TITUS
Black Yajur-Veda: Kathaka-Samhita
Part No. 7
Previous part

Sthanaka: 7  
Anuvaka: 1  
Line : 9  Pada: a     ámbʰas stʰa \

Pada: b     ámbʰo vo bʰakṣīya

Pada: c     máhas stʰa

Pada: d     máho vo bʰakṣīya \

Pada: e     ū́rjas stʰa \

Pada: f     ū́rjaṃ vo bʰakṣīya

Line : 10  Pada: g     rāyáspóṣas stʰa

Pada: h     rāyáspóṣaṃ vo bʰakṣīya

Pada: i     révatī rámadʰvam asmín yónā asmín goṣṭʰé \

Line : 11  Pada: j     ayáṃ vo bándʰur itó mā́pagāta

Pada: k     mā́ mā hāsiṣṭa

Pada: l     bahvī́r me bʰavata

Line : 12  Pada: m     sam̐hitā́si viśvárūpā \

Pada: n     ā́ * morjā́ viśā́ gaupatyénā́ prajáyā rāyáspóṣeṇa
      FN emended. Ed.: ā. Mittwede, Textkritische Bemerkungen, p. 58

Line : 13  Pada: o     máyi vo rā́yaś śrayantām \

Pada: p     sahasrapoṣáṃ * vaḥ puṣeyam //
      FN emended. Ed.: sahasrapóṣaṃ. Mittwede, Textkritische Bemerkungen, p. 58

Line : 14  Pada: q     saṃpaśyāmi prajā aham iḍaprajaso * mānavīḥ /
      FN emended. Ed (VC): iḍāprajaso. cf. 7.8:69.16. Mittwede, Textkritische Bemerkungen, p. 58

Line : 15  Pada: r     bahvīr bʰavantu no gr̥he //

Line : 16  Pada: s     upa tvāgne divedive doṣāvastar dʰiyā vayam /

Line : 17  Pada: t     namo bʰaranta emasi //

Page: 63  
Line : 1  Pada: u     rājantam adʰvarāṇāṃ gopām r̥tasya dīdivim /

Line : 2  Pada: v     vardʰamānam̐ sve dame //

Line : 3  Pada: w     sa naḥ piteva sūnave 'gne sūpāyano bʰava /

Line : 4  Pada: x     sacasvā nas svastaye //

Line : 5  Pada: y     agne tvaṃ no antama uta trātā śivo bʰavā varūtʰyaḥ /

Line : 6  Pada: z     taṃ tvā śociṣṭʰa dīdivas sumnāya nūnam īmahe sakʰibʰyaḥ //

Line : 7  Pada: aa     vasur agnir vasuśravā accʰā nakṣi dyumattamaṃ rayiṃ dāḥ /

Line : 8  Pada: ab     sa no bodʰi śrudʰī havam uruṣyā ṇo agʰāyatas samasmāt //

Line : 9  Pada: ac     ūrjā vaḥ paśyāmi \

Pada: ad     ūrjā mā paśyata

Pada: ae     rāyaspoṣeṇa vaḥ paśyāmi

Pada: af     rāyaspoṣeṇa mā paśyata \

Line : 10  Pada: ag     iḍās stʰa madʰukr̥tas

Pada: ah     syonā māviśateraṃmadas \

Pada: ai     mayi vo rāyaś śrayantām \

Line : 11  Pada: aj     sahasrapoṣaṃ vaḥ puṣeyam //


Anuvaka: 2  
Line : 12  Pada: a     mahí trīṇā́m ávo 'stu dyukṣáṃ mitrásyāryamṇáḥ /

Line : 13  Pada: b     durādʰárṣaṃ váruṇasya //

Line : 14  Pada: c     nahí téṣām amā́ caná nā́dʰvasu vāraṇéṣu /

Line : 15  Pada: d     ī́śe ripúr agʰáśam̐saḥ //

Line : 16  Pada: e     yásmai putrā́so áditeḥ prá jīváse mártyāya /

Line : 17  Pada: f     jyótir yáccʰanty ájasram //

Line : 18  Pada: g     somā́nam̐ sváraṇaṃ kr̥ṇuhí brahmaṇaspate /

Line : 19  Pada: h     kakṣī́vantaṃ yá auśijáḥ //

Line : 20  Pada: i     yó revā́n yó amīvahā́ vasuvít puṣṭivárdʰanaḥ /

Line : 21  Pada: j     sá nas siṣaktu yás turáḥ //

Page: 64  
Line : 1  Pada: k     mā́ naś śám̐so áraruṣo dʰūrtíḥ práṇaṅ mártyasya /

Line : 2  Pada: l     rákṣā ṇo brahmaṇaspate //

Line : 3  Pada: m     kadā cana starīr asi nendra saścasi dāśuṣe /

Line : 4  Pada: n     upopen nu magʰavan bʰūya in nu te dānaṃ devasya pr̥cyate //

Line : 5  Pada: o     pari te dūḍabʰo ratʰo 'smām̐ aśnotu viśvataḥ /

Line : 6  Pada: p     yena rakṣasi dāśuṣaḥ //

Line : 7  Pada: q     accʰinno daivyas tantur mā manuṣyaś cʰedi

Pada: r     nimrado 'si \

Pada: s     idam ahaṃ taṃ nimr̥ṇāmi yo 'smān dveṣṭi yaṃ ca vayaṃ dviṣmas \

Line : 8  Pada: t     abʰibʰūr * asi \
      FN emended. Ed.: vibʰūr. cf. 7.9:71.11. Raghuvira, KpS, xxv. Mittwede, Textkritische Bemerkungen, p. 58

Pada: u     abʰy ahaṃ taṃ bʰūyāsaṃ yo 'smān dveṣṭi yaṃ ca vayaṃ dviṣmaḥ

Line : 9  Pada: v     prabʰūr asi

Pada: w     prāhaṃ tam atibʰūyāsaṃ yo 'smān dveṣṭi yaṃ ca vayaṃ dviṣmaḥ

Line : 10  Pada: x     pūṣā mā prapatʰe pātu

Pada: y     pūṣā mā paśupāḥ pātu

Pada: z     pūṣā mādʰipatiḥ pātu

Line : 11  Pada: aa     prācī dik \

Pada: ab     agnir devatā \

Pada: ac     agnim̐ sa r̥ccʰatu yo maitasyā diśo 'bʰidāsati

Line : 12  Pada: ad     dakṣiṇā dik \

Pada: ae     indro devatā \

Pada: af     indram̐ sa r̥ccʰatu yo maitasyā diśo 'bʰidāsati

Line : 13  Pada: ag     pratīcī dik

Pada: ah     somo devatā

Pada: ai     somam̐ sa r̥ccʰatu yo maitasyā diśo 'bʰidāsati \

Line : 14  Pada: aj     udīcī dik \

Pada: ak     mitrāvaruṇau devatā

Pada: al     mitrāvaruṇau sa r̥ccʰatu yo maitasyā diśo 'bʰidāsati \

Line : 15  Pada: am     ūrdʰvā dik \

Pada: an     br̥haspatir devatā

Pada: ao     br̥haspatim̐ sa r̥ccʰatu yo maitasyā diśo 'bʰidāsati \

Line : 16  Pada: ap     iyaṃ dik \

Pada: aq     aditir devatā \

Pada: ar     aditim̐ sa r̥ccʰatu yo maitasyā diśo 'bʰidāsati

Line : 17  Pada: as     jyotiṣe tantava āśiṣam āśāse * \
      FN emended. Ed.: āśāste. Raghuvira, KpS, xxv. FN Mittwede, Textkritische Bemerkungen, p. 58

Line : 18  Pada: at     asā anu mā tanu //


Anuvaka: 3  
Line : 19  Pada: a     dʰanaṃ me śam̐sya pāhi

Pada: b     tan me gopāya //

Line : 20  Pada: c     mama nāma pratʰamaṃ jātavedo mātā pitā ca dadʰatur nv agre /

Line : 21  Pada: d     tat tvaṃ gopāyā punar mad aitor * vayaṃ bibʰarāma tava nāma //
      FN emended. Ed (VC): punar dadai te. Raghuvira, KpS, xxv. Mittwede, Textkritische Bemerkungen, p. 58

Line : 22  Pada: e     prajāṃ me narya pāhi

Pada: f     tāṃ me gopāya //

Page: 65  
Line : 1  Pada: g     imān me mitrāvaruṇau gr̥hān gopāyataṃ yuvam /

Line : 2  Pada: h     avinaṣṭān avihrutān pūṣainān abʰirakṣatu \

Pada: i     āsmākaṃ punar āgamāt //

Line : 3  Pada: j     annaṃ me purīṣya pāhi

Line : 4  Pada: k     tan me gopāya

Pada: l     dʰanaṃ me śam̐syājugupas

Pada: m     tan me punar dehi //

Pada: n     agne sahasrākṣa śatamūrdʰañ cʰatatejas \

Pada: o     śataṃ te prāṇās sahasraṃ vyānāḥ //

Line : 5  Pada: p     tvam̐ sāhasrasya rāya īśiṣe

Pada: q     tasya no rāsva

Pada: r     tasya te bʰaktivāno bʰūyāsma //

Line : 7  Pada: s     mama ca nāma tava ca * jātavedo vāsasī iva vivasānau carāvaḥ /
      FN emended. Ed.: tava. cf. 7.11:73.3. Raghuvira, KpS, xxv. Mittwede, Textkritische Bemerkungen, p. 58

