TITUS
Atharva-Veda: Gopatha-Brahmana
Part No. 5
Previous part

Prapathaka: 4 
Khanda: 1 
Sentence: a    om ayaṃ vai yajño yo 'yaṃ pavate
Sentence: b    tam eta īpsanti ye saṃvatsarāya dīkṣante
Sentence: c    teṣāṃ gr̥hapatiḥ pratʰamo dīkṣate_
Sentence: d    ayaṃ vai loko gr̥hapatiḥ_
Sentence: e    asmin vā idaṃ sarvaṃ loke pratiṣṭʰitam_
Sentence: f    gr̥hapatā u eva sarve sattriṇaḥ pratiṣṭʰitāḥ
Sentence: g    pratiṣṭʰāyā evainaṃ tat pratiṣṭʰityai dīkṣante \\ 1 \\

Khanda: 2 
Sentence: a    atʰa brahmāṇaṃ dīkṣayati candramā vai brahmādʰidaivaṃ mano 'dʰyātmam_
Sentence: b    manasaiva tad oṣadʰīḥ saṃdadʰāti
Sentence: c    tad yā oṣadʰīr veda sa eva brahmauṣadʰīs
Sentence: d    tad anena lokena saṃdadʰāti
Sentence: e    tasmād etāv antareṇānyo na dīkṣeta
Sentence: f    sa yad etāv antareṇānyo dīkṣetemaṃ taṃ lokam oṣadʰibʰir vyāpādayet_
Sentence: g    ucchoṣukā ha syus
Sentence: h    tasmād etāv antareṇānyo na dīkṣeta \\ 2 \\

Khanda: 3 
Sentence: a    atʰodgātāraṃ dīkṣayati_
Sentence: b    ādityo vā udgātādʰidaivaṃ cakṣur adʰyātmam_
Sentence: c    parjanya ādityaḥ
Sentence: d    parjanyād adʰi vr̥ṣṭir jāyate
Sentence: e    vr̥ṣṭir eva tad oṣadʰīḥ saṃdadʰāti
Sentence: f    tasmād etāv antareṇānyo na dīkṣeta
Sentence: g    sa yad etāv antareṇānyo dīkṣetemaṃ taṃ lokaṃ varṣeṇa vyāpādayet_
Sentence: h    avarṣukā ha syus
Sentence: i    tasmād etāv antareṇānyo na dīkṣeta \\ 3 \\

Khanda: 4 
Sentence: a    atʰa hotāraṃ dīkṣayati_
Sentence: b    agnir vai hotādʰidaivaṃ vāg adʰyātmam
Sentence: c    annaṃ vr̥ṣṭiḥ_
Sentence: d    vācaṃ caiva tad agniṃ cānnena saṃdādʰāti
Sentence: e    tasmād etāv antareṇānyo na dīkṣeta
Sentence: f    sa yad etāv antareṇānyo dīkṣetemaṃ taṃ lokam annena vyāpādayet_
Sentence: g    aśanāyukā ha syus
Sentence: h    tasmād etāv antareṇānyo na dīkṣeta \\ 4 \\

Khanda: 5 
Sentence: a    atʰādʰvaryuṃ pratiprastʰātā dīkṣayati
Sentence: b    vāyur vā adʰvaryur adʰidaivaṃ prāṇo 'dʰyātmam
Sentence: c    annaṃ vr̥ṣṭiḥ_
Sentence: d    vāyuṃ caiva tat prāṇaṃ cānnena saṃdadʰāti
Sentence: e    tasmād etāv antareṇānyo na dīkṣeta [ed. etav]
Sentence: f    sa yad etāv antareṇānyo dīkṣetemaṃ taṃ lokaṃ prāṇena vyāpādayet
Sentence: g    pramāyukā ha syus
Sentence: h    tasmād etāv antareṇānyo na dīkṣeta \\ 5 \\

Khanda: 6 
Sentence: a    atʰa brahmaṇe brāhmaṇācchaṃsinaṃ dīkṣayati_
Sentence: b    atʰodgātre prastotāraṃ dīkṣayati_
Sentence: c    atʰa hotre maitrāvaruṇaṃ dīkṣayati_
Sentence: d    atʰādʰvaryave pratiprastʰātāraṃ neṣṭā dīkṣayati
Sentence: e    sa hainam anu_
Sentence: f    eteṣāṃ vai navānāṃ kl̥ptim anv itare kalpante
Sentence: g    nava vai prāṇāḥ
Sentence: h    prāṇair yajñas tāyate_
Sentence: i    atʰa brahmaṇe potāraṃ dīkṣayati_
Sentence: j    atʰodgātre pratihartāraṃ dīkṣayati_
Sentence: k    atʰa hotre 'cchāvākaṃ dīkṣayati_
Sentence: l    atʰādʰvaryave neṣṭāram unnetā dīkṣayati
Sentence: m    sa hainam anu_
Sentence: n    atʰa brahmaṇa āgnīdʰraṃ dīkṣyati_
Sentence: o    atʰodgātre subrahmaṇyaṃ dīkṣayati_
Sentence: p    atʰa hotre grāvastutaṃ dīkṣayati_
Sentence: q    atʰa tamanyaḥ snātako vā brahmacārī vā dīkṣayati
Sentence: r    na pūtaḥ pāvayed ity āhuḥ
Sentence: s    saiṣānupūrvaṃ dīkṣā
Sentence: t    tad ya evaṃ dīkṣante dīkṣiṣyamāṇā eva te sattriṇāṃ prāyaścittaṃ na vindante
Sentence: u    sattriṇāṃ prāyaścittam anu tasyārdʰasya yogakṣemaḥ kalpate yasminn ardʰe dīkṣanta iti brāhmaṇam \\ 6 \\

