TITUS
Hagiographical Texts edited by K. Kekelidze
Part No. 3
Previous part

Text: Philoth.  
Martyrium Philothei


On the basis of the edition in
Ḳ. Ḳeḳeliʒe,
Eṭiudebi ʒveli kartuli liṭeraṭuris isṭoriidan VI,
Tbilisi 1960,
93-99
electronically prepared by Tinatin Jikurashvili,
Tbilisi, 7.4.2015;
TITUS version by Jost Gippert,
Frankfurt a/M, 16.5.2015


Ms. Jer-20, 283r-291v


Page of ed.: 93  
Line of ed.: 1  იანვარსა იბ

Line of ed.: 2  წამება წმიდისა და ნეტარისა ფილეთეოსისი


Section: 1  
Line of ed.: 3       1. დაწყებას მეფობასა დიოკლეტიანოსისსა და მაქსიმიანოსისსა,
Line of ed.: 4    უსჯულოთა მათ მეფეთასა და მაცდურთასა, რომელნი იყვნეს ამაღლებულ
Line of ed.: 5    ამპარტავანებითა ძლიერებისა მათისაჲთა, აღადგინებდეს დევნასა და ტანჯვასა
Line of ed.: 6    ქრისტეანეთა ზედა. მას ჟამსა შინა გამოჩნდა ჭაბუკი ერთი ქალაქსა შინა
Line of ed.: 7    ანტიოქიისასა, რომელსა ერქუა ფილეთეოს, შუენიერი ხილვითა ფრიად და
Line of ed.: 8    შემკული ყოვლითა სათნოებითა. და იყვნეს მშობელნი მისნი უსჯულონი,
Line of ed.: 9    რომელნი თაყუანის-სცემდეს ზროხასა და აღიარებდეს ღმერთად, რომელი
Line of ed.: 10    ჭამდა თივასა, და სახელად მისდა იდვა "თოთი პატიოსანი". და ესე იყო
Line of ed.: 11    ფილეთეოს რჩეული. და არა ესუა შვილი თჳნიერ მისსა მშობელთა მისთა.
Line of ed.: 12    ამისთჳს უყუარდა იგი ფრიად, და იყო იგი საყუარელ ნათესავთა შორის და
Line of ed.: 13    მეცნიერთა მისთა მისისა სახიერებისაგან და უბიწოებისა, ვითარცა
Line of ed.: 14    იოსებ ისრაიტელი ეგჳპტეს შინა. და მშობელნი მისნი იყვნეს ფრიად მდი\დარნი.
Line of ed.: 15    და შეუქმნეს ზროხასა მას საყელე ოქროჲსი და ფერჴთა მისთა სალ\ტენი
Line of ed.: 16    ოქროჲსანი, და ორნი კაცნი დაუდგინნეს, რომელნი ჰმსახურობდეს მას
Line of ed.: 17    და ორჯელ სცემდეს დღესა შინა სამინდოსა, ზეთითა და თაფლითა ზე\ლილსა.
Line of ed.: 18    ხოლო ფილეთეოზ ღირსმან, რომელმან ჭეშმარიტად ყოვლითა გუ\ლითა
Line of ed.: 19    სურვიელად შეიყუარა ღმერთი, რაჟამს ხედვიდა მშობელთა მისთა,
Line of ed.: 20    რომელნი ჰმსახურობდეს პირუტყუსა უსიტყუელსა, განლიგნის და განკჳრდის
Line of ed.: 21    გულსა თჳსსა და თქჳს: "ნანდჳლვე უკუე თუ ესე პირუტყჳ ღმერთი არს,
Line of ed.: 22    ვითარ ჩემთა მშობელთა ჰგონეს?" არა! რომელმან დაჰბადა ცაჲ და ქუყა\ნაჲ,
Line of ed.: 23    ზღუაჲ და ყოველი, რაჲ არს მას შინა, იგი არს ღმერთი მხოლოჲ". და
Line of ed.: 24    ვითარ ამას გონებასა შინა იყო, მსწრაფლ უნდა, რაჲთა მიიწიოს მეცნიერე\ბასა
Page of ed.: 94   Line of ed.: 1    ღმრთისასა. და ყო მაშინ ჰასაკითა ვითარ ათისა წლისაჲ . ხოლო
Line of ed.: 2    მამამან მისმან უბრძანა, რაჲთა თაყუანის-სცეს ზროხასა მას და უკუმიოს და
Line of ed.: 3    ჰრქჳს მას: "შვილო, მეცნიერ იყავ ამის გამო, რომელსა ვჰმსახურებთ და
Line of ed.: 4    პატივს-ვსცემთ და ზეუთქ ღმერთსა ჩუენსა, ღმერთსა პატიოსანსა, რო\მელმან
Line of ed.: 5    გაჰრდამატა ჩუენზედა სიმდიდრე და ღონიერებაჲ ამისათჳს, რაჲთა
Line of ed.: 6    მოგცეს შენცა სიგრძე დღეთაჲ". მიუგო ფილეთეოს ღირსმან მან მამასა
Line of ed.: 7    თჳსსა და ჰრქუა: "ნუ ხარ, მამაო, მაცთურ, თავისა თჴისისა! ვითარ მომავალ
Line of ed.: 8    არს პირუტყჳ თივის მჭამელი, რომელი იმსახურების ჴელითა კაცთაჲთა,
Line of ed.: 9    რაჲთამცა იყო ღმერთი, ანუ ვითარ განამდიდრებს კაცთა? არამედ ესრეთ
Line of ed.: 10    ვჰგონებ, რომელმან შეჰქმნა ცაჲ და ქუეყანაჲ, ზღუაჲ და ყოველი, რაჲ არს
Line of ed.: 11    მას შინა, იგი არს მხოლოჲ ღმერთი ჭეშმარიტი.. ამისთჳს მე გაუწყებ შენ
Line of ed.: 12    და დედასა ჩემსა, რაჲთა არა თაყუანის სცეთ პირუტყუსა, არამედ ღმერთსა
Line of ed.: 13    ცხოველსა". ჰრქუა მას მამამან მისმან: "შვილო, შენ ყრმა ხარ და უმეცარ
Line of ed.: 14    და არა უწყი სარგებელი თავისა შენისაჲ".

