: ad     tenaivainat punāti \


Pada: ae     anu vā eṣa etad dʰyāyati yat paścādʰiśritya puro juhoti

Line : 6  Pada: af     yat samayāgnim̐ harati

Line : 7  Pada: ag     tenaivainaṃ prīṇāty ananudʰyāyinaṃ * karoti \
      FN emended. Ed.: anudʰyāyinaṃ. Raghuvira, KpS, xxiv. Mittwede, Textkritische Bemerkungen, p. 53


Pada: ah     asmād vai gārhapatyād asau pūrvo 'gnir asr̥jyata \

Line : 8  Pada: ai     ayaṃ vāva prajāpatir asau pūrvo 'gnis tad ayam ita ādāya prāṅ anūddrutyājuhot

Line : 9  Pada: aj     tasmād agnihotraṃ paścādʰiśritya puro juhvati

Pada: ak     pura evānyāni havīm̐ṣi śr̥tāni kurvanti puro juhvati //


Anuvaka: 5  
Line : 11  Pada: a     idʰmo vā eṣo 'gnihotrasya yat samit \

Pada: b     yat samidʰam ādadʰāti \

Pada: c     idʰmam evaitam agnihotrasya karoti


Line : 12  Pada: d     rudra oṣadʰīr viṣeṇālimpat

Pada: e     tāḥ paśavo nāliśanta

Line : 13  Pada: f     tābʰyo devāḥ prāyaścittim aiccʰan

Pada: g     sa prajāpatir abravīd vāryaṃ vr̥ṇā ahaṃ va etās svadayiṣyāmīti

Line : 14  Pada: h     sa etām̐ samidʰam avr̥ṇīta

Pada: i     tasmād ekā \

Pada: j     eko hi prajāpatis tā agninopāsr̥jat


Line : 15  Pada: k     tā agnir asvadayat \

Pada: l     etasyāṃ vā āhitāyām agnihotriṇe vīrudʰas svadanti *
      FN Mittwede, Textkritische Bemerkungen, p. 53: svadante

Line : 16  Pada: m     svaditam asyānnaṃ bʰavati ya evaṃ veda


Pada: n     bahur dvīkaroti * \
      FN Mittwede, Textkritische Bemerkungen, p. 53

Line : 17  Pada: o     ubʰe āhutī samiddʰe juhavānīti \


Pada: p     ekaiva kāryā

Pada: q     sakr̥d dʰy eva sarvasmai yajñāya samidʰyate \


Line : 18  Pada: r     āyur me yaccʰa varco me yaccʰa prajāṃ me yaccʰeti pura upasādayet

Line : 19  Pada: s     sr̥ṣṭir vā etad yad agnihotram \

Pada: t     yan nopasādayet parācīḥ prajā iyur

Pada: u     yad upasādyati

Line : 20  Pada: v     tasmād idaṃ prajā yatās tasmād upatiṣṭʰante \


Pada: w     agnau jyotir jyotir agnā iti sāyam agnihotraṃ juhuyāt \

Line : 21  Pada: x     garbʰiṇyā vācā garbʰaṃ dadʰāti

Pada: y     mitʰunayā vācā garbʰaṃ dadʰāti


Page: 54  
Line : 1  Pada: z     sūryo jyotir jyotis sūrya iti prātas

Pada: aa     taṃ garbʰiṇyā vācā mitʰunayā prajanayati

Line : 2  Pada: ab     yan niruktaṃ cāniruktaṃ ca tan mitʰunam \

Line : 3  Pada: ac     yad yajuṣā ca manasā ca tan mitʰunam \

Pada: ad     tad ajāmi \


Pada: ae     āhutyor āgneyī sāyamāhutis

Line : 4  Pada: af     saurī prātar

Pada: ag     agniḥ pravāpayitā

Pada: ah     sūryaḥ prajanayitā \

Pada: ai     amnas sūrye nimrukte sāyam agnihotraṃ juhuyāt \

Line : 5  Pada: aj     upodayam̐ * sūryasya prātar
      FN Mittwede, Textkritische Bemerkungen, p. 53

Pada: ak     agnir eva pravāpayitvā sūryaṃ rātryai garbʰaṃ dadʰāti

Line : 6  Pada: al     taṃ garbʰiṇyā vācā mitʰunayā prātaḥ prajanayati \


Pada: am     etaṃ vai prajāyamānaṃ prajā anuprajāyante

Line : 7  Pada: an     pra prajayā pra paśubʰir jāyate yasyaivam agnihotram̐ hūyate \


