TITUS Texts: Hagiographical Texts edited by K. Kekelidze

TITUS
Hagiographical Texts edited by K. Kekelidze
Part No. 5

Previous part

Text: Athanas.Clysm.
Martyrium Athanasii Clysmensis

On the basis of the edition in
Ḳ. Ḳeḳeliʒe,
Eṭiudebi ʒveli kartuli liṭeraṭuris isṭoriidan VIII,
Tbilisi 1961,
63-70
electronically prepared by Ledi Kitsmarishvili,
Tbilisi, 30.3.2015;
TITUS version by Jost Gippert,
Frankfurt a/M, 17.5.2015

Manuscripts:
Ms. A = A-95, 477r-482v;
Ms. B = Sin-62, 94v-100v;
Ms. C = A-382, 61r-64r;
Ms. D = Sin-11, 223v-231v;
Ms. E = A-90, 303r-308r;
Ms. F = Oxf-Bodl, 267v-273v;
Ms. H = A-381, 34r-38v

Page of ed.: 63
Line of ed.: 1 თთუესა ივლისსა ით

Line of ed.: 2 წამებაჲ წმიდისა და ნეტარისა ათანასისი, რომელი
Line of ed.: 3 იწამა ქალაქსა შინა კულიზმას, რომელ არს
Line of ed.: 4 ეგჳპტისაჲ

Section: 1
Line of ed.: 5       1. იყო მეფობასა დიოკლიტიანჱსსა და მაქსიმიანოსისსა, უღმრ\თოთა
Line of ed.: 6    მათ და უკეთურთა მეფეთასა, დაეპყრა საცთურსა მას კერპთ\მსახურებისასა
Line of ed.: 7    ყოველი ქუეყანაჲ. რამეთუ იყო ნათესავი კაცთა მიდევ\ნებულ
Line of ed.: 8    ნებასა მათსა ბოროტსა და უგებდეს და თაყუანისსცემდეს
Line of ed.: 9    ძელთა და ქვათა უსულოთა და ჭამდეს ნაგებსა მათსა შეგინებულსა,
Line of ed.: 10    და კუამლისაგან ნაგებთა მათთაჲსა შეიბილწებოდა სიწმიდჱ ჰაერისაჲ,
Line of ed.: 11    და ბნელს კერპთ-მსახურებისასა დაეფარა პირი ქუეყანისაჲ, და შე\ცთომილნი
Line of ed.: 12    იგი ჰგონებდეს საცთურსა მას ჭეშმარიტებად, რამეთუ ხედ\ვიდეს
Line of ed.: 13    ბნელსა ნათლად და ნათელსა ბნელად. ხოლო რომელნი არა
Line of ed.: 14    შეუდგეს გზასა მას საცთურისასა, მრავლითა გუემითა და სატანჯვე\ლითა
Line of ed.: 15    განიცადებოდეს და უკუანაჲსკნელ მახჳლითა სიკუდილსა
Line of ed.: 16    მიე/ცემოდეს.

Section: 2
Line of ed.: 17       2. მას ჟამსა შინა წმიდაჲ ათანასი, ვითარცა სანთელი ქუეყანი\საჲ,
Line of ed.: 18    ბრწყინვალებითა სარწმუნოებისაჲთა ღმრთისა ჩუენისა იესუ ქრისტჱ\სითა
Line of ed.: 19    გამობრწყინდა სიბნელესა მას შინა უღმრთოებისასა, რამეთუ ესე
Line of ed.: 20    სამგზის სანატრელი იქცეოდა კეთილითა განგებითა სამეუფოსა შინა
Line of ed.: 21    უზეშთაჱსი ყოველთა ერის-მთავართა ჰრომისათა (და) პატივცემული
Line of ed.: 22    პალატსა შინა უპირატჱს ყოველთა ჴელმწიფეთა. და იყო იგი თჳსი
Line of ed.: 23    ნათესავი მეფისაჲ, საყუარელი ყოველთა თანამზრახვალითაჲ სიმჴნით
Line of ed.: 24    მოღუაწებისა და ერთგულებისა მისისათჳს სამეუფოსა შინა, ვიდრემდის
Line of ed.: 25    მეფემან ყოველი ნებაჲ და თხოვაჲ მისი მეყსა შინა სიხარულით აღუს\რულოს.
Line of ed.: 26    რამეთუ მრჩობლ იყო ერთგულებაჲ მისი პალატსა შინა
Line of ed.: 27    სამეუფოსა და ღუაწლსა შინა ბრძოლისასა. და ესხნეს მას ორნი ძმანი,
Line of ed.: 28    მსგავსნი მისნი სარწმუნოებითა უფლისა ჩუენისა იესუ ქრისტჱსითა,
Line of ed.: 29    რომელთა ეწოდა სახელი სერგის და ბაქოზ, რომელნიცა შემდგომად
Line of ed.: 30    მისა იწამნეს ქრისტჱსთჳს; რამეთუ იყვნეს იგინიცა წარჩინებულ
Line of ed.: 31    პალატსა შინა სამეუფოსა და წამეს წამებაჲ იგი ჭეშმარიტი საჴელმწი\ფოსა
Page of ed.: 64   Line of ed.: 1    შინა ევფრატისიონისასა (და) შეიმოსეს მათ გჳრგჳნი იგი მოწა\მეთაჲ
Line of ed.: 2    დაუჭნობელი.

