TITUS
Hagiographical Texts edited by S. Qubaneishvili
Part No. 3
Previous part

Text: Mar.Abr.  
Vita Mariae filiae fratris Abrahamis

მარიამის (აბრაამის ძმისწულის) ცხოვრება


On the basis of the partial edition in
Sol. Q̣ubaneišvili,
Ʒveli kartuli liṭeraṭuris kresṭomatia I,
Tbilisi 1946,
312-317
electronically prepared by Nino Apciauri,
Tbilisi, 17.4.2015;
TITUS version by Jost Gippert,
Frankfurt a/M, 16.5.2015


Ms. A-95, fol. 621r-628v


Page of ed.: 312  
Line of ed.: 1  ნეტარისა აბრაჰამისთჳს ვითარ-იგი სიბრძნით და საკჳრველად გამოიყვანა
Line of ed.: 2  მარიამ, ძმის-წული თჳსი, მეძვობისაგან


Line of ed.: 3       მნებავს, საყუარელნო, თქუენსა მაგას ერთობასა სმენად დიდებული [იგი] საქმჱ, რო\მელი
Line of ed.: 4    ქმნა წმიდამან აბრაჰამ ჟამსა მას სიბერისა მისისასა. რამეთუ გონიერთა და სული\ერთა
Line of ed.: 5    ნანდჳლვე საკჳრველ არს და სავსჱ სარგებელითა და ცრემლითა. ხოლო საქმჱ იგი
Line of ed.: 6    ესე არს:


Section: 1  
Line of ed.: 7       1. რამეთუ ესუა ნეტარსა მას ძმაჲ ჴორციელად, რომელსა ესუა ასული, სახელით
Line of ed.: 8    მარიამ. და აღესრულნეს მშობელნი იგი მისნი და დაშთა ყრმაჲ ობლად. და მოიყვანეს
Line of ed.: 9    ყრმაჲ იგი მეცნიერთა მისთა და მოჰგუარეს მამის ძმასა მისსა, რამეთუ იყო იგი შჳდისა
Line of ed.: 10    წლისაჲ. ხოლო ნეტარმან მან ბრძანა ყოფაჲ მისი გარეშესა მას სახლსა. და იყო საშუვალ
Line of ed.: 11    მათსა მცირე სარკუმელი, რომელსა შინა დაასწავა მას "დავითი" და სხუანი წიგნნი და მის
Line of ed.: 12    თანავე ღამესა ათევნ და გალობნ. და ვითარცა ესე იმარხავნ, ეგრეცა იგი. და გულსმოდ\გინებასა
Line of ed.: 13    წარემატებოდა და მონაზონებასა, და ისწრაფდა აღსრულებად ყოველთა სათნოე\ბათა.
Line of ed.: 14    და რამეთუ ნეტარიცა იგი მრავალგზის ევედრებინ ღმერთსა ცრემლითა მისთჳს,
Line of ed.: 15    რაჲთა გონებაჲ მისი იყოს ღმრთისა თანა და რაჲთა არა შეიკრას გონებაჲ მისი, რომ\ლითამე
Line of ed.: 16    ქუეყანისა საქმითა და ზრუნვითა, რამეთუ მამამან მისმან ფასი დიდძალი დაუტევა
Line of ed.: 17    მას; და ამისი ბრძანა ნეტარმან მან ობოლთა და გლახაკთა მიცემაჲ. და ესეცა ნეტარი
Page of ed.: 313   Line of ed.: 1    ყრმაჲ დღითი-დღედ ევედრებინ მამის ძმასა თჳსსა და ეტყჳნ: "მამაო, ვჰლოცავ სიწმიდესა
Line of ed.: 2    შენსა, ილოცე ჩემთჳს, რაჲთა განვერე ბოროტთაგან გულის სიტყუათა და ყოვლისაგან
Line of ed.: 3    მანქანებისა და მრავალთაგანნ საბრჴეთა ეშმაკისათა". და ესრეთ გულსმოდგინედ შურებოდა
Line of ed.: 4    ყოველთავე წესსა მას ზედა მონაზონებისასა. და უხაროდა მამის ძმასა მისსა, რამეთუ
Line of ed.: 5    ხედვიდა კეთილსა მას გულსმოდგინებასა მისსა, და ცრემლთა და სიმდაბლესა, ყუდროებასა
Line of ed.: 6    და სიმშჳდესა და ღმრთისა მიმართ სიყუარულსა. და ოც წელ შურებოდა ნეტარისა მის
Line of ed.: 7    თანა, ვითარცა ტარიგი წმიდაჲ და ტრედი უბიწოჲ.

Line of ed.: 8       და ვითარცა აღესრულნეს ოცისა წლისა ჟამნი, აღბორგდა ეშმაკი მის ზედა და უმ\ზირდა,
Line of ed.: 9    ვითარმცა მო[ი]ნადირა იგი, რაჲთა ესრეთ ოდენმცა შეუძლო მწუხარებასა შეგდებად
Line of ed.: 10    ნეტარი იგი და გონებაჲ მისი განშორებად ღმრთისაგან.


