TITUS
Epistulae Pauli georgice (CD)
Part No. 4
Previous part

Chapter: 4  
4


Verse: 1   Link to pavleni Link to gnt   რაჲმე უკუე ვთქუათ? იპოვამეა აბრაჰამ, მამაჲ იგი ჩუენი, ჴორციელად?

Verse: 1V     იპოა-მე VF, -- TIK, აბრაჰამისგან, მამისა ჩუენისა, პოვნად TIK.


Verse: 2   Link to pavleni Link to gnt   უკუეთუ აბრაჰამი საქმეთაგან განმართლდა, აქუს სიქადული, არამედ არა ღმრთისა მიმართ.


Verse: 3   Link to pavleni Link to gnt   რასა უკუე იტყჳს წიგნი? ჰრწმენა აბრაჰამს ღმერთი და შეერაცხა მას სიმართლედ.(1)

Verse: 3V     აბრაჰამსა F, მას ] -- I.


Verse: 4   Link to pavleni Link to gnt   ხოლო მოქმედსა მას სასყიდელი იგი არა შეერაცხების მადლით, არამედ თანანადებით.

Verse: 4V     ხოლო ] -- T.


Verse: 5   Link to pavleni Link to gnt   ხოლო რომელი-იგი არა იქმნ და ჰრწამნ განმამართლებელი იგი უღმრთოჲსაჲ, შეერაცხების სარწმუნოებაჲ იგი მისი სიმართლედ.


Verse: 6   Link to pavleni Link to gnt   ვითარცა-იგი დავით იტყჳს ნეტარებასა მას კაცისასა, რომელსაცა-იგი შეურაცხა ღმერთმან სიმართლე თჳნიერ საქმისა:

Verse: 6V     რომელსა-იგი TK.


Verse: 7   Link to pavleni Link to gnt   ნეტარ არიან, რომელთა მიეტევნენ უშჯულოებანი და რომელთა დაეფარნენ ცოდვანი;(1)

Verse: 7-1Q     Link to mcat Gen. 15,6

Verse: 7V     უსჯულოებანი FTIK.


Verse: 8   Link to pavleni Link to gnt   ნეტარ არს კაცი, რომელსა არა შეურაცხა უფალმან ცოდვაჲ.(2)

Verse: 8-2Q     Link to mcat Gen. 18,10

Verse: 8V     შეურაცხა V.


Verse: 9   Link to pavleni Link to gnt   აწ უკუე ნეტარებაჲ ესე წინადაცუეთილებასა ზედა არს ანუ წინადაუცუეთილებასაცა? რამეთუ ვიტყჳთ, ვითარმედ: შეერაცხა აბრაჰამს სარწმუნოებაჲ იგი მისი სიმართლედ.

Verse: 9V     წინადაუცუეთელებასაცა TIK, შეერცხა V, აბრაჰამსა F.


Verse: 10   Link to pavleni Link to gnt   ვითარ უკუე შეერაცხა? წინადაცუეთილებასაღა იყო ანუ წინადაუცუეთილებასა? არა წინადაცუეთილებასა, არამედ წინადაუცუეთილებასა.

Verse: 10V     შეერცხა V, წინადაცუეთილებასაღა ] + შინა T, წინადაუცუეთილებასა (1) T, წინადაუცუეთელებასაღა იყო ანუ წინადაცუეთილებასა IK, წინადაუცუეთელებასა (2) FTI.


Verse: 11   Link to pavleni Link to gnt   და სასწაულად მოიღო წინადაცუეთილებაჲ იგი ბეჭდად სიმართლისად სარწმუნოებისა მის წინადაუცუეთილებასა მას შინა, რაჲთა იყოს იგი მამად ყოველთა მორწმუნეთა წინადაუცუეთელთა, რაჲთა შეერაცხოს მათცა სიმართლედ

Verse: 11V     სიმართლისა ZFTK, წინადაცუეთილებასა VZ, წინადაუცუეთელებასა FTK, შეერცხოს V.


Verse: 12   Link to pavleni Link to gnt   და მამად წინადაცუეთილებისა არა წინადაცუეთილებისათა მათ ხოლო, არამედ რომელნი ჰგიან კუალთა მათ ზედა წინადაუცუეთილებისა სარწმუნოებისათა მამისა ჩუენისა აბრაჰამისთა.

Verse: 12V     წინადაუცუეთელებისა (2) TIK, სარწმუნოებისა T.