Khanda: 7 
Sentence: a    śraddʰayā vai devā dīkṣaṇīyāṃ niramimatāditeḥ prāyaṇīyām_
Sentence: b    somāt krayam_
Sentence: c    viṣṇor ātitʰyam
Sentence: d    ādityāt pravargyam_
Sentence: e    svadʰāyā upasadaḥ_
Sentence: f    agnīṣomābʰyām aupavasatʰyam ahaḥ
Sentence: g    prātaryāvadbʰyo devebʰyaḥ prātaranuvākam_
Sentence: h    vasubʰyaḥ prātaḥsavanam_
Sentence: i    rudrebʰyo mādʰyaṃdinaṃ savanam
Sentence: j    ādityebʰyas tr̥tīyasavanam_
Sentence: k    varuṇād avabʰr̥tʰam
Sentence: l    aditer udayanīyām_
Sentence: m    mitrāvaruṇābʰyām anūbandʰyām_
Sentence: n    tvaṣṭus tvāṣṭram_
Sentence: o    devībʰyo devikābʰyo devatāhavīṃṣi
Sentence: p    kāmād daśātirātram_
Sentence: q    svargāl lokād udavasānīyām_
Sentence: r    tad vā etad agniṣṭomasya janma
Sentence: s    sa ya evam etad agniṣṭomasya janma vedāgniṣṭomena sātmā saloko bʰūtvā devān apy etīti brāhmaṇam \\ 7 \\

