TITUS
Hagiographical Texts edited by I. Imnaishvili
Part No. 5
Previous part

Text: Doment. 
Page of ed.: 89 
Line of ed.: 1    ჴსენებაჲ და ცხორებაჲ წმიდისა დომენტისი


Line of ed.: 2    ივლისსა ՙე̂

Line of ed.: 3    ხოლო შეისუენა ნოენბერსა რვასა


Line of ed.: 4       წელსა ექუსას და მეოთხმეოცესა მეფობისა ავალის უღმრთოჲსა და
Line of ed.: 5    კერპთ-მსახურებისა ქალაქთა შინა მრავალთა საბერძნეთისათა ესე მეფე ავალი
Line of ed.: 6    უშჯულოჲ იქცეოდა უღმრთოებასა შინა თჳსსა და განვიდა ბრძოლად ბარ\ბაროსთა
Line of ed.: 7    და სძლო და დაიმორჩილნა. და ამისა შემდგომად ინება, რაჲთა
Line of ed.: 8    აღვიდეს ჰრომედ კონსტანტინით და დაჯდეს იგი საყდართა ჰრომისათა და
Line of ed.: 9    განაახლნეს მას შინა წესნი მსახურებისა მისისანი.

Line of ed.: 10       და ვითარცა მიიწია ჰრომედ, დადგა გარეშე ქალაქსა. და განვიდეს
Line of ed.: 11    შემთხუევად მისა დიდ-დიდნი და პატიოსანნი ქალაქისანი პატივითა და ძღუე\ნითა,
Line of ed.: 12    და ვითარცა იხილნა იგინი ავალის მეფემან, განიხარა სიხარულითა
Line of ed.: 13    დიდითა და შეჲწყნარნა იგინი პატივით და სიხარულით და თქუა: მე აღმი\თქუამს
Line of ed.: 14    აღთქუმაჲ ღმრთისა მიმართ, რაჲთაოდეს მივიწიო ჰრომედ და
Line of ed.: 15    დავჯდე საყდართა ზესა, აღვასრულო, აღუთქუმაჲ ჩემი და განვაახლო ტაძარი
Line of ed.: 16    კერპთაჲ დიდი, რომელ არს შინა ცხადად, და განვადიდო შჯული
Line of ed.: 17    ჰრომთაჲ უფროჲს ყოვლისა შჯულისა და არავინ უტეო ჭირსა შინა და
Line of ed.: 18    ურვასა და პატიჟსა, თჳნიერ მარტოდ ქრისტეანენი. მიუგეს მთავართა ჰრო\მისათა
Line of ed.: 19    და ჰრქუეს მას: შენ, მეფე, ჰბრძანე ყოვლისა შჯულისა პატივის\ცემაჲ
Line of ed.: 20    და შეურაცხ-ჰყავ ტაძარი კერპთაჲ, რომლისაჲ ჰბრძანე განტვებაჲ
Line of ed.: 21    და დარღუევაჲ; ნათესავისა უშჯულოთა ჰურიათაჲსაჲ, რომლისაჲ ჰბრძანე,
Line of ed.: 22    რაჲთა განადიდნენ, განასხენ და დაამდაბლენ; და ქრისტეანეთაჲ, რომელთაჲ
Line of ed.: 23    ჰბრძანე, რაჲთა შეურაცხ-ჰყვნე, და აწ პატივ-ეც და განადიდენ, რამეთუ
Line of ed.: 24    ქალაქი ჩუენი ქალაქი ქრისტეანეთაჲ არს, და ქრისტეანობაჲ მას შინა ცხად
Line of ed.: 25    არს და ჭეშმარიტ, რამეთუ ორნი თავნი მოწაფეთა იესუ ქრისტეს უფლისა
Line of ed.: 26    ჩუენისანი მას შინა იყვნეს, და მთგან ვისწავეთ სარწმუნოებაჲ სასწაულითა
Line of ed.: 27    გამო დიდთა და პატიოსანთა, რომელნი იყვნეს მას შინა.

Line of ed.: 28       ერთსა მათგანსა, რომელსა ერქუა პეტრე, რომელ არს თავი მოწაფე\თაჲ,
Line of ed.: 29    რომელმან აღადგინა მას შინა მკუდარი ჭეშმარიტად წინაშე ყოვლისა
Line of ed.: 30    ქალაქისა და განაქიქა ცთომაჲ სვიმეონ მოგვსაჲ, რომელსა ეცთუნა ქალაქი
Line of ed.: 31    ჩუენი ყოვლითა გრძნებითა მისითა, რომლისა მიზეზითა მოვიდა პეტრე ჩუენ\და
Line of ed.: 32    ქალაქით ანტიოქიაჲთ.

Line of ed.: 33       და ვითარცა ესმეს ავალის მეფესა სიტყუანი, შეშინდა და განლიგნა
Line of ed.: 34    ფრიად და დაეყენა შესლვად ქალაქად. ესე იქმნა ლოცვითა წმიდისა მამისა
Page of ed.: 90  Line of ed.: 1    ჩუენისა დუბნოს პაპოსაჲთა, რომელი სწავლულ იყო მოციქულთაგან და
Line of ed.: 2    იგნატიოს ებისკოპოზისა ანტიოქელისაგან, რომელი წარმოეცა დიოკლი\ტიანე
Line of ed.: 3    მეფისა უღმრთოჲსაგან ჩუენდა ქალაქად შესაჭმელად მხეცთა. და ესე
Line of ed.: 4    არს დუბნოს პაპი შრომისაჲ და რაჟამს ესმა, ვითარმედ ავალის მეფესა ჰნე\ბავს,
Line of ed.: 5    რაჲთა განაწესოს მსახურებაჲ ნათესავისაჲ და რაჲთა განადიდნეს ჰუ\რიანი,
Line of ed.: 6    ილოცა და ითხოვა ქრისტესგან, რაჲთა არა შევიდეს ჰრომედ, არცა
Line of ed.: 7    ხელმწიფობდეს მას შინა.

Line of ed.: 8       მიუგო ავალის უშჯულომან და ჰრქუა დიდებულთა ჰრომისათა: საყ\დარი
Line of ed.: 9    ჰრომისაჲ ჩემი არს და გვირგვინი მეფობისაჲ ჩემი არს. მიუგეს დიდე\ბულთა
Line of ed.: 10    და ჰრქუეს: ჭეშმარიტად შენი არს, მეფე, და ვითარცა გნებავს, გა\ნაგე.
Line of ed.: 11    მაშინ ბრძანა, რაჲთა მოართუან მას გვირგვინი და სამოსელი ძოწეული,
Line of ed.: 12    რომელ არს სამოსელი სამეუფოჲ, და შეჲმოსა და მოჲხუნა ათქუმანი მათ ყო\ველთაგან,
Line of ed.: 13    ვითარცა უნდა, და არა შევიდა ქალაქად და წარვიდა მუნით
Line of ed.: 14    ქალაქთა აღმოსავლისათა და დადგა იგი ნიკოდომიოს, აღმოსავალით კოს\ტანტინესა,
Line of ed.: 15    და დაყვნა მუნ მცირედნი დღენი და წარვიდა ნიკოდომით და
Line of ed.: 16    ტანტინესა, და დაყვნა მუნ მცირედნი დღენი და წარვიდა ნიკოდომით და
Line of ed.: 17    მივიდა ტარსონდ და წარვიდა ტარსონით და მივიდა როდოს და მუნ ჯდა,
Line of ed.: 18    რაჲთა დაჯდეს საყდარსა ანტიოქიაჲსასა.

