TITUS
Timote Gabashvili, Moxilva
Part No. 4
Previous part

Chapter: 1 
Page of ed.: 13 
Line of ed.: 1  მიმოსუ̂ლა თფილისით ათონისა მთადმდე.


Line of ed.: 2       მარადის სასურვოდ და საწადად დავიდევ თუ̂ალთა გო\ნებისა
Line of ed.: 3    ჩემისათა, უღირსად ცხოვრებულისა ამის თავისა
Line of ed.: 4    ჩემისათჳს ლტოლუ̂ა ვინაჲმე. კუ̂ალად ტჳრთ მძიმეო\ბა
Line of ed.: 5    ბრალეულობათა ჩემთა სამარად-ხსენებად, რათა მო\მივიდოდეს
Line of ed.: 6    ამისთუ̂ს მწირობად და უცხოებადმი წარსუ̂ლის
Line of ed.: 7    ხელ-ყოფად ვისწრაფდი და აღსუ̂ლად წმინდად ქალაქად
Line of ed.: 8    იერუსალიმად თაყუ̂ანის-ცემად ცხოველს-მყოფელისა სა\ფლავსა
Line of ed.: 9    უფლისასა, და მთად წმინდად და მთად სინად,
Line of ed.: 10    მოხილუ̂ად საცხოვრებელთა მათ და სენაკებთა წმინდათა
Line of ed.: 11    მამათა ჩუ̂ჱნთა და ალაგებსა მას წმინდასა, პირ-მიწა და\დებად
Line of ed.: 12    კვარცხლბეკსა მას ღუ̂თისა განგებათასა და მათ
Line of ed.: 13    შინა ცხოვრებულთა მამათა შევრდომად ადგილის-მცუ̂ჱლ\თა
Line of ed.: 14    წმინდათა მამათა ჩუ̂ჱნთასა. რათა განცდითა და კურ\თხევითა
Line of ed.: 15    მათითა რუდუნებული და უდები ცხოვრება ჩემი
Line of ed.: 16    მირულებული ცოდჳთა განვაღჳძო და მით საარებული
Line of ed.: 17    თავი ჩემი ნუგეშეულ ვჰყო და ვირჩიო მე მივრდომა
Line of ed.: 18    სახლსა ღუ̂თისა ჩემისასა, არამედ სასურჳ საწადისა ამის
Line of ed.: 19    ჩემისათჳს, ჯერეთ მოცალება და ჟამნი არა მომეგნეს.

Line of ed.: 20       ხოლო წელთა 1755, ოდეს განაგებდა საქართუ̂ჱლო\სა
Line of ed.: 21    ცხებული ქრისტეს-მოყუ̂არე მეფე თეიმურაზ და პირ\მშო
Line of ed.: 22    სახელოვანი ძე მათი ღუ̂თის-მჰსახური მეფე საქარ\თუ̂ჱლოსა
Line of ed.: 23    უფალი ირაკლი, მომხსენებელ ვიქმენ მეფობი\სა
Line of ed.: 24    მათისა და ვიჯმენ მუნით და მათ მიერითა საბოძუ̂რი\თა
Line of ed.: 25    და ქარტითა განმტკიცებისათჳს უცხოებად შორს
Line of ed.: 26    მგზავრობისა ჩემისა კმა-საყოფელი აღვიღეთ და მოვი\წიენით
Line of ed.: 27    სამცხეს, ქალაქსა ახალციხესა, სახლსა ფაშა ათა\ბაგისასა,
Page of ed.: 14  Line of ed.: 1    და ჰსცნეს რა მისუ̂ლა ჩვენი, კაცნი მო\გუ̂აგებნეს
Line of ed.: 2    და განგჳმზადნეს სავანენი და საზრდონი
Line of ed.: 3    ჯე/რისაებრნი.

