TITUS
Hagiographical Texts edited by K. Kekelidze
Part No. 2
Previous part

Text: Mart.Guland.  
Martyrium Gulanduchtae


On the basis of the edition in
Ḳ. Ḳeḳeliʒe,
Eṭiudebi ʒveli kartuli liṭeraṭuris isṭoriidan III,
Tbilisi 1955,
210-227
electronically prepared by Mari Simonishvili,
Tbilisi, 15.4.2015;
TITUS version by Jost Gippert,
Frankfurt a/M, 16.5.2015


Manuscripts:
Ms. A = Ath-8, 358a-368a;
Ms. B = A-95, 333v-343v


Page of ed.: 210  
Line of ed.: 1  [თთუესა ივნისსა თ]

Line of ed.: 2  სიმჴნეჲ და მოღუაწებაჲ ნეტარისა გულანდუხტისი სპარსეთს


Section: 1  
Line of ed.: 3       1. ცხორებაჲ და ღუაწლისა ძლევაჲ წმიდისა და სამგზის
Line of ed.: 4    სანატრელისა გულანდუხტისი, რომელსა ეწოდა ნათლისღებასა
Line of ed.: 5    სახელი მარიამ. უფლისა და მაცხოვრისა ჩუენისა იესუ ქრისტჱს
Line of ed.: 6    შეწევნითა, ვითარ-ესე გუესმა სარწმუნოთა და ღმრთის-მსახურთა
Line of ed.: 7    კაცთაგან, ყოველი ჭეშმარიტად ქმნული სპარსეთს შინა ხუასროვ
Line of ed.: 8    ძუელ მეფისა ზედა ორმიზდ მეფისა, დღეთა ჩუენთა, მჴევლისა
Line of ed.: 9    ღმრთისა გულანდუხტისთჳს, რომელსა ეწოდა ნათლისღებასა მა\რიამ,-
Line of ed.: 10    ესემსწრაფლ იქმნა ცუენდა აღწერად, მის მიერ ქმნული იგი,
Line of ed.: 11    რაჲთა არა იყოს დავიწყებაჲ მრავალთა ჟამთა წარსლვითა, და სხუა\ნიცა,
Line of ed.: 12    რომელნი მოვიდენ მოსაჴსენებელსა ამას, აღეშჱნებოდიან.

Section: 2  
Line of ed.: 12       2. ბერძენთ მეფობასა ღმრთის-მსახურისა მავრიკისსა კოს\ტანტინეპოვლის,
Line of ed.: 13    წელსა მეცხრესა, ინდიკტიონსა ცხრასა, გამოჩნ\და
Line of ed.: 14    აღმოსავალით - კერძო ნეტარი გულანდუხტ ქალაქსა, რომელსა
Line of ed.: 15    ჰრქჳან ნისიონ, ნათესავით სპარსი, რომელი თჳსი იყო ხუასროვ
Line of ed.: 16    მეფისა სპარსთაჲსაჲ. ამან ქრისტჱსთჳს მრავალი ტანჯვაჲ დაით\მინა.
Page of ed.: 211   Line of ed.: 1    ამას ესუა ქმარი მოგუთ-მთავარი, რომელი განვიდა მთავრად
Line of ed.: 2    გუნდთა ზედა აღმოსავალით და მოიყვანა ტყუჱ მრავალი. და
Line of ed.: 3    ტყუეთა მათგანნი მამანი შეიყვანნა სახიდ თჳსა, და იყვნეს იგინი
Line of ed.: 4    ქრისტეანენი და შიში ღმრთისაჲ აქუნდა გულსა მათსა და არა
Line of ed.: 5    შჭამდეს ნაკერპავსა, რომელსა იგი სცემდეს უფალნი თჳსნი, არა\მედ
Line of ed.: 6    მარადის იმარხვიდეს და ილოცვიდეს ღმრთისა მიმართ
Line of ed.: 7    მოუკლებელად.

Section: 3  
Line of ed.: 8       3. დღესა ერთსა შინა მოუწოდა წმიდამან ღმრთისამან
Line of ed.: 9    გულანდუხტ და ჰრქუა: "მითხართღა მე, რაჲსა არა შჭამთ საჭმელსა,
Line of ed.: 10    რომელსაა ჩუენ ვჭამთ, არამედ სხუაჲცა რაჲმე არს, რამეთუ ილო\ცავთ
Line of ed.: 11    თქუენ ღმრთისა მიმართ თქუენისა ყოველსა ჟამსა, მასწავეთ
Line of ed.: 12    მეცა." ხოლო მათ მიუგეს და ჰრქუეს მას: "ჩუენ ქრისტეანენი
Line of ed.: 13    ვართ და ღმერთსა ვჰმსახურებთ, ხოლო ნაკერპავი არა ვჭამოთ,
Line of ed.: 14    არამედ ვილოცოთ ღმრთისა მიმართ, რომელმან შექმნნა ცანი და
Line of ed.: 15    ქუეყანაჲ და ყოველი, რაჲ არს მას შინა დაბადებული. ხოლო მზჱ
Line of ed.: 16    და მთოვარჱ და ცეცხლი არა არიან ღმერთ, არამედ ესე ყოველი
Line of ed.: 17    კაცთათჳს დაჰბადა ღმერთან." ხოლო წმიდაჲ იგი გულს-მოდგინედ
Line of ed.: 18    ისმენდა მათსა მას მისა მიმართ სიტყუასა და განეღო გონებაჲ
Line of ed.: 19    მისი და მოვიდა ღმრთის-მეცნიერებასა ჭეშმარიტად. ხოლო წიდაჲ
Line of ed.: 20    იგი იყო განკჳრვებასა შინა სამ დღჱ და იხილა ანგელოზი იფლი\საჲ,
Line of ed.: 21    რომელი აჩუენებდა მას ადგილთა ორთა: ერთი იგი ადგი\ლი
Line of ed.: 22    იყო ბნელისაჲ, რომელსა შინა იყო სიმრავლჱ კაცთა ცოდვილ\თაჲ,
Line of ed.: 23    და ერთი იგი ადგილი იყო ნათელი, რომელსა შინა იყვნეს
Line of ed.: 24    კაცნი მართალნი. მიუგო წმიდამან გულანდუხტ და ჰრქუა ანგე\ლოზსა
Line of ed.: 25    მას: "უფალო, რაჲ არს ადგილი ესე ბნელისაჲ, რომელსა
Line of ed.: 26    შინა იტანჯებიან კაცნი მრავალნი?" ჰრქუა მას ანგელოზმან მან:
Line of ed.: 27    "ესენი არიან პირველნი შენნი ნათესავნი, რომელნი კერპთ ჰმსა\ხურებდეს,
Line of ed.: 28    ქმნულთა ჴელთა კაცთასა." და მერმე კუალად ჰრქუა:
Line of ed.: 29    "უფალო, რომელნი ესე ნათელსა შინა არიან, ვინ არიან?" ჰრქუა
Line of ed.: 30    მას ანგელოზმან მან: "ესენი არიან მსახურნი ღმრთისანი, რომელ\მან
Line of ed.: 31    შექმნნა ცანი და ქუეყანაჲ, და რომელთა მიიღეს ნათელი
Page of ed.: 212   Line of ed.: 1    სახელითა უფლისა ჩუენისა იესუ ქრისტჱს, ღმრთისა ჩუენისაჲთა,
Line of ed.: 2    ხოლო წმიდასა გულანდუხტს უნდა შესლვაჲ ადგილსა მას ნათლი\სასა,
Line of ed.: 3    სადა-იგი იყო ანგელოზი იგი. ჰრქუა მას ანგელოზმან მან:
Line of ed.: 4    "ვერ შემოხჳდე აქა თჳნიერ ნათლისღებისა."

