TITUS
Movses Xorenaci, Patmowtiwn Hayoc
Part No. 5
Previous part

Chapter: 4  
Դ՜
Page: 13  
Line: 2 
Յաղագս զի ոչ սակս Ադամայ եւ այլոց նահապետացն միաբանեցան այլքն ի
Line: 3 
պատմագրաց։


Line: 4    Sentence: 1   Յաղագս Արմատոյն հանուր մարդկութեանս, կամ թէ հաճոյ ումեք
Line: 5    թուիցի ասել ծայրին, պարտ էր մեզ սակաւ ինչ անցանել բանիւ, թէ
Line: 6    ընդէր հակառակ Հոգւոյն խորհեալ՝ անմիաբանեցան այլքն ի պատմագրեաց,
Line: 7    զԲերոսեայ ասեմ, զԲազմավէպէն եւ զԱբիւդենայ. Sentence: 2   կամ զնոյն ինքն
Line: 8    զՆաւակառուցէն եւ զայլոց նահապետացն. Sentence: 3   ոչ միայն անուանց եւ
Line: 9    ժամանակաց, այլ եւ վասն ոչ սկիզբն զառ ի մէնջ հաւատարմացեալս
Line: 10    կարգելոյ ազգի մարդկան։

Line: 11    Sentence: 4   Քանզի ասէ վասն նորա Աբիւդենոս հանգոյն այլոցն այսպէս. Sentence: 5   "Եւ
Line: 12    զնա ամենախնամն Աստուած եցոյց հովիւ եւ առաջնորդ ժողովրդեանն"։

Line: 13    Sentence: 6   Յետ որոյ ասէ. Sentence: 7   "Թագաւորեաց Աղովրոս շարս տասն", որ լինին ամք
Line: 14    երեսուն եւ վեց հազար։ Sentence: 8   Նոյնպէս եւ յաղագս Նոյի այլով անուամբ վարին
Line: 15    եւ ժամանակօք անբաւիք. Sentence: 9   թէպէտ եւ վասն ջրոյն սաստկութեան եւ
Line: 16    վասն ապականութեան երկրի՝ զոյգ հոգեւորացն բարբառին բանից.

Line: 17    Sentence: 10   նոյնգունակ եւ զթիւ նահապետացն տասն՝ Քսիսութրեաւ հանդերձ թուեն։

Line: 18    Sentence: 11   Որ ոչ միայն ըստ բոլորման առ ի յարեգականէ չորեքժամանակեան
Line: 19    ըստ մեզ լինելոյ տարւոյն՝ հեռանայ յամաց մերայնոցն, - մանաւանդ
Line: 20    թէ եւ յաստուածայնոցն, - այլ եւ ոչ որպէս Եգիպտացիքն զլուսնականսն
Page: 14   Line: 1    հաշուեն ծագումս. Sentence: 12   նա եւ ոչ, զառ ի դիցն ոմանց ասացեալս թէ
Line: 2    տարիս ոք վարկցի՝ զուգեալ համեմատէ անհուն թուոց առարկութեանցս առ ի
Line: 3    հաւասարել ճշմարտութեանն, երբեմն նուազ եւ երբեմն սաստիկ
Line: 4    զհաւաքումն գումարելով։ Sentence: 13   Արդ օրէն էր մեզ աստանօր զկարծիս նոցա
Line: 5    յայտնել ըստ կարողութեան, թէ զինչ իւրաքանչիւր ոք ի նոցանէ խորհեցան
Line: 6    այսպէս զայսոսիկ գրել. Sentence: 14   այլ վասն երկարութեան առաջիկայ
Line: 7    գործոյս՝ այլում տեղւոյ եւ ժամանակի զայսոսիկ թողեալ, հատցուք
Line: 8    աստանօր զբանս, սկսանելով յաղագս այսորիկ՝ որպէս հաւատացեալ
Line: 9    եմք։