Khanda: 8 
Sentence: a    atʰa yad dīkṣaṇīyayā yajante śraddʰām eva tad devīṃ devatāṃ yajante
Sentence: b    śraddʰā devī devatā bʰavanti
Sentence: c    śraddʰāyā devyāḥ sāyujyaṃ salokatāṃ yanti ya etad upayanti_
Sentence: d    atʰa yat prāyaṇīyayā yajante 'ditim eva tad devīṃ devatāṃ yajante
Sentence: e    aditir devī devatā bʰavanti_
Sentence: f    adityā devyāḥ sāyujyaṃ salokatāṃ yanti ya etad upayanti_
Sentence: g    atʰa yat krayam upayanti somam eva tad devaṃ devatāṃ yajante
Sentence: h    somo devo devatā bʰavanti [ed. davatā]
Sentence: i    somasya devasya sāyujyaṃ salokatāṃ yanti ya etad upayanti_
Sentence: j    atʰa yad ātitʰyayā yajante viṣṇum eva tad devaṃ devatāṃ yajante
Sentence: k    viṣṇur devo devatā bʰavanti
Sentence: l    viṣṇor devasya sāyujyaṃ salokatāṃ yanti ya etad upayanti_
Sentence: m    atʰa yat pravargyam upayanty ādityam eva tad devaṃ devatāṃ yajante_ [ed. davatāṃ]
Sentence: n    ādityo devo devatā bʰavanti_
Sentence: o    ādityasya devasya sāyujyaṃ salokatāṃ yanti ya etad upayanti_
Sentence: p    atʰa yad upasadam upayanti svadʰām eva tad devīṃ devatāṃ yajante
Sentence: q    svadʰā devī devatā bʰavanti
Sentence: r    svadʰāyā devyāḥ sāyujyaṃ salokatāṃ yanti ya etad upayanti_
Sentence: s    atʰa yad aupavasatʰyam ahar upayanty agnīṣomāv eva tad devau devate yajante_
Sentence: t    agnīṣomau devau devate bʰavanti
Sentence: u    agnīṣomayor devatayoḥ sāyujyaṃ salokatāṃ yanti ye etad upayanti_ [ed. 'gnīṣomayor]
Sentence: v    atʰa yat prātaranuvākam upayanti prātaryāvṇa eva tad devān devatā yajante
Sentence: w    prātaryāvāṇo devā devatā bʰavanti
Sentence: x    prātaryāvṇāṃ devānāṃ sāyujyaṃ salokatāṃ yanti ya etad upayanti_
Sentence: y    atʰa yat prātaḥsavanamupayanti vasūn eva tad devān devatā yajante
Sentence: z    vasavo devā devatā bʰavanti
Sentence: aa    vasūnāṃ devānāṃ sāyujyaṃ salokatāṃ yanti ya etad upayanti_
Sentence: bb    atʰa yan mādʰyaṃdinaṃ savanam upayanti rudrān eva tad devān devatā yajante
Sentence: cc    rudrā devā devatā bʰavanti
Sentence: dd    rudrāṇāṃ devānāṃ sāyujyaṃ salokatāṃ yanti ya etad upayanti_
Sentence: ee    atʰa yattr̥tīyasavanam upayanty ādityān eva tad devān devatā yajante_
Sentence: ff    ādityā devā devatā bʰavanti_
Sentence: gg    ādityānāṃ devānāṃ sāyujyaṃ salokatāṃ yanti ya etad upayanti_
Sentence: hh    atʰa yad avabʰr̥tʰam upayanti varuṇam eva tad devaṃ devatāṃ yajante
Sentence: ii    varuṇo devo devatā bʰavanti
Sentence: jj    varuṇasya devasya sāyujyaṃ salokatāṃ yanti ya etad upayanti_
Sentence: kk    atʰa yad udayanīyayā yajante 'ditim eva tad devīṃ devatāṃ yajante_
Sentence: ll    aditir devī devatā bʰavanti_
Sentence: mm    adityā devyāḥ sāyujyaṃ salokatāṃ yanti ya etad upayanti_ [ed. ādityā]
Sentence: nn    atʰa yad anūbandʰyayā yajante mitrāvaruṇāv eva tad devau devate yajante
Sentence: oo    mitrāvaruṇau devau devate bʰavanti
Sentence: pp    mitrāvaruṇayor devayoḥ sāyujyaṃ salokatāṃ yanti ya etad upayanti_
Sentence: qq    atʰa yat tvāṣṭreṇa paśunā yajante tvaṣṭāram eva tad devaṃ devatāṃ yajante
Sentence: rr    tvaṣṭā devo devatā bʰavanti
Sentence: ss    tvaṣṭur devasya sāyujyaṃ salokatāṃ yanti ya etad upayanti_
Sentence: tt    atʰa yad devikāhavirbʰiś caranti yā etā upasatsu bʰavanty agniḥ somo viṣṇur iti devyo devikā devatā bʰavanti
Sentence: uu    devīnāṃ devikānāṃ devatānāṃ sāyujyaṃ salokatāṃ yanti ya etad upayanti_
Sentence: vv    atʰa yad daśātirātram upayanti kāmam eva tad devaṃ devatāṃ yajante
Sentence: ww    kāmo devo devatā bʰavanti
Sentence: xx    kāmasya devasya sāyujyaṃ salokatāṃ yanti ya etad upayanti_
Sentence: yy    atʰa yad udavasānīyayā yajante svargam eva tal lokaṃ devaṃ devatāṃ yajante
Sentence: zz    svargo loko devo devatā bʰavanti
Sentence: aaa    svargasya lokasya devasya sāyujyaṃ salokatāṃ yanti ya etad upayanti
Sentence: bbb    tad vā etad agniṣṭomasya janma
Sentence: ccc    sa ya evam etad agniṣṭomasya janma vedāptvaiva tad agniṣṭomaṃ svarge loke pratitiṣṭʰati
Sentence: ddd    pratitiṣṭʰati prajayā paśubʰir ya evaṃ veda_
Sentence: eee    agniṣṭomena sātmā saloko bʰūtvā devān apy etīti brāhmaṇam \\ 8 \\

Khanda: 9 
Sentence: a    ahorātrābʰyāṃ vai devāḥ prāyaṇīyam atirātraṃ niramimata_
Sentence: b    ardʰamāsebʰyaś caturviṃśam ahaḥ_
Sentence: c    brahmaṇo 'bʰiplavam_
Sentence: d    kṣatrāt pr̥ṣṭʰyam
Sentence: e    agner abʰijitam
Sentence: f    adbʰyaḥ svarasāmnaḥ
Sentence: g    sūryād viṣuvantam
Sentence: h    uktā āvr̥ttāḥ svarasāmānaḥ_
Sentence: i    indrād viśvajitam
Sentence: j    uktau pr̥ṣṭʰyabʰiplavau
Sentence: k    mitrāvaruṇābʰyāṃ gavāyuṣī
Sentence: l    viśvebʰyo devebʰyo daśarātram_
Sentence: m    digbʰyo dāśarātrikaṃ pr̥ṣṭʰyaṃ ṣaḍaham
Sentence: n    ebʰyo lokebʰyaś chandomaṃ tryaham_
Sentence: o    saṃvatsarād daśamam ahaḥ
Sentence: p    prajāpater mahāvratam_
Sentence: q    svargāl lokād udayanīyam atirātram_
Sentence: r    tad vā etat saṃvatsarasya janma
Sentence: s    sa ya evam etat saṃvatsarasya janma veda saṃvatsareṇa sātmā saloko bʰūtvā devān apy etīti brāhmaṇam \\ 9 \\