Line : 8  Pada: t     te bibʰr̥vo dakṣase jīvase ca yatʰāyatʰaṃ nau tanvau jātavedaḥ //

Line : 9  Pada: u     prajāṃ me naryājugupas

Pada: v     tāṃ me punar dehi \

Pada: w     agne gr̥hapate sugr̥hapatir ahaṃ tvayā gr̥hapatinā bʰūyāsam \

Line : 10  Pada: x     sugr̥hapatir mayā tvaṃ gr̥hapatinā bʰūyās \

Pada: y     astʰūri ṇau gārhapatyaṃ dīdāyac cʰatam̐ himā dvāyū

Line : 11  Pada: z     annaṃ me purīṣyājugupas

Pada: aa     tan me punar dehi //


Anuvaka: 4  
Line : 13  Pada: a     agnihotre stomo yoktavyas \

Pada: b     yasya vā agnihotre stomo yujyate vasīyān bʰavati \


Line : 14  Pada: c     upaprayanto adʰvaram iti

Pada: d     prajā vā imās \

Pada: e     upa tās satsatstomas

Line : 15  Pada: f     tā evopayunakti \


Pada: g     asya pratnām anu dyutam iti

Pada: h     devā vai pratnam \

Pada: i     te satsatstomas

Line : 16  Pada: j     tān eva prāyukta

Pada: k     svargāya \


Pada: l     upopen nu magʰavan bʰūya in nu ta iti \

Pada: m     iyaṃ vā upa

Line : 17  Pada: n     svargam evetvāsyāṃ pratitiṣṭʰati

Pada: o     yā vai prajā ābʰaviṣyantīs tā upa

Line : 18  Pada: p     tā evopayunakti


Pada: q     pari te dūḍabʰo ratʰa iti

Pada: r     stomam evaitayā yuktaṃ parigr̥hṇāti \


Line : 19  Pada: s     agnir mūrdʰā divaḥ kakud iti \

Pada: t     eṣā mitʰunā retasvatī paśavyā

Line : 20  Pada: u     yāsau dʰurāṃ gāyatrī pratʰamā saiṣā gāyatryopāstʰita \


Pada: v     ubʰā vām indrāgnī āhuvadʰyā iti

Page: 66  
Line : 1  Pada: w     sūryo vā indras

Pada: x     so 'gniṃ naktaṃ praviśati * \
      FN emended. Ed.: prāviśati. Raghuvira, KpS, xxv. Mittwede, Textkritische Bemerkungen, p. 59

Pada: y     ubʰā evainau saheṭṭe

Line : 2  Pada: z     yāsau dʰurāṃ triṣṭup pratʰamā saiṣā triṣṭubʰopāstʰita \


Pada: aa     ayam iha pratʰamo dʰāyi dʰātr̥bʰir iti \

Line : 3  Pada: ab     agnir hy evāsmiṃl loka iha pratʰamo 'dʰīyata

Pada: ac     yāsau dʰurāṃ jagatī pratʰamā saiṣā jagatyopāstʰita \


Line : 4  Pada: ad     ayaṃ te yonir r̥tviya iti \

Pada: ae     iyam̐ hy agner yonir agnis sūryasya

Line : 5  Pada: af     yāsau dʰurām anuṣṭup pratʰamā saiṣānuṣṭubʰopāstʰita //


Pada: ag     dadʰikrā́vṇo akāriṣam íti \

Line : 6  Pada: ah     eṣā́ vā́ agnéḥ paśavyā̀ tanū́r yā́ dadʰikrā́vatī

Pada: ai     tā́m evā́sya gr̥hṇāti \

Line : 7  Pada: aj     upastʰā́yukā enaṃ paśávo bʰavanti


Pada: ak     paśúr vā́ agnís \

Pada: al     yátʰā vaí gaúr jī́ryati yátʰā́śvo yátʰā púruṣa evám eṣá ā́hito jīryati \

Line : 8  Pada: am     agnyādʰéyasyargbʰír upastʰéyas

Line : 9  Pada: an     tanvò vā́ asyaitā́s

Pada: ao     tā́bʰir evaínaṃ púnarṇavaṃ karoti

Pada: ap     yác cʰándobʰir upatíṣṭʰate

Line : 10  Pada: aq     taír evaínaṃ púnarṇavaṃ karoti

Pada: ar     yátʰā́gra ā́hita evám asya bʰavati \


Line : 11  Pada: as     úpatiṣṭʰate

Pada: at     yóga evā́syaiṣá

Pada: au     dáma evā́syaiṣá

Pada: av     yācñá evā́syaiṣá

Line : 12  Pada: aw     yátʰā śréyasa āhŕ̥tya namasyáty evám evá tát //


Anuvaka: 5  
Line : 13  Pada: a     agnīṣomīyayā pūrvapakṣa upatiṣṭʰeta \

Pada: b     agnīṣomayor vā etad bʰāgadʰeyaṃ yat paurṇamāsam \

Line : 14  Pada: c     tābʰyām evainaṃ paridadāti

Pada: d     tā enam anapakrāmantau gopāyatas \


Line : 15  Pada: e     aindrāgnyāparapakṣe \

Pada: f     indrāgnyor vā etad bʰāgadʰeyaṃ yad amāvasyā

Pada: g     tābʰyām evainaṃ paridadāti

Line : 16  Pada: h     tā enam anapakrāmantau gopāyatas \

Pada: i     agnīṣomā evainaṃ pūrvapakṣāya paridattas \

Line : 17  Pada: j     indrāgnī aparapakṣāya


Pada: k     saṃpradāyam̐ ha vā enaṃ devā anapakrāmanto gopāyanti ya evaṃ vidvān agnim upatiṣṭʰate


Line : 18  Pada: l     kasmai kam agnir upastʰīyata ity āhur

Line : 19  Pada: m     aśitraṃ vā etad agner

Pada: n     yad agnim upatiṣṭʰate \

Pada: o     agnaya evaitad aśitraṃ kriyate


Line : 20  Pada: p     sāyam upatiṣṭʰate na prātas

Pada: q     tasmāt sāyam atitʰaye praty enaso nota tatʰā prātar


Page: 67  
Line : 1  Pada: r     yajñasyayajñasya vā āśīr asti

Pada: s     yad agnim upatiṣṭʰate \

Pada: t     agnihotrasyaivaitām āśiṣam āśāste


Line : 2  Pada: u     prajāpatiḥ prajā asr̥jata

Pada: v     so 'gnim evāgre 'sr̥jata

Line : 3  Pada: w     tasmā etad bʰāgadʰeyam akalpayad yad agnyupastʰānam \

Pada: x     yad agnim upatiṣṭʰate

Line : 4  Pada: y     svenaivainaṃ bʰāgadʰeyena samardʰayati \


Pada: z     agnir vai prayuktim abʰyakāmayata yatʰāśvo ratʰakāmyati

Line : 5  Pada: aa     yad agnim upatiṣṭʰate

Pada: ab     praivainaṃ yuṅkte kāmam asyardʰnoti

Pada: ac     manuṣyasyen nu yaḥ kāmam r̥dʰnoti sa vasīyān bʰavati \

Line : 6  Pada: ad     r̥dʰnoti vasīyān bʰavati ya evaṃ vidvān agnim upatiṣṭʰate \


Line : 7  Pada: ae     upeti

Pada: af     saṃbʰavaty evaitayā \


Pada: ag     agnir mūrdʰeti

Pada: ah     reta evaitayā prasiñcati \


Line : 8  Pada: ai     ubʰā vām indrāgnī iti

Pada: aj     prāṇāpānau vā indrāgnī

Pada: ak     prāṇāpānā evaitayā dadʰāti \


Line : 9  Pada: al     ayam iha pratʰamo dʰāyīti

Pada: am     garbʰam evaitayā dadʰāti \


Pada: an     asya pratnām anu dyutam iti \

Line : 10  Pada: ao     ūdʰa evaitayā karoti \


Pada: ap     ayaṃ te yonir r̥tviya iti

Pada: aq     janayati caivaitayā vardʰayati ca


Line : 11  Pada: ar     kl̥ptā ha vā asya prajā jāyate ya evaṃ vidvān agnim upatiṣṭʰate //