Section: 4  
Line of ed.: 5       4. შემდგომად სამისა დღისა მოეგო გონებასა თჳსსა სახი\ლავისა
Line of ed.: 6    მისგან საშინელისა და განსაკჳრველისა სამთა მათ დღე\თაჲსა
Line of ed.: 7    და უთხრობდა ქმარსა თჳსსა ჩუენებასა მას, რომელი იხილა
Line of ed.: 8    შიშითა და ძრწოლით. ხოლო ქმარი იგი განრისხნა და ჰრქუა მას
Line of ed.: 9    გულის-წყრომით: "ვითარ გხედავ, გულსა შინა გაქუს სარწმუნოე\ბაჲ
Line of ed.: 10    იგი ქრისტიანეთაჲ და მით ეგე ჩუენებაჲ იხილე." ხოლო წმი\დაჲ
Line of ed.: 11    იგი მიერითგან არღარა აღვიდა საგებლად ქმრისა თჳსისა.
Line of ed.: 12    და მერმე კუალად ჰკითხვიდა ტყუეთა მათ ქრისტიანობისათჳს და
Line of ed.: 13    ჰრქუა გულსმოდგინედ: "მაუწყეთ მე;" რამეთუ უთხრობდა მათ
Line of ed.: 14    სახილავსა მას, ვითარმედ "ვიყავ განკჳრვებასა სამ დღჱ და წარ\მიყვანა
Line of ed.: 15    მე ანგელოზმან მან და მიჩუენნა მე ორნი ადგილნი: ერთი
Line of ed.: 16    ბნელისაჲ, სადა იყვნეს სატანჯველსა შინა დიდსა, რომელნი-იგი
Line of ed.: 17    ჰმსახურებდეს კერპთა, და მეორჱ იგი ადგილი ნათლისაჲ, რომელსა
Line of ed.: 18    შინა იყვნეს სიხარულსა დიდსა, რომელთა აქუნდა ნათელი ქრისტჱს
Line of ed.: 19    ღმრთისაჲ, და მინდა შესლვად ადგილსა მას ნათლისასა, ხოლო
Line of ed.: 20    ანგელოზმან მან არა მიშუა შესლვად, არამედ მრქუა მე: "უკუეთუ
Line of ed.: 21    გნებავს ადგილსა მას ნათლისასა შესლვად, პირველად ნათელი
Line of ed.: 22    მოიღე და ქრისტეანე იქენ და მერმე შემოხჳდე აქა." ხოლო
Line of ed.: 23    მათ ვითარცა იხილეს გულსმოდგინედ ღმრთისმეცნიერებაჲ იგი და
Line of ed.: 24    წადიერად კითხვაჲ ქრისტჱსთჳს, გულისჴმა-ყვეს, ვითარმედ ღმერ\თი
Line of ed.: 25    მოიყვანებს ამას ნათლად, უფროჲსი ნუგეშინის-ცემაჲ მოიპოვეს
Line of ed.: 26    და უკადნიერჱსადრე ასწავებდეს ქრისტეანობისათჳს. ხოლო წმი\დასა
Line of ed.: 27    მას მეორედ და მერმეცა მესამედ გამოეცხადა ანგელოზი
Line of ed.: 28    უფლისაჲ და ჰრქუა: "აჰა ესერა მესამედ გამოგეცხადე შენ შემდ\გომად
Line of ed.: 29    გამოცხადებისა მის, რომელი იხილე, რაჲთა ნათელი მოიღო
Line of ed.: 30    და ქრისტეანე იქმნე და უფროჲს წარჰმატო მადლსა ქრისტჱსსა."
Page of ed.: 213   Line of ed.: 1    ხოლო ნეტარმან მან ჰრქუა ანგელოზსა მას: "ქმარი ჩემი მაყენებს
Line of ed.: 2    ქრისტიანობად და მეშინის, ნუ უკუე პოვოს მშჯავრი მიზეზი ნათ\ლისღებისაჲ
Line of ed.: 3    და ქრისტიანობისაჲ." ჰრქუა მას ანგელოზმან მან:
Line of ed.: 4    "აფა ესერა მეფჱ წარჰმგზავნის მას ღუაწიდ და მუნ მოკუ\დეს,
Line of ed.: 5    ხოლო შენ ნუ უფროჲს დაჰყოვნი ნათლისღებად და ქრის\ტიანობად."
Line of ed.: 6    მერმე კუალად ჰრქუა ქმარსა თჳსსა მესამჱ იგი სახი\ლავი
Line of ed.: 7    და "რამეთუ მეფჱ წარგმგზავნის შენ ბრძოლად," არამედ
Line of ed.: 8    სიკუდილი იგი არა უთრა მას. ხოლო მან არა დაიჯერა სიტყუაჲ
Line of ed.: 9    იგი მისი და შევიდა ჩვეულებისაებრ თავყუანის-ცემად წინაშე
Line of ed.: 10    მეფისა. ვითარცა იხილა იგი მეფემან, ჰრქუა მას: "არავინ მყავს
Line of ed.: 11    შენსა უფროჲსი, ვინმცა წარვმგზავნე ბრძოლად, არამედ იწრაფე
Line of ed.: 12    დღესვე განსლვას შენ და ნუღარამცა პურსა ვანსა შინა შენსა
Line of ed.: 13    ჰშჭამ." და ვითარცა იხილა სწრაფაჲ იგი მეფისაჲ, და გამოვიდა
Line of ed.: 14    მეფისაჲთ და მივიდა ვანად თჳსა და ჰრქუა წმიდასა მას: "დედა\კაცო,
Line of ed.: 15    ჭეშმარიტად მითხარ სახოლავისა მისთჳს, რომელი იხილე;
Line of ed.: 16    რამეთუ ვითარცა შევედ მე წინაშე მეფისა თავყუანისცემად, არცა
Line of ed.: 17    მიტევა მე წინაშე დგომად და არცა პურისა ჭამად სახლსა ჩემსა,
Line of ed.: 18    არამედ მწრაფლ განსლვად ბრძოლად."

Section: 5  
Line of ed.: 19       5. ხოლო წმიდაჲ იგი გულანდუხტ, შემდგომად წარსლვისა
Line of ed.: 20    ქმრისა თჳსისა ღუაწიდ, იხარებსა უფლისა მიმართ, და რამეთუ
Line of ed.: 21    ესმა ვითარმედ, ღუაწლსა შინა მოიკლა, ეძიებდა მწრაფლ, რაჲთამცა
Line of ed.: 22    ნათელი მოიღო. და არცა უნდა ნათლისღებაჲ ცხადად შიშისათჳს
Line of ed.: 23    და ცნობისა მეფისა, და იზრახა, რაჲთა თჳსთა ტომთა თანა მივი\დეს
Line of ed.: 24    და დაივიწყნეს თჳსნი იგი ნათესავნი. და მივიდა იგი ქრის\ტეანეთა
Line of ed.: 25    მღდელთა თანა და უთხრობდა მათ ყოველსავე მას სახი\ლავსა,
Line of ed.: 26    რომელი ეჩუენა მას, და საკვრველებასა მას, რომელი იხი\ლა,
Line of ed.: 27    და ჰლოცვიდა მათ მუჴლთ-დაბნევით, რაჲთა მწრაფლ ღირს\ყონ
Line of ed.: 28    იგი ნათლისღებასა. ხოლო მღდელთა მათ ვითარცა იხილეს
Line of ed.: 29    მისი იგი წადიერებაჲ და გულისჴმა-ყვეს, რამეთუ ღმერთი მოუ\წოდს
Line of ed.: 30    მას და ჰყოფს ჭურად რჩეულად, მისცეს მას ნათელი სახე\ლითა
Line of ed.: 31    მამისაჲთა და ძისაჲთა და სულისა წმიდისაჲთა და უწო\დეს
Line of ed.: 32    მას სახელი მარიამ. და შემდგომად ნათლისღებისა,
Page of ed.: 214   Line of ed.: 1    მერვესა დღესა, ყვეს დღესასწაული დიდი ნათლისღებისაჲ, და
Line of ed.: 2    ასწავეს მას ქრისტჱს-მიერი სარწმუნოებაჲ და წარმგზავნეს სახიდ
Line of ed.: 3    თჳსა. და ვითარცა მივიდა წმიდაჲ იგი თჳსა ვანად, დაადგრა იგი
Line of ed.: 4    ლოცვასა ღმრთისა მიმართ და დაივიწყებდა იგი თჳსსა მას მამულ\სა
Line of ed.: 5    და თჳსსა ჩუეულებასა.

Section: 6  
Line of ed.: 6       6. შედგომად მრავლისა ჟამისა ნათლისღებისა წმიდისა
Line of ed.: 7    მის უწყებულ იქმნა მეფისა მისთჳს და ყოველთა ნათესავთა მისთა,
Line of ed.: 8    და არცა შესაძლებელ იყო ესე დაფარვად, ვითარცა იგი უფალ\მან
Line of ed.: 9    თქუა: "არა არს საიდულოჲ, რომელი არა გამოცხადნეს, და
Line of ed.: 10    არცა დაფარული, რომელი არა გამოჩნდეს; ყოველივე, რომელი
Line of ed.: 11    ბნელსა შინა ვთქუათ, ნათელსა შინა ისმენს; ყოველი, რომელი
Line of ed.: 12    ყურსა ესმას საუნჯესა შინა, სართულსა ზედა იქადაგოს." ესე ვი\თარცა
Line of ed.: 13    განცხადნა წმიდისაჲ მის, განრისხნა მეფჱ იგი ფრიად
Line of ed.: 14    მისთჳს და მიავლინნა ორნი უმჯობჱსთაგანნი ლიქნით სიტყუად
Line of ed.: 15    მისა და ჰრქუა: "რაჲ განიზრახე ამისა ყოფად საგნებელად მეფისა
Line of ed.: 16    და ყოველთა ნათესავთა მისთა? ინებე მწრაფლ გამოჯმნაჲ წესთა
Line of ed.: 17    მათგან ქრისტეანეთაჲსა!" ხოლო წმიდამან მან ჰრქუა მისრულთა
Line of ed.: 18    მათ მისა: "ნუ იყოფვინნ უვარის-ყოფად მეუფის იესუ ქრისრჱსი,
Line of ed.: 19    ძისა ღმრთისა ცხოველისა!" ხოლო მეფესა მას ვითარცა ესმა
Line of ed.: 20    სიტყუაჲ ესე მივლინებულთა მათ მიერ, მერმეცა მიავლინნა მისა
Line of ed.: 21    მეორედ და მესამედ და მიჰრქუა: "ესრჱთ ინებე უვარის-ყოფაჲ
Line of ed.: 22    ნათლისღებისაჲ, და იციან ღმერთთა ჩემთა-მოგიყვანო შენ ცო\ლად
Line of ed.: 23    ჩემდა!" რამეთუ ქმარი მისი მომკუდარ იყო ბანაკსა გარე,
Line of ed.: 24    ვითარცა იგ წინა წერილ არს. მერმე კუალად მიჰრქუა მეფესა:
Line of ed.: 25    "უკუეთუ დაამტკიცოს ჩემ თანა მეფემან ვითარმედ არა მოკუდეს,
Line of ed.: 26    ესემცა ვქმენ; ხოლო უკუდავისა ღმრთისა მითხოილ ვარ და ვერ
Line of ed.: 27    შესაძლებელ არს განშოვრებად მისგან." ხოლო მეფჱ იგი ძუელი
Line of ed.: 28    ხუასროვ, ვითარცა ესმა ესე, განრისხნა ნეტარისა მისთჳს და უბრ\ძანა
Line of ed.: 29    ყოველი მონაგები მისი იავრის-ყოფად და რკინითა მრჩობ\ლითა
Page of ed.: 215   Line of ed.: 1    შეკრვად ყოველი გუამი მისი და გრკალი რკინისაჲ მძიმჱ
Line of ed.: 2    დადებად ქედსა მისსა, რაჲთა ვერ შეუძლოს ზე ახილვად და ხილ\ვად
Line of ed.: 3    ცისა, და მიყვანებად იგი ექუსორიობად, სადა-იგი ჰრქჳან
Line of ed.: 4    "მოუჴსენებელ," და დღითი-დღედ ტანჯვაჲ მისი.