Section: 3
Line of ed.: 3       3. მას ჟამსა მაქსიმიანოს, მეფჱ უშჯულოჲ, აღგზნებულ იყო
Line of ed.: 4    ძლიერად საცთურითა კერპთ-მსახურებისაჲთა და განსდვა ყოველთა
Line of ed.: 5    ქალაქთა და ქუეყანათა საბრძანებელისა მისისათა ბრძანებაჲ იგი, სავსჱ
Line of ed.: 6    უშჯულოებითა, რაჲთა დაიჴშნენ ეკლესიანი ქრისტეანეთანი, ხოლო
Line of ed.: 7    ტაძარნი კერპთანი მრავლითა მოსწრაფებითა პატივით იდიდებოდიან.
Line of ed.: 8    მაშინ მაქსიმიანოს მეფჱ ნუკევით მინდობილ იქმნა წმიდისა ათანასისა,
Line of ed.: 9    ვითარცა ერთგულისა მეგობრისა და საყუარელისა ნათესავისა, რამეთუ
Line of ed.: 10    სარწმუნოებით ჰგონებდა, ვითარმედ კეთილად მსახურ არს იგი ღმერთთა
Line of ed.: 11    მისთა შეგინებულთა უფროჲს ყოველთა საკუთართა მისთა და მყოფთა
Line of ed.: 12    პალატისათა. მაშინ მთავარ ყო იგი ყოველსა საჴელმწიფოსა ეგჳპტისასა,
Line of ed.: 13    ვიდრე თიბეონადმდე, და წარავლინა იგი ყოვლითა პატივითა და დი\დებითა
Line of ed.: 14    განგებით, რაჲთა დაჰჴშნეს ეკლესიანი ქრისტეანეთანი და განა\ხუნეს
Line of ed.: 15    და ადიდნეს საკერპონი წარმართთანი.

Section: 4
Line of ed.: 16       4. ხოლო წმიდაჲ ათანასი ვითარცა წარემართებოდა, მოუწოდა
Line of ed.: 17    ძმათა მათ თჳსთა სერგის და ბაქოზს და შეჰვედრნა იგინი ქრისტესა
Line of ed.: 18    ცრემლითა და ჰრქუა მათ ტირილით: "იხილენით თავნი თქუენნი,
Line of ed.: 19    ძმანო ჩემნო, და ეკრძალენით სულთა თქუენთა, საყუარელნო, და უბი\წოდ
Line of ed.: 20    დაუმარხენით ქრისტესა, რამეთუ ამიერთაგან არღარა იხილოთ პირი
Line of ed.: 21    ჩემი ჴორციელად, არამედ ვიღუაწოთ, რაჲთა მერმესა მას საუკუნესა,
Line of ed.: 22    სასუფეველსა ქრისტჱსსა, ერთად ვიპოვნეთ წინაშე მისსა სიხარულით.
Line of ed.: 23    რამეთუ მე უწყი ღმრთისა-მიერითა გამოცხადებითა, ვითარმედ მომავალ
Line of ed.: 24    არს ჟამი, ოდეს შევიმოსო მე გჳრგჳნი მოწამებისაჲ ქრისტჱს ღმრთისა
Line of ed.: 25    ჩუენისაგან. არამედ აღდეგით და ვილოცოთ, რაჲთა ნებაჲ ღმრთისაჲ
Line of ed.: 26    აღესრულოს ჩუენ ზედა". მაშინ მოიდრიკნეს მათ მუჴლნი მათნი
Line of ed.: 27    ღმრთისა მიმართ და ილოცვიდეს, და აღდგეს და შეიტკბნეს ურთი\ერთას
Line of ed.: 28    და მრავლითა ტირილითა და ცრემლითა დაუტევეს მშჳდობაჲ
Line of ed.: 29    და განიშორნეს. და წმიდაჲ ათანასი აღჴდა ნავსა და წარემართა
Line of ed.: 30    ეგჳპტედ.