Section: 2  
Line of ed.: 15       2. და მეორესა დღესა, ვითარ განიღჳძა ფილეთეოს ძილისა მისგან,
Line of ed.: 16    ცისკრად იხილა მზე აღმომავალი; მიხედნა აღმოსავალით და ჰრქუა მზესა:
Line of ed.: 17    გაფუცებ შენ ძალსა შენსა ძლიერსა, რომელი ჰბრწყინავ ყოველსა ქუეყანასა,
Line of ed.: 18    მითხარ მე უკუეთუ შენ ხარ ღმერთი? რამეთუ ვიხილე სიკეთე შენი, ყოველ\სა
Line of ed.: 19    ხილულსა უკეთესი". ვითარცა ესე თქუა, ჴმაჲ ესმა ზეცით, რომელი
Line of ed.: 20    ეტყოდა: "მე არა ვარ ღმერთი, ჭაბუკო საყუარელო, არამედ დაბადებული
Line of ed.: 21    და მსახური ღმრთისაჲ; უკუეთუ გნებავს ცნობაჲ ღმრთისაჲ, ამას ღამესა ძალი
Line of ed.: 22    მისი გამოგიჩნდეს". და ეჩუენა მას ღამესა ანგელოზი ღმრთისაჲ, მოვლინებუ\ლი
Line of ed.: 23    მისა, და ჰრქუა: "აღდეგ ფილეთეოს, და იხილე დიდებაჲ ღმრთისაჲ,
Line of ed.: 24    რომელსა ეძიებ". აღიხილნა თუალნი თჳსნი ნეტარმან ფილეთეოს და იხილა
Line of ed.: 25    იესუ ქრისტე, ძე ღმრთისაჲ მჯდომარე საყდართა ზედა მაღალთა, და ათა\სეულნი
Line of ed.: 26    და ბევრეულნი და ძალნი ზეცათანი გარემოჲს მისსა. და რაჟამს იხილა
Line of ed.: 27    ესე ჩუენება, დავარდა პირსა ზედა თჳსსა. მაშინ უპყრა ჴელი ანგელოზ\მან
Line of ed.: 28    და ჰრქუა მას: "აღდეგ, ფილეთეოს, და ნუ გეშინინ, რამეთუ ესე არს
Line of ed.: 29    ღმერთი ჭეშმარიტი, რომლისათჳს გსუროდა; გულდებულ იქმენ და განძლიერ\დი,
Line of ed.: 30    ამიერითგან შენთანა არს ღმერთი, და სახელითა მისითა სასწაულთა და
Line of ed.: 31    საკჳრველებათა იქმოდე ცხორებასა შენსა და შემდგომად სიკუდილისა
Line of ed.: 32    გჳრგჳნი ქრისტესგან მიიღო, და მშობელნი შენნი მოიქცენ ღმრთისა შენ
Line of ed.: 33    მიერ და სირცხჳლეულ იქმნეს დეოკლიტიანე უსჯულოჲ, და მაშინ მიიღო
Line of ed.: 34    გჳრგჳნი წამებისაჲ; რამეთუ ღმერთმან მუცელსავე დედისასა გაკურთხა და
Line of ed.: 35    დაგდვა სახელი შენი ფილეთეოს, რომელი გამოითარგმანების "საყუარელი
Line of ed.: 36    ღმრთისაჲ".