Section: 7  
Line of ed.: 5       7. ხოლო მეფჱ იგი ხუასროვ გუემითა დიდითა და მედგ\რითა
Line of ed.: 6    სიკუდილთა განვიდა სოფლისა ამისგან. შემდგომად მეფო\ბისა
Line of ed.: 7    მისისა ორმიზდისსა, ძისა მისისა, ღმრთის-მსახურმან მეფემან
Line of ed.: 8    ბერძენთამან მავრიკ მიუვლინა მშჳდობისათჳს ურთიერთას პაემა\ნისა
Line of ed.: 9    დადებისა მოციქულად კაცი ერთი, რომელსა სახელი ერქუა
Line of ed.: 10    არისტობულ. და მიწერა წიგნი და წარმგზავნა ორმიზდისა, სპარსთა
Line of ed.: 11    მეფისა. და ვითარცა იქცეოდა მოციქული იგი სპარსეთს შინა,
Line of ed.: 12    ესმა ნეტარისა გულანდუხტისთჳს. და გამოითხოვა სპარსთა. მეფი\საგან
Line of ed.: 13    თავით თჳსით, რაჲთამცა წყალობისა მიზეზისათჳს მივიდა
Line of ed.: 14    და იხილნა, რომელნი-იგი იყვნეს ექუსორიას ადგილსა მას, რო\მელსა
Line of ed.: 15    ჰრქჳან "მოუხსენებელ" და რაოდენნიცა იყვნენ მუნ ქრის\ტეანენი,
Line of ed.: 16    ითხოვამცა მეფისაგან განტევებაჲ, რამეთუ წესი არს მე\ფეთაჲ,
Line of ed.: 17    ვითარმედ რაჲცა სთხოვიან მოციქულთა, მიანიჭიან მეფეთა.
Line of ed.: 18    ვითარცა მოვიდა არისტობულოს საექსურიესა ას ადგილსა, პოვა
Line of ed.: 19    მუნ წმიდაჲ გულანდუხტ. გული უთქუმიდა ხილვად მისა, რამეთუ
Line of ed.: 20    ესმინა მისი იგი ტანჯვაჲ. და ვითარცა თაყუანის-სცა წმიდასა მას
Line of ed.: 21    და დიდად იზრახეს ღმრთისმსახურებისათჳს, ჰრქუა წმიდასა მას:
Line of ed.: 22    "ვჰრქუა მეფესა და გამოგითხოვო შენ და განგიყვანო შენ ამიერ."
Line of ed.: 23    ხოლო წმიდამან მან ჰრქუა: "განგესაჯო შენ წინაშე საყდართა
Line of ed.: 24    ქრისტჱსთა, უკუეთუ შენ ჰყო ეგე." ხოლო იგი დიდითა აღშჱნებითა
Line of ed.: 25    წარვიდა, მრავალი ყოფადიცა წინაჲთ ისმინა წმიდისა მისგან
Line of ed.: 26    ორმიზდ, მეფისათჳს სპარსთაჲსა, რამეთუ არა უც ყოფად მშჳდობაჲ
Line of ed.: 27    და არცა პაემანი. ვითარცა ესმა ესე, ჰლოცვიდა მას
Line of ed.: 28    და ეტყოდა, რაჲთა საკრველთა მათგან რკინისათა ევლოგიად
Line of ed.: 29    მოსცენ მას. მაშინ მოსცეს მცველთა მათ სხუაჲ საკრველი რკინი\საჲ.
Line of ed.: 30    მაშინ უბრძანა ნეტარმან მან პირველთაგანი მიცემად მისა.
Line of ed.: 31    ვითარცა მოვიდა მეფისა სპარსთაჲსა, მიიქცა მეფისა თჳსისა
Line of ed.: 32    უქმად. ვითარცა მოვიდა არისტობულოს კონსტანტინეპოლის, ყო\ველივე,
Page of ed.: 216   Line of ed.: 1    რაჲცა წინაჲთ-უთხრა ნეტარმან მან, ეგრჱცა პოვა შინა
Line of ed.: 2    სახლი თჳსი და რაჲცა შეხუდა.

Section: 8  
Line of ed.: 3       8. ხოლო წმიდაჲ იგი მოწამჱ ქრისტჱსი ვითარცა იყო
Line of ed.: 4    საპყრობილესა მას შინა, ისწავა სწავლაჲ ასურებრივი და ფსალ\მუნნი
Line of ed.: 5    დავითისნი მუნ მყოფთა მათგან ქრისტეანეთა კაცთა. ვითარ\ცა
Line of ed.: 6    ესმა ესე მეფესა ორმიზდს ნეტარისი გულანდუხტისი, ვითარმედ
Line of ed.: 7    საექუსორიჱ იგი ეკლესია ყო ქრისტიანეთა, შემდგომად ყოფისა
Line of ed.: 8    მისისა მუნ საპყრობილესა მას შინა ათვრამეტ წელი, ბრძანა მისი
Line of ed.: 9    გამოყვანებაჲ მიერ ექუსორიაჲთ, არა ვითარმცა სწყალობდა, არა\მედ
Line of ed.: 10    უფროჲსისა გუემისა და ტანჯვისა მიწევნად ღუაწლისა მძლისა
Line of ed.: 11    მის. ჰრქუა მას მეფემან: "უვარ-ყავ ნათლისღებაჲ და სარწმუნოებაჲ
Line of ed.: 12    ქრისტეანეთაჲ: კმა არს შენდა, რამეთუ ნათესავი მეფეთაჲ აგინე
Line of ed.: 13    და რჩული სპარსთაჲ ყოველი გარდააქციე და გეგულების მათი
Line of ed.: 14    ქრისტეანედ ყოფაჲ." ხოლო წმიდამან მან ჰრქუა მას: "უკუეთუ
Line of ed.: 15    გინებს ყოვლითა გულითა რწმუნებაჲ ქრისტჱს ღმრთისა ჩუენისა
Line of ed.: 16    ჭეშმარიტისაჲ, შეგიწყნარნეს თქუენცა." ესე ვითარცა ესმა ბაბი\ლოვნელთა
Line of ed.: 17    მათ, უბრძანეს ტანჯვაჲ მისი ცემითა ჭაპუკთა მიერ
Line of ed.: 18    ურიდად და ძუძუჲსა ზოგი მოხეთქეს. და ესევიტარისა მის გუე\მისა
Line of ed.: 19    დათმენისათჳს ჰმადლობდა ღმერთსა, რამეთუ ღირს იქმნა
Line of ed.: 20    სახელისათჳს მისისა ტანჯვად. და ნუგეშინის-სცემდა თავსა თჳსსა
Line of ed.: 21    და იტყოდა: "რომელმან ზღუაჲ მეწამული და იორდანჱ მდინარჱ
Line of ed.: 22    განაშოვრე, ქრისტე ღმერთო, და კუალად მუნვე მეყსეულად შეჰრთე,
Line of ed.: 23    ესე ძუძუჲსა გარდანაკუეთი არგნითა მუნვე კუალად აგე." და აღიღო
Line of ed.: 24    და აგო თჳსსავე ადგილსა მას, და იქმნა იგი ვითარცა პირველი
Line of ed.: 25    იყო. ვიტარცა იხილა საკჳრველებაჲ იგი ღმრთისა ჩუენისაჲ, რაჲთა
Line of ed.: 26    მოიქცეს ღმრთის-მეცნიერებასა, უბრძანა მათ უძჳრჱსი გუემაჲ.
Line of ed.: 27    რამეთუ შთაასხეს ძაძასა ფიფქი ნაკუერცხლოვანი და გარდააცუეს
Line of ed.: 28    თავსა და ყელსა შეჰბეჭდეს და დააგდეს ერთსა ადგილსა, რაჲთამცა
Line of ed.: 29    მოკუდა იგი მუნ, რაჲთა მისა მიმართ აღესრულოს თქუმული წი\ნაჲსწარმეტყუელისაჲ:
Page of ed.: 217   Line of ed.: 1    "ვყავ სამოსლად ჩემდა ძაძაჲ და ვექმენი
Line of ed.: 2    მათ იგავ." ხოლო წმიდისა მის გუამისა მრავალთა დღეთა
Line of ed.: 3    დათმენითა მადლითა ღმრთისაჲთა დაეცვა უვნებელად. ეუწყა
Line of ed.: 4    მეფესა, ვითარმედ არარაჲ ბოროტი შეეყო მას ეგოდენსა მის
Line of ed.: 5    გუემისა მიწევნითა. და ჰკითხა მეფემან და ჰრქუა ვითარმედ "არა\რაჲ
Line of ed.: 6    ევნოა მას ეგოდენისა მისგან ბოროტისა სატანჯველისა?"
Line of ed.: 7    მაშინ წმიდამან მან ჰრქუა მას: "მე ეგევითარსა ადგილსა განსასუე\ნებელსა
Line of ed.: 8    ვიყავ, რომელ არასადა ეგევითარი ადგილი მეხილვა, და
Line of ed.: 9    მცვიდა მე ქრისტე ღმერთი ჩემი ამათ დღეთა უვნებელად ეგევი\თარი
Line of ed.: 10    ადგილი ყოველსა მეფობასა სპარსეთისასა არა არს: ნათელი
Line of ed.: 11    გარდარეულად სავსჱ ყოვლითა შუენიერებითა და შემკული ყოვ\ლითა
Line of ed.: 12    სიბრძნითა ბრწყინვალედ."

