TITUS
Black Yajur-Veda: Kathaka-Samhita
Part No. 4
Previous part

Sthanaka: 4  
Anuvaka: 1  
Line : 5  Pada: a     vācáspátaye pavasva //

Pada: b     vā́jin vŕ̥ṣṇo am̐śúbʰyāṃ gábʰastipūtas \

Pada: c     devó devā́nāṃ pavitrám asi

Line : 6  Pada: d     yéṣāṃ bʰāgó 'si

Pada: e     mádʰumatīr na íṣas kr̥dʰi

Pada: f     sváṃkr̥to 'si \

Line : 7  Pada: g     urv àntárikṣaṃ vī̀hi

Pada: h     víśvebʰya indriyébʰyo divyébʰyaḥ pā́rtʰivebʰyas \

Pada: i     mánas tvāṣṭa *
      FN emended. Ed.: tvāṣṭu. Oertel, Zur Kapiṣṭʰala-Kaṭʰa-Saṃhitā, p. 114. Mittwede, Textkritische Bemerkungen, p. 47

Line : 8  Pada: j     svā́hā tvā subʰo sū́ryāya

Pada: k     devébʰyas tvā marīcipébʰyaḥ

Pada: l     prāṇā́ya tvā

Line : 9  Pada: m     vyānā́ya tvā \

Pada: n     upayāmágr̥hīto 'si //

Line : 10  Pada: o     antár yaccʰa magʰavan pāhí sómam uruṣyá rā́yas sám íṣo yajasva /

Line : 11  Pada: p     antás te dyā́vāpr̥tʰivī́ dadʰāmy antár dadʰāmy urv àntárikṣam /

Line : 12  Pada: q     sajóṣā devaír ávaraiḥ páraiś cāntaryāmé magʰavan mādayasva //

Line : 13  Pada: r     mádʰumatīr na íṣas kr̥dʰi

Pada: s     sváṃkrto 'si \

Pada: t     urv àntárikṣaṃ vī̀hi

Pada: u     víśvebʰya indriyébʰyo divyébʰyaḥ pā́rtʰivebʰyas \

Line : 14  Pada: v     mánas tvāṣṭa *
      FN emended. Ed.: tvāṣṭu. Oertel, Zur Kapiṣṭʰala-Kaṭʰa-Saṃhitā, p. 114. Mittwede, Textkritische Bemerkungen, p. 47

Pada: w     svā́hā tvā subʰo sū́ryāya

Line : 15  Pada: x     devébʰyas tvā marīcipébʰyas \

Pada: y     apānā́ya tvā //


Anuvaka: 2  
Line : 16  Pada: a     ā́ vāyo bʰūṣa śucipā úpa * nas sahásraṃ te niyúto viśvavāra /
      FN Ch. T4: úpā. cf. 13.11:192.20, 13.12:194.8

Line : 17  Pada: b     úpo te ándʰo mádyam ayāmi yáto deva dadʰiṣé pūrvapéyam //

Page: 30  
Line : 1  Pada: c     upayāmágr̥hīto 'si

Pada: d     vāyáve tvā //

Line : 2  Pada: e     índravāyū imé sutā́ úpa práyobʰir ā́gatam //

Line : 3  Pada: f     índavo vām uśánti hí //

Line : 4  Pada: g     upayāmágr̥hīto 'si

Pada: h     vāyáva indravāyúbʰyāṃ tvā \

Pada: i     eṣá te yónis

Pada: j     sajóṣobʰyāṃ tvā //

Line : 6  Pada: k     ayáṃ vāṃ mitrāvaruṇā sutás sóma r̥tāvr̥dʰā /

Line : 7  Pada: l     máméd ihá śrutam̐ hávam //

Line : 8  Pada: m     upayāmágr̥hīto 'si

Pada: n     mitrā́váruṇābʰyāṃ tvā \

Pada: o     eṣá te yónis \

Pada: p     r̥tāyúbʰyāṃ tvā //

Line : 10  Pada: q     yā́ vāṃ káśā mádʰumaty áśvinā sūnŕ̥tāvatī /

Line : 11  Pada: r     táyā yajñáṃ mimikṣatam //

Line : 12  Pada: s     upayāmágr̥hīto 'si \

Pada: t     aśvíbʰyāṃ tvā \

Pada: u     eṣá te yónis \

Pada: v     mā́dʰvībʰyāṃ tvā \

Pada: w     upayāmágr̥hīto 'si

Line : 13  Pada: x     vāyáva indravāyúbʰyāṃ tvā \

Pada: y     eṣá te yónis \

Pada: z     víṣṇor urukramé \

Pada: aa     upayāmágr̥hīto 'si

Line : 14  Pada: ab     mitrā́váruṇābʰyāṃ tvā \

Pada: ac     eṣá te yónis \

Pada: ad     víṣṇor urukramé \

Pada: ae     upayāmágr̥hīto 'si \

Line : 15  Pada: af     aśvíbʰyāṃ tvā \

Pada: ag     eṣá te yónis \

Pada: ah     víṣṇor urukramé

Pada: ai     táṃ rakṣasva

Pada: aj     mā́ tvā dabʰan

Line : 16  Pada: ak     duścákṣās te mā́vakṣat * //
      FN Mittwede, Textkritische Bemerkungen, p. 47f.


Anuvaka: 3  
Line : 17  Pada: a     ayáṃ venáś codayat pŕ̥śnigarbʰā jyótirjarāyū rájaso vimā́ne * /
      FN emended. Ed.: vimā́naḥ. Oertel, Zur Kapiṣṭʰala-Kaṭʰa-Saṃhitā, p. 5. Mittwede, Textkritische Bemerkungen, p. 48

Line : 18  Pada: b     imám apā́m̐ saṃgamé sū́ryasya śíśuṃ ná víprā matíbʰī rihanti //

Line : 19  Pada: c     upayāmágr̥hīto 'si

Pada: d     śáṇḍāyéndrāya tvā júṣṭaṃ gr̥hṇāmi \

Pada: e     eṣá te yónis \

Line : 20  Pada: f     vīrátāyai tvā //

Line : 21  Pada: g     táṃ pratnátʰā pūrvátʰā viśvátʰemátʰā jyéṣṭʰatātiṃ barhiṣádam̐ svarvídam /

Line : 22  Pada: h     pratīcīnám̐ vr̥jánaṃ dohase girā́ yā́ saṃjáyantam ádʰi yā́su várdʰase //

