TITUS
Hagiographical Texts edited by I. Imnaishvili
Part No. 2
Previous part

Text: Nik. 
Page of ed.: 66 
Line of ed.: 1  საკჳრველებანი წმიდისა ნიკოლაოს
Line of ed.: 2  მთავარებისკოპოსისანი


Line of ed.: 3  ՙვ̂ დეკემბერსა


Line of ed.: 4       ჟამთა კონსტანტინე მეფისათა იყო აღძრვაჲ და შფოთი დიდი ქუეყანასა
Line of ed.: 5    მას, რომელსა ჰრქუიან აფროგია, ნათესავთა მათ შორის, რომელთა ჰრქუიან
Line of ed.: 6    ადფალონ. და ეუწყა მეფესა საქმეჲ მათი, და მიავლინნა მათა სამნი სპასალარ\ნი
Line of ed.: 7    და მათ თანა სიმრავლე მჴედართაჲ. და იყო სახელები სამთა მათ დუქს\თაჲ
Line of ed.: 8    ესე: ნაბუტიანოს და აფრისიონ და არბიდიანა.

Line of ed.: 9       მაშინ გამოვიდეს დუქსნი იგი ჴმელად განსუენებად და შუებად, რამეთუ
Line of ed.: 10    იყო ქარი პირით კერძო მათსა. და მჴედართაგანნიცა ვინმე განვიდეს კუალსა
Line of ed.: 11    მათსა, რაჲთა იყიდონ საზრდელი თავისა მათისაჲ, და მსძლავრობდეს კაცთა
Line of ed.: 12    და მიჲხუეჭდეს სავაჭროსა სყიდასა მათსა და განვაჭრებასა. და იქმნა ამის
Line of ed.: 13    სახისაგან შფოთი დიდი ადგილსა მას, რომელსა ერქუა პალატ. და ვითარ
Line of ed.: 14    შფოთი იგი მიჲწია მავრონ ქალაქად, რამეთუ იყვნეს მხედარნი იგი კაცნი
Line of ed.: 15    მწიკულნი და ბოროტნი, და ესმა შფოთი ესე წმიდასა ნიკოლაოსს, მთავარ\ებისკოპოსსა
Line of ed.: 16    კათოლიკე-ეკლესიჲსასა, და მყის მიჲწია მას ადგილსა, რომელსა
Line of ed.: 17    იყო შფოთი იგი.

Line of ed.: 18       და ვითარ იხილეს კაცთა მათ, მიჲსწრაფეს ყოველთა თაყუანის-ცემად
Line of ed.: 19    მისა და რაჲთა იკურთხნენ მისგან. და ვითარ იხილეს ესე დუქსთა მათ, გუ\ლისხმა-ყვეს,
Line of ed.: 20    ვითარმედ ებისკობოსი არს მის ქუეყანისაჲ. მაშინ მათცა მოი\კითხეს
Line of ed.: 21    და თაყუანი-სცეს მას დიდითა პატივითა და შეჲწყნარეს იგი მოწ\ლედ,
Line of ed.: 22    ხოლო მან აკურთხნა იგინი, და მათ უთხრეს საქმე მათი და ჰრქუეს:
Line of ed.: 23    მშუიდობისა და განგებისათუის მოსრულ ვართ და მნებავს ჩუენ წარ\სლვად
Line of ed.: 24    აფროგია ქუეყანად და წყობათა შემთხუებად. არამედ ლოცვა-ყავ
Line of ed.: 25    ჩუენთუის.

