TITUS
Hagiographical Texts edited by I. Imnaishvili
Part No. 6
Previous part

Text: Sept.Inf. 
Page of ed.: 101 
Line of ed.: 1    წამებაჲ შვიდთა ყრმათაჲ


Line of ed.: 2    თ(თუეს)ა აგჳსტოსსა ՙბ̂


Line of ed.: 3       რომელნი იწამნეს დეკეოზისაგან მეფისა ეფესოს შინა ქალაქსა, რო\მელთა
Line of ed.: 4    სახელები ესე არს: მაქსიმიანე, იამბლიქე, მარტინე, დეონოსიოს, იო\ვანე,
Line of ed.: 5    ექსაკოს, დადიანე, ანტონინე.

Line of ed.: 6       ესე არიან რომელნი იწამნეს ეფესოს შინა, დედაქალასა, რაჟამს-იგი
Line of ed.: 7    დაიპყრა დეკეოზ, მეფემან უშჯულომან. შთავიდა იგი რისხვით ეფესოდ კარ\თაგენით
Line of ed.: 8    ქალაქით. მაშინ შეკრბეს გარემო სოფკებისა მის ადგილისაჲ გებად
Line of ed.: 9    ცუდთა ღმერთთა. ხოლო ეკლესიანი იგი მორწმუნეთანი დაიხსნეს, და
Line of ed.: 10    მღდელნი განიბნინეს, და ქრისტეანენი შეშინდეს ფრიად და დადნებოდეს
Line of ed.: 11    პირისაგან მის მძლავრისა უშჯულოჲსა.

Line of ed.: 12       და ვითარ შევიდა დეკეოზ ეფესოდ, აღმაღლდა გული მისი და იწყო
Line of ed.: 13    შენებად ტაძრებისა ქალაქსა შორის. და ვითარ განვრცნა იგი წარმართებასა
Line of ed.: 14    შინა, მაშინ ამცნო მთავართა ქალაქისათა გებად მის თანა ცუდთა მათ
Line of ed.: 15    ღმერთთა და ესრეთ შეაგინნა ხორცნი მათნი სისხლისა მისგან ნაგებისა.

Line of ed.: 16       და ყოველი სიმრავლე შეკრბებოდეს თოთოეულისაგან ადგილისა ტაძარსა
Line of ed.: 17    მას კერპთასა, რომელი იყო ეფესოს შინა. და კუამლსა ბოროტსა შეეცვა
Line of ed.: 18    ქალაქი იგი, და ბნელსა და არმულსა გებისა მის მათისასა დაეპყრა ქუეყანაჲ,
Line of ed.: 19    რომელსა-იგი უგებდეს ცუდთა ღმერთთა. და აღვიდოდა შორის ქალაქსა და
Line of ed.: 20    გარე-შეიცვიდა ზღუდეთა მათთა.

Line of ed.: 21       და ვითარ დღესასწაულსა ამას აღსრულებდა დეკეოზ მეფე ცუდთა მათ
Line of ed.: 22    ღმერთთათჳს, უბრძანა ყოვლისა სიმრავლისა შეკრებაჲ დღესასწაულსა მას
Line of ed.: 23    ღმერთთასა.

Line of ed.: 24       მაშინ შეკრბებოდა სიმრავლე
Line of ed.: 25    ურიცხვ თითოეულისაგან ადგილისა
Line of ed.: 26    ტაძრებსა მას კერპთასა, რომელნი იყვნეს
Line of ed.: 27    შოვა ქალაქსა, და შესწირვიდეს
Line of ed.: 28    და უზორვიდეს
Line of ed.: 29    ცუდთა ღმერთთა. ხოლო დიდსა გლოვასა
Line of ed.: 30    და მწუხარებასა შეეპყრნეს
Line of ed.: 31    ყოველნი მორმწუნენი და დამდაბლდებოდეს
Line of ed.: 32    კერპთ-მსახურთა ქუეშე.
Line of ed.: 33    და რომელნიმე ივლტოდეს
Line of ed.: 34    და დაიმალებოდეს
Page of ed.: 102  Line of ed.: 1    და იფარვიდეს
Line of ed.: 2    პირებსა მათსა,
Line of ed.: 3    სულთ-ითქუმიდეს
Line of ed.: 4    და იურვოდეს
Line of ed.: 5    შიშისა მისთჳს და დევნისა მათისათჳს.

Line of ed.: 6       და მესამესა დღესა ბრძანა მეფემან
Line of ed.: 7    შეპყრობაჲ ქრისტეანეთაჲ.
Line of ed.: 8    ხოლო წარმართნი და ჰურიანი თანა-ექცეოდეს
Line of ed.: 9    სტრატიოტთა და სახლებისაგან
Line of ed.: 10    და ქუაბებისაგან
Line of ed.: 11    გამოზიდვიდეს
Line of ed.: 12    და გამოასხმიდეს
Line of ed.: 13    ქრისტეანეთა და აჭირვებდეს
Line of ed.: 14    და უთქუმიდეს
Line of ed.: 15    და მოჰყვანდეს
Line of ed.: 16    იგი კრებულად მათა, რომელნი-იგი
Line of ed.: 17    შეკრებულ იყვნეს
Line of ed.: 18    გებად კერპთა მათ მეფისათა.

Line of ed.: 19       ხოლო რომელნი შეშინდებოდეს
Line of ed.: 20    სატანჯველთაგან, შეუბრკუმებოდა და დაეცემოდეს
Line of ed.: 21    სიმაღლისაგან
Line of ed.: 22    სარწმუნოებისა და ცხორებისაგან
Line of ed.: 23    საუკუნოჲსა და მიდრეკებოდეს
Line of ed.: 24    გებად კერპთა წინაშე ერისა.

Line of ed.: 25       ხოლო მორწმუნეთა ქრისტეანეთა
Line of ed.: 26    ესმოდა რაჲ ესე, შეიწრებულ იქმნებოდეს
Line of ed.: 27    და იგლოვდეს
Line of ed.: 28    სულთა მათთათჳს, რომელნი-იგი მიდრკებოდეს
Line of ed.: 29    გებასა მას კერპთასა.

Line of ed.: 30       ხოლო რომელნი იპოვნეს
Line of ed.: 31    მას ჟამსა შინა,
Line of ed.: 32    მტკიცედ სარწმუნოებასა დგეს
Line of ed.: 33    კლდესა მას ზედა სარწმუნოებისასა
Line of ed.: 34    უქცეველად, რამეთუ არად შეჰრაცხდეს
Line of ed.: 35    იგინი თქუმასა მას მძლავრისასა
Line of ed.: 36    და შეიწყნარებდეს
Line of ed.: 37    ხორცთა მათთა ისართა
Line of ed.: 38    უკუეთურებისათა
Line of ed.: 39    განკურვებულთა
Line of ed.: 40    და სხუაცა ტანჯვასა თავს-იდებდეს.

Page of ed.: 103 
Line of ed.: 1       ხოლო ხორცნი იგინი წმიდათანი
Line of ed.: 2    ესრეთ განილეოდეს
Line of ed.: 3    ტანჯვითა და განიბნეოდეს,
Line of ed.: 4    ვითარცა სკორე ქუეყანისაჲ,
Line of ed.: 5    და სისხლნი იგი ხორცთა მათთაგან გამოსდიოდეს
Line of ed.: 6    ქუეყანასა ზედა, რაჟამს დაჰშჭრიდეს
Line of ed.: 7    და ზედა გოდოლთა და ზღუდეთა
Line of ed.: 8    ქალაქისათა დაჰკიდებდეს
Line of ed.: 9    ხორცთა მათ წმიდათასა.
Line of ed.: 10    ხოლო თავთა მათთა დააცუმიდეს
Line of ed.: 11    ძელსა და აჰმართებდეს
Line of ed.: 12    წინაშე ბჭეთა ქალაქისათა.
Line of ed.: 13    და ყორანთა და ორბთა
Line of ed.: 14    და სიმრავლესა მფრინველთასა მოეცვნეს
Line of ed.: 15    ზღუდენი ქალაქისანი
Line of ed.: 16    და შეშჭამდეს
Line of ed.: 17    ხორცთა მათ წმიდათასა.
Line of ed.: 18    და გლოვასა დიდსა შეეპყრნეს
Line of ed.: 19    ქრისტეანენი კადნიერებისა მისთჳს.

Line of ed.: 20       ესე იყო ნათესავი განკრთომილთაჲ;
Line of ed.: 21    ესე იყო ღუაწლი სავსე შიშითა მათთჳს,
Line of ed.: 22    რომელნი ხედვიდეს მას;
Line of ed.: 23    ესე იყო ძლევაჲ სავსე
Line of ed.: 24    საკვირველებითა ზეცისაჲთა
Line of ed.: 25    და ქუეყანისაჲთა,
Line of ed.: 26    რამეთუ ქვანი იგი ზღუდეთანი რეცა იგლოვდეს
Line of ed.: 27    ჭირისა მისთჳს მოწევნულისა შინაგან მათსა,
Line of ed.: 28    და სართულნი უბანთანი რეცა ხმობდეს
Line of ed.: 29    და უნდა დაცემად მათ ზედა ღაღადებისა მისთჳს
Line of ed.: 30    და ჭირისა,
Line of ed.: 31    რომელნი-იგი იქმნებოდეს
Line of ed.: 32    ქუეშე მათსა,
Line of ed.: 33    და უბანნი იგი ქალაქისანი მომედგრდებოდეს
Line of ed.: 34    თრევითა ასოთა წმიდათაჲსა,
Line of ed.: 35    რომელნი ითრევებოდეს
Line of ed.: 36    მათ ზედა.

