TITUS
Black Yajur-Veda: Kathaka-Samhita
Part No. 5
Previous part

Sthanaka: 5  
Anuvaka: 1  
Line : 5  Pada: a     agnīṣomābʰyāṃ yajñaś cakṣuṣmām̐s tayor ahaṃ devayajyayā cakṣuṣā cakṣuṣmān bʰūyāsam

Line : 6  Pada: b     agnir annasyānnapatis tasyāhaṃ devayajyayānnasyānnapatir bʰūyāsam \

Pada: c     dabdʰir asy adabdʰo bʰūyāsam

Line : 7  Pada: d     amuṃ dabʰeyam

Pada: e     agnīṣomau vr̥trahaṇau tayor ahaṃ devayajyayā vr̥trahā bʰūyāsam

Line : 8  Pada: f     indrāgnyor ahaṃ devayajyayaujasvān vīryāvān bʰūyāsam

Line : 9  Pada: g     indrasyāhaṃ devayajyayendriyāvān bʰūyāsam \

Pada: h     mahendrasyāhaṃ devayajyayā jemānaṃ * bʰūmānaṃ gameyam
      FN emended. Ed.: jehamānam. cf. 32.1:19.5

Line : 10  Pada: i     indrasyāhaṃ vimr̥dʰasya devayajyayāsapatno bʰūyāsam

Line : 11  Pada: j     indrasyāham indriyāvato devayajyayā paśumān bʰūyāsam //

Pada: k     sarasvatyā ahaṃ devayajyayā vācam annādyaṃ puṣeyam \

Line : 12  Pada: l     pūṣṇo 'haṃ devayajyayā puṣṭimān paśumān bʰūyāsam

Line : 13  Pada: m     adityā ahaṃ devayajyayā pratiṣṭʰāṃ gameyam \

Pada: n     viśveṣām ahaṃ devānāṃ devayajyayā prāṇānām̐ sāyujyaṃ gameyam \

Line : 14  Pada: o     dyāvāpr̥tʰivyor ahaṃ devayajyayā prajaniṣeyaṃ prajayā paśubʰis \

Line : 15  Pada: p     agner aham̐ sviṣṭakr̥to devayajyayāyuḥ pratiṣṭʰāṃ gameyam //

Page: 45  
Line : 1  Pada: q     atītr̥pad * yajñe yajñam ayāḍ devām̐ araṃkr̥taḥ /
      FN emended. Ed.: atītapad. cf. 32.1:19.18

Line : 2  Pada: r     somas te mitro aryamā rāyaspoṣaṃ dadʰātana //


Anuvaka: 2  
Line : 3  Pada: a     br̥hato mā vājena vājaya

Pada: b     vāmadevasya mā vājena vājaya

Pada: c     ratʰantarasya mā vājena vājaya

Line : 4  Pada: d     juṣṭe juṣṭiṃ te gameyam

Pada: e     upahūta upahavaṃ te 'śīya

Line : 5  Pada: f     suhavām ehi * saha prajayā saha rāyaspoṣeṇa //
      FN cf. HirŚS.6.3.8:516: suhavāma ehi

Line : 6  Pada: g     asmāsv indra indriyaṃ dadʰātv asmān rāyo magʰavānas sacantām /

Line : 7  Pada: h     asmākam̐ santv āśiṣaḥ //

Line : 8  Pada: i     āśīr ma ūrjam uta suprajāstvam iṣaṃ dadʰātu draviṇam̐ savarcasam /

Line : 9  Pada: j     saṃjayan kṣetrāṇi sahasāham indra kurvāṇo anyām̐ adʰarān sapatnān //

Line : 10  Pada: k     brahma tejo me pinvasva

Pada: l     kṣatram ojo me pinvasva

Pada: m     prajāṃ vr̥ṣṭiṃ me pinvasva

Line : 11  Pada: n     paśūn viśaṃ me pinvasva \

Pada: o     iṣam ūrjaṃ me pinvasva //

Line : 12  Pada: p     mayi tyad indriyaṃ mahan mayi dyumna uta kratuḥ /

Line : 13  Pada: q     triśug gʰarmas sadam in me vibʰāti virāḍ jyotiṣā saha //

Line : 14  Pada: r     tasya doham aśīya

Pada: s     bradʰna pinvasva

Pada: t     kalpantāṃ diśo yajamānasyāyuṣe

Line : 15  Pada: u     dadato me mā kṣāyi

Pada: v     kurvato me mopadasat \

Pada: w     bʰajatāṃ bʰāgī

Pada: x     mābʰāgo bʰakta

Pada: y     ye brāhmaṇās somyās teṣām idam̐ havir nāsomyasyāpy asti

Line : 16  Pada: z     nirbʰakto yaṃ dviṣmaḥ //


Anuvaka: 3  
Line : 18  Pada: a     devasyāhaṃ barhiṣo devayajyayā prajāvān bʰūyāsam \