Khanda: 10 
Sentence: a    atʰa yat prāyaṇīyam atirātram upayanty ahorātrāv eva tad devau devate yajante_
Sentence: b    ahorātrau devau devate bʰavanti_
Sentence: c    ahorātrayor devayoḥ sāyujyaṃ salokatāṃ yanti ya etad upayanti_ [ed. 'horātrayor]
Sentence: d    atʰa yac caturviṃśam ahar upayanty ardʰamāsān eva tad devān devatā yajante_
Sentence: e    ardʰamāsā devā devatā bʰavanti_
Sentence: f    ardʰamāsānāṃ devānāṃ sāyujyaṃ salokatāṃ yanti ya etad upayanti_
Sentence: g    atʰa yad abʰiplavam upayanti brahmāṇam eva tad devaṃ devatāṃ yajante
Sentence: h    brahmā devo devatā bʰavanti
Sentence: i    brahmaṇo devasya sāyujyaṃ salokatāṃ yanti ya etad upayanti_
Sentence: j    atʰa yat pr̥ṣṭʰyam upayanti kṣatram eva tad devaṃ devatāṃ yajante
Sentence: k    kṣatraṃ devo devatā bʰavanti
Sentence: l    kṣatrasya devasya sāyujyaṃ salokatāṃ yanti ya etad upayanti_
Sentence: m    atʰa yad abʰijitam upayanty agnim eva tad devaṃ devatāṃ yajante_
Sentence: n    agnir devo devatā bʰavanti_
Sentence: o    agner devasya sāyujyaṃ salokatāṃ yanti ya etad upayanti_
Sentence: p    atʰa yat svarasāmna upayanty eva tad devīr devatā yajanta āpo devyo devatā bʰavanti_
Sentence: q    apāṃ devīnāṃ sāyujyaṃ salokatāṃ yanti ya etad upayanti_
Sentence: r    atʰa yad viṣuvantam upayanti sūryam eva tad devaṃ devatāṃ yajante
Sentence: s    sūryo devo devatā bʰavanti
Sentence: t    sūryasya devasya sāyujyaṃ salokatāṃ yanti ya etad upayanti_
Sentence: u    uktā āvr̥ttāḥ svarasāmānaḥ_
Sentence: v    atʰa yad viśvajita mupayantīndram eva tad devaṃ devatāṃ yajante_
Sentence: w    indro devo devatā bʰavanti_
Sentence: x    indrasya devasya sāyujyaṃ salokatāṃ yanti ya etad upayanti_
Sentence: y    uktau pr̥ṣṭʰyābʰiplavau_
Sentence: z    atʰa yad gavāyuṣī upayanti mitrāvaruṇāv eva tad devau devate yajante
Sentence: aa    mitrāvaruṇau devau devate bʰavanti
Sentence: bb    mitrāvaruṇayor devayoḥ sāyujyaṃ salokatāṃ yanti ya etad upayanti_
Sentence: cc    atʰa yad daśarātram upayanti viśvān eva tad devān devatā yajante
Sentence: dd    viśve devā devatā bʰavanti
Sentence: ee    viśveṣāṃ devānāṃ sāyujyaṃ salokatāṃ yanti ya etad upayanti_
Sentence: ff    atʰa yad dāśarātrikaṃ pr̥ṣṭʰyaṃ ṣaḍaham upayanti diśa eva tad devīr devatā yajante
Sentence: gg    diśo devyo devatā bʰavanti
Sentence: hh    diśāṃ devīnāṃ sāyujyaṃ salokatāṃ yanti ya etad upayanti_
Sentence: ii    atʰa yac chandomaṃ tryaham upayantīmān eva tal lokān devān devatā yajante_
Sentence: jj    ime lokā devā devatā bʰavanti_
Sentence: kk    eṣāṃ lokānāṃ devānāṃ sāyujyaṃ salokatāṃ yanti ya etad upayanti_
Sentence: ll    atʰa yad daśamam ahar upayanti saṃvatsaram eva tad devaṃ devatāṃ yajante
Sentence: mm    saṃvatsaro devo devatā bʰavanti [ed. davatā]
Sentence: nn    saṃvatsarasya devasya sāyujyaṃ salokatāṃ yanti ya etad upayanti_
Sentence: oo    atʰa yan mahāvratam upayanti prajāpatim eva tad devaṃ devatāṃ yajante
Sentence: pp    prajāpatir devo devatā bʰavanti [ed. davatā]
Sentence: qq    prajāpater devasya sāyujyaṃ salokatāṃ yanti ya etad upayanti_
Sentence: rr    atʰa yad udayanīyam atirātram upayanti svargam eva tal lokaṃ devaṃ devatāṃ yajante
Sentence: ss    svargo loko devo devatā bʰavanti
Sentence: tt    svargasya lokasya devasya sāyujyaṃ salokatāṃ yanti ya etad upayanti
Sentence: uu    tad vā etat saṃvatsarasya janma
Sentence: vv    sa ya evam etat saṃvatsarasya janma vedāptvaiva tat saṃvatsaraṃ svarge loke pratitiṣṭʰati
Sentence: ww    pratitiṣṭʰati prajayā paśubʰir ya evaṃ veda
Sentence: xx    saṃvatsareṇa sātmā saloko bʰūtvā devān apy etīti brāhmaṇam \\ 10 \\