Line of ed.: 37       და ცრემლნი მწარენი დამოსდიოდეს
Line of ed.: 38    თუალთაგან მორწმუნეთაჲსა,
Page of ed.: 104  Line of ed.: 1    რაჟამს ხედვიდეს
Line of ed.: 2    ხორცთა მათთა განბნეულთა
Line of ed.: 3    და ნათესავსა მფრინველთაჲსა,
Line of ed.: 4    მათ ზედა დამკვდრებულსა.
Line of ed.: 5    ხოლო ზღუდენი ქალაქისანი იძრვოდეს

Line of ed.: 6       რომელი გლოვაჲ, ანუ რომელი ტკივილი
Line of ed.: 7    უფიცხლეს იყო ამისა, ოდეს\იგი
Line of ed.: 8    მორწუნენი ივლტოდეს
Line of ed.: 9    და აღიპყრობდეს
Line of ed.: 10    ხელთა მათთა ცად მიმართ, რაჲთა
Line of ed.: 11    განერნენ უწყალოთაგან კაცთა.

Line of ed.: 12       მამანი თჳსთა შვილთა უვარ-ჰყოფდეს
Line of ed.: 13    და შვილნი-მამათა თჳსთა.
Line of ed.: 14    და მოყუარენი მოყუარეთაგან განეყოფვოდეს
Line of ed.: 15    ჭირისა მისთჳს მოწვენულისა.
Line of ed.: 16    ხოლო სარწმუნოებასა ჭირსა შინა მოიგებდეს
Line of ed.: 17    ქრისტეს-წმიდანი იგი,
Line of ed.: 18    და ძლევისა გამოცდილებასა გამოირჩევდეს
Line of ed.: 19    მორწმუნენი: მაქსიმიანე და იამბლიქე
Line of ed.: 20    და მარტიმე და დიონისი და იოვანე
Line of ed.: 21    და ექსაკოს, დადიანე და ანტონინე

Line of ed.: 22       ესენი, რომელნი მტკიცე იყვნეს
Line of ed.: 23    სარწმუნოებასა ზედა ღმრთისასა და ეტვრთა
Line of ed.: 24    ვნებაჲ იგი ჯუარისაჲ ხორცითა მათითა.
Line of ed.: 25    რამეთუ ხედვიდეს
Line of ed.: 26    რაჲ ამას საქმესა, დღითი-დღედ ტიროდეს
Line of ed.: 27    და სულთ-ითქუმიდეს.
Line of ed.: 28    და ხატები პირისა მათისაჲ იცვალებოდა
Line of ed.: 29    და დადნებოდა.
Line of ed.: 30    ღამის-თევასა და ლოცვასა დადგრომილ იყვნეს
Line of ed.: 31    ბოროტისა მისთჳს, რომელი იქმნებოდა,
Line of ed.: 32    რამეთუ საჩინონი
Line of ed.: 33    და სამეფონი
Line of ed.: 34    და პირველნი
Line of ed.: 35    ქალაქისანი იყვნეს
Line of ed.: 36    ესენი.

Line of ed.: 37       ხოლო რომელსა ჟამსა შევალნ
Line of ed.: 38    მეფე და სიმრავლე ერისაჲ გებად
Line of ed.: 39    ცუდთა ღმერთთა, მაშინ წარიპარნიან
Line of ed.: 40    მორწმუნენი ესე წმიდანი
Page of ed.: 105  Line of ed.: 1    და შევიდიან ეკლესიად
Line of ed.: 2    და დაცვიან
Line of ed.: 3    პირ-დაქცევით ქუეყანასა ზედა
Line of ed.: 4    და მიწაჲ გარდაისხიან
Line of ed.: 5    თავთა მათთა
Line of ed.: 6    და ცრემლნით და ტირილით ილოცვიდიან
Line of ed.: 7    ღმრთისა მიმართ.

Line of ed.: 8       ხოლო ხედვიდეს
Line of ed.: 9    მათ მახლობელნი იგი მათნი, რამეთუ ჟამსა
Line of ed.: 10    მას გებისასა წარვიდიან
Line of ed.: 11    ეკლესიად. და ვითარცა იძიებოდა თითოეული,
Line of ed.: 12    რაჲთა უგონ წინაშე კერპთა, მოვიდეს,
Line of ed.: 13    რომელნი-იგი ხევიდეს
Line of ed.: 14    მათ, და პოვნეს
Line of ed.: 15    წმიდანი-იგი ლოცვასა შინა ეკლესიასა.

Line of ed.: 16       მაშინ მოუხდეს მტერნი იგი ჭეშმარიტებისანი და შეასმინნეს იგინი
Line of ed.: 17    მეფესა და ჰრქუეს მას ესრეთ: მეფე, უკუნისამდე ცხონდი შენ, რომელნი-იგი
Line of ed.: 18    შორს არიან, მოაახლებ გებად ღმერთთა, და აჰა მახლობელნი შენნი შეურაცხ\ყოფენ
Line of ed.: 19    მეფობასა შენსა და მცნებათა შენთა.

Line of ed.: 20       ხოლო მაქსიმილიანე იყო ძე პიტიახშისაჲ და უმთავრესი მათსა: და
Line of ed.: 21    მოყუასნი მისნი იყვნეს მთავარნი.

Line of ed.: 22       მაშინ დეკეოზ მეფე განრისხნა და ბრძანა მოყვანებაჲ მათი. და მოი\ყვანნეს
Line of ed.: 23    იგინი წინაშე მისსა. ცრემლნი თუალთაღა ზედა მათთა იყვნეს, და
Line of ed.: 24    თავი მომტყუერებული ედგა მიწისაგან. ჰრქუა მათ დეკეოზ მეფემან: რაჲსა
Line of ed.: 25    არა დაადგერით ჩუენ თანა, ვიდრე აღსრულებადმდე გებისა ღმერთთაჲსა,
Line of ed.: 26    რომელნი ყოველსა სოფელსა მიიახლენ მათა? არცაღა ესწორებით მთა\ვართა
Line of ed.: 27    და ძლიერთა, სწორთა თქუენთა. ხოლო აწ მოუხედით და უგეთ ზედა\ნადები
Line of ed.: 28    გებათაჲ ღმერთთაჲ, ვითარცა ყვეს ყოველთა კაცთა.

Line of ed.: 29       მაქსიმილიანე მიუგო და ჰრქუა მეფესა: გაქუს ჩუენ ღმერთი ფარული,
Line of ed.: 30    რომლისა დიდებითა ცაჲ და ქუეყანაჲ სავსე არიან, და მოვართუამთ მას
Line of ed.: 31    ფარულად მსხუერპლსა აღსარებისა ჩუენისასა და საკუმეველსა სულნელსა,
Line of ed.: 32    დიდებასა ფარულსა მისსა ღმრთეებასა ენითა ჩუენითა შევსწირავთ გონე\ბისა
Line of ed.: 33    ჩუენისაჲთა და წრაფითა ვედრებისა ჩუენისაჲთა ვიპოვებით წინაშე მისსა
Line of ed.: 34    მარადის, რამეთუ ჩუენ ყროლასა მას კუამლისასა შესრუარულსა წინაშე
Line of ed.: 35    კერპთა არა შევწირავთ და გინებათა ეშმაკისათა არა შევავლინოთ სიწმიდე
Line of ed.: 36    სულთა და ხორცთა ჩუენითაჲ.

Line of ed.: 37       მაშინ მეფე არა ჰკითხვიდა მათ თითოეულად. ხოლო ესრეთ იყო. აღსა\რებაჲ
Line of ed.: 38    წმიდათა მათ მოწამეთაჲ. მაშინ ბრძანა მეფემან შეკუეთაჲ სარტყელთა
Line of ed.: 39    მათთაჲ და ჰრქუა მათ, რამეთუ: ჰმძლავრეთ თქუენ და წინა-აღუდეგით მეფო\ბასა
Line of ed.: 40    ჩემსა და ღმერთთა. ამისთჳს თქუენცა უცხო იქმნეთ სიდიდისაგან მხედრო\ბისა
Line of ed.: 41    თქუენისა, მეფობისაგან ჩემისა, ვიდრემდის მოვიღო ჟამი, და სულგრძელე\ბით
Line of ed.: 42    გამოიცადნენ სიტყუანნი თქუენნი, რამეთუ არა სამართალ არს სწრაფით
Page of ed.: 106  Line of ed.: 1    წარწყმედად სიჭაბუკე თქუენი ტანჯვითა და დაჭნობაჲ ჰასაკთა თქუენთაჲ.
Line of ed.: 2    რამეთუ მიგცემ თქუენ ჟამსა, რაჲთა მას შინა განჰბრძნდეთ და მოიქცეთ
Line of ed.: 3    და სცხონდეთ.

Line of ed.: 4       მაშინ ბრძანა დეკეოზ მეფემან, და აჰხადეს ჯაჭუები იგი ქედთა მათ\თაგან
Line of ed.: 5    და გამოასხნეს იგინი წინაშე პირით მისით. ხოლო დეკეოზ მეფე გა\მოვიდა
Line of ed.: 6    სხუებსა მას ქალაქებსა აღსრულებად და ყოფად ნებისაებრ თჳსისა
Line of ed.: 7    და ესრეთ უკუნქცევად ეფესოდვე რისხვასა მას ზუაობისა მისისასა.