Section: 9  
Line of ed.: 13       9. ვითარცა ესმა ესე მეფესა მას, უბრძანა მოწამისა
Line of ed.: 14    ქრისტჱსისა შთაგდებად მღჳმესა, რომელსა შინა იყო ვეშაპი გარ\დარეულად
Line of ed.: 15    დიდი. რომელნი ბორიტისა მოქმედნი არიედ კაცნი,
Line of ed.: 16    მუნ შთასთხინიან, და ვეშაპი იგი განჰლევნ მათ; რამეთუ ღმერთდაცა
Line of ed.: 17    ეპყრა მათ ვეშაპი იგი. რამეთუ ესე ჩუეულებაჲ აქუს სპარსთა,
Line of ed.: 18    რამეთუ წინაჲსწარმეტყუელისა დანიელის ზჱ ეგრჱთვე იყო ვეშაპი
Line of ed.: 19    იგი. ხოლო წმიდაჲ იგი ვითარცა შთავიდა ჯურღმულსა მას, პირი
Line of ed.: 20    აღამტკმო ვეშაპმან მან და მიჰმართა, რაჲთამცა განლია წმიდაჲ
Line of ed.: 21    იგი და უკუნ-გარე-იქცა, რამეთუ ვერ იკადრა ყოვლად მიახლებად
Line of ed.: 22    მისა. ხოლო წმიდამან მან ვითარცა იხილა გარდარეულად სიდიდჱ
Line of ed.: 23    მჴეცისა მის, შეძრწუნდა ფრიად და დასწერა ჯუარი მიმართებასა
Line of ed.: 24    მას ვეშაპისასა და დაჰჴსნა იგი. მარავალი მადლი ღმრთისაჲ გამო\ეცხადა
Line of ed.: 25    მას ჯურღმულსა მას შინა, რამეთუ ვითარცა შთააგდეს
Line of ed.: 26    იგი, შეეშინა. და ჰრქუა მას ანგელოზმან მან: "რაჲსა შეგეშინა
Line of ed.: 27    ვეშაპისა მისგან და იქმენ შეძრწუნებულ? ვერ შეუძლოს სიდიდემან
Line of ed.: 28    მაგან მჴეცისამან ვნებად შენდა, ფერჴთა ქუეშე შენთა მიგცე ეგე
Line of ed.: 29    მსგავსად წერილისა მის, რომელსა უტყჳს: "ასპიდსა და იქედნესა
Line of ed.: 30    ზედა ხჳდოდი, დასთრგუნო შენ ლომი და ვეშაპი" და მიერითგან
Line of ed.: 31    უშიშებაჲ აქუნდა წმიდასა მას. და მოვიდა ვეშაპი იგი და დაუვრ\დის
Page of ed.: 218   Line of ed.: 1    ფერჴთა თანა წმიდისა მის და უნებნ, რაჲთამცა დასდვა
Line of ed.: 2    ჴელი და იკურთხა წმიდისა მისგან. და რაჲთა არა დაუმძიმოს მუჴლ\თა
Line of ed.: 3    წმიდისა მის სიდიდისა მისგან, აღიშუერის გუამი იგი ფერჴთა\გან
Line of ed.: 4    წმიდისა მის, და რაჟამს უნებნ შთაგდებისა საზრდელი მჴეცსა
Line of ed.: 5    მას, აღემართის ზჱ და ეგრჱთ შეიპყრის საზრდელი იგი პირსა
Line of ed.: 6    მისსა, და თჳსაგან დაწვის და შეჭამის იგი ბუდესა ზედა თჳსსა,
Line of ed.: 7    რაჲთა არა აწყინებდეს წმიდასა მას. ხოლო იყო წმიდაჲ იგი
Line of ed.: 8    ჯურღმულსა მას შინა მრავალთა დღეთა უზმაჲ და მოემშია,რამეთუ
Line of ed.: 9    ბუნებაჲ თჳსსა მას ჩუეულებასა ეძიებს. ხოლო უღმრთონი იგი
Line of ed.: 10    მძლავრნი მჴეცსა მას სცემდეს საჭმელსა და წმიდასა მას არა სცემ\დეს.
Line of ed.: 11    ჰრქუა მას ანგელოზმან მან: "რაჲსა შეგეურვა შიმშილითა და
Line of ed.: 12    წყურვილითა?" ხოლო წმიდამან ჰრქუა: "ვითარ არა, უფალო,
Line of ed.: 13    ესთენთა დღეთა არარაჲსა გემოჲ მიხილავს და არამცა მოვაკლდია
Line of ed.: 14    შიმშილითა გინა თუ წყურვილითა?" მაშინ ანგელოზმან მან სახჱ
Line of ed.: 15    იგი ჯუარისაჲ დაჰბეჭდა პირსა მისსა და ჰრქუა: "ამიერითგან არა
Line of ed.: 16    გშიოდის და არცაღა გწყუროდის,არამედ ვიტარცა გინდეს ჴელმ\წიფებასა
Line of ed.: 17    შენსა, ეგრჱთცა გეყოს." ხოლო დაყო ჯურღმულსა მას
Line of ed.: 18    შინა ვეშაპისა მის თანა სამი თთუჱ. ხოლო ურჩულონი იგი ბაბი\ლოვნელნი
Line of ed.: 19    ხედვიდეს ჴელთ-განპყრობით ლოცვასა ღმრთისა მიმართ
Line of ed.: 20    მარადღჱ. და რაჟამს ჰნებავნ საზრდელისა მიღებად ჴორცთა უძ\ლურებისათჳს,
Line of ed.: 21    მცირედ პური წყალსა ნელ-თფილსა დაილბის. ესე
Line of ed.: 22    იყო საზრდელი მისი. ამას ყოველსა ჰხედვიდეს ურჩულონი იგი,
Line of ed.: 23    უთხრეს მეფესა, ვითარმედ ცოცხალ არს და არარაჲ ავნო მას
Line of ed.: 24    ვეშაპმან, არამედ ფერჴთა ზედა მისთა გორავს მჴეცი იგი. მაშინ
Line of ed.: 25    ბრძანა აღმოყვანებაჲ მისი მჴეცისა მისგან, არა ვითარმცა სწყა\ლობდა
Line of ed.: 26    ნეტარსა მას, არამედ რაჲთა უძჳრჱსი და უფროჲსი განიზ\რახოს
Line of ed.: 27    მისთჳს სატანჯველი.

Page of ed.: 219  
Section: 10  
Line of ed.: 1       10. მაშინ უბრძანა მეფემან შეგდებაჲ მისი სახლსა ერთსა
Line of ed.: 2    შინა და მრვალთა კაცთა უღმრთოთაჲ შესლვაჲ მისთანა, რაჲ\თამცა
Line of ed.: 3    შეაგინეს ტაძარი იგი ჴორცთაჲ წმიდისა მის, ვითარცა
Line of ed.: 4    იხილა იგი წმიდამან, შეძრწუნდა, ნუ უკუე უჩულოთა ჰმძლავრონ
Line of ed.: 5    მას, არამედ ევედრებოდა ღმერთსა სასოებით, რაჲთა შემწე ეყოს
Line of ed.: 6    მას, ვითარცა იგი ოდესმე დავით თქუა: "განმარინე მე, უფალო,
Line of ed.: 7    კაცსა უკეთურსა, კაცისა ცრუჳსა და მზაკუვარისაგან მეჴსენ მე."
Line of ed.: 8    ხოლო ღმერთმან დასცა სიბნელეჱ შემავალთა მათ წმიდისა მის
Line of ed.: 9    მოწამისა, ვითარცა იგი სოდომელთა მათ ლოთის ზჱ, და გარეშე
Line of ed.: 10    აქცინნა, რაჲთა არა შეეხნენ წმიდასა მას, რამეთუ არცა ჰხედვი\დეს
Line of ed.: 11    მას. ხოლო წმიდაჲ იგი ჰხედვიდა მათ ყოველთა და მესაპყ\რობილენიცა
Line of ed.: 12    იგი ჰხედვიდეს მას მჯდომარესა შოვრის სახლსა
Line of ed.: 13    მას და ვედრებასა ჰყოფდა ღმრთისა მიმართ. ხოლო ურჩულონი
Line of ed.: 14    იგი ამასცა განზრახვასა სიბილწისასა სირცხჳლეულ იქმნნეს, რამე\თუ
Line of ed.: 15    იტყოდეს ბაბილოვნელნი იგი: "გრძნეულ არს და ვერ შეუძლეთ
Line of ed.: 16    მას ძლევად."