Line : 8  Pada: ao     eṣā vā agnihotrasya stʰāṇus \

Pada: ap     yā pūrvāhutis tām atihāya juhuyāt

Line : 9  Pada: aq     tam eva parivr̥ṇakti \


Pada: ar     abʰikrāmam̐ sāyam̐ hotavyam \

Pada: as     garbʰam eva dadʰāti


Pada: at     pratikrāmaṃ prātaḥ

Line : 10  Pada: au     praiva janayati


Pada: av     tad āhus \

Pada: aw     abʰikrāmam eva hotavyam

Pada: ax     abʰikrāntena hi yajñasyardʰnoti

Line : 11  Pada: ay     yaj juhoti tad devānām \

Pada: az     yad uddiśati tena rudram̐ śamayati

Line : 12  Pada: ba     yan nimārṣṭi tat pitr̥̄ṇām \

Pada: bb     yat prāśnāti tan manuṣyāṇām \

Pada: bc     tasmād agnihotraṃ vaiśvadevam ucyate //


Anuvaka: 6  
Line : 14  Pada: a     praiyamedʰā vai nāma brāhmaṇā āsan \

Pada: b     te sarvam avidus

Pada: c     tat sahaivāvidus

Pada: d     te 'gnihotra eva na samarādʰayan \

Line : 15  Pada: e     teṣām̐ sakr̥d eko 'gnihotram ajuhod dvir ekas trir ekas

Line : 16  Pada: f     teṣāṃ yas sakr̥d ajuhot tam itarā apr̥ccʰatām \

Pada: g     kasmai tvaṃ juhoṣīti \

Pada: h     ekadʰaivedam ity abravīt prajāpatiḥ prajāpataya evāhaṃ juhomīti

Line : 17  Pada: i     teṣāṃ yo dvir ajuhot tam itarā apr̥ccʰatām \

Line : 18  Pada: j     kasmai tvaṃ juhoṣīti \

Pada: k     agnaye caiva sāyaṃ prajāpataye cety abravīt sūryāya ca prātaḥ prajāpataye ceti

Line : 19  Pada: l     teṣām yas trir ajuhot tam itarā apr̥ccʰatām \

Line : 20  Pada: m     kasmai tvaṃ juhoṣīti \

Pada: n     agnaye sūryāya prajāpataye * ity abravīt tebʰya eva sāyaṃ juhomi tebʰyaḥ prātar iti
      FN Corrigenda. Mittwede, Textkritische Bemerkungen, p. 54

Line : 21  Pada: o     teṣāṃ yo dvir ajuhot sa ārdʰnot sa bʰūyiṣṭʰo 'bʰavat

Page: 55  
Line : 1  Pada: p     prajayātītarau śriyākrāmat

Pada: q     tasya prajām itarayoḥ praje sajātatvam upaitām \

Line : 2  Pada: r     tasmād dve hotavye yajuṣā ca manasā ca

Pada: s     yām eva sa r̥ddʰim ārdʰnot tām r̥dʰnoti


Line : 3  Pada: t     yadi sāyamahute 'gnihotre pūrvo 'gnir anugaccʰed agnihotram adʰiśrityonnīyāgninā pūrveṇoddrutyāgnihotreṇānūddravet \

Line : 4  Pada: u     āhutyaivainaṃ cyāvayati


Pada: v     yo brāhmaṇo bahuvit syāt sa uddʰaret

Line : 5  Pada: w     sarveṇaivainaṃ brahmaṇoddʰarati


Pada: x     yat purā dʰanam adāyī syāt tad dadyāt \

Line : 6  Pada: y     acyutenaivainaṃ cyāvayati


Pada: z     yadi prātarahute 'gnihotre 'paro 'gnir anugaccʰed anugamayitvā pūrvaṃ matʰitvāparam uddʰr̥tya juhuyāt

Line : 7  Pada: aa     saiva tatra prāyaścittis \


Line : 8  Pada: ab     yadi tvareta * pūrvam agnim anvavasāya tataḥ prāñcam uddʰr̥tya juhuyāt
      FN emended. Ed.: tvareta //. Mittwede, Textkritische Bemerkungen, p. 54

