TITUS
Old Georgian Hagiographical Texts, vol. I
Part No. 5
Previous part

Chapter: V  
Line of ed.: 14        5. მერმე მიავლინა ჯოჯიკ, ძმაჲ თჳსი, და ცოლი ჯოჯიკისი, ძმის
Line of ed.: 15     ცოლი თჳსი, და ეპისკოპოსი სახლისა თჳსისაჲ და ჰრქუა მათ: "ესრეთ
Line of ed.: 16     არქუთ: აღდეგ და მოვედ ადგილსა თჳსსა და ნუ ეგევითარი გონებაჲ
Line of ed.: 17     გიპყრიეს! უკეთუ (!) არა, თრევით მოგითრიო".

Line of ed.: 18        და ვითარ მიიწინეს და შევიდეს წინაშე დედოფლისა და მრავალსა
Line of ed.: 19     დასაჯერებელსა სიტყუასა ეტყოდეს მას, მაშინ წმიდამან შუშანიკ ჰრქუა
Line of ed.: 20     მათ: "კაცნო ბრძენნო, თქუენ Ms. page: A_355v  კეთილად იტყჳთ, გარნა ნუ დაგიჯერებიეს,
Line of ed.: 21     თუ-მცა მე მისა ცოლად-ღა ვიყავ. მეგონა მე, ვითარმედ იგი
Line of ed.: 22     ჩემდა მოვაქციო და ღმერთი ჭეშმარიტი აღიაროს, და აწ მე მაიძულებთ
Line of ed.: 23     ამას ყოფად? ნუ იყოფინ ესე ჩემდა! და შენ, ჯოჯიკ, არღარა ჩემი მაზლი
Line of ed.: 24     ხარ, და არცა-ღა მე შენი ძმის ცოლი, არცა ცოლი შენი დაჲ ჩემი არს,
Line of ed.: 25     რომელნი მის კერძო და მისთა საქმეთა ზიარ ხართ". ჰრქუა მას ჯოჯიკ:
Line of ed.: 26     უწყი მე, აწ მოავლინნეს მსახურნი და თრევით წარგიყვანოს შენ". ხოლო
Line of ed.: 27     წმიდამან შუშანიკ ჰრქუა: "უკუეთუ შემკრას და მითრიოს, მიხარის,
Page of ed.: 16   Line of ed.: 1     რამეთუ მით სახითა იყოს განჩინებაჲ ჩემი მისგან". და ვითარცა ესმა ესე
Line of ed.: 2     მისგან, ცრემლოოდეს ყოველნი, და ჯოჯიკ აღდგა და ცრემლით გარე განვიდა.
Line of ed.: 3     ხოლო წმიდამან შუშანიკ ჰრქუა ეპისკოპოსსა: "ვითარ მეტყჳ მე დაჯერებად
Line of ed.: 4     ჩემდა, რამეთუ მან ღმერთი უვარ-ყო?" ხოლო ჯოჯიკ ევედრებოდა და ეტყოდა:
Line of ed.: 5     "დაჲ ჩუენი ხარ შენ"", ნუ წარსწყმედ სახლსა ამას სადედოფლოსა". ჰრქუა
Line of ed.: 6     მას წმიდამან შუშანიკ: "უწყი, ვითარმედ დაჲ ვარ, ერთგან განზრდილნი,
Line of ed.: 7     ხოლო მაგას ვერ ვჰყოფ, ვითარ-მცა მოსისხლეობაჲ იქმნა,
Line of ed.: 8     და თქუენ ყოველნი თანა-მდებ იქმნენით".

Line of ed.: 9        და ვითარცა ფრიად აურვებდეს მას, აღდგა წმიდაჲ და ნეტარი
Line of ed.: 10     შუშანიკ და თანა წარიტანა ევანგელჱ თჳსი და ტირილით ესრჱთ იტყოდა:
Line of ed.: 11     "უფალო, ღმერთო, შენ უწყი, ვითარმედ მე გულითად სიკუდილდ
Line of ed.: 12     მივალ".

Line of ed.: 13        ესე თქუა და წარვიდა მათ თანა და თანა წარიტანნა ევანგელჱ
Line of ed.: 14     თჳსი და წმიდანი იგი წიგნნი მოწამეთანი. და რაჟამს შევიდა იგი ტაძარსა
Line of ed.: 15     მას, არა დაჯდა იგი თჳსსა მას გალიაკსა, არამედ სენაკსა შინა მცირესა.
Line of ed.: 16     და აღიპყრნა ჴელნი თჳსნი ზეცად წმიდამან შუშანიკ და თქუა:
Line of ed.: 17     "უფალო ღმერთო, არცა მღდელთაგანი ვინ იპოვა მოწყალჱ, არცა ერისა
Line of ed.: 18     კაცი ვინ გამოჩნდა შორის ერსა ამას, არამედ ყოველთა მე სიკუდილდ
Line of ed.: 19     მიმითუალეს მტერსა ღმრთისასა ვარსქენს".

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.