Line of ed.: 19       და ჰყვანდა მხედარი, ვითარცა ქვშაჲ ზღვასაჲ. და შეკრბებოდა მისა
Line of ed.: 20    ყოვლით კერძო დიდ-დიდები და ძლიერნი და განთქმულნი ბრძოლასა ყოვ\ლით
Line of ed.: 21    ადგილით.

Line of ed.: 22       და იყო როდას შინა კაცი აღმოსავალით-კერძოჲ, ქალაქით ემიდელი,
Line of ed.: 23    რომელსა სახელი ერქუა დომენტი, კაცი ბრძენი და გონიერი. და ევედრა
Line of ed.: 24    ავალის მეფესა, რაჲთა ყოს იგი, ვითარცა ერთი სპასალართა მისთაგანი.
Line of ed.: 25    მიუგო ავალის მეფემან და ჰრქუა მას: რომლისა ქუეყანისაჲ ხარ შენ,
Line of ed.: 26    და რაჲ არს სახელი შენი? მიუგო დომენტი და ჰრქუა მას: ქალაქით ემიდე\ლი,
Line of ed.: 27    და სახელი ჩემი-დომენტი. და ავალის მეფემან მაშინღა შეჲწყნარა იგი
Line of ed.: 28    და ყო იგი სპასალარ სიხარულით და დაიყენა იგი, რაჲთა ივახშმოს მის
Line of ed.: 29    თანა. და ვითარცა დასხდეს, იწყეს სიტყუად ურთიერთას. და განმრავლდა
Line of ed.: 30    სიტყუაჲ მათი.

Line of ed.: 31       მიუგო ავალის მეფემან დომენტის და ჰრქუა, ვითარმედ: მესმა, რა\მეთუ
Line of ed.: 32    ასკლიპიდიანოს ჴელმწიფე მექადის, და ფრიად დამიკვრდა, ვინ არს
Line of ed.: 33    ესე, რომელსა აღუმაღლებიეს ჴმაჲ მისი და წინა-აღმიდგების მე?

Line of ed.: 34       იყო დომენტი უშჯულოჲ და ჰმსახურებდა იგი კერპთა და წადიერ იყო,
Line of ed.: 35    რაჲთამცა მოაქცია ნებაჲ ავალის მეფისაჲ სიტყუათაგა კეთილთა, რომელნი
Line of ed.: 36    სმენილ იყვნეს პატიოსანთა და დიდებულთა კაცთაგან ჰრომისათა, რამეთუ
Line of ed.: 37    ავალის მეფესა ჰრწმენა გულსა შინა თჳსსა, დაღაცათუ არა
Line of ed.: 38    გამოაცხა/დებდა.

Line of ed.: 39       მიუგო დომენტი ავალის მეფესა და ჰრქუა: უკუეთუ ისმინო განზრახვაჲ
Line of ed.: 40    ჩემი, დაგამორჩილო ყოველი აღმოსავალით ქუეშე ფერჴთა შენთა, რამეთუ
Line of ed.: 41    მრავალნი აღმოსავალითნი პატიოსანნი მოვლენან ჩემდა ფარულად და ცხა\დად
Page of ed.: 91  Line of ed.: 1    და მითხრობენ საჲდუმლოთა და განზრახვათა მათთა. და დააშუნდეს
Line of ed.: 2    სიტყუანი ესე ავალის მეფესა და დასტკბეს გონებასა მისსა. და იყო დომენ\ტი
Line of ed.: 3    მოსწრაფე, რაჲთა გარდააქციოს გონებაჲ ავალის მეფისაჲ
Line of ed.: 4    სარწმუ/ნოებისაგან.

Line of ed.: 5       და ვითარცა მოიწია ღამე, ბრძანა მეფემან, რაჲთა დაწვეს დომენტი
Line of ed.: 6    გარეგანსა სახლსა. და დადგეს მცველნი განწესებულსა საცავსა მათსა. და
Line of ed.: 7    დადგეს ჴრმლოსანნი ცვად მეფისა ჩუეულებისაებრ, და კარნი იყვნეს
Line of ed.: 8    დაჴშულ მათ ზედა. და დომენტის ეძინა გარეგანსა სახლსა.

Line of ed.: 9       და მადლმან ქრისტესმან, რომელმან უწოდა ზაქეს, და ღირს იქმნა
Line of ed.: 10    ხილვად უფლისა ჩუენისა იესუ ქრისტესა, და მოიკითხნა წმიდანი მოციქულნი
Line of ed.: 11    და ყო ავაზაკი მკჳდრ სასუფეველსა და გამოირჩია პავლე გზასა მას დამას\კოჲსასა,
Line of ed.: 12    და ესერა ეკლესიაჲ და შვილნი მისნი მხიარულ არიან და იხარე\ბენ
Line of ed.: 13    სწავლითა მისითა. და ეგრევე დომენტის ზედა გამობრწყინდა მადლი,
Line of ed.: 14    რომელმან უწოდა მადლსა მას აღთქმულსა წმიდათათჳს. და მიზეზი, რომლი\სათჳს
Line of ed.: 15    იწოდა დომენტი, ესრეთ იყო:

Line of ed.: 16       იყო რაჲ მიწოლილ სარეცელსა ზედა თჳსსა, განიზრახვიდა ბოროტთა
Line of ed.: 17    დიდთა გულსა შინა თჳსსა, რაჲთა აზრახოს ძჳრი ავალის მეფესა ანტიო\ქელთა
Line of ed.: 18    ზედა ყოველთა აღმოსავალისათა და რაჲთა ბოროტსა უყოფდეს
Line of ed.: 19    და სტანჯვიდეს ფიცხლად ქრისტიანეთა. მყის გამობრწყინდა შოვა-ღამესა
Line of ed.: 20    სახლსა მას შინა ნათელი ბრწყინვალე, და გამოცხადნა ანგელოზი უფლისაჲ,
Line of ed.: 21    და ჴელთა მისთა-მსგავსი ჴრმლისაჲ, რომელი ეგზებოდა, ვითარცა ელვაჲ
Line of ed.: 22    საშინელი. და აღივსო სახლი იგი ნათლითა და სულითა სურნელებისაჲთა.
Line of ed.: 23    და ვითარცა იხილა დომენტი ნათელი იგი შუენიერი, შეშინდა და იწყო
Line of ed.: 24    ძრწოლად, ვითარცა ლერწამმან. და მუჴლნი მისნი ერეკენოდეს ერთმანერთსა,
Line of ed.: 25    და ნაწლევნი მისნი იღულარჭნებოდეს მუცელსა შინა მისსა, და ჴელნი მისნი
Line of ed.: 26    შეეკრნეს, და იქმნეს თუალნი მისნი, ვითარცა სისხლნი.

Line of ed.: 27       მიუგო ანგელოზმან და ჰრქუა მას სიტყვათა მდაბლითა და ტკბილითა:
Line of ed.: 28    მე ვარ ანგელოზი ღმრთისაჲ, რომელი მოვივლინე იაკობ მამათ-მთავრისა
Line of ed.: 29    ღამე და შეუპყარ ბარკალი მისი ამით ჟამით, ვიდრე განთიადმდე: მე
Line of ed.: 30    ვარ, რომელი მივივლინე ანანია, აზარია, მისაელისა საჴუმილსა მას ცეცხლი\სასა
Line of ed.: 31    ბაბილოვნს: მე ვარ, რომელი მივივლინე დანიელ წინაწარმეტყუელისა
Line of ed.: 32    ჯურღმულსა მას ლომთასა: მე ვარ, რომელი მივივლინე ძისა ნოდაკ მღდე\ლისა
Line of ed.: 33    ბაბილოვნელთაჲსა და შევმოსე იგი სამოსლითა სპეტაკითა.