Khanda: 11 
Sentence: a    sa vā eṣa saṃvastaro 'dʰidaivaṃ cādʰyātmaṃ ca pratiṣṭʰitaḥ
Sentence: b    sa ya evam etat saṃvatsaram adʰidaivaṃ cādʰyātmaṃ ca pratiṣṭʰitaṃ veda pratitiṣṭʰati
Sentence: c    pratitiṣṭʰati prajayā paśubʰir ya evaṃ veda \\ 11 \\

Khanda: 12 
Sentence: a    sa vā eṣa saṃvatsaro br̥hatīm abʰisaṃpannaḥ_
Sentence: b    dvāv akṣarāv ahnāṃ ṣaḍahau dvau pr̥ṣṭʰyābʰiplavau
Sentence: c    gavāyuṣī daśarātras
Sentence: d    tatʰā kʰalu ṣaṭtriṃśad saṃpadyante
Sentence: e    ṣaṭtriṃśadavadānā gauḥ
Sentence: f    ṣaṭtriṃśadakṣarā br̥hatī
Sentence: g    bārhato vai svargo lokaḥ_
Sentence: h    br̥hatyā vai devāḥ svarge loke yajante
Sentence: i    br̥hatyā svarge loke pratitiṣṭʰati
Sentence: j    pratitiṣṭʰati prajayā paśubʰir ya evaṃ veda \\ 12 \\

Khanda: 13 
Sentence: a    sa vā eṣa saṃvatsaras trimahāvrataḥ_
Sentence: b    caturviṃśe mahāvrataṃ viṣuvati mahāvrataṃ mahāvrata eva mahāvratam_
Sentence: c    taṃ ha smaitam evaṃvidvāṃsaḥ pūrve trimahāvratam upayanti
Sentence: d    te tejasvina āsaṃt satyavādinaḥ saṃśitavratāḥ_
Sentence: e    ya enam adya tatʰopeyur yatʰāmapātram udaka āsikte nirmr̥tyed evaṃ yajamānā nirmr̥tyerann upary upayanti
Sentence: f    tatʰā hāsya satyena tapasā vratena cābʰijitam avaruddʰaṃ bʰavati ya evaṃ veda \\ 13 \\

Khanda: 14 
Sentence: a    atʰa yac caturviṃśam ahar upetyānupetya viṣuvantaṃ mahāvratam upeyāt katʰam anāgūrtyai bʰavatīti
Sentence: b    yam evāmuṃ purastād viṣuvato 'tirātram upayanti teneti brūyāt_
Sentence: c    abʰiplavāt pr̥ṣṭʰyo nirmitaḥ
Sentence: d    pr̥ṣṭʰyād abʰijit_
Sentence: e    abʰijitaḥ svarasāmānaḥ
Sentence: f    svarasāmabʰyo viṣuvān
Sentence: g    viṣuvataḥ svarasāmānaḥ
Sentence: h    svarasāmabʰyo viśvajit_
Sentence: i    viśvajitaḥ pr̥ṣṭʰyābʰiplavau
Sentence: j    pr̥ṣṭʰyābʰiplavābʰyāṃ gavāyuṣī
Sentence: k    gavāyurbʰyāṃ daśarātraḥ
Sentence: l    daśarātrān mahāvratam_
Sentence: m    mahāvratād udayanīyo 'tirātraḥ_
Sentence: n    udayanīyo 'tirātraḥ svargāya lokāyānnādyāya pratiṣṭʰityai \\ 14 \\

Khanda: 15 
Sentence: a    atʰa yac caturviṃśam ahar upetyānupetya viṣuvantaṃ mahāvratam upeyāt katʰam anāgūrtyai bʰavatīti
Sentence: b    yam evāmuṃ purastād viṣuvato 'tirātram upayanti teneti brūyāt_
Sentence: c    abʰiplavāt pr̥ṣṭʰyo nirmitaḥ
Sentence: d    pr̥ṣṭʰyād abʰijit_
Sentence: e    abʰijitaḥ svarasāmānaḥ
Sentence: f    svarasāmabʰyo viṣuvān [ed. viṣavān]
Sentence: g    viṣuvataḥ svarasamānaḥ
Sentence: h    svarasāmabʰyo viśvajit_
Sentence: i    viśvajitaḥ pr̥ṣṭʰyābʰiplavau
Sentence: j    pr̥ṣṭʰyābʰiplavābʰyāṃ gavāyuṣī
Sentence: k    gavāyurbʰyāṃ daśarātraḥ_
Sentence: l    atʰa ha devebʰyo mahāvrataṃ na tastʰe katʰam ūrdʰvai stomair viṣuvantam upāgātāvr̥ttair mām iti
Sentence: m    te devā ihasāmivāsur
Sentence: n    upa taṃ yajñakratuṃ jānīmo ca ūrdʰvastomo yenaitad ahar avāpnuyāmeti
Sentence: o    tata etaṃ dvādaśarātram ūrdʰvastomaṃ dadr̥śus
Sentence: p    tam āharan_
Sentence: q    tenāyajanta
Sentence: r    tata ebʰyo 'tiṣṭʰan_
Sentence: s    tiṣṭʰati hāsmai mahāvratam_
Sentence: t    pratitiṣṭʰati
Sentence: u    pratitiṣṭʰati prajayā paśubʰir ya evaṃ veda \\ 15 \\