Page: 31  
Line : 1  Pada: i     upayāmágr̥hīto 'si

Pada: j     márkāya sū́ryāya tvā júṣṭaṃ gr̥hṇāmi \

Pada: k     eṣá te yóniḥ

Line : 2  Pada: l     prajā́bʰyas tvā /


Anuvaka: 4  
Line : 3  Pada: a     ápanuttā śáṇḍāmárkau sahá téna yáṃ dviṣmás

Pada: b     tutʰò 'si jánadʰāyās \

Pada: c     devā́s tvā śukrapā́ḥ práṇayantu

Line : 4  Pada: d     tutʰò 'si jánadʰāyās \

Pada: e     devā́s tvā mantʰipā́ḥ práṇayantu \

Line : 5  Pada: f     ā́yus sáṃdʰattam \

Pada: g     prāṇám̐ sáṃdʰattam \

Pada: h     cákṣus sáṃdʰattam \

Pada: i     śrótram̐ sáṃdʰattam \

Pada: j     vā́cam̐ sáṃdʰattam

Line : 6  Pada: k     ánādʰr̥ṣṭāsi

Pada: l     jínvetʰām̐ svapatyā́ mádʰvā vī̀tám \

Pada: m     suvī́rāḥ prajā́ḥ prajanáyan párīhi

Line : 7  Pada: n     suprajā́ḥ prajā́ḥ prajanáyan párīhi //

Line : 8  Pada: o     índreṇa manyúnā yujā́ sāsahyā́ma pr̥tanyatáḥ /

Line : 9  Pada: p     gʰnánto vr̥trā́ṇy apratí //

Line : 10  Pada: q     saṃjagmānā́ divā́ pr̥tʰivyā́

Pada: r     śukráś śukráśociṣā

Pada: s     mantʰī́ mantʰíśociṣā

Line : 11  Pada: t     śukrò 'si śukráśocis \

Pada: u     mantʰy àsi mantʰíśocis \

Pada: v     áccʰinnasya te deva soma suvī́ryasya rāyáspóṣasya daditā́ras syāma

Line : 12  Pada: w     nírastā śáṇḍāmárkau sahá téna yáṃ dviṣmás \

Line : 13  Pada: x     śukrásyādʰiṣṭʰā́nam asi

Pada: y     mantʰíno 'dʰiṣṭʰā́nam asi //

Line : 14  Pada: z     yā́ sám̐skr̥tiḥ pratʰamā́ viśvákarmā yó madʰyamó bŕ̥haspátiś cikitvā́n /

Line : 15  Pada: aa     yáḥ paramó váruṇo mitró agnís tásmā índrāya sutám ā́juhota

Pada: ab     tásmai sū́ryāya sutám ā́juhota //

Line : 17  Pada: ac     svā́hā tvā subʰo sū́ryāya

Pada: ad     devébʰyas tvā marīcipébʰyaḥ //


Anuvaka: 5  
Line : 18  Pada: a     yé devā́ divy ékādaśa stʰá pr̥tʰivyā́m ádʰy ékādaśa stʰá /

Line : 19  Pada: b     apsuṣádo mahinaíkādaśa stʰá té devāso yajñám imáṃ juṣadʰvam //

Line : 20  Pada: c     upayāmágr̥hīto 'sy āgrāyaṇás \

Pada: d     jínva yajñáṃ jínva yajñápatim

Pada: e     abʰí sávanāni pāhi

Line : 21  Pada: f     víṣṇus tvā́ṃ pātu

Pada: g     víśaṃ tváṃ pāhīndriyéṇa \

Pada: h     eṣá te yónis \

Line : 22  Pada: i     víśvebʰyas tvā devébʰyaḥ //

Pada: j     upayāmágr̥hīto 'si \

Pada: k     índrāya tvā br̥hádvate váyasvata uktʰāvyàm \

Page: 32  
Line : 1  Pada: l     yát ta indra br̥hád váyas tásmai tvā

Pada: m     víṣṇave tvā \

Pada: n     eṣá te yónis \

Pada: o     índrāya tvā //

Line : 3  Pada: p     mūrdʰā́naṃ divó aratíṃ pr̥tʰivyā́ vaiśvānarám r̥tá ā́ jātám agním /

Line : 4  Pada: q     kavím̐ samrā́jam átitʰiṃ jánānām āsánn ā́ pā́traṃ janayantu devā́ḥ //

Line : 5  Pada: r     upayāmágr̥hīto 'si vaiśvānarás \

Pada: s     dʰruvò 'si dʰruvákṣitir dʰruvā́ṇāṃ dʰruvátamó 'cyutānām acyutakṣíttamas \