Line of ed.: 8       და ვითარ მიეცა მაქსიმილიანეს და მოყუასთა მისთა მეფისაგან დროჲ
Line of ed.: 9    დღისა რავდენისაჲმე, მაშინ მოიღეს ჟამი და აღასრულნეს საქმენი სიმართ\ლისანი
Line of ed.: 10    სარწმუნოებითა მათითა. და მოიღეს ოქროჲ და ვერცხლი მამულისა
Line of ed.: 11    მათისაჲ და განუყოფდეს გლახაკთა ცხადად და ფარულად. მაშინ იზრახეს
Line of ed.: 12    ურთიერთას და თქუეს: მივეფარნეთ ჩუენ წუთ და განვიდეთ ქალაქისა მისგან
Line of ed.: 13    და მივიდეთ ჩუენ ქუაბსა მას დიდსა, რომელ არს მთასა მას ნოქლოსსა და\ვევედრნეთ
Line of ed.: 14    მუნ ღმერთსა დაყუდებით გულითად თვნიერ ყოვლისა შიშისა
Line of ed.: 15    კაცობრივისა, ვიდრემდის კუალად მოვიდეს მეფე, და განვიმზადნეთ თავნი
Line of ed.: 16    ჩუენნი შესლვად მის წინაშე და ნუმცა დაგუცონდების გალობისაგან ღმრთისა,
Line of ed.: 17    და ნებისაებრ თჳსისა ყოს ჩუენ თანა, და აღვასრულოთ აღსარებაჲ ჩუენი
Line of ed.: 18    წინაშე მეფისა და მოვიღოთ დაუჭნომელი გვირგვინი, რომელი განმზადებულ
Line of ed.: 19    არს მორწუნეთათჳს.

Line of ed.: 20       და ესრეთ შეითქუნეს შვდნივე იგი ერთობით და მიიღეს მათ თანა
Line of ed.: 21    ვერცხლი სახმარად მათდა და აღვიდეს იგინი ქუაბსა მას, რომელ არს ზედა
Line of ed.: 22    ნოქლოსაა, და მუნ დაყვეს დღე მრავალი. და ისხნეს იგინი პირ-დაქცევით,
Line of ed.: 23    ილოცვიდეს და ევედრებოდეს ღმერღსა ცხორებისათჳს სულთა მათთაჲსა.
Line of ed.: 24    ხოლო იამბლიქე იყო ჭაბუკ და ძლიერ და ბრძენ, და განაწესეს იგი მსახუ\რად
Line of ed.: 25    მათა. ოდეს შთავიდის ქალაქად, შეიცვალის სამოსელი თჳსი, ვითარცა
Line of ed.: 26    გლახაკმან, და წარიღის მის თანა ვერცხლი და მისცის გლახაკთა მისგან და
Line of ed.: 27    ისმინის, რასა იტყვედ საქმესა შინა მეფისასა, და ესრეთ იყიდის სახმარი
Line of ed.: 28    მათი და აღვიდის წმიდათა მათ თანა და აუწყის, რასა-იგი იტყვედ მათთჳს
Line of ed.: 29    სამეუფოსა შინა.

Line of ed.: 30       და შემდგომად დღეთა რავდენთამე კუალად მოვიდა დეკეოზ მეფე ეფე\სოდავე
Line of ed.: 31    და მყის უბრძანა მთავართა ქალაქისათა მაქსიმიანესი მოყუსებითურთ
Line of ed.: 32    მოყვანებაჲ და გებაჲ ცუდთა ღმერთთაჲ, რამეთუ მათთჳს განიზრახვიდა და
Line of ed.: 33    რამეთუ უყუარდესცა იგინი. და ესრეთ შეიპყრნა მორწმუნენი შიშმან. და
Line of ed.: 34    იამბლიქეს რაჲ ესმა, შეშინდა ფრიად და გამოვიდა ქალაქით და აქუნდა მის
Line of ed.: 35    თანა მცირედ პური და აღვიდა ქუაბად, სადაცა იყვნეს მოყუასნი იგი მისნი,
Line of ed.: 36    და უთხრა მათ მოსლვაჲ მძლავრისაჲ მის და რამეთუ გუეძიებს ჩუენ მოქა\ლაქეთა
Line of ed.: 37    თანა, რაჲთა უგოთ წინაშე მისსა.

Line of ed.: 38       და ვითარცა ესმა ესე მათ, ფრიად შეშინდეს და ევედრებოდეს ღმერთ\სა.
Line of ed.: 39    და ისხნეს იგინი პირ-დაქცევით ქუეყანასა ზედა, იურვოდეს და სულთ\ითქუმიდეს
Line of ed.: 40    ტკივილითა დიდითა და შეჰვედრნეს სულნი თჳსნი ღმერთსა.


Page of ed.: 107 
Line of ed.: 1       და აღდგა იამბლიქოზ და დაუგო წინაშე მათსა მცირედ პური. და
Line of ed.: 2    ესრეთ აღდგეს მოღებად საზრდელისა, რაჲთა განძლიერდენ, რამეთუ მზა
Line of ed.: 3    იყვნეს ბრძოლად მძლავრიდა მის. და ვითარცა დასხდეს იგინი შოვა ოდენ
Line of ed.: 4    ქუაბსა, ცრემლნი თუალთაღა მათთა იყვნეს გულის-კლებითა მით. და ესრეთ
Line of ed.: 5    მოიღეს საზრდელი დასლვასა ოდენ მზისასა. და ვითრცა სხდეს და ზრახ\ვიდეს
Line of ed.: 6    ურთიერთას, მიერულა და დაიძინეს, რამეთუ იყვნეს თუალნი მათნი
Line of ed.: 7    დამძიმებულ ურვითა.

Line of ed.: 8       ხოლო ღმერთმან მოწყალემან, რომელი მარადის იღუწის მოყუა\რეთა
Line of ed.: 9    მისთათჳს, უბრძანა მათ სიკუდილი ტკბილითა შემდგომად
Line of ed.: 10    მერმისათჳს გამოჩინებისა საკვრველებისა. და არა აგრძნეს დაწოლაჲ იგი
Line of ed.: 11    ძილისა მათისაჲ და გამოსულაჲ სულთა მათთაჲ. და ესრეთ დაიძინეს ქუეყა\ნასა
Line of ed.: 12    ზედა შეჰვედრნეს სულნი თჳსნი ღმერთსა, ვიდრე იყოღა გალობაჲ
Line of ed.: 13    ღმრთისაჲ პირსა შინა მათსა. და ვერცხლი იგი, რომელი აქუნდა, იდვა მათ
Line of ed.: 14    თანა.

Line of ed.: 15       ხოლო ხვალისაგან ეძიებდა მათ მეფე, და არა პოვნეს. და ჰრქუა მე\ფემან
Line of ed.: 16    მსახურთა თჳსთა: ფრიად გულ-კლებულ ვარ ჭირისათჳს მათ ჭაბუკთაჲ\სა,
Line of ed.: 17    რამეთუ ნაშობნი დიდთა და ბრწყინვალეთანი იყვნეს და ჰგონებდეს,
Line of ed.: 18    ვითარმედ მეუფებაჲ ჩუენი განრისხნა მათ ზედა უშჯულოებისათჳს და გარ\დასლვისათჳს
Line of ed.: 19    წინანდელისა, ხოლო კაცთ-მოყუარებაჲ მეფობისა ჩუენისაჲ არა
Line of ed.: 20    იხსნებს ბოროტსა, რომელნი ინანიან და მოიქცევიედ ჭეშმარიტთა მიმართ
Line of ed.: 21    ღმერთთა.

Line of ed.: 22       მიუგეს მთავართა მათ ქალაქისათა და ჰრქუეს მეფესა ჭაბუკთა მათთჳს
Line of ed.: 23    განდგომილთა: ნუ იყოფინ გულის-კლებაჲ თვით-მპყრობელობისაჲ, რამეთუ
Line of ed.: 24    პირველსავეღა მას უმეცრებასა დადრომილ არიან. და ვითარ გუესმა ჟამი
Line of ed.: 25    იგი, რომელ მიცემულ იყო მათა სინანულად, მას ჟამსა უფროჲსღა სხდეს
Line of ed.: 26    და აღსრულებდეს ბოროტსა ნებასა მათსა და მოიღეს ოქროჲ და ვერცხლი
Line of ed.: 27    მათი და განუყვეს გლახაკთა და იგინი უჩინო იქმნეს. და აწ, უკუეთუ ჯერ\უჩნდეს
Line of ed.: 28    უფალსა ჩუენსა, შეიპყრნედ მშობელნი მათნი და იტანჯნედ და მათ
Line of ed.: 29    გვიჩუენნედ, სადა არიედ შვილნი იგი მათნი.

Line of ed.: 30       და ვითარცა ესმა ესე მეფესა მას, განრისხნა და მოუწოდა მშობელთა
Line of ed.: 31    მათთა. და ვითარცა მოვიდეს. ჰკითხა მათ მეფემან და ჰრქუა: სადა არიან
Line of ed.: 32    განდგომილნი იგი, რომელ განდგეს მეფობისაგან ჩემისა და შეურაცხ-ყვნეს
Line of ed.: 33    პატიოსანნი ღმერთნი? ამისთჳს ვბრძანებ თქუენსა სიკუდილსა მძლავრობისა
Line of ed.: 34    წილ მათისა.