Pada: ac     saiva tatra prāyaścittis \


Line : 9  Pada: ad     jāmi nu tad yo 'sya pūrvo 'gnis tam aparaṃ karoti \

Pada: ae     anyatraivāvasāyāgniṃ matʰitvoddʰr̥tya juhuyāt

Line : 10  Pada: af     saiva tatra prāyaścittis


Pada: ag     tataś śvo 'gnaye tapasvate janadvate pāvakavata iṣṭiṃ nirvapet \

Line : 11  Pada: ah     yadā vā agnis saṃtapyate 'tʰa jāyata oṣadʰayaḥ pāvakās \

Line : 12  Pada: ai     oṣadʰīr evāsmai pāvakā bʰāgadʰeyam apidadʰāti


Line : 13  Pada: aj     na gārham anubudʰyate

Pada: ak     yadā hy evāsmai nāpidadʰaty * atʰaiṣo 'nugaccʰati
      FN Mittwede, Textkritische Bemerkungen, p. 54: nāpidadʰāty


Line : 14  Pada: al     yau pantʰānā abʰitas tau * darśapūrṇamāsau yā madʰye sr̥tis tad agnihotram
      FN emended. Ed.: abʰitastʰau. Raghuvira, KpS, xxiv. Mittwede, Textkritische Bemerkungen, p. 54

Pada: am     evaṃ vā agnihotriṇe darśapūrṇamāsine svargo loko 'nubʰāti //


Line : 15  Pada: an     manasā vā imāṃ prajāpatir vediṃ paryagr̥hṇāt \

Line : 16  Pada: ao     agnihotriṇe tatra yat kiṃca dadāti tad barhiṣyaṃ yatʰā sanneṣu * nārāśam̐seṣu dadāti \
      FN Ed.: yatʰāsanneṣu. Raghuvira, KpS, xxiv. Mittwede, Textkritische Bemerkungen, p. 54

Line : 17  Pada: ap     evam eṣa dadāti yat kiṃca dadāti


Line : 18  Pada: aq     madʰya eva yajñasya dyāvāpr̥tʰivī etasya sadohavirdʰāne ahorātrāṇīdʰmo diśaḥ paridʰayaḥ pruṣvāḥ prokṣaṇīr oṣadʰayo barhir * yajamāno yūpas \
      FN emended. Ed.: na hi. Raghuvira, KpS, xxiv. Mittwede, Textkritische Bemerkungen, p. 54


Line : 20  Pada: ar     na saṃbʰavan vadet

Pada: as     paśur eva bʰūtvā saṃbʰavati \

Pada: at     aharahar vai paśavas saṃbʰavanto 'tʰa medʰyā


Page: 56  
Line : 1  Pada: au     na rājanyasyāgnihotram asti \

Pada: av     avratyo hi sa hanti


Pada: aw     vrataṃ na viccʰindyāt

Pada: ax     paurṇamāsīṃ ca rātrīm amāvasyāṃ ca juhuyāt

Line : 2  Pada: ay     te hi vrataṃ gopāyati *
      FN Mittwede, Textkritische Bemerkungen, p. 54


Pada: az     yāny ahāni na juhuyāt tāny asya brāhmaṇāyāgre gr̥ha upahareyur

Line : 3  Pada: ba     agnir vai brāhmaṇas \

Pada: bb     agnā eva taj juhoti

Line : 4  Pada: bc     tad asya svaditam eṣṭaṃ bʰavati //


Anuvaka: 7  
Line : 5  Pada: a     vācā vai saha manuṣyā ajāyantarte * vāco devāś cāsurāś ca
      FN emended. Ed.: ajāyanta te. Raghuvira, KpS, xxv. Mittwede, Textkritische Bemerkungen, p. 55

Pada: b     te yan manuṣyā avadam̐s tad evābʰavan

Line : 6  Pada: c     te devāś cāsurāś ca prajāpatim abruvann ime vāvedam abʰūvann iti

Line : 7  Pada: d     sa vācas satyaṃ niramimīta bʰūr bʰuvas svar iti

Pada: e     yat turīyam anr̥taṃ tan manuṣyeṣu nyadadʰāt \

Line : 8  Pada: f     etad vai vāco 'nr̥taṃ yan manuṣyā vadanti

Pada: g     bʰūr itīmām asr̥jatāgniṃ ratʰaṃtaraṃ trivr̥taṃ gāyatrīm \

Line : 9  Pada: h     bʰuvar ity antarikṣaṃ vātaṃ vāmadevyaṃ triṣṭubʰaṃ pañcadaśam * \
      FN emended. Ed.: pañcadaśa. Raghuvira, KpS, xxv. Mittwede, Textkritische Bemerkungen, p. 55