Anuvaka: 6  
Line : 13  Pada: a     ahar vai devānām āsīd rātry asurāṇām \

Pada: b     te devās tamaso 'ndʰaso mr̥tyo rātryā abʰyāplavamānād abibʰayus

Line : 14  Pada: c     te cʰandobʰir agnim anvārabʰanta

Pada: d     gāyatryā vasavas triṣṭubʰā rudrā jagatyādityā ambʰas stʰeti paśava indʰānā iti manuṣyās

Line : 16  Pada: e     te devās tamaso 'ndʰaso mr̥tyo rātryāḥ pāram ataran

Pada: f     yac cʰandobʰir agnim upatiṣṭʰate

Line : 17  Pada: g     tamasa evaiṣāndʰaso mr̥tyo rātryāḥ pāratīrtis


Pada: h     tvam agne sūryavarcā iti \

Line : 18  Pada: i     agnaya evaitām āśiṣam āśāste


Pada: j     saṃ mām āyuṣā varcasā sr̥jeti \

Pada: k     ātmana evaitām āśiṣam āśāste


Line : 19  Pada: l     saṃ tvam agne sūryasya jyotiṣāgatʰā iti \

Pada: m     agnaya evaitām āśiṣam āśāste //


Line : 20  Pada: n     sam r̥ṣīṇām̐ stuteneti

Pada: o     ccʰandām̐si vā r̥ṣīṇām̐ stutam \

Line : 21  Pada: p     cʰandobʰir evainam̐ samardʰayati


Pada: q     saṃ priyeṇa dʰāmneti

Pada: r     paśavo vā agneḥ priyaṃ dʰāma

Line : 22  Pada: s     paśubʰir evainam̐ samardʰayati


Pada: t     sam aham āyuṣā saṃ varcasā saṃ prajayā saṃ rāyaspoṣeṇa gmīyeti \

Line : 23  Pada: u     ātmana evaitām āśiṣam āśāste \


Pada: v     indʰānās tvā śataṃ himā iti \

Page: 68  
Line : 1  Pada: w     etad dʰa vai dāśarma āruṇim uvācāgnim ādadʰivām̐sam udgātaḥ kenāgnir upastʰeya iti

Line : 2  Pada: x     tasmai haitad agnyupastʰānam uvāca

Pada: y     sa hovācānayopastʰeya indʰānās tvā śatam̐ himā iti

Line : 3  Pada: z     yo vā etayopatiṣṭʰate pāpīyān asmād bʰrātr̥vyo bʰavati

Line : 4  Pada: aa     pāpīyān sapatnas sarvam āyur eti \

Pada: ab     ā jīvitor annam atti \


Pada: ac     āyurdʰā agne 'sy āyur me dʰehīti \

Line : 5  Pada: ad     ātmana evaitām āśiṣam āśāste


Pada: ae     vayodʰā agne 'si vayo me dʰehīti \

Line : 6  Pada: af     ātmana evaitām āśiṣam āśāste


Pada: ag     tanūpā agne 'si tanvaṃ me pāhīti \

Line : 7  Pada: ah     ātmana evaitām āśiṣam āśāste


Pada: ai     yan me agna ūnaṃ tanvas tan ma āpr̥ṇeti

Line : 8  Pada: aj     yad evāsyonam ātmanas tad āpūrayate \


Pada: ak     agnes samid asy abʰiśastyā mā pāhi somasya yamasyeti

Line : 9  Pada: al     sarvasmād evainam etāḥ pānti \


Pada: am     agne yat te tapas tena taṃ pratitapa yo 'smān dveṣṭi yaṃ ca vayaṃ dviṣma iti

Line : 10  Pada: an     tenaivainaṃ pratitapati pratiśocati pratitityakti pratyarcati pratiharati \


Line : 11  Pada: ao     etad dʰa vā āruṇir uvāca \

Line : 12  Pada: ap     etenāham̐ sarvān sapatnān sarvān bʰrātr̥vyān abʰyabʰavam * iti
      FN Mittwede, Textkritische Bemerkungen, p. 59

Pada: aq     śreyāñcʰreyān ātmanā bʰavati pāpīyānpāpīyān ya enaṃ dveṣṭi yo 'smā arātīyati ya evaṃ vidvān agnim upatiṣṭʰate \


Line : 14  Pada: ar     agne rucāṃ pate namas te ruce mayi rucaṃ dʰehīti

Line : 15  Pada: as     sarvā eva śucaś śamayitvā rucam ātman dʰatte


Pada: at     citrāvaso svasti te pāram aśīyārvāgvaso svasti te pāram aśīyeti

Line : 16  Pada: au     rātrī vai citrāvasur ahar arvāgvasur

Line : 17  Pada: av     ahorātrayor evaiṣā parītis \

Pada: aw     na naktaṃ na divārtim ārcʰati ya evaṃ veda


Line : 18  Pada: ax     bʰaṅge vā ete yajñasyāgnī rātry asā ādityo 'har

Pada: ay     ete eva bʰaṅge īṭṭa īśvaro bʰūtaṃ ca bʰaviṣyac cājñātor ya evaṃ veda //


Anuvaka: 7  
Line : 20  Pada: a     ambʰas stʰeti \

Pada: b     ambʰo hy etās \


Pada: c     mahas stʰeti

Pada: d     maho hy etās \


Pada: e     ūrjas stʰeti \

Pada: f     ūrjo hy etās \


Line : 21  Pada: g     rāyaspoṣas stʰeti

Pada: h     rāyaspoṣo hy etās \


Pada: i     revatī ramadʰvam iti

Pada: j     paśavo vai revatīḥ

Page: 69  
Line : 1  Pada: k     paśava etad yad antarāgnī

Pada: l     sva evainā goṣṭʰe ramayāmakar


Pada: m     asmin yonā iti \

Line : 2  Pada: n     eṣa hy āsāṃ yonis \


Pada: o     asmin goṣṭʰa iti \

Pada: p     eṣa hy āsāṃ goṣṭʰas \


Pada: q     ayaṃ vo bandʰur ito māpagāteti \

Line : 3  Pada: r     upopaivainaṃ paśavo yanti

Pada: s     nāpakrāmanti ya evaṃ vidvān agnim upatiṣṭʰate \


Line : 4  Pada: t     eti vā eṣo 'smāl lokād yo 'gnim upatiṣṭʰate \

Pada: u     ambʰas stʰeti

Line : 5  Pada: v     paśavo vā ambʰaḥ paśavo 'ntarikṣam \

Pada: w     paśuṣv eva pratitiṣṭʰati


Pada: x     bibʰyati vai devebʰyaḥ paśavas \

Line : 6  Pada: y     devānām eṣa eko yo 'gnim upatiṣṭʰate //

Pada: z     te 'smād īśvarāḥ pratrasas

Line : 7  Pada: aa     sam̐hitāsi viśvarūpeti \

Pada: ab     etāni vai gor nāmāni

Pada: ac     sam̐hitā viśvarūpā gaus

Line : 8  Pada: ad     tāny evāsya gr̥hṇāti \

Pada: ae     apratrāsāya


Pada: af     sam̐hitāsi viśvarūpeti

Line : 9  Pada: ag     rūpeṇarūpeṇa hy eṣā sam̐hitā \


Pada: ah     ā morjā viśā gaupatyenā prajayā rāyaspoṣeṇeti \

Line : 10  Pada: ai     etair hy eṣā viśanty āviṣati


Pada: aj     mayi vo rāyaś śrayantām̐ sahasrapoṣaṃ vaḥ puṣeyam iti

Line : 11  Pada: ak     sāhasrīm eva puṣṭʰiṃ nyaṅkte


Pada: al     vatsaṃ parāhanti

Pada: am     vatsanikāntāḥ paśavaḥ

Line : 12  Pada: an     paśūnām anukśātyai \

Pada: ao     abʰikā enaṃ paśavo bʰavanti


Pada: ap     sapta vai bandʰumatīr iṣṭakā agnau citya upadʰīyante

Line : 13  Pada: aq     tās tā amuṣmai lokāya sapta grāmyās

Line : 14  Pada: ar     tā atropadʰeyā gauś cāśvaś cāviś cājā cāśvataraś ca gardabʰaś ca puruṣas \

Line : 15  Pada: as     yad gāṃ parāhanti

Pada: at     tā evaitad upadʰatte * \
      FN emended. Ed.: apadʰatte. Mittwede, Textkritische Bemerkungen, p. 59

Pada: au     atʰo gavaivainaṃ cinute //


Anuvaka: 8  
Line : 16  Pada: a     saṃ paśyāmi prajā aham iti

Pada: b     sarvā eva prajā avarunddʰe \


Pada: c     iḍaprajaso mānavīr iti \

Line : 17  Pada: d     aiḍīr hi prajā mānavīs \


Pada: e     ye ca vai grāmyāḥ paśavo ye cāraṇyās ta ubʰaye naktam̐ sam̐sr̥jyante

Line : 18  Pada: f     tasmād api ye 'lpāḥ paśavas te naktam̐ bahava iva dr̥śyante