Line of ed.: 34       და აწ შენ, დომენტი, ნუ გეშინინ, ნუცა შესძრწუნდები, რამეთუ არა
Line of ed.: 35    ვითარ ჰგონებ, უკუეთუმცა შენ მოჰკუედ ურჩულოებასა შინა, არამედ ქრის\ტეანე,
Line of ed.: 36    მორწმუნე ჭეშმარიტი. და ესე ვნებაჲ ძნელი, რომლისათჳს მოვივლინე,
Line of ed.: 37    რომელი მოვაწიო შენ ზედა, მისგან სცნა უფალი ღმერთი, დამბადებელი
Line of ed.: 38    შენი, და რაჲთა უვარ-ჰყვნე კერპნი და ეშმაკნი. მე არაოდეს მოვივლინე
Line of ed.: 39    რისხვისათჳს და ჭირისა, არამედ რომელი უნდა ღმერთსა, რომელი მოუვლი\ნოს
Page of ed.: 92  Line of ed.: 1    ღმერთმან დაბადებულთა თჳსთა ჴელითა შენითა განმზადებული, რომე\ლი
Line of ed.: 2    მოგცეს შენ, და ჟამი სარგებელისა მის შენისაჲ, რაჲთა გამოცხადნეს,
Line of ed.: 3    რომელი იქმნებოდა ჴელითა წმიდათაჲთა, ვითარცა თჳთეული ჟამსა თჳსსა.
Line of ed.: 4    სხუაჲ არარაჲ ბრძანებულ არს ჩემდა, რაჲმცა გარქუ შენ, არამედ ესე ხოლო
Line of ed.: 5    მიზეზი, რაჲთა იცნა უფალი ღმერთი, დამბადებელი შენი.

Line of ed.: 6       მაშინ მიეახლა მას ანგელოზი იგი და სცა ზედა თეძოსა მარცხენესა
Line of ed.: 7    და განკუეთა მას შინა ძარღჳ წელითგან ვიდრე წუერადმდე ფერჴისა მი\სისა.
Line of ed.: 8    აღიმაღლა ჴმაჲ დომენტი ამისა შემდგომად და იწყო ვაებად და ტი\როდა
Line of ed.: 9    ტირილითა მწარითა ფიცხლისა მისთჳს ვნებისა. მიუგო ანგელოზსა
Line of ed.: 10    მას და ჰრქუა: გევედრები შენ, უფალო ჩემო, შემიწყალე. შენ აღმითქუ მე
Line of ed.: 11    და მარქუ, რამეთუ ჴელითა შენითა მიეცემოდის კურნებაჲ კაცთა. და აჰა
Line of ed.: 12    ესერა სული ჩემი აღმომვალს ფიცხლისა მისგან ვნებისა.

Line of ed.: 13       მიუგო ანგელოზმან და ჰრქუა მას, რამეთუ: ეგრე გეყოს შენ. და მყის
Line of ed.: 14    განეშორა ანგელოზი იგი. და იწყო დომენტი ხმობად და იტყოდა: მე შევსცეთი
Line of ed.: 15    და განვარისხე ღმერთი, რომელი უთხარ და გამოუცხადე, ვითარ დათრგუნნეს
Line of ed.: 16    ქალაქნი აღმოსავლეთისანი, და ვასწავებდ, რაჲთა სტანჯვიდეს ქრისტეანეთა.

Line of ed.: 17       იყო ავალის მეფე მღვიძარე და ისმენდა კუნესასა და ტირილსა დომენ\ტისსა,
Line of ed.: 18    და ვერ ეგებოდა, რაჲთამცა ჰკითხა, თუ რაჲ შეგემთხვა. და ვითარ
Line of ed.: 19    განთენა, მივიდა მისა ავალის მეფე და ჰრქუა მას: რაჲ არს, რომელი შეგე\მთხვა
Line of ed.: 20    შენ? ანუ რაჲ იყო მიზეზი კუნესისა შენისაჲ? და უთხრა მას დომენტი
Line of ed.: 21    ყოველი, რომელი შეემთხვა და რომელი ჰრქუა მას ანგელოზმან მან.

Line of ed.: 22       და ვითარცა ესმა ესე ავალის მეფესა, შესძინა სარწმუნოებაჲ ღმრთისა
Line of ed.: 23    მიმართ და ჰრქუა დომენტის: აწ რაჲ გეგულების საქმედ? მიუგო დომენტი
Line of ed.: 24    და ჰრქუა მას: მასმიეს, მეფეო ჩემო, ვითარმედ მკურნალნი ახლო არიან კუ\როს
Line of ed.: 25    ქალაქსა და არიან იგინი ჴელოვან საქმეთა მათთა და დიდად მოურნე
Line of ed.: 26    სნეულთათჳს და უძლურთა, ცუდად ჰკურნებენ მდიდართაცა და გლახაკთა
Line of ed.: 27    და მათა მეგულების მისლვის, და არა არს ღონე.

Line of ed.: 28       და გულისკლებითა დიდითა განუტევა იგი მეფემან და წარაყენა მის
Line of ed.: 29    თანა ჭაბუკი ერთი, რომელსა სახელი ერქუა მამა, რაჲთა მსახურებდეს დო\მენტის.
Line of ed.: 30    და ვითარცა მიიწინეს კუროს ქალაქად, შეემთხვა მათ მონაზონი,
Line of ed.: 31    რომელსა სახელი ერქუა ამბა საბა, რომელსა გამოუცხადა მას ღმერთმან
Line of ed.: 32    ყოველი საქმე მისი და ჰრქუა მას: ჩემდა არს ჭურ რჩეულ. და აქუნდა მო\ნაზონსა
Line of ed.: 33    მას ჴელთა მისთა ჯუარი, და იყო თავსა მისსა ჯუარი. და იყო იგი
Line of ed.: 34    მყოფთა თანა მის ქუეყანისათა, ვითარცა ანგელოზი ღმრთისაჲ. და იყო
Line of ed.: 35    თმაჲ თავისა მისისაჲ სპეტაკ, ვითარცა მატყლი წმიდაჲ.

Line of ed.: 36       მიუგო ამბა საბა და ჰრქუა მას: მშვიდობაჲ შენ თანა, რომელსა
Line of ed.: 37    გიტვრთავს ვნებაჲ ეგე ძნელი. და კუალად ნეტარ ხარ შენ, რამეთუ მიზე\ზითა
Line of ed.: 38    ამის ვებისა ძნელისაჲთა ღირს იქმენ ცნობად ღმრთისა და იხილე
Line of ed.: 39    ანგელოზი მისი და ეზრახე პირისპირ. და აწ შეჲწყნარე, რომელი გიბრძანა
Page of ed.: 93  Line of ed.: 1    შენ, და ნუ აქცევ მისგან ნუცა მარჯულ, ნუცა მარცხნ, არამედ შენ და ესე
Line of ed.: 2    ჭაბუკი, რომელ არს შენ თანა, და ესე ჯორი, რომელსა ზედა ჰზი, მიიმარ\თეთ
Line of ed.: 3    იმას მთასა, და მუნ ითქუნენ საჲდუმლონი შენდა მიმართ სარწმუნოე\ბისა
Line of ed.: 4    და ცხორებისანი, რამეთუ ესე ვნებაჲ, რომელ არს შენ თანა, არა განი\კურნების
Line of ed.: 5    წამლითა, არცა სიჴელოვნითა კაცთაჲთა, არამედ მარხვითა და
Line of ed.: 6    ლოცვითა და მღვძარებითა და დაყუდებითა. და კუალად გეტყჳ შენ, და
Line of ed.: 7    აწ კუალად იხილო შენ ანგელოზი უფლისაჲ მეორედ.