Verse: 13   Link to pavleni Link to gnt   რამეთუ არა შჯულისაგან იყო აღთქუმაჲ იგი აბრაჰამისი, ანუ ნათესავისა მისისაჲ, რაჲთა იყოს იგი მკჳდრ სოფლისაჲ, არამედ სიმართლითა მით სარწმუნოებისაჲთა.

Verse: 13V     რჩულისაგან Z, სჯუ. FTIK, სოფელსა EK.


Verse: 14   Link to pavleni Link to gnt   რამეთუ უკუეთუ შჯულისაგანნი იგი არიან მკჳდრნი, ცალიერ არს სარწმუნოებაჲ და განქარვებულ არიან აღთქუმანი იგი.

Verse: 14V     სჯუ. FTIK.


Verse: 15   Link to pavleni Link to gnt   რამეთუ შჯული რისხვასა შეიქმს, ხოლო სადა არა არს შჯული, მუნ არცა შჯულისა გარდასლვაჲ.

Verse: 15V     სჯუ. FTIK, სჯულისა FTIK.


Verse: 16   Link to pavleni Link to gnt   ამისთჳს სარწმუნოებისაგან, რაჲთა მადლით იყოს მტკიცე აღთქუმაჲ იგი ყოვლისა ნათესავისა, არა შჯულისაგანთა ხოლო, არამედ სარწმუნოებისაგანთაცა აბრაჰამისთა, რომელ არს მამაჲ ჩუენ ყოველთაჲ,

Verse: 16V     ნათესავისაჲ ZTIK, სჯულისაგანთა FTIK.


Verse: 17   Link to pavleni Link to gnt   ვითარცა წერილ არს, ვითარმედ: მამად მრავალთა თესლთა დაგადგინე შენ(1) წინაშე პირსა, რომლისაჲ-იგი ჰრწმენა ღმრთისაჲ, რომელმან-იგი განაცხოველნის მკუდარნი და უწესნ არაარსსა მას, ვითარცა არსსა.

Verse: 17-1Q     Link to psa Ps. 31,1


Verse: 18   Link to pavleni Link to gnt   რომელსა უსასოჲ იგი სასოებით ჰრწმენა, რაჲთა იყოს იგი მამად მრავალთა თესლთა, მსგავსად თქუმულისა მის: ესრე იყოს ნათესავი შენი.(1)

Verse: 18-1Q     Link to mcat Gen. 17,5

Verse: 18V     უსასოოჲ T, (სასო-სგანუნდა ყოფილიყო უსასოოჲ, როგორც ეს T-შია), სასოებით ] სარწმუნოებით T, თქმულისა K, ესრეთ T.


Verse: 19   Link to pavleni Link to gnt   და არა მოუძლურდა იგი სარწმუნოებითა, განიცადა თავი თჳსი, -- რამეთუ კნინღა და მკუდარ იყვნეს ჴორცნი მისნი, რამეთუ ას წლის სადამე იყო, -- და მკუდრობაჲ იგი საშოჲსა სარაჲსი.

Verse: 19V     რამეთუ კნინღა... ჴორცნი მისნი ] აწვე მკუდარ ქმნული (ქმნილი IK) TIK, წლის სადმე ] წლისამდე T, სადმე IK, სარრაჲსი FTIK.


Verse: 20   Link to pavleni Link to gnt   ხოლო აღთქუმასა მას ღმრთისასა არა შეორგულდა ურწმუნოებითა, არამედ განძლიერდა სარწმუნოებითა, მისცა დიდებაჲ ღმერთსა

Verse: 20V     ხოლო ] რამეთუ TIK, შეურგულდა ZF.


Verse: 21   Link to pavleni Link to gnt   და გულსავსე იქმნა, ვითარმედ რომელმან-იგი აღუთქუა, შემძლებელ არს ყოფადცა.


Verse: 22   Link to pavleni Link to gnt   ამისთჳსცა შეერაცხა მას სიმართლედ.

Verse: 22V     შეერცხა V.


Verse: 23   Link to pavleni Link to gnt   ხოლო არა დაიწერა მისთჳს ხოლო, რამეთუ შეერაცხა მას სიმართლედ,


Verse: 24   Link to pavleni Link to gnt   არამედ ჩუენთჳსცა, რომელთადა-ესე შერაცხვად არს, რომელთა გურწამს აღმადგინებელი უფლისა ჩუენისა იესუ ქრისტესი მკუდრეთით,

Verse: 24V     რომლითი F.


Verse: 25   Link to pavleni Link to gnt   რომელი მიეცა ცოდვათა ჩუენთათჳს და აღდგა განმართლებისა ჩუენისათჳს.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.