Khanda: 16 
Sentence: a    atʰa yac caturviṃśam ahar upetyānupetya viṣuvantaṃ mahāvratam upeyāt katʰam anāgūrtyai bʰavatīti
Sentence: b    yam evāmuṃ purastād viṣuvato 'tirātram upayanti teneti brūyāt
Sentence: c    tad āhuḥ kati saṃvatsarasya parāñcy ahāni bʰavanti katy arvāñci
Sentence: d    tad yāni sakr̥tsakr̥d upayanti tāni parāñci
Sentence: e    atʰa yāni punaḥpunar upayanti tāny arvāñcīty evaināny upāsīran
Sentence: f    ṣaḍahayor hy āvr̥ttim anvāvartante \\ 16 \\

Khanda: 17 
Sentence: a    atʰa yac caturviṃśam ahar upetyānupetya viṣuvantaṃ mahāvratam upeyāt katʰam anāgūrtyai bʰavatīti
Sentence: b    yam evāmuṃ purastād viṣuvato 'tirātram upayanti teneti brūyāt_ [ed. 'tiratram]
Sentence: c    abʰiplavaṃ purastād viṣuvataḥ pūrvam upayanti
Sentence: d    pr̥ṣṭyam upariṣṭāt
Sentence: e    pitā vā abʰiplavaḥ putraḥ pr̥ṣṭʰyas
Sentence: f    tasmāt pūrve vayasi putrāḥ pitaram upajīvanti
Sentence: g    pr̥ṣṭʰyaṃ paścād viṣuvataḥ pūrvam upayanty abʰiplavam upariṣṭāt
Sentence: h    pitā vā abʰiplavaḥ putraḥ pr̥ṣṭʰyas
Sentence: i    tasmād uttame vayasi putrān pitopajīvati ya evaṃ veda
Sentence: j    tad apy etad r̥coktaṃ <śatam in nu śarado anti devā yatrā naś cakrā jarasaṃ tanūnām \ putrāso yatra pitaro bʰavanti mā no madʰyā rīriṣatāyur gantoḥ [Link to rvR̥V 1.89.9]>_iti_
Sentence: k    upa ha vā enaṃ pūrve vayasi putrāḥ pitaram upajīvanty upottame vayasi putrān pitopajīvati ya evaṃ veda \\ 17 \\

Khanda: 18 
Sentence: a    atʰa haiṣa mahāsuparṇas
Sentence: b    tasya yān purastād viṣuvataḥ ṣaṇmāsān upayanti sa dakṣiṇaḥ pakṣaḥ_
Sentence: c    atʰa yān āvr̥ttān upariṣṭāt ṣaḍ upayanti sa uttaraḥ pakṣaḥ_
Sentence: d    ātmā vai saṃvatsarasya viṣuvān aṅgāni pakṣau
Sentence: e    yatra vā ātmā tat pakṣau
Sentence: f    yatra vai pakṣau tad ātmā
Sentence: g    na vā ātmā pakṣāv atiricyate
Sentence: h    no pakṣāv ātmānam atiricyete iti_
Sentence: i    evam u haiva tad apareṣāṃ sviditamahnāṃ pareṣām ity apareṣāṃ caiva pareṣāṃ ceti brūyāt \\ 18 \\ [ed. būyāt]

Khanda: 19 
Sentence: a    tad āhur yad dvādaśa māsāḥ saṃvatsaro 'tʰa haitad ahar avāpnuyāmeti
Sentence: b    yad vaiṣuvatam apareṣāṃ sviditamahāṃ pareṣām iti_
Sentence: c    apareṣāṃ caiva pareṣāṃ ceti brūyāt_
Sentence: d    ātmā vai saṃvatsarasya viṣuvān aṅgāni māsāḥ_
Sentence: e    yatra vā ātmā tad aṅgāni
Sentence: f    yatrāṅgāni tad ātmā
Sentence: g    na vā ātmāṅgāny atiricyate no 'ṅgāny ātmānam atiricyanta iti_
Sentence: h    evam u haiva tad apareṣāṃ sviditamahnāṃ pareṣām ity apareṣāṃ caiva pareṣāṃ ceti brūyāt
Sentence: i    sa vā eṣa saṃvatsaraḥ \\ 19 \\