Line of ed.: 4       ამისა შემდგომად მოგჳწოდა ფაშამა სადგურად და
Line of ed.: 5    სრად თჳსსა და გჳთავაზა წესისაებრ მათისა თჳთო ფე\რითა
Line of ed.: 6    ნუგეშითა, და კუ̂ალად სხუ̂ასა ჟამსა მივედით და
Line of ed.: 7    ვზრახვიდით გზისა სუ̂ლისათჳს უმჯობესსა და იგი ზღჳთ
Line of ed.: 8    დაამტკიცებდა მგზავრობასა ჩუ̂ჱნსა, და აღგჳწერნა თურქ\თა
Line of ed.: 9    ენათა ზედა ეპისტოლენი კოსტანტინეპოლედ, ერთი
Line of ed.: 10    ხელმწიფესა სულთანთან, და ერთი ვეზირთან და
Line of ed.: 11    კარის კაცთა თანა სხუ̂ა შეწყნარებისათჳს ჩუ̂ჱნისა და
Line of ed.: 12    პატივისა და წარმოგუ̂ატანა ბეგი ერთი თათარი და წიგ\ნები
Line of ed.: 13    კმა-საყოფელი და წარმოვედით ახალციხით და მო\ვიწიენით
Line of ed.: 14    მონასტერ-ყოფილსა ზარზმას და გარე\მო
Line of ed.: 15    სოფლებსა მისსა; დღე-სასწაულსა ამაღლებისასა მუნ
Page of ed.: 15  Line of ed.: 1    განვისუ̂ჱნეთ და გარდავვლეთ მთა აჭარა და ვვლეთ ოთხ
Line of ed.: 2    დღე და მოვიწიენით მდინარედ ჭოროხად. და მიერიდგან
Line of ed.: 3    ზღჳსა ნაპირსა ყასაბასა ბათომს და დაგჳყოვნდა მუნ
Line of ed.: 4    დღენი ათორმეტნი ძიებასა ნავისასა და მოწყალებამან
Line of ed.: 5    ღუ̂თისამან ინება ჰავა ბორიასა კეთილი და გუ̂ჱპოვა ნავიცა
Line of ed.: 6    მარჯუ̂ჱ, შთავსხედით მმადლობელნი მწირთა ხელის-ამ\პყრობელისა
Line of ed.: 7    ღუ̂თისანი, დღესა მეერგასესა მოსუ̂ლასა
Line of ed.: 8    სულისა წმინდისასა და დავაგდენით საზღუ̂არნი საქარ\თუ̂ჱლოსანი,
Line of ed.: 9    და ზღუ̂ათა შინა და წყალთა მრავალთა;
Line of ed.: 10    შევვედრენით სულნი ჩუ̂ჱნნი უფალსა, და ვვლეთ ას
Line of ed.: 11    ორმოცდა ათი მილიონი დღე და ღამე, და გამოვლეთ
Line of ed.: 12    ირიზა, ძუ̂ჱლადგან თქმული საქართუ̂ჱლოსა სამზღუ̂რად,
Line of ed.: 13    და მოვიწიენით ყოვლად-ქებულსა ტრაპეზუნტას, ტახტსა
Line of ed.: 14    და სამყოფსა ბერძენთა მეფეთასა, ადგილსა შემკობილ\სა
Line of ed.: 15    თჳთო-სახითა სიკეთითა, ზღჳთა და მთითა და გარდა\ვხედით
Line of ed.: 16    რა ზღჳთ, წარვავლინეთ არქიდიაკონი ჩუ̂ჱნი წი\ნაშე
Line of ed.: 17    მიტროპოლიტისა მოკითხუ̂ად. და მასცა ებოძნეს
Line of ed.: 18    მღუ̂დელი მომკითხავი ჩუ̂ჱნი, და მიგჳძღუ̂ა ზღჳსაგან
Line of ed.: 19    დამაშუ̂რალთა სრასა რასმე ტურფად ნაგებსა და ბაღთა
Line of ed.: 20    და ზღჳსა ჭენებისა ღადოთასა ამოდ შესაქცევსა; გან\ვისუ̂ჱნეთ
Line of ed.: 21    მუნ რა მცირესა ჟამსა, აღვედით ხილუ̂ად ყო\ვლად-სამღუ̂დელოჲსა
Line of ed.: 22    ანანია ტრაპიზონელისა, ვინა წინა
Page of ed.: 16  Line of ed.: 1    მოგუ̂ჱგება კაცი ყოვლითა უკუ̂ჱ ქცევითა პატიოსანი და
Line of ed.: 2    შემკობილი უცხოთ-მოყუ̂არებისა მადლითა მდიდრად აღუ̂\სილი,
Line of ed.: 3    და ფრიად კეთილად შეგჳტკბო და ზედას ზედა
Line of ed.: 4    გჳწყუ̂ჱვდა ტრაპეზად, და ინება ჩუ̂ჱნ მიერ მსხუ̂ჱრპლისა
Line of ed.: 5    შეწირუ̂ა ხარისხისა თჳსსა საყდარსა წმინდისა გრიგოლი
Line of ed.: 6    ნოსელისასა, რამეთუ აჲა სოფია ტრაპეზუნტისა და
Line of ed.: 7    სხუ̂ანი მრავალნი ეკკლესიანი თურქთა დაუპყრიეს, და
Line of ed.: 8    ვიყუ̂ჱნით მუნ მღვდელთ-მთავრისა მიერ და ერთა ქა\ლაქისაგანთა
Line of ed.: 9    ფრიადსა პატივსა და ნუგეშისა-ცემასა ში\ნა,
Line of ed.: 10    ჩვენსა მთხოველნი, ჩუ̂ჱნ უღირსთაგან მსხუ̂ჱრპლისა შეწირ\ვისა
Line of ed.: 11    და აიაზმასანი და უცხოებასა ჩუ̂ჱნსა ჯეროვნად
Line of ed.: 12    შეიწყნარებდეს და აღვედით დედად მონასტრად და მო\გუ̂ჱგებნენ
Line of ed.: 13    სულიერი დედა წინამძღუ̂არი, და სხვანი დანი
Line of ed.: 14    და დედანი, ჯუ̂არ შემოსილნი კრებული გალობითა და
Line of ed.: 15    კეროვანებითა შეგჳძღვნენ და თაყუ̂ანის-ვეცით ტრაპეზთა
Line of ed.: 16    და ადგილთა მათ წმინდათა, რამეთუ იყუ̂ნეს გამოკაფულ
Line of ed.: 17    კლდისაგან ეკკლესია და ხელოვნად შემკობილ სადგურ\ნი
Line of ed.: 18    და სენაკნი მონასტრისა მის, მეფისა ალექსის კომნი\ნოსისაგან,
Line of ed.: 19    რამეთუ თჳთცა მუნვე ესახა დედით და
Line of ed.: 20    მეუღლით და შეგჳძღვნენ საეროდ ტრაპეზად და დაგჳგეს
Line of ed.: 21    სანოვაგენი და გჳმასპინძლებდენ ამოდ და ფრიად ვი\დრემე
Line of ed.: 22    სარგებელ გუ̂ჱქმნა ხილუ̂ა მათი და მიერითგან
Line of ed.: 23    წარმოვედით დაუყოვნებელად სადგურადვე ჩვენდა