Section: 2  
Line of ed.: 11       2. იყო ვინმე , რომელსა სახელი ზედა ედვა მონაზონებისაჲ, რომელი მივიდის ნეტა\რისა
Line of ed.: 12    მის მიზეზითა სიყუარულისაჲთა მრავლითა მოსწრაფებითა და ხედავნ ნეტარსა მას
Line of ed.: 13    ყრმასა სარკუმლით, რომლისაგან იქმნა იგი ტრფიალ. და უნდა შემთხუევაჲ მისი, რამეთუ
Line of ed.: 14    ვითარცა ცეცხლი აღეგზნა გულსა მისსა სიცბილი იგი ტრფიალებისაჲ. და უმზირდა მას
Line of ed.: 15    მრავალ ჟამ, ვიდრე წელიწად ერთადმდე, ვიდრე არა მოაუძლურა გონებაჲ მსიი. განაღო
Line of ed.: 16    სარკუმელი სენაკისა მის და გამოვიდა მისა და შეიგინა მის თანა მწჳრითა მით ურჩულოე\ბისაჲთა.

Line of ed.: 17       და შემდგომად სამქისა მის ურჩულოებისა, განუკჳრდა გონებასა მისსა და იცემდა
Line of ed.: 18    პირსა თჳსსა, და გარდაიპო ძაძისა იგი სამოსელი და უნდა მოშთობაჲ თავისა თჳსისაჲ
Line of ed.: 19    მწუხარებისა მისგან და თქუა: "მე ამიერითგან მოვკუედი და წარწყმდეს დღენი ჩემნი და
Line of ed.: 20    ნაყოფი შრომათა ჩემთაჲ, და მარხვანი იგი ჩემნი და ცრემლნი ჩემნი არად შეირაცხნეს,
Line of ed.: 21    ღმერთი განვარისხე და თავი ჩემი მოვიკალ და მამის ძმაჲ ჩემი მწუხარებასა და ჭირსა
Line of ed.: 22    შევაგდე და საკიცხელ ეშმაკისა ვიქმენ. ამიერითგან რაჲსა-ღა ცოცხალ ვარ უბადრუკი ესე,
Line of ed.: 23    ვაჲმე რაჲ ესე შემემთხჳა, ვაჲმე რაჲ ესე ვყავ, ვაჲმე რაჲ ესე მევნო, ვაჲმე ვინაჲ ესე გა\მოვვარდი,
Line of ed.: 24    ვითარ დაბნელდა გონებაჲ ჩემი და ვერ ვცან, და ვითარ მიბრკუმა და ვერ
Line of ed.: 25    გულისჴმა ვყავ და ვერ შევიგონე, არა უწყი. ღრუბელმან ბნელმან დაფარა გონებაჲ ჩემი,
Line of ed.: 26    რამეთუ არა ვსცან, რასა-იგი ვიქმოდე. აწ სადამე დავეფარო, ანუ ვიდრე-მე ვიდე? სადა არი\ან
Line of ed.: 27    მოძღურებანი იგი წმიდისა მამისა [ძმისა] ჩემისანი, ანუ სადა არიან სწავლანი იგი
Line of ed.: 28    ეფრემისნი მოყუსისა მისისანი, რაჟამს მასწავებედ მე და მეტყჳედ: "ეკრძალე თავსა შენსა,
Line of ed.: 29    და დაუმარხე სული შენი შეუგინებელად სიძესა მას უკუდავსა, რამეთუ სიძე იგი შენი წმიდა
Line of ed.: 30    არს". ღმერთი მოშურნე არს, ვერღარა შემძლებელ ვარ თუალთა ახილვად ზეცად, რამეთუ
Line of ed.: 31    მოვკუედ ღმრთისაგანცა და კაცთაგანცა, რამეთუ აწ მიახლებად სარკუმელსა მას ვერ
Line of ed.: 32    ჴელ-მეწიფების, ვითარ-მე უკუე ვიკადრო ცოდვილმან ამან და სავსემან არაწმიდებითა სიტ\ყუად
Line of ed.: 33    წმიდისა მის თანა. და თუ ვიკადრო ცოდვილმან ამან და სავსემან არაწმიდებითა სიტ\ყუად
Line of ed.: 34    წმიდისა მის თანა. და თუ ვიკადრო, ცეცხლი გამოჴდეს სარკუმლისა მისგან და შემ\წუას
Line of ed.: 35    მე. უმჯობეს არს ჩემდა წარსლვაჲ სხუად სოფლად, სადა არავინ მიცოდის მე, რა\მეთუ
Line of ed.: 36    ერთვე მოვკუედ და არღარა არს სასოებაჲ ცხორებისა ჩემისაჲ".