Khanda: 20 
Sentence: a    tad āhuḥ katʰam ubʰayatojyotiṣo 'bʰiplavā anyataratojyotiḥ pr̥ṣṭʰya iti_
Sentence: b    ubʰayatojyotiṣo vā ime lokā agnineta ādityenāmuta iti_
Sentence: c    eṣa ha vā eteṣāṃ jyotir ya enaṃ pramr̥dīva tapati
Sentence: d    devacakre ha vā ete pr̥ṣṭʰyapratiṣṭʰite pāpmānaṃ tr̥ṃhatī pariplavete
Sentence: e    tad ya evaṃviduṣāṃ dīkṣitānāṃ pāpakaṃ kīrtayad ete evāsya tad devacakre śiraś chindataḥ_
Sentence: f    daśarātram uddʰiḥ
Sentence: g    pr̥ṣṭʰyābʰiplavau cakre
Sentence: h    daśarātram uddʰiṃ pr̥ṣṭʰyābʰiplavau cakre tantraṃ kurvīteti ha smāha vāsyus
Sentence: i    tayo stotrāṇi ca śastrāṇi ca saṃcāreyat_
Sentence: j    yaḥ saṃcārayet tasmād ime puruṣe prāṇā nānā santa ekodayāc charīram adʰivasati yan na saṃcārayet pramāyuko ha yajamānaḥ syāt_
Sentence: k    eṣa ha vai pramāyuko yo 'ndʰo vā badʰiro vā
Sentence: l    navāgniṣṭomā māsi saṃpadyante
Sentence: m    nava vai prāṇāḥ
Sentence: n    prāṇair yajñas tāyate_
Sentence: o    ekaviṃśatir uktʰyāḥ_
Sentence: p    eka uktʰyaḥ ṣoḍaśī_
Sentence: q    annaṃ vā uktʰyaḥ_
Sentence: r    vīryaṃ ṣoḍaśy eva
Sentence: s    tatʰā rūḍʰvā svargaṃ lokam adʰyārohanti \\ 20 \\

Khanda: 21 
Sentence: a    atʰāto 'hnām adʰyārohaḥ
Sentence: b    prāyaṇīyenātirātreṇodayanīyam atirātram adʰyārohanti caturviṃśena mahāvratam
Sentence: c    abʰiplavena param abʰiplavam_
Sentence: d    pr̥ṣṭʰyena paraṃ pr̥ṣṭʰyam
Sentence: e    abʰijitābʰijitaṃ svarasāmabʰiḥ parānt svarasāmānaḥ_
Sentence: f    atʰaitad ahar avāpnuyāmeti yad vaiṣuvatam apareṣāṃ sviditamahnāṃ pareṣām ity apareṣāṃ caiva pareṣāṃ ceti brūyāt
Sentence: g    sa vā eṣa saṃvatsaraḥ \\ 21 \\

Khanda: 22 
Sentence: a    atʰāto 'hnāṃ nivāhaḥ
Sentence: b    prāyaṇīyo 'tirātraś caturviṃśāyāhne nivahati
Sentence: c    caturviṃśam ahar abʰiplavāya_
Sentence: d    abʰiplavaḥ pr̥ṣṭʰyāya
Sentence: e    pr̥ṣṭʰyo 'bʰijite_
Sentence: f    abʰijit svarasāmabʰyaḥ
Sentence: g    svarasāmāno viṣuvate
Sentence: h    viṣuvānt svarasāmabʰyaḥ
Sentence: i    svarasāmano viśvajite
Sentence: j    viśvajit pr̥ṣṭʰyābʰiplavābʰyām_
Sentence: k    pr̥ṣṭʰyābʰiplavau gavāyurbʰyām_
Sentence: l    gavāyuṣī daśarātrāya
Sentence: m    daśarātro mahāvratāya
Sentence: n    mahāvratam udanīyāyātirātrāya_
Sentence: o    udayanīyo 'tirātraḥ svargāya lokāyānnādyāya pratiṣṭʰityai \\ 22 \\ [ed. 'tiratraḥ]