Line : 10  Pada: i     svar iti divam̐ sūryaṃ br̥had ekavim̐śaṃ jagatīm \

Pada: j     bʰūr bʰuvas svar agnau jyotir jyotir agnā ity agnihotraṃ juhuyāt \

Line : 11  Pada: k     etad vai vācas satyam etan mitʰunam etad brahma

Line : 12  Pada: l     tenaiva juhoti \

Pada: m     imā evaitad iṣṭakā upadʰatte \

Pada: n     imā evaitad iṣṭakā upadʰāyottamaṃ nākaṃ rohati \

Line : 13  Pada: o     uttamas samānānāṃ bʰavati yasyaivam agnihotram̐ hūyate //


Line : 14  Pada: p     vācaṃ yaccʰed agnihotra unnīyamāne

Pada: q     tapasā vai prajāpatiḥ prajā asr̥jata

Line : 15  Pada: r     yan na vyāharat tad evātapyata

Pada: s     sr̥ṣṭir vā etad yad agnihotram̐ sr̥ṣṭir etad vratam \

Line : 16  Pada: t     tā udbʰavas stʰety udabʰāvayat \

Pada: u     yarhi bindava iva syus tarhy avekṣetodbʰavas stʰod ahaṃ prajayā pra paśubʰir bʰūyāsam iti \

Line : 17  Pada: v     udbʰūtir vā etat prabʰūtir yad agnihotram

Pada: w     ut prajayā pra paśubʰir bʰavati yasyaivam agnihotram̐ hūyate \


Line : 18  Pada: x     agnināvekṣate

Pada: y     prajananaṃ vā etad yad agnihotram

Line : 19  Pada: z     agniḥ prajanayitā

Pada: aa     praiva janayati //


Pada: ab     reto vā etad yad agnihotram \

Line : 20  Pada: ac     na suśr̥taṃ kuryāt \

Pada: ad     retaḥ krūḍayet \

Pada: ae     no aśr̥tam

Pada: af     antareṇaiva * syāt \
      FN Mittwede, Textkritische Bemerkungen, p. 55: antra evaiva


Pada: ag     rudra mr̥ḍānārbʰava * mr̥ḍa dʰūrte * namas te 'stv iti hutvodaṅṅ uddiśet \
      FN Mittwede, Textkritische Bemerkungen, p. 55
      FN Mittwede, Textkritische Bemerkungen, p. 56

Line : 21  Pada: ah     etāni vai rudrasya krūrāṇi nāmāni

Page: 57  
Line : 1  Pada: ai     tair eṣa prajā hinasty agnihotre bʰāgadʰeyam iccʰamānas

Pada: aj     tāny evāsya pratinudati

Line : 2  Pada: ak     tāni śamayati


Pada: al     yarhy ayaṃ devaḥ * prajā abʰimanyeta sajūr jātavedo divā pr̥tʰivyā haviṣo vīhi svāheti
      FN emended. Ed.: devāḥ. Raghuvira, KpS, xxv. Mittwede, Textkritische Bemerkungen, p. 56

Line : 3  Pada: am     dvādaśa rātrīr agnihotraṃ juhuyāt \

Line : 4  Pada: an     yā vā agner jātavedasas * tanūs tayaiṣa prajā hinasty agnihotre bʰāgadʰeyam iccʰamānas
      FN emended. Ed.: jātavedās. Oertel, Zur Kapiṣṭʰala-Kaṭʰa-Saṃhitā, p.25. Mittwede, Textkritische Bemerkungen, p. 56

Line : 5  Pada: ao     tām evāsya prīṇāti


Pada: ap     tasyai taj * juhoti //
      FN Raghuvira, KpS, xxv. Mittwede, Textkritische Bemerkungen, p. 56

Pada: aq     tad ajāmi \

Pada: ar     āhutyor āgneyy eṣāgneyītarā


Line : 6  Pada: as     saṃvatsaraṃ vā etam indʰate 'gniṃ vaiśvānaram \

Pada: at     na vā etasya saṃvatsare 'pyasti na vaiśvānare yo 'nāhitāgnis \

Line : 7  Pada: au     yāni dārūṇi te māsā ye stʰūlā aṅgārās te r̥tavo * ye 'ṇīyām̐sas te 'rdʰamāsā murmurā ahorātrāṇi
      FN Mittwede, Textkritische Bemerkungen, p. 56