Line : 6  Pada: t     eṣá te yónis \

Pada: u     vaiśvānarā́ya tvā //


Anuvaka: 6  
Line : 7  Pada: a     upayāmágr̥hīto 'si

Pada: b     mitrā́váruṇābʰyāṃ tvā \

Pada: c     uktʰébʰyas tvoktʰāvyàṃ gr̥hṇāmi \

Line : 8  Pada: d     eṣá te yónis \

Pada: e     mitrā́váruṇābʰyāṃ tvā

Pada: f     púnarhavir asi

Pada: g     devébʰyas tvā devāvyàṃ pr̥ṇacmi yajñásyā́yuṣe \

Line : 9  Pada: h     upayāmágr̥hīto 'si \

Pada: i     índrāya tvā \

Pada: j     uktʰébʰyas tvoktʰāvyàṃ gr̥hṇāmi \

Line : 10  Pada: k     eṣá te yónis \

Pada: l     índrāya tvā

Pada: m     púnarhavir asi

Pada: n     devébʰyas tvā devāvyàṃ pr̥ṇacmi yajñásyā́yuṣe \

Line : 11  Pada: o     upayāmágr̥hīto 'si \

Pada: p     indrāgníbʰyāṃ tvā \

Pada: q     uktʰébʰyas tvoktʰāvyàṃ gr̥hṇāmi \

Line : 12  Pada: r     eṣá te yónis \

Pada: s     indrāgníbʰyāṃ tvā

Pada: t     devébʰyas tvā devāvyàṃ pr̥ṇacmi yajñásyā́yuṣe \

Line : 13  Pada: u     upayāmágr̥hīto 'si \

Pada: v     índrāya tvā \

Pada: w     índrāya tvā \

Pada: x     uktʰébʰyas tvoktʰāvyàṃ gr̥hṇāmi \

Line : 14  Pada: y     eṣá te yónis \

Pada: z     índrāya tvā

Pada: aa     devébʰyas tvā devāvyàṃ pr̥ṇacmi yajñásyā́yuṣe \

Line : 15  Pada: ab     upayāmágr̥hīto 'si \

Pada: ac     índrāváruṇābʰyāṃ tvā \

Pada: ad     uktʰébʰyas tvoktʰāvyàṃ gr̥hṇāmi \

Line : 16  Pada: ae     eṣá te yónis \

Pada: af     índrāváruṇābʰyāṃ tvā

Pada: ag     púnarhavir asi

Pada: ah     devébʰyas tvā devāvyàṃ pr̥ṇacmi yajñásyā́yuṣe \

Line : 17  Pada: ai     upayāmágr̥hīto 'si \

Pada: aj     índrābŕ̥haspátibʰyāṃ tvā \

Line : 18  Pada: ak     uktʰébʰyas tvoktʰāvyàṃ gr̥hṇāmi \

Pada: al     eṣá te yónis \

Pada: am     índrābŕ̥haspátibʰyāṃ tvā

Line : 19  Pada: an     púnarhavir asi

Pada: ao     devébʰyas tvā devāvyàṃ pr̥ṇacmi yajñásyā́yuṣe \

Pada: ap     upayāmágr̥hīto 'si \

Line : 20  Pada: aq     índrāvíṣṇubʰyāṃ tvā \

Pada: ar     uktʰébʰyas tvoktʰāvyàṃ gr̥hṇāmi \

Pada: as     eṣá te yónis \

Pada: at     índrāvíṣṇubʰyāṃ tvā

Line : 21  Pada: au     púnarhavir asi

Pada: av     devébʰyas tvā devāvyàṃ pr̥ṇacmi yajñásyā́yuṣe //


Anuvaka: 7  
Page: 33  
Line : 1  Pada: a     upayāmágr̥hīto 'si

Pada: b     mádʰave tvā \

Pada: c     upayāmágr̥hīto 'si

Pada: d     mā́dʰavāya tvā \

Pada: e     upayāmágr̥hīto 'si

Line : 2  Pada: f     śukrā́ya tvā \

Pada: g     upayāmágr̥hīto 'si

Pada: h     śúcaye tvā \

Pada: i     upayāmágr̥hīto 'si

Line : 3  Pada: j     nábʰase tvā \

Pada: k     upayāmágr̥hīto 'si

Pada: l     nabʰasyā̀ya tvā \

Pada: m     upayāmágr̥hīto 'si \

Line : 4  Pada: n     iṣā́ya tvā \

Pada: o     upayāmágr̥hīto 'si \

Pada: p     ūrjā́ya tvā \

Pada: q     upayāmágr̥hīto 'si

Pada: r     sáhase tvā \

Line : 5  Pada: s     upayāmágr̥hīto śi

Pada: t     sahasyā̀ya tvā \

Pada: u     upayāmágr̥hīto 'si

Pada: v     tápase tvā \

Pada: w     upayāmágr̥hīto 'si

Line : 6  Pada: x     tapasyā̀ya tvā //

Line : 7  Pada: y     índrāgnī ā́gatam̐ sutáṃ gīrbʰír nábʰo váreṇyam /

Line : 8  Pada: z     asyá pātaṃ dʰiyéṣitā́ //

Line : 9  Pada: aa     upayāmágr̥hīto 'si \

Pada: ab     indrāgníbʰyāṃ tvā \

Pada: ac     eṣá te yónis \

Pada: ad     indrāgníbʰyāṃ tvā //

Line : 10  Pada: ae     ómāsaś carṣaṇīdʰr̥to víśve devāsa ā́gata /

Line : 11  Pada: af     dāśvā́m̐so dāśúṣas sutám //

Line : 12  Pada: ag     upayāmágr̥hīto 'si

Pada: ah     víśvebʰyas tvā devébʰyas \

Pada: ai     eṣá te yónis \

Pada: aj     víśvebʰyas tvā devébʰyaḥ //


Anuvaka: 8  
Line : 14  Pada: a     jániṣṭʰā ugrás sáhase turā́ya mandrá ójiṣṭʰo bahulā́bʰimānaḥ /

Line : 15  Pada: b     ávardʰann índraṃ marútaś cid átra mātā́ yád vīráṃ dadʰā́nad dʰániṣṭʰā //

Line : 16  Pada: c     upayāmágr̥hīto 'si \

Pada: d     índrāya tvā marútvate \

Pada: e     eṣá te yónis \

Pada: f     índrāya tvā marútvate //

Line : 18  Pada: g     índra marutva ihá pāhi sómaṃ yátʰā śāryāté ápibas sutásya /

Line : 19  Pada: h     táva práṇītī táva śūra śármann ā́vivāsanti kaváyas suyajñā́ḥ //

Line : 20  Pada: i     upayāmágr̥hīto 'si \

Pada: j     índrāya tvā marútvate \

Pada: k     eṣá te yónis \

Pada: l     índrāya tvā marútvate //

Line : 22  Pada: m     marútvām̐ indra vr̥ṣabʰó ráṇāya píbā sómam anuṣvadʰáṃ mádāya /

Line : 23  Pada: n     ā́siñcasva jaṭʰáre mádʰva ūrmíṃ tváṃ rā́jāsi pradívas sutā́nām //

Page: 34  
Line : 1  Pada: o     upayāmágr̥hīto 'si \

Pada: p     índrāya tvā marútvate \

Pada: q     eṣá te yónis \

Pada: r     índrāya tvā marútvate //

Line : 3  Pada: s     marútvantaṃ vr̥ṣabʰáṃ vāvr̥dʰānám ákavāriṃ divyám̐ śāsám índram /

Line : 4  Pada: t     viśvāsā́ham ávase nū́tanāyográm̐ sahodā́m ihá tám̐ huvema //

Line : 5  Pada: u     upayāmágr̥hīto 'si \

Pada: v     índrāya tvā marútvate \

Pada: w     eṣá te yónis \

Pada: x     índrāya tvā marútvate //

Line : 7  Pada: y     mahā́m̐ índro yá ójasā parjányo vr̥ṣṭimā́m̐ iva /

Line : 8  Pada: z     stómair vatsásya vāvr̥dʰe //

Line : 9  Pada: aa     upayāmágr̥hīto 'si

Pada: ab     mahendrā́ya tvā \

Pada: ac     éṣá te yónis \

Pada: ad     mahendrā́ya tvā //

Line : 10  Pada: ae     mahā́m̐ índro nr̥vád ā́ carṣaṇiprā́ utá dvibárhā aminás sáhobʰiḥ /