Section: 5
Line of ed.: 31       5. და ვითარცა მიიწია იგი ალექსანდრია ქალაქად, შევიდა იგი
Line of ed.: 32    წმიდისა პეტრე მამათ-მთავრისა და ქრისტჱს მოწამისა და მოიკითხა
Line of ed.: 33    იგი და აღავსნა ყოველნი ეკლესიანი დიდებითა და სიხარულითა და
Line of ed.: 34    შეურაცხ ყვნა ყოველნი საკერპონი. და განვიდა მიერ ეგჳპტედ და მუნცა
Line of ed.: 35    ეგრევე შეამკვნა და აღაყუავნა ყოველნი ეკლესიანი. და ვითარცა
Line of ed.: 36    განითქუა ჰამბავი მისთჳს ყოველსა ქუეყანასა ეგჳპტისასა, მაშინ შურითა
Line of ed.: 37    ეშმაკისა კეთილისმოძულისაჲთა და მის-მიერითა ზაკუვითა შეუჴდა.
Line of ed.: 38    ესე გონებასა კაცთა ბოროტთა და უკეთურთასა. და რამეთუ ვერ შეძ\ლებულ
Line of ed.: 39    იყვნეს თავით თჳსით ბოროტის-ყოფად წმიდისა მისდა, მიუ\წერეს
Line of ed.: 40    ამისთჳს წიგნი შესმენისაჲ მეფესა უშჯულოსა მაქსიმიანეს,
Page of ed.: 65   Line of ed.: 1    ვითარმედ "ათანასი ქრისტეანე არს და იღუწის იგი ყოვლითა მოსწრა\ფებითა
Line of ed.: 2    ქრისტეანობისათჳს და პატივსსცემს და ადიდებს ეკლესიათა
Line of ed.: 3    ქრისტიანეთასა და შეურაცხ-ყოფს და აგინებს კერპთა და მსახურთა
Line of ed.: 4    მათთა. უწყებულ იყავნ ამას თჳთმპყრობელობაჲ თქუენი მეფე, რამეთუ
Line of ed.: 5    არა ვტყუვით". და ვითარცა წარიკითხა მეფემან წიგნი იგი, განცჳბრდა
Line of ed.: 6    შესმენილისა მისთჳს და შემასმენელთა. მიუგო და ჰრქუა მეინაჴეთა
Line of ed.: 7    და წინაშემდგომელთა მისთა: "მე არა ვჰგონებ, თუ ესე ჭეშმარიტ არს,
Line of ed.: 8    რომელი მოიწია ჩემდა ათანასისთჳს, რამეთუ ჯერ არს მისა, რაჲთა დაჰ\მარხოს
Line of ed.: 9    სიყვარული ჩემი უზაკუველი და პატივი უქცეველი, რომლითა
Line of ed.: 10    უღირს მას ერთგულებაჲ ჩუენდა მიმართ და პატივის-ცემაჲ და მსახუ\რებაჲ
Line of ed.: 11    ღმერთთაჲ, რომელთა მიერ ამას პატივსა ღირს იქმნა". და
Line of ed.: 12    მუნქუესვე ბრძანა წარვლინებად დასტური თჳსი, რომელმან ჭეშმარიტად
Line of ed.: 13    გამოიწულილოს მისთჳს, თუ ესე ესრჱთ არს".

Section: 6
Line of ed.: 14       6. და ვითარცა ესე იყო, არა წარჴდეს მრავალნი დღენი, ვიდრე\მდის
Line of ed.: 15    განმრავლდეს ჰამბავნი და განცხადნეს საქმენი ათანასისნი წინაშე
Line of ed.: 16    მეფისა უშჯულოჲსა. მაშინ მისწერა მან წიგნი მოციქულისა თანა
Line of ed.: 17    მპყრობელსა მას მეგჳპტელთა ჴელმწიფობისა(სა), რომელსა წერილ იყო
Line of ed.: 18    სახჱ ესევითარი: "მაქსიმიანოს მეფჱ, მძლჱ და თჳთმპყრობელი, ჴელმწი\ფესა
Line of ed.: 19    ეგჳპტისასა გიკითხავ! მშჳდობაჲ თქუენ თანა. ყოველნი კაცნი,
Line of ed.: 20    უფროჲსღა ჴელმწიფებისა ჩემისა უბიწოჲსანი, ღმერთთა ქველის-მოქ\მედთა
Line of ed.: 21    ჰმსახურებენ და არავის მათგანსა ჰნებავს უცხო-ყოფაჲ თავისა
Line of ed.: 22    თჳსისაჲ მათგან, ხოლო ეგე ათანასი, უცხო-ქმნული სახიერებისაგან
Line of ed.: 23    მათისა, თავით თჳსით მამხილებელი უგუნურებისა თჳსისაჲ. ვინაჲთგან
Line of ed.: 24    მოიწია ჩემდა მისთჳს, ვითარმედ მსახურ არს ეგე უმსახურებელსა მას
Line of ed.: 25    შჯულსა ქრისტეანეთასა, გჳბრძანებიეს, ვითარცა ჭეშმარიტისა შჯუ\ლისა
Line of ed.: 26    დამამტკიცებელსა, რაჲთა გამოიწულილოს მისთჳს შჯულითა
Line of ed.: 27    ჭეშმარიტითა და მიეგოს მას მსგავსად საქმისა მისისა და უკუეთუ
Line of ed.: 28    მოიქცეს უკეთურებისაგან მისისა, შეენდოს მას ცთომილება იგი და
Line of ed.: 29    ჩუენ ვჰგიეთ პირველსავე მას სიყუარულსა მისსა, დანერგულსა ჩუენ
Line of ed.: 30    თანა უფროჲსღა პირველისა აწ; და მიიღოს მან მთავრობაჲ ყოველსა
Line of ed.: 31    საბრძანებელსა ჩუენსა და უაღრესობაჲ ყოველთა მთავართა ჩუენთაჲ
Line of ed.: 32    და პატივი და დიდებაჲ პალატსა შინა ჩუენსა საუკუნოდ. და კუალად,
Line of ed.: 33    უკუეთუ დაადგრეს იგი მასვე უგუნურად მსახურებასა ქრისტეანეთა
Line of ed.: 34    თანა, განიყვანეთ იგი სასოებისაგან ამის ცხოვრებისა პირითა მახჳლი\საჲთა
Line of ed.: 35    და მშჳდობით იყვენით".