Line of ed.: 35       მაშინ მიუგეს მშობელთა მათთა და ჰრქუეს მეფესა: გევედრებით შენ,
Line of ed.: 36    უფალო მეფე: ჩუენ ბრძანებასა თვით-მპყრობელისასა არა გარდავხედით,
Line of ed.: 37    და შიშ პატიოსანთა ღმერთთაჲ არა დაუტევებთ. რაჲსათჳს მათ წილ ჩუენ
Line of ed.: 38    მოვსწყდებით, რომელთა ოქროჲ და ვერცხლი ჩუენი აღიტაცეს და მისცეს გლა\ხაკთა?
Line of ed.: 39    და აჰა ესერა დამალულ არიან ქუაბსა მას შინა, რომელი არს
Line of ed.: 40    მთასა ნოქლონსა, და არა შორს არიან ქალაქსა. და მრავალთა ჭირთა იყო\ფიან
Page of ed.: 108  Line of ed.: 1    იგინი მუნ. აწ თუ ცოცხალ არიან, გინა თუ მოწყდეს, არა ვიცით,
Line of ed.: 2    რამეთუ ესოდენსა ჟამსა არა გვინახავან იგინი ჩუენ.

Line of ed.: 3       და ვითარცა ესმა ესე მეფესა, განუტევნა იგინი. მაშინ მრავალსა გან\ზრახვასა
Line of ed.: 4    შინა იყო მეფე, რაჲძი უყოს ყრმათა მათ. ხოლო კაცთ-მოყუარემან
Line of ed.: 5    ღმერთმან მისცა გულსა მისსა, რაჲთა დაყოს პირი ქუაბისაჲ მის ქვითა. და
Line of ed.: 6    ესე არა ნებითა თჳსითა, არამედ რაჲთა დაიფარნენ მას შინა ხორცნი იგი
Line of ed.: 7    წმიდათა მოწამეთანი და რაჲთა არა შეიძრნენ პატიოსანნი იგი ძუალნი
Line of ed.: 8    მათნი, რაჲთა იყვნენ დაფარულ დღემდე ადგომისა მათისა უფლისა მიერ.
Line of ed.: 9    რამეთუ რაჟამს მოხედვა-ყოს მათ ზედა ღმერთმან, იყვნენ იგინი ქადაგ ადგო\მისა
Line of ed.: 10    მათთჳს, რომელთა-იგი არა ჰრწამს და განდგებიან ადგომისაგან
Line of ed.: 11    მისისა.

Line of ed.: 12       მაშინ განაჩინა მათთჳს დეკეოზ მეფემან და თქუა, რამეთუ ურჩ ექმნეს
Line of ed.: 13    ბრძანებათა ჩუენთა ტკბილთა განდგომილნი იგი და შეურაცხ-ყვნეს ღმერთნი.
Line of ed.: 14    ამისთჳსცა იგინიცა დაკლებულ იქმნედ შუენიერებისაგან მეფობისა ჩუენისა და
Line of ed.: 15    ნუღარამცა ჩანან წინაშე ღმერთთა. ამისთჳს დაიბეჭდენ პირი ქუაბისაჲ მის
Line of ed.: 16    ქვითა დიდ-დიდითა, რაჲთა მოაკლდენ ცხორებისაგან და მოწყდენ საპყრო\ბილესა
Line of ed.: 17    მას შინა ვიდრე უკუნისამდე. რამეთუ ჰგონებდა მეფე და ყოველი
Line of ed.: 18    ქალაქი, ვითარმედ ცოცხალ არიან წმიდანი იგი.

Line of ed.: 19       ხოლო თევდორე და ვარგოს, საჭურისნი იგი მეფისანი, იყვნეს ქრის\ტეანე
Line of ed.: 20    და იფარვიდეს თავთა თჳსთა შიშისათჳს და დევნისა. ესრეთ იზრახეს
Line of ed.: 21    ურთიერთას და თქუეს: დავწეროთ უკუე ფიცართა ბრპენისათა წამებაჲ
Line of ed.: 22    წმიდათაჲ ამათ, რამეთუ ქრისტესთჳს მოწყდეს და მოწამენი არიან, და შთავ\სხნეთ
Line of ed.: 23    იგინი ლუსკუმათა რვალისათა და დავჰბეჭდოთ თჳსითა ბეჭედითა და დავ\მალნეთ
Line of ed.: 24    იგინი შორის ქვათა ამათ, რომელნი სხენან პირსა ზედა მის ქუაბი\სასა,
Line of ed.: 25    ჰე, ღათუ მოხედვა-ყოს უფალმან მათ ზედა უწინარეს მოსლვისა მისისა,
Line of ed.: 26    ანუ თუ ჟამთა რომელთამე განეღოს ქუაბი ესე და გამოჩნდენ ხორცნი წმიდა\თა
Line of ed.: 27    მათ მოწამეთანი, და საცნაურ იქმნეს წერილისა მისგან. და ვითრცა
Line of ed.: 28    განიზრახეს მორწმუნეთა მათ, ეგრეცა ყვეს და დაწერეს, და დაჰბეჭდეს
Line of ed.: 29    საჲდუმლოჲ ურთიერთას. და ესე იქმნა მოღუაწებითა ღმრთისაჲთა, და აღე\სრულა
Line of ed.: 30    განგებულად.

Line of ed.: 31       და მოკუდა დეკეოზ მეფე და ყოველი იგი ნათესავი. და სხუანი მეფენი
Line of ed.: 32    მეფობდეს შემდგომად მისსა, ვიდრემდის აღდა თევდოსი, სარწმუნოჲ მეფე.
Line of ed.: 33    და ოც და მეათურამეტესა წელსა მეფობისა მისისასა აღმოსცენდეს მწვალე\ბელნი,
Line of ed.: 34    რომელთა უნდა გარდაქცევად და დაფარვად აღდგომაჲ იგი მკუ\დართაჲ,
Line of ed.: 35    რომელ-იგი ქრისტემან მოანიჭა წმიდათა ეკლესიათა მისთა. ხოლო
Line of ed.: 36    გულის-სიტყუანი კეთილნი დაეთესვოდეს გულსა ღმრთის-მოყუარისა მეფისა
Line of ed.: 37    თევდოსისსა.

Line of ed.: 38       ხოლო კერპთ-მსახურნი იგი, რომელნი მხედარნი იყვნეს სამეფოსა შნა,
Line of ed.: 39    დევნასა ცხადად ჰყოფდეს წინაშე მათსა, და რომელნი-იგი წოდებულ იყვნეს
Line of ed.: 40    ებისკოპოსად, უყუარდა მათ გარდაქცევაჲ წრფელისაგან გზისა, რამეთუ მათ
Page of ed.: 109  Line of ed.: 1    ჟამთა შინა მრავალსა გარდაქცევასა აჩუენებდეს ეკლესიათა შინა ღმრთი\სათა.
Line of ed.: 2    რამეთუ იყო თავ გარდაქცევისა მათისა თევდორე, ებისკოპოსი ეგე\ველთა
Line of ed.: 3    ქალაქისაჲ, და სხუანი მის თანა, რომელნი არა ღირს არიან სახელის\დებად
Line of ed.: 4    წიგნსა ამას წმიდათასა. და რამეთუ სდევნიდეს ეკლესიათა ღმრთი\სათა
Line of ed.: 5    და დაწყნარებულებაჲ და სიწმიდე სარწმუნოებისაჲ აღაშფოთეს და
Line of ed.: 6    აღამრღუიეს მანქანებითა და გარდაქცევითა სიტყუათა ბოროტთაჲთა.

Line of ed.: 7       ხოლო მეფე თევდოსი გონებითა თჳსითა აღშფოთნებოდა და ცრემლი\თა
Line of ed.: 8    მარადის ევედრებოდა ღმერთსა და მრავალსა ზრუნვასა შინა იყო, ამისთჳს
Line of ed.: 9    რამეთუ ხედვიდა შერეულად სარწმუნოებასა მას წმიდისა ეკლესიისასა, რა\მეთუ
Line of ed.: 10    მწვალებელთა მათგანნი ვინმე იტყოდეს, ვითარმედ: არა არს ლხინებაჲ
Line of ed.: 11    მკუდართაჲ, და სხუანი იტყოდეს, ვითარმედ: ხორცისა დაძუელებულისა და
Line of ed.: 12    განრყუნილისა და განბნეულისაჲ არარაჲ ლხინებაჲ არს, არამედ მარტოდ
Line of ed.: 13    სული ხოლო, და ესე მიიღებს სულიერებით საჲდუმლოსა უხრწნელისა ცხორე\ბისასა,
Line of ed.: 14    და ესრეთ შეცთეს ამაოჲთა სიტყვითა მათითა და არა გულისმა-ყვეს
Line of ed.: 15    გონებასა მათსა, ვითარმედ არასადა მუცლად-ღებულ იქმნა ყრმაჲ მუცელსა
Line of ed.: 16    დედისას თვინიერ ხორცისა, და არცა გამოხდა ხორცი საშოჲთ თვინიერ სუ\ლისა
Line of ed.: 17    ცხოველისა. და შეაგინნეს სასმენელნი სულისა მათისანი, რაჲთამცა არა
Line of ed.: 18    ისმინეს სიტყუაჲ უფლისაჲ, რომელ თქუა: ისმინონ მკუდართა ხმაჲ ძისა
Line of ed.: 19    ღმრთისაჲ და ცხონდენ. და კუალად იტყვის, ვითარმედ: მრავალნი მძინარე\თაგანნი
Line of ed.: 20    ქუეყანისაგან მიწისა აღდგენ. და კუალად წერილ არს, ვითარმედ:
Line of ed.: 21    მე აღვაღო სამარეთა თქუენთა და გამოგიყვანნე თქუენ საფლავთაგან თქუენ\თა.
Line of ed.: 22    ხოლო მწვალებელნი შესცთეს გზისა მისგან ცხორებისა და გარააქციეს
Line of ed.: 23    სიტკბოებაჲ ცხორებისა სარწმუნოებაჲ სიმწარედ სულთა მათთა და სიწმიდე
Line of ed.: 24    გონებისაჲ მის მორწმუნეთაჲსაჲ აღმრღუეულ და გინებულ ყვეს.