Line : 11  Pada: af     asmadryàg vāvr̥dʰe vīryā̀yorúḥ pr̥tʰús súkr̥taḥ kartŕ̥bʰir bʰūt //

Line : 12  Pada: ag     upayāmágr̥hīto 'si

Pada: ah     mahendrā́ya tvā \

Pada: ai     eṣá te yónis \

Pada: aj     mahendrā́ya tvā //



Anuvaka: 9  
Line : 13  Pada: a     úd u tyáṃ jātávedasaṃ deváṃ vahanti ketávaḥ /

Line : 14  Pada: b     dr̥śé víśvāya sū́ryam //

Line : 15  Pada: c     citráṃ devā́nām údagād ánīkaṃ cákṣur mitrásya váruṇasyāgnéḥ /

Line : 16  Pada: d     ā́prā dyā́vāpr̥tʰivī́ antárikṣam̐ sū́rya ātmā́ jágatas tastʰúṣaś ca //

Line : 17  Pada: e     dyā́ṃ gaccʰa

Pada: f     svàr gaccʰa

Pada: g     rūpáṃ vo rūpéṇābʰyā́gāṃ váyasā váyas

Pada: h     tutʰó vo viśvávedā víbʰajatu várṣiṣṭʰé 'dʰi nā́ke \

Line : 18  Pada: i     etát te agne rā́dʰa eti sómacyutam \

Line : 19  Pada: j     tán mitrásya patʰā́ naya \

Pada: k     r̥tásya patʰā́ préta candrádakṣiṇās \

Pada: l     brāhmaṇám adyárdʰyāsaṃ pitŕ̥mantaṃ paitr̥matyám ŕ̥ṣim ārṣeyám̐ sudʰā́tudakṣiṇam //

Page: 35  
Line : 1  Pada: m     ayáṃ no agnír várivaḥ kr̥ṇotv ayáṃ mŕ̥dʰaḥ puráetu prabʰindán /

Line : 2  Pada: n     ayám̐ śátrūñ jayatu járhr̥ṣāṇo 'yáṃ vā́jaṃ jayatu vā́jasātau //

Line : 3  Pada: o     váneṣu vy àntárikṣaṃ tatāna vā́jam árvatsu páyo agʰnyā́su /

Line : 4  Pada: p     hr̥tsú krátuṃ váruṇo vikṣv àgníṃ diví sū́ryam adadʰāt sómam ádrau //

Line : 5  Pada: q     ví svàḥ páśya vy àntárikṣam \

Pada: r     yátasva sadasyaìr

Pada: s     asmádrātā * mádʰumatī devatrā́ gaccʰa
      FN emended. Ed.: asmádrātā́. Mittwede, Textkritische Bemerkungen, p. 48

Line : 6  Pada: t     pradātā́ram ā́viśa \

Pada: u     ánavahāyāsmā́n devi dakṣiṇe devayā́nena patʰā́ yatī́ sukŕ̥tāṃ loké sīda

Line : 7  Pada: v     tán nau sam̐skr̥tám //


Anuvaka: 10  
Line : 8  Pada: a     kadā́ caná starī́r asi néndra saścasi dāśúṣe /

Line : 9  Pada: b     úpopén nú magʰavan bʰū́ya ín nú te dā́naṃ devásya pr̥cyate //

Line : 10  Pada: c     upayāmágr̥hīto 'si \

Pada: d     ādityébʰyas tvā //

Line : 11  Pada: e     kadā́ caná práyuccʰasy ubʰé nípāsi jánmanī /

Line : 12  Pada: f     túrīyāditya sávanaṃ ta indriyám ā́tastʰā amŕ̥taṃ diví //

Line : 13  Pada: g     upayāmágr̥hīto 'si \

Pada: h     ādityébʰyas tvā //

Line : 14  Pada: i     yajñó devā́nāṃ prátyeti sumnám ā́dityāso bʰávatā mr̥ḍayántaḥ /

Line : 15  Pada: j     ā́ vo 'rvā́cī sumatír vavr̥tyād am̐hóś cid yā́ varivovíttarā́sat //

Line : 16  Pada: k     upayāmágr̥hīto 'si \

Pada: l     ādityébʰyas tvā //

Pada: m     vívasva ādityaiṣá te somapītʰás tásmin mandasva //

Line : 17  Pada: n     yā́ divyā́ vr̥ṣṭís táyā tvā śrīṇāmi //

Line : 18  Pada: o     ádabdʰebʰis savitaḥ pāyúbʰiṣ ṭvám̐ śivébʰir adyá páripāhi no gáyam //

Line : 19  Pada: p     híraṇyajihvas suvitā́ya návyase rákṣā mā́kir no agʰáśam̐sa īśata //

Line : 20  Pada: q     upayāmágr̥hīto 'si

Pada: r     devā́ya tvā savitré \

Pada: s     upayāmágr̥hīto 'si

Pada: t     suśármāsi supratiṣṭʰānás \

Line : 21  Pada: u     br̥hadúkṣe námas \

Pada: v     eṣá te yónis \

Pada: w     víśvebʰyas tvā devébʰyaḥ //


Anuvaka: 11  
Page: 36  
Line : 1  Pada: a     upayāmágr̥hīto 'si

Pada: b     bŕ̥haspátisutasya ta inda * indriyā́vataḥ pátnīvato gráham r̥dʰyāsam
      FN emended. Ed (VC): bŕ̥haspátisutasya inda. cf. 28.8:162.14. Raghuvira, KpS, xxiv. Oertel, Zur Kapiṣṭʰala-Kaṭʰa-Saṃhitā, p. 113. Mittwede, Textkritische Bemerkungen, p. 48