Section: 3  
Line of ed.: 37       3. მიერითგან იწყო ფილეთეოს მარხვად და ლოცვად და არა სჭამდა,
Line of ed.: 38    გარნა პურსა და მარილსა კჳრიაკესა შინა ერთ. და რაოდენსა უქმოდეს
Line of ed.: 39    საჭმელსა, ყოველთა გლახაკთა განუყოფდა და გულ-კლებულ იყო, ფრიად
Page of ed.: 95   Line of ed.: 1    გულსა შინა თჳსსა მშობელთათჳს, რამეთუ პირუტყუსა ჰმსახურებდეს,
Line of ed.: 2    და არა ღმერთსა. არამედ აღიხილნა თუალნი თჳსნი ზეცად და თქუა ჴმითა
Line of ed.: 3    მდაბლითა: "ჵ, უფალო იესუ ქრისტე, რომელმან დაჰბადე ცაჲ და ქუეყანაჲ,
Line of ed.: 4    ზღუაჲ და ყოველი, რაჲ არს მას შინა. შენ გშუენის ქებაჲ დაუსაბამოჲთ
Line of ed.: 5    მამით და სულით წმიდითურთ, რომელმან თავს იდევ გამოჩინებად ჩემ ზედა,
Line of ed.: 6    გლახაკისა და შეურაცხისა და უღირსისა. ვითხოვ შენგან და გევედრები,
Line of ed.: 7    ცხორებაო მოსავთა შენთაო, ღმერთო მართალო და დიდებულო, რაჲთა
Line of ed.: 8    არა მიაგო საქმეთა მათთაებრ ბოროტთა, რამეთუ უმეცარ არიან და არა
Line of ed.: 9    იციან, რასა იქმან". ვითარცა ესე თქუა ნეტარმან ფილეთეოს, ახლდნა ზროხაჲ
Line of ed.: 10    იგი და ურქინა მშობელთა მისთა და მოკლნა. მაშინ სანატრელმან წინაჲთვე
Line of ed.: 11    უწყოდა სულისა მიერ წმიდისა რომელი ყოფად იყო მშობელთა მისთა ზედა.
Line of ed.: 12    და სამი დღე დაყვეს მკუდართა, ქუეყანასა ზედა ნდებარეთა. ხოლო სამისა
Line of ed.: 13    დღისა შემდგომად ნეტარმან ფილეთეოს ილოცა ღმრთისა მიმართ და ითხოა
Line of ed.: 14    ღმრთისაგან, რაჲთა აღადგინნეს იგინი და, რაჟამს დაასრულა ლოცვაჲ,
Line of ed.: 15    ჴმა-ყო ჴმითა დიდითა და თქუა: "სახელითა ქრისტესითა, ყო\ველთა
Line of ed.: 16    განმაცხოველებელისაჲთა, აღდეგ მამო ივლინტიან და შენცა,
Line of ed.: 17    დედაო თეოდოტია!" და მუნქუესვე აღდგეს შიშითა და ძრწოლითა დიდითა,
Line of ed.: 18    განკჳრვებულნი და განლიგებულნი, რომელი მათ ზედა მოიწია. მაშინ უბრძანა
Line of ed.: 19    მონათა თჳსთა, რაჲთა ზროხაჲ იგი დაჭრან ასო-ასოდ და ცეცხლითა და\წუან,
Line of ed.: 20    და ითხოვდეს, რაჲთა ნათელ-იღონ და ქრისტეანედ მოიქცენ. ამისა
Line of ed.: 21    შემდგომად წარვიდა ნეტარი ფილეთეოს ხუცისა ვისმე, რომელი ქალაქსა
Line of ed.: 22    შინა დამალულ იყო შიშისაგან, რომელი მათ ჟამთა შინა იყო, და ევედრა, რაჲთა
Line of ed.: 23    ნათელ სცეს მას და მშობელთა მისთა. მაშინ შეიყვანნა იგინი ღამით ეკლე\სიად
Line of ed.: 24    და ნათელ-სცა მათ სახელითა მამისაჲთა და ძისაჲთა და სულისა
Line of ed.: 25    წმიდისაჲთა. მაშინ ყოველი მონაგები მათი გლახაკთა და ჭირვეულთა განუ\ყვეს
Line of ed.: 26    და მონანი განათავისუფლნეს და მისცეს მათ მონიჭებულთაგან მათთა
Line of ed.: 27    გასარომელი მათი. და ორისა წლისა შემდგომად გარდაიცვალნეს
Line of ed.: 28    მშობელნი მისნი სარწმუნოებითა მტკიცითა. და დაშთა ფილეთეოს და იქმო\და
Line of ed.: 29    სასწაულთა და საკჳრველებათა მრავალთა.