Line of ed.: 8       მაშინ განკჳრდა დომენტი ფრიად, ვითარცა ესმა ესე წმიდისა საბაჲს\გან;
Line of ed.: 9    და ვითრცა უბრძანა, ეგრეთცა ყო, და მიიმართა მთად კერძო, რომე\ლიცა
Line of ed.: 10    უჩუენა მას, და პოვა მას შინა ქუაბი მცირე. და ჰრქუა დომენტი
Line of ed.: 11    ჭაბუკსა მას, რომელიცა იყო მის თანა: ჩამომსუ ჯორისა ამისგან. და ვი\თარცა
Line of ed.: 12    ჩამოსუა, ვერ ეძლო ფერჴთა მისთა ზედა დგომად ტკივილისა მისგან,
Line of ed.: 13    არამედ მიბღუნვიდა იგი ჴელითა და ფერჴითა, ვიდრემდის შევიდა
Line of ed.: 14    ქუაბსა მას.

Line of ed.: 15       მაშინ იწყო ლოცვად და თქუა: ღმერთო ჭეშმარიტო, რომელმან მიჰ\ფინი
Line of ed.: 16    სული შენი ყოველთა ზედა, რომელსა მე, ცოდვილი, ვერ მეცნიერ ვი\ყავ,
Line of ed.: 17    და შენ გამომიცხადე მე უფლებაჲ შენი და ძალი შენი ჴელითა წმიდისა
Line of ed.: 18    ანგელოზისა შენისაჲთა. მე, ცოდვილი ესე, გმადლობ შენ, მომცემელსა და
Line of ed.: 19    შემძლებელსა ყოვლისასა, შენ, მპყრობელო ზესკნელთა და ქუესკნელთაო. შენ
Line of ed.: 20    მხოლოო, ძლიერ ხარ, ხოლო ჩუენ წარტყუენულნი ესე ვართ. შენ, უფალო
Line of ed.: 21    ჩემო და ღმერთო ჩემო, მასწავე მე, ვითარ ვილოცვიდე და ვითარ შევიწყ\ნარო
Line of ed.: 22    საიდუმლოჲ სარწმუნოებისა შენისაჲ, რომლისა გამო ვცხონდე, არა\მედ
Line of ed.: 23    შენ, მაცხოვარ, გამომიცხადე თავი შენი, რაჲთა გიცნა შენ, ვითარცა
Line of ed.: 24    მაუწყე ღმრთეებაჲ შენი და მომაქციე შენ და შემიწყნარე: უფალო ღმერთო
Line of ed.: 25    ჩემო, განმიღე კარი წყალობისა შენისაჲ წინაშე შენსა, რაჲთა არა ჰრცხუე\ნოდის
Line of ed.: 26    ყოველთა, რომელნი ხადიან სახელსა შენსა უკუნისამდე.

Line of ed.: 27       შემდგომად ლოცვისა დომენტისა და სიტყუათა მისთ მოიწია წმიდაჲ
Line of ed.: 28    ამბა საბა და ჰრქუა მას: მშვდობაჲ შენ თანა, ახოვანო ქრისტესო, ვითარცა
Line of ed.: 29    ითხოვე ღმრთისაგან და ევედრე, შეიწყნარა ლოცვაჲ შენი და ისმინა ვე\დრებაჲ
Line of ed.: 30    შენი და მომავლინა მე, რაჲთა მიგცე შენ ნიჭი ნათლის-ღებისაჲ და
Line of ed.: 31    გასწავლნე საჲდუმლონი მისნი და მიგიძღუე შენ მცნებათა მისთა. მაშინ
Line of ed.: 32    უპყრა ხელი მიდი და აღადგინა იგი და ჰრქუა მას: ნუ გეშინინ და ნუცა
Line of ed.: 33    შესძრწუნდები.

Line of ed.: 34       და მუნქუესვე ხმაჲ იყო კლდისა მისგან, რომელი განიპო, და აღმოეცენა
Line of ed.: 35    მისგან წყალი წმიდაჲ და გრილი, და მოვლო წყალმან ქუაბი იგი. და უნდა
Line of ed.: 36    დომენტის, რაჲთა ცნას, თუ რაჲ არს ნათლისღებაჲ, რამეთუ იყო იგი
Line of ed.: 37    კერპთ-მსახურ.

Line of ed.: 38       მიუგო ამბა საბა და ჰრქუა მას: იხილე, რამეთუ სათნო-გიყო შენ უფალ\მან
Line of ed.: 39    და ინება მოქცევაჲ შენი ცთმომილებისაგან შენისა მორჩილებად მისა და
Line of ed.: 40    მოგივლინა შენ წყალი ესე ამის კდლისაგან ფიცხლისა, რაჲთა ნათელ-იღო
Page of ed.: 94  Line of ed.: 1    ამით წყლითა და განიძარცუნე ცოდვანი შენნი. და უბრძანა ამბა საბა, რაჲთა
Line of ed.: 2    შთაჴდეს წყალსა მას შინა. და ვითარცა დგა წყალსა მას შინა, დამდაბლდა
Line of ed.: 3    ქუეყანაჲ ქუეშე ფერჴთა მისთა, ვიდრემდის მოადგა წყალი იგი ზედა ბეჭთა
Line of ed.: 4    მისთა, და განტფა იგი, და გამოჴდა მისგან სული სულნელებისაჲ, რომელმან
Line of ed.: 5    განაკვრვნის გონებანი კაცთანი.

Line of ed.: 6       მაშინ იწყო წმიდამან საბა ლოცვად და იტყოდა: განეხუნედ ბჭენი
Line of ed.: 7    ცათანი, და გარდამოჴედინ სული წმიდაჲ ცხოველი და დაადგერინ წყალსა
Line of ed.: 8    მას ზედა და აკურთხენ და განწმიდენ მონაჲ შენო დომენტუ ცოვათა მის\თაგან
Line of ed.: 9    რაჲთა შეჲმოსოს კაცებაჲ ახალი, რომელი განანათლებს ქრისტეს
Line of ed.: 10    მიერ, და ყოს იგი ჭურ რჩეულ სარწმუნოებითა ჭეშმარიტითა მამისა, ძისა
Line of ed.: 11    და სულისა წმიდისაჲთა აწ და უკუნით უკუნისამდე. ამენ.

Line of ed.: 12       და ნათელ-სცა კუალად ჭაბუკსა მას, რომელი იყო დომენტის თანა. და
Line of ed.: 13    ვიდრე აქამომდე აგრძნობდა ტკივილსა მას. მაშინ განეშორა მათგან წმიდაჲ
Line of ed.: 14    საბა. და იწყო ლოცვად წმიდამან დომენტი და იტყოდა: რომელი ჰზი ზედა
Line of ed.: 15    ქერობინთა საყდართა დიდებისათა, რომელი იქცვეი ეტლთა ზედა ცეცხლი\სათა,
Line of ed.: 16    რომელნი ძწიან და ადიდებენ სახელსა შენსა: და სერაბინნი, რომელნი
Line of ed.: 17    ფრინვენ, ღაღადებენ და იტყვან: წმიდა არს, წმიდა არს, წმიდა არს უფალი
Line of ed.: 18    და ძალნი ერთა ანგელოზთანი, რომელნი იფარვენ პირთა მათთა დიდებისა\გან
Line of ed.: 19    შენისა და ჰყოფენ ნებასა შენსა; შენ ხარ დამბადებელი ყოველთაჲ, შენ
Line of ed.: 20    ხარ უფალი ჩემი და ღმერთი ჩემი, შენ მოავლინე ანგელოზი შენი, რომელ\მან
Line of ed.: 21    განმკურნოს მე ვნებაჲ ესე ჩემი, და ვადიდებდე სახელსა შენსა
Line of ed.: 22    უკუ/ნისამდე.