Line of ed.: 26       მაშინ წმიდაჲ ნიკოლაოს ევედრა მათ, რაჲთა აღვიდენ მის თანა ქალა\ქად
Line of ed.: 27    და მიჲღონ საზრდელი და ევლოგია: და კუალად ევედრა მათ, რაჲთა
Line of ed.: 28    დააყენნენ მხედარნი იგი მძლავრობისაგან და მოხუეჭისა კაცთაჲსა. ხოლო
Line of ed.: 29    დუქსთა მათ უბრძანეს და არა უტევნეს მხედარნი მძლავრობად და დააწყნა\რეს
Line of ed.: 30    ერი იგი ყოველი შფოთისაგან. და ვითარ იყვნეს იგინი ამას შინა,
Page of ed.: 67  Line of ed.: 1    მოვიდეს კაცნი ვინმე ქალაქით და შეურდეს ებისკოპოსსა და ჰრქუეს მას:
Line of ed.: 2    მამაო პატიოსანო, უკუეთუმცა ყოფილ იყავ დღეს ქალაქსა, არამცა ვის
Line of ed.: 3    ეკადრა სამთა კაცთა მიცემაჲ სიკუდილსა ცუდად, თუინიერ ბრალისა, და
Line of ed.: 4    რამეთუ მთავარმან ქალაქისამან მიჲღო ქრთამი დიდძალი კაცთა ვიეთგანმე
Line of ed.: 5    და ბრძანა სამთა კაცთა სიკუდილისა მიცემაჲ მახუილითა, და დიდსა შფოთ\სა
Line of ed.: 6    შინა არს ყოველი ქალაქი, რაჟამს არა დაემთხუიე შენ ესევითარსა
Line of ed.: 7    საქმესა.

Line of ed.: 8       მაშინ წმიდაჲ ნიკოლაოზ ევედრა დუქსთა მათ, და აღვიდეს მის თანა
Line of ed.: 9    ქალაქად. და ვითარ შევიდეს ბრჭეთა ქალაქისათა, ჰკითხა ვისმე წმიდამან მან
Line of ed.: 10    კაცთა მათთუის, რომელთაჲ ბრძანა მთავარმან სიკუდილი. და უთხრა
Line of ed.: 11    მას, ვითარმედ წარუყვანებიან იგინი ადგილსა მას სასიკუდინესა. და ჰკითხა
Line of ed.: 12    კუალად სხუათა, და უთხრეს მას: აჰა აწღა განიყვანეს იგი ბრჭეთა ქალაქი\სათა.
Line of ed.: 13    ხოლო წმიდამან ნიკოლაოს მიჲსწრაფა ბრჭეთა ქალაქისათა, და უთხ\რეს
Line of ed.: 14    მას კუალად: აჰა ესერა მიჰყვანან იგინი ადგილსა მას, რომელსა ჰრქუიან
Line of ed.: 15    ბირან. და იგი იყო ადგილი სასიკუდინეჲ. და მიჲსწრაფა წმიდამან მან
Line of ed.: 16    სრბით, ვიდრემდის მიეწიფა მათ ცოცხალთა და პოვა მუნ ერი მრავალი
Line of ed.: 17    შეკრებული. და მეხრმლესა მას მოემზადა მახუილი თუისი, და იხილა რაჲ
Line of ed.: 18    წმიდაჲ იგი, მიაქცია მახუილი თუისი და მიელოდა მას.

Line of ed.: 19       და ვითარ მიეახლა მათ, პოვნა სამნი კაცნი არდაგ-მორტყმულნი და
Line of ed.: 20    შეკრულნი და პირ-დაბურვალნი, და იყუნეს ქედნი მათნი მოდრეკილ, და
Line of ed.: 21    მოელოდეს სიკუდილსა. და ვითარ იხილა წმიდამან ნიკოლაოს, განხურდა
Line of ed.: 22    სულითა წმიდითა და მოსტაცა მახუილი იგი მეკრმლესა მას და განაგდო იგი
Line of ed.: 23    ქუეყანასა და მივიდა კაცთა მათ თანა შეკრუკთა და განხსნა კრულებაჲ
Line of ed.: 24    მათი და განაშიშულნა პირნი მათნი და წარიყვანნა იგინი ქალაქად და მიჲ\ყვანნა
Line of ed.: 25    ბანაკად მთავრისა მის და შემუსრნა ბრჭენი მისნი და შევი\და
Line of ed.: 26    მისა.