Line : 9  Pada: av     yat suvarṇaṃ jyotis tad bārhaspatyam \

Pada: aw     yan na suvarṇaṃ na lohitaṃ tan maitram \

Pada: ax     yal lohitaṃ tad vāruṇam \

Line : 10  Pada: ay     yat sadʰūmaṃ tad vaiśvadevam \

Pada: az     yatrāṅgāreṣv agnir lelāyeva tad asyāsyam āvir nāma

Line : 11  Pada: ba     tad brahma

Pada: bb     tasmin hotavyam \

Pada: bc     mukʰena vā aśnāti \

Pada: bd     aṅgānyavatyāviḥ prajāsu bʰavati

Line : 12  Pada: be     śvaśśvo vasīyān bʰavati yasyaivam agnihotram̐ hūyate //


Anuvaka: 8  
Line : 13  Pada: a     odanapacano gārhapatya āhavanīyo madʰyādʰidevanam āmantraṇam

Pada: b     eṣā vai virāṭ pañcapadā

Line : 14  Pada: c     tām evāpnoti

Pada: d     tām avarunddʰe

Pada: e     yasya hy eṣāvaruddʰā sa manuṣyāṇām̐ śreṣṭʰo bʰavati


Line : 15  Pada: f     yadi sāyam agnihotrasya kālo 'tipadyeta doṣā vastos svāheti juhuyāt

Line : 16  Pada: g     saiva tatrāhutis

Pada: h     tenāsya tad anatipannaṃ bʰavati


Line : 17  Pada: i     yadi prātar agnihotrasya kālo 'tipadyeta divā vastos svāheti juhuyāt

Line : 18  Pada: j     saiva tatrāhutis

Pada: k     tenāsya tad anatipannaṃ bʰavati


Pada: l     na svāhākuryāt *
      FN emended. Ed.: na. Raghuvira, KpS, xxv. Mittwede, Textkritische Bemerkungen, p. 56

Pada: m     svāhākāro vā agnihotrasyāhutiṃ yuvate

Line : 19  Pada: n     yarhi vāk * pravadet tarhi juhuyāt
      FN emended. Ed.: vāva. Raghuvira, KpS, xxv. Mittwede, Textkritische Bemerkungen, p. 57

Pada: o     sa hy agnihotrasya vaṣaṭkāras


Line : 20  Pada: p     sajūr agnir divā pr̥tʰivyeti

Pada: q     dyāvāpr̥tʰivī agniṃ tān eva prīṇāti

Page: 58  
Line : 1  Pada: r     tān avarunddʰe


Pada: s     sajūr devena savitreti

Pada: t     na hi savitur r̥ta āhutir asti


Pada: u     sajūḥ pūṣṇāntarikṣeṇeti

Line : 2  Pada: v     paśavo vai pūṣā paśavo 'ntarikṣam \

Pada: w     paśūn evāvarunddʰe


Line : 3  Pada: x     sajū rātryendravatyā svāheti

Pada: y     rātrīm evaitad abʰijuhoti

Pada: z     na hīndrād r̥ta āhutir asti


Line : 4  Pada: aa     devā vai purāgnihotram ahauṣus

Pada: ab     tasmāt purā br̥han mahān ajani

Pada: ac     sajūr ahnendravatā svāheti

Line : 5  Pada: ad     bārhataṃ vā ahar bārhatas sūryas \

Pada: ae     ahaś caivāsyaitat sūryaś cābʰijitā abʰihutau bʰavatas \

Line : 6  Pada: af     ānuṣṭubʰī vai rātrī traiṣṭubʰam ahar \

Pada: ag     rātrīṃ caivaitad ahaś cābʰjʰuhoti \


Line : 7  Pada: ah     agne 'dābʰya juṣasva svāhety uttarām āhutiṃ juhoti

Pada: ai     yatʰāgnaye samavadyaty evam eva tat \


Line : 8  Pada: aj     apiprer agne svāṃ tanvam ayāḍ * dyāvāpr̥tʰivī ūrjam asmāsu dʰehīti tr̥ṇam aktvānupraharati
      FN emended. Ed.: ayān. Raghuvira, KpS, xxv. Mittwede, Textkritische Bemerkungen, p. 57