Section: 4  
Line of ed.: 30       4. მაშინ აღდგეს მის ზედა სხუანი ვინმე მეკერპეთაგანნი, რომელნი
Line of ed.: 31    ჰმსახურებდეს ეშმაკთა, და შევიდეს მაცთურისა და უსჯულოჲსა დეოკლიტია\ნეს
Line of ed.: 32    წინაშე და შეასმინეს იგი. და ვიტარცა ესმა უსჯულოსა მას, ბრძანა,
Line of ed.: 33    რაჲთა წარმოადგინონ წინაშე მისსა მოწამე იგი. მაშინ მოვიდეს სამნი მჴე\დარნი,
Line of ed.: 34    რომელნი მდგომარე იყვნეს მის წინაშე; და ვითარ მიეახლნეს, იხი\ლეს
Line of ed.: 35    სული წმიდაჲ, მის ზედა მოსრული, დავარდეს ქუეყანასა ზედა და თა\ყუანის-სცეს
Line of ed.: 36    მას და აუწყეს, რაჲსათჳს მოსრულ იყვნეს. მიუგო სანატრელმან
Line of ed.: 37    ფილეთეოს და ჰრქუა მათ: "მადლი უფლისა ჩუენისა იესუ ქრისტეჱსი იყავნ
Line of ed.: 38    თქუენ ზედა, ძმანო, ყოველსა ჟამსა, რაჲთა მიგიძღუეს სასუფეველსა მისსა".
Line of ed.: 39    და ვითარცა ესე თქუა, აღდგა და წარვიდა მათ თანა. და ვითარცა წარდგა
Page of ed.: 96   Line of ed.: 1    წინაშე საყდარსა უსჯულოჲსა მის მეფისასა, ჰრქუა მას: "არა ჯერ არს შენდა\მეფეო,
Line of ed.: 2    ვითარცა უვარ ჰყავ, რომელმან მოგცა ესევითარი დიდებაჲ,
Line of ed.: 3    რომელ არს ღმერთი ყოველთაჲ, და ჰმონებ კერპთა, რომელთა არა აქუს
Line of ed.: 4    სიტყუაჲ". ჰრქუა მას დეოკლიტიანე: "ესერა ღმერთნი მომცემენ ძლევასა
Line of ed.: 5    ბრძოლათა შენთა". ჰრქუა მას ფილეთეოს სანატრელმან: "რომელთა შენ იტყჳ
Line of ed.: 6    ღმერთად, იგინი არა ღირს არიან პატივის-ყოფასა, არამედ შეურაცხებასა
Line of ed.: 7    და დამცირებასა, რამეთუ წერილ არს: "ღმერთნი, რომელთა ცაჲ და ქუეყანაჲ არა
Line of ed.: 8    შექმნეს, იგინი წარწყმდენ". ჰრქუა მას დეოკლიტიანე: "მაშ რაჲსათვის
Line of ed.: 9    თავს იდვა ღმერთმან შენმან მოკლვაჲ ჰურიათაგან?" მიუგო ნეტარმან ფი\ლეთეოს
Line of ed.: 10    და რქუა: "რამეთუ განმრავლებულ იყო საცთური უკეთურებისაჲ და
Line of ed.: 11    უსჯულოებაჲ ქუეყანასა ზედა, ამისთჳს შეიწყალნა სახიერმან მოწყა\ლებითა
Line of ed.: 12    თჳსითა ნათესავი კაცთაჲ და ინება მოსლვაჲ ქუეყანად, რაჲთა მის\ცნეს
Line of ed.: 13    ჴორცნი თჳსნი საჴსრად ყოველთათჳს და გჳჴსნეს ბრალთა და საცთუ\რისაგან,
Line of ed.: 14    რომელი მოწევნულ იყო ჩუენ ზედა". ჰრქუა დეოკლიტიანე: "ღმერ\თი
Line of ed.: 15    შენი ცათა შინა არს, ვითარ შენ იტყჳ". ჰრქუა მას ფილეთეოს: "ჭეშმა\რიტად
Line of ed.: 16    ცათა შინა არს, მარჯუენით მამისა მჯდომარე". ჰრქუა მას დეოკლი\ტიანე:
Line of ed.: 17    "ვითარ ვხედავ, მამაჲცა თურე ღმერთი არს". ჰრქუა მას ფილეთეოს:
Line of ed.: 18    "ცან და უწყოდე ჭეშმარიტად, რამეთუ მე მრწამს და აღვიარებ აწ და უკუ\ნისამდე
Line of ed.: 19    ღმერთსა ჩემსა იესუ ქრისტესა, ძესა ღმრთისა ცხოველისასა". ჰრქუა
Line of ed.: 20    მას დეოკლიტიანე: "არა დაჯერებულ ვარ სიტყუათა მაგათ, რომელთა შენ
Line of ed.: 21    იტყჳ, არამედ სულგრძელობაჲ ვიჴუმიო შენზედა და მოგიტეო ყოველი, რო\მელი
Line of ed.: 22    გითქუამს. ამიერითგან დაუტევე რომელსა ზედა ხარ და წარმოდეგ და
Line of ed.: 23    უზორე აპოლონს, ღმერთსა დიდსა, რაჲთა პატივ-გცე და ვადიდო სახელი
Line of ed.: 24    შენი". ჰრქუა მას ფილეთეოს სანატრელმან: "ნუ იყოფინ ესე ჩემდა
Line of ed.: 25    საწუთოსა ამას, ვითარმცა ღმერთი ჩემი უვარ ვყავ, შემოქმედი ცათა და
Line of ed.: 26    ქუეყანისაჲ, და დაუკალ საკლვევლი კერპთა, ქმნილთა ჴელთა კაცთასა".