Line of ed.: 27       და ვითარ ესმა ესტადის მთავრსა შემდგომისაგან მისისა, ვითარმედ
Line of ed.: 28    ნიკოლაოს ებისკოპოსი მოვალს, აღდგა მსწრაფლ და გამოვიდა და თაყუა\ნი-სცა
Line of ed.: 29    მას. და ვითარ იხილა იგი წმიდამან ნიკოლაოს, შეჰრისხნა მას და
Line of ed.: 30    ჰრქუა: ჵ მსუმელო სისხლისაო და ეკლესიათა მძარცუველო, ესრეთ ურცხუ\ინო
Line of ed.: 31    იქმენა და იკადრე და არა შეირცხუინე შემთხუევად პირისა ჩემისა და
Line of ed.: 32    შენ გიქმნიან ესევითარი საქმენი და იქმ? და უწყოდე, ვითარმედ ამიერით\გან
Line of ed.: 33    არღარა გერიდები, არამედ ვაუწყო მეფესა საქმეჲ შენი ყოველი და რო\მელნი
Line of ed.: 34    გიქმნიან და იქმ და ვითარ არს განგებაჲ ხელმწიფებისა შენისაჲ ქუე\ყანასა
Line of ed.: 35    ამას.

Line of ed.: 36       ხოლო მთავარი იგი შეუვრდა მას ვედრებით და ჰრქუა: ვევედრები სი\წმიდესა
Line of ed.: 37    შენსა, მამაო, რაჲთა არა განრისხნე ჩემ ზედა, არამედ ისმინე ჩემი,
Line of ed.: 38    და ჭეშმარიტი გაუწყო შენ, რამეთუ ვარ მე საქმისა ამისგან და
Page of ed.: 68  Line of ed.: 1    არა მე ვყავ ბოროტი კაცთაჲ მათ, არამედ მთავართა ქალაქისათა ევდო\ქსიოს
Line of ed.: 2    და სიმონიდოს მაქმნიეს მე საქმეჲ ესე. და უწყებულ იყო წმიდისა მის,
Line of ed.: 3    ვითარმედ მთავარსა მას მიუღებიეს ორასი ლიტრაჲ ვერცხლი, რაჲთა მოაკუ\დინნეს
Line of ed.: 4    კაცნი იგი.

Line of ed.: 5       მაშინ დუქანი იგი ევედრნეს წმიდასა ნიკოლაოზს, რაჲთა შეუნდოს
Line of ed.: 6    მთავრსა მას ყოველი ბრალი მისი, და რომელი-რაჲ ეუწყა მისთუის, მიუ\ტეოს.
Line of ed.: 7    ხოლო დუქსთა მათ მიიღეს საზრდელი წმიდისა მის თანა და ევედრნეს
Line of ed.: 8    მას, რაჲთა ლოცვა-ყოს მათთუის და მისცეს კურთხევაჲ მისი საგზლად. და
Line of ed.: 9    ულოცა მათ და აკურთხნა და განუტევნა მშუიდობით. ხოლო იგინი შესხდეს
Line of ed.: 10    ნავსა და ვიდოდეს ზღუასა შინა და მიჲწივნეს აფროგიად, სადა-იგი მივლი\ნებულ
Line of ed.: 11    იყვნეს, და მოეცა მათ ძლევაჲ მის ქუეყანისა მყოფთა ზედა, და დაე\მორჩილნეს,
Line of ed.: 12    და განაგეს კუალად საქმე კაცთაჲ და მაზრზინებელნი იგი და
Line of ed.: 13    შფოთის-მყოფელნი განსწავლნეს და მოიმტკიცნეს.

Line of ed.: 14       და იყო მშუიდობაჲ და დაწყნარებაჲ ყოველსა მას ქუეყანასა, და მიჲქ\ცეს
Line of ed.: 15    სიხარულითა დიდითა კოსტანტინეპოვლისა. და ვითარ ესმა მყოფთა
Line of ed.: 16    ქალაქისათა მოსლვაჲ მათი, განვიდეს შემთხუევად მათა თუით მეფე კოს\ტანტინე
Line of ed.: 17    და ყოველნი მთავარნი მისნი და წარჩინებულნი ერისანი და განი\ხარეს
Line of ed.: 18    მოსლვასა მათსა ზედა ფრიად, რაჟამს ცნეს ძლევაჲ იგი მათი და
Line of ed.: 19    მშუიდობაჲ და დაწყნარებაჲ, რომელი იქმნა ჴელითა მათითა ქუეყანასა მას,
Line of ed.: 20    და იქმნეს მიერთგან პალატსა შინა პატივ-ცემულ და სახელოვან წინაშე
Line of ed.: 21    მეფისა და ყოველთა კაცთა.