Pada: b     devasyāhaṃ narāśam̐sasya devayajyayā paśumān bʰūyāsam \

Line : 19  Pada: c     devasyāham agnes sviṣṭakr̥to devayajyayāyuḥ pratiṣṭʰāṃ gameyam //

Page: 46  
Line : 1  Pada: d     ām āśiṣo * dohakāmā indravanto havāmahe /
      FN Ed.: ā māśiṣo. ām̐? Mittwede, Textkritische Bemerkungen, p. 49

Line : 2  Pada: e     dʰukṣīmahi prajām iṣam //

Line : 3  Pada: f     sā me satyāśīr devān gamyāj juṣṭāj juṣṭatarā panyāt panyatarā \

Pada: g     areḍatā * manasā devān gaccʰa
      FN emended. Ed.: aheḍatā. cf. 32.3:21.10. MS.1.4.1:48.1: áreḍatā. Mittwede, Textkritische Bemerkungen, p. 49

Line : 4  Pada: h     yo devayānaḥ pantʰās tena devān gaccʰa

Pada: i     yajño devān gaccʰatu

Line : 5  Pada: j     yajño devān gamyāt \

Pada: k     ado māgaccʰatu //

Pada: l     rohitena tvāgnir devatāṃ gamayatu

Pada: m     haribʰyāṃ tvendro devatāṃ gamayatu \

Line : 6  Pada: n     etaśena tvā sūryo devatāṃ gamayatu

Pada: o     yajña yajñaṃ gaccʰa

Line : 7  Pada: p     yajñapatiṃ gaccʰa

Pada: q     yajñasyāyur asi

Pada: r     yajño ma āyur dadʰātu //

Line : 8  Pada: s     vi te muñcāmi raśanāṃ vi raśmīn vi yoktrāṇi * paricartanāni /
      FN emended. Ed.: yoktrāni. Mittwede, Textkritische Bemerkungen, p. 50: yoktrā yāni

Line : 9  Pada: t     dattvāyāsmabʰyaṃ draviṇeha bʰadraṃ pra mā brūtād dʰavirdā devatābʰyaḥ //

Line : 10  Pada: u     viṣṇoś ca yajñasyāntas tayor ahaṃ devayajyayāyuḥ pratiṣṭʰāṃ gameyam //


Anuvaka: 4  
Line : 11  Pada: a     iṣṭo yajño bʰr̥gubʰir draviṇodā yatibʰir āśīrvām̐ atʰarvabʰiḥ //

Pada: b     tasya yajñasyeṣṭasya sviṣṭasya draviṇaṃ māgaccʰatu * \
      FN emended. Ed.: draviṇam āgaccʰatu. Mittwede, Textkritische Bemerkungen, p. 50

Line : 12  Pada: c     aṅgiraso me 'sya yajñasya prātaranuvākair ahauṣus \

Line : 13  Pada: d     vasur yajñas \

Pada: e     vasumān yajñas \

Pada: f     vasu vasīya

Pada: g     vasumanto bʰūyāsma

Line : 14  Pada: h     tasya yajñasya vasor vasumato vasu māgaccʰatu

Pada: i     somo retodʰās tasyāhaṃ devayajyayā suretodʰā reto dʰiṣīya

Line : 15  Pada: j     tvaṣṭā rūpāṇāṃ vikartā tasyāhaṃ devayajyayā viśvarūpaṃ priyaṃ puṣeyam \

Line : 16  Pada: k     devānāṃ patnīr agnir gr̥hapatir mitʰunaṃ yajamānasya tayor ahaṃ devayajyayā mitʰunena prajaniṣīyāyuṣe varcase rāyaspoṣāya suprajastvāya //

Line : 19  Pada: l     saṃ patnī patyā sukr̥teṣu gaccʰatāṃ yajñasya yuktau dʰuryā abʰūtām /

Line : 20  Pada: m     āprīṇānau vijahatā arātiṃ dive jyotir uttamam ārabʰetʰām //

Page: 47  
Line : 1  Pada: n     svāhā svāheṣṭibʰyas \

Pada: o     vaṣaḍ aniṣṭebʰyas \

Pada: p     bʰiṣajau sviṣṭyai svāhā

Pada: q     niṣkr̥tir duriṣṭyai svāhā //

Line : 2  Pada: r     devebʰyas tanūbʰyas svāhā //

Line : 3  Pada: s     ayāś cāgne 'sy anabʰiśastiś ca satyam it tvam ayā asi /

Line : 4  Pada: t     ayās san manasā kr̥to 'yās san havyam ūhiṣe \

Pada: u     ayā no dʰehi bʰeṣajam // svāhā

Line : 5  Pada: v     sarasvatyai veśabʰaginyai svāhā //

Pada: w     yā sarasvatī veśabʰaginī tasyā no rāsva tasyās te bʰaktivāno bʰūyāsma