Section: 7
Line of ed.: 36       7. და ვითარ მიიღო ჴელმწიფემან მან ეგვიპტისამან წიგნი იგი
Line of ed.: 37    მეფისაჲ, გამოუცხადა ესე წმიდასა ათანასის და ჰრქუა მას: "რაჲსთჳს,
Line of ed.: 38    უფალო ჩემო ათანასი, გულს-იდგინე დატევებაჲ და განშორებაჲ ესო\დენთა
Line of ed.: 39    პატივთა და დიდებათაჲ და კადნიერებაჲ წინაშე მეფეთა
Line of ed.: 40    თჳთმპყრობელთა და შეურაცხთა ქრისტეანეთა თანა შეერთებაჲ, და
Page of ed.: 66   Line of ed.: 1    უცხო-ყოფაჲ გნებავს წესსა ბერძენთასა განთქუმულისა და წარწყმედაჲ
Line of ed.: 2    ესოდენთა დიდებათა და პატივთაჲ". მიუგო წმიდამან ათანასი და
Line of ed.: 3    ჰრქუა მას: "ესე დიდებაჲ და პატივი, ჵ მსაჯულო, მცირედ ჟამისაჲ
Line of ed.: 4    და წარმავალი არს". ხოლო მსაჯულსა მას ჰრცხუენოდა წმიდისა მის\გან
Line of ed.: 5    და ეზარებოდა სიტყუად მისა პატიოსნებისა და დიდებულებისა
Line of ed.: 6    მისისთჳს და ინება, რაჲთამცა მოაქცია გონებაჲ მისი მის თანავე კერპთ-\მსახურებად,
Line of ed.: 7    და ჰრქუა მას: "მოვედ, უფალო ჩემო ათანასი, და შთა\ვიდეთ
Line of ed.: 8    კულიზმად, რამეთუ მე უწყი, ვითარმედ მუნ ქრისტეანენი ფრიად
Line of ed.: 9    არიან და ეკლესიანი მრავალ, და დაჴშენ იგინი, და ოდეს მიიწიოს ესე
Line of ed.: 10    მეფისა, შეგიმატოს შენ პატივი და დიდებაჲ უფროჲს პირველისა".
Line of ed.: 11    მიუგო წმიდამან ათანასი და ჰრქუა: "აჰა ესერა მე შთამოვიდე კულიზ\მად
Line of ed.: 12    და ვესავ ქრისტესა, ძესა ღმრთისასა, ვითარმედ მუნ შინა აღეს\რულოს
Line of ed.: 13    ნებაჲ გულისა ჩემისაჲ". და მუნქუესვე წარემართა იგი ერი\თურთ
Line of ed.: 14    მისით გზასა მას უდაბნოჲსასა, რომელი მივალს კულიზმად.

Section: 8
Line of ed.: 15       8. და ვითარცა მიეახლნეს ციხესა მას კულიზმისასა, მცირედ გან\შორებულად
Line of ed.: 16    ადგილსა მას, რომელსა დანერგულ არს სახჱ ჯუარისა
Line of ed.: 17    პატიოსნისაჲ, მუნ გარდაჴდა წმიდაჲ ათანასი ეტლთაგან თჳსთა და მო\იდრიკნა
Line of ed.: 18    მუჴლნი. და კუალად აღიხილნა ზეცად და აღიპყრნა ჴელნი
Line of ed.: 19    თჳსნი, მრავლითა ცრემლითა ილოცვიდა სულთ-თქუმით უფლისა მიმართ
Line of ed.: 20    და თქუა: "ჵ, უფალო ღმერთო, ყოვლისა მპყრობელო, რომელი მკჳდრ
Line of ed.: 21    ხარ ნათელსა მას მიუახლებელსა, რომელი უხილავ ხარ ყოველთაგან და
Line of ed.: 22    მიუწდომელ ყოველთა მიერ არსთა, რომლისაგან ძრწიან ყოველნი დაბა\დებულნი,
Line of ed.: 23    ხილულნი და უხილავნი, რომელი იშევ სულისაგან წმიდისა
Line of ed.: 24    და მარიამისაგან ქალწულისა, რომელმან განიყვანე ერი იგი ებრაელთაჲ
Line of ed.: 25    ზღუასა მას მეწამულისა! შეიწყალე სული ჩემი მდაბალი და შემინდვენ
Line of ed.: 26    შეცოდებანი ჩემნი და აღმისრულე ნებაჲ ჩემი ციხესა ამას შინა და
Line of ed.: 27    დაამტკიცენ წმიდანი ეკლესიანი შენნი სარწმუნოებასა ზედა სამოცი\ქულო
Line of ed.: 28    კათოლიკე ეკლესიისასა მართლმადიდებლობით, რამეთუ წმიდა
Line of ed.: 29    არს სახელი შენი, მამისა და ძისა და წმიდისა სულისაჲ, აწ და მარა\დის
Line of ed.: 30    და უკუნითი უკუნისადმდე, ამენ". და ვითარცა აღასრულა ლოც\ვაჲ
Line of ed.: 31    თჳსი, აღჯდა იგი ეტლთა თჳსთა და შევიდა კულიზმად და მუნ\ქუესვე
Line of ed.: 32    აღასრულა მათ თანა სიხარულით დღესასწაული იგი ქრისტჱს\შობისაჲ
Line of ed.: 33    და მრავლითა სამკაულითა შეამკვნა და სიხარულით განაბრწყინვა
Line of ed.: 34    ეკლესიანი ქრისტჱსნი. და ვითარცა განჰჴდა ჰანბავი მისთჳს, ვითარმედ
Line of ed.: 35    წმიდამან ათანასი ადიდნა ეკლესიანი და პატივცემულ ყვნა ქრისტეანენი,
Line of ed.: 36    ეუწყა ესე მსაჯულსა მასცა და შეეშინა. და მუნქუესვე მოიწია კულიზმად
Line of ed.: 37    და განაცხადა ბრძანებაჲ მეფისაჲ და ბრძანა დაჴშვაჲ ეკლესიათაჲ.