Line of ed.: 22       ხოლო რომელთამე სპასალართა მეფისათა შეუჴდა შური მათთუის
Line of ed.: 23    და იზრახეს მოკლვაჲ მათი და ეზრახნეს თანა-მძრახვალსა მეფისასა აპლა\ბიოსს,
Line of ed.: 24    რომელი იყო მთავარი გუნდთაჲ, ვედრებით ამის სახისათუის, რაჲთა
Line of ed.: 25    ყოს მათთუის წინაშე მეფისა სიტყუაჲ, რაჲთა მოაკუდინნეს იგი მეფემან, და
Line of ed.: 26    მისცეს მას ქრთამად ათას შუიდასი ლიტრაჲ ოქროჲ, რაჲთა ყოს ღონის\ძიებაჲ
Line of ed.: 27    მათთუის. ხოლო მან აღუთქუა ყოფად ესე. და შევიდა წინაშე მეფისა
Line of ed.: 28    და ჰრქუა მას: გევედრები შენ, დიდებულო თუით-მპყრობელო მეფე, რამეთუ
Line of ed.: 29    სამნი იგი სპასალარნი რომელნი მოვიდეს აფროგიაჲთ, ყვეს ზაკუვაჲ შენდა
Line of ed.: 30    მიმართ და აწცა ისწრაფიან წარწყმედასა სამეუფოჲსა შენისასა. და მესმა
Line of ed.: 31    მათთუის ზედა-მიწევნით, რამეთუ აფროგიჲსა მყოფთა აღუთქუეს სამთა ამათ
Line of ed.: 32    სპასალართა, რომელნი მუნით მოვიდეს, ვითარმედ ყონ ღონის-ძიებაჲ და
Line of ed.: 33    ზაკუვაჲ სამეუფოსა შენსა ზედა და შეჲჭურნენ წყობად შენდა და რაჲთა
Line of ed.: 34    იყვნენ მორჩილებასა მათსა ქუეშე. და ვითარ მესმა მე ესე, ვერღარა დავი\თმინე,
Line of ed.: 35    ვითარმცა არა ვაუწყე სუფევასა შენსა, რამეთუ ზრუნვაჲ ამისი და
Line of ed.: 36    გამოკითხვაჲ თანა-მაც. და აწ ვითარ ბრძანოს მეუფებამან შენმან, ეგრეცა
Line of ed.: 37    ყავნ.

Line of ed.: 38       და ვითარ ესმა ესე მეფესა, განრისხნა გულის-წყრომითა დიდითა
Line of ed.: 39    და მუნთქუესვე ბრძანა განუკითხველად მიცემაჲ მათი საპყრობილესა, და უფ\როჲს
Line of ed.: 40    ხოლო ამისთუის, რაჟამს ესმა, ვითარმედ ეძიებენ წარწყედასა მეფო\ბისა
Line of ed.: 41    მისისასა და სიკუდილსა მისსა.


Page of ed.: 69 
Line of ed.: 1       და ვითარ დაყვეს მათ მცირედი ჟამი საპყრობილესა შინა, მოვიდეს
Line of ed.: 2    კუალად შემასმენელნი იგი აპლაბიოსისა, მთავრობისა მის გუნდთაჲსა, და აღძრეს
Line of ed.: 3    იგი და ჰრქუეს: რაჲსათუის შეაყენენ სამნი იგი კაცნი საპყრობილესა და
Line of ed.: 4    უტევენ ცოცხალნი? და უწყოდე, რამეთუ საპყრობილესა შინა არა დასცხრე\ბიან,
Line of ed.: 5    არამედ ღონესა ეძიებენ თავთა თუისთათუის ფარულად, რაჲთა
Line of ed.: 6    გა/ნერნენ.