Section: 3  
Line of ed.: 37       3. და არდგა მეყსეულად და წარვიდა სხუად ქალაქად, და შეიცვალა სამოსელი მისი
Line of ed.: 38    და დადგა იგი ყოველთა შესავალსა მას. ხოლო რაჟამს ესე შემთხუევად იყო მისა, იხილა
Line of ed.: 39    ნეტარმან აბრაჰამ ჩუენებაჲ საშინელი: ვეშაპი დიდი ფრიად, და ისტუინდა ძლიერად
Line of ed.: 40    და საძაგელ იყო ხილვად, რომელი გამოვიდოდა ადგილით თჳსით. და მოვიდა ვიდრე სახ\ლადმდე
Line of ed.: 41    ნეტარისა მის. და პოვა ტრედი სპეტაკი და შთანთქა იგი, და მიიქცა ადგილსავე
Line of ed.: 42    თჳსსა. განიღჳძა ნეტარმნა აბრაჰამ და შეწუხნა ფრიად, ტიროდა მწარედ და იტყოდა:
Line of ed.: 43    "დევნაჲ რაჲ]მე აღადგინოს ეშმაკმან ეკლესიათა ზედა, და მრავალნი განადგინნეს სარწმუ\ნოებისაგან,
Line of ed.: 44    ანუ განდგომაჲ რაჲ იყოსა და ჴდომაჲ ეკლესიათა ზედა ღმრთისათა, ანუ და\ბისა
Line of ed.: 45    მის კაცნი კუალად მიიქცესა კერპთ-მსახურებასა?". ილოცვიდა ნეტარი ესე ღმრთისა
Line of ed.: 46    მიმართ და თქუა: "წინაჲსწარ მცნობელო და კაცთ-მოყუარეო ღმერთო, შენ მხოლომან
Line of ed.: 47    იცი, რაჲ არს ჩუენებაჲ ესე".


Page of ed.: 314  
Line of ed.: 1       და მერმე კუალად მეორესა დღესა იხილა იგივე ვეშაპი, გამოსრული ადგილით თჳსით
Line of ed.: 2    და მომავალი სახიდ მისა, და დადვა თავი თჳსი ფერჴთა ქუეშე მის ნეტარისათა და განსქდა,
Line of ed.: 3    და გამოვიდა ტრედი იგი ცოცხალი და არარაჲ იპოვა მის თანა ბიწი რაჲთურთით.

Line of ed.: 4       და ვითარ განიღჳძა ნეტარმან მან, მეყსეულად უწოდა მას ერთგზის და ორგზის და
Line of ed.: 5    ჰრქუა: "რაჲსათჳს დაიცონე, დღეს ორი დღე არს აღებად პირისა შენისა და დიდებად
Line of ed.: 6    ღმრთისა". ვითარ მან არაჲ მიუგო, რამეთუ ორი დღე აქუნდა, ვინაჲთგან არღარა გალობდა
Line of ed.: 7    მსგავსად ჩუეულებისა თჳსისა, მაშინ გულისჴმა ყო ნეტარმან მან და სულთ-ითქუნა,
Line of ed.: 8    ტიროდა მწარედ და თქუა: ვაჲმე, ვითარ ტარიგი იგი ჩემი მგელმან მიმტაცა და შვილი
Line of ed.: 9    ჩემი წარიტყუენა. აღიმაღლა ჴმაჲ თჳსი, ტიროდა და თქუა: "მაცხოვარო სოფლისაო, მო\აქციე
Line of ed.: 10    ტარიგი იგი შენი სადგურად ცხორებისად, რაჲთა არა შთაჴდეს სიბერე ესე ჩემი
Line of ed.: 11    მწუხარებით ჯოჯოხეთა, და ნუ უგულებელს ჰყოფ ვედრებასა ჩემსა, ქრისტე, არამედ
Line of ed.: 12    მოავლინე მსწრაფლ მადლი ყოველი და დაიცევ იგი პირისაგან ვეშაპისა".
Line of ed.: 13    ხოლო არიან ორნი იგი დღენი, რომლ იხილნა ნეტარმან აბრაჰამ ჩუენებასა შინა,
Line of ed.: 14    ორნი იგი წელნი, რომელ დაყვნა ძმისწულმან მისმან გარე. მიერითგან ჰყოფდა ვედრებასა
Line of ed.: 15    მისთჳს დღჱ და ღამჱ ღმრთისა მიმართ.

Line of ed.: 16       და შემდგომად ორისა წლისა, ესმა მას, სადა იყო, და ვითარ იქცეოდა და
Line of ed.: 17    ჰლოცვიდა ვისმე მეცნიერსა თჳსსა. და მიავლინა იგი მისა, რაჲთა ჭეშმარიტად გამოიკით\ხოს
Line of ed.: 18    მისთჳს და ისწავოს ადგილი, სადა იყოფოდის. მაშინ წარვიდა მოციქული იგი და
Line of ed.: 19    გამოიკითხა ჭეშმარიტად მისთჳს და იხილა თჳთ იგიცა, და მოვიდა და უთხრა ნეტარსა მას
Line of ed.: 20    ყოველი თითოეულად და ასწავაცა ადგილი იგი.