Line : 9  Pada: ak     sam̐stʰitir evaiṣā svagākr̥tir


Pada: al     agnihotrasya vā eṣo 'śāntam anu prajā hinasti

Line : 10  Pada: am     yat tr̥ṇam aktvānu praharati

Pada: an     tenaivainac cʰamayati \


Line : 11  Pada: ao     agne gr̥hapate juṣasva svāheti sruveṇa gārhapatye juhoti

Pada: ap     yatʰā patnīs saṃyājayaty evam eva tat \


Line : 12  Pada: aq     anu vā eṣa etad dʰyāyati

Pada: ar     yat paścādʰiśritya puro * juhoti
      FN emended. Ed.: purā. Mittwede, Textkritische Bemerkungen, p. 57

Line : 13  Pada: as     yat sruveṇa gārhapatye juhoti

Pada: at     tenaivainaṃ prīṇāti \

Pada: au     ananudʰyāyinaṃ karoti \

Line : 14  Pada: av     āsyāgnihotrī * prajāyāṃ jāyate śvaśśvo vasīyān bʰavati yasyaivam agnihotram̐ hūyate //
      FN emended. Ed.: asyāgnihotrī. Raghuvira, KpS, xxv. Mittwede, Textkritische Bemerkungen, p. 57


Anuvaka: 9  
Line : 16  Pada: a     upaprayánto adʰvaráṃ mántraṃ vocemāgnáye /

Line : 17  Pada: b     āré asmé ca śr̥ṇvaté //

Line : 18  Pada: c     asyá pratnā́m ánu dyútam̐ śukráṃ duduhre áhrayaḥ /

Line : 19  Pada: d     páyas sahasrasā́m ŕ̥ṣim * //
      FN Mittwede, Textkritische Bemerkungen, p. 57

Line : 20  Pada: e     agnír mūrdʰā́ diváḥ kakút pátiḥ pr̥tʰivyā́ ayám /

Line : 21  Pada: f     apā́ṃ rétām̐si jinvati //

Page: 59  
Line : 1  Pada: g     ubʰā́ vām indrāgnī āhuvádʰyā ubʰā́ rā́dʰasas sahá mādayádʰyai /

Line : 2  Pada: h     ubʰā́ dātā́rā iṣā́ṃ rayīṇā́m ubʰā́ vā́jasya sātáye huve vām //

Line : 3  Pada: i     ayám ihá pratʰamó dʰāyi dʰātŕ̥bʰir hótā yájiṣṭʰo adʰvaréṣv ī́ḍyaḥ /

Line : 4  Pada: j     yám ápnavāno bʰŕ̥gavo virurucúr váneṣu citráṃ vibʰváṃ viśéviśe //

Line : 5  Pada: k     ayáṃ te yónir r̥tvíyo yáto jātó árocatʰāḥ /

Line : 6  Pada: l     táṃ jānánn agna ā́roha táto no vardʰayā rayím //

Line : 7  Pada: m     dadʰikrā́vṇo akāriṣaṃ jiṣṇór áśvasya vājínaḥ //

Line : 8  Pada: n     surabʰí no múkʰā karat prá ṇa ā́yūm̐ṣi tāriṣat //

Line : 9  Pada: o     tvám agne sū́ryavarcās

Pada: p     sáṃ mā́m ā́yuṣā várcasā sr̥ja

Pada: q     sáṃ tvám agne sū́ryasya jyótiṣāgatʰās sám ŕ̥ṣīṇām̐ stuténa sáṃ priyéṇa dʰā́mnā

Line : 10  Pada: r     sám ahám ā́yuṣā sáṃ várcasā sáṃ prajáyā sáṃ rāyáspóṣeṇa gmīya //

