TITUS
Lamprecht, Alexander (Basler Bearbeitung)
Part No. 3
Previous part

Chapter: 6  
Nectanabus spricht mit Olympias


Verse: 69       Do kam es zuͦ den zitten,
Verse: 70    daz küng Philip woltte ritten,

Verse: 71    der des landes ein here was
Verse: 72    (durch urliege fuͦgt sich daz);

Verse: 73    und do er gereit,
Verse: 74    Nektanibus nicht vermeid,

Verse: 75    uf den balast gie er durch schuͦwen
Verse: 76    Alimpya die schüeni fruͦwen,

Verse: 77    die da küngine was,
Verse: 78    als ich von ir geschriben las.

Verse: 79    ze hant als er sie sach
Verse: 80    ir mine schos in sere stach,

Verse: 81    daz sich von ir mine
Verse: 82    verkertten sine sine.

Verse: 83    gen ir huͦb er uf sin hant,
Verse: 84    mit sinem gruͦs ward sy ermant,

Verse: 85    er sprach 'gegrüesset sigest du mit sinne,
Verse: 86    Macidonye herr küngine.'

Verse: 87    er wolt nicht sprechen 'fruͦwe min,'
Verse: 88    daz muͦtte enteil die küngin:

Verse: 89    zuͦ sinem gruͦs sy stille sweig,
Verse: 90    jedoch züchttinklichen sy im neig.

Verse: 91    si enpfieng es nicht in has:
Verse: 92    sy sprach 'meister, gand harzuͦbas,

Verse: 93    siczent zuͦ mir nider.'
Verse: 94    do was er niut wider.

Verse: 95    do er nun gesas,
Verse: 96    die frouw ir zucht nit vergas:

Verse: 97    sy hie im schenken iren win
Verse: 98    in einen kopf guldin:

Verse: 99    der durst in nit vil sere twang,
Verse: 100    es stuͦnd anders sin gedank.

Verse: 101    die küngine sprach alsus
Verse: 102    'zwar du bist ein Egipttus.'

Verse: 103    des namen was er fro
Verse: 104    und antwurt ir also

Verse: 105    'du sprichest küngine wort.'
Verse: 106    den namen er gerne hort.

Verse: 107    wer werden wil der toren gesel
Verse: 108    der rede stettes was er wel.

Verse: 109    aber sprach Nektanibus
Verse: 110    zuͦ Ollimpya alsus

Verse: 111    'got las dich mit selden leben,
Verse: 112    du hast mir rechtten namen gegeben:

Verse: 113    Egiptun küenen wol den liutten
Verse: 114    ire trüeme wol betiutten,

Verse: 115    si erkenen oͮch an laugen
Verse: 116    und offnent des moͤnschen taugen.

Verse: 117    Ich beken wol iren hochen sin:
Verse: 118    wand ich der besten einer bin:

Verse: 119    ich bin ein wissage genant,
Verse: 120    von den goͤtten us gesant.'

Verse: 121    die wil er alsus sprach,
Verse: 122    die küngin er vast an sach.

Verse: 123    sie sprach 'meister, was meinen ir,
Verse: 124    daz ir so vast sehen har zuͦ mir?'

Verse: 125    des antwurt ir Nektanibus
Verse: 126    er sprach 'frouw, dem ist alsus.

Verse: 127    .................................
Verse: 128    ein rede die mich an iuch ist bracht.

Verse: 129    ich wil dir für wor jehen,
Verse: 130    die goͤtte heissen dich an sehen.'

Verse: 131    do er geret die wort,
Verse: 132    er zoch us dem buͦssen ein hort:

Verse: 133    daz was ein taffel klein,
Verse: 134    gewirket von helffenbein,

Verse: 135    gezieret wol mit golde,
Verse: 136    als man es wienschen solde.

Verse: 137    als die taffel ward uf getan,
Verse: 138    driu crais vand man dran,

Verse: 139    als mir die geschrift hat geseit.
Verse: 140    in dem ersten was geleit

Verse: 141    zwielff tiutnise mit sinne,
Verse: 142    der ander wit dar inne

Verse: 143    zwielff tier erhaben,
Verse: 144    in dem dritten schone ergraben

Verse: 145    sunne und monne was,
Verse: 146    als ich an einem buͦche las.

Verse: 147    dar nach züegte er ein fesselin,
Verse: 148    daz was helffen beinin,

Verse: 149    dar us schuͦff er den besten sin,
Verse: 150    der mocht von den sieben sternen sin.

Verse: 151    von den zeihen ward im bekant,
Verse: 152    wie vil tage ein jor was genant,

Verse: 153    als der moͤnsche was geborn.
Verse: 154    hie mit der tiuffel ward besworn:

Verse: 155    us dem selben helffen bein
Verse: 156    nam er siben stein,

Verse: 157    die waren hartte wol ergraben,
Verse: 158    die muͦste er zuͦ dem gestirne haben.

Verse: 159    do daz Ollipyas ersach,
Verse: 160    zuͦ dem meister si do sprach

Verse: 161    'meister, nun sage mir,
Verse: 162    wilttu daz ich geluͦbe dir,

Verse: 163    mins heren brütlich tag:
Verse: 164    anders ich dir niut geluͦben mag.'

Verse: 165    in vil kurczen stunden
Verse: 166    hat ers mit zuͦber funden.

Verse: 167    Ollipyas aber sprach,
Verse: 168    do si daz zeihen sach,

Verse: 169    'Meister, mir ist geseit
Verse: 170    ein merr, daz ist mir sere leit:

Verse: 171    als min her kome herhein,
Verse: 172    daz er min niut mer mein,

Verse: 173    er wel ein ander küngin han.
Verse: 174    wie es dar umb süel ergan,

Verse: 175    duͦstu mir daz kunt,
Verse: 176    daz dunket mich ein specher funt.'

Verse: 177    er sprach 'fruͦwe zwar,
Verse: 178    sin ist ein wort niht war:

Verse: 179    du sichst in kurczen tagen,
Verse: 180    daz du solt hoche wirde tragen.'

Verse: 181    Ollipya die gemeit
Verse: 182    sprach 'meister, sag die warheit.'

Verse: 183    Nektanibus sprach ze hant
Verse: 184    'es ist also dar umb gewant'

Verse: 185    daz dir in kurczer zit
Verse: 186    ein hocher got bi gelit,

Verse: 187    der beschirmet dich vor dem künge wol,
Verse: 188    Pilipo, als er bilich sol.'

Verse: 189    do sprach die edle küngin
Verse: 190    'wer ist der geslaffe min?'

Verse: 191    'frouw, ich wil dich wissen lan,
Verse: 192    wie er ist getan:

Verse: 193    er ist ze jung, noch ze alt,
Verse: 194    in rechter mos gestalt.

Verse: 195    er hat an der stirne sin
Verse: 196    zwie horn widrin,

Verse: 197    oͮch ist im der bart sin
Verse: 198    gestalt als einem kiczin.

Verse: 199    oͮch si dir geseit,
Verse: 200    du solt im hinacht sin bereit,

Verse: 201    so wil er beslaffen dich:
Verse: 202    daz geluͦb, frouw, uf mich.'

Verse: 203    Olipya sprach aber do
Verse: 204    czuͦ dem meister Nektanibo

Verse: 205    'beschicht es als du mir hast geseit,
Verse: 206    so wil ich, uf min warheit,

Verse: 207    dich für einen got han
Verse: 208    und dich gerne zuͦ mir laden'.

Verse: 209    als er der küngin ernst sach,
Verse: 210    Nektanibus niut me sprach.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.