Line of ed.: 21       ხოლო ნეტარსა მას ჰრწმენა ჭეშმარიტად, რამეთუ იგი არს, და ჰრქუა მეცნიერსა მას
Line of ed.: 22    მისსა, რაჲთა მოართუას სამოსელი საერისკაცოჲ და ცხენი და დრაჰკანი ერთი. და მან ყო
Line of ed.: 23    ეგრე, ვითარცა უბრძანა მას. და განაღო კარი სახლისა თჳსისაჲ და გამოვიდა, და შეი\მოსა
Line of ed.: 24    სამოსელი იგი საერისკაცოჲ და დაიდგა ქუდი მარფოჲ თავსა მისსა და მოიღო დრაჰ\კანი
Line of ed.: 25    იგი და დაჯდა ცხენსა მას ზედა და წარემართა ქალაქსა მას, ვითარცა მსტოვარი
Line of ed.: 26    ვინმე, რომელსა-იგი ეგულებინ განმსტოვრებად სოფლისა, გინა ქალაქისა, სხუაჲ ხატი შეი\მოსის,
Line of ed.: 27    რაჲთა არა საცნაურ იყოს; ეგრეცა ნეტარი ესე აბრაჰამ ხატითა მით საერისკა\ცოჲთა
Line of ed.: 28    მივიდა, რაჲთა მტერი იგი აოტოს.

Line of ed.: 29       მოვედით, საყუარელნო, და დაგიკჳრდინ მეორჱ ესე აბრაჰამ, რამეთუ პირველი იგი
Line of ed.: 30    განვიდა მეფეთა ბრძოლად და მოსრნა იგინი და მოაქცია ლოთ ძმისწული თჳსი ტყუეობი\საგან,
Line of ed.: 31    ხოლო მეორჱ ესე აბრაჰამ განვიდა თჳთ მის ეშმაკისა და სძლო მას და
Line of ed.: 32    მოაქცია ძმისწული თჳსი.


Section: 4  
Line of ed.: 33       4. და ვითარცა მივიდა ნეტარი ესე აბრაჰამ ადგილსა მას, შევიდა ყოველთა შესაკ\რებელსა
Line of ed.: 34    მას, და მიმოიხედვიდა აქა და იქი, რაჲთამცა იხილა მარიამ. და ვითარ[ცა] წარჰჴდა
Line of ed.: 35    ჟამი ერთი და ვერ[ა] სადა იხილა, განიღიმა და ჰრქუა მოღუაწესა მის ადგილისასა: "მეგო\ბარო,
Line of ed.: 36    მესმა, ვითარმედ გივის აქა ქალი ქმნულ-კეთილი და მნებავს, რაჲთამცა ვიხილე იგი".
Line of ed.: 37    ხოლო მან, ვითარცა იხილა ჰასაკი მისი და მჴცენი მისნი, განგმო იგი გულსა შინა თჳსსა.
Line of ed.: 38    მერმე კუალად მეყსეულად ჰკითხა: სადა არს ნანდჳლვე შუენიერი იგი, რამეთუ იყო ნე\ტარი
Line of ed.: 39    იგი ქმნულ-კეთილ ფრიად. ჰრქუა მას ნეტარმან აბრაჰამ: "სახელი რაჲ ჰრქჳან მას?"
Line of ed.: 40    ხოლო მან მიუგო და ჰრქუა: "მარიამ". მაშინ მხიარულითა პირითა ჰრქუა [ნეტარმან მან]:
Line of ed.: 41    "მოუწოდე მას, რაჲთა დღეს ვიხარო მის თანა, რამეთუ ფრიადისა ჰამბავისა მისისათჳს
Line of ed.: 42    ვეტრფიალე მას". ხოლო მან მოუწოდა და მოვიდა მისა.

Line of ed.: 43       ხოლო ნეტარმან მან ვითარცა იხილა იგი შემკობილი სახითა მეძავთაჲთა, ყოვლადვე
Line of ed.: 44    პირი მისი აღივსო ცრემლითა და ითმენდა ფრიად, რაჲთა არა ცნას და ივლტოდეს. და
Line of ed.: 45    ვითარ დასხდენ იგინი სერად, მიერითგან იწყო სიმღერად მისა განსაკვირვებელმან მან კაც\მან,
Line of ed.: 46    ხოლო იგი აღდგა და ჰამბორს უყოფდა ქედსა მისსა, და ეცა სულნელებაჲ მონაზონე\ბისაჲ
Line of ed.: 47    და მოეჴსენნეს დღენი იგი მარხვისა მისისანი. სულთ-ითქუნა და ცრმელნი გარდა\მოსთხინა
Line of ed.: 48    და თქუა: "ვაჲმე მარტოსა". ხოლო მოღუაწესა მას მისსა დაუკჳრდა და ჰრქუა:
Page of ed.: 315   Line of ed.: 1    "დედოფალო ჩემო, მარიამ, დღეს გაქუს აქა ჩუენ თანა ორი წელი და არასაფა მესმინნეს
Line of ed.: 2    შენნი სულ[თ]-თქუმანი, და არცა ესევითარი სიტყუჲ, აწ რაჲ ჰყავ შენ?" ხოლო მან ჰრქუა:
Line of ed.: 3    "უკუეთუმცა მომკუდარ ვიყავ სამისა წლისა წინა, ნეტარ-მცა ვიყავ". ხოლო ნეტარმან მან
Line of ed.: 4    რაჲ იხილა, თქუა გულსა თჳსსა: "ნუუკუე იცნას და ივლტოდეს". ჰრქუა მას სასტიკად:
Line of ed.: 5    "აწ რაჟამს მოხუედ ჩემდა, მოგეგონნესა ცოდვანი შენნი?" და [რაჲთა] არა თქუა, ვითარმედ
Line of ed.: 6    "ჰგავს ხატი იგი მისი ხატსა მამის ძმისა მისისასა, ანუ ვითარ-მე არა ცნა, რამეთუ ჰასაკი
Line of ed.: 7    მისი ჰგავს ჰასაკსა მამის ძმისა მისისასა. არამედ მხოლომან და კაცთმოყუარემან ღმერთ\მან
Line of ed.: 8    ესრეთ ჯერ იჩინა, რაჲთა არა იცნას იგი.