Line : 2  Pada: c     ágnā́3í pátnīvā́3n sajū́s tváṣṭrā sómaṃ piba \

Pada: d     upayāmágr̥hīto 'si

Line : 3  Pada: e     hárir asi hāriyojanás \

Pada: f     háryos stʰātā́

Pada: g     háribʰyāṃ tvā

Pada: h     stutástomasya te deva soma śastóktʰasyeṣṭáyajuṣas \

Line : 4  Pada: i     hárivato gráham r̥dʰyāsam \

Pada: j     háryos stʰa hárivato dʰānā́s sahásomā índrasya //

Line : 6  Pada: k     ágna ā́yūm̐ṣi pavasa ā́suvórjam íṣaṃ ca naḥ /

Line : 7  Pada: l     āré bādʰasva duccʰúnām //

Line : 8  Pada: m     upayāmágr̥hīto 'si \

Pada: n     agnáye tvā téjasvate \

Pada: o     eṣá te yónis \

Pada: p     agnáye tvā téjasvate //

Line : 10  Pada: q     ójas tád asya titviṣa ubʰé yát samávartayat /

Line : 11  Pada: r     índraś cármeva ródasī //

Line : 12  Pada: s     upayāmágr̥hīto 'si \

Pada: t     índrāya tvaújasvate \

Pada: u     eṣá te yónis \

Pada: v     índrāya tvaújasvate //

Line : 14  Pada: w     ádr̥śrann asya ketávo ví raśmáyo jánām̐ ánu /

Line : 15  Pada: x     bʰrā́janto agnáyo yatʰā //

Line : 16  Pada: y     upayāmágr̥hīto 'si

Pada: z     sū́ryāya tvā bʰrā́jasvate \

Pada: aa     eṣá te yónis

Pada: ab     sū́ryāya tvā bʰrā́jasvate //

Line : 18  Pada: ac     índram íd dʰárī vaható 'pratidʰr̥ṣṭaśavasam /

Line : 19  Pada: ad     ŕ̥ṣīṇāṃ ca stutī́r úpa yajñáṃ ca mā́nuṣāṇām //

Line : 20  Pada: ae     upayāmágr̥hīto 'si \

Pada: af     índrāya tvā hárivate \

Pada: ag     eṣá te yónis \

Pada: ah     índrāya tvā hárivate //


Anuvaka: 12  
Line : 22  Pada: a     dʰātā́ rātís savitédáṃ juṣantāṃ prajā́patir váruṇo mitró agníḥ /

Line : 23  Pada: b     tváṣṭā víṣṇuḥ prajáyā saṃrarāṇā́ yájamānāya dráviṇaṃ dadʰāta * //
      FN emended. Ed.: dadʰātu. Raghuvira, KpS, xxiv. Mittwede, Textkritische Bemerkungen, p. 48

Page: 37  
Line : 1  Pada: c     sám indra no mánasā néṣi góbʰis sám̐ sūríbʰir harivas sám̐ svastyā́ /

Line : 2  Pada: d     sáṃ bráhmaṇā devákr̥taṃ yád ásti sáṃ devā́nām̐ sumatyā́ yajñíyānām //

Line : 3  Pada: e     sáṃ várcasā páyasā sáṃ tanū́bʰir áganmahi mánasā sám̐ śivéna /

Line : 4  Pada: f     tváṣṭā sudátro vídadʰātu rāyó 'nu no mārṣṭu tanvò yád víliṣṭam //

Line : 5  Pada: g     sugā́ vo devās sádanedám astu yá ājagmá sávanedáṃ juṣāṇā́ḥ /

Line : 6  Pada: h     jakṣivā́m̐saḥ papivā́m̐saś ca víśve 'smé dʰatta vasavo vásūni //

Line : 7  Pada: i     yā́n ā́vaha uśató deva devā́m̐s tā́n préraya své agne sadʰástʰe /

Line : 8  Pada: j     váhamānā bʰáramāṇā havī́m̐ṣy ásuṃ gʰarmáṃ dívam ā́tiṣṭʰatā́nu //

Line : 9  Pada: k     yád adyá tvā prayatí yajñé asmínn ágne hótāram ávr̥ṇīmahīhá /

Line : 10  Pada: l     ŕ̥dʰag ayāḍ ŕ̥dʰag utā́śamiṣṭa vidvā́n prajānánn úpayāhi yajñám //

Line : 11  Pada: m     yájña yajñáṃ gaccʰa

Pada: n     yajñápatiṃ gaccʰa

Pada: o     sváṃ yóniṃ gaccʰa svā́hā \

Pada: p     eṣá te yajñó yajñapate sahásūktavākas suvī́ras svā́hā

Line : 12  Pada: q     dévā gātuvido gātúṃ vittvā́ gātúm ita

Line : 13  Pada: r     mánasaspata imáṃ deva yajñám̐ * svā́hā vācí svā́hā vā́te dʰāḥ //
      FN emended. Ed.: devayajñám̐. Raghuvira, KpS, xxiv. Mittwede, Textkritische Bemerkungen, p. 48


Anuvaka: 13  
Line : 14  Pada: a     urúm̐ hí rā́jā váruṇaś cakā́ra sū́ryāya pántʰām ánvetavā́ u /

Line : 15  Pada: b     apáde pā́dā prátidʰātave 'kar utā́pavaktā́ hr̥dayāvídʰaś cit //

Line : 16  Pada: c     śatáṃ te rājan bʰiṣájas sahásram urvī́ gabʰīrā́ sumatíṣ ṭe astu /

Line : 17  Pada: d     āré bādʰasva nírr̥tiṃ parācaíḥ kr̥táṃ cid énaḥ prámumugdʰy asmā́t * //
      FN Raghuvira, KpS, xxiv: asmat. Mittwede, Textkritische Bemerkungen, p. 48

Line : 18  Pada: e     agnér ánīkam apá ā́viveśāpā́ṃ nápāt pratirákṣann asuryàm //

Line : 19  Pada: f     dámedame samídʰaṃ yákṣy agne práti te jihvā́ gʰr̥tám úccaraṇyat //

Line : 20  Pada: g     samudré te hŕ̥dayam apsv àntás sáṃ tvā viśantv óṣadʰīr utā́paḥ /

Line : 21  Pada: h     yajñásya tvā yajñapate sahasūktavāké * namovāké vidʰema //(4.13:37.22) svā́hā \
      FN emended. Ed.: saha sūktavāké. Mittwede, Textkritische Bemerkungen, p. 48