Line of ed.: 23       მაშინ თაყუანის-სცა და დავარდა პირსა ზედა თჳსსა, შვიდ დღე
Line of ed.: 24    და შვიდ ღამე არცა სუა, არცა ჭამა. და მერვესა დღესა მოვიდა ანგელოზი
Line of ed.: 25    უფლისაჲ და ჰრქუა მას: მშვიდობაჲ შენ თანა, დომენტი, განძლიერდი და
Line of ed.: 26    განმხდი, მე ვარ, რომელი გამოგეცხადე შენ როდეს შინა და აჰა ესერა
Line of ed.: 27    მოსრულ ვარ შენდა, რაჲთა განგკურნო შენ მაგის ვნებისაგან ფიცხლისა, რა\მეთუ
Line of ed.: 28    იცან ღმერთი, რომელი გძულდა პირველ, და სდევნიდი მონათა მისთა
Line of ed.: 29    და სტანჯევდი მათ და მოსწრაფე იყავ და განიზრახევდ მათ ზედა ბოროტთა
Line of ed.: 30    დიდთა. და აღდეგ ფერჴთა შენა ზედა და ჰმადლობდ ღმერთსა შენსა.

Line of ed.: 31       და განიმარტა ჴელი მისი ანგელოზმან და დასდვა ზედა თეძოსა მისსა
Line of ed.: 32    და განკურნა იგი. და აღდგა დომენტი მიერითგან უვნებლად. ვითარცა
Line of ed.: 33    განიკურნა და განმრთელდა, შესძინა ლოცვასა და მარხვასა მისსა, და ეგ\რეთვე
Line of ed.: 34    ჭაბუკმან მან, რომელი-იგი იყო მის თანა, და ჰბაძვიდა მარხვასა და
Line of ed.: 35    ლოცვასა და მღვიძარებასა მისსა. და აღუთქუეს მათ ღმერთსა, რაჲთა არა
Line of ed.: 36    გამოვიდენ იგინი მიერ ქუაბით ყოველთა დღეთა ცხორებისა მათისათა.

Line of ed.: 37       და წმიდამან დომენტი შეჲცვალა სამოსელი ლბილი და შეჲმოსა ძაძაჲ
Line of ed.: 38    ფიცხელი და შეჲრტყა წელთა მისთა საბელი დანაკისკუდისა რტოჲსაჲ, რო\მელ
Line of ed.: 39    არს ზებენისაჲ, და იტყოდა: უკუეთუმცა ყოველნი ასონი ჩემნი ენა
Page of ed.: 95  Line of ed.: 1    იყვნეს, ვერმცა შემძლებელ ვიყავ მადლისა მიცემად შენდა, ვითარ-იგი შეჰგავს,
Line of ed.: 2    რომელ-ესე ჰყავ ჩემ თანა.

Line of ed.: 3       და ყოველთა დღეთა წარემატებოდა კეთილსა შინა და განდიდნებოდა
Line of ed.: 4    სარწმუნოებითა დღმრთისა მიმართ. და დაყო ქუაბსა მას შინა სამი წელი. და
Line of ed.: 5    არავინ იცოდა ყოფაჲ მისი მას შინა თვინიერ ორთა მათ ჭაბუკთა, რომელნი\იგი
Line of ed.: 6    იყვნეს მის თანა: ერთი იგი რომელ ჰყვანდა მის თანა, და მეორე-
Line of ed.: 7    რომელ-იგი მოვიდა ქუეყანით მისით, რომელნი ჰბაძვიდეს მას მარხვასა,
Line of ed.: 8    ლოცვასა და მღვძარებასა მისსა. და არა ჭამდეს იგინი თვინიერ ოსპნსა დამ\ბალსა,
Line of ed.: 9    და სადავე შეაგბიან მარილითა და ძმრითა და არარას ზრუნვიდეს
Line of ed.: 10    საწუთროჲსასა და არცა რას მოიგებდეს ყოვლადვე.

Line of ed.: 11       და შემდგომად სამისა წელსა ინება ღმერთმან, რაჲთა გამოაცხადოს
Line of ed.: 12    მონაჲ თჳსი და მოჰმადლოს მას კურნებაჲ, ვითარცა აღუთქუა მას ღმერთ\მან.
Line of ed.: 13    და იყო მიზეზი ესრეთ: რამეთუ ერთსა წარჩინებულსა მის ქალაქისასა
Line of ed.: 14    ედგა აქლემი რჩეული. და შეუპყრა მარცხენე ფერხი ტკივილმან ძარღვსამან,
Line of ed.: 15    და ესრეთ ვერ ეძლო სლვად. და ეძიებდეს უფალმან მისნი ყოვლითა წადიე\რებითა
Line of ed.: 16    და ვერ შეუძლეს განკურნებად მისა, და სიკეთისა მისისაგან შეე\წყალა
Line of ed.: 17    უფალთა მისთა დაკლვაჲ მისი და განაქციეს იგი მთად. და დაა\ვიწყდა
Line of ed.: 18    იგი მათ. ხოლო აქლემი იგი ვიდოდა მცირედ-მცირედ და ძოვდა
Line of ed.: 19    მთასა მას.

Line of ed.: 20       და მივიდა და დადგა ქუაბსა მას ზედა, რომელსა შინა იყო წმიდაჲ
Line of ed.: 21    იგი, და ნებითა ღმრთისაჲთა ჩაუთქდა ზედა ქუაბსა მას და შთაუცთა ფერხი
Line of ed.: 22    იგი ვნებული აქლემსა განპებულსა მას და ყვროდა ყვირილითა დიდითა ვნებისა
Line of ed.: 23    მისგან და ტკივილისა. მაშინ განყო წმიდამან დომენტი ხელი და უპყრა.
Line of ed.: 24    ფერხი აქლემსა მას, და მუნქუესვე ივლტოდა მისგან ვნებაჲ იგი. მაშინ აღმო\
Line of ed.: 25    სწუადა აქლემმან მან ფერხი და წარვიდა მწრაფლ უფალთა მისთასა. ხოლო
Line of ed.: 26    მათ ვითარცა იხილეს იგი, განკვირდეს და განლიგნეს, რამეთუ არა იცოდეს,
Line of ed.: 27    რომლითა მიზეზითა განკურნა. მაშინ მწყემსნი რომელნი აძოებდეს მთასა
Line of ed.: 28    მას შინა, იხილეს წმიდაჲ დომენტი და მოწაფენი მისნი მის თანა, ილოცვიდეს რაჲ
Line of ed.: 29    და იდრკდეს მუხლთა მათთა.

Line of ed.: 30       მაშინ წარვიდეს მწყემსნი იგი და უთხრას ჰამბავი წმიდათაჲ მათ. და
Line of ed.: 31    მოვიდეს უფალნი იგი აქლემისანი მრავალთა თანა და იხილნეს ნეტარნი იგი
Line of ed.: 32    ლოცვასა შინა და ღმრთის-მსახურებასა და იკურთხნეს მათგან და მიიქცეს
Line of ed.: 33    სოფლადცე თჳსა, ჰმადლობდეს და ადიდებდეს ღმერთსა. და მიერითგან განე\ფინა
Line of ed.: 34    ჰამბავი მხნეთა წმიდათაჲ ყოველთა ადგილთა. და ვინა ვინ იყო ვნე\ბული
Line of ed.: 35    კაცი, გინა პირუტყვ, და ვინცა მივიდოდა, განიკურნებოდეს და მი\იქცევოდეს
Line of ed.: 36    სიხარულით და მხიარულებით ადგილადვე თჳსა. და განხდა ჰამ\ბავი
Line of ed.: 37    მისი ყოველთა კიდეთა ქუეყანისათა. და რომელსა ზედა დასდებდა
Line of ed.: 38    ხელსა კაცსა, გინა პირუტყუსა, განიკურნებოდეს ძალითა ღმრთისაჲთა, რო\მელი
Line of ed.: 39    დამკვიდრებულ იყო მის თანა.