Line : 12  Pada: s     índʰānās tvā śatám̐ hímā dyumántas sámidʰīmahi /

Line : 13  Pada: t     váyasvanto vayasvínaṃ yáśasvanto yaśásvínam /

Line : 14  Pada: u     suvī́rāso ádābʰyam ágne sapatnadámbʰanam //

Line : 15  Pada: v     āyurdʰā́ agne 'si \

Pada: w     ā́yur me dʰehi

Pada: x     vayodʰā agne 'si

Pada: y     vayo me dʰehi

Pada: z     tanūpā agne 'si

Line : 16  Pada: aa     tanvaṃ me pāhi //

Pada: ab     yan me agna ūnaṃ tanvas tan ma āpr̥ṇa \

Pada: ac     agnes samid asi \

Line : 17  Pada: ad     abʰiśastyā mā pāhi

Pada: ae     somasya samid asi

Pada: af     paraspā ma edʰi

Line : 18  Pada: ag     yamasya samid asi

Pada: ah     mr̥tyor mā pāhi \

Pada: ai     agne yat te tapas tena taṃ pratitapa yo 'smān dveṣṭi yaṃ ca vayaṃ dviṣmas \

Line : 19  Pada: aj     agne yat te śocis tena taṃ pratiśoca yo 'smān dveṣṭi yaṃ ca vayaṃ dviṣmas \

Line : 20  Pada: ak     agne yat te tejas tena taṃ pratitityagdʰi * yo 'smān dveṣṭi yaṃ ca vayaṃ dviṣmas \
      FN Mittwede, Textkritische Bemerkungen, p. 57

Line : 21  Pada: al     agne yat te 'rcis tena taṃ pratyarca yo 'smān dveṣṭi yaṃ ca vayaṃ dviṣmas \

Line : 22  Pada: am     agne yat te haras tena taṃ pratihara yo 'smān dveṣṭi yaṃ ca vayaṃ dviṣmas \

Page: 60  
Line : 1  Pada: an     agne rucāṃ pate namas te ruce mayi rucaṃ dʰehi

Pada: ao     citrāvaso svasti te pāram aśīya \

Line : 2  Pada: ap     arvāgvaso svasti te pāram aśīya //


Anuvaka: 10  
Line : 3  Pada: a     véttʰā hí vedʰo ádʰvanaḥ patʰáś ca devā́ñjasā /

Line : 4  Pada: b     ágne yajñéṣu sukrato //

Line : 5  Pada: c     ágne náya supátʰā rāyé asmā́n víśvāni deva vayúnāni vidvā́n /

Line : 6  Pada: d     yuyodʰy àsmáj juhurāṇám éno bʰū́yiṣṭʰāṃ te námauktiṃ vidʰema //

Line : 7  Pada: e     ā́ tū́ na indra vr̥trahann asmā́kam ardʰám ā́gahi /

Line : 8  Pada: f     mahā́n mahī́bʰir ūtíbʰiḥ //

Line : 9  Pada: g     tváṃ mahā́m̐ indra túbʰyam̐ ha kṣā́ ánu kṣatráṃ mam̐hánā manyata dyaúḥ /

Line : 10  Pada: h     tváṃ vr̥trám̐ śavasā jagʰanvā́n sr̥jás síndʰūm̐r áhinā jagrasānā́n //

Line : 11  Pada: i     r̥tā́vānaṃ vaiśvānarám //

Pada: j     vaiśvānarásya sumataú syāma //

Line : 12  Pada: k     ágne dā́ dāśúṣe rayíṃ vīrávantaṃ párīṇasam /

Line : 13  Pada: l     śiśīhí nas sūnumátaḥ //

Line : 14  Pada: m     tvád dʰí putra sahaso ví pūrvī́r devásya yántūtáyo ví vā́jāḥ /

Line : 15  Pada: n     tváṃ dehi sahasríṇaṃ rayíṃ no 'drogʰéṇa * vácasā satyám agne //
      FN emended. Ed.: 'drogʰéna. Mittwede, Textkritische Bemerkungen, p. 57

Line : 16  Pada: o     dīrgʰás te astv aṅkuśó yénā vásu prayáccʰasi /

Line : 17  Pada: p     yájamānāya sunvaté * //
      FN emended. Ed.: sunváte. Mittwede, Textkritische Bemerkungen, p. 57

Line : 18  Pada: q     ā́ tū́ bʰara mā́kir etát páriṣṭʰād vidmā́ hí tvā vásupatiṃ vásūnām /

Line : 19  Pada: r     índra yát te mā́hinaṃ dátram ásty asmábʰyaṃ tád dʰaryaśva práyandʰi //

Page: 61  
Line : 1  Pada: s     prá tát te adyá śipiviṣṭa nā́mā́ryaś śam̐sāmi vayúnāni vidvā́n /