Line of ed.: 25       ხოლო მეფე თევდოსი უფრო ხოლო გულ-კლებულ იყო და იგლოვდა.
Line of ed.: 26    და დაჯდა ძაძასა ზედა სასუენებელსა შინა თჳსსა. ხოლო მოწყალესა ღმერთ\სა
Line of ed.: 27    რომელსა არა უნებს წარწყმედაჲ ვისივე გზისა მისგან მტკიცისა სარ\წმუნოებისა,
Line of ed.: 28    ჯერ-იჩინა მოცემად ლხინებისა გულთა მათთა, რომელნი-იგი
Line of ed.: 29    იგლოვდეს, და გამოჩინებად საჲდუმლოჲ იგი საუკუნოჲსა აღდგომისაჲ, რა\მეთუ
Line of ed.: 30    ჟამისა მისთჳს დამარხულ იყვნეს წმიდანი იგი, რაჲთა მიწისაგან
Line of ed.: 31    აღიღოს და განაშოროს გესლი გლოვისაჲ სიწრფოებისაგან ეკლესიისა და
Line of ed.: 32    აღჰმართოს შენებაჲ მისი ღელვათა მათგან და საცთურთა მწვალებელთაჲსა,
Line of ed.: 33    რომელთა აღამრღვეს იგი, რაჲთა აღმოხდეს ნათელი დიდი თევდოსის ზე,
Line of ed.: 34    დიდისა მეფისა, რომელ აღესრულოს მამათა მისთა თანა გვირგვინითა ძლევისა
Line of ed.: 35    მათისაჲთა.

Line of ed.: 36       და მყის მოსცა ღმერთმან გულსა ადოლისსა, უფალსა მის მთისასა,
Line of ed.: 37    რომელსა შინა იყო ქუაბი იგი, სადა-იგი ეძინა წმიდათა მათ, რაჲთა უშენოს
Line of ed.: 38    ბაკი საცხოვარსა თჳსსა. და მონანი მისნი, სხუათა თანა მუშაკთა იქმოდეს
Page of ed.: 110  Line of ed.: 1    მუნ ორ დღე, და რომელნიმე აგორვებდეს ქვასა პირისაგან ქუაბისა მის\და
Line of ed.: 2    მეორესა დღესა განეღო პირი ქუაბისაჲ.

Line of ed.: 3       მაშინ ბრძანებითა მაცხოვრისა ჩუენისა ღმრთისაჲთა მოეცა ცხორებაჲ
Line of ed.: 4    წმიდათა მათ, რომელნი იყვნეს ქუაბსა მას შინა, რაჲთა მოსცეს საშუმინელი
Line of ed.: 5    ცხორებისჲ ჩჩვილთა, რომელნი არიედ მუცელსა დედისასა, და მანვე ნებამან
Line of ed.: 6    მისცა ცხორებაჲ განხმელთა მათ ძუალთა, რომელნი ისხნეს პირსა ზედა მის
Line of ed.: 7    ველისასა, და მან ხმამან რომელმან ლაზარეს უხმო საფლავისაგან და მია\ნიჭა
Line of ed.: 8    ცხორებაჲ, იგი არს, რომელმან ამათცა წმიდათა მოწამეთა მოსცა სული
Line of ed.: 9    ცხორებისაჲ.

Line of ed.: 10       და აღდგეს და დასხდეს მხიარულითა პირითა, ვითარცა ჩუეულ იყვნეს,
Line of ed.: 11    დღითი-დღედ მოიკითხვიდეს ურთიერთას, ამისთჳს რამეთუ ხატი მკუდრი\საჲ
Line of ed.: 12    არა იყო მათ თანა, ხოლო სამოსელი მათი, რომელი ემოსა დაძინებით\გან
Line of ed.: 13    მათით ვიდრე აღდგომადმდე, ეგრეთ გებულ იყო მათ ზედა, და ხორცნი
Line of ed.: 14    იყვნეს ბრწუნვალე და მაგარ, და ეგრე იყვნეს, ვითარცა კაცნი დაძინებულნი
Line of ed.: 15    მიმწუხრი და აღდგომილნი განთიად. და აქუნდა მათ გულის-სიტყუად და
Line of ed.: 16    გულის-კლებად კერპთ-მსახურებაჲ იგი და იტყოდეს, ვითარმედ: აწ დეკეოზ
Line of ed.: 17    მეფე გუეძიებს ჩუენ. და დიდსა შიშსა და ღუაწლსა შინა იყვნეს. და მიიხილეს
Line of ed.: 18    იამბლიქესა, მსახურისა მათისა, და ჰკითხვიდეს მას თქმულთა მათთჳს
Line of ed.: 19    მიმწუხრი ქალაქსა შინა.

Line of ed.: 20       ჰრქუა მათ იამბლიქოს, ვითარმედ: წინაჲსწარ გითხრა თქუენ, ვითარ\მედ
Line of ed.: 21    ვიძიენით მიმწუხრი მოქალაქეთა თანა გებად კერპთა მეფისა წინაშე, და
Line of ed.: 22    აჰა ესერა განიზრახვენ ჩუენთჳს, ხოლო ჩუენ ვითარ ვყოთ, არა ვიცი. მაშინ
Line of ed.: 23    მიუგო მაქსიმიანე და ჰრქუა მათ: ძმანო, განმზადებულ ვართ წარდგომად საყ\დართა
Line of ed.: 24    მათ საშინელთა და შესაძრწუნებელთა მეუფისა ქრისტესთა და ნუმცა
Line of ed.: 25    შევძრწუნდებით საყდართა ამათ წინაშე საწუთროჲსათა და ნუცამცა უვარ\ვყოფთ
Line of ed.: 26    ცხორებასა მას, რომელი გუაქუს სარწმუნოებითა ძისა
Line of ed.: 27    ღმრთი/საჲთა.

Line of ed.: 28       მაშინ ჰრქუეს იამბლიქეს: მიიღე ვერცხლი ეგე ხელითა შენითა და გან\ვედ
Line of ed.: 29    ვიდრე ქალაქადმდე და იყიდე უმრავლესი პური, რამეთუ მცირედ იყვ\ნეს,
Line of ed.: 30    რომელნი-იგი მოიხუენ მწუხრად, აწ გუმშის; და ისმინე, რასაძი იტყვის
Line of ed.: 31    ჩუენთჳს დეკეოზ მეფე, და გამოვედ. რამეთუ ეგრე ეგონა, ვითარმედ მას
Line of ed.: 32    ღამესა დაწვეს და აღდგეს. და მსწრაფლ აღდგა იამბლიქოს და მოიღო
Line of ed.: 33    ვერცხლი იგი ბალანტთაგან მათთა, ვითარცა ჩუეულ იყო, ტვიფრისა მისგან,
Line of ed.: 34    რომელი იყო სამეოც და ორ კერმის, და სხვასა მისგან ტვიფრისა, რომელი
Line of ed.: 35    იყო ორმეოც და ოთხ კერმის, რომელი-იგი იყო დღეთა მათ პირველთა მე\ფეთასა.
Line of ed.: 36    რომელნი იყვნეს ჟამთა მათ წმიდათასა, რამეთუ მას ჟამსა შინა
Line of ed.: 37    გამოჩნდა და აქუნდა მათ სამას სამეოც და ათორმეტი წელი, ვიდრემდის
Line of ed.: 38    განიღვიძეს და აღდგეს იგივე ყრმანი.

Line of ed.: 39       და ვითარცა გამოვიდა იამბლიქოს ქუაბით და იხილნა ქვანი მდებარენი
Line of ed.: 40    წინაშე მისსა, განჰკრთა და არარაჲ განიზრახა მათთჳს და გარდამოვიდა
Line of ed.: 41    მთით და ეშინოდა სლვად გზასა და შესლვად ქალაქად, ნუუკუე საცნაურ
Page of ed.: 111  Line of ed.: 1    იქმნეს ვისგანმე და აუწყოს მისთჳს, და შეიპყრან იგი და მისცენ დეკეოზ
Line of ed.: 2    მეფესა, და არა იცოდა, რამეთუ იყვნეს ძუალნი მძლავრისა მის შეგინებული\სანი
Line of ed.: 3    განბეულ ჯოჯოხეთს.

Line of ed.: 4       და ოდეს მიიწია იამბლიქოს ქალაქად, მიჰხედა და იხილა ხატი
Line of ed.: 5    იგი პატიოსნისა ჯუარისაჲ დამშჭუალულ ბჭეთა ზედა ქალაქისათა. იხილა
Line of ed.: 6    იგი და განჰკრთა გონებითა თჳსითა და დაუკვირდა. და ეგრევე მსგავსად
Line of ed.: 7    სახლსა მას ბჭესა ქალაქისასა, და იხილა ჯუარი დამშჭუალული ზედა
Line of ed.: 8    მისა.

Line of ed.: 9       და მოვლნა ყოველნი იგი ბჭენი ქალაქისანი და პოვა ესრეთ ხატი იგი
Line of ed.: 10    პატიოსნისა ჯუარისაჲ, რამეთუ შეეცვალა ქალაქი იგი, და იყო შეცვალებულ
Line of ed.: 11    შენებულებაჲ ქალაქისაჲ მის ფრიად, გარნა პალატისა ერთისა კიდესა იც\ნობდა,
Line of ed.: 12    სადაცა ჩუეულებაჲ აქუნდა რკონობისაჲ. და დადგა ჭაბუკი იგი გან\კვირვებული
Line of ed.: 13    მას ზედა.