Page of ed.: 17 
Line of ed.: 1       ამად ჟამად დაგჳყოვნდეს მუნ ჟამნი ერთისა თთჳსა\ნი
Line of ed.: 2    და გუ̂ჱშოვა ნავი მარჯუ̂ჱ და აღვედით შენდობისა
Line of ed.: 3    აღებად მიტროპოლიტისა, რამეთუ ფრიადცა გჳძნდა
Line of ed.: 4    განშორებაჲ მისი და აღმღებელთა ლოცუ̂ათა მათთასა,
Line of ed.: 5    გუ̂ჱბოძა საგზალნი გზისათჳს და შთამოვედით ნავად
Line of ed.: 6    და ვვლეთ ზღჳთ და განვვლეთ ქალაქი ტრიპოლი და მი\ერ
Line of ed.: 7    მივიწიენით ქალაქად უნიჯად, შუ̂ჱნიერსა მას ადგილ\სა
Line of ed.: 8    და ქრისტიანეთა მოგჳყუ̂ანეს და დაგუ̂ასადგურეს სა\სახლესა
Line of ed.: 9    და ტაძარსა წმინდისა ნიკოლოოზისასა და შე\მოკრბეს
Line of ed.: 10    ერნი და გვიმასპინძლეს და შეგჳწყნარეს კეთი\ლად
Line of ed.: 11    და ხმელით გზაჲ აღვირჩიეთ და გჳბოძეს საგზალ\ნი
Line of ed.: 12    და ცხენნი გზისათჳს; და წარმოვედით მიერიდგან
Line of ed.: 13    მავალნი ორ დღე და მოვიწიენით ნეოკესარიად ქალაქსა
Line of ed.: 14    და ეკკლესიასა გრიგორი საკჳრველ-მოქმედისასა და თჳთ
Line of ed.: 15    თუ̂ალითა ჩუ̂ჱნითა ვიხილეთ საკჳრველება ქმნილი მის
Line of ed.: 16    მიერ; რამეთუ ქალაქსა მას მოსდის მდინარე დიდი, რო\მელსა
Line of ed.: 17    უწოდენ მგელსა და განრყუ̂ნიდა ნაშრომთა მათ\თა;
Line of ed.: 18    ხოლო ერნი ევედრნეს წმინდასა გრიგორის
Line of ed.: 19    მისთჳს; თჳთ წარვიდა რა ხილვად მისა მდინარე შორს
Line of ed.: 20    განაყენა და კუ̂ჱრთხი შთაუსუ̂ა, რათა იმიერ არღარა წარ\მოვლოს
Line of ed.: 21    მდინარემან და ეტყოდა სახელითა უფლისა
Line of ed.: 22    იესოს ქრისტესითა; ნურღარა გარდახდები ამიერ სა\ზღუ̂რით,
Line of ed.: 23    და არს კუ̂ჱრთხი იგი ხე დიდ ვიდრე დღეინ\დელად
Line of ed.: 24    დღედმდე, და ვითარცა შეშინებული, ეგრეთ გან\დრეკითა
Line of ed.: 25    წარვლის მუნიდგან მდინარე იგი და ხიდი, რო\მელიცა
Line of ed.: 26    აღუგიათ მას ზედა. წყალი, ვინათგან წარივლტის
Line of ed.: 27    უქმად, მდგომარედ იხილუ̂ჱბის და ღამესა ერთსა ძუ̂ჱლსა
Line of ed.: 28    მას ხიდსა თანა განვათიეთ და თჳთ ხარისხი ეკკლესია
Line of ed.: 29    კუ̂ალად ქრისტიანეთავე უპყრიესთ და წარმოვედით მიე\რით
Page of ed.: 18  Line of ed.: 1    და მოვიწიენით კომანად, კუკუსოდ სომხითისა, და
Line of ed.: 2    ვიხილეთ საფლავი წმინდისა მამისა ჩუ̂ჱნი იოანე
Line of ed.: 3    ოქროპირისა, რაჟამს მუნ ექსორია ჰყუ̂ჱს და მუნვე აღე\სრულა
Line of ed.: 4    და არს იქიდგან მცირედ განშორებულად ქალაქი
Line of ed.: 5    დიდი კუკუსო სომხითისა, რომელსა აწ თურქნი თოხა\თად
Line of ed.: 6    უწოდებენ, დამუნ მჯდომარებს ყოვლად-სამ\ღუ̂დელო
Line of ed.: 7    ნეოკესარიისა და ფაბლაღონიისა; მივიწიენით
Line of ed.: 8    რა, ვაცნობეთ მისუ̂ლა ჩუ̂ჱნი მიტროპოლიტსა მათსა და
Line of ed.: 9    მიგჳძღუ̂ნენ და დაგუ̂ასადგურეს სრასა ეკკლესიისასა, და
Line of ed.: 10    ვიხილეთ ყოვლად სამღუ̂დელო ნეოკესარიელი უფალი
Line of ed.: 11    გერასიმე და ფრიად ვიდრემე კეთილად განგჳსუ̂ენა და
Line of ed.: 12    ძმებრივად შეგჳტკბო და დავყავით მუნ დღენი რაოდენ\ნიმე
Line of ed.: 13    და გარე ქალაქისა აღვედით და ვიხილეთ მონასტე\რი
Line of ed.: 14    აღშენებული თეოდორა დედოფლისა მიერ ფრიად
Line of ed.: 15    პატიოსანი. ჟამი იყო აგჳსტო ათხუთმეტი; ერნი შე\მოკრბენ
Line of ed.: 16    და დაგუ̂აწჳეს მსხუ̂ჱრპლი საიდუმლოჲსა და
Line of ed.: 17    ფრიად შეუწყნარებდეს უცხოებასა ჩუ̂ჱნსა.

Line of ed.: 18       აქა ვეძიებდით გზასა იერუსალიმად აღმყუ̂ანებელსა
Line of ed.: 19    და იყო მუნ ქარავანი დიდ-ძალი, წარმსუ̂ლელი ზმირი\ნად
Line of ed.: 20    და აღვემზადენით წარსუ̂ლად და აღვიდეთ ლო\ცუ̂ა
Line of ed.: 21    მღვდელთ-მთავრისა და წარვემართენით, რამეთუ იყო
Line of ed.: 22    სამეოცისა დღისა სავალი გზა და ვვლენით რა დღენი გა\მოვვლეთ
Line of ed.: 23    ქალაქი ამასია, ხარისხი წმინდისა ვასილი ამა\სიელისა,
Line of ed.: 24    რომლისა ხსენებასა ვჰყოფთ აპრილს ოც და
Line of ed.: 25    ექუ̂სსა და გამოვვლეთ ქალაქი ზილოა და სამწყსო კესარია
Page of ed.: 19  Line of ed.: 1    კაბბადუკიისა, და ოცდა ხუთი დღენი უშენნი თურქმანნი
Line of ed.: 2    ვვლენით და მოვიწიენით ქალაქსა ლუკაონსა, სადა ეწამა
Line of ed.: 3    წმინდა ფილიმონ, რომლისა ხსენებასა ვჰყოფთ ნოემ\ბრისა
Line of ed.: 4    ოცდა ცხრასა, და ქალაქსა მას ახლოდ ახლავს
Line of ed.: 5    მონასტერი წმინდისა ელენესი, რამეთუ ამა მონასტერ\სა
Line of ed.: 6    შინა, აღზრდილ-არს ამფილოკე იკონიელი. და ამას
Line of ed.: 7    მონასტერსა შინა იყო აბანო ბუნებით ცხელთა წყალთა
Line of ed.: 8    ვრცელად მომდინარე, ვითარ წისქჳლსა კმა-ეყოფოდა სა\ბრუნავად
Line of ed.: 9    და მუნით ვვლეთ და მოვიწიენით სამწყსოსა
Line of ed.: 10    იკონიელ-ეპისკოპოზისასა, სადა წმინდანი მოწამენი კვი\რიკე
Line of ed.: 11    და ივლიტა ეწამნეს. და იყო მუნ მღუ̂დელთ-მთა\ვარი
Line of ed.: 12    იკონიისა დიონისიოს და ქრისტიანეთა დიდად შე\გჳტკბეს
Line of ed.: 13    და საგზალითა და საბოძუ̂რითა აღგუ̂ავსეს და
Line of ed.: 14    მიერიდგან წარმოვლეთ; გზასა ზედა ვიხილეთ კამარანი
Line of ed.: 15    რაჲმე და მუნ ისხდენ მოლანი თურქთანი და იკითხჳდენ
Line of ed.: 16    წიგნსა, და ვჰკითხე რა მათთჳს, მეტყოდნენ ვითარმედ
Line of ed.: 17    ასრადინ მოლის საფლავი არისო მუნ და მას წმინდად
Line of ed.: 18    ეხუ̂ჱნო და განვკჳრდი ცრუჲსა მის და მასხარისა მოსაო\ბასა
Line of ed.: 19    და მიერით ვვლეთ და მივიწიენით მახლობელ, სა\და
Line of ed.: 20    წმინდამან მამამან ხარიტონ მონასტერი აღაშენა,
Line of ed.: 21    რამეთუ ქართუ̂ჱლნიცა მრავალნი ცხოვრებულან მუნ, და
Line of ed.: 22    მივიწიეთ უშად და მიერ გულა-ყასაბად, სადა იყო მო\ნასტერი
Line of ed.: 23    მთავარ-ანგელოზთა, და მუნ განვეყარენით ქა\რავანსა
Line of ed.: 24    და განჳსუ̂ჱნეთ ქრისტიანეთა-თანა. და მიერ
Line of ed.: 25    წარვედით ქალაქად ფილადელფიად, მუნ, სადა ღუ̂თის\მეტყუ̂ლი
Line of ed.: 26    იოანე მიუწერს შჳდთა ეკკლესიათა ასიისათა:
Line of ed.: 27    ეფესოს, ზმირინს, ანუ არტირას, სარდეს, ფილადელ\ფის,
Line of ed.: 28    ლაოდიკიას. ამა ფილადელფიას მივედით და მო
Line of ed.: 29    გუ̂ჱგებნენ ქრისტიანენი და დაგუ̂ასადგურეს სრასა ეკკლე\სიისასა
Page of ed.: 20  Line of ed.: 1    და კეთილად შეგჳტკბეს და ვიხილეთ ძუ̂ჱლი
Line of ed.: 2    ეკკლესია ღუ̂თის-მეტყუ̂ჱლისა იოანესი. ესრეთ მცორედნი
Line of ed.: 3    სუ̂ეტნი დია დაშთომილ იყუ̂ნეს და ახლოსღა მუნ კო\ლასეს
Line of ed.: 4    შინა არს ეკკლესია მთავარ-ანგელოზისა.