Section: 5  
Line of ed.: 27       5. მაშინ ბრძანა უსჯულომან მან, რაჲთა კერპი ოქროჲსა მოართუან და
Line of ed.: 28    აღმართონ საყდარსა მისსა წინაშე. და ჰრქუა ნეტარსა ფილეთეოსს: "თა\ყუანის-ეც
Line of ed.: 29    უჭირველად ამას ღმერთსა, დიდსა აპოლონს". მაშინ ჴმა-უყო
Line of ed.: 30    ნეტარმან ფილეთეოს ღმერთსა მას კერპსა მას, და დავარდა ქუეყანასა. ამისა შემდგომად
Line of ed.: 31    ილოცა წმიდამან მოწამემან და თქუა: "ჵ, უფალო იესუ ქრისტე, ძეო
Line of ed.: 32    ღმრთისა ცხოველისაო, რომელმან ისმინე მონისა შენისა ელიაჲსი ცეცხლი\თა,
Line of ed.: 33    ისმინე ჩემიცა დღესა ამას და გარდამოავლინე ცეცხლი ზეცით და და\წუენ
Line of ed.: 34    კერპნი ამის უსჯულოჲსანი, რაჲთა ჰრწმენეს ერსა ამას შემოკრებულსა
Page of ed.: 97   Line of ed.: 1    წამებითა ჩემითა". და ვითარცა თქუა ესე ნეტარმან მოწამემან ქრისტემან,
Line of ed.: 2    გარდამოვიდა ზეცით ცეცხლი და დაწუნა კერპნი იგი წინაშე ყოვლისა ერისა,
Line of ed.: 3    რომელნი მუნ მდგომარე იყვნეს. და ვითარცა იხილეს მჴედართა მათ,
Line of ed.: 4    რომელნი მიივლინნეს ძიებად მისსა, სასწაული ესე, ჴმა-ყვეს ჴმითა მაღლი\თა
Line of ed.: 5    და თქუეს: "ჭეშმარიტად დიდ არს ღმერთი ფილეთეოსისი მხოლოჲ,
Line of ed.: 6    უწოდე, ჵ უსჯულოო და მზაკუარო მეფეო, ჩუენ ამიერითგან ქრისტეანენი
Line of ed.: 7    ვართ და ქრისტეს მეუფისაგან მოველით ნიჭსა". მაშინ განრისხნა უსჯულოჲ
Line of ed.: 8    იგი და ბრძანა, რაჲთა ფილეთეოს განიპყრან და სცენ შოლტითა, ვიდრემდის
Line of ed.: 9    დასცჳვენ ჴორცნი მისნი. და ვითარ სცეს მაგრად, ჰრქუა უსჯულომან მოწა\მესა
Line of ed.: 10    ქრისტესსა: "სცან აწ, ფილეთეოს, დაწყებაჲ სატანჯველთაჲ, ამიერითგან
Line of ed.: 11    დაემორჩილე და დაუკალ ღმერთთა პირველ მიწევნადმდე სატანჯველთა
Line of ed.: 12    ფიცხელთა". მიუგო ფილეთეოს და ჰრქუა: "მისწრობია და მითხრობია შვი\ლო
Line of ed.: 13    ეშმაკისაო, ვითარმედ არა უვარვყო ღმერთი ჩემი უკუნისამდე და არცა
Line of ed.: 14    დაუკლა საკლველი კერპთა, და უწყებულ იყავნ შენდა, ვითარმედ სარწმუნოე\ბასა
Line of ed.: 15    მტკიცესა შემმატე ამით სატანჯველითა, რომელი მოაწიე ჩემ ზედა,
Line of ed.: 16    რამეთუ ღირს ვიქმენ ტანჯვად სახელისათჳს ქრისტესისა". ვითარცა
Line of ed.: 17    ესმა უსჯულოსა მას სიტყუაჲ ესე, აღტყდა რისხვით გულის-წყრომაჲ მისი
Line of ed.: 18    და ბრძანა შეყენაბაჲ მისი ადგილსა შეკრძალულსა და შებორკილებაჲ ჯაჭჳთა
Line of ed.: 19    მრჩობლითა და მუცელსა ზედა დადებაჲ ლოდისა დიდისაჲ. და ვითარცა ესე
Line of ed.: 20    ყვეს, მოვიდა მისსა ანგელოზი ღმრთისაჲ და საკრველნი მისნი განჰძჴსნა და
Line of ed.: 21    ყოველი წყლულებაჲ მისი განკურნა და ჰრქუა მას: "ნუ გეშინინ, მჴნე იყავ
Line of ed.: 22    და გაძლიერდი, მოწამეო ქრისტესო ფილეთეოს! აჰა ესერა შენთანა ვარ
Line of ed.: 23    და განგაძლიერო შენ, რაჲთა სირცხჳლეულ ჰყო უსჯულოჲ იგი".