Section: 11  
Line of ed.: 17       11. მაშინ მისცეს მას მიზეზი სიკუდილისაჲ, რამეთუ არს
Line of ed.: 18    რჩული სპარსთაჲ შებეჭდვაჲ ყელისაჲ რომელი დაისაჯის სიკუდი\ლად.
Line of ed.: 19    მაშინ შეჰბეჭდეს ყელსა მოღუაწესა მას ქრისტჱსსა და
Line of ed.: 20    მის თანა ორთა სხუათა ძჳრის-მოქმედთა, არამედ არა ქრისტეა\ნეთა,
Line of ed.: 21    რაჲთა მის ზედაცა აღესრულოს წერილი იგი: "ურჩულოთა
Line of ed.: 22    თანა შეირაცხა." და წარმგზავნეს მათთანა ადგილსა რომელსამე
Line of ed.: 23    საექუსორიესა დიდად მედგარსა, რაჲთა მუნ მოკუდეს ძჳრის-მოქ\მედთა
Line of ed.: 24    მათ თანა სიკუდილითა ბოროტითა, რამეთუ, მოჰკუეთიან
Line of ed.: 25    თავი და მოართჳან ბეჭედი იგი მეფესა, რომელსა შეუბეჭდვან
Line of ed.: 26    ყელსა. ვითარცა წარიყვანეს მტარვალთა მათ ნეტარი იგი, მგზავრ
Line of ed.: 27    გამოეცხადა მათ ანგელოზი იგი უფლისაჲ და ჰრქუა მტარვალთა
Line of ed.: 28    მათ და მჴედართა: "ვიდრე გყავს მჴევალი ეგე ქრისტჱსი? განუ\ტევეთ
Line of ed.: 29    ეგე!" ხოლო მათ შეეშინა ხილვისა მისგან საშინელისა კა\ცისა.
Line of ed.: 30    მიუგეს მტრვალთა მათ და ჰრქუეს მას: "უფალო, ბრძანე\ბაჲ
Line of ed.: 31    მეფისაჲ არს და ვერ შეუძლოთ მაგისა საქმედ ვიდრემდის
Line of ed.: 32    თავი არა მოვჰკუეთოთ და ბეჭედი იგი გებულად მივართუათ
Page of ed.: 220   Line of ed.: 1    მეფესა, თუ არა ეგრჱთ სახედ ვყოთ, ჩუენ და ნათესავი ჩუენი
Line of ed.: 2    მოწყჳდნეს." მაშინ ჰრქუა ანგელოზმან მან ღმრთისაგან: "უკუეთუ
Line of ed.: 3    ეგრჱ სახედ არს და ბეჭედი ეგე ცოცხალი შეჰგავს წარღებად თქუ\ენდა,
Line of ed.: 4    მიიღეთ და ვიდოდეთ!" მაშინ აღსძარცუა ანგელოზმან მან
Line of ed.: 5    ბეჭედი იგი ყელსა მისგან წმიდისაჲსა, მისცა მათ და განუტევნა
Line of ed.: 6    იგინი. მაშინ ჰრქუეს ანგელოზსა მას ღმრთისასა მტარვალთა მათ:
Line of ed.: 7    "უკუეთუ აგრძნეს მეფემან ვითარმედ ცოცხალ არს, ვითარ ვყოთ,
Line of ed.: 8    რამეთუ მოვწყდებით?" ჰრქუა მათ ანგელოზმან მან: "ოდეს ესმეს
Line of ed.: 9    მეფესა ვითარმედ ცოცხალ არს და მიგიწოდის თქუე, გონება
Line of ed.: 10    სამცა თქუენსა გაჴსოვ მე, და მუნ ვიპოვო მე და გიჴსნნე თქუენ
Line of ed.: 11    სიკუდილისაგან." მაშინ დაჯერებულ იქმნნეს და მოიღეს ბეჭედი
Line of ed.: 12    იგი და უჩუენეს წმიდასა მას და წარვიდეს.

Section: 12  
Line of ed.: 13       12. მაშინ გულკლებულ იქმნა წმიდაჲ იგი და ჰრქუა ანგე\ლოზსა
Line of ed.: 14    მას: "კეთილად ვიყავ აღსრულებად, უფალო!" ხოლო ანგე\ლოზი
Line of ed.: 15    იგი დაადგრა მის ზედა და ჰრქუა მას: "გნებავსა შენ თავისა
Line of ed.: 16    შენისა მოკუეთაჲ და აღსრულებად სრბაჲ სიმჴნისა შენისაჲ?"
Line of ed.: 17    ხოლო წმიდამან მან ჰრქუა: "ჰჱ, მნებავს მე!" მაშინ ანგელოზმან
Line of ed.: 18    მან უფლისამან მოიღო ჴრმალი მტარვალისა მისგან მჴედრისა და
Line of ed.: 19    აჩუენა მას და ჰრქუა: "წარმოწუადე ქედი შენი!" და მან გულს\მოდგინედ
Line of ed.: 20    წარუპყრა, და მოჰკუეთა თავი მისი. და იპოვა სამოსე\ლი
Line of ed.: 21    მისი შესუარული სისხლითა აღშჱნებისათჳს წმიდისა მის მო\წამისა.
Line of ed.: 22    და მერმე კუალად გან-ვე-აცხოველა იგი. მაშინ იხილეს
Line of ed.: 23    საკჳრველებისაჲ ესე საქმჱ მჴედართა მათ და მიიქცეს მეფისავე
Line of ed.: 24    მის და მისცეს ბეჭედი იგი ცოცხალი. მაშინ ჰრქუა ანგელოზმან
Line of ed.: 25    მან წმიდასა მოწამესა ქრისტჱსსა: "აჰა ესერა მახჳლითა აღასრუ\ლე
Line of ed.: 26    ღუაწლი შენი და შეიწირე შენ ღუაწლითა შენითა ცათა შინა,
Line of ed.: 27    ღირს იქმნა ვედრებაჲ შენი ღმრთისა." და ღირს იქმნა წმიდა   ჲ
Line of ed.: 28    იგი მადლისა წინაცნობად და კურნებისაცა, და აქუნდა წყლულე\ბაჲცა
Line of ed.: 29    იგი ქედსა მისსა აღსაშჱნებელად მხილველთა მისთა და
Line of ed.: 30    სისხლი იგი სამოსელსა მისსა, რაჲთა უფროჲს სარწმუნო იქმნეს.
Line of ed.: 31    რამეთუ იყვნეს რომელნიმე სახლისა მისისაგანი, რომელნი უკუ\ანა
Line of ed.: 32    შეუდგეს მამანი, რომელნი სწყალობდეს წმიდასა მას ტანჯვასა
Page of ed.: 221  
Line of ed.: 1    მას შინა. მაშინ ჰრუქა მათ ანგელოზმან მან ღმრთისამან: "წარი\ყვანეთ
Line of ed.: 2    ეგე და წარვედით საბერძნეთად!" და დაუცჳნეს იგინი
Line of ed.: 3    ანგელოზსა მას ღმრთისასა და ჰრქუეს: "ჰჱ, რაჲთა ვილოცოთცა
Line of ed.: 4    წმიდათა და ღმრთისა სათნოთა ადგილთა იერუსალჱმს!" მაშინ
Line of ed.: 5    წარმოიყვანეს წმიდაჲ იგი თჳსთავე მათ კაცთა და იწყეს გზავნად
Line of ed.: 6    საზღუართა მზის აღმოსავალით-კერძო ღმრთისა წინამძღუარებითა
Line of ed.: 7    და მიიწინეს მდინარესა მას ევფრატსა და წიაღჳდეს იგინი და
Line of ed.: 8    დაადგრეს ქალაქსა, რომელსა ჰრქჳან ნისიონ. მრავალთა მოაქ\ცევდა
Line of ed.: 9    უფლისა, და ცხადთაგან და თითოფერთა სალმობათაგან
Line of ed.: 10    ჰკურნებდა ყოველთა.

