TITUS
Old Georgian Hagiographical Texts, vol. I
Part No. 4
Previous part

Chapter: IV  
Line of ed.: 13        4. და ვიდრე ჩუენ ამას სიტყუასა შინა ვიყვენით, კაცი ერთი სპარსი
Line of ed.: 14     მოვიდა და შევიდა იგი წინაშე ნეტარისა შუშანიკისა და ტირილით იტყოდა:
Line of ed.: 15     "ესევითარი სახლი მშჳდობისაჲ ვითარ საწყალობელ იქმნა და სიხარული
Line of ed.: 16     მწუხარებად გარდაიქცა?" ხოლო ზრახვითა იყო იგი ვარსქენისითა და
Line of ed.: 17     ზაკუვით იტყოდა ამას და უნდა მონადირებაჲ ნეტარისაჲ მის. ხოლო
Line of ed.: 18     წმიდამან მან ცნა ზაკუვითი იგი ზრახვაჲ მისი და მოიზღუდა თავი მისი
Line of ed.: 19     მტკიცედ.

Line of ed.: 20        და შემდგომად სამისა დღისა მოვიდა ვარსქენ პიტიახში. და უთხრა
Line of ed.: 21     სპარსმან მან ფარულად და ჰრქუა: "მე ვითარ მიცნობიეს, ცოლი შენი
Line of ed.: 22     განდგომილ არს შენგან, და მე გეტყჳ შენ: ნუ რას ფიცხელსა სიტყუასა
Line of ed.: 23     ეტყჳ მას, Ms. page: A_355r  რამეთუ დედათა ბუნებაჲ იწრო არს".

Line of ed.: 24        და ხვალისა დღჱ ვითარ აღდგა პიტიახში, გჳწოდა ჩუენ ხუცესთა
Line of ed.: 25     და მივედით. და სიხარულით შეგჳმთხჳვნა და გურქუა ჩუენ: "აწ ნურას
Line of ed.: 26     მერიდებით მე და ნუ-ცა-ღა გძაგ". და ჩუენ მიუგეთ და ვარქუთ:
Line of ed.: 27     "წარსწყმიდე თავი შენი და ჩუენ-ცა წარგუწყმიდენ", მაშინ-ღა
Line of ed.: 28     იწყო სიტყუად და თქუა: "რაჲსა ჴელ-იწიფა ჩემ ზედა ცოლმან ჩემმან
Page of ed.: 15   Line of ed.: 1     ესევითარისა საქმედ? აწ მივედით და არქუთ, ვითარმედ შენ ჩემი ხატი დაამჴუ,
Line of ed.: 2     და საგებელსა ჩემსა ნაცარი გარდაასხ, და შენი ადგილი დაგიტევებიეს
Line of ed.: 3     და სხუად წარსრულ ხარ".

Line of ed.: 4        ხოლო წმიდამან შუშანიკ თქუა: "არა თუ მე აღმემართა ხატი იგი
Line of ed.: 5     და მე-მცა დავამჴუ, ხოლო მამამან შენმან აღჰმართნა სამარტჳლენი და
Line of ed.: 6     ეკლესიანი აღაშჱნნა და შენ მამისა შენისა საქმენი განჰრყუნენ და სხუად
Line of ed.: 7     გარდააქციენ კეთილნი მისნი; მამამან შენმან წმიდანი შემოიხუნა სახიდ
Line of ed.: 8     თჳსა, ხოლო შენ დევნი შემოიხუენ. მან ღმერთი ცათაჲ და ქუეყანისაჲ
Line of ed.: 9     აღიარა და ჰრწმენა, ხოლო შენ ღმერთი ჭეშმარიტი უვარ-ჰყავ და ცეცხლსა
Line of ed.: 10     თაყუანის-ეც, და ვითარცა შენ შემოქმედი შენი უვარ-ჰყავ, ეგრე-ცა მე შენ
Line of ed.: 11     შეურაცხ-გყავ. და თუ მრავალი ტანჯვაჲ მოაწიო ჩემ ზედა, მე არა ვეზიარო
Line of ed.: 12     საქმეთა შენთა". ხოლო ჩუენ ესე ყოველი მიუთხართ პიტიახშსა. ხოლო
Line of ed.: 13     მან განიწყო გული და იბრდღუენდა მისთჳს.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.