Section: 6  
Line of ed.: 24       6. და მეორესა დღესა მოუწოდა უსჯულომან მან სამთა მათ მჴედართა,
Line of ed.: 25    რომელთა ჰრწმენა ღმერთი, და ჰრქუა მათ: "ვინ გასწავა თქუენ, რაჲთა
Line of ed.: 26    გრძნობაჲ ფილეთეოსისი გრწმენეს?" მიუგეს და ჰრქუეს მას: " რომელსა გუ\შინ
Line of ed.: 27    ვიტყოდეთ, მას ზედა მტკიცედ ვართ, ვითარმედ ჩუენ ქრისტეანნი
Line of ed.: 28    ვართ, და რომელსა იტყჳ შენ ვითარმედ ფილეთეოს გრძნეულ არს, არა
Line of ed.: 29    არს იგი გრძნეულ, არცა უსჯულო, არამედ იგი დაჰჴსნის გრძნებასა შენსა,
Line of ed.: 30    რომელსა შინა ხარ და სხუათაცა აცთუნებ". და არა იქნება უსჯულომან მან
Line of ed.: 31    მსწრაფლ მოკლვაჲ სამთა მათ მჴედართაჲ, რამეთუ მჴნენი იყვნეს და გა\მოცდილ
Line of ed.: 32    ღუაწლსა შინა ბრძოლისასა. და გულ-ჴმა უყვეს და მოაქ\ციეს
Line of ed.: 33    ქრისტეს სარწმუნოებასა ცხრა ათასი და იწამნეს მის თანა. მაშინ
Line of ed.: 34    ჰრქუეს უსჯულოსა მას: "უკუეთუ მსწრაფლ ნებაჲ შენი არა აღასრულო ჩუენ
Line of ed.: 35    ზედა, ჩუენ შენ მოგკლავთ და ყოველნი ნების-მყოფელნი შენნი აღვჴოცნეთ;
Line of ed.: 36    და ჴრმალსა იწუდიდეს და აჩუენებდეს, ვითარცა ჰრომსა იქმოდეს ქალაქსა
Line of ed.: 37    შინა. ოდეს იხილა უსჯულომან მან სიმჴნე მათი და სიმტკიცე სარწმუ\ნოებასა
Line of ed.: 38    ზედა ქრისტესსა, გულის-ჴმა ყო, ვითარმედ არღარა მოიქცეოდეს
Line of ed.: 39    ნებასა მისსა, ბრძანა წარკუეთად თავები მათი. მაშინ აღესრულნეს წამებითა
Line of ed.: 40    და გჳრგჳნოსან იქმნეს ყოველნი, და რომელნი მდგომარე იყვნეს მუნ, იხი\ლეს
Page of ed.: 98   Line of ed.: 1    თუალითა მათითა, რამეთუ ანგელოზნი გჳრგჳნსა დაადგმიდეს
Line of ed.: 2    თავსა მას მოწამეთასა".