Line : 22  Pada: i     ávabʰr̥tʰa nicuṅkuṇa nicerúr asi nicuṅkuṇás \

Pada: j     áva no devaír devákr̥tam éno yakṣi \

Page: 38  
Line : 1  Pada: k     áva mártyair mártyakr̥tam

Pada: l     urór ā́ no deva riṣás pāhi

Pada: m     dévīr āpa eṣá vo gárbʰas

Line : 2  Pada: n     táṃ vas súprītam̐ súbʰr̥tam abʰārṣam \

Pada: o     devéṣu nas sukŕ̥to brūta \

Pada: p     abʰíṣṭʰito váruṇasya pā́śas \

Line : 3  Pada: q     ávahato váruṇasya pā́śas \

Pada: r     apsú dʰautásya te deva soma nŕ̥bʰis stutásya yó bʰakṣó gosánir yò 'śvasánis tásya ta úpahūta úpahūtasya bʰakṣáṃ kr̥ṇomi

Line : 5  Pada: s     prátyasto váruṇasya pā́śas \

Pada: t     námo váruṇasya pā́śāya //

Line : 7  Pada: u     údeta prajā́m ā́yur várco dádʰānā ádʰa syāma surabʰáyo gr̥héṣu /

Line : 8  Pada: v     gāyatrī́ṃ cʰándām̐sy ánu sám̐rabʰantām asmā́n rā́ya utá yajñás sacantām //

Line : 9  Pada: w     súprītaś śíśur apá ā́viveśa //

Pada: x     únnetar vásyo 'bʰyúnnayā naḥ //

Pada: y     édʰo 'sy edʰiṣīmáhi

Line : 10  Pada: z     samíd asi sámedʰiṣīmahi

Pada: aa     téjo 'si téjo máyi dʰehi //

Line : 12  Pada: ab     apó adyā́nvacāriṣaṃ rásena sámaganmahi /

Line : 13  Pada: ac     páyasvān agna ā́gamaṃ táṃ mā sám̐sr̥ja várcasā //

Line : 14  Pada: ad     sáṃ māgne várcasā sr̥ja prajáyā ca dʰánena ca /

Line : 15  Pada: ae     vidyúr me asya devā́ índro vidyāt sahárṣibʰiḥ //


Anuvaka: 14  
Line : 16  Pada: a     mámāgne várco vihavéṣv astu vayáṃ tvéndʰānās tanvàṃ puṣema /

Line : 17  Pada: b     máhyaṃ namantāṃ pradíśaś cátasras tváyā́dʰyakṣeṇa pŕ̥tanā jayema //

Line : 18  Pada: c     ágne vratapate vratám ā́labʰe

Pada: d     tát te prábravīmi

Pada: e     tác cʰakeyam \

Pada: f     ténardʰyāsam //

Line : 19  Pada: g     agnír hótópa tám̐ huve devā́n yajñíyān ihá yā́n yájāmahai /

Line : 20  Pada: h     ā́ devā́ yantu sumanasyámānā vyántu devā́ havíṣo me asyá //

Page: 39  
Line : 1  Pada: i     yunájmi tvā bráhmaṇā daívyena havyā́yāsmaí vóḍʰavaí jātavedaḥ /

Line : 2  Pada: j     índʰānās tvā suprajásas suvī́rā jyóg jīvema balihŕ̥to vayáṃ te //

Line : 3  Pada: k     áṅgiraso māsyá yajñásya pratʰamānuvākaír avantu //

Pada: l     sámiddʰo agnír ā́hutas

Line : 4  Pada: m     svā́hākr̥taḥ pipartu naḥ //

Pada: n     máno 'si prājāpatyám \

Pada: o     mánasā mā bʰūténā́viśa

Line : 5  Pada: p     vā́g asy aindrī́ sapatnakṣáyaṇī

Pada: q     vācā́ mendriyéṇāviśa *
      FN emended. Ed.: vācā́m indriyéṇā́viśa. Mittwede, Textkritische Bemerkungen, p. 49

Pada: r     dévāḥ pitaraḥ pítaro devās \

Line : 6  Pada: s     yó 'smi sá sán yaje

Pada: t     tád vaḥ prábravīmi

Pada: u     tásya me vitta

Pada: v     sváṃ ma iṣṭám astu śunám̐ śāntám̐ sváṃ kr̥tám \

Line : 7  Pada: w     vasantám r̥tūnā́ṃ prīṇāmi

Pada: x     sá mā prītáḥ prīṇātu

Line : 8  Pada: y     vasantásyāháṃ devayajyáyórjasvān páyasvān bʰūyāsam \

Pada: z     grīṣmám r̥tūnā́ṃ prīṇāmi

Line : 9  Pada: aa     sá mā prītáḥ prīṇātu

Pada: ab     grīṣmásyāháṃ devayajyáyaújasvām̐s téjasvān bʰūyāsam \

Line : 10  Pada: ac     varṣā́ r̥tūnā́ṃ prīṇāmi

Pada: ad     tā́ mā prītā́ḥ prīṇantu

Pada: ae     varṣā́ṇām aháṃ devayajyáyā púṣṭimān paśumā́n bʰūyāsam \

Line : 11  Pada: af     śarádam r̥tūnā́ṃ prīṇāmi

Line : 12  Pada: ag     sā́ mā prītā́ prīṇātu

Pada: ah     śarádo 'háṃ devayajyáyā́nnavān várcasvān bʰūyāsam \

Pada: ai     hemantám r̥tūnā́ṃ prīṇāmi

Line : 13  Pada: aj     sá mā prītáḥ prīṇātu

Pada: ak     hemantásyāháṃ devayajyáyā sáhasvān vīryā̀vān bʰūyāsam //


Anuvaka: 15  
Line : 15  Pada: a     índrāgnī rocanā́ diváḥ pári vā́jeṣu bʰūṣatʰaḥ /

Line : 16  Pada: b     tád vāṃ ceti prá vīryàm //

Line : 17  Pada: c     śnátʰad vr̥trám utá sanoti vā́jam índrā yó agnī́ sáhurī saparyā́t /

Line : 18  Pada: d     irajyántā vasavyàsya bʰū́res sáhastamā sáhasā vājayántā //

Line : 19  Pada: e     yā́ vām̐ sánti puruspŕ̥ho niyúto dāśúṣe narā /

Line : 20  Pada: f     índrāgnī tā́bʰir ā́gatam //

Line : 21  Pada: g     tā́ yodʰiṣṭam abʰí gā́ indra nūnám apás svàr uṣáso agna ūḍʰā́ḥ /

Line : 22  Pada: h     díśas svàr uṣása indra citrā́ apó gā́ agne yuvase niyútvān //

