TITUS
Lamprecht, Alexander (Basler Bearbeitung)
Part No. 5
Previous part

Chapter: 8  
Nectanabus täuscht Philipp


Verse: 254    do sy nun grossen begund,

Verse: 255    do besante sy in wider
Verse: 256    und bat in by ir siczen nider.

Verse: 257    do daz geschehen was,
Verse: 258    do sprach ze hant Ollipyas

Verse: 259    'meister, ich han gesant nach dir
Verse: 260    dar umb, daz du sagest mir,

Verse: 261    so nun kunt der here min,
Verse: 262    was sin rede harzuͦ müege sin?

Verse: 263    ich fürcht daz er mir tüe den dot,
Verse: 264    oder ich kume sus in not.'

Verse: 265    als er ir vorchte sach,
Verse: 266    Nektanibus do sprach

Verse: 267    'frouw, der rede getage,
Verse: 268    deheiner slachte vorchte trage,

Verse: 269    ich schaf dir helf an miner stat
Verse: 270    von Amone, des ich in bat.'

Verse: 271    da nach gieng er ze hant
Verse: 272    da er ein wiesti vant,

Verse: 273    und schuͦff mit den listen sin
Verse: 274    daz küng Bilipus von der küngin

Verse: 275    truͦmt: wie der got Amon
Verse: 276    sy hetti geminet schon.

Verse: 277    des andren morgens so ze hant
Verse: 278    sinen sternenseher er besant.

Verse: 279    der küng seit im den truͦm sin
Verse: 280    von Olinpya der küngin.

Verse: 281    si sprachen alle zwar
Verse: 282    'dire truͦm wirt vil war.

Verse: 283    sin muͦt ...
Verse: 284    (den min frouw wirt tragen)

Verse: 285    mit stritte niemer ende hat
Verse: 286    bis da hin do die sun uf gat.

Verse: 287    er schafft mit siner hand
Verse: 288    daz im dienen witti land.'

Verse: 289    da nach in kurczen zitten
Verse: 290    solt küng Pilipus stritten,

Verse: 291    und do er strittens begund,
Verse: 292    do kam zuͦ der selben stund

Verse: 293    ein tragk, der vor im gieng.
Verse: 294    was der siner vyenden gevieng,

Verse: 295    den det er allen den dot
Verse: 296    und half [im] us siner not.

Verse: 297    do er die vyent über want,
Verse: 298    do fuͦr er hein ze land.

Verse: 299    als er kam in sin palas,
Verse: 300    do begegenete in Olipyas,

Verse: 301    die edel küngine ze stund;
Verse: 302    die kust er an iren rotten munt.

Verse: 303    als er ir krankheit ersach,
Verse: 304    gezogenlich er do sprach

Verse: 305    'frouw, du hettest übel getan,
Verse: 306    hettest du genomen ander man.

Verse: 307    dis ist nicht, daz weis ich wol:
Verse: 308    din muͦt niut truren sol.

Verse: 309    din geburt ist von eines gottes gewalt:
Verse: 310    kein übel sol dir sin gezalt

Verse: 311    von den liutten noch von mir.
Verse: 312    daz nu ist geschehen dir,

Verse: 313    daz han ich alles in trüemen gesehen,
Verse: 314    des wil ich dir für wor jhehen.'





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.