Line of ed.: 5       ესე არს ხონას, რომლისა სახსენებელსა ვდღესასწა\ულობთ
Line of ed.: 6    სეკდემბროსა ექუ̂სსა. რამეთუ სასწაული ესე არს:
Line of ed.: 7    წარმართთა მდინარე დიდი გამოჰსთხარეს და მიუგდეს
Line of ed.: 8    მონასტერსა მთავარ-ანგელოზისასა, რათამცა წარეღუ̂ნა;
Line of ed.: 9    ხოლო ქრისტიანენი შეკრბენ ვედრებად მთავარ-ანგელო\ზისა
Line of ed.: 10    და მოიწია რა მდინარე ახლოს, მონასტერსა არ\ღარა
Line of ed.: 11    მომართა, არამედ განხუ̂რელა ქუ̂ჱშე ქუ̂ჱყანა და
Line of ed.: 12    მას შინა განვლო წყალმან მან. ვიდრე დღეს აქამომდე
Line of ed.: 13    ესრეთ მოსდის წყალი იგი, და მუნ ახლოს არს ქალაქი
Line of ed.: 14    იგი, რომლისა შინა ეწამა წმინდა მარინა და წარმოვე\დით
Line of ed.: 15    მიერ, და მოვედით შჳდთა მათ ეკკლესიათაგანსა
Line of ed.: 16    ღუ̂თისმეტყუ̂ჱლისა სარდეოს, სადა იჯდა წმინდა მა\მა
Line of ed.: 17    ევთიმი სარდიისა ეპისკოპოზი, და იყო სრულიად
Line of ed.: 18    აღოხრებული, ვიდრე მცირედნიღა ნაქცევნი თუღა დარ\ჩომილ-იყუ̂ნეს
Line of ed.: 19    და კაცნი სრულიად არღარა იპოებოდეს
Line of ed.: 20    და განვათიეთ ღამე ერთი მუნ და ხუ̂ალისა ვვლეთ და
Line of ed.: 21    მოვიწიენით ქალაქად ყასაბადმ ქრისტიანეთა თანა განჳ\სუ̂ჱნეთ
Line of ed.: 22    და მუნით წარვედით ქალაქად მაღნისიად, ძუ̂ჱლ\თა
Line of ed.: 23    მეფეთა სამყოფსა და შემკულსა მთითა და ბარითა,
Line of ed.: 24    და ეფესოსა ეპისკოპოზი ნათანაილ მუნ მჯდომარე იყო
Line of ed.: 25    და ძუ̂ჱლი საეპისკოპოზო კოდრატე მოციქულისა და
Line of ed.: 26    მღუ̂დელ-მოწამისა მაღნისიისა, რომლისა ხსენებასა
Line of ed.: 27    ვჰყოფთ სეკდემბრის 27, და მუნ ეწამა წმინდა მოწამე
Page of ed.: 21  Line of ed.: 1    ხარალამპი, რამეთუ მღუ̂დელი იყო მუნებური, რომლისა
Line of ed.: 2    ხსენებასა ვჰყოფთ ფებერუ̂ალის 10 და მუნ განუ̂ათიეთ
Line of ed.: 3    ქრისტიანეთა-თანა ჟამნი რაოდენიმე და მიერ წარვიგზავ\ნენით
Line of ed.: 4    ზმირინად, შჳდთა მათ ეკლესიათაგანსა, სადა
Line of ed.: 5    მჯდომარე იყო წმინდა პოლიკარპე ზმირინისა ეპისკო\პოზი
Line of ed.: 6    და ვუკოლე. ესე პოლიკარპე დაიწუ̂ა ცეცხლისა
Line of ed.: 7    მსახურთაგან დასაბამითგან ხუთი ათას ექუ̂სას ორმოც\და
Line of ed.: 8    სამსა და ხსენებასა მისსა ვჰყოფთ ფებერუ̂ლის 23.