Line of ed.: 7       და ვითარ ესმა ესე აპლაბიოსს, მუნქუესვე შევიდა მეფისა და ჰრქუა
Line of ed.: 8    მას: გევედრები შენ, ჵ მეფეო თუით-მპყრობელო, მესმა სამთა მათ კაცთა\თუის,
Line of ed.: 9    რომელთაჲ ჰბრძანე საპყრობილესა მიცემაჲ, ვითარმედ არა დასცხრე\ბიან
Line of ed.: 10    ზაკულებისაგან მათისა, არამედ ფარულად აღძრვენ ერსა და ეძიებენ
Line of ed.: 11    ბოროტსა. და ვითარ ესმა ესე მეფესა, უმეტეჲსად განრისხნა და თქუა: აქა\მომდე
Line of ed.: 12    ჰგიანღა უკეთურებასა მათსა ზედა და იდუმალ ეძიებენ ზაკუვით ბო\როტსა
Line of ed.: 13    ჩემ ზედა? მაშინ ბრძანა გამოყვანებაჲ მათი საპყრობილით მე\ფემან
Line of ed.: 14    ღამით და მოკუეთაჲ თავისაჲ.

Line of ed.: 15       მაშინ მიავლინა აპლაბიოს, თანა-მზრახვალმან მეფისამან მესაპყრობილეთ\მოძღურისა
Line of ed.: 16    და ჰრქუა: რაჟამს მოიწიოს ღამე, მზამცა არიან სამნი იგი კაცნი,
Line of ed.: 17    რამეთუ მეფესა უბრძანებია მოკუეთაჲ თავისა მათისაჲ ამას ღამესა. და ვითარ
Line of ed.: 18    ესმა ესე აპლარიონოსს მესაპყრობილეთ-მოძღუარსა, შეწუხნა მწუხარებითა
Line of ed.: 19    დიდითა და ტიროდა მწარედ მწუხარებისა მისგან და შევიდა საპყრობილედ
Line of ed.: 20    და მოუწოდა მათ და ჰრქუა ტირილით: მეშინის და ძრწის გული ჩემი მის\თუის.
Line of ed.: 21    რომელი-ესე მეგულების თხრობად თქუენდა, რამეთუ იყვენით დიდებულ
Line of ed.: 22    და პატიოსან ერსა შორის. და აჰა ესერა აწ ვიტყუი თქუენ თანა სიტყუასა,
Line of ed.: 23    და ხვალე განვეშორებით ურთიერთას, რამეთუ ბრძანებაჲ გამოსრულ არს
Line of ed.: 24    მეფისაგან, რაჲთა აღესრულნეთ ამას ღამესა მახუილითა, არამედ ბრძანეთ
Line of ed.: 25    სახლისა და საფასისა თქუენისა განგებაჲ უწინარეჲს განშორებისა თქუენისა
Line of ed.: 26    საწუთროსა ამას.

Line of ed.: 27       ხოლო მათ ვითარცა ესმა ესე მესაპყრობილეთ-მოძღურისა მისგან, დაი\პეს
Line of ed.: 28    სამოსელი მათი და იფხურიდეს თმათა მათთა და გარდაისხეს ნა\ცარი
Line of ed.: 29    თავთა მათთა და ტიროდეს მწარედ და ღაღადებდეს საწყალობელად
Line of ed.: 30    და იტყოდეს ურთიერთას: რომლისა ბრალისათუის, ანუ რომლისა შეცოდე\ბისა
Line of ed.: 31    ესრეჲთ მოვკუდებით უბრალოდ? მაშინ ერთსა მათგანსა, რომელსა
Line of ed.: 32    ერქუა ნაბუტიანოს, მოეჴსენა წმიდაჲ ნიკოლაოს და რაჲ-იგი იყო სამთა მათ
Line of ed.: 33    კაცთა და ვითარ განარინნა იგინი სიკუდილისაგან უსამართლოჲსა ლუკიას
Line of ed.: 34    შინა, რაჟამს ბრძანა მთავარმან მან უმშჯავროდ სიკუდილი მათი. და ღაღატ\ყო
Line of ed.: 35    ჴმითა მაღლითა ტირილით და იტყოდა: ჵ უფალო ღმერთო წმიდისა
Line of ed.: 36    ნიკოლაოსისო, შემწიე ჩუენ ჭირსა ამს ჩუენსა შინა და შემიწყალენ ჩუენ
Line of ed.: 37    და მილხინე და ვითარ იჴსნენ სამნი იგი კაცნი სიკუდილისაგან, მიჴსნენ
Line of ed.: 38    ჩუენცა და განმარინენ მოწევნულისა ამისგან ბოროტისა და წარწყმედისა.
Line of ed.: 39    და მერმე იტყოდა: ჵ წმიდაო ნიკოლაოს, მონაო უფლისა ჩუენისა იესუ ქრის\ტეჲსო,
Line of ed.: 40    დაღაცათუ შორს ხარ ჩუენგან გუამითა, ხოლო ლოცვაჲ შენი იყავნ
Page of ed.: 70  Line of ed.: 1    მახლობელად ჩუენდა და ევედრე უფალსა ჩუენთუის, რაჲთა მიჴსნეს ჩუენ
Line of ed.: 2    ამის განსაცდელისაგან მეოხებითა შენითა, რაჲთა ღირს ვიქმნეთ მოსლვად
Line of ed.: 3    შენ წინაშე და თაყუანის-ცემად სიწმიდისა შენისა და შევწიროთ მად\ლობაჲ
Line of ed.: 4    უფლისა, მაცხოვრისა ჩუენისა.

