TITUS
Rg-Veda: Rg-Veda-Samhita
Part No. 5
Previous part

Hymn: 5 
Verse: 1 
Halfverse: a    ā́ tv étā ní ṣīdaténdram abʰí prá gāyata /
   ā́ tv étā ní ṣīdata_
   ā́ tú ā́ ita+ ní sīdata
   ā́ tú ! étā ní ṣīdata

Halfverse: b    _índram abʰí prá gāyata /
   índram abʰí prá gāyata /
   índram abʰí prá gāyata /

Halfverse: c    sákʰāya stómavāhasaḥ //
   sákʰāya stómavāhasaḥ //
   sákʰāyaḥ stómavāhasaḥ //
   sákʰāya stómavāhasaḥ //


Verse: 2 
Halfverse: a    purūtámam purūṇā́m ī́śānaṃ vā́ryāṇām /
   purūtámam purūṇā́m
   purūtámam purūṇā́m
   purūtámam purūṇâám

Halfverse: b    ī́śānaṃ vā́ryāṇām /
   ī́śānam vā́ryāṇām /
   ī́śānaṃ vā́riyāṇãam /

Halfverse: c    índraṃ sóme sácā suté //
   índraṃ sóme sácā suté //
   índram sóme sácā suté //
   índraṃ sóme sácā suté //


Verse: 3 
Halfverse: a    sá gʰā no yóga ā́ bʰuvat sá rāyé sá púraṃdʰyām /
   sá gʰā no yóga ā́ bʰuvat
   sá gʰa+ naḥ yóge ā́ bʰuvat
   sá gʰā no yóga ā́ bʰuvat

Halfverse: b    sá rāyé sá púraṃdʰyām /
   sá rāyé sá púraṃdʰyām /
   sá rāyé sá púraṃdʰiyām /

Halfverse: c    gámad vā́jebʰir ā́ sá naḥ //
   gámad vā́jebʰir ā́ sá naḥ //
   gámat vā́jebʰiḥ ā́ sá naḥ //
   gámad vā́jebʰir ā́ sá naḥ //


Verse: 4 
Halfverse: a    yásya saṃstʰé ná vr̥ṇváte hárī samátsu śátravaḥ /
   yásya saṃstʰé ná vr̥ṇváte
   yásya saṃstʰé ná vr̥ṇváte
   yásya saṃstʰé ná vr̥ṇváte

Halfverse: b    hárī samátsu śátravaḥ /
   hárī samátsu śátravaḥ /
   hárī samátsu śátravaḥ /

Halfverse: c    tásmā índrāya gāyata //
   tásmā índrāya gāyata //
   tásmai índrāya gāyata //
   tásmā índrāya gāyata //


Verse: 5 
Halfverse: a    sutapā́vne sutā́ imé śúcayo yanti vītáye /
   sutapā́vne sutā́ imé
   sutapā́vne sutā́ḥ imé
   sutapā́vne sutā́ imé

Halfverse: b    śúcayo yanti vītáye /
   śúcayaḥ yanti vītáye /
   śúcayo yanti vītáye /

Halfverse: c    sómāso dádʰyāśiraḥ //
   sómāso dádʰyāśiraḥ //
   sómāsaḥ dádʰyāśiraḥ //
   sómāso dádʰiāśiraḥ //


Verse: 6 
Halfverse: a    tváṃ sutásya pītáye sadyó vr̥ddʰó ajāyatʰāḥ /
   tváṃ sutásya pītáye
   tvám sutásya pītáye
   tuváṃ sutásya pītáye

Halfverse: b    sadyó vr̥ddʰó ajāyatʰāḥ /
   sadyáḥ vr̥ddʰáḥ ajāyatʰāḥ /
   sadyó vr̥ddʰó ajāyatʰāḥ /

Halfverse: c    índra jyaíṣṭʰyāya sukrato //
   índra jyaíṣṭʰyāya sukrato //
   índra jyaíṣṭʰyāya sukrato //
   índra jyaíṣṭʰyāya sukrato //


Verse: 7 
Halfverse: a    ā́ tvā viśantv āśávaḥ sómāsa indra girvaṇaḥ /
   ā́ tvā viśantv āśávaḥ
   ā́ tvā viśantu āśávaḥ
   ā́ tvā viśantu āśávaḥ

Halfverse: b    sómāsa indra girvaṇaḥ /
   sómāsaḥ indra girvaṇaḥ /
   sómāsa indra girvaṇaḥ /

Halfverse: c    śáṃ te santu prácetase //
   śáṃ te santu prácetase //
   śám te santu prácetase //
   śáṃ te santu prácetase //


Verse: 8 
Halfverse: a    tvā́ṃ stómā avīvr̥dʰan tvā́m uktʰā́ śatakrato /
   tvā́ṃ stómā avīvr̥dʰan
   tvā́m stómāḥ avīvr̥dʰan
   tuvā́ṃ stómā avīvr̥dʰan

Halfverse: b    tvā́m uktʰā́ śatakrato /
   tvā́m uktʰā́ śatakrato /
   tuvā́m uktʰā́ śatakrato /

Halfverse: c    tvā́ṃ vardʰantu no gíraḥ //
   tvā́ṃ vardʰantu no gíraḥ //
   tvā́m vardʰantu naḥ gíraḥ //
   tuvā́ṃ vardʰantu no gíraḥ //


Verse: 9 
Halfverse: a    ákṣitotiḥ saned imáṃ vā́jam índraḥ sahasríṇam /
   ákṣitotiḥ saned imáṃ
   ákṣitotiḥ sanet imám
   ákṣitotiḥ saned imáṃ

Halfverse: b    vā́jam índraḥ sahasríṇam /
   vā́jam índraḥ sahasríṇam /
   vā́jam índraḥ sahasríṇam /

Halfverse: c    yásmin víśvāni paúṃsyā //
   yásmin víśvāni paúṃsyā //
   yásmin víśvāni paúṃsyā //
   yásmin víśvāni paúṃsiyā //


Verse: 10 
Halfverse: a    mā́ no mártā abʰí druhan tanū́nām indra girvaṇaḥ /
   mā́ no mártā abʰí druhan
   mā́ naḥ mártāḥ abʰí druhan
   mā́ no mártā abʰí druhan

Halfverse: b    tanū́nām indra girvaṇaḥ /
   tanū́nām indra girvaṇaḥ /
   tanū́nām indra girvaṇaḥ /

Halfverse: c    ī́śāno yavayā vadʰám //
   ī́śāno yavayā vadʰám //
   ī́śānaḥ yavaya+ vadʰám //
   ī́śāno yavayā vadʰám //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.