Line: 10    Sentence: 15   Ադամ նախաստեղծ. Sentence: 16   սա կեցեալ ամս երկերիւր եւ երեսուն՝ ծնանի
Line: 11    զՍէթ. Sentence: 17   Սէթ կացեալ ամս երկերիւր եւ հինգ՝ ծնանի զԵնովս։ Sentence: 18   Սորա երկուքն
Line: 12    յարձանագրութեանցն ընդդէմ երկուց հանդերձելոցն, որպէս ասէ
Line: 13    Յովսեպոս. Sentence: 19   թէպէտ եւ ուրն անյայտ է։ Sentence: 20   Ենովս, որ առաջին յուսացաւ
Line: 14    կոչել զԱստուած։

Line: 15    Sentence: 21   Եւ ընդէր արդեօք այս, եւ կամ վասն որոց պատճառանաց նախ
Line: 16    սա յուսացեալ կոչելոյն զԱստուած, եւ կամ որպէս կոչելն իմանի։ Sentence: 22   Քանզի
Line: 17    է Ադամ ճշմարտապէս աստուածաստեղծ. Sentence: 23   եւ սա ի բերանոյ Աստուծոյ
Line: 18    առեալ ասի պատուէր, այլ եւ յանցուցեալ եւ ի թագստեան եղեալ՝ զՈւր
Line: 19    ես-ն յԱստուծոյ եւ ոչ յայլմէ ումեքէ հարցանի. Sentence: 24   սապէս եւ զվճիռ վարկին
Line: 20    ի նորին բերանոյ լսէ։ Sentence: 25   Իսկ յետոյ եւ Աբէլ մերձաւոր եւ ծանօթ Աստուծոյ
Line: 21    լեալ՝ պատարագս մատուցանէ, եւ ընկալեալ լինի։ Sentence: 26   Արդ՝ սոցա այսպէս
Page: 15   Line: 1    յընդունելութիւն եւ ի ծանօթութիւն Աստուծոյ լեալ՝ ընդէր առաջի սա
Line: 2    ասի կոչել զԱստուած, եւ այս՝ յուսով։ Sentence: 27   Արդ՝ զայլսն վասն սորա ի տեսութեանց
Line: 3    ի հրաւիրեալն մեր յուղարկեսցուք տեղի. Sentence: 28   իսկ որ առ ձեռն
Line: 4    պատրաստն է՝ ասասցուք։

Line: 5    Sentence: 29   Քանզի ի պատուիրանազամցութեան գտեալ առաջինն ի մարդկանէ՝
Line: 6    ի դրախտէն եւ յԱստուծոյ, չարին աղագաւ, որպէս ասացեալ է,
Line: 7    գտանի արտասահմանեալ։ Sentence: 30   Զկնի եւ ընտանելագոյնն Աստուծոյ յորդւոցն
Line: 8    Ադամայ՝ ի հարազատէն իւրմէ սպանանի յեղբօրէ։ Sentence: 31   Յետ որոյ ոչ բանի
Line: 9    ինչ աստուածայնոյ եւ ոչ յայտնութեան ինչ իրիք եղելոյ, ի տարակուսանս
Line: 10    եւ յանյուսութիւն ազգ մարդկան հատեալ լինի, այլ եւ յինքնահաճոյ
Line: 11    արդարեւ գործս. Sentence: 32   որոց միջի սա քաջայոյս եղեալ ուղղութեամբ
Line: 12    հանդերձ կոչէ զԱստուած։ Sentence: 33   Իսկ կոչելդ կրկնակի իմանի. Sentence: 34   կամ անուանել
Line: 13    որպէս զմոռացեալ, կամ յօգնականութիւն կարդալ։ Sentence: 35   Արդ՝ անուանելն
Line: 14    որպէս զմոռացեալ՝ ոչ է ի դէպ. Sentence: 36   զի ոչ բազմութիւն ամաց ընդ մէջ
Line: 15    անցեալ, որ ի մոռացումն նոցա զԱստուածդ ածէր զանուն եւ կամ զնոյն
Line: 16    ինքն՝ որոյ անունն եւ ոչ դարձեալ մահու եւ թաղման դեռ եւս յԱստուծոյ
Line: 17    ստեղծեալն հասեալ էր։ Sentence: 37   Ապա ուրեմն յօգնականութիւն կոչէ սա
Line: 18    զԱստուած։