Line of ed.: 14       მაშინ მოვიდა პირველსავე მას ბჭესა, განიზრახვიდა გულსა თჳსსა
Line of ed.: 15    და იტყოდა: რაჲმე არს სასწაული ესე ჯუარისაჲ? მწუხრი მალვით იყო
Line of ed.: 16    და აწ გამოჩინებულ არს კადნიერად ბჭეთა ზედა ქალაქისათა. და იტყოდა
Line of ed.: 17    თავსა შინა თჳსაა: ნუუკუე ჩუენებაჲ რაჲმე არს? ამისა შემდგომად მოიღო
Line of ed.: 18    კადნიერებაჲ და დაიბურა პირი თჳსი ფაკელითა, რაჲთა არა განცხადნეს, და
Line of ed.: 19    შევიდა ქალაქად. და ვითარცა მივიდოოდა, ესმოდა მრავალთაჲ, რომელნი
Line of ed.: 20    ზრახვიდეს და ფუცვიდეს სახელითა იესუ ქრისტესითა.

Line of ed.: 21       და უფროჲს ხოლო დაუკვირდა გულსა თჳსსა და იტყოდა: რაჲმე არს
Line of ed.: 22    ესე, არა ვიცი, რამეთუ მწუხრი არავინ სახელ-სდებდა სახელსა ქრისტესსა,
Line of ed.: 23    და აწ თოთოეული კადნიერ არს მას ზედა. კუალად განიზრახვიდა გულსა
Line of ed.: 24    თჳსსა და თქუა: ჰე, ღათუ არა არს ესე ეფესოჲ მისი და ცვალებულ არს,
Line of ed.: 25    და ზრახვაჲ მათი განსწავლულ არს სახელსა ქრისტესსა. და სხუაჲ ქალაქი
Line of ed.: 26    არა ვიცი მახლობელად მისა.

Line of ed.: 27       და ვითარცა განიზრახვიდა იგი ამას ყოველსა, მოუხდა იგი ერთსა მო\ქალაქეთაგანსა,
Line of ed.: 28    ჰკითხვიდა მას და ჰრქუა: რაჲ ჰრქვან ქალაქსა ამას? ხოლო
Line of ed.: 29    მან ჰრქუა მას: ესე არს ეფესოჲ. და ჰრქუა თავსა თჳსსა იამბლიქოს: მცი\რედღა
Line of ed.: 30    და შემცა ვიდრემე-ვცეთ გონებითა ჩემითა. არამედ განვიდე ქალა\ქისა
Line of ed.: 31    ამისგან, ნუუკუე შევსცეთი და წარვწყმიდე. ესე ყოველი უთხრა
Line of ed.: 32    იამბლიქოს, რაჟამს განცხადნა ადგომაჲ მათი, და დაწერნეს საქმენი მათნი,
Line of ed.: 33    ვითარ მრავალსა შიშსა და ღუაწლსა შინა იყო იამბლიქოს.

Line of ed.: 34       და უნდა გამოსხვაჲ ქალაქით. მოუხდა მსყიდელთა მათ პურისათა
Line of ed.: 35    სყიდად მათგან. და აღმოიღო ვერცხლი ბალანტისაგან და მისცა მათ. ხოლო
Line of ed.: 36    მათ ვითარცა იხილეს ტვიფარი იგი, რამეთუ დიდი იყო და შეცვალებულ,
Line of ed.: 37    დაუკვირდა და უჩუენებდეს ურთიერთას. და იხილეს ყოველთა და ჰხედვიდეს
Line of ed.: 38    იამბლქეს და თქუეს: ამას საფასე უპოვნიეს მრავლისა ჟამისაჲ. ხოლო
Line of ed.: 39    იამბლიქე რაჲ იხილა, რამეთუ შეხედვიდეს მას და ზრახვიდეს ურთიერთას,
Page of ed.: 112  Line of ed.: 1    შეეშინა ფრიად, რამეთუ ჰგონებდა, ვითარმედ იცნეს იგი და ეგულების მი\ცემაჲ
Line of ed.: 2    მისი დეკეოზ მეფისა. და კუალად სხუანი მოვიდეს და შეხედვიდეს
Line of ed.: 3    პირსა მისსა. და ვითარ დგა იგი მრავლითა ღუაწლითა, ჰრქუა მათ: გევე\დრები,
Line of ed.: 4    არარაჲ მიხმს, აჰა გაქუს თქუენ ვერცხლი ჩემი, არამედ განმიტევეთ,
Line of ed.: 5    და წარვიდე.

Line of ed.: 6       ხოლო იგინი აღდგეს და შეიპყრეს იგი და ჰრქუეს: მითხარ ჩუენ, ვინაჲ
Line of ed.: 7    ხარ შენ, რამეთუ საუნჯე გიპოვნიეს ძუელთა მეფეთაჲ. მომეც ჩუენ ნაწილი
Line of ed.: 8    ჩუენი, და არა გამოვაცხადოთ შენ ზედა. უკუეთუ არა ინებო, მიგცეთ შენ
Line of ed.: 9    მსაჯულსა. ესე ვითარცა ესმა იამბლიქოზს, განიზრახვიდა და თქუა: ესეცა,
Line of ed.: 10    რომელსა არა ვჰგონებდი, შეემთხვა მე სალმობად. და ჰრქუეს მას კაცთა
Line of ed.: 11    მათ: ჭაბუკო, ვერ შესაძლებელ არს საუნჯისა დამალვაჲ, ვითარ-ეგე შენ
Line of ed.: 12    ჰგონებ. ხოლო იამბლიქოს ვერარაჲ მიუგო მათ ამისთჳს. ხოლო იგინი ხედ\ვიდეს,
Line of ed.: 13    ვითარ დუმნა და არარას მიუგებდა. აღსძარცუეს ფაკელი მისი და
Line of ed.: 14    მოჰხვიეს ქედსა მისსა. და ვითარ დგეს და ეპყრა იგი შოვა უბანსა, მიმოედვა
Line of ed.: 15    სიტყუაჲ იგი ყოველსა ქალაქსა, და იტყოდეს: შევინმე-იპყრეს, რომელსა
Line of ed.: 16    უპოვნიეს საფასე.

Line of ed.: 17       და შეკრბა მის ზედა სიმრავლე ერისაჲ და იტყოდეს: ესე კაცი უცხოჲ
Line of ed.: 18    არს, და არასადა გვიხილავს ესე. ხოლო იამბლიქეს უნდა, რაჲთამცა დაა\ჯერა
Line of ed.: 19    მათ, ვითარმედ არა უპოვნიეს საფასე, და იწროებისა მისგან
Line of ed.: 20    არა შეენდო მას თქუმად, რამეთუ ყოველნი, რომელნი მოვიდოდეს, შეხედ\ვიდეს
Line of ed.: 21    მას, და არავინ იცნა იგი. ხოლო იგი ჰგონებდა ცნობად გინა მამასა,
Line of ed.: 22    გინა დედასა, გინა ძმათა, გინა თჳსთაგანსა ვისმე, გინა მეცნიერთაგანსა:
Line of ed.: 23    იხედვიდა გარემოჲს ერსა მას და არავინ იცნობდა და რამეთუ წარმოჩინე\ბულთა
Line of ed.: 24    ნათესავთაგანი იყო ეფესოს შინა. და ვითარ ჰგონებდა, ვითარმედ;
Line of ed.: 25    მწუხრი საცნაურ ვიყავ ყოველთა და განთიად არავის ვიცნობ; და ვითარცა
Line of ed.: 26    ცოფი, იხედვიდა ერსა მას შორის. და ვითარცა დგა ერსა შორის, მაშინ
Line of ed.: 27    საცნაურ იქმნა სიტყუაჲ იგი ყოველსა მას ქალაქსა, და ვიდრე ებისკოპოსი\სამდეცა
Line of ed.: 28    მიიწია ჰამბავი ესე.

Line of ed.: 29       მაშინ იპოვა მოღუაწებითა ღმრთისაჲთა ანთიპატოსი, მომავალი ების\კოპოსსა
Line of ed.: 30    თანა. და ვითარცა განიზრახვიდეს საფასისა მისთჳს, განცხადნა
Line of ed.: 31    აღდგომაჲ მკუდართაჲ ყოვლისა მიმართ ერისა. და ესრეთ ბრძანეს ზოგად
Line of ed.: 32    ყოვლითა კრძალულებითა დამარხვად ჭაბუკი იგი და მოყვანებად მათა და
Line of ed.: 33    რაჲთა მოიღონ ვერცხლიცა იგი, რომელი აქუნდა მას. და ვითარცა მიჰზიდვი\დეს
Line of ed.: 34    იამბლიქეს ეკლესიად, ჰგონებდა, ვითარმედ დეკეოზისა მიჰზიდვენ მას,
Line of ed.: 35    და მიმოხედვიდა აქა და იქი, რაჲთამცა იხილა ვინმე თჳსთაგანი, გინა მეც\ნიერთაგანი,
Line of ed.: 36    და არავინ პოვა. და ერი იგი ეცინებოდა მას, ვითარცა ცოფსა.
Line of ed.: 37    და ესრეთ რისხვით აჭენებდეს მას ეკლესიად მიმართ.