Line : 19  Pada: g     ta īśvarā amuṃ lokam anupadas \

Pada: h     yad etad yajur vadati \

Pada: i     asminn evainām̐l loke yaccʰati \


Line : 20  Pada: j     agnir vā etasyāsmiṃl loke 'gre jāyate

Pada: k     ya āhitāgnis so 'sya paśūn upajāyamānān hinasti \

Line : 21  Pada: l     upa tvāgne divediva iti \

Pada: m     upaivainaṃ jāyamānebʰyaś śamayati


Line : 22  Pada: n     doṣāvastar dʰiyā vayaṃ namo bʰaranta emasīti

Pada: o     namasvatyopāstʰita


Page: 70  
Line : 1  Pada: p     rājantam adʰvarāṇāṃ gopām r̥tasya dīdivim /

Pada: q     vardʰamānaṃ sve dama iti

Line : 2  Pada: r     vr̥dʰadvatyā


Pada: s     sa naḥ piteva sūnave 'gne sūpāyano bʰava

Pada: t     sacasvā nas svastaya iti

Line : 3  Pada: u     svastimatyā \


Pada: v     agne tvaṃ no antama iti \

Pada: w     etad dʰa vai divodāso bʰaimasenir āruṇim uvāca \

Line : 4  Pada: x     agnim ādadʰivām̐sam udgātaḥ kena gārhapatya upastʰeya iti

Line : 5  Pada: y     tasmai haitā uvāca

Pada: z     sa hovācābʰir upastʰeyo 'gne tvaṃ no antama uta trātā śivo bʰavā varūtʰya iti \

Line : 6  Pada: aa     eṣā vā agneḥ priyā tanūr yā varūtʰyā

Line : 7  Pada: ab     priyayaivainaṃ tanvopāstʰita


Pada: ac     dvipadābʰis \

Pada: ad     dvipāt puruṣas \

Pada: ae     gr̥hā gārhapatyas \

Pada: af     gr̥heṣv eva pratitiṣṭʰati


Line : 8  Pada: ag     tisraḥ pūrvāś catasra etās

Pada: ah     tās sapta

Pada: ai     sapta grāmyāḥ paśavas

Line : 9  Pada: aj     tān evāvarunddʰe \


Pada: ak     ūrjā vaḥ paśyāmy ūrjā mā paśyateti \

Pada: al     ūrjam eva gr̥heṣu paśuṣv ātman dʰatte \

Line : 10  Pada: am     atʰo yā amūr iṣṭakā upadʰatte tā evaitat kalpayati \


Pada: an     iḍās stʰa madʰukr̥ta iti \

Line : 11  Pada: ao     iḍā hy etā madʰukr̥tas


Pada: ap     syonā māviśateraṃmada iti

Pada: aq     syonā hy etā irayā sahāviśanti


Line : 12  Pada: ar     mayi vo rāyaś śrayantām̐ sahasrapoṣaṃ vaḥ puṣeyam iti

Line : 13  Pada: as     sāhasrīm eva puṣṭiṃ nyaṅkte


Pada: at     vatsaṃ parāhanti

Pada: au     vatsanikāntāḥ paśavaḥ

Line : 14  Pada: av     paśūnām anukśātyai \

Pada: aw     abʰikā enaṃ paśavo bʰavanti \

Pada: ax     atʰo iṣṭakām evaitāṃ gārhapatya upadʰatte * //
      FN emended. Ed.: upādʰatte. Mittwede, Textkritische Bemerkungen, p. 59


Anuvaka: 9  
Line : 16  Pada: a     mahi trīṇām avo 'stv iti \

Pada: b     eṣa prājāpatyas tricaḥ

Pada: c     prājāpatyā imāḥ prajās

Line : 17  Pada: d     sarvā eva prajā avarunddʰe

Pada: e     prajāpatir vā etāḥ

Pada: f     prajāpatim evaitad upetya sarvam āptvā sarvam avarudʰya *
      FN Mittwede, Textkritische Bemerkungen, p. 59: avarudʰya svargaṃ lokam eti


Line : 18  Pada: g     somānam̐ svaraṇaṃ kr̥ṇuhi brahmaṇaspata iti

Line : 19  Pada: h     brāhmaṇaspatyā

Pada: i     brahmavarcasam evaitayātman dʰatte


Pada: j     vaiśvadevīr vā etās \

Pada: k     vaiśvadevīr imāḥ prajās

Line : 20  Pada: l     brahmaṇo yoneḥ prajāḥ prajāyante

Pada: m     yad eṣā brāhmaṇaspatyā

Pada: n     brahmaṇa evainā yoneḥ prajanayati \


Line : 21  Pada: o     etābʰir vā aditiḥ putrān anvaikṣata

Pada: p     yat somam āharann amuṣmāl lokāt svasti punar āgaccʰan saha somena

Line : 22  Pada: q     yam eva kāmaṃ kāmayate tam̐ spr̥ṇoti

Line : 23  Pada: r     yaṃ kāmayeta svasti punar āgaccʰed iti tam etābʰir anvīkṣeta

Page: 71  
Line : 1  Pada: s     svasty eva punar āgaccʰati //


Pada: t     kadā cana starīr asi pari te dūḍabʰo ratʰa iti

Line : 2  Pada: u     stomasyaivaitad yogaḥ


Pada: v     kadā cana starīr asīti \

Pada: w     etad dʰa vā āruṇir uvāca

Line : 3  Pada: x     na tāvad rātrīm̐ staryam uvasa yāvad etām r̥cam aśr̥ṇavam iti

Pada: y     na rātrīm̐ staryaṃ vasati ya evaṃ veda


Line : 4  Pada: z     gāyatro vā agnis \

Pada: aa     gāyatraccʰandās taṃ cʰandasā vyardʰayati

Line : 5  Pada: ab     yad viccʰandobʰir upatiṣṭʰate

Pada: ac     yad eṣā gāyatry uttamā

Pada: ad     svenaivainaṃ cʰandasā samardʰayati


Line : 6  Pada: ae     sarvaṃ vā eṣa āptvā sarvam avarudʰya svargaṃ lokam eti yo 'gnim upatiṣṭʰate vy asya prajā cʰidyate

Line : 7  Pada: af     yat putraṃ hvayati

Pada: ag     prajām evānusaṃtanoti


Line : 8  Pada: ah     mānuṣam iva vā etad upāvartate *
      FN emended. Ed.: upāvartata. Raghuvira, KpS, xxv. Mittwede, Textkritische Bemerkungen, p. 59

Pada: ai     yat putraṃ hvayati \ accʰinno daivyas tantur mā manuṣyaś cʰedīti

Line : 9  Pada: aj     devalokaṃ caiva manuṣyalokaṃ ca saṃtanoti \

Pada: ak     ubʰau lokā ājayati //


Line : 10  Pada: al     nimrado 'sīti \

Pada: am     ava taṃ gr̥hṇāti yo 'sya paścād bʰrātr̥vyas \


Line : 11  Pada: an     abʰibʰūr asīti \

Pada: ao     abʰi taṃ bʰavati ya enena sadr̥ṅ


Pada: ap     prabʰūr asi prāhaṃ tam atibʰūyāsam iti \

Line : 12  Pada: aq     ati taṃ krāmati ya evainaṃ pūrvo 'tikrānto bʰrātr̥vyaḥ


Pada: ar     pūṣā mā prapatʰe pātu pūṣā mā paśupāḥ pātu pūṣā mādʰipatiḥ pātv iti \

Line : 13  Pada: as     iyaṃ vai pūṣā prapatʰe \

Line : 14  Pada: at     antarikṣaṃ paśupās \

Pada: au     dyaur adʰipatis \

Pada: av     ima evainaṃ lokāḥ pānti \


Pada: aw     agnim̐ saminddʰe * \
      FN emended. Ed.: samindʰe. Mittwede, Textkritische Bemerkungen, p. 59

Line : 15  Pada: ax     anusaṃtatyai


Pada: ay     prācī dig agnir devateti \

Pada: az     etā eva sa devatā r̥tvā parābʰavati ya enam etābʰyo digbʰyo 'bʰidāsati


Line : 16  Pada: ba     jyotiṣe tantava āśiṣam āśāsa iti \

Line : 17  Pada: bb     āśiṣam evāśāste


Pada: bc     yo 'sya priyaḥ putras syāt tasya nāma gr̥hṇīyāt

Line : 18  Pada: bd     tasminn eva tā āśiṣo dadʰāti //


Anuvaka: 10  
Line : 19  Pada: a     ahar vāvāsīn na rātrī

Pada: b     sā yamī bʰrātaraṃ mr̥taṃ nāmr̥ṣyata

Pada: c     tāṃ yad apr̥ccʰan yami karhi te bʰrātāmr̥teti \

Line : 20  Pada: d     adyety evābravīt

Pada: e     te devā abruvann antardadʰāmedaṃ * rātrīṃ karavāmeti
      FN Mittwede, Textkritische Bemerkungen, p. 59