Page: 40  
Line : 1  Pada: i     tā́ vām éṣe rátʰānām indrāgnī́ havāmahe /

Line : 2  Pada: j     pátī turásya rā́dʰaso vidvā́m̐sā gírvaṇastamā /

Line : 3  Pada: k     áśravam̐ hí bʰūridā́vattarā vāṃ víjāmātur utá vā gʰā syālā́t /

Line : 4  Pada: l     ádʰā sómasya práyatī yuvā́bʰyām * índrāgnī stómaṃ janayāmi návyam //
      FN Mittwede, Textkritische Bemerkungen, p. 49

Line : 5  Pada: m     índrāgnī navatíṃ púro dāsápatnīr adʰūnutam /

Line : 6  Pada: n     sākám ékena kármaṇā //

Line : 7  Pada: o     ā́ vr̥trahaṇā vr̥trahábʰiś śúṣmair índra yātáṃ námobʰir agne arvā́k /

Line : 8  Pada: p     yuváṃ rā́dʰobʰir ákavebʰir indrā́gne asmé bʰavatam uttamébʰiḥ //

Line : 9  Pada: q     ugrā́ vigʰanínā mŕ̥dʰa indrāgnī́ havāmahe /

Line : 10  Pada: r     tā́ no mr̥ḍāta īdŕ̥śe //

Line : 11  Pada: s     prá carṣaṇíbʰyaḥ pr̥tanāhavéṣu prá pr̥tʰivyā́ riricātʰe diváś ca /

Line : 12  Pada: t     prá síndʰubʰyaḥ prá giríbʰiyo mahitvā́ préndrāgnī víśvā bʰúvanā́ty anyā́ //

Line : 13  Pada: u     gómad dʰíraṇyavad vásu yád vām áśvāvad ī́mahe /

Line : 14  Pada: v     índrāgnī tád vanemahi //

Line : 15  Pada: w     gīrbʰír vípraḥ prámatim iccʰámāna ī́ṭṭe rayíṃ yaśásaṃ pūrvabʰā́jam /

Line : 16  Pada: x     índrāgnī vr̥trahaṇā suvajrā prá no návyebʰis tirataṃ deṣṇaíḥ //

Line : 17  Pada: y     pūṣā́ gā́ ánvetu naḥ pūṣā́ rakṣatv árvataḥ /

Line : 18  Pada: z     pūṣā́ vā́jam̐ sanotu naḥ //

Line : 19  Pada: aa     śukráṃ te anyád yajatáṃ te anyád víṣurūpe áhanī dyaúr ivāsi /

Line : 20  Pada: ab     víśvā hí māyā́ ávasi svadʰāvo bʰadrā́ te pūṣann ihá rātír astu //

Line : 21  Pada: ac     kṣétrasya pátinā vayám̐ hiténeva jayāmasi /

Line : 22  Pada: ad     gā́m áśvaṃ poṣayitnv ā́ sá no mr̥ḍātīdŕ̥śe //

Page: 41  
Line : 1  Pada: ae     kṣétrasya pate mádʰumantam ūrmíṃ dʰenúr iva páyo asmā́su dʰukṣva /

Line : 2  Pada: af     madʰuścyútaṃ gʰr̥tám iva súpūtam r̥tásya naḥ pátayo mr̥ḍayantu //


Anuvaka: 16  
Line : 3  Pada: a     ágnāviṣṇū máhi tád vāṃ mahitváṃ pātʰó gʰr̥tásya gúhyāni nā́ma /

Line : 4  Pada: b     dámedame saptá rátnā dádʰānā práti vāṃ jihvā́ gʰr̥tám úccaraṇyat //

Line : 5  Pada: c     ágnāviṣṇū máhi dʰā́ma priyáṃ vāṃ vītʰó gʰr̥tásya gúhyā juṣāṇā /

Line : 6  Pada: d     dámedame suṣṭutyā́ vāvr̥dʰānā́nu vāṃ jihvā́ gʰr̥tám ā́caraṇyat //

Line : 7  Pada: e     agnír múkʰaṃ pratʰamó devátānām̐ sáṃgatānām uttamó víṣṇur āsīt /

Line : 8  Pada: f     yájamānāya parigŕ̥hya devā́n dīkṣáyedám̐ * havir ā́gaccʰataṃ naḥ //
      FN emended. Ed.: dīkṣā́yedám̐. Mittwede, Textkritische Bemerkungen, p. 49

Line : 9  Pada: g     iyám adadād rabʰasám r̥ṇacyútaṃ dívodāsaṃ vadʰryaśvā́ya dāśúṣe /

Line : 10  Pada: h     yā́ śáśvantam ācakʰā́dāvasáṃ paṇíṃ tā́ te dātrā́ṇi taviṣā́ sarasvati //

Line : 11  Pada: i     iyám̐ śúṣmebʰir bisakʰā́ ivārujat sā́nu girīṇā́ṃ taviṣébʰir ūrmíbʰiḥ /

Line : 12  Pada: j     pārāvatagʰnī́m ávase suvr̥ktíbʰis sárasvatīm ā́vivāsema dʰītíbʰiḥ //

Line : 13  Pada: k     jánāya cid yá ī́vata u lokáṃ bŕ̥haspátir deváhūtau cakā́ra /

Line : 14  Pada: l     gʰnán vr̥trā́ṇi ví púro dardarīti jáyañ cʰátrūm̐r amítrān pr̥tsú sā́han //

Line : 15  Pada: m     bŕ̥haspátis sámajayad vásūni mahó vrajā́n gómato devá eṣáḥ /

Line : 16  Pada: n     apáḥ * síṣāsan svàr ápratīto bŕ̥haspátir hánty amítram arkaíḥ //
      FN N.B. saṃdʰi in KS

Line : 17  Pada: o     pāvakā́ nas sárasvatī vā́jebʰir vājínīvatī /

Line : 18  Pada: p     yajñáṃ vaṣṭu dʰiyā́vasuḥ //

Line : 19  Pada: q     imā́ júhvānā yuṣmád ā́ námobʰiḥ práti stómam̐ sarasvati juṣasva /

Line : 20  Pada: r     táva śarman priyátame dádʰānā úpa stʰeyāma śaraṇáṃ ná vr̥kṣám //

Page: 42  
Line : 1  Pada: s     ā́ no divó br̥hatáḥ párvatād ā́ sárasvatī yajatā́ gantu yajñám /