Line : 6  Pada: x     yajñasya tvā pramayābʰimayonmayā pratimayā parigr̥hṇāmi

Line : 7  Pada: y     vedo 'si

Pada: z     vittir asi

Pada: aa     vedase tvā

Pada: ab     vedo me vinda

Line : 8  Pada: ac     videya //

Line : 9  Pada: ad     gʰr̥tavantaṃ kulāyinaṃ rāyaspoṣam̐ sahasriṇam /

Line : 10  Pada: ae     vedo vājaṃ dadātu me vedo vīraṃ dadātu me //

Line : 11  Pada: af     vr̥ṣā vr̥ṣaṇvatībʰyo vedapatnībʰyo bʰava //


Anuvaka: 5  
Line : 12  Pada: a     prajāpater bʰāgo 'sy ūrjasvān payasvān

Pada: b     akṣito 'sy akṣityai tvā \

Pada: c     akṣito nāmāsi

Line : 13  Pada: d     mā me kṣeṣṭʰāḥ

Pada: e     prāṇāpānau me pāhi

Pada: f     samānavyānau me pāhi \

Pada: g     udānarūpe me pāhi \

Line : 14  Pada: h     ūrg asi \

Pada: i     ūrjaṃ mayi dʰehi \

Pada: j     ā mā gamyāḥ

Pada: k     pūrṇam asi

Pada: l     pūrṇaṃ me bʰūyās

Pada: m     sad asi

Line : 15  Pada: n     san me bʰūyās

Pada: o     sarvam asi

Pada: p     sarvaṃ me bʰūyās \

Pada: q     akṣitir asi mā me kṣeṣṭʰāḥ

Pada: r     prācyā diśā devā r̥tvijo mārjayantām \

Line : 16  Pada: s     dakṣiṇayā diśā māsāḥ pitaro mārjayantām \

Line : 17  Pada: t     pratīcyā diśā gr̥hāḥ paśavo mārjayantām

Pada: u     udīcyā diśāpa oṣadʰayo vanaspatayo mārjayantām

Line : 18  Pada: v     ūrdʰvayā diśā yajñas saṃvatsaro mārjayantām //

Line : 19  Pada: w     pr̥tʰivīṃ viṣṇur vyakram̐sta gāyatreṇa ccʰandasā

Pada: x     nirbʰakto yaṃ dviṣmas \

Pada: y     antarikṣaṃ viṣṇur vyakram̐sta traiṣṭubʰena ccʰandasā

Line : 20  Pada: z     nirbʰakto yaṃ dviṣmas \

Pada: aa     divaṃ viṣṇur vyakram̐sta jāgatena ccʰandasā

Line : 21  Pada: ab     nirbʰakto yaṃ dviṣmas \

Pada: ac     diśo viṣṇur vyakram̐stānuṣṭubʰena ccʰandasā

Line : 22  Pada: ad     nirbʰakto yaṃ dviṣmas \

Pada: ae     aganma svas

Pada: af     saṃ jyotiṣābʰūma

Pada: ag     sūryasyāvr̥tam anvāvarte \

Line : 23  Pada: ah     idam ahaṃ yo 'smān dveṣṭi yaṃ ca vayaṃ dviṣmas tasya prāṇaṃ niveṣṭayāmi

Page: 48  
Line : 1  Pada: ai     tejo 'si

Pada: aj     tejo mayi dʰehi

Pada: ak     sam ahaṃ prajayā

Pada: al     saṃ mayā prajā

Pada: am     sam ahaṃ rāyaspoṣeṇa

Line : 2  Pada: an     saṃ mayā rāyaspoṣas \

Pada: ao     agnes tejasā tejasvī bʰūyāsam \

Pada: ap     vāyor āyuṣāyuṣmān bʰūyāsam \

Line : 3  Pada: aq     sūryasya varcasā varcasvī bʰūyāsam

Pada: ar     indrasyendriyeṇendriyāvān bʰūyāsam \

Line : 4  Pada: as     dʰātā me dʰāmnā sudʰāṃ dadʰātu

Pada: at     prajāpateḥ prajayā prajāvān bʰūyāsam

Line : 5  Pada: au     agne gr̥hapate sugr̥hapatir ahaṃ tvayā gr̥hapatinā bʰūyāsam \