Line : 2  Pada: t     táṃ tvā gr̥ṇāmi tavásam átavyān kṣáyantam asyá rájasaḥ parāké //

Line : 3  Pada: u     váṣaṭ te viṣṇa āsá ā́ kr̥ṇomi tán me juṣasva śipiviṣṭa havyám /

Line : 4  Pada: v     várdʰantu tvā suṣṭutáyo gíro me yūyáṃ pāta svastíbʰis sádā naḥ //

Line : 5  Pada: w     tvā́m agne vājasā́tamaṃ víprā vardʰanti súṣṭutam /

Line : 6  Pada: x     sá no rāsva suvī́ryam //

Line : 7  Pada: y     ayáṃ no agnír várivaḥ kr̥ṇotv ayáṃ mŕ̥dʰaḥ puráetu prabʰindán /

Line : 8  Pada: z     ayáṃ vā́jaṃ jayatu vā́jasātā ayám̐ śatrūñ jayatu járhr̥ṣāṇaḥ //

Line : 9  Pada: aa     tvám agne vratapā́ asi //

Pada: ab     yád vo vayám //


Anuvaka: 11  
Line : 10  Pada: a     kr̥ṇuṣvá pā́jaḥ //

Line : 11  Pada: b     sá te jānāti sumatíṃ yaviṣṭʰa yá ī́vate bráhmaṇe gātúm aírat /

Line : 12  Pada: c     víśvāny asmai sudínāni rāyó dyumnā́ny aryó ví dúro abʰídyaut //

Line : 13  Pada: d     séd agne astu subʰágas sudā́nur yás tvā nítyena havíṣā yá uktʰaíḥ /

Line : 14  Pada: e     píprīṣati svá ā́yuṣi duroṇé víśvéd asmai sudínā sā́sad iṣṭíḥ //

Line : 15  Pada: f     árcāmi te sumatíṃ gʰóṣy arvā́k sáṃ te vāvā́tā jaratām iyáṃ gī́ḥ /

Line : 16  Pada: g     sváśvās tvā surátʰā mārjayemāsmé kṣatrā́ṇi dʰārayer ánu dyū́n //

Line : 17  Pada: h     ihá tvā bʰū́ry ā́cared úpa tmán dóṣāvastar dīdivā́m̐sam ánu dyū́n /

Line : 18  Pada: i     krī́ḍantas tvā sumánasas sapemābʰí dyumnā́ tastʰivā́m̐so jánānām //

Line : 19  Pada: j     yás tvā sváśvas suhiraṇyó agna upayā́ti vásumatā rátʰena /

Line : 20  Pada: k     tásya trātā́ bʰavasi tásya sákʰā yás ta ātitʰyám ānuṣág jújoṣat //

Line : 21  Pada: l     mahó rujāmi bandʰútā vácobʰis tán mā pitúr gótamād ánviyāya /

Line : 22  Pada: m     tváṃ no asyá vácasaś cikiddʰi hótar yaviṣṭʰa sukrato dámūnāḥ //

Line : 23  Pada: n     ásvapnajas taráṇayas suśévā átandrāso 'vr̥kā́ áśramiṣṭʰāḥ /

Line : 24  Pada: o     té pāyávas sadʰryàñco niṣádyā́gne táva naḥ pāntv amūra //

Page: 62  
Line : 1  Pada: p     yé pāyávo māmateyáṃ te agne páśyanto andʰáṃ duritā́d árakṣan /

Line : 2  Pada: q     rarákṣa tā́n sukŕ̥to viśvávedā dípsanta íd ripávo nā́ha debʰuḥ //

Line : 3  Pada: r     tváyā vayám̐ sadʰanyàs tvótās táva práṇīty aśyāma vā́jān /

Line : 4  Pada: s     ubʰā́ śám̐sā sūdaya satyatāte 'nuṣṭʰuyā́ kr̥ṇuhy ahrayāṇa //

Line : 5  Pada: t     ayā́ te agne samidʰā vidʰema práti stómam̐ śasyámānaṃ gr̥bʰāya /

Line : 6  Pada: u     dáhāśáso rakṣásaḥ pāhy àsmā́n druhó nidó mitramaho avadyā́t //


Line : 7  Pada: v     iti śrīyajuṣi kāṭʰāke carkaśākʰāyām iṭʰimikāyām agnihotrabrāhmaṇaṃ nāma ṣaṣṭʰaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.