Page of ed.: 96 
Line of ed.: 1       და დაყვეს ქუაბსა მას შინა მას და მოწაფეთა მისთა ოც და ათი წელი,
Line of ed.: 2    არა შეცვალნეს ძაძანი მათნი, რომელ ემოსა სამოსლად მათა, არამედ ემოსა
Line of ed.: 3    მათ ვიდრე სიკუდილმდე მათა. ხოლო საზრდელი მიჲღიან კვირიაკითა
Line of ed.: 4    კვირიაკედ.

Line of ed.: 5       და მოუხდა მათ ეშმაკი და ბრძოლა-უყო ბრძოლითა დიდითა და ეჩუე\ნებოდა
Line of ed.: 6    მათ ჩუენებითა თითო-სახითა დაუცადებელად, რაჲთამცა და\აყუდნა
Line of ed.: 7    იგინი ლოცვათა მათთაგან და წესისა სულიერისაგან. ხოლო მათ
Line of ed.: 8    არა შეჲწყნარნეს განზრახვანი მათნი და საქმენი მათნო ბოროტნი, რამეთუ
Line of ed.: 9    ჰსუროდა უფლისა ღმრთისა მათისა და შეეწირნეს სულნი მათნი და გუამნი
Line of ed.: 10    მათნი ღმრთისა, და იყო იგი შემწე მათა და განმაკრძალებელ საქმეთა
Line of ed.: 11    ზედა მტერისათა დაფარულთა და ცხადთა.

Line of ed.: 12       და ოდეს მოეახლის მის მტერი, მოიბეჭდნიან ჯუარითა პატიოსნითა
Line of ed.: 13    პირნი მათნი და თუალნი მათნი და შეურაცხ-ყვიან წინა-აღმდგომნი მათნი,
Line of ed.: 14    რაჲთა ემღერდეს თავსა თჳსსა და დაიწუებოდის თავით თჳსით. და შემდ\გომად
Line of ed.: 15    ჟამთა ჟამთა ეჩუენა ეშმაკი მსგავსად ცხენისა ბოროტისა და მწიხნარისა და
Line of ed.: 16    მკბენარისა, და ხუიოდა ძლიერად და დადგა წინაშე მათსა, რაჲთა დააბრ\კოლნეს
Line of ed.: 17    ლოცვასა მათსა და მსახურებასა ღმრთისა მიმართ. ხოლო მათ აღი\ხილნეს
Line of ed.: 18    თუალნი მათნი ზეცად და თქუეს: თუალნი უფლისანი მოშიშთა მისთა
Line of ed.: 19    ზედა და რომელნი ესვენ წყალობათა მისთა. და კუალად თქუეს: არა თუ
Line of ed.: 20    ძალი ცხენისაჲ უნდა უფალსა, არცა ძლიერებაჲ გმირისაჲ სთნდა, არამედ
Line of ed.: 21    სთნდენ უფალსა მოშიშნი მისნი და რომელნი ესვენ წყალობათა მისთა.

Line of ed.: 22       მიუგეს წმიდათა მათ ეშმაკსა მას და ჰრქუეს: არა გულისხმა-გიყოფიეს,
Line of ed.: 23    წყეულო, რამეთუ უფალმან ჩუენმან განგუაკრძალნა ჩუენ და თქუა პირითა
Line of ed.: 24    წინაწარმეტყუელისაჲთა: ნუ იყოფით, ვითარცა ცხენი და ჯორი, რომელთა
Line of ed.: 25    თანა არა არს გულისხმაჲ ჭიმითა და აღვრითა ქცევად ღაწუნი მათნი, რო\მელნი
Line of ed.: 26    შენ არა მოგეახლნიან მსგავსად პირუტყუ-სახეო, არამედ ქრისტე\მან,
Line of ed.: 27    ძემან ღმრთისა ცხოველისამან წარგწყმიდენ შენ და განგაბნიენ შენ.

Line of ed.: 28       და ვითარცა ესმა მხდომსა მას სახელი ქრისტესი, ივლტოდა, ვითარცა
Line of ed.: 29    რაჲ-იგი ივლტინ კუამლი წინაშე ქარისა. და დაადგრეს წმიდანი იგი ლო\ცვასა
Line of ed.: 30    მათსა ზედა დაუყდუნებელად და იტყოდეს: გმადლობთ შენ,
Line of ed.: 31    უფალო, ღმერთო ჩუენო იესუ ქრისტეს, რომელმან გამოაბრწყინე ნათელი
Line of ed.: 32    ბრწყინვალე ჭეშმარიტებისა შენისაჲ, რომელმან მიხსნენ ჩუენ მსახურებისა\გან
Line of ed.: 33    კერპთაჲსა, მონანი შენნი, და მომიწოდე ჩუენ ბნელისაგან ნათლად და
Line of ed.: 34    მიძეღუ ჩუენ ცთომილებისაგან გზასა ცხორებისასა და სრულ ჰყავ ჩუენ თანა,
Line of ed.: 35    უფალო ღმერთო ჩუენო, წყალობაჲ შენი და მადლი შენი, გამოგვიცხადე ჩუენ
Line of ed.: 36    გზაჲ შენი ჭეშმარიტი, რაჲთა ვიდოდით მას შინა, და მიხსნენ ჩუენ ბორო\ტისაგან
Line of ed.: 37    მტერისა და მანქანებათაგან მისთა, რომელსა ჰნებავს შესუმად სი\სხლი
Line of ed.: 38    ჩუენი, რამეთუ შენ მხოლომან უწყი უძლურებაჲ გონებათა ჩუენთაჲ.
Page of ed.: 97  Line of ed.: 1    და უკუეთუ შენ, არა დაგვცვნე ჩუენ, მუნქუესვე შემჭამნეს და შთა\მთქნეს
Line of ed.: 2    ჩუენ. გიხსნიეთ, უფალო, ერთ-გზის კბილთა მათთაგან და აწ ნუ
Line of ed.: 3    მიგუცემ ხელთა მათთა, რაჲთა არა დაფქვნეს ასონი ჩუენნი, არამედ გვიხსნენ
Line of ed.: 4    ჩუენ ბოროტისაგან და მანქანებისა მისისაგან და ყოველი, რომელი მიმძლავ\რებულ
Line of ed.: 5    არს ნებასა მისსა, მოაქციე ცნობად ჭეშმარიტებისა, რაჲთა გიცნან
Line of ed.: 6    შენ, რამეთუ შენ ხარ ღმერთი ჭეშმარიტი, და ყოველსა რომელსა ჰრწმე\ნეს
Line of ed.: 7    შენი, არასადა ჰრცხუენეს, არამედ აქუნდეს შენ თანა ცხორებაჲ
Line of ed.: 8    წა/რუვალი.