Line : 21  Pada: f     te rātrīm akurvan \

Pada: g     te rātryāṃ bʰūtāyāṃ paśūn nāpaśyan

Pada: h     sāvet \

Pada: i     na vai paśyantīti

Line : 22  Pada: j     sā na vyauccʰat \

Pada: k     arekṇasyat * paśuṣu
      FN emended. Ed.: areklasyat. Mittwede, Textkritische Bemerkungen, p. 59

Pada: l     tān devā iccʰantaḥ palyāyanta

Page: 72  
Line : 1  Pada: m     tām̐ś cʰandobʰir anvapaśyan \

Pada: n     tasmāc cʰandobʰir naktam agnir upastʰeyaḥ

Pada: o     paśūnām anukśātyai

Line : 2  Pada: p     nāsmād paśavas tirobʰavanti ya evaṃ veda


Pada: q     sāvet \

Pada: r     anu vā akʰyann iti

Line : 3  Pada: s     sā vyauccʰat

Pada: t     te devā abruvann amā vai no vasv abʰūd iti

Pada: u     sāmāvasyā \

Line : 4  Pada: v     amā ha vā asya vasu bʰavati

Pada: w     vindate 'nyasya vasu nāsyānyo vasu vindate ya evaṃ vidvān agnim upatiṣṭʰate //


Line : 5  Pada: x     devā vā ahno rakṣām̐si niragʰnan \

Line : 6  Pada: y     tāni rātrīṃ prāviśan \

Pada: z     tāṃ devā na vyetum adʰr̥ṣṇuvan \

Pada: aa     ta indram abruvan \

Pada: ab     tvaṃ vai na ojiṣṭʰo 'si tvam imāṃ vīhīti

Line : 7  Pada: ac     stuta mety abravīt \

Pada: ad     nāstuto vīryaṃ kartum arhāmīti

Line : 8  Pada: ae     te 'bruvann eṣa te 'gnir nediṣṭʰam̐ sa tvā stautv iti

Pada: af     tam agnir astaut

Line : 9  Pada: ag     sa stutas sarvā mr̥dʰas sarvā nāṣṭrās sarvāṇi rakṣām̐sy atarat \

Pada: ah     indro yajamānas \

Line : 10  Pada: ai     yad agnim upatiṣṭʰate

Pada: aj     sarvā eva mr̥dʰas sarvā nāṣṭrās sarvāṇi rakṣām̐si tarati

Line : 11  Pada: ak     nāsya naktaṃ rakṣām̐sīśate ya evaṃ veda


Pada: al     tvaṣṭā vai bʰūtvā prajāpatiḥ prajā asr̥jata

Line : 12  Pada: am     tvaṣṭā yajamānas

Pada: an     sa yad vācāvadat tad abʰavat \

Pada: ao     yad vai vācā vadati tad bʰavati

Line : 13  Pada: ap     yadyad eva vācā vadati tattad bʰavati tattat sr̥jate //


Anuvaka: 11  
Line : 14  Pada: a     dʰanaṃ me śam̐sya pāhi tan me gopāyeti pravatsyann * āhavanīyam upatiṣṭʰeta
      FN Mittwede, Textkritische Bemerkungen, p. 60

Line : 15  Pada: b     dʰanasya vā eṣa goptā

Pada: c     tad evāsmai paridadāti


Pada: d     mama nāma pratʰamaṃ jātaveda iti \

Line : 16  Pada: e     agninaivaitat tanvaṃ viparidʰatte


Pada: f     yatʰānte sato 'gnihotram̐ hutaṃ yatʰeṣṭam evam asyāpi pravasato bʰavati


Line : 17  Pada: g     prajāṃ me narya pāhi tāṃ me gopāyeti

Pada: h     prajāyā vā eṣa goptā

Line : 18  Pada: i     tām evāsmai paridadāti \


Pada: j     imān me mitrāvaruṇau gr̥hān gopāyataṃ yuvam iti

Line : 19  Pada: k     mitreṇa ca vā imāḥ prajā guptāḥ krūreṇa ca

Line : 20  Pada: l     mitraṃ mitraḥ krūraṃ varuṇa iyaṃ pūṣā \

Pada: m     etābʰya eva devatābʰyo gr̥hān paridadāti \


Line : 21  Pada: n     annaṃ me purīṣya pāhi tan me gopāyeti \

Pada: o     annasya vā eṣa goptā

Pada: p     tad evāsmai paridadāti


Line : 22  Pada: q     dʰanaṃ me śam̐syājugupas tan me punar dehīti

Pada: r     dʰanam eva guptaṃ punar ātman dʰatte \


Page: 73  
Line : 1  Pada: s     agne sahasrākṣa śatamūrdʰañ * cʰatateja iti \
      FN emended. Ed.: śātamūrdʰañ. cf. 7.3:65.4. Mittwede, Textkritische Bemerkungen, p. 60

Pada: t     etair vā etau vyr̥dʰyete vipravasantau prāṇair apānais tejobʰir vīryais \

Line : 2  Pada: u     yad etair upatiṣṭʰate

Pada: v     tair eva samr̥dʰyete


Line : 3  Pada: w     mama ca nāma tava ca jātaveda iti \

Pada: x     agninaivaitat tanvaṃ yatʰāyatʰaṃ kurute


Pada: y     prajāṃ me naryājugupas tāṃ me punar dehīti

Line : 4  Pada: z     prajām eva guptāṃ punar ātman dʰatte \


Pada: aa     agne gr̥hapata iti

Line : 5  Pada: ab     nārtim ārcʰato 'gniś ca yajamānaś ca na bʰreṣaṃ nītas \


Pada: ac     annaṃ me purīṣyājugupas tan me punar dehīti \

Line : 6  Pada: ad     annam eva guptaṃ punar ātman dʰatte //


Anuvaka: 12  
Line : 7  Pada: a     prá vedʰáse kaváye védyāya váco vandā́ru vr̥ṣabʰā́ya vŕ̥ṣṇe /

Line : 8  Pada: b     yáto bʰayám ábʰayaṃ tán no astv áva devā́nāṃ yaje hī́ḍyāni * //
      FN Mittwede, Textkritische Bemerkungen, p. 60

Line : 9  Pada: c     samídʰāgníṃ duvasyata gʰr̥taír bodʰayatā́titʰim /

Line : 10  Pada: d     ā́smin havyā́ juhotana //

Line : 11  Pada: e     úd agne táva tád gʰr̥tā́d arcī́ rocata ā́hutam /

Line : 12  Pada: f     ním̐sānaṃ juhvò múkʰe //

Line : 13  Pada: g     úpa tvā juhvò máma gʰr̥tā́cīr yantu haryata /

Line : 14  Pada: h     ágne havyā́ uṣasva naḥ //

Line : 15  Pada: i     prajā́ agne sáṃvāsayā́śāś ca paśúbʰis sahá /

Line : 16  Pada: j     rāṣṭrā́ṇy asmā ā́dʰehi yā́ny ā́san savitús savé //

Line : 17  Pada: k     sám̐ vas sr̥jāmi hŕ̥dayam̐ sám̐sr̥ṣṭaṃ máno astu vaḥ /

Line : 18  Pada: l     sám̐sr̥ṣṭās tanvàs santu * vas sám̐sr̥ṣṭaḥ prāṇó astu vaḥ //
      FN emended. Ed.: tanvàsantu.

