TITUS
Rg-Veda: Rg-Veda-Samhita
Part No. 6
Previous part

Hymn: 6 
Verse: 1 
Halfverse: a    yuñjánti bradʰnám aruṣáṃ cárantam pári tastʰúṣaḥ /
   yuñjánti bradʰnám aruṣáṃ
   yuñjánti bradʰnám aruṣám
   yuñjánti bradʰnám aruṣáṃ

Halfverse: b    cárantam pári tastʰúṣaḥ /
   cárantam pári tastʰúṣaḥ /
   cárantam pári tastʰúṣaḥ /

Halfverse: c    rócante rocanā́ diví //
   rócante rocanā́ diví //
   rócante rocanā́ diví //
   rócante rocanā́ diví //


Verse: 2 
Halfverse: a    yuñjánty asya kā́myā hárī vípakṣasā rátʰe /
   yuñjánty asya kā́myā
   yuñjánti asya kā́myā
   yuñjánti asya kā́miyā

Halfverse: b    hárī vípakṣasā rátʰe /
   hárī vípakṣasā rátʰe /
   hárī vípakṣasā rátʰe /

Halfverse: c    śóṇā dʰr̥ṣṇū́ nr̥vā́hasā //
   śóṇā dʰr̥ṣṇū́ nr̥vā́hasā //
   śóṇā dʰr̥ṣṇū́ nr̥vā́hasā //
   śóṇā dʰr̥ṣṇū́ nr̥vā́hasā //


Verse: 3 
Halfverse: a    ketúṃ kr̥ṇvánn aketáve péśo maryā apeśáse /
   ketúṃ kr̥ṇvánn aketáve
   ketúm kr̥ṇván aketáve
   ketúṃ kr̥ṇvánn aketáve

Halfverse: b    péśo maryā apeśáse /
   péśaḥ maryāḥ apeśáse /
   péśo maryā apeśáse /

Halfverse: c    sám uṣádbʰir ajāyatʰāḥ //
   sám uṣádbʰir ajāyatʰāḥ //
   sám uṣádbʰiḥ ajāyatʰāḥ //
   sám uṣádbʰir ajāyatʰāḥ //


Verse: 4 
Halfverse: a    ā́d áha svadʰā́m ánu púnar garbʰatvám eriré /
   ā́d áha svadʰā́m ánu
   ā́t áha svadʰā́m ánu
   âád áha svadʰā́m ánu

Halfverse: b    púnar garbʰatvám eriré /
   púnar garbʰatvám eriré /
   púnar garbʰatvám eriré /

Halfverse: c    dádʰānā nā́ma yajñíyam //
   dádʰānā nā́ma yajñíyam //
   dádʰānāḥ nā́ma yajñíyam //
   dádʰānā nā́ma yajñíyam //


Verse: 5 
Halfverse: a    vīḷú cid ārujatnúbʰir gúhā cid indra váhnibʰiḥ /
   vīḷú cid ārujatnúbʰir
   vīḷú cit ārujatnúbʰiḥ
   vīḷú cid ārujatnúbʰir

Halfverse: b    gúhā cid indra váhnibʰiḥ /
   gúhā cit indra váhnibʰiḥ /
   gúhā cid indra váhnibʰiḥ /

Halfverse: c    ávinda usríyā ánu //
   ávinda usríyā ánu //
   ávindaḥ usríyāḥ ánu //
   ávinda usríyā ánu //


Verse: 6 
Halfverse: a    devayánto yátʰā matím ácʰā vidádvasuṃ gíraḥ /
   devayánto yátʰā matím
   devayántaḥ yátʰā matím
   devayánto yátʰā matím

Halfverse: b    ácʰā vidádvasuṃ gíraḥ /
   ácʰa+ vidádvasum gíraḥ /
   ácʰā vidádvasuṃ gíraḥ /

Halfverse: c    mahā́m anūṣata śrutám //
   mahā́m anūṣata śrutám //
   mahā́m anūṣata śrutám //
   mahā́m anūṣata śrutám //


Verse: 7 
Halfverse: a    índreṇa sáṃ hí dŕ̥kṣase saṃjagmānó ábibʰyuṣā /
   índreṇa sáṃ hí dŕ̥kṣase
   índreṇa sám hí dŕ̥kṣase
   índreṇa sáṃ hí dŕ̥kṣase

Halfverse: b    saṃjagmānó ábibʰyuṣā /
   saṃjagmānáḥ ábibʰyuṣā /
   saṃjagmānó ábibʰyuṣā /

Halfverse: c    mandū́ samānávarcasā //
   mandū́ samānávarcasā //
   mandū́ samānávarcasā //
   mandū́ samānávarcasā //


Verse: 8 
Halfverse: a    anavadyaír abʰídyubʰir makʰáḥ sáhasvad arcati /
   anavadyaír abʰídyubʰir
   anavadyaíḥ abʰídyubʰiḥ
   anavadyaír abʰídyubʰir

Halfverse: b    makʰáḥ sáhasvad arcati /
   makʰáḥ sáhasvat arcati /
   makʰáḥ sáhasvad arcati /

Halfverse: c    gaṇaír índrasya kā́myaiḥ //
   gaṇaír índrasya kā́myaiḥ //
   gaṇaíḥ índrasya kā́myaiḥ //
   gaṇaír índrasya kā́miyaiḥ //


Verse: 9 
Halfverse: a    átaḥ parijmann ā́ gahi divó vā rocanā́d ádʰi /
   átaḥ parijmann ā́ gahi
   átaḥ parijman ā́ gahi
   átaḥ parijman ā́ gahi

Halfverse: b    divó vā rocanā́d ádʰi /
   diváḥ vā rocanā́t ádʰi /
   divó vā rocanā́d ádʰi /

Halfverse: c    sám asminn r̥ñjate gíraḥ //
   sám asminn r̥ñjate gíraḥ //
   sám asmin r̥ñjate gíraḥ //
   sám asminn r̥ñjate gíraḥ //


Verse: 10 
Halfverse: a    itó vā sātím ī́mahe divó vā pā́rtʰivād ádʰi /
   itó vā sātím ī́mahe
   itáḥ vā sātím ī́mahe
   itó vā sātím ī́mahe

Halfverse: b    divó vā pā́rtʰivād ádʰi /
   diváḥ vā pā́rtʰivāt ádʰi /
   divó vā pā́rtʰivād ádʰi /

Halfverse: c    índram mahó vā rájasaḥ //
   índram mahó vā rájasaḥ //
   índram maháḥ vā rájasaḥ //
   índram mahó vā rájasaḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.