Line of ed.: 9       და ვითარცა დაასრულნეს ლოცვანი მათნი, გამობრწყინდა ქუაბსა მას
Line of ed.: 10    შინა ნათელი უფროჲს ნათლისა მზისა, და მოვიდა მის ხმაჲ, ხმა-ყო და
Line of ed.: 11    ეტყოდა: ნეტარ ხარ შენ, დომენტი, რამეთუ ღირს იქმენ, რაჲთა იყო შენ
Line of ed.: 12    სახლ ღმრთის და ისმინნე დაფარულნი საჲდუმლონი მისნი, და მოცემულ
Line of ed.: 13    არს შენდა ხელმწიფებაჲ ძალითა უფლისა შენისაჲთა ყოველსა ზედა ძალსა
Line of ed.: 14    მტერისასა და ამას ვნებასა ზედა ფიცხელსა, რომლისაგან იტანჯებიან მრა\ვალნი
Line of ed.: 15    მოდღენდღელად დღედმდე. და აჰა ესერა მოგცა შენ ღმერთმან
Line of ed.: 16    ხელმწიფებაჲ: ყოველსა რომელსა თანა იყოს ვნებაჲ ესე ძნელი და ფიცხელი,
Line of ed.: 17    რომელ არს ტკივილი ძარღვსაჲ, და რომელი მოვიდეს შენდა და გევე\დრებოდის,
Line of ed.: 18    იყოს მისა ლხინება და კურნება სიძნელისა მის სალმობისა
Line of ed.: 19    მისისა.

Line of ed.: 20       და შემდგომად სიტყუათა ამათ განეშორა ნათელი იგი ბრწყინვალე, და
Line of ed.: 21    დარჩეს იგინი განლიგებულნი, რამეთუ ხედვიდეს ნათელსა და ესმოდეს სი\ტყუანი,
Line of ed.: 22    და არავინ ეჩუენა მათ და ჰმადლობდეს ღმერთსა და ადიდებდეს
Line of ed.: 23    დიდსა წყალობასა მონათა მიმართ მისთა ზედა.

Line of ed.: 24       და აღესრულა შეწევნაჲ მისი მოყუარეთა და რჩეულთა მისთა ზედა. და
Line of ed.: 25    შემდგომად დღისა მის მეორისა დღისა მოიწია მისა ერი მრავალი, ვნებულნი
Line of ed.: 26    ამით სალმობითა ძნელითა, და დაცვეს პირსა ზედა წინაშე მისა, ხმობდეს
Line of ed.: 27    და იტყოდეს: შეგვიწყალენ ჩუენ, მონაო უფლისა ჩუენისა იესუ ქრისტესო
Line of ed.: 28    წმიდაო დომენტი, რამეთუ შენ მოგცა უფალმან კურნებაჲ ამას ვნებასა
Line of ed.: 29    ზედა.

Line of ed.: 30       და ვითარცა ესმა წმიდასა მას ხმაჲ მათი, ღაღადებდეს რაჲ და და\ეცნეს
Line of ed.: 31    პირსა ზედა თჳსსა და იტყოდეს, შეეწყალნეს იგინი და ყო მათ ზედა
Line of ed.: 32    ლოცვაჲ ყოვლითა გულითა მისითა და თქუა: უფალო ჩემო იესუ ქრისტე,
Line of ed.: 33    სიბრძნეო მამისაო და ძალო მისო, რომლისა მიერ დაებადნეს დაბადებულნი
Line of ed.: 34    ყოველნი, და თვნიერ შენსა არარაჲ დაებადა, რამეთუ შენ ხარ, რომელმან
Line of ed.: 35    აღუხილენ თუალნი ბრმათანი და ჰყვენ ენანი უტყუთანი მეტყუელად. აწ,
Line of ed.: 36    უფალო, ყოვლისა მპყრობელო, მოეც ამათ ყოველთა კურნებაჲ შენი სულთა
Line of ed.: 37    ვნებულთა ძნელად, და იყავნ სახელი შენი კურთხეულ მამისა თანა, რომლისა
Line of ed.: 38    თანა არა არს შეცვალებაჲ, და სული წმიდაჲ, მომცემელი ცხორებისაჲ უსრუ\ლებელისაჲ
Line of ed.: 39    უკუნისამდე. ამენ.


Page of ed.: 98 
Line of ed.: 1       და ვითარცა განიშორა ლოცვაჲ მისი, და თქუეს ამენი ვნებულთა,
Line of ed.: 2    და მყის აღემართნეს და დადგეს ფერხთა თჳსთა ზედა განმრთელებულნი
Line of ed.: 3    ვნებისა მისგან და ჰმადლობდეს მამასა, ძესა და წმიდასა სულსა და მადლსა
Line of ed.: 4    მისცემდეს წმიდასა მას, რომელი შოვა-მდგომელ ექმნა მათ და ლოცვითა
Line of ed.: 5    მისითა ღირს იქმნეს წყალობასა. და განიხარა წმიდამან სიხარულითა დიდითა,
Line of ed.: 6    რამეთუ შეჲსმინა ღმერთმან ლოცვაჲ მისი, და აღესრულა ნებაჲ მისი, და
Line of ed.: 7    განსრულდა გულის-თქმაჲ მისი.

Line of ed.: 8       და მიერ დღითგან განხდა სახელი წმიდისა დომენტისი, და იქმნა გზაჲ
Line of ed.: 9    იგი დაუწყუედელ მისა მომავალთა უძლურთა, და ყოველნი მიჲქცეოდეს სიხა\რულით
Line of ed.: 10    და მხიარულნი ყოვლითა კეთილითა ქუეყანადვე თჳსა. და განიხარა
Line of ed.: 11    წმიდამან სიხარულითა დიდითა. და არა ხოლო თუ ქრისტეანენი მორწმუ\ნენი,
Line of ed.: 12    არამედ უღმრთონიცა და ჰურიანი და ყოველნი ნათესავნი, რომელთა
Line of ed.: 13    არა იცოდეს ღმერთი და არცა შჯული, მრავალნი მათგანნი შეჲწყნარებდეს
Line of ed.: 14    ქრისტეანე შემდგომად განკურნებისა მათისა სალმობისა მისგან ძნელისა.

Line of ed.: 15       დაყო წმიდამან დომენტი ქუაბსა მას შიბა ოც და ათი წელი და სათნო\ეყო
Line of ed.: 16    ღმერთსა დღე და ღამე და აღასრულნა ყოველნი დღენი მისნი კეთი\ლითა
Line of ed.: 17    განგებითა და გვირგვინოსან იქმნა სრულითა სათნოებითა და იქმნა იგი
Line of ed.: 18    ჭურ სულისა წმიდისა. და იყო ნებაჲ ღმრთისაჲ, და იქმნა იგი შესავედრე\ბელ
Line of ed.: 19    ყოველნი რომელნი ხადოდეს მას და ესვიდეს სახელსა მისსა, შორი\ელნი
Line of ed.: 20    და მახლობელნი.

Line of ed.: 21       და შემდგომად ამისა დასნეულდა, ვითარცა ერთი კაცთაგანი, შე\მოსილი
Line of ed.: 22    ხორცითა და ეუწყა განსლვაჲ მისი ამიერ საწუთროჲსაგან და მი\სლვაჲ
Line of ed.: 23    მისი ღმრთისა მისისა. იწყო ლოცვად და იტყოდა ესრეთ: ღმერთო,
Line of ed.: 24    რომელმან დაჰფარე ნოვე მართალი კიდობანსა მას შინა და გამოირჩიე
Line of ed.: 25    აბრაჰამ და აღუთქუ მიცემად ძე მისი ისაკი, და იხსენ იოსებ, მარხველი
Line of ed.: 26    სიწმიდისაჲ, და რომელი გამოეცხადე მოსეს, თავსა მას წინაწარმეტყუელ\თასა,
Line of ed.: 27    მთასა ზედა სინასა და განაძლიერე ისუ ძე ნავესი, მოწაფე მოსესი,
Line of ed.: 28    და რომელი ეტყოდე საჲდუმლოთა შენთა პირითა წინაწარმეტყუელთა შენ\თაჲთა
Line of ed.: 29    და ჰქადაგე ხარებაჲ სახარებისა შენისაჲ ხელითა რჩეულთა მოცი\ქულთა
Line of ed.: 30    შენთაჲთა და სიხარულით გვირგვინოსან ჰყვენ ახოვანნი, აღმსაარებელნი
Line of ed.: 31    სახელისა შენისანი, წმიდანი შენნი მოწამენი, და ჰყავ ჩემ თანაცა, ცოდვილისა
Line of ed.: 32    ამისთჳს და უძლურისა, რომელი არა ღირს ვარ არარას ამის კეთილისა\განსა,
Line of ed.: 33    რომელი უფროჲს გარდაჰმატე ჩემ ზედა წყალობაჲ შენი, და აწ,
Line of ed.: 34    უფალო, გევედრები შენ, რამეთუ მრავალნი მოვლენან შორიელნი და ეძიებენ
Line of ed.: 35    კურნებასა ამის სალმობისა ძნელისაგან, რომელი აღმითქუ მე წყალობითა
Line of ed.: 36    შენითა კურნებაჲ მისი.