Line of ed.: 9       და გამოიღო დრაჰკანი იგი ნეტარმან აბრაჰამ და მისცა მოღუაწესა მას მათსა და
Line of ed.: 10    ჰრქუა: "მოგჳმზადე ჩუენ სერი კეთილი, რაჲთა ვიხაროთ ჩუენ დღეს მაგის ქალისა თანა,
Line of ed.: 11    რამეთუ შორით მაგისთჳს მოსრულ ვარ". ჵ, ნანდჳლვე გულისჴმის ყოფაჲ სულიერი, ჵ
Line of ed.: 12    ნანდჳლვე გოდებაჲ ესე ცხორებისათჳს, რომელმან-იგი ერგასისთა წელთა მონაზონებისა
Line of ed.: 13    მისისათა პურისა გემოჲ არა იხილა და არცა ყოველთავე ღჳნისაჲ. მაშინ მან ჴორცი ჭამა
Line of ed.: 14    და ღჳნოჲ სუა, რაჲთა იჴსნეს სული წარწყმედული წმიდათა ანგელოზთა ცათა შინა და
Line of ed.: 15    უკჳრდა საკჳრველებისა მისთჳს წმიდისა აბაჰამისა, ვითარ-იგი გულსმოდგინედ და შე\უორგულებელად
Line of ed.: 16    [შ]ჭამდა და სუმიდა, რაჲთა მწჳრისაგან გამოიტაცოს დანთქმული შვილი.
Line of ed.: 17    ჵ სიბრძნე ბრძენთაჲ, ჵ გულისჴმის ყოფაჲ მეცნიერთაჲ, ჵ უდებებაჲ ნანდჳლვე ცხორე\ბისათჳს!
Line of ed.: 18    ესევითარმან მმარხველმან და განმზრახველმან ესე ყოველი ქმნა, რაჲთა პირისა\გან
Line of ed.: 19    ვეშაპისა გამოიტაცოს სული შთანთქმული.