Line: 19    Sentence: 38   Սա կեցեալ ամս հարիւր եւ իննսուն՝ ծնանի զկայինան. Sentence: 39   Կայինան
Line: 20    կեցեալ ամս հարիւր եւ եօթանասուն՝ ծնանի զմաղաղայէլ.Մաղաղայէլ
Line: 21    կեցեալ ամս հարիւր վաթսուն եւ հինգ՝ ծնանի զՅարեդ. Sentence: 40   Յարեդ կեցեալ
Line: 22    ամս հարիւր վաթսուն եւ երկու՝ ծնանի զԵնովք. Sentence: 41   Ենովք եցեալ ամս
Page: 16   Line: 1    հարիւր վաթսուն եւ հինգ՝ ծնանի զՄաթուսաղայ։ Sentence: 42   Սա յետ ծնանելոյն
Line: 2    զՄաթուսաղայ՝ ամս երկերիւր արժանի եւ հաճոյ վարս ստացեալ որպէս
Line: 3    գիտէ որ հաճեցաւն, փոխեալ ասի ի միջոյ ամբարշտաց. Sentence: 43   զորոյ
Line: 4    զպատճառն յետոյ հատուսցուք։ Sentence: 44   Նաթուսաղայ կեցեալ ամս հարիւր
Line: 5    վաթսուն եւ հինգ՝ ծնանի զՂամեք. Sentence: 45   Ղամեք կեցեալ ամս հարիւր ութսուն
Line: 6    եւ ութ ծնանի որդի, եւ անուանէ զնա Նոյ։

Line: 7    Sentence: 46   ՅԱՂԱԳՍ ՆՈՅԻ
Line: 8    Եւ ընդէր արդեօք զսա միայն որդւոյ անուամբ յորջորջեաց, իսկ
Line: 9    վասն այլոցն ամենեցուն պարզաբար ասաց, թէ ծնան. Sentence: 47   զորմէ ընդդէմ
Line: 10    իմն մարգարէանայ հայրն. Sentence: 48   " Սա, ասէ, հանգուսցէ զմեզ ի գործոց եւ
Line: 11    ի տրտմութենէ ձեռաց եւ յերկրէ՝ զոր անէծ տէր Աստուած"։ Sentence: 49   Որ եղեւ
Line: 12    ոչ հանգիստ, այլ ջնջումն որ ինչ միանգամ ի վերայ երկրի։ Sentence: 50   Ինձ թուի՝
Line: 13    հանգուցանելն դադարեցուցանել է. Sentence: 51   իսկ դադարեցուցանելն՝ զամբարշտութիւն
Line: 14    եւ զչարիս, սատակմամբ մարդկան զազրագործաց դարուն
Line: 15    երկրորդի։ Sentence: 52   Քանզի գեղեցկաբար ասաց, թէ " ի գործոց մերոց" որ
Line: 16    է յանօրէնութեանց, "եւ ի տրտմութենէ ձեռաց", որովք կատարեմք
Line: 17    զպղծութիւնս։ Sentence: 53   Բայց եւ հանգչին արդարեւ պստ այսմ մարգարէութեան
Line: 18    ոչ ամենեքին, այլ կատարեալքն յառաքինութեան ոգիք, յորժամ չարիք
Line: 19    որպէս հեղեղաւ ջնջեալ մաքրին, իբր առ Նոյիւ մոլեալքն ի չարիս։

Line: 20    Sentence: 54   Իսկ որդւոյ անուամբ մեծարեաց զնա Գիր՝ իբրեւ զյայտնի եւ զնշանաւոր
Line: 21    եւ զարժանաւոր ժառանգ հայրենեացն առաքինութեանց։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.