Line of ed.: 9       და ვიხილეთ ქალაქი ესე მჯობი ყოველთა ქალაქთა,
Line of ed.: 10    ესრეთ, ვითარცა ედემსა შინა სამოთხე; პირად-პირადობა
Line of ed.: 11    შენებულობათა და საწუთოთა ედემებრიობთა გარდაემატა;
Line of ed.: 12    ერთ კერძო-თეთრი ზღუ̂ა აღუ̂სილი მრავლითა ხომალ\დითა
Line of ed.: 13    და ნავითა, და ანგანი აღმართებელ იყუ̂ნეს ვითა
Line of ed.: 14    ხე მაღნარისანი და ერთ-კერძო მთანი, და ძირსა ველ\ნი
Line of ed.: 15    და ჭალანი, ბაღჩა-ბაღითა და წალკოტითა აღუ̂სილ,
Line of ed.: 16    და ზეთის-ხილთა ტევანრიანობა დახშირებულ და ნა\რინჯ-თურინჯითა
Line of ed.: 17    კჳპაროზთა და ალვისა-ხისა მაღნარნი.
Line of ed.: 18    ნიავწუ̂ლილ სულთა ბერუ̂ასა საყნოსელნი გაელაღნეს.
Line of ed.: 19    შევედით შინაგან ქალაქსა, ვიხილეთ სრანი და პალატნი
Line of ed.: 20    უცხოდ ჩინელთაებრ სეროებულნი, ესრეთ ვითა მაისისა
Line of ed.: 21    ველთა ასფო-დელოებნი; და მოგჳძღუ̂ნენ სასახლესა იერუ\სალიმის
Line of ed.: 22    მეტოქისასა და არქიდიაკონი ჩუ̂ჱნი ვაახელით
Line of ed.: 23    მიტროპოლიტსა ზმირინისასა უფალსა ნეოფიტეს, და
Line of ed.: 24    მასცა დიაკონი თჳსი ებოძა და მიგჳძღუ̂ნენ სრასა მთა\წმინდელთა
Line of ed.: 25    ქართუ̂ჱლთა მონასტრისასა და მუნ დაგუ̂ა\სადგურეს;
Page of ed.: 22  Line of ed.: 1    ამისა შემდგომად წარვედით და ვიხილეთ
Line of ed.: 2    ყოვლად-სამღუ̂დელო კაცი დიდად პატიოსანი, რითა და
Line of ed.: 3    პალატითა მდიდარი და ვიამბორეთ და მოგჳკითხნეს და
Line of ed.: 4    იყუ̂ნენ მუნ სხუ̂ანი ორნი ეპისკოპოზნი ჯმნილნი სამ\წყსოსაგან,
Line of ed.: 5    და შევედით ეკლესიად კათოლიკედ წმინდისა
Line of ed.: 6    ფოტინე სამარიტელისასა და განვიცდიდით თჳთო სა\ხეობასა
Line of ed.: 7    სამკაულსა უცხოთა ეკკლესიისათა, და გჳაწჳა პა\ლატად
Line of ed.: 8    მღუ̂დელ-მთავარმან მან და განგჳმზადა სერი
Line of ed.: 9    ბრწყინვალე და პატივს-გუ̂ცა ჯეროვნად და დავადგერით
Page of ed.: 23  Line of ed.: 1    იზმირს ჟამ რაოდენმე და იყო მიმდემი განკრძალჳთ
Line of ed.: 2    ქრისტიანეთაგან ეკკლესიათა შინა სუ̂ლაჲ და მხურუ̂ა\ლედ
Line of ed.: 3    ვედრებაჲ; ხოლო მე ზიართა მათ სამღუ̂დელოთა და
Line of ed.: 4    საეროთა სამარადისოდ ლოცუ̂ასა განვეკჳრუ̂ჱ და ვიხილე
Line of ed.: 5    მუნ აკადემია საფილოსოფოსო, და იეროთეოს ფილოსო\ფოსი
Line of ed.: 6    მონაზონი ვინმე ასწავებდა მრავალთა მუნ შჳლი\საგანთა;
Line of ed.: 7    რამეთუ იყუ̂ნეს იზმირს ბალიოზნი საფრანგე\თისანი,
Line of ed.: 8    და იყო ქალაქი სავანედ მრავალთა დიდ-ვაჭარ\თა
Line of ed.: 9    უცხოთა, რამეთუ ნავნი იერუსალიმად წარსრულ
Line of ed.: 10    იყუ̂ნეს ჟამნი იყუ̂ნეს ნოემბრისანი და გუ̂ასწავეს ვი\თარმედ,
Line of ed.: 11    ქიონად გეშოვოსთ ნავი წარმსლველნი იერუ\სალიმად,
Line of ed.: 12    და აღვიდეთ ლოცუ̂აჲ მღვდელთ-მთავრისაგან
Line of ed.: 13    და ჰშთავსხედით ნავსა წარსუ̂ლად ქიონად, რამეთუ შო\რევდა
Line of ed.: 14    ასი ოდენ მილიონი.

Line of ed.: 15       მივიწიენით ჰავითა კეთილად ქიონად, ქალაქსა ისი\დორე
Line of ed.: 16    ქიონელისასა, რამეთუ დეოკლიტიანემ აწამა ისი\დორე
Line of ed.: 17    მუნ, რომლისა ხსენებასა ვჰყოფთ მაისის ათო\თხმეტსა.
Line of ed.: 18    ამა ქალაქსა თურქნი საყისად უწოდებენ,
Line of ed.: 19    რომელ-არს დანამასტაკი, რამეთუ სხუ̂აგან არა იშოვე\ბის
Line of ed.: 20    თუ არა მუნ; რამეთუ არს ესე ჭალაკი ზღუ̂ასა შინა
Line of ed.: 21    და ვიხილეთ ქალაქი ფრიად პატიოსანი, სახლნი ქჳთა
Line of ed.: 22    თლილითა შენებულნი და მტკიცედ მოზღუდჳლნი, რა\მეთუ
Line of ed.: 23    არა რა შიში იყო დაწჳთა ცეცხლისათა და დაგუ̂ა\სადგურეს
Line of ed.: 24    ქართუ̂ჱლთა მონასტრისა მეტოქესა სახლსა
Line of ed.: 25    და მივედით და ვიხილეთ დიონოსიოს ყოვლად-სამღუ̂დე\ლო
Line of ed.: 26    ქიონელი და პატივის-ცემით შეგჳწყნარნა, რამეთუ
Line of ed.: 27    ნავნი წარსრულ იყუ̂ნეს მუნ. და დავჰშთით ქალაქსა შინა
Page of ed.: 24  Line of ed.: 1    და განვიცდიდით პირადობასა ქალაქისასა. გუ̂ჱტყოდენ
Line of ed.: 2    ქრისტიანენი, ვითარმედ ექუ̂ს-ასი არს ეკლესია დღეს
Line of ed.: 3    ქალაქსა ამასო და ბაღითა და ხეხილითა აღუ̂სილი იყო
Line of ed.: 4    ჭალაკი იგი და ვიხილეთ მუნ ექსორია ქმნილი ვლახთ
Line of ed.: 5    მეფე კოსტანტინე. რამეთუ გუ̂ჱუცხოვა ქცევა და სა\მეფონი
Line of ed.: 6    ზრდილობანი მისნი და გუ̂კითხჳდა საქართუ̂ჱ\ლოთათჳს,და
Line of ed.: 7    სხუ̂ათა მრავალთა საუბართა შევექცეოდით.