Line : 2  Pada: t     hávaṃ devī́ jujuṣāṇā́ gʰr̥tā́cī śagmā́ṃ no vā́cam uśatī́ śr̥ṇotu //

Line : 3  Pada: u     vr̥ṣabʰáṃ carṣaṇīnā́ṃ viśvárūpam ádābʰyam /

Line : 4  Pada: v     bŕ̥haspátiṃ váreṇyam //

Line : 5  Pada: w     ádevena mánasā yó riṣaṇyáti śāsā́m ugró mányamāno jígʰām̐sati /

Line : 6  Pada: x     bŕ̥haspate mā́ práṇak tásya no vadʰó ní karma manyúṃ durévasya śárdʰataḥ //

Line : 7  Pada: y     bŕ̥haspate juṣásva no havyā́ni viśvadevya /

Line : 8  Pada: z     rā́sva rátnāni dāśúṣe //

Line : 9  Pada: aa     bŕ̥haspate áti yád aryó árhād dyumád vibʰā́ti krátumaj jáneṣu /

Line : 10  Pada: ab     yád dīdáyac cʰávasartaprajāta tád asmā́su dráviṇaṃ dʰehi citrám //

Line : 11  Pada: ac     ā́ no mitrāvaruṇā gʰr̥taír gávyūtim ukṣatam /

Line : 12  Pada: ad     mádʰvā rájām̐si sukratū //

Line : 13  Pada: ae     prá bāhávā sisr̥taṃ jīváse na ā́ no gávyūtim ukṣataṃ gʰr̥téna /

Line : 14  Pada: af     ā́ no jáne śravayataṃ yuvānā śrutáṃ me mitrāvaruṇā hávemā́ //

Line : 15  Pada: ag     hiraṇyagarbʰáḥ //

Line : 16  Pada: ah     yáḥ prāṇató nimiṣatáś ca rā́jā pátir víśvasya jágato babʰū́va /

Line : 17  Pada: ai     yá ī́śe asyá dvipádaś cátuṣpadaḥ kásmai devā́ya havíṣā vidʰema //

Line : 18  Pada: aj     ágnīṣomā imám̐ sú me śr̥ṇutáṃ vr̥ṣaṇā hávam /

Line : 19  Pada: ak     práti sūktā́ni haryataṃ bʰávataṃ dāśúṣe máyaḥ //

Line : 20  Pada: al     ágnīṣomā sávedasā sáhūtī vanataṃ gíraḥ /

Line : 21  Pada: am     sáṃ devatrā́ babʰūbatʰuḥ //

Page: 43  
Line : 1  Pada: an     yuvám etā́ni diví rocanā́ny agníś ca soma sákratū adʰattam /

Line : 2  Pada: ao     yuvám̐ síndʰūm̐r abʰíśaster avadyā́d ágnīṣomā ámuñcataṃ gr̥bʰītā́n //

Line : 3  Pada: ap     ā́nyáṃ divó mātaríśvā jabʰārā́matʰnād anyáṃ pári śyenó ádreḥ /

Line : 4  Pada: aq     ágnīṣomā bráhmaṇā vāvr̥dʰānórúṃ yajñā́ya cakratʰur u lokám //

Line : 5  Pada: ar     vaiśvānaró na ūtáya ā́ práyātu parāvátaḥ /

Line : 6  Pada: as     agnír uktʰéna vā́hasā //

Line : 7  Pada: at     tvád vípro jāyate vājy àgne tvád vīrā́so abʰimātiṣā́haḥ /

Line : 8  Pada: au     vaíśvānara tvám asmā́su dʰehi vásūni rājan spr̥hayā́yyāṇi //

Line : 9  Pada: av     r̥tā́vānaṃ vaiśvānarám r̥tásya jyótiṣas pátim /

Line : 10  Pada: aw     ájasraṃ gʰarmám īmahe //

Line : 11  Pada: ax     vaiśvānarásya sumatú syāma rā́jā hí kaṃ bʰúvanānām abʰiśrī́ḥ /

Line : 12  Pada: ay     itó jātó víśvam idáṃ vícaṣṭe vaiśvānaró yatate sū́ryeṇa //

Line : 13  Pada: az     pr̥ṣṭó diví pr̥ṣṭó agníḥ pr̥tʰivyā́ṃ pr̥ṣṭó víśvā óṣadʰīr ā́viveśa /

Line : 14  Pada: ba     vaiśvānarás sáhasā pr̥ṣṭó agnís sá no divā́ sá riṣáḥ pātu náktam //

Line : 15  Pada: bb     asmā́kam agne magʰávatsu dʰārayā́nāmi kṣatrám ajárám̐ suvī́ram //

Line : 16  Pada: bc     vayáṃ jayema śatínam̐ sahasríṇaṃ vaíśvānara vā́jam agne távotíbʰiḥ //

Line : 17  Pada: bd     imáṃ me varuṇa śrudʰī hávam adyā́ ca mr̥ḍaya /

Line : 18  Pada: be     tvā́m avasyúr ā́cake //

Line : 19  Pada: bf     tát tvā yāmi bráhmaṇā vándamānas tád ā́śāste yájamāno havírbʰiḥ //

Line : 20  Pada: bg     áheḍamāno varuṇehá bodʰy úruśam̐sa mā́ na ā́yuḥ prámoṣīḥ //

Line : 21  Pada: bh     śaténa pā́śair varuṇābʰídʰehi mā́ te mocy anr̥tavā́ṅ nr̥cakṣaḥ /

Line : 22  Pada: bi     ā́stāṃ jalmá udáram̐ sram̐sayitvā́ kóśa ivābandʰráḥ parikr̥tyámānaḥ //

Page: 44  
Line : 1  Pada: bj     dʰī́rā tv àsya * mahinā́ janū́m̐ṣi ví yás tastámbʰa ródasī cid urvī́ /
      FN emended. Ed.: asya. Mittwede, Textkritische Bemerkungen, p. 49

Line : 2  Pada: bk     prá nā́kam r̥ṣváṃ nunude br̥hántaṃ dvitā́ nákṣatraṃ paprátʰac ca bʰū́ma //


Line : 3  Pada: bl     iti śrīyajuṣi kāṭʰake carakaśākʰāyām iṭʰimikāyāṃ grahastʰānakaṃ nāma caturtʰaṃ stʰānakaṃ saṃpūrṇam /


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.