Line : 19  Pada: m     sáṃ yā́ vaḥ priyā́s tanvàs sáṃpriyā hŕ̥dayāni vaḥ /

Line : 20  Pada: n     ātmā́ vo astu sáṃpriyas sáṃpriyās tanvò máma //

Line : 21  Pada: o     yó aśvattʰáś śamīgarbʰá āruróha tváyy ápi /

Line : 22  Pada: p     táṃ te gr̥hṇāmi yajñíyaiḥ ketúbʰis sahá //

Page: 74  
Line : 1  Pada: q     máyi gr̥hṇāmy ahám ágre agníṃ rāyáspóṣeṇa sahá várcasehá devāḥ /

Line : 2  Pada: r     máyi prajā́ṃ máyi púṣṭiṃ dadʰāmi mádema śatáhimās suvī́rāḥ //

Line : 3  Pada: s     yó no agníḥ pitaro hr̥tsv àntár ámartyo mártyām̐ āviveśa /

Line : 4  Pada: t     tám ātmáni párigr̥hṇīmahe vayáṃ maíṣó asmā́n avahā́ya párāgāt \

Pada: u     mā́ vayám etám avahā́ya párāgāma //

Line : 6  Pada: v     mahī́ viśpátnī sádanī r̥tásyārvā́cī étaṃ dʰaruṇe rayīṇā́m /

Line : 7  Pada: w     antárvatī jányaṃ jātávedasam adʰvarā́ṇāṃ janayataṃ purogā́m //

Line : 8  Pada: x     út samudrā́n mádʰumām̐ ūrmír ā́gāt sā́mrājyāya prataráṃ dádʰānaḥ /

Line : 9  Pada: y     amī́ ca yé magʰávāno vayáṃ céṣam ū́rjaṃ mádʰumat sáṃbʰarema //

Line : 10  Pada: z     íyaty ágra āsīr

Pada: aa     adó devi prátʰamānā pŕ̥tʰag yát /

Line : 11  Pada: ab     devaír nuttā́ * vyàsarpo mahitvā́ * ádr̥m̐hatʰāś śárkarābʰis triviṣṭápi /
      FN Mittwede, Textkritische Bemerkungen, p. 60
      FN sic

Line : 12  Pada: ac     ájayo lokā́n pradíśaś cátasraḥ //

Line : 13  Pada: ad     udéhy agne ádʰi mātúḥ pr̥tʰivyā́ víśa ā́viśa mahatás sadʰástʰāt /

Line : 14  Pada: ae     āśúṃ tvājaú dadʰire devayánto havyavā́haṃ bʰúvanasya gopā́m //

Line : 15  Pada: af     yádīdáṃ divó yádi vā pr̥tʰivyā́s saṃbabʰū́va sukŕ̥to rárāṇayoḥ /

Line : 16  Pada: ag     táyoḥ pr̥ṣṭʰé sīdatu jātávedāḥ prajā́m asmábʰyaṃ janáyan rayíṃ ca //

Line : 17  Pada: ah     candrám agníṃ candráratʰam̐ hárivrataṃ vaiśvānarám apsuṣádam̐ svarvídam /

Line : 18  Pada: ai     vigāháṃ tū́rṇiṃ táviṣībʰir ā́vr̥taṃ bʰū́rṇiṃ devā́sa ihá suśríyaṃ dadʰuḥ //

Line : 19  Pada: aj     yát pr̥tʰivyā́ ánāmr̥tam̐ saṃbabʰū́va tvé sácā /

Line : 20  Pada: ak     tád agnír agnáye dadat * tásminn ā́dʰīyatām ayám //
      FN Mittwede, Textkritische Bemerkungen, p. 60

Line : 21  Pada: al     yád antárikṣasya yád divó ánāmr̥tam̐ saṃbabʰū́va tvé sácā /

Line : 22  Pada: am     tád agnír agnáye dadat * tásminn ā́dʰīyatām ayám //
      FN Mittwede, Textkritische Bemerkungen, p. 60


Anuvaka: 13  
Page: 75  
Line : 1  Pada: a     itá evá pratʰamáṃ jajñe agnír ebʰyó yónibʰyo ádʰi jātávedāḥ /

Line : 2  Pada: b     sá gāyatryā́ triṣṭúbʰā jágatyānuṣṭúbʰā devébʰyo havyáṃ vahatu prajānán //

Line : 3  Pada: c     sahā́gne agnínā jāyasva sahá rayyā́ sahá púṣṭyā sahá prajáyā sahá brahmavarcaséna \

Line : 4  Pada: d     ájany agnír hótā pū́rvaḥ pū́rvebʰyaḥ pávamānaḥ pāvakáś śúcir ī́ḍyas * \
      FN emended. Ed.: īḍyáḥ or īḍyàḥ (īḍyó 'sur). Mittwede, Textkritische Bemerkungen, p. 61

Line : 5  Pada: e     ásur asi pratʰamajā́ ásur nā́mā́sur ucyasé 'sur ahám ásus tváṃ kím adyā́sur ásuṃ karad ásor ásuṃ prátītana sáṃjānīdʰvam \

Line : 6  Pada: f     bʰū́r bʰúvar

Pada: g     áṅgirasāṃ tvā devā́nāṃ vraténā́dadʰe \

Line : 7  Pada: h     ādityā́nāṃ tvā devā́nāṃ vraténā́dadʰe

Pada: i     dyaúr mahnā́si bʰū́mir bʰūmnā́

Pada: j     tásyās te devy adita upástʰe \

Line : 8  Pada: k     annādám annā́dyāyā́nnapatyāyā́dadʰe //

Line : 9  Pada: l     ā́yáṃ gaúḥ pŕ̥śnir akramīd ásadan mātáraṃ puráḥ /

Line : 10  Pada: m     pitáraṃ ca prayán svàḥ //

Line : 11  Pada: n     ágne gr̥hapate 'he budʰnya pariṣadya diváḥ pr̥tʰivyā́ḥ páry antárikṣāl lokáṃ vinda yájamānāya

Line : 12  Pada: o     pr̥tʰivyā́ mūrdʰán sīda yajñíye loké

Pada: p     yó no agne níṣṭyo yó 'niṣṭyo 'bʰidā́satīdám aháṃ táṃ tváyābʰinídadʰāmi //

Line : 14  Pada: q     yā́s te śivā́s tanvò jātavedo yā́ antárikṣe diví yā́ḥ pr̥tʰivyā́m /

Line : 15  Pada: r     tā́bʰis saṃbʰū́ya ságaṇas sajóṣā híraṇyayonir vaha havyám agne //

Line : 16  Pada: s     sáṃ tvám agne divyéna jyótiṣā bʰāhi sám antarikṣyèṇa sáṃ pā́rtʰivena

Line : 17  Pada: t     vaiśvānaryā́ samídʰā dīdihī na ū́rjasvatyā várcasvatyā bʰā́svatyā raśmivátyā jyótiṣmatyā //

Line : 18  Pada: u     yā́ vājinn agnéḥ priyā́ tanū́ḥ paśúṣu pávamānā tā́m ā́vaha táyā mā jinva

Line : 19  Pada: v     yā́ vājinn agnéḥ priyā́ tanū́r apsú pāvakā́ḥ tā́m ā́vaha táyā mā jinva

Line : 20  Pada: w     yā́ vājinn agnéḥ priyā́ tanū́s sū́rye śukrā́ śúcimatī tā́m ā́vaha táyā mā jinva \

Line : 21  Pada: x     ójase bálāya tvódyaccʰe vŕ̥ṣṇe śúṣmāya \

Pada: y     aśastitū́r asi vr̥tratū́r asmā́n patʰó jyaíṣṭʰyān mā́ yoṣam //

Page: 76  
Line : 1  Pada: z     prā́cīm ánu pradíśaṃ préhi vidvā́n agnér agne puró agne * bʰavehá /
      FN Mittwede, Textkritische Bemerkungen, p. 61

Line : 2  Pada: aa     víśvā ā́śā dī́dyad víbʰāhy ū́rjaṃ no dʰehi dvipáde cátuṣpade //

Line : 3  Pada: ab     bʰúvar

Pada: ac     áṅgirasāṃ tvā devā́nāṃ vraténā́dadʰe \

Pada: ad     ādityā́nāṃ tvā devā́nāṃ vraténā́dadʰe

Line : 4  Pada: ae     dyaúr mahnā́si bʰū́mir bʰūmnā́

Pada: af     tásyās te devy adita upástʰe \

Pada: ag     annādám annā́dyāyā́nnapatyāyā́dadʰe //

Line : 6  Pada: ah     asyá prāṇā́d apānaty àntáś carati rocanā́ /

Line : 7  Pada: ai     vyàkʰyan mahiṣó dívam //

Line : 8  Pada: aj     ágne naya mayobʰo suśeva diváḥ pr̥tʰivyā́ḥ páry antárikṣāl lokáṃ vinda yájamānāya

Line : 9  Pada: ak     pr̥tʰivyā́ mūrdʰán sīda yajñíye loké

Pada: al     yó no agne níṣṭyo yó 'niṣṭyo 'bʰidā́satīdám aháṃ táṃ tváyābʰinídadʰāmi //

Line : 11  Pada: am     yā́s te śivā́s tanvò jātavedo yā́ antárikṣe diví yā́ḥ pr̥tʰivyā́m /

Line : 12  Pada: an     tā́bʰis saṃbʰū́ya ságaṇas sajóṣā híraṇyayonir vaha havyám agne //

Line : 13  Pada: ao     sáṃ tvám agne divyéna jyótiṣā bʰāhi sám antarikṣyèṇa sáṃ pā́rtʰivena

Pada: ap     vaiśvānaryā́ samídʰā dīdihī na ū́rjasvatyā várcasvatyā bʰā́svatyā raśmivátyā jyótiṣmatyā

