TITUS
Sama-Veda: Gobhila-Grhyasutra
Part No. 5
Previous part

Paragraph: 5 
Verse: 1    atʰa darśapūrṇamāsayoḥ.
Verse: 2    sandʰyāṃ paurṇamāsīm upavaset,
Verse: 3    uttarām ity eke;
Verse: 4    atʰa yad ahaś candramā na dr̥śyeta, tām amāvāsyām.
Verse: 5    pakṣāntā upavastavyāḥ, pakṣādayo 'bʰiyaṣṭavyāḥ.
Verse: 6    āmāvāsyena haviṣā pūrvapakṣam abʰiyajate, paurṇamāsenā 'parapakṣam.
Verse: 7    - yaḥ paramo vikarṣah sūryācandramasoḥ sā paurṇamāsī, yaḥ paramaḥ saṃkarṣaḥ sā 'māvāsyā.
Verse: 8    yad ahas tv eva candramā na dr̥śyeta, tām amāvāsyāṃ kurvīta;
Verse: 9    dr̥śyamāne 'py ekadā gatādʰvā bʰavatī 'ti.
Verse: 10    trayaḥ paurṇamāsīkālā bʰavanti: sandʰyā vā 'stamitoditā vo 'ccair vā.
Verse: 11    atʰa yad ahaḥ pūrṇo bʰavati,
Verse: 12    pr̥tʰag evai 'tasya jñānasyā 'dʰyāyo bʰavati: adʰīyīta vā, tadvidbʰyo vā parvā ''gamayeta.
Verse: 13    - atʰa yad ahar upavasatʰo bʰavati, tad ahaḥ pūrvāhṇa eva prātarāhutiṃ hutvai 'tad agneḥ stʰaṇḍilaṃ gomayena samantaṃ paryupalimpati.
Verse: 14    atʰai 'dʰmān upakalpayate kʰādirān vā pālāśān vā;
Verse: 15    - kʰādirapālāśālābʰe vibʰīdaka-tilvaka-bādʰaka-nīva- -nimba-rājavr̥kṣa-śalmaly-aralu-dadʰittʰa-kovidāra-śleṣmātakavarjaṃ sarvavanaspatīnām idʰmo yatʰārtʰam syāt.
Verse: 16    viśākʰāni prati lūnāḥ kuśā barhiḥ,
Verse: 17    upamūlalūnāḥ pitr̥bʰyaḥ;
Verse: 18    teṣām alābʰe śūkatr̥ṇa-śara-śīrya-balbaja-mutava-nala-śuṇṭhavarjaṃ sarvatr̥ṇāni;
Verse: 19    - ājyaṃ stʰālīpākīyān vrīhīn vā yavān vā carustʰālīṃ mekṣaṇaṃ sruvam anuguptā apa iti,
Verse: 20    yāni cā 'nukalpam udāhariṣyāmaḥ.
Verse: 21    na tad ahaḥ prasr̥jyeta,
Verse: 22    dūrād api gr̥hān abʰyeyāt;
Verse: 23    anyatas tu dʰanaṃ krīṇīyān, na vikrīṇīta.
Verse: 24    abahuvādī syāt,
Verse: 25    satyaṃ vivadiṣet.
Verse: 26    atʰā 'parāhṇa evā ''plutyau 'pavasatʰikaṃ dampatī bʰuñjīyātāṃ, yad enayoh kāmyaṃ syāt, sarpirmiśraṃ syāt, kuśalena.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.