Section: 13  
Line of ed.: 11       13. ხოლო ეუწყა ორმიზდ, მეფესა სპარსთასა, ვითარმედ
Line of ed.: 12    ცოცხალ არს წმიდაჲ გულანდუხტ, და იპოვა იგი ნისიონ ქალაქსა,
Line of ed.: 13    და უბრძანა მოყვანებაჲ კაცთაჲ მათ, რომელთა ბეჭედი გებულად
Line of ed.: 14    მოართუეს, და ჰრქუა მათ: "არა სთქუთა, ვითარმედ მოკუდა გუ\ლანდუხტ?"
Line of ed.: 15    ხოლო მესაპყრობილეთ-მოძღუარმან ჰრქუა მეფესა:
Line of ed.: 16    "უკუნისადმდე ცხომდი! ვითარცა მივიდოდეთ ჩუენ გზასა, კაცი
Line of ed.: 17    ვინმე, გარდარეულად შუენიერი, რომლისა პირსა მისსა ვერ
Line of ed.: 18    შეუძლეთ განცდად, დაგჳდგა წინა და გურქუა: "ვიდრე მიგყავს
Line of ed.: 19    წმიდაჲ ეგე?" განუტევეთ ეგე!" ხოლო ჩუენ ვარქუთ: "ბრძანებაჲ
Line of ed.: 20    მეფისაჲ არს, და ვერ შეუძლოთ ესე ყოფად, ვიდრემდის არა მო\კუდეს
Line of ed.: 21    და მოეკუეთოს თავი და ბეჭედი ეგე გებულად უკუნ-ვარ\თუათ
Line of ed.: 22    მეფესა. ვითარცა ესმა ესე ჩუენგან , მიყო ჴელი მისი და
Line of ed.: 23    შეახო ქედსა მისსა და აღსძარცუა ბეჭედი იგი და მოგუცა ჩუენ
Line of ed.: 24    ცოცხალი. და მიიღო ჴრმალი ჩემი და მოჰკუეთა თავი წმიდასა
Line of ed.: 25    გულანდუხტს, რამეთუ გულსა აკლდა წმიდასა მას არა მოკლვაჲ
Line of ed.: 26    იგი მისი და მერმე აღძარცუვაჲ ბეჭდისა მის, რაჲთა აღესრულოს
Line of ed.: 27    მარტვრობაჲ იგი მისი. შემდგომად თავისა მოკუეთისა წმიდასა
Line of ed.: 28    მას მუნვე ჩუენ წინაშე დააგო თავი იგი მისი და განაცოცხლა იგი,
Line of ed.: 29    ხოლო შესუარულ იყო სისხლითა ყოველი სამოსელი მისი. მაშინ
Line of ed.: 30    განგჳტევნა ჩუენ და იგიცა წარსლვად, სადაცა ვის უნდეს." ვითარ\ცა
Line of ed.: 31    ესმა ესე მეფესა ორმიზდს, განრისხნა წმიდისა მისთჳს და
Page of ed.: 222   Line of ed.: 1    უბრძანა ყოვლისა ნათესავისა წმიდისა მის გუემად და მოსრვად.
Line of ed.: 2    მაშინ აქუნდა კაცთა მათ გონებასა მათსა ანგელოზი იგი უფლისაჲ,
Line of ed.: 3    რომელ გამოეცხადა მათ. და მეყსეულად იხილეს იგი მუნ მდგო\მარჱ
Line of ed.: 4    და იწყეს ჴმობად და ჰრქუეს: "აჰა ესერა არს, რომელმან
Line of ed.: 5    იგი ბეჭედი მოგუცა ჩუენ" და უჩუენებდეს მას თითითა. ხოლო მეფჱ
Line of ed.: 6    და ყოველნი იგი დიდ-დიდნი მთავარნი არავის ჰხედვიდეს, არამედ
Line of ed.: 7    შეძრწუნებულ იქმნნეს და ჰგონებდეს, ვითარმედ შიში მეფისაჲ
Line of ed.: 8    შეურაცხყვეს და ამას იხილვიდეს. ხოლო მეფემან არავისი ბრძანა
Line of ed.: 9    მოკლვაჲ მათგანისაჲ, არამედ მისლვაჲ მათი უდაბნოდ ექუსორიად,
Line of ed.: 10    რომელსა ჰრქჳან "დავიწყება," რაჲთა არა იყოფვოდიან სამეუფოსა
Line of ed.: 11    ქალაქსა შინა სპარსთასა და ასწავებდენ სხუათაცა სარწმუნოებასა
Line of ed.: 12    ქრისტეანეთასა და მოაქცევდენ.

Section: 14  
Line of ed.: 13       14. და ვითარცა იყოფვოდა გულანდუხტ, რომელსა ეწოდა
Line of ed.: 14    მარიამ, ქალაქსა მას, რომელსაცა ეწოდა ნისიონ, მრავალთა დღეთა,
Line of ed.: 15    მრავალთა კურნებათა აღასრულებდა და მოაქცევდა ქრისტჱს
Line of ed.: 16    ღმრთისა მიმართ. და ვითარცა იქმნა შფოთისა აღდგომაჲ ორმიზდ
Line of ed.: 17    მეფისა ზედა სპარსთაჲსა, რომელმანცა იგი მიაწინა დიდ-დიდნი
Line of ed.: 18    გუემანი მის ზედა, დაიდვა გულსა მისლვად იერუსალჱმდ და თავ\ყუანის-ცემად
Line of ed.: 19    წმიდათა ადგილთა. ვითარცა მიიწინეს ადგილსა
Line of ed.: 20    ერთსა, და დაადგრეს მონასტერსა ერთსა, ხოლო მონასტერი იგი
Line of ed.: 21    არამართლმადიდებელთაჲ იყო. და ვითარცა უნდა ნეტრსა მას ზია\რებად
Line of ed.: 22    პატიოსნისა ჴორცისა და ჭეშმარიტისა სისხლისა ქრისტჱსი\სა,
Line of ed.: 23    ჰგონებდა მათსა მართლმადიდებლობასა. ჰკითხეს წმიდასა მოწა\მესა
Line of ed.: 24    ქრისტჱსსა: "რომლისა სარწმუნოებისაჲ ხარი?" ხოლო ნეტარ\მან
Line of ed.: 25    მან მსგავსად ჩუეულებისა,- რამეთუ აქუნდა ჭეშმარიტი სიძჱ,
Line of ed.: 26    იესუ ქრისტჱ,- ქადაგა მართლმადიდებლობაჲ და თქუა: "მე ქრის\ტიანჱ
Line of ed.: 27    ვარი და ვეზიარები წმიდასა კათოლიკე ეკლესიასა." ვითარ\ცა
Line of ed.: 28    ესმა მონასტერსა მას წმიდისა კათოლიკე ეკლესიისა სამოცი\ქულოჲსა
Line of ed.: 29    სიტყუაჲ, არღარა შეიწყნარეს ზიარებად იგი. ხოლო
Line of ed.: 30    წიდაჲ იგი გარე-წარჴდა მათ და დაადგრა სხუასა სახლსა და
Page of ed.: 223   Line of ed.: 1    პოვნა მას სახლსა ცოლ-ქმარნი. ხოლო ცოლი იგი იყო სარწმუ\ნოებითა
Line of ed.: 2    კათოლიკე ეკლესიისა სამოციქულოჲსაჲთა, ხოლო ქმარი
Line of ed.: 3    მისი უთავოთაგანი, რომელთა აქუს სევერჱს წვალებაჲ. ხოლო წმი\დამან
Line of ed.: 4    არცა მუნ ინება ზიარებაჲ,რამეთუ გამოეცხადა მას მართლ\აღსაარებაჲ:
Line of ed.: 5    ჰხედვიდა ანგელოზსა უფლისასა, ვითარმედ შევიდის
Line of ed.: 6    მართლმადიდებელთა ეკლესიასა იგი და ანგელოზი იგი. და ეპყრნეს
Line of ed.: 7    მას ორნი ბარძიმნი: მარჯუენჱ იგი სავსჱ იყო ნათლითა, ხოლო მარ\ცხენითი
Line of ed.: 8    იგი სავსჱ იყო ბნელითა. ხოლო წმიდამან ჰრქუა ანგელოზ\სა
Line of ed.: 9    მას: "უფალო, რაჲ არს სხუაჲ ესე და სხუაჲ სასუმელთაჲ მათ?
Line of ed.: 10    ხოლო მან ჰრქუა მას: "სასუმელი ეგე მარჯუენითი ნათლისაჲ არს
Line of ed.: 11    ზიარებაჲ წმიდისა და სამოციქულო კათოლიკე ეკლესიისაჲ, ხოლო
Line of ed.: 12    მარცხენითი ეგე არს მწვალებელთაჲ, მედგრად მორწმუნეთაჲ." ხო\ლი
Line of ed.: 13    ესე ვითარცა ისწავა წმიდამან ქრისტჱს მოწამემან ანგელოზისა
Line of ed.: 14    მისგან, და აღეშჱნა; მიერითგან მოუკლებელად წმიდასა და სამო\ციქულო
Line of ed.: 15    კათოლიკე ეკლესიასა ეზიარებოდა წმიდასა ჴორცსა და
Line of ed.: 16    სისხლსა ქრისტჱსსა.