Line of ed.: 38       ხოლო ანთიპატროსმან და მარი ებისკოპოსმან მოიღეს ვერცხლისა მის\განი,
Line of ed.: 39    იხილეს და უკვირდა. მაშინ მიუგო ანთიპატროსმან და ჰრქუა იამბლიქეს:
Page of ed.: 113  Line of ed.: 1    სადა არს საუნჯე, რომელი ჰპოვე? რამეთუ ვერცხლიცა ეგე, რომელი გაქუს
Line of ed.: 2    ხელთ შენთა, მისგანი არს. ხოლო იამბლიქე თქუა: საუნჯე არასადა მიპოვ\ნიეს,
Line of ed.: 3    ვითარ-ეგე თქუენ შემასმენთ მე. ხოლო ესე ვიცი, რამეთუ მამული ჩემი
Line of ed.: 4    არს და საფარდულისაგან ქალაქისაჲ არს ვერცხლი ესე. ხოლო ვინაჲ არს
Line of ed.: 5    განსაცდელი ესე, რომელი შემემთხვა მე, არა ვიცი. ანთიპატროსმან ჰრქუა:
Line of ed.: 6    ვინაჲ ხარ შენ? იამბლიქე ჰრქუა: ვითარ ვჰგონებ, ამის ქალაქისაჲ. ანთი\პატროსმან
Line of ed.: 7    ჰრქუა: ვისი ძე ხარ შენ, ანუ ვინ გიცის შენ? აქა მოვედინ და
Line of ed.: 8    წამენ შენთჳს, და დავირწმუნოთ შენი.

Line of ed.: 9       მაშინ იამბლიქოს უთხრა სახელი მამისაჲ და ძმათაჲ, და არავინ იცნა
Line of ed.: 10    იგი, არცა მოვისეხსენა. მიუგო ანთიოპატროსმან და ჰრქუა მას: არარას ჭეშ\მარიტსა
Line of ed.: 11    იტყვ, არამედ ყოველსავე სტყუვი. ხოლო იამბლიქე ვერარას ჰპო\ვებდა,
Line of ed.: 12    რაჲთამცა მიუგო მას. და დგა იგი მდუმარედ თავ-დადრეკით. იხი\ლეს
Line of ed.: 13    რაჲ იგი ესრეთ მდგომარე ურვილად, თქუეს: ცოფი ვიდრემე არს ესე.
Line of ed.: 14    ხოლო სხუანი იტყოდეს: არა, არამედ მიზეზობს, რაჲთა განერეს ამით ესე\ვითარისაგან
Line of ed.: 15    ჭირისა. ხოლო ანთიპატროსმან ჰრქუა მას: ვიდრემდე თავს\ვიდებდეთ
Line of ed.: 16    შენსა და დავირწმუნოთ შენი, ვითარმედ ვერცხლი ესე მამულისა
Line of ed.: 17    შენისაგანი არს? რამეთუ ტვიფარი ესე გუაცნობებს დაწერილისა მისგან ბეჭ\დისა,
Line of ed.: 18    რამეთუ უწინარეს სამას სამეოც და ათორმეტისა წლისაჲ არს, და
Line of ed.: 19    არს უწინარეს დეკეოზ მეფისა და არა შეცვალებულ არს ტვიფარსა მას აწინ\დელსა,
Line of ed.: 20    რომლითა არს მიცემაჲ და მოღებაჲ ამათ ჟამთაჲ. ნუუკუე მოუხსე\ნებელთა
Line of ed.: 21    მათ ჟამთა ზე იყვნეს მშობლენი შენნი? რამეთუ შენ ჭაბუკი ხარ და
Line of ed.: 22    გნებავს ცთუნებაჲ ბერთაჲ და ბრძენთა ეფესელთაჲ. ამისთჳს ვამცნებ აწ
Line of ed.: 23    კრულებათა და გუემათა, ჭირთა მიცემაჲ შენი, ვიდრემდე აღიარო, სადა
Line of ed.: 24    არს საუნჯეჲ იგი, რომელი გიპოვნიეს.

Line of ed.: 25       ესეღა ესმა იამბლიქოსს, ფრიად შეეშინა და დაეცა პირსა ზედა თჳსსა
Line of ed.: 26    წინაშე მათსა და თქუა: გევედრები თქუენ, უფალნო ჩემნო, მითხართ მე,
Line of ed.: 27    რომელსა გკითხავ თქუენ, და ყოველი გულისა ჩემისაჲ გითხრა თქუენ: დე\კეოზ
Line of ed.: 28    მეფე, რომელი შემოვიდა დღეთა ამათ ქალაქად, დგასა აქა, ანუ გან\ვიდა?
Line of ed.: 29    ესმა რაჲ ესე მარის, წმიდასა მას ებისკოპოსსა, ჰრქუა იამბლიქეს:
Line of ed.: 30    შვილო, არა არს დღეს ქუეყანასა ზედა მეფე, რომელსა ჰრქვან დეკეოზ,
Line of ed.: 31    გარნა ნათესავით მრავლით წინა თუ ვისმე წოდებულ არს დეკეოზ მეფესა.

Line of ed.: 32       მაშინ მიუგო იამბლიქე, იდვა რაჲ იგი პირ-დაქცევით ქუეყანასა
Line of ed.: 33    ზედა, და ჰრქუა: ამისთჳს, უფალო ჩემო, განკრთომათა შეუპყრიე მე, და
Line of ed.: 34    სიტყუაჲ ჩემი მოუთუალველ არს თქუენ წინაშე, და არა გრწამს ჩემი, არამედ
Line of ed.: 35    მოვედით ჩემ თანა და გიჩუენნე თქუენ მოყუასნი ჩემნი ქუაბსა შინა, რომელი
Line of ed.: 36    არს მთასა ნოქლონსა, და ისწავოთ მათგან, ვითარცა ესე მე ვიცი, რამეთუ
Line of ed.: 37    დეკეოზისგან მეფისა ვილტოდეთ და დაგვიყოფიეს მუნ მცირედი დღე, და
Line of ed.: 38    მე ვიხილე, რამეთუ შემოვიდა დეკეოზ მეფე ეფესოდ. უკუეთუ ესე არს ეფესოჲ,
Line of ed.: 39    არა ვიცი აწ ოდენ.


Page of ed.: 114 
Line of ed.: 1       მაშინ წმიდამან ებისკოპოსმან განიზრახა გულსა თჳსსა და თქუა: გამო\ცხადებაჲ
Line of ed.: 2    რაჲმე უნებს ღმერთსა ჩუენდა დღეს ხელითა ამის ჭაბუკისაჲთა,
Line of ed.: 3    არამედ განვიდეთ ამის თანა და ვიხილოთ, უკუეთუ ჭეშმარიტ არს თქუმული
Line of ed.: 4    ესე ამისი. და მუნქუესვე აღდგა წმიდაჲ მარი ებისკოპოსი და ანთიპატროსი
Line of ed.: 5    და მთავარნი ქალაქისანი და სიმრავლე ერისაჲ ურცხვი და აღვიდეს მათ
Line of ed.: 6    თანა მთად, სადაცა იყო ქუაბი.

Line of ed.: 7       ხოლო იამბლიქოს შევიდა უწინარეს მათსა, და ებისკოპოსი იგი შევიდა
Line of ed.: 8    შემდგომად მისსა. და ვითარ შევიდეს კართა მის ქუაბისათა, პოვა მარჯუე\ნესა
Line of ed.: 9    მხარსა მის ქუაბისასა ლუსკუმაჲ ერთი მცირე რვალისაჲ, დამალული
Line of ed.: 10    შორის ქვათა, და ედგა მას ორი ბეჭდი ვერცხლისაჲ. და აღმოიღო იგი ების\კოპოსმან
Line of ed.: 11    და დადგა გარეშე კართა და მოუწოდა ანთიოპატროსსა და მთა\ვართა
Line of ed.: 12    ქალაქისათა და მათ წინაშე აღტეხა ბეჭედი იგი და აღაღო და პოვნა
Line of ed.: 13    მას შინა ორნი ფიცარნი ბრპენისანი, და წარიკითხეს დაწერილი მათ შინა
Line of ed.: 14    და პოვეს ესრეთ, ვითარმედ: პირისაგან დეკეპზის მძლავრისა ივლტოდეს
Line of ed.: 15    წმიდანი ესე: მაქსიმილიანე, ძე პიტიახშისაჲ, და იამბლიქე, მარტიმე, დიონოსვ,
Line of ed.: 16    ექსაკონ, დადიანე, იოვანე, ანტონინე. შვიდნი ყრმანი შევიდეს ქუაბსა ამას.
Line of ed.: 17    და ბრძანებითა დეკეოზ მძლავრისაჲთა დაიყორა პირი ქუაბისაჲ ამის
Line of ed.: 18    პირსა წინაშე წმიდათასა, და წამებაჲ მათი დაწერილ იყო ფიცართა მათ
Line of ed.: 19    ზედა.

Line of ed.: 20       და ვითარ წარიკითხეს, დაუკვირდა და ადიდეს ღმერთი კეთილთა მათ
Line of ed.: 21    ზედა, რომელთა მოანიჭებს ღმერთი ძეთა კაცთა შემდგომად სიკუდილისა.
Line of ed.: 22    და ღაღად-ყვეს ყოველთა, ვითარცა ერთითა პირითა, და აკურთხეს ღმერთი
Line of ed.: 23    და ესრეთ შეიმართეს ქუაბად და პოვნეს წმიდანი იგი მსხდომარენი სიხარუ\ლითა
Line of ed.: 24    დიდითა ფრიად, და პირნი მათნი ბრწყინვიდეს, ვითარცა მზე. და
Line of ed.: 25    ვითარცა იხილნეს იგინი ეპისკოპოსმან და ანთიპატროსმან და სიმრავლემან
Line of ed.: 26    ქალაქისამან, შეურდეს მათ და თაყუანის-სცეს ქუეყანასა ზედა და ჰმადლობ\დეს
Line of ed.: 27    ღმერთსა, რომელმან ღირს ყვნა იგინი ხილვად დიდებულსა ამას
Line of ed.: 28    ხილვასა.