Pada: av     sugr̥hapatir mayā tvaṃ gr̥hapatinā bʰūyās \

Line : 6  Pada: aw     astʰūri ṇau gārhapatyaṃ dīdāyac cʰatam̐ himā dvāyū //


Anuvaka: 6  
Line : 8  Pada: a     devāñ janam agan yajñas

Pada: b     tato mā yajñasyāśīr āgaccʰatu

Pada: c     pitr̥̄n sarpān gandʰarvān apa oṣadʰīḥ pañca janāñ janam agan yajñas

Line : 9  Pada: d     tato mā yajñasyāśīr āgaccʰatu

Line : 10  Pada: e     pañcānāṃ tvā vātānāṃ dʰartrāya gr̥hṇāmi * *
      FN emended. Ed.: dʰartrāyāgr̥hṇāmi
      FN cf. 32.6:24.4

Pada: f     pañcānāṃ tvā salilānāṃ dʰartrāya gr̥hṇāmi * *
      FN emended. Ed.: dʰartrāyāgr̥hṇāmi
      FN cf. 32.6:24.5

Line : 11  Pada: g     pañcānāṃ tvā pr̥ṣṭʰānāṃ dʰartrāya gr̥hṇāmi * *
      FN emended. Ed.: dʰartrāyāgr̥hṇāmi
      FN cf. 32.6:24.7

Pada: h     pañcānāṃ tvā diśāṃ dʰartrāya gr̥hṇāmi * *
      FN emended. Ed.: dʰartrāyāgr̥hṇāmi
      FN cf. 32.6:24.8

Line : 12  Pada: i     pañcānāṃ tvā pañcajanānāṃ dʰartrāya gr̥hṇāmi * *
      FN emended. Ed.: dʰartrāyāgr̥hṇāmi
      FN cf. 32.6:24.10

Pada: j     bʰūr asmākam \

Line : 13  Pada: k     havyaṃ devānām

Pada: l     āśiṣo yajamānasya

Pada: m     caros tvā pañcabilasya dʰartrāya gr̥hṇāmi * *
      FN emended. Ed.: dʰartrāyāgr̥hṇāmi
      FN cf. 32.6:24.13

Line : 14  Pada: n     dʰāmāsi priyaṃ devānām

Pada: o     anādʰr̥ṣṭaṃ devayajanam \

Pada: p     devatābʰis tvā devatābʰyo gr̥hṇāmi //

Line : 16  Pada: q     ye devā yajñahano yajñamuṣaḥ pr̥tʰivyām adʰyāsate /

Line : 17  Pada: r     agnir mā tebʰyo rakṣatu gaccʰema sukr̥to vayam //

Line : 18  Pada: s     yās te rātrayas savitar devayānīs sahasrayajñam abʰisaṃbabʰūvuḥ /

Line : 19  Pada: t     gr̥haiś ca sarvaiḥ prajayā nv agre svo ruhāṇās taratā rajām̐si //

Line : 20  Pada: u     ye devā yajñahano yajñamuṣo 'ntarikṣe 'dʰyāsate /

Line : 21  Pada: v     vāyur mā tebʰyo rakṣatu gaccʰema sukr̥to vayam //

Line : 22  Pada: w     āganma mitrāvaruṇā vareṇyaṃ rātrīṇāṃ bʰāgo yuvayor yo asti /

Line : 23  Pada: x     nākaṃ gr̥hṇānās sukr̥tasya loke tr̥tīye pr̥ṣṭʰe adʰi rocane divaḥ //

Page: 49  
Line : 1  Pada: y     ye devā yajñahano yajñamuṣo divy adʰyāsate /

Line : 2  Pada: z     sūryo mā tebʰyo rakṣatu gaccʰema sukr̥to vayam //

Line : 3  Pada: aa     yenendrāya samabʰaran payām̐sy uttamena haviṣā jātavedaḥ /

Line : 4  Pada: ab     tenāgne tvam uta vardʰayemam̐ sujātānām̐ * śraiṣṭʰya ādʰehy enam //
      FN Mittwede, Textkritische Bemerkungen, p. 50: sajātānām̐

Line : 5  Pada: ac     gomām̐ agne 'vimām̐ aśvī yajño nr̥vatsakʰā sadam id apramr̥ṣyaḥ /

Line : 6  Pada: ad     iḍāvām̐ eṣo asura prajāvān dīrgʰo rayiḥ pr̥tʰubudʰnas sabʰāvān //

Line : 7  Pada: ae     agne vratapate vratam acāriṣam \

Pada: af     tad aśakam \

Pada: ag     tat te prabrūmas

Pada: ah     tan no gopāya //


Line : 8  Pada: ai     iti śrīyajuṣi kāṭʰake carakaśākʰāyām iṭʰimikāyāṃ yajamānaṃ nāma pañcamaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.