Section: 15  
Line of ed.: 17       15. შემდგომად ამის სახილავისა წარვიდა მიერ ადგილით
Line of ed.: 18    და ეგულებოდა მისლვად სერგის წმიდასა ბარბარიკონდ ლოცვად.
Line of ed.: 19    და შემდგომად ლოცვისა მის მუნ წარემართა იერუსალჱმდ ლოცვად
Line of ed.: 20    და თავყუანისცემად წმიდათა და საგალობელთა ადგილთა ქრის\ტჱსთა.
Line of ed.: 21    ვითარცა იქცეოდა წმიდასა ქალაქსა შინა, მივიდა მონაზო\ნისა
Line of ed.: 22    ერთისა დიდისა, რომელსა აქუნდა მადლი წინაცნობისაჲ. ვითარ\ცა
Line of ed.: 23    იხილა იგი მონაზონმან მან, წინაჲთვე მოიკითხა იგი და ჰრქუა:
Line of ed.: 24    "კეთილად მოხუედ, მართჳრო და სძალო ქრისტჱს ღმრთისაო!" ხოლო
Line of ed.: 25    იგი სიმდაბლით მისა მიმართ შიშით ზრახვიდა და შეისწავებდა სიტ\ყუასა
Line of ed.: 26    და ჰრქუა: "უფალო ჩემო, მრავალთა დღეთა მრავალი სიტ\ყუაჲ
Line of ed.: 27    სარგებლისაჲ ვისმინე მე აქა და აღშჱნებისაჲ." ხოლო ბერმან
Line of ed.: 28    მან სულთ-ითქუნა და ცრემლნი გარდამოსთხინა და ჰრქუა წმიდასა
Line of ed.: 29    მას, რომელსა ნეტარიცა იგი თჳთ მეცნიერ იყო: "რამეთუ მოახ\ლებულ
Line of ed.: 30    არს აღსასრული და მოსლვაჲ ანტჱქრისტჱსი, ვილოცვიდეთ
Line of ed.: 31    უკუე, რაჲთა უფალმან მშჳდობით განგჳყვანნეს ამიერ სოფლით."
Page of ed.: 224   Line of ed.: 1    ესე ვითარცა ესმა წმიდასა მას ბერისა მისგან, ჯუარი დასწერა და
Line of ed.: 2    თქუა ბერისა მიმართ: "უფალო, ოდეს მეცა შეყენებულ ვიყავ
Line of ed.: 3    საპყრობილისა ადგილსა, რომელსა ჰრქჳან "დავიწყებულ," მესმა
Line of ed.: 4    ანგელოზისა მისგან, რომელი თქუა: "მოახლოებულ არს მოსლვაჲ
Line of ed.: 5    ანტჱქრისტჱსი და ახლოს არს კართა ზედა." და სახილავისა მის\თჳსცა
Line of ed.: 6    და წინაცნობისა სიტყუაჲ დაასრულა ბერისა მის თანა.
Line of ed.: 7    მაშუნ ჰამბორს-უყვეს ურთიერთას. ბერი იგი დაადგრა მუნვე, სა\დაცა
Line of ed.: 8    იგი იყო, ადგილსა მას, ხოლო ნეტარმან მან აღასრულა
Line of ed.: 9    ლოცვაჲ თჳსი, სადაცა-იგი გული უთქუმიდა, და აღივსო წმიდათა
Line of ed.: 10    ადგილთა მადლისაგან, სადაცა-იგი ივნო ქრისტემან ჴორცითა და
Line of ed.: 11    სასწაულნი ქრისტჱს ღმრთისანი იქმნნეს.

Section: 16  
Line of ed.: 12       16. კუალად მიიქცა და მივიდა ადგილთა იეროპოლისათა
Line of ed.: 13    და დაადგრა აღმოსავალით-კერძო ეგუტერსა სჳმეონისსა ხილვად
Line of ed.: 14    მეფისა მის ბაბილოვნისა - რაჲ იგი მისდა შეხდომად იყო,
Line of ed.: 15    რამეთუ წინაჲთვე გჳთხრა ჩუენ მარტჳრმან მან ქრისტჱსმან ხუასროვ
Line of ed.: 16    მეფისაჲცა ახლისაჲ გაქცევაჲ და მერმე კუალად-გებაჲ და რამეთუ
Line of ed.: 17    ადრე დაჰჴდეს მეფობაჲ სპარსთაჲ.და არისტობულჱსიცა თქუა
Line of ed.: 18    თუ რომელსა ჟამსა და რომელსა დღესა ყოფად არს სიკუდილი
Line of ed.: 19    მისი, მახლობელთა მისთა უთხრა და ჩუენცა გუაუწყა. და არამრა\ვალთა
Line of ed.: 20    შემდგომად მოკუდა იგი დღესა მას, რომელსა ჰრქუა წმი\დამან.
Line of ed.: 21    მრავალთა მთავართა და ღმრთის-მოყუარეთა კაცთა იხი\ლეს
Line of ed.: 22    წმიდაჲ იგი მოწამჱ ქროსტჱსი და ყოველი იგი წინადაწერილი
Line of ed.: 23    და გჳთხრობდეს ყოვლად; და უფროჲს ხოლო დომენტიანე მელენ\ტიანელი
Line of ed.: 24    ეპისკოპოსი, რამეთუ დიდად პატივს-ცემდა მარტჳრსა მას
Line of ed.: 25    ქრისტეჱსსა, და სხუათაცა მრავალთა კაცთა მეპატივეთა ადიდეს
Line of ed.: 26    წმიდაჲ იგი.

Section: 17  
Line of ed.: 27       17. ხოლო ღმრთის-მსახურმან მეფემან ბერძენთამან მავ\რიკ
Line of ed.: 28    წარავლინა დომენტიანე ეპისკოპოსი, თჳსი დისწული, აღმო\სავალად
Line of ed.: 29    მეფისა სპარსთაჲსა, რაჲთა ზრახონ მშჳდობაჲ. ვითარცა
Line of ed.: 30    მიიწია იგი ადგილთა მათ აღმოსავალით-კერძო, ეუწყა მას გულან\დუხტისთჳს,
Line of ed.: 31    რომელსა მარიამ ეწოდა. და ვითარცა შევიდა
Line of ed.: 32    ქალაქად იერაპოლისად, მიიმართა ეგუტერად სჳმეონ წმიდისად
Page of ed.: 225   Line of ed.: 1    და მოიკითხა წმიდაჲ იგი და ყო ზრახვაჲ მის თანა და მოისმინა
Line of ed.: 2    მისგან ყოველივე, რომელი ზემო წერილ არს, რომელ დაითმინა
Line of ed.: 3    ტანჯვაჲ ქრისტჱსთჳს, და სხუაჲცა, რომელი ყოფად იყო დღეთა
Line of ed.: 4    ჩუენთა, წინა აუწყა, უთხრობდა ეპისკოპოსი იგი ნეტარსა მას,
Line of ed.: 5    ვითარმედ "მეფემან ჩუენმან მომავლინა მე მშჳდობისა ყოფად და
Line of ed.: 6    პაემანისა დადებად სპარსთა მეფისა." ხოლო წმიდამან მან ჰრქუა
Line of ed.: 7    მას: "მიუწერეთ მეფესა თქუენსა, რაჲთა დააცადონ ჯერეთ, რამე\თუ
Line of ed.: 8    ესე ორმიზდ თჳსთაგან კაცთა მედგრითა გუემითა მოკუდეს. და
Line of ed.: 9    შემდგომადცა მისა რომელი ყოფად იყო დღეთა
Line of ed.: 10    ჩუენთა, წინა აუწყა. უთხრობდა ეპისკოპოსი იგი ნეტარსა მას,
Line of ed.: 11    ვითარმედ "მეფემან ჩუენმან მომავლინა მე მშჳდობისა ყოფად და
Line of ed.: 12    პაემანისა დადებად სპარსთა მეფისა." ხოლო წმიდამან მან ჰრქუა
Line of ed.: 13    მას: "მიუწერეთ მეფესა თქუენსა, რაჲთა დააცადონ ჯერეთ, რამე\თუ
Line of ed.: 14    ესე ორიზდ თჳსთაგან კაცთა მედგრითა გუემითა მოკუდეს. და
Line of ed.: 15    შემდგომადცა მისა რომელი დაჯდეს, სახელით ხუასროვ, მის ზე\დაცა
Line of ed.: 16    აღდგომად არიან სპარსნი, და სივლტოლით მოვიდეს საბერძ\ნეთად."
Line of ed.: 17    ვითარცა ეუწყა ღმრთის-მსახურსა მეფესა ცხენთ-სარბი\ელსა
Line of ed.: 18    მას შინა, ესე იგი არს იპოკონიერსა შორის, ღაღად-ყო და
Line of ed.: 19    თქუა: "უკუეთუ ვცხონდეთ, ხილვად გჳც იგი, რომელი მამათა
Line of ed.: 20    ჩუენთა არა იხილეს." ესე ყოველი წინაჲსწარ წმიდისა მარტჳრი\საგან
Line of ed.: 21    ეუწყა მას. რამეთუ ნათესავთა თჳს ბარბაროზთაჲსა თქუა,
Line of ed.: 22    რომელი არავის გამოუცხადეს მრავალთაგანსა, რაჲ-იგი შეხუედ\რებად
Line of ed.: 23    იყო. და ხუასროვ, მეფისა სპარსთაჲსა, სივლტოლით მის\ლვასა
Line of ed.: 24    საბერძნეთად, ადგილთა მათ იერაპოლისათა, ეუწყა წმიდისა
Line of ed.: 25    მის მარტჳრისათჳს გულანდუხტისა; მასვე ქალაქსა შინა იერაპო\ლისს
Line of ed.: 26    ყოფასა უნდა შემთხვევაჲ მისი და ზრახვაჲ მის თანა. და
Line of ed.: 27    მოვიდეს მეფჱ და ეპისკოპოსი დომენტიანე ნეტარისა მის. და
Line of ed.: 28    იკითხვიდა მეფჱ "თუ მისლვად ვარ ჩემსავე მას საყდარსა სამეუ\ფოსა?"
Line of ed.: 29    ხოლო წმიდამან ჰრქუა: "მეფუცე მე, რაჲთა განუტევნე
Line of ed.: 30    ჩემთანანი იგი პყრობილნი, რომელნი არიან ზინდითს შინა ჩემთჳს,
Line of ed.: 31    რომელნი შეაყენნა მამამან შენმან ორიზდ საპყრობილესა, და
Line of ed.: 32    ყოველივე ჭეშმარიტი გითხრა." მაშინ ეფუცა მას აღსრულებად
Line of ed.: 33    ნებაჲ მისი და დომენტიანე ეპისკოპოსი ევედრავე მეფესა მის თანა.
Line of ed.: 34    და ბრძანებაჲ დაუწერა და წარავლინა განტევებად ყოველთა პყრო\ბილთა,
Line of ed.: 35    რომელნი იყვნეს შეყენებულ ადგილსა მას "მოუჴსენებელსა,"
Page of ed.: 226   Line of ed.: 1    მაშინ განუტევნეს ყოველნი იგი პყრობილნი მადლითა მის წმიდი\საჲთა.
Line of ed.: 2    მაშინ ჰრქუა მეფესა ხუასროვსა: "რამეთუ შენსვე ადგილსა
Line of ed.: 3    დაგამტკიცოს მეფემან ბერძენთამან, ხოლო მეფობაჲ სპარსთაჲ
Line of ed.: 4    შენდამი ეგოს." მერმეცა თქუა ანტჱქრისტჱსთჳს, რამეთუ მოახ\ლებულ
Line of ed.: 5    არს მოსლვად და კართა ზედა დგას, და მეფობისათჳსცა
Line of ed.: 6    ბერძენთაჲსა, თუ რაჲ შემთხუევად იყო, რომელი დაიდუმეს და
Line of ed.: 7    არავის უთხრეს. "შეჰგავს უკუე მღჳძრებაჲ და ლოცვაჲ ჩუენდა,
Line of ed.: 8    ვითარცა იგი უფალმან თქუა: იღჳძებდით და ილოცევდით, რაჲთა
Line of ed.: 9    არა შეხჳდეთ განსაცდელსა, რამეთუ არა იცით დღჱ იგი, არცა
Line of ed.: 10    ჟამი, ოდეს უფალი თქუენი მოვიდეს."