Line of ed.: 37       და ოდეს არა მპოვონ მე, მიჲქცენ ქუეყანადვე თავსა მწუხარენი და გულ\კლებულნი,
Line of ed.: 38    უსასონი კურნებისა მათისაგან, არამედ შენ, უფალო ჩემო და
Page of ed.: 99  Line of ed.: 1    ღმერთო ჩემო, ყოვლისა მპყრობელი, ყავ ჩემ თანა შემდგომად სიკუდილისა
Line of ed.: 2    ჩემისა წყალობაჲ და მადლი შენი, ვითარცა ჰყავ ცხორებასა ჩემსა, და ყო\ველი
Line of ed.: 3    რომელი მოვიდოდის წინაშე ძუალთა ჩემთა და ილოცვიდეს სარწმუ\ნოებით
Line of ed.: 4    სახელისა შენისათჳს წმიდისა, ეყავნ მათ სიხარულ და კურნება
Line of ed.: 5    ვნებისა მათისათჳს. რამეთუ შენ, უფალო ღმერთო, შეჲწირე ვედრებაჲ ჩემი
Line of ed.: 6    და მომმადლე თხოვაჲ ჩემი და მიჰმადლე კურნებაჲ: ყოველმან რომელმან
Line of ed.: 7    ხადოს სახელსა შენსა ცხოველსა და ახსენოს სახელი ჩემი, მიერ მას სიხარუ\ლი,
Line of ed.: 8    სიმრთელე და კურნებაჲ ამის ვნებისაგან ძნელისა, და რაჲთა იდი\დებოდის
Line of ed.: 9    სახელი შენი პატიოსანი ყოველთაგან უკუნითი უკუნისამდე.
Line of ed.: 10    ამენ.

Line of ed.: 11       და ვითარცა აღასრულა წმიდამან დომენტი ლოცვაჲ თჳსი და თქუა
Line of ed.: 12    ამენი, მყის გამობრწყინდა ნათელი ქუაბსა მას შინა ბრწყინვალე, რომლისა
Line of ed.: 13    ვერ შემძლებელ არს ენაჲ მითხრობად. და ხმანი გალობისანი მაღალნი და
Line of ed.: 14    ტკბილნი ისმოდეს ურთიერთას: პატიოსან არს წინაშე უფლისა სიკუდილი
Line of ed.: 15    წმიდათა მისთაჲ. და სხუანი იტყოდეს ურთიერთას: თუალნი უფლისანი
Line of ed.: 16    მართალთა ზედა, და ყურნი მისნი ლოცვასა მათსა ზედა. და იყო წმიდაჲ
Line of ed.: 17    იგი განკვირვებულ ფრიად, რამეთუ ესმოდეს ხმანი და იხილა ნათელი, და
Line of ed.: 18    არავინ ეჩუენა მას.

Line of ed.: 19       მაშინ ეჩუენა მას კაცი სამოსლითა სპეტაკითა მოსილი, და მის თანა
Line of ed.: 20    ორნი სხუანი ბრწყინვალენი და ჰრქუეს: მშვიდობაჲ შენ თანა, კეთილო მუშა\კო,
Line of ed.: 21    რამეთუ ნაყოფი შენი აღორძნდა და განმრავლდა, რომელმან ყო ოც
Line of ed.: 22    და ათი და სამეოცი და ასი. და ესე ნაყოფი შენი დამარხულ არს საუნჯესა
Line of ed.: 23    მეუფისა ცათაჲსასა, და მოგცა შენ უფალმან თხოვაჲ შენი და აღგისრულა
Line of ed.: 24    უფალმან ნებაჲ შენი, რაჲთა ჰკურნებდე შემდგომად სიკუდილისა შენისა:
Line of ed.: 25    ყოველი რომელი ვნებულ იყოს სალმობითა ძნელითა არა ხოლო კაცთა
Line of ed.: 26    მიმართ, არამედ მხეცთა და პირუტყუთა ეყოს კურნებაჲ, არა ხოლო თუ
Line of ed.: 27    რომელნი მოვიდოდიან შენდა, არამედ ყოველთა რომელთა ხადონ სახელსა
Line of ed.: 28    შენსა ყოველსა ქუეყანასა სარწმუნოებით, ეყოს მათ სიხარულ და კურ\ნება
Line of ed.: 29    და ხსნად ვნებათა და სენთა მათთაგან.

Line of ed.: 30       და ვითარცა ესმეს წმიდასა დომენტის სიტყუანი ესე, განიხარა და მხია\რულ
Line of ed.: 31    იქმნა, რამეთუ ისმინა უფალმან თხოვაჲ მისი და აღუსრულა, რომელსა\იგი
Line of ed.: 32    ეძიებდა, და მუნქუესვე შეჰვედრა სული თჳსი ხელთა დამბადებელისა
Line of ed.: 33    თჳსისათა და განვიდა ამის საწუთროჲსაგან მძლე და გვირგვინოსანი და გვირგვნ\შემოსილი.
Line of ed.: 34    და წმიდამან მან წინაჲთვე ამცნო მოწაფეთა თჳსთა და აფუცნა
Line of ed.: 35    იგინი, რაჲთა დაჰმარხონ იგი ქუაბსა მას შინა. და ყვეს ეგრეთ და აღასრუ\ლეს
Line of ed.: 36    მცენბაჲ მისი.

Line of ed.: 37       და იყოფოდეს იგინი ქუაბსა მას შინა, ვიდრემდის შეჲსუენეს და დაე\მარხანეს
Line of ed.: 38    წმიდისა მის თანა. ვითარცა იყვნეს იგინი მის თანა საწუთროსა მას
Page of ed.: 100  Line of ed.: 1    მარხვითა, შრომითა და მღვიძარებითა, ეგრეთვე იქმნეს მის თანა საუკუნესა
Line of ed.: 2    სიხარულსა შინა და მხიარულებასა დაუსრულებელსა.

Line of ed.: 3       შეჲსუენა წმიდამან დომენტი თთუესა ნოემბერსა რვასა. და ვევედრებით
Line of ed.: 4    უფალსა ჩუენსა იესუ ქრისტესა, რაჲთა მეოხებითა მისითა შეგვიწყალნეს და
Line of ed.: 5    ღირს გუყვნეს სასუფეველსა და გუაქუნდეს ნაწილი სასუფეველსა ცათასა
Line of ed.: 6    მადლითა და წყალობითა და კაცთ-მოყუარებითა ქრისტესბ შენისაჲთა, რომ\ლისა
Line of ed.: 7    ჰშუენის პატივი და თაყუანის-ცემაჲ თანა მამით და სულით წმიდი\თურთ
Line of ed.: 8    აწ და მარადის და უკუნითი უკუნისამდე. ამენ.



Next part


This text is part of the TITUS edition of Hagiographical Texts edited by I. Imnaishvili.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.