Section: 9
Line of ed.: 38       9. მაშინ შფოთი დიდი იყო ქალაქსა მას შინა, უფროჲსღა დაჴ\შვისათჳს
Line of ed.: 39    ეკლესიათაჲსა. და კუალად იწყო მსაჯულმან მან ვედრებად
Line of ed.: 40    წმიდისა ათანასისა და ეტყოდა: "რაჲსთჳს, უფალო ჩემო ათანასი,
Line of ed.: 41    გიყოფიეს თავი შენი სულელ და მიგიცემიეს ესევითარსა უნდოსა და
Page of ed.: 67   Line of ed.: 1    შეურაცხსა შჯულსა და იქმნები სარცხჳნელ მტერთაგან და მოყუარე\თა".
Line of ed.: 2    მიუგო მას წმიდამან ათანასი და ჰრქუა: "გარქუ შენ პირველად
Line of ed.: 3    და კუალადცა გეტყჳ, ვითარმედ ესე სირცხჳლი მეყავნ მე მიზეზ ცხო\რებისა
Line of ed.: 4    საუკუნოჲსა; ყავ უკუე აწ, ვითარცა გნებავს, რამეთუ არა ვჰმსა\ხურებ
Line of ed.: 5    ეშმაკთა და არცა თაყუანის-ვსცემ კერპთა, და ამისთჳს დაუ\ტევებ
Line of ed.: 6    ყოველსა სუფევასა სოფლისა ამის წარმავალისასა, რაჲთა
Line of ed.: 7    მკჳდრ ვიქმნე ქრისტჱს თანა, და ნეტარ, თუმცა ისმინე ჩემი და გუ\ლისჴმაყო
Line of ed.: 8    დამბადებელი შენი და შენცამცა დაემკჳდრე მეუფისა და უფ\ლისა
Line of ed.: 9    ჩემისა თანა, იესუ ქრისტჱსა". მიუგო და ჰრქუა მას მსაჯულმან
Line of ed.: 10    მან: "ისმინე ჩემი და უგე ღმერთთა და დაემორჩილე ბრძანებასა მეფისა
Line of ed.: 11    ჩუენისა თჳთმპყრობელისასა, უკუეთუ არა, მაიძულო მე, რაჲთა აღვას\რულო
Line of ed.: 12    ბრძანებაჲ მისი შენ ზედა და დავივიწყო და შეურაცხვყო ყოვე\ლი
Line of ed.: 13    დიდება შენი და ვიწყო გუემად შენდა". ჰრქუა მას ნეტარმან ათა\ნასი:
Line of ed.: 14    "მრავალგზის გეტყოდე შენ და კუალადცა გეტყჳ შენ აწ, ვითარ\მედ
Line of ed.: 15    არა უგებ კერპთა და არცა მამასა თქუენსა ეშმაკსა თაყუანის-ვსცემ
Line of ed.: 16    და არცა დავემორჩილები ბრძანებასა მეფისა თქუენისა მაქსიმიანჱს
Line of ed.: 17    მაცთურისასა, არამედ ყოვლითა სურვილითა მეუფისა ჩემისა ქრისტჱსა
Line of ed.: 18    ყოველთა დღეთა შევსწირავ მე მსხუერპლსა ქებისასა". მაშინ აღივსო
Line of ed.: 19    მსაჯული იგი გულის-წყრომითა და ჰრქუა მას: "უგე უკუე აწ და განე\რე
Line of ed.: 20    სატანჯველთაგან მომავალთა". მიუგო წმიდამან ათანასი და ჰრქუა:
Line of ed.: 21    "რომელი გნებავს, ყავ". ჰრქუა მას მსაჯულმან მან: "და არცა სიყუა\რული
Line of ed.: 22    მშობელთა შენთაჲ მიგიზიდავსა"? ჰრქუა მას წმიდამან ათანასი:
Line of ed.: 23    "არა, რამეთუ სიყუარული ღმრთისაჲ უფროჲს სიყუარულისა მშობელ\თაჲსა
Line of ed.: 24    არს, რამეთუ საღმრთონი წიგნნი იტყჳნ: "შეიყუარო უფალი
Line of ed.: 25    ღმერთი შენი ყოვლითა გულითა შენითა"

Link to cinant

(Mt. 22, 37). ჰრქუა მას
Line of ed.: 26    მსაჯულმან მან: "რომლისა ღმრთისათჳს იტყჳ"? მაშინ წმიდამან ათანა\სი
Line of ed.: 27    აღიხილნა თუალნი თჳსნი ზეცად და აღიპყრნა ჴელნი და ჰრქუა
Line of ed.: 28    მას: "ღმრთისათჳს, რომელმან ქმნა ცაჲ და ქუეყანაჲ, ზღუაჲ და ყო\ველი,
Line of ed.: 29    რაჲ არს მას შინა, რომელი მხოლოჲ არს და იყოს საუკუნოდ
Line of ed.: 30    და უკუნისადმდე". მაშინ ეტყოდეს მას ერისა კაცნი: "რაჲსათჳ უკუე
Line of ed.: 31    წინააღუდგები და შეურაცხჰყოფ მსაჯულსა"? ჰრქუა მათ წმიდამან
Line of ed.: 32    ათანასი: "რომელი მკითხა, მიუგე მას, რამეთუ არა უწყის მან საქმჱ
Line of ed.: 33    ღმრთისაჲ და არცა მოშიშთა მისთაჲ, არამედ ეშმაკთაჲ და მორჩილთა
Line of ed.: 34    მისთაჲ".