Line of ed.: 29       და ესრეთ ზარხვიდეს მათ თანა წმიდანი იგი მოწამენი და აუწყეს მათ
Line of ed.: 30    ყოველივე იგი, რაჲცა იქმნა დეკეოზის ზე მეფისა. ხოლო ეპისკოპოსმან და
Line of ed.: 31    ანთიპატროსმან მყის მიწერეს წიგნი ღმრთის-მოყუარისა თევდოსის მეფისა
Line of ed.: 32    ესრეთ: მწრაფლ ბრძენენ შენმან ღმრთის-მოყუარებემან მოსლვად და ხილვად
Line of ed.: 33    საკვირველებათა რომელი აჩუენდა ღმერთმან შენსა მეფობასა, რამეთუ ნათელი
Line of ed.: 34    ცხორებისა საუკუნოჲსაჲ გამობრწყინდა მიწისაგან ქუეყანასა, აღდგომაჲ იგი
Line of ed.: 35    ყოფადი გამოჩნდა საფლავთაგან და გვიჩუენა ჩუენ ხორცთაგან წმიდათაჲსა.

Line of ed.: 36       ხოლო ვითარცა ესმა ესე თევდოსის მეფესა, განიხარა სიხარულითა
Line of ed.: 37    დიდითა ფრიად და მყის აღდგა ძაძისა მისგან და ნაცრისა, რომელი დაე\რეცა
Line of ed.: 38    ქუეშე მისსა, და განძლიერდა და ადიდებდა ღმერთსა, აღიპყრნა ხელნი
Line of ed.: 39    თჳსნი ზეცად და თქუა: უფალო იესუ ქრისტე, მხოლოდ-შობილო ძეო ღმრთისა
Page of ed.: 115  Line of ed.: 1    ცხოველისაო, მეუფე ცისა და ქუეყანისაო, შენ მზისაგან სიმართლისა აღმო\გვივლინე
Line of ed.: 2    ჩუენ ნათელი შენისა მოწყალებისაჲ და არა დაშრიტე სანთელი
Line of ed.: 3    აღსარებისაჲ ჩემისაჲ ლამპართა მათგან ნათელთა მამათა ჩემთაჲსა, და არა
Line of ed.: 4    დაჭნა, არცა დაცვა ბეჭდი სარწმუნოებისა ჩემისაჲ გვირგვინისა მისგან უბი\წოჲსა
Line of ed.: 5    მეფობისა კონსტანინესითგან.

Line of ed.: 6       მაშინ წარმოემართა მეფე თევდოსი მოსლვად ეფესოდ, და მის
Line of ed.: 7    თანა მოუგონებელი სიმრავლე ეტლებითა და საჭურველიტა კონსანტინე
Line of ed.: 8    ქალაქით. და განვიდა მისა ყოველი იგი ქალაქი ებისკოპოსითურთ და მთავ\რით.
Line of ed.: 9    და ესრეთ აღვიდეს ქუაბად წმიდათა მათ თანა ნოქლონსა მთასა. გამო\ვიდეს
Line of ed.: 10    წმიდანიცა იგი ყრმანი ქუაბით მიგებებად მეფისა. და იხილნეს რაჲ
Line of ed.: 11    იგინი, გამობრწყინდეს პირნი მათნი, ვითარცა ნათელნი, და შევიდეს მუნვე
Line of ed.: 12    ქუაბად. შევიდა მეფეცა მათ თანა, ხოლო წმიდათა მათ ყრმათა განირთხნეს
Line of ed.: 13    ხელნი მათნი და აღადგინეს იგი. აღდგა მეფე და შეიტკბნა ქუეყანასა ზედა.
Line of ed.: 14    და შეხედვიდა მათ მეფე და ადიდებდა ღმერთსა, და გული მისი იხარებდა
Line of ed.: 15    აღსარებითა.

Line of ed.: 16       და ჰრქუა მათ მეფემან: უფალნო ჩემნო, ხილვასა მაგას თქუენსა ვჰგონებ,
Line of ed.: 17    ვითარმცა ქრისტესა ვხედავთ, რაჟამს იგი უწოდა საფლავით ლაზარეს. და
Line of ed.: 18    ეგრეთ ვარ, ვითარმცა მესმოდა ხმაჲ მისი წმიდაჲ დიდებით მეორედ მო\სლვასა
Line of ed.: 19    მისსა, ოდეს გამოვიდოდიან მკუდარნი საფლავებისაგან აღსრულებად
Line of ed.: 20    სიტყუათა მისთა უხრწნელთა.

Line of ed.: 21       მიუგო წმიდამან მაქსიმილიანე მეფესა და ჰრქუა: ამიერითგან დაამტ\კიცენ
Line of ed.: 22    მეფობაჲ შენი მტკიცითა მის სარწმუნოებითა იესუ ქრისტემან, ძემან
Line of ed.: 23    ღმრთისა ცხოველისამან, დაიცევინ მეფობაჲ შენი სახელითა მისითა განსაც\დელთაგან
Line of ed.: 24    და საცთურთა ბოროტისათა, და გრწმენინ ჩუენი, რამეთუ შენთჳს
Line of ed.: 25    აღმადგინნა ჩუენ მიწისაგან ქუეყანისა წინაშე შენსა, უფალო მეფე, გამოჩი\ნებად
Line of ed.: 26    აღდგომაჲ იგი უკუანაჲსკნელი და რამეთუ ვიყვენით ჩუენ ვიდრე აქა\მომდე,
Line of ed.: 27    ვითარცა ყრმაჲ, რომელ არნ მუცელსა დედისასა და არას სცნობნ
Line of ed.: 28    პატივსა, არცა უპატიოებასა, არცა შრომასა, არცა განსუენებასა და ცხორე\ბაჲ
Line of ed.: 29    არა უცნობიენ ცხოველთა თანა და მკუდათა თანა. ეგრეთ ვართ ჩუენცა
Line of ed.: 30    განსუენებულ და დადუმებულ, ვითარცა დაძინებულნი, რომელნი არას
Line of ed.: 31    იგრძნობედ.

Line of ed.: 32       ესე თქუეს წმიდათა მათ ყრმათა. და ვითარცა შეხედვიდეს მეფე და
Line of ed.: 33    ებისკოპოსი და ყოველი ქალაქი და ისმენდეს სიტყუათა მათთა, კუალად
Line of ed.: 34    მიიდრიკნეს თავნი მათნი ქუეყნად და დაიძინეს. და ესრეთ შეჰვედრნეს
Line of ed.: 35    სულნი თჳსნი ბრძანებითა ღმრთისაჲთა. და დგა მეფე მახლობელად მათსა
Line of ed.: 36    და ტიროდა. და განჰმარტა პატივი იგი მეფობისაჲ, რომელ ემოსა, და დაჰ\ბურა
Line of ed.: 37    მათ ზედა და ბრძანა ლუსკუმათა ოქროჲსათა შექმნაჲ, რაჲთა მათ
Line of ed.: 38    შინა დაჰკრძალნენ გუამნი იგი წმიდათანი.


Page of ed.: 116 
Line of ed.: 1       და მასვე ღამესა ეჩუენნეს წმიდანი იგი ყრმანი მეფესა და ჰრქუეს მას:
Line of ed.: 2    მიწისაგან აღდგეს გუამნი ჩუენნი და არა ოქროჲსაგან და არცა ვეცხლისა\გან.
Line of ed.: 3    ამისთჳს ადგილსა ჩუენსა, სადაცა ვართ, ქუაბსა მას, მიწას მას ზედა
Line of ed.: 4    გვიტევენ ჩუენ, რამეთუ ღმერთმან მიერ მიწით კუალად მერმე აღმადგინნეს
Line of ed.: 5    ჩუენ.

Line of ed.: 6       მაშინ მეფემან ბრძანა მოსხმად ადგილი იგი ოქრო-სეფითა. და დაუ\ტევნა
Line of ed.: 7    იგინი მუნვე დღენდღელად დღედმდე ადგილობანს.

Line of ed.: 8       და შეკრებაჲ იყო ებისკოპოსთაჲ, და დღესასწაული დიდი აღასრულეს
Line of ed.: 9    და ღირსად პატივ-სცეს წმიდათა მოწამეთა. და მეფემან განსაყოფელი დიდ\ძალი
Line of ed.: 10    მისცა გლახაკთა მის ადგილისათა და საკრველნი პირველ-თქმულთა
Line of ed.: 11    მათ ებისკოპოსთანი განხსნნა.

Line of ed.: 12       და ურიცხვ სიმრავლე მორწმუნეთაჲ და ებისკოპოსთაჲ გამოვიდეს მის
Line of ed.: 13    თანა ეფესოჲთ კოსტანტინეპოლისა, დამტკიცებითა სარწმუნოებისა მათი\საჲთა
Line of ed.: 14    ადიდებდეს ღმერთსა, რომელმან ყვის საკვირველი ყოველსა ჟამსა წმი\დათა
Line of ed.: 15    მისთა მიერ მოღუაწეთა, მარტვილთა მისთა, რომლისაჲ არს პატივი და
Line of ed.: 16    დიდებაჲ და ძლიერებაჲ მამისა, ძისა და წმიდისა სულისა აწ და მარადის
Line of ed.: 17    და უკუნითი უკუნისამდე. ამენ.


This text is part of the TITUS edition of Hagiographical Texts edited by I. Imnaishvili.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.