Line of ed.: 5       და ვითარ თქუა ნაბუტიანოს სიტყუაჲ ესე, ღაღატ-ყვეს მერმე სამთავე,
Line of ed.: 6    ვითარცა ერთითა პირითა, ტირილით და ვედრებით უფლისა მიმართ და
Line of ed.: 7    იტყოდეს: შეგუიწყალენ, უფალო, და მწრაფლ მეწიე ჩუენ, მეოხებითა მო\ნისა
Line of ed.: 8    შენისა ნიკოლაოსისითა განმარინენ ჩუენ ჭირისა ამისგან და
Line of ed.: 9    განსაც/დელისა.

Line of ed.: 10       მაშინ წმიდაჲ ნიკოლაოს ეჩუენა ძილსა შინა ღამესა მას კოსტანტინე
Line of ed.: 11    მეფესა და ჰრქუა: აღდეგ და ისწრაფე და განუტევენ სამნი იგი კაცნი, რო\მელთაჲ
Line of ed.: 12    ჰბრძანე მიცემაჲ საპყრობილესა, რამეთუ უბრალონი არიან და უსა\მართლოდ
Line of ed.: 13    შესმენილნი შენ წინაშე და ცუდად, უმშჯავროდ მისცენ იგინი
Line of ed.: 14    საპყრობილესა. და უკუეთუ შენ ურჩ მექმნე და არა ჰყო, რაჲ-ესე გარქუ
Line of ed.: 15    შენ, აღვძრა შენ ზედა ღუაწლი დიდი და წყობაჲ მტერთაჲ და ჴორცნი შენნი
Line of ed.: 16    მივსცნე მფრინველთა საჭმლად და მერმესა მას საუკუნესა მე ვიყო მოსაჯუ\ლი
Line of ed.: 17    შენი საყდართა წინაშე ქრისტეს მეუფისა დიდისათა.

Line of ed.: 18       მიუგო მას მეფემან და ჰრქუა: და შენ ვინ ხარ? ანუ ვითარ იკადრე
Line of ed.: 19    შემოსლვად პალატსა ჩემსა? ჰრქუა მას წმიდამან ნიკოლაოს: მე ვარ
Line of ed.: 20    ცოდვილი ქრისტეს მონაჲ, ებისკოპოსი მავრონ ქალაქისაჲ და მპყრობელი
Line of ed.: 21    ლუკიჲსაჲ. და ვითარ ჰრქუა ესე მას, განეშორა და წარვიდა მყის და ეჩუენა
Line of ed.: 22    აპლაბიოსს, გუნდთა მთავარსა და ჰრქუა: აღდეგ და ისწრაფე გამოყვანებაჲ
Line of ed.: 23    სამთა მათ კაცთაჲ, რომელნი შეაყენენ საპყრობილესა, და განუტევენ იგინი
Line of ed.: 24    მწრაფლ. და უკუეთუ არა ისმინო ჩემი, მოვავლინო შენ ზედა სალმობაჲ
Line of ed.: 25    ბოროტი, და მატლთა შეჭამნენ ჴორცნი შენნი და ნათესავთა შენთანი, და
Line of ed.: 26    ბოროტად გუემულნი განეშორნეთ ცხორებასა, და მერმესა მას საუკუნესა მე
Line of ed.: 27    ვიყო მოსაჯული შენი წინაშე საყდართა უფლისა ჩუენისა იესუ ქრისტეჲსთა,
Line of ed.: 28    რომელი მოვალს განშჯად ცხოველთა და მკუდართა.