Section: 10
Line of ed.: 35       10. მაშინ განრისხნა მსაჯული იგი და ჰრქუა მას: "რომელი გინდა,
Line of ed.: 36    გიგინებიეს, და მე თავს-მიდებიეს და მე არა გაგინებ, ხოლო უგე ოდენ
Line of ed.: 37    ღმერთთა და ყოველი თავს-ვიდვათ". ჰრქუა მას წმიდამან ათანასი:
Line of ed.: 38    "ნუ ემღერი თავსა შენსა და ჟამთა წარმოჰჴდი, არავინ არს კაცთაგანი,
Line of ed.: 39    რომელსამცა ცნობაჲ აქუნდა და ეშმაკთა უგებდა და კერპთა თაყუანის-\სცემდა;
Line of ed.: 40    ვითარ ეგე შენ იტყჳ, არა ვჰყოფ, რამეთუ დაღაცათუ ბევრჯერ
Line of ed.: 41    ვიგუემო მე სატანჯველითა სახელისათჳს ქრისტჱსისა, ესე ჩემდა სი\ქადულ
Line of ed.: 42    არს და ნეტარებასა მიმამთხუევს". მიუგო მსაჯულმან მან, და
Page of ed.: 68   Line of ed.: 1    ჰრქუა: "მე გხედავ, ვითარმედ სიტყუანი ესე შენნი დიდებასა და პა\ტივსა,
Line of ed.: 2    რომელი აქამომდე გაქუნდა, მიგიღებენ, უკუეთუ არა უგო
Line of ed.: 3    ღმერთთა". ჰრქუა მას წმიდამან ათანასი: "მესმა, ვითარ ნეტარი პავლჱ
Line of ed.: 4    მოციქული იტყჳს, ვითარმედ: "სიბრძნჱ ამის სოფლისაჲ სიცოფე არს
Line of ed.: 5    წინაშე ღმრთისა"

Link to pavleni

(1.Kor. 8, 19), და წერილ არს: "წარვწყმიდო
Line of ed.: 6 სიბრძნჱ იგი ბრძენთაჲ და გულის-ჴმის ყოფაჲ მეცნიერთაჲ განვაქარვო"
Line of ed.: 7

Link to pavleni

(1.Kor. 1, 19). ჰრქუა მას მსაჯულმან მან: "არა წერილ არსა წიგნსა
Line of ed.: 8 თქუენსა, ვითარმედ "მიეცით კეისრისაჲ კეისარსა და ღმრთისაჲ
Line of ed.: 9 ღმერთსა"

Link to cinant

(Mk. 13, 17). ჰრქუა მას ნეტარმან მან: "მართლ და
Line of ed.: 10    ჭეშმარიტად სთქუ: ესე თქუა ქრისტემან სულგრძელებისა და თავს\მდებებისა
Line of ed.: 11    მისისათჳს". მიუგო და ჰრქუა მსაჯულმან მან: "ვიდრემდის
Line of ed.: 12    დამტკიცებულ ხარ ურჩებასა შენსა ზედა? განიფრთხვე აწ შესულებისა\გან
Line of ed.: 13    შენისა. ჵ სამგზის საწყალობელო, და უგე ღმერთთა და განერე
Line of ed.: 14    სატანჯველთაგან მომავალთა". ჰრქუა მას წმიდამან მან: "არა უგებ, ჵ
Line of ed.: 15    მსაჯულო, რამეთუ მეწყალის სული ჩემი, რამეთუ არა ხოლო თუ
Line of ed.: 16    ქრისტეანენი ოდენ სწყალობენ სულსა თჳსსა, არამედ წარმართნიცა,
Line of ed.: 17    და ამას შენცა არა უმეცარ ხარ, რაოდენთა წარმართთაგანთა შეუ\რაცხყვნეს
Line of ed.: 18    საცთურნი კერპთანი და ღირს იქმნეს ნიჭთა მათ საუკუნეთა,
Line of ed.: 19    რომელთაცა მე სურვიელ ვარ მიმთხუევად, და მოველი მე მათ სატანჯ\ველთა
Line of ed.: 20    შენთა მიერ". ჰრქუა მას მსაჯულმან მან: "აწ უკუე თჳნიერ
Line of ed.: 21    სატანჯველთასა არა უგება, რაჲთამცა განერი სატანჯველთა, ანუ
Line of ed.: 22    კუალად ეძიებ განზრახვასა უმჯობესისათჳს?" მიუგო და ჰრქუა მას წმი\დამან
Line of ed.: 23    მან: "მრავალგზის ვიძიე და განვიზრახე და ესე უმჯობჱსად
Line of ed.: 24    აღვირჩიე, რაჲთა ვიყო მე თანამკჳდრ ქრისტჱსა. რამეთუ ნუგეშინის\ცემაჲ
Line of ed.: 25    ჩუენი ღმრთისაგან არს, რომელმანცა იგი თქუა, ვითარმედ "ნუ
Line of ed.: 26    გეშინინ მათგან, რომელთა მოწყჳდნენ ჴორცნი თქუენნი, ხოლო სულისა
Line of ed.: 27    ვერ შემძლებელ არიან მოწყუედად, არამედ მისა გეშინოდენ უფროჲს,
Line of ed.: 28    რომელსა ჴელმწიფებაჲ აქუს სულთა და ჴორცთა თქუენთა წარწყმე\დაჲ
Line of ed.: 29    გეჰენიასა შინა"