Line of ed.: 20       და შემდგომად განცხრომისა მათისა, ჰრქუა წმიდასა მას ქალმან მან: "უფალო, აღდეგ
Line of ed.: 21    და შევიდეთ სასუენებელად და დავიძინოთ". ხოლო მან ჰრქუა მას : "გუალე, შევიდეთ". და
Line of ed.: 22    ვირცა შევიდეს იგინი შინა და იხილა წიდამან აბრაჰამ ცხედარი დაგებული, მაღლად
Line of ed.: 23    აჰჴდა და დაჯდა მას ზედა გულსმოდგინედ. და აწ ვითარ გიწოდი შენ ანუ ვითარ სახელ
Line of ed.: 24    გედვა შენ, სრულო და მოღუაწეო ქრისტჱსო; არა ვიცი. მმარხველ გრქუა შენ, ანუ უდებ
Line of ed.: 25    ბრძენ, ანუ არა ბრძენ განმზრახველ, ანუ განუზრახველ, რომელი ერგასისსა წელსა ჭილსა
Line of ed.: 26    ზედა მისწვი, აწ ვითარ ეგევითარსა ცხედარსა ზედა დაშჯედი, არამედ ესე ყოველი ჰყავ
Line of ed.: 27    საქებელად და სადიდებელად ქრისტჱსა: სადგურნი მიჰვლნე, ჴორცი შეშჭამე და ღჳნოჲ სჳ
Line of ed.: 28    და ყოველთა შესავალსა შეხუედ, რაჲთა იჴსნე სული წარწყმედული. ხოლო ჩუენ ორგუ\ლებასა
Line of ed.: 29    შევცჳვით, სარგებელისაცა სიტყუასა მოყუსისასა მიმართ ჩუენისა არა ვიხარებთ.
Line of ed.: 30    და ვითარცა დაჯდა წმიდაჲ იგი აბრაჰამ ცხედარსა მას ზედა, ჰრქუა მას მარიამ: "უფალო
Line of ed.: 31    ჩემო, წარგჴადნე ჴამლნი ეგე შენნი!" ხოლო მან ჰრქუა მას: "დაჰკრძალე კარი და მაშინ\ღა
Line of ed.: 32    მოვედ და წარმჴადენ". ხოლო მარიამ აცილობდა მას პირველად ჴ[ა]მლთა წარჴდად,
Line of ed.: 33    და მან არა თავს-იდვა. მაშინ დაჰკრძალა კარი მარიამ და მოვიდა მისა. ხოლო ნეტარმან
Line of ed.: 34    აბრაჰამ ჰრქუა მას: "დედოფალო ჩემო მარიამ, მო-რე-მეახლე". ხოლო იგი მიეახლა მას.
Line of ed.: 35    მაშინ უპყრა ჴელი მისი მაგრიად, რაჲთა არა განერეს და ივლტოდის მისგან, რეცა თუ
Line of ed.: 36    ჰამბორს უყოფდა მას. მაშინ აღიჴადა ქუდი იგი თავისაგან თჳსისა, აღიხილნა და ჰრქუა
Line of ed.: 37    მას: "შვილო ჩემო მარიამ, ვერ მიცანა? მე ვარ მამის ძმაჲ შენი აბრაჰამ! შვილო ჩემო და
Line of ed.: 38    და ნაწლევო ჩემო, არა მიცანა? მე ვარ რომელმან განგზარდე შენ! რაჲ ესე ჰქმენ, შვილო
Line of ed.: 39    ჩემო, ანუ ვინ მოგკლა შენ? სადა არს ხატი იგი შენი ანგელოზებრი, რომელი გემოსა შენ,
Line of ed.: 40    შვილო ჩემო, ანუ სადა არიან მარხვანი და ტირილნი შენნი და სულ-თქუმანი შენნი? ანუ
Line of ed.: 41    სადა არიან მღჳძარებანი შენნი და ქუეყანასა ზედა წოლანი? ვინ სიმაღლეთაგან ცათაჲსა
Line of ed.: 42    ჯურღმულსა ამას გარდამოგაგდო, შვილო ჩემო? რაჲსათჳს არა მითხარ, ოდეს იგი სცოდე,
Line of ed.: 43    შვილო ჩემო, და მემცა ვევედრე შენ წილ ღმერთსა საყუარელისა ჩუენისა ეფრემის თანა.
Line of ed.: 44    რაჲათჳს ესე საქმჱ ჰქმენ? რაჲსათჳს ესრეთ დამაგდე მე და მწუხარებასა დიდსა შემაგდე
Line of ed.: 45    მე, შვილო ჩემო? უკუეთუ ცოდოს ვინმე და დაადგრეს მას ზედა, დაიმკჳდროს მან ჯოჯო\ხეთი
Line of ed.: 46    ქუესკნელი, სადა-იგი იყოს ტირილი თუალთაჲ და ღრჭენაჲ კბილთაჲ. ხოლო რო\მელმან
Line of ed.: 47    მოაქციოს ცოდვისაგან, ინანდეს და ილოცვიდეს ღმრთისა მიმართ, მიუტევნეს
Line of ed.: 48    მას თანანადებნი მისნი და განწმიდოს იგი ცოდვისაგან.