Line : 15  Pada: aq     nā́ko 'si bradʰnáḥ pratiṣṭʰā́ saṃkrámaṇam \

Pada: ar     bʰū́r bʰúvas svàr

Pada: as     aṅgirasāṃ tvā devā́nāṃ vraténā́dadʰe \

Line : 16  Pada: at     ādityā́nāṃ tvā devā́nāṃ vraténā́dadʰe

Line : 17  Pada: au     dyaúr mahnā́si bʰū́mir bʰūmnā́

Pada: av     tásyās te devy adita upástʰe \

Pada: aw     annādám annā́dyāyā́nnapatyāyā́dadʰe //

Line : 19  Pada: ax     trim̐śád dʰā́ma vírājati vā́k pataṅgā́ aśiśrayuḥ /

Line : 20  Pada: ay     práti vástor áha dyúbʰiḥ //

Line : 21  Pada: az     ágne saṃrāḍ ajaikapād āhavanīya diváḥ pr̥tʰivyā́ḥ páry antárikṣāl lokáṃ vinda yájamānāya

Page: 77  
Line : 1  Pada: ba     pr̥tʰivyā́ mūrdʰán sīda yajñíye loké

Pada: bb     yó no agne níṣṭyo yó 'niṣṭyo 'bʰidā́satīdám aháṃ táṃ tváyābʰinídadʰāmi //

Line : 3  Pada: bc     yā́s te śivā́s tanvò jātavedo yā́ antárikṣe diví yā́ pr̥tʰivyā́m /

Line : 4  Pada: bd     tā́bʰis saṃbʰū́ya ságaṇas sajóṣā híraṇyayonir vaha havyám agne //

Line : 5  Pada: be     sáṃ tvám agne divyéna jyótiṣā bʰāhi sám antarikṣyèṇa sáṃ pā́rtʰivena

Line : 6  Pada: bf     vaiśvānaryā́ samídʰā dīdihī na ū́rjasvatyā várcasvatyā bʰā́svatyā raśmivátyā jyótiṣmatyā //

Line : 8  Pada: bg     yás te apsú mahimā́ yó váneṣu yá óṣadʰīṣu paśúṣv āvivéṣa /

Line : 9  Pada: bh     yátrayatra bíbʰrato * jātávedā ágne táto draviṇodā́ na éhi //
      FN Mittwede, Textkritische Bemerkungen, p. 61

Line : 10  Pada: bi     manuṣvát tvā nídʰīmahi manuṣvát sámidʰīmahi /

Line : 11  Pada: bj     ágne manuṣvád aṅgiro devā́n devayaté yaja //


Anuvaka: 14  
Line : 12  Pada: a     saptá te agne samídʰas saptá jihvā́s saptárṣayas saptá dʰā́ma priyā́ṇi

Pada: b     saptá hótrā anuvidvā́n saptá yónīm̐r ā́pr̥ṇasvā gʰr̥téna

Line : 13  Pada: c     yā́ te agne pávamānā tanū́ḥ pr̥tʰivī́m ánvāvivéśa yā́gnaú yā́ ratʰantaré yā́ gāyatré cʰándasi yā́ trivŕ̥ti stóme yā́nne tā́ṃ ta etád ávarundʰe

Line : 15  Pada: d     tásyai svā́hā

Pada: e     yā́ te agne pāvakā́ tanū́r antárikṣam ánvāvivéśa yā́ vā́te yā́ vāmadevyé yā́ traiṣṭubʰé cʰándasi yā́ pañcadaśé stóme yā́ paśúṣu tā́ṃ ta etád ávarundʰe

Line : 17  Pada: f     tásyai svā́hā

Line : 18  Pada: g     yā́ te agne śúcis tanū́r dívam ánvāvivéśa yā́ sū́rye yā́ br̥hatí yā́ jā́gate cʰándasi yā́ saptadaśé stóme yā́psú tā́ṃ ta etád ávarundʰe

Line : 19  Pada: h     tásyai svā́hā //

Line : 20  Pada: i     vā́taḥ prāṇás

Pada: j     tád ayám ātmā́

Pada: k     púrīṣam asi

Pada: l     sáṃpriyaḥ paśúbʰis \

Pada: m     yáccʰā tokā́ya tánayāya śáṃ yóḥ

Line : 21  Pada: n     prajā́ṃ me yaccʰa

Pada: o     gʰarmáś śíras

Pada: p     tád ayám agníḥ

Pada: q     púrīṣam asi

Pada: r     sáṃpriyaḥ paśúbʰis

Line : 22  Pada: s     svaditáṃ naḥ pitúṃ paca

Pada: t     paśū́n me yaccʰa \

Pada: u     arkáś cákṣus

Pada: v     tád asaú sū́ryaḥ

Pada: w     púrīṣam asi

Page: 78  
Line : 1  Pada: x     sáṃpriyaḥ paśúbʰis \

Pada: y     yát te śukra śukráṃ dʰā́ma śukrā́ tanū́ś śukráṃ jyótir ájasraṃ yát té 'nādʰr̥ṣṭaṃ nā́mānādʰr̥ṣyáṃ téna tvā́dadʰe

Line : 2  Pada: z     várco me yaccʰa

Pada: aa     yè 'gnáyo divó yè 'ntárikṣād yé pr̥tʰivyā́s samājagmúr íṣam ū́rjaṃ vásānās

Line : 3  Pada: ab     tè 'smā́ agnáye dráviṇāni dattvā́ tr̥ptā́ḥ prītā́ḥ púnar ástaṃ páreta // *
      FN Mittwede, Textkritische Bemerkungen, p. 61

Line : 5  Pada: ac     kálpetāṃ dyā́vāpr̥tʰivī́ kálpantām ā́pa óṣadʰayaḥ /

Line : 6  Pada: ad     kálpantām agnáyaḥ pŕ̥tʰaṅ máma jyaíṣṭʰyāya sávratāḥ //

Line : 7  Pada: ae     yè 'gnáyas sámanasas sácetasa óṣadʰīṣv apsú práviṣṭāḥ /

Line : 8  Pada: af     té samrā́jam abʰisáṃyantu sárva ū́rjaṃ no dʰatta dvipáde cátuṣpade //

Line : 9  Pada: ag     ayám agníś śréṣṭʰatamo 'yám astu yaśástamaḥ /

Line : 10  Pada: ah     ayám̐ sahasrasā́tamas súkr̥taṃ yónim ā́sadat

Pada: ai     táto várān vr̥ṇīmahe //

Line : 11  Pada: aj     níṣasāda dʰr̥távrato váruṇaḥ pastyā̀sv ā́ /

Line : 12  Pada: ak     sā́mrājyāya sukrátuḥ //

Line : 13  Pada: al     prá nūnáṃ bráhmaṇaspátir mántraṃ vadaty uktʰyàm /

Line : 14  Pada: am     yásminn índro váruṇo mitró aryamā́ devā́ ókām̐si cakriré //


Anuvaka: 15  
Line : 15  Pada: a     aditir vai prajākāmaudanam apacat

Pada: b     tasyoccʰiṣṭam āśnāt

Pada: c     sā garbʰam adʰatta

Pada: d     tata ādityā ajāyanta

Line : 16  Pada: e     ya eṣa odanaḥ pacyata ārambʰaṇam evaitat kriyate \

Line : 17  Pada: f     ākramaṇam eva


Pada: g     prādeśamātrīs samidʰo bʰavanti \

Pada: h     etāvān hy ātmā prajāpatinā saṃmitas \


Line : 18  Pada: i     agner vai yā yajñiyā tanūr aśvattʰe tayā samagaccʰata \

Pada: j     eṣāsya gʰr̥tyā tanūr yad gʰr̥tam \

Line : 19  Pada: k     yad gʰr̥tena samidʰo 'nakti

Pada: l     tābʰyām evainaṃ tanūbʰyām̐ saṃgamayati


Line : 20  Pada: m     nirmārgasyādadʰāti \

Pada: n     apagūrtyā vai vīryaṃ kriyate

Pada: o     yan nirmārgasyādadʰāti \

Pada: p     apagūrtyā eva


Line : 21  Pada: q     saṃvatsaro vai prajananam

Pada: r     agniḥ prajanayitā

Pada: s     tat prajananam \

Pada: t     yat purā saṃvatsarād agnau * samidʰa ādadʰāti
      FN Mittwede, Textkritische Bemerkungen, p. 61

Page: 79  
Line : 1  Pada: u     prajananād evainaṃ prajanayitā prajanayati \


Pada: v     abʰaktartur vai puruṣas \

Line : 2  Pada: w     na hi tad veda yam r̥tum abʰijāyate yan nakṣatram \

Pada: x     yat samidʰa ādadʰāti

Line : 3  Pada: y     ya evāsyartur yan nakṣatraṃ tad āpnoti


Pada: z     ya eṣa odanaḥ pacyate

Pada: aa     yonir evaiṣa kriyate


Line : 4  Pada: ab     yat samidʰa ādʰīyante

Pada: ac     retas tad dʰīyate


Pada: ad     saṃvatsare vai reto hitaṃ prajāyate

Line : 5  Pada: ae     yat saṃvatsare paryete 'gnim ādʰatte

Pada: af     prajātam evainam ādʰatte


Pada: ag     dvādaśasu rātrīṣu purādʰeyās

Line : 6  Pada: ah     tā hi saṃvatsarasya pratimā \


Pada: ai     atʰo tisr̥ṣv atʰo dvayor atʰo pūrvedyur

Line : 7  Pada: aj     ādʰeyās tv * evāgnim ādadʰānena \
      FN mss. Ch, D. Ed.: ta. cf. Oertel, Zur Kapiṣṭʰala-Kaṭʰa-Saṃhitā, p.25. Mittwede, Textkritische Bemerkungen, p. 61