Link to cinant

(Mt. 10, 17). და კუალად თქუა: "რომელმან არა
Line of ed.: 30 აღიღოს ჯუარი თჳსი და შემომიდგეს მე, არა არს იგი ჩემდა ღირს"
Line of ed.: 31

Link to cinant

(Lk. 12, 27). ამისათჳს არა მეშინის შენგან, არცა სატანჯველთა
Line of ed.: 32    შენთაგან". ჰრქუა მას მსაჯულმან მან: "არა უწყია, რამეთუ რომელნი
Line of ed.: 33    წინააღუდგებიან ბრძანებასა მეფისასა, მოიხდიან თავთა თჳსთა პატივსა
Line of ed.: 34    და (მიემთხუევიან) შეურაცხებასა არა მცირესა"? მიუგო წმიდამან ათა\ნასი
Line of ed.: 35    და ჰრქუა: "აჰა ესერა მომავალ არს ჟამი, ოდეს შეჰვარდეთ შენ
Line of ed.: 36    და მეფჱ შენი მაქსიმიანოს, მპარავი და მზაკუვარი, მამისა თქუენისა
Line of ed.: 37    ეშმაკისა თანა ცეცხლსა მას ჯოჯოხეთისასა დაუშრეტელსა საუკუნოდ.
Line of ed.: 38    ჵ მტერნო ღმრთისანო და ყოვლისა სიმართლისანო". მაშინ, ვითარცა
Line of ed.: 39    ესმა ესე მსაჯულსა მას, შეეშინა, რამეთუ აგინნა წმიდამან მან იგი და
Line of ed.: 40    ღმერთნი მათნი და მეფჱ მათი, და უბრძანა წარკუეთაჲ თავისა მისისაჲ
Line of ed.: 41    მახჳლითა.

Page of ed.: 69
Section: 11
Line of ed.: 1       11. და ვითარცა ესმა წმიდასა მას განბჭობაჲ ესე, ევედრა მსა\ჯულსა
Line of ed.: 2    მას, რაჲთა აცადოს მას ლოცვად. მაშინ მოიქცა აღმოსავ\ლეთად,
Line of ed.: 3    აღიხილნა თუალნი თჳსნი ზეცად და აღიპყრნა ჴელნი და თქუა:
Line of ed.: 4    "თმენით დაუთმე უფალსა, მომხედა მე და ისმინა ლოცვისა ჩემისაჲ"
Line of ed.: 5

Link to psa

(Ps. 6, 10) გმადლობ შენ, უფალო ღმერთო ჩემო, რამეთუ ღირს მყავ
Line of ed.: 6    მე აღსარებად სახელისა შენისა წმიდისა ასპარეზსა ამას შინა ღუაწლი\სასა
Line of ed.: 7    წინაშე ანგელოზთა და კაცთა, და აწ შენ, ძჳრუჴსენებელო უფალო,
Line of ed.: 8    ნუ მოიჴსენებ ცოდვათა სიჭაბუკისა და უმეცრებისა ჩემისათა, რომელნი
Line of ed.: 9    ვქმნენ უმეცარებით, არამედ შემინდვენ მე იგინი და განუსვენე სულსა
Line of ed.: 10    ჩემ(სა), მონისა შენისასა, წმიდათა შენთა თანა, რომელნი საუკუნით\გან
Line of ed.: 11    სათნო გეყვნეს შენ; შეგვედრებ სულსა ჩემსა, მიჴსენ მე, უფალო
Line of ed.: 12    ღმერთო ჭეშმარიტებისაო. მოეც, უფალო, მშჳდობაჲ სოფელსა და დაა\ყუდე
Line of ed.: 13    ზამთარი ესე, აღდგომილი ზედა წმიდათა შენთა ეკლესიათა,
Line of ed.: 14    უფალო ღმერთო, ყოვლისა-მპყრობელო, რამეთუ შენ სთქუ, უფალო,
Line of ed.: 15    ვითარმედ "ამას კლდესა ზედა სარწმუნოებისასა აღვაშჱნო ეკლესიაჲ
Line of ed.: 16    ჩემი და ბჭენი ჯოჯოხეთისანი მას არა ერეოდიან"