Page of ed.: 316  
Line of ed.: 1       ხოლო მარიამს ვითარცა ესმა ესე, ესე იქმნა ვითარცა ქვაჲ უსულოჲ ჴელთა შინა მისთა
Line of ed.: 2    შიშისაგან და სირცხჳლისა. ხოლო წმიდამან აბრაჰამ ჰრქუა მას ტირილით: "არარას მო\მიგება,
Line of ed.: 3    შვილო ჩემო მარიამ, და არას მეტყჳა, ნაწლევო ჩემო, ჩემ ზედა იყავნ ცოდვაჲ
Line of ed.: 4    ეგე შენი, ჩვილო ჩემო, მე სიტყუაჲ მიუგო ღმერთსა დღესა მას საშჯელისასა, მე ვინანდე
Line of ed.: 5    ცოდვისა მაგის შენისათჳს, შვილო ჩემო. და ვიდრე შუვაღამედმ[დ]ე ტირილით ევედრებოდა
Line of ed.: 6    მას და ასწავებდა. და მოიღო მცირედ კადნიერებაჲ მარიამ და ჰრქუა მას ტირილით:
Line of ed.: 7    "უკუეთუ შენდა მიხედვადცა ვერ ძალ მიც სირცხჳლითა პირისა ჩემისაჲთა, ვითარ-მე
Line of ed.: 8    ღმრთისა მიმართ ვიკადრო ანუ ვიფლოდი, შევიგინე არაწ[მ]იდებითა მწჳრისაჲთა". ჰრქუა
Line of ed.: 9    მას წმიდამან აბრაჰამ: "ჩემ ზედა იყავნ ცოდვაჲ ეგე, შვილო ჩემო, ჴელთაგან ჩემთა
Line of ed.: 10    იძიოს ღმერთმან ცოდვაჲ ეგე, შვილო ჩემო, გარნა შენ ისმინე ხოლო ჩემი, შვილო, და მოვედ
Line of ed.: 11    და წარვიდეთ ადგილსავე ჩუენსა, რამეთუ აჰა ესერა, საყუარელიცა იგი ჩუენი ეფრემ ტირს
Line of ed.: 12    და ევედრების შენთჳს ღმერთსა დღჱ და ღამჱ, შეიწყალე სიბერჱ ესე ჩემი, გლოცავ შენ,
Line of ed.: 13    შეიწყალენ მჴცენი ესე ჩემნი, გლოცავ შენ, ნაწლევო ჩემო, აღდეგ და მოვედ ჩემ თანა".
Line of ed.: 14    ხოლო მან ჰრქუა მას: "უკუეთუ უწყი ვითარმედ შემძლებელ ვარ სინანულად და თუ
Line of ed.: 15    შეიწყნარის ღმერთმან სინანული ჩემი და მომიტევნეს მე ღმერთმან შეცოდებანი ჩემნი,
Line of ed.: 16    აჰა ესერა, მოვალ, შეუვრდები და ვჰლოცავ შენსა სიწმიდესა და ჰამბორს უყოფ ფერჴთა
Line of ed.: 17    შენთა, რამეთუ ესრეთ წყალობა ჰყავ ჩემთჳს და მოხუედ აქა, რაჲთა გამომიყვანო მე
Line of ed.: 18    მწჳრისა ამისგან არაწ[მი]დებისა: "რაჲ-მე მიგაგო, უფალო ჩემო, რამეთუ ესრეთ წყალობა
Line of ed.: 19    ჰყავ ჩემთჳს". და ვითარ ცისკარ ოდენ იყო, ჰრქუა მას წმიდამან აბრაჰამ: "შვილო, აღდეგ
Line of ed.: 20    და წარვიდეთ ჩვენდავე ადგილად". ხოლო მარიამ მიუგო და ჰრქუა მას: "უფალო ჩემო,
Line of ed.: 21    მიც მე აქა ოქროჲ და ვეცხლი და სამოსელი ფრიად, რაჲ ჰბრძანო მისთჳს, უფალო ჩემო?"
Line of ed.: 22    ხოლო წმიდამან აბრაჰამ ჰრქუა მას: "აცადე იგი აქავე, რამეთუ ეგე ყოველი ნაწილი არს
Line of ed.: 23    უკეთურისა მაცთურისაჲ". და აღდგეს და წარვიდეს ორნივე ერთად. და აღსუა იგი წმი\დამან
Line of ed.: 24    აბრაჰამ ცხენსა მას და წინა უპყრა მას. და მივიდოდეს იგინი სიხარულითა დიდითა.
Line of ed.: 25    ვითარცა-ღა ვინ იგი მწყემსმან პოვის ცხოვარი წარწყმედული და აღისჳს იგი მჴართა
Line of ed.: 26    თჳსთა ზედა, ეგრეცა წმიდაჲ იგი სიხარულითა გულისა თჳსისაჲთა ვიდოდა და ადიდებდა
Line of ed.: 27    ღმერთსა.


Section: 5  
Line of ed.: 28       5. და ვითარცა მივიდეს იგინი ადგილსავე თჳსსა, შეიყვანა იგი შინაგანსა მას სე\ნაკსა,
Line of ed.: 29    სადა-იგი თჳთ იყოფოდა და გარეშესა თჳთ შეეყენა. და მიერითგან ნეტარი იგი
Line of ed.: 30    ქალი ინანდა ძაძითა და ნაცრითა, სულ-თქუმითა და ცრემლითა მწარითა, აღმსთობითა და
Line of ed.: 31    მღჳძარებითა დიდითა, მარხვითა და ცრემლითა, სიმდაბლითა და სიმშჳდითა შურებოდა
Line of ed.: 32    გულსმოდგინედ და ინანდა მოსწრაფედ და ჰმადლობდა დაუცხრომელად. ჭეშმარიტად
Line of ed.: 33    ესე არს ვედრებაჲ!

Line of ed.: 34       ვინმემცა უკუე რავდენცა უწყალოჲ იყო და ესმოდა ჴმაჲ იგი ტირილისა მისისაჲ და
Line of ed.: 35    არამცა მის თანავე ტიროდა!რავდენ ვინ უწყალოჲ იყო და გულ-ფიცხელი ისმენდა მისსა მას
Line of ed.: 36    გოდებასა და ტირილსა, ვინმცა არა მზრუნველ ეყო, ტირნ მის თანავე და ადიდებნ ღმერთსა!
Line of ed.: 37    ხოლო ჩუენი ესე სინანული მისსა მის სინანულსა წინაშე აჩრდილი არს, და ჩუენი ესე
Line of ed.: 38    ვედრებაჲ მისსა მის ვედრებასა წინაშე სიზმარი არს. და ესრეთ დაუცხრომელად ევედრე\ბოდა
Line of ed.: 39    ღმერთსა დღჱ და ღამჱ, რაჲთამცა მიუტევა მას, რაჲ-იგი ქმნა ცოდვაჲ, და რაჲთა
Line of ed.: 40    იხილოს მან სასწაული, რამეთუ შეიწყალა იგი ღმერთმან. და რაჟამს კაცთ-მოყუარემან
Line of ed.: 41    ღმერთმან იხილა სინანული იგი მისი და გულსმოდგინებაჲ, მიერითგან კურნებასა ჰყოფდა
Line of ed.: 42    ლოცვითა მისითა. და ცხონდა წმიდაჲ იგი აბრაჰამ ათხუთმეტ-ღა წელ სხუა და ხედვიდა
Line of ed.: 43    კეთილსა მას მისსა სინანულსა და გულსმოდგინებასა, ადიდებდა და აკურთხევდა ღმერთსა
Line of ed.: 44    ყოველსა ამას კეთილსა ზედა.