Section: 7  
Line of ed.: 3       7. და ამისა შემდგომად ბრძანა უსჯულომან მან და უწყალომან,
Line of ed.: 4    რაჲთა ენაჲ აღმოკუეთონ ნეტარსა ფილეთეოსს და თუალნი აღმოუხუნენ
Line of ed.: 5    და დაჭრან ასონი მისნი. და ათავს-იდვა ესე ყოველი ტანჯვაჲ და დაუთმო
Line of ed.: 6    სიხარულით და სიმჴნით მოწამემან ქრისტესმან, ილოცვიდა და იტყოდა:
Line of ed.: 7    "უფალო იესუ ქრისტე, რომლისა ჴელთა შინა არს სული ყოველთა ცხო\ველთაჲ,
Line of ed.: 8    ინებე ნებითა შენითა. რაჲთა დავდგე წინაშე შენსა სრულებით
Line of ed.: 9    უნაკლულოდ, რაჲთა არარაჲ აკლდეს ასოთა ჩემთაგან, რაჲთა სირცხჳლეულ
Line of ed.: 10    იქმნეს უსჯულოჲ ესე". და ვითარცა ესე თქუა, მსწარფლ მასვე ჟამსა უკუ\ეგნეს
Line of ed.: 11    ასონი მისნი ადგილსავე მისსა, ვითარცა პირველ იყვნეს. მაშინ ჰრქუა
Line of ed.: 12    უსჯულოსა მას: "ვითარ ხედავ ძალსა ღმრთისა ჩემისასა? იხილე, ვითარ
Line of ed.: 13    გამოჩნდა ესე, და გულის-ჴმა ჰყავ, ვითარმედ ღმერთი ჩემი იესუ ქრისტე,
Line of ed.: 14    შემძლებელ არს ყოველსავე ზედა, ვითარ ინება, და ყოველნი ასონი ჩემნი
Line of ed.: 15    შეადგნა ადგილსავე თჳსსა, რაჲთა შენ სირცხჳლეულ იქმნე". ამისა
Line of ed.: 16    შემდგომად განრისხნა ურჯულოჲ იგი და ბრძანა, რაჲთა ლახურითა ჰგუემ\დენ
Line of ed.: 17    გუამსა მისსა, და ამისსა შემდგომად ცეცხლითა დაწვან. მაშინ წარიყვა\ნეს
Line of ed.: 18    მტარვალთა ადგილსა მას, რომელსა უბრძანა რაჲთა აღასრულონ ბრძა\ნებაჲ
Line of ed.: 19    მეფისაჲ, რომელი გაბჭო უმ[ს]ჯავრომან მის ზედა. მაშინ სანატრელი
Line of ed.: 20    ფილეთეოს მოჲქცა აღმოსავალით, ილოცვიდა და თქუა: "გმადლობ შენ,
Line of ed.: 21    უფალო ღმერთო ჩემო და მამაო უფლისა ჩუენისა იესუ ქრისტესო, რომელ\მან
Line of ed.: 22    გამომიყვანე მე ბნელისაგან საცთურისა და მომიყვანე ნათელსა მეცნიერე\ბისასა,
Line of ed.: 23    და მშობელნი ჩემნი იჴსნენ საცთურისაგან და მსახურებისაგან პი\რუტყუთაჲსა
Line of ed.: 24    და ღირს გვყუენ, რაჲთა გიცნათ შენ. ღმერთი მხოლოჲ, და
Line of ed.: 25    ძე შენი მხოლოდ შობილი იესუ ქრისტე, და სული შენ, წმიდაჲ განმაცხო\ველებელი
Line of ed.: 26    ყოველთაჲ, და არა ესეოდენ, არამედ რაჲთა სასწაულთა და
Line of ed.: 27    საკჳრველებათა ვიქმოდეთ მრავალთა სახელითა შენითა წმიდითა წინაშე
Line of ed.: 28    უსჯულოჲსა ამის და მაცთურისა. აწ ვევედრები სახიერებასა შენსა, უფალო
Line of ed.: 29    მართალთაო, რაჲთა მოავლინო ანგელოზი შენი ზეცით და დაიცვას
Line of ed.: 30    გუამი ჩემი ცეცხლისაგან უვნებლად, რაჲთა არა იქადოს უსჯულომან ამან
Line of ed.: 31    მზაკუვარებითა თჳსითა და თქუას ესე, ვითარმედ ვქმენ ესე ძალითა ჩემითა;
Line of ed.: 32    რამეთუ შენ გშვენის ქებაჲ, დიდებაჲ, პატივი და ძალი, აწ და უკუნითი
Line of ed.: 33    უკუნისამდე".