Pada: ak     ādityā vā ita uttamā amuṃ lokam āyan \

Line : 8  Pada: al     te patʰirakṣayas

Pada: am     ta iyakṣamāṇaṃ pratinudante \


Pada: an     uccʰeṣaṇabʰāgā vā ādityās \

Line : 9  Pada: ao     yad uccʰiṣṭena samidʰo 'nakti

Pada: ap     tebʰya eva prāvocata

Pada: aq     tebʰya eva procya svargaṃ lokam ārohati //


Anuvaka: 16  
Line : 11  Pada: a     ā́ vo rā́jānam adʰvarásya rudrám̐ hótāram̐ satyayájaṃ ródasyoḥ /

Line : 12  Pada: b     agníṃ purā́ tanayitnór acíttād dʰíraṇyarūpam ávase kr̥ṇudʰvam //

Line : 13  Pada: c     kád dʰíṣṇyāsu vr̥dʰasānó agne kád vā́tāya prátavase śubʰaṃyé /

Line : 14  Pada: d     párijmane nā́satyāya kṣé brávaḥ * kád agne rudrā́ya nr̥gʰné //
      FN emended. Ed.: bravaḥ.

Line : 15  Pada: e     agnír hótā

Pada: f     sādʰvī́m akar

Pada: g     ágna ā́yūm̐ṣi pavase //

Line : 16  Pada: h     ágne pávasva svápā asmé várcas suvī́ryam /

Line : 17  Pada: i     dádʰad rayíṃ máyi póṣam //

Line : 18  Pada: j     yó áśvasya dadʰikrā́vṇo ákārīt sámiddʰe agnā́ uṣáso vyùṣṭau /

Line : 19  Pada: k     ánāgasaṃ tám áditiḥ kr̥ṇotu sá mitréṇa váruṇenā sajóṣāḥ //

Page: 80  
Line : 1  Pada: l     maháś carkarmy árvataḥ kratuprā́ dadʰikrā́vṇaḥ puruvā́rasya vŕ̥ṣṇaḥ /

Line : 2  Pada: m     yáṃ pūrúbʰyo dīdivā́m̐saṃ nā́gníṃ dadátʰur mitrāvaruṇā táturim //

Line : 3  Pada: n     r̥tā́vānaṃ vaiśvānarám \

Pada: o     vaiśvānarásya sumataú syāma //

Line : 4  Pada: p     ukṣā́nnāya vaśā́nnāya sómapr̥ṣṭʰāya vedʰáse /

Line : 5  Pada: q     stómair vidʰemāgnáye //

Line : 6  Pada: r     tr̥ṣú yád ánnā tr̥ṣúṇā vavákṣa tr̥ṣúṃ dūtáṃ kr̥ṇute yahvó agníḥ /

Line : 7  Pada: s     vā́tasya meḍím̐ sacate nijū́rvann āśúṃ ná vājayate hinvé árvā //

Line : 8  Pada: t     agnír īśe vasavyàsyāgnír maháḥ saúbʰagasya /

Line : 9  Pada: u     tā́ny asmábʰyaṃ rāsate //

Line : 10  Pada: v     tvā́m agne vásupatiṃ vásūnām abʰí prámande adʰvaréṣu rājan /

Line : 11  Pada: w     tváyā vā́jaṃ vājayánto jayemābʰíṣyāma pr̥tsutī́r mártyānām //

Line : 12  Pada: x     tváṃ yaviṣṭʰa dāśúṣo nŕ̥̄m̐ḥ pāhi śr̥ṇudʰī́ gíraḥ /

Line : 13  Pada: y     rákṣā tokám utá tmánā //

Line : 14  Pada: z     túbʰyaṃ bʰaranti kṣitáyo yaviṣṭʰa balím agne ántita ótá dūrā́t /

Line : 15  Pada: aa     ā́ bʰándiṣṭʰasya sumatíṃ cikiddʰi br̥hát te agne máhi śárma bʰadrám //

Line : 16  Pada: ab     kr̥ṣṇā́ rájām̐si patsutáḥ prayā́ṇe jātávedasaḥ /

Line : 17  Pada: ac     agnír yád ródʰati kṣámi //

Line : 18  Pada: ad     tvé vásūni pūrvaṇīka hotar doṣā́ vástor érire yajñíyāsaḥ /

Line : 19  Pada: ae     kṣā́meva víśvā bʰúvanāni yásmin sám̐ saúbʰagāni dadʰiré pāvaké //

Line : 20  Pada: af     prá vas sakʰāyo agnáye stómaṃ yajñáṃ ca dʰr̥ṣṇuyā́ /

Line : 21  Pada: ag     árca gā́ya ca vedʰáse //

Page: 81  
Line : 1  Pada: ah     prá vaś śukrā́ya bʰānáve bʰaradʰvam̐ havyáṃ matíṃ cāgnáye súpūtam /

Line : 2  Pada: ai     yó daívyāni mā́nuṣā janū́m̐ṣy antár víśvāni vidmánā jígāti //

Line : 3  Pada: aj     ví jyótiṣā

Pada: ak     ví pā́jasā //

Line : 4  Pada: al     sá tvám agne prátīkena prátyoṣa yātudʰānyàḥ /

Line : 5  Pada: am     urukṣáyeṣu dī́dyat //

Line : 6  Pada: an     tám̐ suprátīkam̐ sudŕ̥śam̐ sváñcam ávidvām̐so vidúṣṭaram̐ sapema /

Line : 7  Pada: ao     sá yakṣad víśvā vayúnāni vidvā́n prá havyám agnír amŕ̥teṣu vocat //


Anuvaka: 17  
Line : 8  Pada: a     yukṣvā́ hí devahū́tamām̐ áśvām̐ agne ratʰī́r iva /

Line : 9  Pada: b     ní hótā pūrvyás sadaḥ //

Line : 10  Pada: c     utá no deva devā́m̐ áccʰā voco vidúṣṭaraḥ /

Line : 11  Pada: d     śrád víśvā vā́ryā kr̥dʰi //

Line : 12  Pada: e     tvám̐ ha yád yaviṣṭʰya sáhasas sūna āhuta /

Line : 13  Pada: f     r̥tā́vā yajñíyo bʰúvaḥ //

Line : 14  Pada: g     ayám agnís sahasríṇaḥ //

Line : 15  Pada: h     táṃ nemím r̥bʰávo yatʰā́ namasva sáhūtibʰiḥ /

Line : 16  Pada: i     nédīyo yajñám aṅgiraḥ //

Line : 17  Pada: j     kásmai nūnám abʰídyave vācā́ virūpa nítyayā /

Line : 18  Pada: k     vŕ̥ṣṇe * codasva suṣṭutím //
      FN Corrigenda. Mittwede, Textkritische Bemerkungen, p. 61

Line : 19  Pada: l     kám u ṣvid asya sénayāgnér ápākacakṣasaḥ /

Line : 20  Pada: m     paṇíṃ góṣu starāmahe //

Line : 21  Pada: n     mā́ no devā́nāṃ víśaḥ prasnātī́r ivosrā́ḥ /

Line : 22  Pada: o     kr̥śáṃ ná hāsur ágʰnyāḥ //

Page: 82  
Line : 1  Pada: p     mā́ nas samasya dūḍʰyàḥ páridveṣaso am̐hatíḥ /

Line : 2  Pada: q     ūrmír ná nā́vam ā́ vadʰīt //

Line : 3  Pada: r     námas te agna ójase gr̥ṇánti deva kr̥ṣṭáyaḥ /

Line : 4  Pada: s     ámair amítram ardaya //

Line : 5  Pada: t     kuvít sú no gáiṣṭayé 'gne saṃvéṣiṣo rayím /

Line : 6  Pada: u     úrukr̥d urú ṇas kr̥dʰi //

Line : 7  Pada: v     mā́ no asmín mahādʰané párāvarg bʰārabʰŕ̥d yatʰā /

Line : 8  Pada: w     saṃvargám̐ sáṃ rayíṃ jaya //

Line : 9  Pada: x     párasyā ádʰi saṃvátas \

Pada: y     éhy ū ṣú brávāṇi te //


Line : 10  Pada: z     iti śrīyajuṣi kāṭʰake carakaśākʰāyām iṭʰimikāyām ālobʰī nāma saptamaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.