Line of ed.: 45       და აღესრულა წმიდაჲ იგი სამეოცდაათისა წლისაჲ, ხოლო მონაზონებდა იგი ერგა\სის
Line of ed.: 46    წელ [და] გულს-მოდგინედ სიმდაბლითა და სიყუარულითა არასადა თუალ-ახუნა კაცსა,
Line of ed.: 47    ვითარ-იგი მრავალთა ჩუეულებაჲ არს ყოფად, რომელსამე პატივისცემაჲ და რომელსამე
Page of ed.: 317   Line of ed.: 1    შეურაცხებაჲ. და არა ცვალა კანონი მონაზონებისა თჳსისაჲ და არცა უდებ იქმნა, არცა
Line of ed.: 2    მცონარ, არამედ ესრეთ იყო, ვითარცა დღითი-დღედ მოსიკუდიდი.


Section: 6  
Line of ed.: 3       6. ესე არს მოთმინებაჲ მისი, და ვითარ ცხონდებოდა იგი, და ღუაწლი მოთმინებისა
Line of ed.: 4    მისისაჲ, რამეთუ ესრეთ გამოვიდა სასძლოჲსა თჳსისაგან და არა უკუნ იქცა, არამედ არცა
Line of ed.: 5    ჭირითა მით მის დაბისაჲთა, არცა ბრძოლათაგან და უცნებათა ეშმაკისათა შეშინდა და
Line of ed.: 6    მომედგრდა. რამეთუ უდიდესი და უსაკჳრველესი სიმჴნჱ ესე არს ტარიგისა მის მარია\მისთჳს,
Line of ed.: 7    ვითარ იგი სულიერითა მით სიბრძნითა, გულისჴმის ყოფასა ვიტყჳ და მეცნიერე\ბასა,
Line of ed.: 8    რომლითა პოვა იგი და მოსტაცა პირისაგან ვეშაპისა, და დათრგუნა იგი და საჭმელი
Line of ed.: 9    პირისა მისისაგან მოუღო.

Line of ed.: 10       ესე ღუაწლნი არიან და შრომანი წმიდისა მის აბრაჰამისნი. ხოლო ესე ამისთჳს დავ\წერეთ
Line of ed.: 11    ნუგეშინის საცემელად გულსმოდგინეთათჳს ყოველთა, რომელთა უნდეს გულს\მოდგინედ
Line of ed.: 12    მონაზონებაჲ საქებელად და სადიდებლად ღმრთისა, რომელმან მომცა ჩუენ ყოვ\ლითა
Line of ed.: 13    მადლითა მისითა უმჯობჱსი იგი. ხოლო სხუანი იგი სათნოებანი მისნი სხუასა ად\გილსა
Line of ed.: 14    დავწერენით.

Line of ed.: 15       და ჟამსა მას განსუენებისა მისისასა შეკრბა ყოველი ქალაქი და კაცად-კაცადი მიეახ\ლებოდა
Line of ed.: 16    მოსწრაფებითა წმიდათა მათ ჴორცთა მისთა, და მოიტაცებდეს სამოსლისა მისი\საგან
Line of ed.: 17    ფესუსა და რავდენთა სნეულთა შეახებდეს ფესუსა მას, განიკურნებოდეს.

Line of ed.: 18       და ცხონდა ნეტარი იგი მარიამ ხუთთა სხუა წელ და გარდარეულად შურებოდა და
Line of ed.: 19    ცრემლითა ევედრებოდა ღმერთსა დღჱ და ღამჱ. და არნ ღამჱ მრავალგზის, რომელნი
Line of ed.: 20    თანა წარჰვლენედ მას ადგილსა და ესმინ ჴმაჲ იგი ტირილისა მისისაჲ და დგიან და მის
Line of ed.: 21    თანა ტიროდიან და ადიდებედ ღმერთსა. ხოლო ჟამსა მას სიკუდილისა მისისასა ყოველთა
Line of ed.: 22    რომელთა იხილეს პირი მისი, რამეთუ განბრწყინდა, ვითარცა მზე, ადიდებდეს ღმერთსა
Line of ed.: 23    მარადის დიდებულსა, რომლისაჲ არს დიდებაჲ და პატივი აწ და მარადის და უკუნი\სამდე,
Line of ed.: 24    ამენ.




Next part


This text is part of the TITUS edition of Hagiographical Texts edited by S. Qubaneishvili.

Copyright TITUS Project, Frankfurt a/M, 4.6.2015. No parts of this document may be republished in any form without prior permission by the copyright holder.