Section: 8  
Line of ed.: 34       8. და ვითარცა დაასრულა ლოცვაჲ თჳსი, ჰრქუა მტარვალთა მათ:
Line of ed.: 35    "აღასრულეთ ბრძანებაჲ მეფისა თქუენისა მაცდურისაჲ". და მიხედნეს მჴე\დართა
Line of ed.: 36    მათ და მტარვალთა პირსა მისსა და იხილეს, რამეთუ იყო, ვითარცა
Line of ed.: 37    ანგელოზისაჲ, და შეშინდეს და უკუნიქცეს დიდებისაგან, რომელი ღმრთისა
Line of ed.: 38    მიერ მოცემულ იყო მისდა. და მიეახლნეს ორნი მათგანნი და გუერდთა
Line of ed.: 39    მისთა მიამთხჳნეს ლახუარნი, და გამოვიდა გუერდისაგან მისისა სისხლი და
Line of ed.: 40    რძე, და შეჰვედრა სული თჳსი უფალსა და მოეგებნეს ანგელოზნი და სული
Page of ed.: 99   Line of ed.: 1    მისი ზეცად აღიყვანეს დიდითა დიდებითა და გალობითა. და იხილეს ყო\ველთა
Line of ed.: 2    მუნ მდგომარეთა ცხადად აღყვანებაჲ ანგელოზთა მიერ. მაშინ მტარ\ვალთა
Line of ed.: 3    მათ აღაგზნეს ცეცხლი დიდ-ძალი და შთააგდეს გუამი ნეტარისა ფი\ლეთეოსისი.
Line of ed.: 4    მას ჟამსა მსწრაფლ მოვიდა ანგელოზი უფლისაჲ და დაიცვა
Line of ed.: 5    გუამი მისი უვნებელად და შეუხებელად ცეცხლისა მისგან. და მოვიდეს
Line of ed.: 6    კაცნი მორწმუნენი და წარიღეს გუამი მისი და დადვეს ლუსკუმასა პატივითა
Line of ed.: 7    დიდითა. ამის ყოვლისათჳს ვაქებდეთ და ვადიდებდეთ სახელსა უფლისა
Line of ed.: 8    ჩუენისა იესუ ქრისტესსა, რომელსა შუენის დიდება თანა მამით და სულით
Line of ed.: 9    წმიდითურთ, აწ და მარადის და უკუნითი უკნისამდე. ამინ.




Next part


This text is part of the TITUS edition of Hagiographical Texts edited by K. Kekelidze.

Copyright TITUS Project, Frankfurt a/M, 17.5.2015. No parts of this document may be republished in any form without prior permission by the copyright holder.