Line of ed.: 8       ამისა შემდგომად იწჳეს კუ̂ალად სტამბოლად და წარ\გზავნეს
Line of ed.: 9    სამეფოდ თჳსად. ამად ჟამად მოიწია დღესა\სწაული
Line of ed.: 10    ტაძრად მიყუ̂ანებისა და მოამზადეს ეკკლესია
Line of ed.: 11    წმინდისა ბიკტორისა, და მოაკრნეს ხალასად ნაკერნი
Line of ed.: 12    ფარდანი კედელ-ყურეთა, და სხუ̂ად მრავლად შეამკუ̂ჱს.
Line of ed.: 13    და ალმებთა ხალასობა და შეფერება საყდრისა ვითარ
Line of ed.: 14    აღვჰსწერო. არა თუ იგი საყდარი, არამედ მრავალნი ერ\თი
Line of ed.: 15    მეორისა უსაკჳრუ̂ჱლესად იყუ̂ნეს შემკობილ. ვარ
Line of ed.: 16    მხილუ̂ჱლი მოსკოვისა და პეტერბურღისა, რომელთა შო\რის
Line of ed.: 17    თავ-წარსხმულად ჰყუ̂ავის ქრისტიანობა დღეს, და მუნ
Line of ed.: 18    არა მიხილავს ესრეთ შემკულნი ეკკლესიანი. რა
Line of ed.: 19    საკჳრუ̂ჱლად თუ̂ალითა მარმარითა აღმართებულ იყუ̂ნეს
Line of ed.: 20    სუ̂ეტნი და ზედ კამარანი მოჭრილნი ყუ̂ავილებად და
Line of ed.: 21    ნახჩებად კედელთა ზედა მდგომარე იყუ̂ნეს სერაფიმნი
Line of ed.: 22    და ხერუვიმნი მარმარისანი, და კამარეთა ზედა ფრთე
Line of ed.: 23    აღპყრობილნი ანგელოზნი, მტჳრთუ̂ჱლნი სანთლისა
Line of ed.: 24    ოქროცუ̂ჱბულისანი; კედელთა ზედა ნახუნი მომაღლოდ
Line of ed.: 25    აღმოყუ̂ანილნი და შიგ ხატი და წინ ხომლის რტოული
Line of ed.: 26    სასანთლე და ქუ̂ჱშედ მძიმედ ნაკერნი ფარდანი ოქრო
Line of ed.: 27    ნაშუ̂ნი. სხუ̂ანი სასანთლენი ოქრო-ცურუ̂ჱბულნი შუბივით
Line of ed.: 28    საჭერნი ხელთა, და სხუ̂ანი შუბის თავთა ფარნები ჭი\ქისანი
Line of ed.: 29    ფერად-ფერადნი და სხუ̂ანი სალამანდროსნი,
Page of ed.: 25  Line of ed.: 1    წინ-საძღოლნი ქორ-კანდელნი და ხომლნი ჭიქისანი.
Line of ed.: 2    უცხოები, სირაქლემისა კუ̂ჱრცხნი ფერადისა ჭიქისა და
Line of ed.: 3    ქაშანურისანი იყუ̂ნეს, და კამარებად ჩამოკიდებულნი
Line of ed.: 4    ეკკლესიისა კამარათა შინა და აღანთებდნენ რა, მგზავსი
Line of ed.: 5    იყო ნამდჳლ ირისესა; იატაკნი ეკკლესიისანი ფერადი\სა
Line of ed.: 6    მარმარისანი ჩაწყობით მიჭადრაკულნი; და საკურთხე\ველისა
Line of ed.: 7    იატაკნი და ტრაპეზისა და კედელნი ფერადი\სა
Line of ed.: 8    ქაშანურისანი და ხარისხი მაღალი საჯდომელი ეპის\კოპოზისა.
Line of ed.: 9    და სალხინებელი ტრაპეზისა, ესოდენ მეუც\ხოვა,
Line of ed.: 10    რომელ ვერ შეუძლე აღწერად; თუ უცხო რამე ხრა\ხნილები
Line of ed.: 11    და ზედა გჳრგჳნნი ოქრო-ცურუ̂ჱბულნი და ზედ
Line of ed.: 12    ჯიღითა და თომარითა რაჲთმე მგზავსითა განდგმულ და
Line of ed.: 13    მორთულ. სრულიად მათნი ეკკლესიანი ესრეთ იყუ̂ნეს.
Line of ed.: 14    კანკლისა სიუცხოვე ვითარღა აღვჰსწერო; კარის ბჭენი
Line of ed.: 15    და გარეთ ეზონი ფერადითა ქჳთა ჩაწყობილნი; ხოლო
Line of ed.: 16    მგალობელნი მათნი არა გალობდნენ ბერძულად, არამედ
Line of ed.: 17    ნოტითა იტყოდიან. ამა საყიზის შუა კუნძულსა შინა არს
Line of ed.: 18    მთა მაღალი და მას შინა მონასტერი დიდებული, რო\მელსა
Line of ed.: 19    აიამონი ეწოდების. დღესა ერთსა ვიწყეთ აღსუ̂ლა
Line of ed.: 20    მუნ, და მოგუ̂ართვეს ჯორნი და იღუმენიცა მათი თა\ნა
Line of ed.: 21    გჳახლა; რამეთუ შორევდა ჟამისა ორისა სავალ, და
Line of ed.: 22    განვვლეთ რა შუა გზაჲ მონასტრის ბაღნი და ვე\ნახნი
Line of ed.: 23    იყუ̂ნეს და სულიერი სახილავი იხილუ̂ჱბოდა, რა\მეთუ
Line of ed.: 24    მონაზონნი მამანი ხუნიდენ და ბარჳდენ და
Line of ed.: 25    ნერგსა ასხმიდენ და აღვვლეთ რა აღმართი მთათა ში\ნა
Line of ed.: 26    ნაძუ̂-ფიჭჭვნარიანობა იხილუ̂ჱბოდა, და ტევრთა მათ
Line of ed.: 27    შინა გამოჰსჩნდა ბრპენითა დაბურჳლი მონასტერი
Line of ed.: 28    ბრწყინუ̂ალე და გუ̂ჱტყოდნენ, ვითარმედ მდიდარ-არს
Line of ed.: 29    მონასტერი და ძუ̂ჱლითა სიმდიდრითა გარდაცემულ.

Page of ed.: 26 
Line of ed.: 1       ოდეს მისუ̂ლა ჩვენი სცნეს, ჰკრეს ზართა ძლიე\რად
Line of ed.: 2    მონასტრისათა, და მოგუ̂ჱგებნენ მამანი ორას ორ\მოცდა-ათნი
Line of ed.: 3    სანთლებითა და კეროვნებითა, და მოგუ̂არ\თუ̂ჱს
Line of ed.: 4    კუ̂ჱრთხი და მდინარე და შეგჳძღუ̂ნენ კმევითა
Line of ed.: 5    სუნნელთათა, და მგალობელნი გალობდენ ტკბილად, და
Line of ed.: 6    შევედით ეკლესიად და თაყუ̂ანის-ვეცით წმინდათა მათ
Line of ed.: 7    და აღვედით ხარისხად, მაშინ იწყეს შეგჳწყალენი და
Line of ed.: 8    მომადლებისათჳს ჩემისა ჰსთქუ̂ჱეს მრავალ-ჟამიერობა მე\ფეთათჳს
Line of ed.: 9    ჩუ̂ჱნთა და ისპოლაეტი მრავალ-ჟამიერი ხმა
Line of ed.: 10    ამოდ გუ̂ჱზიარა და უამბორეთ მამათა და ძმათა და მი\გჳძღუ̂ნენ
Line of ed.: 11    სადგურად და ვიკითხეთ აღმაშენებელი მისი,
Line of ed.: 12    რამეთუ გუ̂ჱტყოდნენ, ვითარმედ კოსტანტინე მეფემან
Line of ed.: 13    მონარახმან აღაშენაო.