Khanda: 23 
Sentence: a    ādityāś ca ha vā aṅgirasaś ca svarge loke 'spardʰanta vayaṃ pūrve svar eṣyāmo vayaṃ pūrva iti
Sentence: b    ta ādityā lagʰubʰiḥ sāmabʰiś caturbʰi stomair dvābʰyāṃ pr̥ṣṭʰyābʰyāṃ svargaṃ lokam abʰyaplavanta
Sentence: c    yad abʰyaplavanta tasmād abʰiplavaḥ_
Sentence: d    anvañca evāṅgiraso gurubʰiḥ sāmabʰiḥ sarvai stomaiḥ sarvaiḥ pr̥ṣṭʰyaiḥ svargaṃ lokam abʰyaspr̥śanta
Sentence: e    yad abʰyaspr̥śanta tasmāt spr̥śyas
Sentence: f    taṃ vā etaṃ spr̥śyaṃ santaṃ pr̥ṣṭʰya ity ācakṣate parokṣeṇa
Sentence: g    parokṣapriyā iva hi devā bʰavanti pratyakṣadviṣaḥ_
Sentence: h    abʰiplavāt pr̥ṣṭʰyo nirmitaḥ
Sentence: i    pr̥ṣṭʰyād abʰijit_
Sentence: j    abʰijitaḥ svarasāmānaḥ
Sentence: k    svarasāmabʰyo viṣuvān
Sentence: l    viṣuvataḥ svarasāmānaḥ
Sentence: m    svarasāmabʰyo viśvajit_
Sentence: n    viśvajitaḥ pr̥ṣṭʰyābʰiplavau
Sentence: o    pr̥ṣṭʰyābʰiplavābʰyāṃ gavāyuṣī
Sentence: p    gavāyurbʰyāṃ daśarātras [ed. daśaratras]
Sentence: q    tāni ha vā etāni yajñāraṇyāni yajñakr̥ntatrāṇi
Sentence: r    teṣāṃ śataṃśataṃ ratʰānānyantaraṃ tad yatʰāraṇyāny ārūḍʰā aśanāpipāse te pāpmānaṃ tr̥ṃhatī pariplavete
Sentence: s    evaṃ haivaite praplavante ye 'vidvāṃsa upayantyi_
Sentence: t    atʰa ye vidvāṃsa upayanti tad yatʰā pravāhāt pravāhaṃ stʰalāt stʰalaṃ samāt samaṃ sukʰāt sukʰam abʰayād abʰayam upasaṃkrāmantīty evaṃ haivaite saṃvatsarasyodr̥caṃ samaśnavāmahā iti brāhmaṇam \\ 23 \\

Khanda: 24 
Sentence: a    predir ha vai kauśāmbeyaḥ kausurubindur uddālaka āruṇau brahmacaryam uvāsa
Sentence: b    tam ācāryaḥ papraccha kumāra kati te pitā saṃvatsarasyāhāny amanyateti
Sentence: c    kati tveveti
Sentence: d    daśeti hovāca
Sentence: e    daśa vā iti hovāca
Sentence: f    daśākṣarā virāḍ virājo yajñaḥ
Sentence: g    kati tveveti
Sentence: h    naveti hovāca
Sentence: i    nava vā iti hovāca
Sentence: j    nava vai prāṇāḥ
Sentence: k    prāṇair yajñas tāyate
Sentence: l    kati tveveti_
Sentence: m    aṣṭeti hovāca_
Sentence: n    aṣṭau vā iti hovāca_
Sentence: o    aṣṭākṣarā gāyatrī
Sentence: p    gāyatrī yajñaḥ
Sentence: q    kati tveveti
Sentence: r    sapteti hovāca
Sentence: s    sapta vā iti hovāca
Sentence: t    sapta chandāṃsi_
Sentence: u    chandobʰir yajñas tāyate
Sentence: v    kati tveveti
Sentence: w    ṣaḍ iti hovāca
Sentence: x    ṣaḍ vā iti hovāca
Sentence: y    ṣaḍ vā r̥tavaḥ_
Sentence: z    r̥tūnām āptyai
Sentence: aa    kati tveveti
Sentence: bb    pañceti hovāca
Sentence: cc    pañca vā iti hovāca
Sentence: dd    pañcapadā paṅktiḥ
Sentence: ee    pāṅkto yajñaḥ
Sentence: ff    kati tveveti
Sentence: gg    catvārīti hovāca
Sentence: hh    catvāri vā iti hovāca
Sentence: ii    catvāro vai vedāḥ_
Sentence: jj    vedair yajñas tāyate
Sentence: kk    kati tveveti
Sentence: ll    trīṇīti hovāca
Sentence: mm    trīṇi vā iti hovāca
Sentence: nn    triṣavaṇo vai yajñaḥ
Sentence: oo    savanair yajñas tāyate
Sentence: pp    kati tveveti
Sentence: qq    dve iti hovāca
Sentence: rr    dve vā iti hovāca
Sentence: ss    dvipād vai puruṣaḥ_
Sentence: tt    dvipratiṣṭʰaḥ puruṣaḥ
Sentence: uu    puruṣo vai yajñaḥ
Sentence: vv    kati tveveti_
Sentence: ww    ekam iti hovāca_
Sentence: xx    ekaṃ vā iti hovāca_
Sentence: yy    aharahar ity eva sarvaṃ saṃvatsaraṃ \\ 24 \\

Sentence: col    ity atʰarvavede gopatʰabrāhmaṇapūrvabʰāge caturtʰaḥ prapāṭʰakaḥ \\


Next part


This text is part of the TITUS edition of Atharva-Veda: Gopatha-Brahmana.

Copyright TITUS Project, Frankfurt a/M, 30.1.2023. No parts of this document may be republished in any form without prior permission by the copyright holder.