Section: 18  
Line of ed.: 11       18. ვითარცა მოვიდა ხუასროვ მეფჱ სპარსთაჲ ადგილთა
Line of ed.: 12    მათგან აღმოსავალისათაჲთ სპარსთაგან სივლტოლით, ღმრთის-მსახურმან
Line of ed.: 13    მეფემან ბერძენთამან დიდძალი ნიჭი უძღუანა მეფესა
Line of ed.: 14    სპარსთასა სტეფანჱს მიერ სენაკაპანისა სადეოფლისა, კაცისა
Line of ed.: 15    დიდებულისა და პატიოსანისა, რომელი სტუმარ იქმნა წმიდისა
Line of ed.: 16    მის მოწამისა და მის თანა სხუანიცა მრავალნი დიდდიდნი და
Line of ed.: 17    მჯობჱთაგანნი კაცნი, რომელთა ესმა, თუ ვითარ სახედს ივნო
Line of ed.: 18    ქრისტჱსთჳს. ეგულებოდა სენაკაპანსა მას წმიდაჲ იგი აღყვანებად
Line of ed.: 19    სამეუფოსა ქალაქსა კონსტანტინეპოვლის, რაჲთა თავყუანის-იცეს
Line of ed.: 20    წმიდაჲ იგი მეფეთაგან. არა ინება ნეტარმან ან და თქუა: "ვერ
Line of ed.: 21    შესაძლებელ არს ჩემდა აღსლვად სამეუფოდ ქალაქად, არა მიბრ\ძანა
Line of ed.: 22    მე უფალამან ესე საქმედ, რამეთუ მოახლებულ არს ჟამი
Line of ed.: 23    აღსრულებისა ჩემისაჲ. უკუეთუ მაიძულოთ, მე გზას აღვესრულო;
Line of ed.: 24    გევედრები თქუენ - შემინდვეთ მე." ხოლო იგინი ევედრებოდეს და
Line of ed.: 25    ეტყოდეს: "მეფემენ მოგჳწერა ჩუენ, რაჲთა გევედრნეთ შენ აღსლ\ვად."
Line of ed.: 26    და ვერ შეუძლეს დაჯერებად მისა, და აღივსეს აღშჱნებითა
Line of ed.: 27    წმიდისა ის მარტჳრისაგან და დაუტევეს იგი ადგილსა მას, სადაცა
Line of ed.: 28    იყო.

Section: 19  
Line of ed.: 29       19. ამას ყოველსა გჳთხრობდა ჩუენ სქოლასტიკოსი ვინმე
Line of ed.: 30    დამტკიცებულად ყოვლად და მუნქუესვე ვიწრაფე აღწერად ეპის\კოპოსისა
Line of ed.: 31    დომენტიანჱსითურთ შემდგომითი შემდგომად. და მოი\ყვანნეს
Line of ed.: 32    კაცნი ვინმე სარწმუნონი, რომელთა პირის-პირ მათცა
Page of ed.: 227   Line of ed.: 1    მარტჳრისა მისგან ესმინა ესე ყოველი, არა ვითარმცა ვისწავეთ
Line of ed.: 2    სიტყჳთა, არამედ ვიწრაფეთ აღწერად რაჲოდენი გონებემან ჩუენმან
Line of ed.: 3    შეგუწია მრავლისაგან მცირედი.

Section: 20  
Line of ed.: 4       20. მოიწია ჟამი აღსრულებისაჲ წმიდისა მის მარტჳრისა
Line of ed.: 5    გულანდუხტისი, რომელსა მარიამ ეწოდა. აღიპყრნა ჴელნი თჳსნი
Line of ed.: 6    ზეცად და გალობასა შესწირვიდა ღმრთისა, და აღმოუტევა სული
Line of ed.: 7    სიხარულით შეწყნარებითა წმიდათა ანგელოზთაჲთა მისლვად გან\მზადებულსა
Line of ed.: 8    მის მისთჳს სასუფეველსა სმენითა ჴმისა უფლისაჲთა,
Line of ed.: 9    რომელი თქუა: "მოვედით კურთხეულნო მამისა ჩემისანო და დაიმ\კჳდრეთ
Line of ed.: 10    განმზადებული თქუენთჳს სასუფეველი." ვითარცა ესმა
Line of ed.: 11    მის ქუეყანისა კაცთა აღსრულებაჲ წმიდისა მარტჳრისაჲ, სიმრავლჱ
Line of ed.: 12    მღდელთაჲ და ერისკაცთაჲ და აზნაურთა დედათაჲ და ყრმათაჲ
Line of ed.: 13    მწრაფლ მოვიდეს და კერეონებითა და ფსალმუნითა და გალო\ბითა
Line of ed.: 14    წარიხუნეს ნაწილნი იგი წმიდისა მოწამისანი და დაიღუაწ\ნეს
Line of ed.: 15    საყოფელსა წმიდისა სერგისისსა საშუვალ ქალაქსა დარასა
Line of ed.: 16    და ნისიონსა, რაჲთა მეოხ იყოს ყოვლისა სოფლისა მეფეთა და
Line of ed.: 17    ყოვლისა ერისა ქრისტეანეთაჲსა და ქრისტჱს-მიერ მღდელთა.
Line of ed.: 18    ვითხოვთ ჩუენცა, რაჲთა მეოხებითა წმიდისა ღმრთის-მშობელი\საჲთა
Line of ed.: 19    და წმიდისა მის ღუაწლით-შემოსილისა გულანდუხტისითა
Line of ed.: 20    და ყოველთა მარტჳლთაჲთა მივემთხჳნეთ მოტევებასა ცოდვათასა
Line of ed.: 21    და კეთილის სიტყჳს-გებად წინაშე საყდარსა საშინელსა ქრისტჱს
Line of ed.: 22    ღმრთისასა. აღესრულა წმიდაჲ იგი ქრისტჱს მოწამჱ თთუესა
Line of ed.: 23    იუნიოსსა, რომელ არს ქუელთობისაჲ, მეცხრესა ინდიკტიონსა;
Line of ed.: 24    იწამა მეფობასა ძუელ ხუასროჲსა და ორმიზდისსა და ახლისა
Line of ed.: 25    მეფისა ხუასროჲსა და ღმრთის-მსახურისა მეფისა ბერძენთაჲსა
Line of ed.: 26    მავრიკისსა, ვითარცა ზემო წერილ არს. ხოლო ჩუენ ზედა მეუფე\ბასა
Line of ed.: 27    უფლისა ჩუენისა იესუ ქრისტჱსსა, რომლისაჲ არს დიდებაჲ
Line of ed.: 28    თანა მამით და სულით წმიდითურთ აწ და მარადის და უკუნითი
Line of ed.: 29    უკუნისადმდე. ამჱნ.




Next part


This text is part of the TITUS edition of Hagiographical Texts edited by K. Kekelidze.

Copyright TITUS Project, Frankfurt a/M, 17.5.2015. No parts of this document may be republished in any form without prior permission by the copyright holder.