TITUS
Lamprecht, Alexander (Strassburger Bearbeitung)
Part No. 5
Previous part

Chapter: 15  
Bucephalus


Verse: 270       Von Philippis stûte wil ih û nû sagen:
Verse: 271    dar under was ein ros getragen.

Verse: 272    daz ros daz was wunderlîch,
Verse: 273    irre und vil strîtich,

Verse: 274    snel und starc von gescafnisse.
Verse: 275    des sult ir sîn gwisse.

Verse: 276    iz hete unzallîche craft
Verse: 277    und ummâzlîche maht.

Verse: 278    iz irbeiz di lûte unde irslûch.
Verse: 279    iz was freislîch gnûch.

Verse: 280    ime was sîn munt,
Verse: 281    daz wil ih û tûn kunt,

Verse: 282    als eime esele getân.
Verse: 283    di nasen wâren ime wîte ûf geslân.

Verse: 284    sîne ôren wâren ime lanc,
Verse: 285    daz houbit magir unde slanc.

Verse: 286    sîme ougen wâren ime allir vare
Verse: 287    glîch eineme fliegindin aren.

Verse: 288    sîn hals was ime lockehte,
Verse: 289    ih wêne iz wêre lewingeslehte.

Verse: 290    ûf den goffen hâtiz rindis hâr,
Verse: 291    an den sîten liebarten mâl:

Verse: 292    sô Sarrazîn joh cristinman
Verse: 293    nie nihein bezzer ros gwan.

Verse: 294       Daz ros wart mit îsine gebunden,
Verse: 295    alse daz dâ tobit zallen stunden.

Verse: 296    iz wart vor den kuninc Philippum geleit.
Verse: 297    und als er vernam sîne gelegenheit,

Verse: 298    Bucival hîz erz namen.
Verse: 299    daz dûhte si gût alle samen.

Verse: 300       Dô hîz man manigen starkin man
Verse: 301    daz selbe ros leiten dan

Verse: 302    und in einen marstal betûn,
Verse: 303    daz man dâ vor mohte gerûn.

Verse: 304    zô ime ne torste nieman gân,
Verse: 305    wan der alsô hete getân,

Verse: 306    daz ime verteilet wart daz leben,
Verse: 307    den môse man deme rosse geben.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.