Line of ed.: 14       აწ მონასტრისათჳს ვიტყოდეთ. იატაკნი ეკკლესიი\სანი
Line of ed.: 15    ფერადისა არღავანისა ქჳსაგან ესრეთ ჩაეწყოთ,
Line of ed.: 16    ვერა ხორასნელი ორხუა ვერ შეეფერებოდა. საყდარი
Line of ed.: 17    არის რუ̂ა-კუთხე და იგუ̂რდივ ოცდა- თორმეტნი არ\ღავნის
Line of ed.: 18    ფერადნი სუ̂ჱტნი უდგას. კედელნი არღავნისა
Line of ed.: 19    და ბალღამისა ქჳსა ფერადისა ხონჩურებ ჩაწყობილი,
Line of ed.: 20    არა თუ კირითა და ღორღითა, არამედ ტყჳვითა ჩასხმუ\ლი
Line of ed.: 21    და სპილენძით შეძერწილ, თავისის სხჳს ფერით
Line of ed.: 22    აშიებითა ვიდრე მოხრილს კამარადმდე; ხოლო გუმ\ბათი
Line of ed.: 23    და კამარანი ელუ̂არის სოფიოს კენჭითა, სხუ̂ანი
Line of ed.: 24    ჩაგულ-ქანდებული. ხატნიცა ბრწყინუ̂ალეს სოფიის
Line of ed.: 25    კენჭით იყუ̂ნეს; მისი ელუ̂არება და კამკამნი სამყაროსა
Line of ed.: 26    დღისა ცისასა და ღამისა ლაჟუ̂არდიანსა ფერსა უდრიდა.
Line of ed.: 27    რაჟამს ჭიქისა და ვეცხლისა ხომლნი აღანთიან, მგზავ\სი
Line of ed.: 28    იყო მთოვარისა ვეცხლისა სახისა, და ვარსკუ̂ლავ\თა
Line of ed.: 29    ხელმწიფებად და მნათობად ღამისა მნათთა. სანა\თურით
Page of ed.: 27  Line of ed.: 1    რა გავსჭჳრიტი, ფერადისა წითლისა და ყუ̂ავი\ლისა
Line of ed.: 2    თლილისა მინისა სინათლე მთიებთა შუქთ-მკრთო\მარეობასა
Line of ed.: 3    ესახებოდა. კარის ბჭეთა იატაკთა რა გავხე\დი,
Line of ed.: 4    მეგონნეს, ვითარმედ ოქსინოჲთა მოუფარდაგებიათ
Line of ed.: 5    გამოსაჩუ̂ჱნებელად. ვიხილენ რა განვკჳრდი: ქუ̂ანი იყუ̂ნეს
Line of ed.: 6    ჩაწყობილნი; მეუცოვა სიკეთე მისი და თაყუ̂ანის-ვეცით
Line of ed.: 7    ცერსა ნათლის-მცემელისასა,რომლითა შეახო თავსა მა\ცხოვრისასა
Line of ed.: 8    და არს თავი მოციქულისა ფილიპპესი,
Line of ed.: 9    თავი მოციქულისა ტიმოთესი, თავი დიდისა ევთიმისა,
Line of ed.: 10    თავი ევგენიასი, თეძო წმინდისა გიორგისა, ფეხი ხა\რიტონისა
Line of ed.: 11    და სხუ̂ანი მრავალნი ნაწილნი. ამა მო\ნასტერსა
Line of ed.: 12    ვიხილე სასწაული საკჳრუ̂ჱლი, რამეთუ ერთი
Line of ed.: 13    შავი არაბი განქურდავად შესრულ-არს ეკკლესიასა, ზე\ით
Line of ed.: 14    აუხედია, მოჰკიდებია ცეცხლი და სრულიად დამწუ̂არა.
Line of ed.: 15    ცალი მკლავი მორჩენილ-იყო ქურდის არაბისა და იქ
Line of ed.: 16    მდებარედ ვიხილეთ.

Line of ed.: 17       ამა მონასტრისა აღშენებისა მიზეზს ესრეთ გუ̂ჱ\ტყოდეს,
Line of ed.: 18    რამეთუ მჯდარა ვინმე მონაზონი დაყუდებუ\ლი
Line of ed.: 19    მუნ და აწ სადა ტაძარი ჰსდგას, მუნ უხილავს ნა\თელი.
Line of ed.: 20    მრავალ-გზის წარსრულ-არს დაყუდებული იგი
Line of ed.: 21    და უხილავს მუნ ხატი ყოვლად-წმინდისა, და სმენია
Line of ed.: 22    ესე მეფესა კონსტანტინეს და ამისთჳს აღუშენებია მო\ნასტერი
Line of ed.: 23    იგი. ის ხატი აწცა დიდის სასოებით უსუ̂ჱ\ნიათ
Line of ed.: 24    მუნ და გუ̂ჱტყოდენ მამანი, ვითარმედ ქართუ̂ჱლი
Line of ed.: 25    არა ოდეს გჳხილავსო და არცა ენა გუ̂ასმიესო, აწ შე\ჰსწირეთ
Line of ed.: 26    მსხუ̂ჱრპლი საიდუმლოჲსა; მე უარი მოვახსე\ნე,
Line of ed.: 27    არამედ ფრიად მევედრებოდეს და შევჰსწირეთ უ\ღირსითა
Line of ed.: 28    ბაგითა საიდუმლო და მათცა ვაწირვინეთ მეფე\თა
Line of ed.: 29    ჩუ̂ჱნთა წარსამართებლად და განგჳმზადეს ტაბლაჲ
Page of ed.: 28  Line of ed.: 1    მშუ̂ჱნიერი და განვათიეთ რა მუნ ჟამნი რაოდენნიმე,
Line of ed.: 2    კუ̂ალად ქალაქად საყისად სადგურად ჩუ̂ჱნდა მოვიწიე\ნით
Line of ed.: 3    ლოცჳსა მომღებნი მათნი და მმადლობელნი
Line of ed.: 4    ღუ̂თი/სანი.