Link to cinant

(Mt. 16, 18).
Line of ed.: 17    მოეც, უფალო, სიმჴნჱ და მოთმინებაჲ მათ, რომელნი იდევნებიან სა\ხელისა
Line of ed.: 18    შენისათჳს წმიდისა და რომელნი საპყრობილეთა შინა მრავლითა
Line of ed.: 19    გუემითა იგუემებიან. აღმადგინე, ქრისტე მეუფეო, და აღმოაცენე მორ\ჩი
Line of ed.: 20    და კუერთხი ძლიერებისაჲ მეფეთა ქრისტეანეთაჲ ქუეყანასა ჰრომ\თასა
Line of ed.: 21    და ეთიოპიაჲსასა სადიდებელად სახელისა შენისათჳს წმიდისა,
Line of ed.: 22    და მოეც ქალაქსა ამას შინა სარწმუნოებასა მართლმადიდებელთასა
Line of ed.: 23    მიუდრეკელობაჲ და მკჳდრ ყვენ უდაბნოსა ამას შინა კაცნი უბიწონი,
Line of ed.: 24    რომელნი ადიდებდენ სახელსა შენსა მარადის დღჱ და ღამჱ უკუნი\სადმდე.
Line of ed.: 25    ჵ, უფალო ჩემო და ღმერთო ჩემო, იესუ ქრისტე, რომელმან
Line of ed.: 26    მიწოდე მე სამკჳდრებელსა მოწამეთა შენთასა, მოანიჭენ ყოველთა
Line of ed.: 27    კაცთა, რომელნი აღასრულებენ საჴსენებელსა წამებისა ჩემისასა, კე\თილნი
Line of ed.: 28    იგი ცხორებისა მის საუკუნოჲსანი. აღავსენ საუნჯენი მათნი
Line of ed.: 29    კურთხევითა შენითა და გულნი მათნი სიხარულითა და განცხრომითა
Line of ed.: 30    სულიერითა და კუალად მოეც სნეულთა კურნებაჲ და მენავეთა და
Line of ed.: 31    მოგზაურთა მათთა დაცვაჲ მშჳდობით და რომელნი ჭირსა და განსაც\დელსა
Line of ed.: 32    შეცჳვნებულ იყვნენ და გევედრებოდიან შენ სახელითა მონისა
Line of ed.: 33    შენისაჲთა, ეყავ მათ მხსნელ და მფარველ. რამეთუ შენ სთქუ, უფალო:
Line of ed.: 34    "ითხოვდით და მოგეცეს"

Link to cinant

(Mt. 7, 7), რამეთუ კაცთმოყუარე ხარ და
Line of ed.: 35    სიყუარულითა შენითა სახიერებით ყოველთა კაცთა შეეწევი მარადის.
Line of ed.: 36    გმადლობ შენ, უფალო ღმერთო ჩემო, რომელმან აღასრულენ ჟამნი ჩემნი
Line of ed.: 37    და შემრაცხე მე კრებულსა თანა წმიდათა მოწამეთა შენთასა. აღვია\რებ,
Line of ed.: 38    ვადიდებ და ვაკურთხევ სამებასა წმიდასა, სწორსა ბუნებითა,
Line of ed.: 39    აწ და მარადის და უკუნითი უკუნისადმდე, ამენ".

Section: 12
Line of ed.: 40       12. და შემდგომად ლოცვისა აღსრულებისა და დაიბეჭდა თავი
Line of ed.: 41    თჳსი, და განჰმარტეს ზეწარი, და აღვიდა და დადგა მას ზედა და
Line of ed.: 42    წარუპყრა ქედი მისი, და მოჰკუეთეს წმიდაჲ იგი თავი მისი მახჳლი\თა,
Page of ed.: 70   Line of ed.: 1    და შეჰვედრა სული თჳსი ანგელოზთა, და აღიყვანეს იგი ზეცად.
Line of ed.: 2    ხოლო წმიდაჲ იგი გუამი მისი დადვეს ციხესა მას შინა ქუეშე საკურ\თხეველსა
Line of ed.: 3    ეკლესიისასა, და არს იგი ვიდრე დღენდელად დღემდე დამარ\ხულ
Line of ed.: 4    კიდობანსა შინა და ჰგიეს უხრწნელად და განურღუეველად, და
Line of ed.: 5    მრავალნი სასწაულნი მის მიერ იქმნებიან ვიდრე დღენდელად დღედმდე.
Line of ed.: 6    აღესრულების დღესასწაული და ჴსენებაჲ წმიდისა მოწამისა ათანა\სისი
Line of ed.: 7    თთუესა ივლისსა ათცხრამეტსა ქალაქსა შინა კულიზმასა, ზღუ\ასა
Line of ed.: 8    თანა მეწამულისა. იწამა მეფობასა ჰრომთა ზედა მაქსიმიანო\სისსა,
Line of ed.: 9    ხოლო ჩუენ, ქრისტეანეთა, ზედა მეუფებასა უფლისა და
Line of ed.: 10    ღმრთისა და მაცხოვრისა ჩუენისა იესუ ქრისტჱსსა, რომლისაჲ არს
Line of ed.: 11    სუფევაჲ, ძალი და დიდებაჲ, პატივი და თაყუანისცემაჲ მამისა თანა
Line of ed.: 12    სულით წმიდითურთ აწ და მარადის და უკუნითი უკუნისადმდე. ამენ.

Next part

This text is part of the TITUS edition of Hagiographical Texts edited by K. Kekelidze.

Copyright TITUS Project, Frankfurt a/M, 17.5.2015. No parts of this document may be republished in any form without prior permission by the copyright holder.