TITUS
Lamprecht, Alexander (Basler Bearbeitung)
Part No. 4
Previous part

Chapter: 7  
Nectanabus täuscht Olympias


Verse: 211    von dem palas er gie ze hant
Verse: 212    da er ein wüesty vant:

Verse: 213    do gruͦb er krut und wurzelin:
Verse: 214    der saff nam zuͦ dem zuͦber sin

Verse: 215    [Nectanibus], da schuͦf er mit,
Verse: 216    daz nach künstlichem sit

Verse: 217    Olinpya truͦmte schon,
Verse: 218    wie der got Ammon

Verse: 219    des selben nachttes by ir leg
Verse: 220    und ir mine pfleg.

Verse: 221    Des morgens kam er zuͦ ir
Verse: 222    und sprach 'frouw, geluͦbe mir,

Verse: 223    du hast enpfangen den schirmer din,
Verse: 224    des solt du von mir gewis sin.'

Verse: 225    des andren morgens ze hant
Verse: 226    do wart nach Nektanabo gesant.

Verse: 227    als er nun komen was,
Verse: 228    iren truͦm woltte sagen [Olympias].

Verse: 229    er sprach 'Olipya, küngin,
Verse: 230    mir ist wol kunt der truͦm din;

Verse: 231    wilttu sin gestatten mir,
Verse: 232    den selben got zeigi ich dir,

Verse: 233    den selben got wilt.
Verse: 234    in eines traken bild

Verse: 235    kumet er geslichen zuͦ dir.'
Verse: 236    'meister, so hab von mir

Verse: 237    in minem palas ein gaden,
Verse: 238    do slaff in an allen schaden.

Verse: 239    macht du beweren die wort din,
Verse: 240    du muͦst des kindes vatter sin.'

Verse: 241    sust wart er gewiset an sin gemach,
Verse: 242    und do der erst sloff geschach,

Verse: 243    do kam er in eines traken wis,
Verse: 244    Nektanibus, zuͦ der küngin lis

Verse: 245    und volbrachte den willen sin
Verse: 246    mit Ollinpya der küngin.

Verse: 247    des morgens do er von ir scheid
Verse: 248    er sprach 'nun lass ich dir ein grosse meit.

Verse: 249    daz wise edle küngin:
Verse: 250    din geburt so gros sol sin

Verse: 251    daz ir dehein man
Verse: 252    mit strit mag gesigen an.'

Verse: 253    von ir schied er an der stund.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.