Line of ed.: 5       აქა ყოფასა ჩუ̂ჱნსა მოვიდა ამბავი რაჲმე საკჳრუ̂ჱლი,
Line of ed.: 6    რამეთუ წმინდა სფირიდონ საკჳრუ̂ჱლთ-მოქმედი მრთლივ
Line of ed.: 7    წაუსუ̂ჱნებიათ კჳპრიით და მოუსვენებიათ ქალაქსა კერ\კურას,
Line of ed.: 8    სადა იჯდა წმინდა არსენი კერკურისა მთავარ\ეპისკოპოზი,
Line of ed.: 9    და მუნ სფირიდონ მრთლივ მგზავსი ცხო\ველისა,
Line of ed.: 10    მდგომარე-არს ანაფორით და ქუდ-ბარტყვლით.
Line of ed.: 11    კაცმან ვინმე ჩააცუ̂ა ძჳრ-ფასი შესამოსელი და ხუ̂ალი\სად
Line of ed.: 12    იხილეს ახალი იგი მდებარედ ტრაპეზსა ზედა და
Line of ed.: 13    თჳთ ძუ̂ჱლივე შეემოსა. კუ̂ალად თურქნი შემოადგნენ და
Line of ed.: 14    იხილეს სფირიდონ, მოსუ̂რიდა თურქთა მათ და წარიო\ტებდა.
Line of ed.: 15    ამისთჳს დღესასწაულსა დიდსა აღასრულებენ მუნ.
Line of ed.: 16    კუ̂ალად მოგუ̂ჱსმა ვითარმედ, ქალაქსა მას კერკურას.
Line of ed.: 17    მხმობელმან იზახა ვითარმედ, შეიწრდა ქალაქი ესე სა\ზრდოსაგან
Line of ed.: 18    და უცხოებად მოსრულნი ნურღარა დაადგრე\ბიან,
Line of ed.: 19    წარვიდენ აქედამ; ამისთჳს შეიწრდენ მრავალნი
Line of ed.: 20    ქუ̂რივნი და ობოლნი წარსუ̂ლისათჳს; ხოლო იხილეს
Line of ed.: 21    ღამესა მას, რამეთუ სფირიდონ არღარა იყოფების მუნ
Line of ed.: 22    და მრავალი ეძიეს და ვერ ჰპოეს; ვინაცა მწყემსმან მან
Line of ed.: 23    ვინმე ცხოვართამან იხილა მთათა შინა წმინდა სფირი\დონ,
Line of ed.: 24    დავარდა, თაყუ̂ანი-ჰსცა. ხოლო სფირიდონ
Line of ed.: 25    ეტყოდა ვითარმედ ქალაქით გამომდევნეს, რამეთუ მეცა
Line of ed.: 26    მწირი ვარ და უცხო, კჳპროსიდამ მოსრული, სადაცა
Line of ed.: 27    ეგენი ქუ̂რივნი და ობოლნი წარუ̂ლენ, მეცა წარვიდე მი\ერ,
Line of ed.: 28    და წარვიდა მწყემსი იგი და უთხრა ესე მღუ̂დელთა მათ.
Line of ed.: 29    ხოლო მათ მხმობელი აზახეს, ვითარმედ უცხოებით მო\სრულნი
Page of ed.: 29  Line of ed.: 1    ნურღარა სადმე წარვლენ, რამეთუ სფირიდონ
Line of ed.: 2    არს მეოხ მათდა. ამისთჳს წარვიდეს და შთამოასუ̂ჱნეს
Line of ed.: 3    სფირიდონ და არს მუნ მდგომარე სასოებით მიმავალთა
Line of ed.: 4    მეოხად და შიშითა და ლიტანიობითა სახილუ̂ჱლი. \კუ̂ალად
Line of ed.: 5    გჳთხრობდენ ვითარმედ, აწ წარსრულან წელნი
Line of ed.: 6    ექუ̂სნი, რამეთუ იყო აქა სულიერი მამა მონაზონი სა\ხელით
Line of ed.: 7    იოაკიმ, დიდი მოწყალე გლახაკთა, სნეულთა და
Line of ed.: 8    უცხოთა შემწყნარებელი, რამეთუ ტყუ̂ჱთა გამოიხსნიდა
Line of ed.: 9    და საპყრობილეთა შინათა ზედას-ზედა მოიხილჳდა და
Line of ed.: 10    ნუგეშინის-ცემდა, და უხუ̂ჱბით გლახაკთა და დავრდომილ\თა
Line of ed.: 11    საფასეთა განუყოფდა, და არა დასცხრებოდა ქუ̂ჱ\ლის-მოქმედებისაგან
Line of ed.: 12    არა ოდეს და უკეთუ გარდახდის
Line of ed.: 13    დღე ერთი და არა მისცის გლახაკთა შესწუხნის ფრიად
Line of ed.: 14    და სცრემლეოდის. ხოლო გარდაცუ̂ალებასა მისსა სა\კჳრუ̂ჱლად
Line of ed.: 15    უდიდებია ღმერთსა, რამეთუ მიცუ̂ალებულა რა
Line of ed.: 16    მარჯუ̂ჱნესა ხელსა ჯუ̂არი გამოსახჳა, და ხილუ̂ად მისსა
Line of ed.: 17    მრავალნი ურიანი და თურქნი შემოკრებულან და უხილავთ
Line of ed.: 18    საკჳრუ̂ჱლი ესე ხილუ̂ა.

Line of ed.: 19       ამა ჟამად ვერ მპოვნელთა ნავისათა მუნ, რათამცა
Line of ed.: 20    წარვიმართენით იერუსალიმად, უმჯობესად აღვირჩიეთ და\ზამთრება
Line of ed.: 21    მთა-წმინდად და მოვივაჭრეთ ნავი და მივან\დევით
Line of ed.: 22    თავი უფალსა და წარვედით გამომსალმებელნი
Line of ed.: 23    ქრისტიანეთანი და გამოვვლეთ მიტილინი და მივიწიე\ნით
Line of ed.: 24    ბოხჩადად, სადაცა ქართლისა კათალიკოზი დო\მეტი
Page of ed.: 30  Line of ed.: 1    ექსორიად ცხოვრებულ იყო. და მოგუ̂ჱგებნენ
Line of ed.: 2    ქრისტიანენი და გუ̂კითხჳდენ ამბავსა მისსა და მუნი\დგან
Line of ed.: 3    შთავსხედით ნავსა. რამეთუ აღგჳდგა ღელუ̂აცა
Page of ed.: 31  Line of ed.: 1    ფრიადი, და მივიწიენით ლემენად ჭალაკად კჳრია\კესა
Line of ed.: 2    მღუ̂დელ-მთავრისა ლემენისა პართენისა და შეგჳ\ტკბო
Line of ed.: 3    ფრიად და სადგური განგჳმზადა და ქრისტიანე\თაცა
Line of ed.: 4    პატივ-გუ̂ცეს და პირისპირ განვსჭუ̂რედით მთა\წმინდასა
Line of ed.: 5    და ვიხილეთ ყაენისა შჳლი ცხჳრ-მოკუ̂ჱთილი
Line of ed.: 6    თამაზისაგან: მუნ დაეყენებინათ თურქთა. ხოლო ნე\ბამან
Page of ed.: 32  Line of ed.: 1    ღუ̂თისამან მოგუ̂ცა ჰაერი და შთავსხედით ნავსა
Line of ed.: 2    და მივედით მთა-წმინდად მმადლობელნი ღუ̂თისანი,
Line of ed.: 3    რომელმან დაგჳცუ̂ა უცხოებასა შინა ჩუ̂ჱნსა ზღჳსა
Line of ed.: 4    ღელუ̂ათაა და ხმელთა ამბოხებათააგან. მისაა დიდება.
Line of ed.: 5    ამინ.



Next part


This text is part of the TITUS edition of Timote Gabashvili, Moxilva.

Copyright TITUS Project, Frankfurt a/M, 13.1.2017. No parts of this document may be republished in any form without prior permission by the copyright holder.