Line of ed.: 29       მიუგო მას აპლაბიოს და ჰრქუა: შენ ვინ ხარ, რომელი მეტყუი ამათ
Line of ed.: 30    სიტყუათა? ჰრქუა მას წმიდამან მან: მე ვარ ნიკოლაოს, მონაჲ ქრისტეჲსი და
Line of ed.: 31    ებისკოპოსი და მავრონ ქალაქისაჲ და მპყრობელი ლუკიჲსაჲ. და ჰრქუა რაჲ
Line of ed.: 32    ესე მას, განეშორა.

Line of ed.: 33       ხოლო მეფემან განიღუიძა და მოუწოდა მსახურტ-მთავარსა და უთხრა
Line of ed.: 34    მას ჩუენებაჲ იგი, რომელი იხილა, და უბრძანა მას, რაჲთა მივიდეს
Line of ed.: 35    აპლაბიოსისა და უთხრას მას იგი. და ვითარ წარვიდა, მივიდა და უთხრა
Line of ed.: 36    ჩუენებაჲ იგი მეფისაჲ. მიუგო აპლაბიოს და ჰრქუა მას: მეცა ვიხილე ჩუენე\ბაჲ
Line of ed.: 37    ესევითარი. მაშინ აღდგა მწრაფლ და ბრძანა სამთაჲ მათ კაცთაჲ გამო\ყვანებაჲ
Line of ed.: 38    საპყრობილით და შეჲყვანნა იგინი წინაშე მეფისა, რაჟამს მეჲნახენი
Line of ed.: 39    მისნი და მთავარნი ერისანი სხდეს მის თანა. მიუგო მეფემან კაცთა მათ და
Line of ed.: 40    ჰრქუა: მითხართ მე, რომლითა გრძნებითა შეუძლით მოვლინებად ჩუენდა
Page of ed.: 71  Line of ed.: 1    ესევითარი ჩუენებაჲ? ხოლო იგინი ჟამსა მას განცუიბრდეს და ვერარაჲ მიუ\გეს
Line of ed.: 2    სიტყუაჲ. და კუალად იგივე სიტყუაჲ ჰრქუა მეფემან მათ. მაშინ მიუგო
Line of ed.: 3    მას ნაბუტიანოს და ჰრქუა: გევედრებით შენ, ჵ მეფეო თუით-მპყრობელო,
Line of ed.: 4    ჩუენ გრძნებაჲ არა ვიცით, რამეთუ კაცნი ვართ ქრისტეანენი. და უკუეთუ
Line of ed.: 5    ბოროტი რაჲმე და უგუნურებაჲ ზაკუვისაჲ ვყავთ წინაშე შენსა, მომაკუდინენ
Line of ed.: 6    ჩუენ ტანჯვითა და სიკუდილითა მწარითა.

Line of ed.: 7       მაშინ ჰრქუა მათ მეფემან: იცით, ვინა კაცი, რომელსა ჰრქუიან
Line of ed.: 8    ნიკოლაოს? ხოლო მათ ვითარცა ესმა, რამეთუ მეფე აჴსენებს ნიკოლაოსს,
Line of ed.: 9    ღაღატ-ყვეს სამთავე, ვითარცა ერთითა პირითა, და თქუეს: ჵ უფალო ღმერთო
Line of ed.: 10    წმიდისა ნიკოლაოსისო, შემეწიე ჩუენ და ვითარცა იგი იჴსნენ სამნი იგი
Line of ed.: 11    კაცნი ლუკიას შინა, რომელნი უსამართლოდ მოკლვოდეს, მიჴსნენ ჩუენცა
Line of ed.: 12    ჭირისა ამისგან და განსაცდელისა, რამეთუ უბრალოდ დავისაჯებით.

Line of ed.: 13       და ვითარ ესმა ესე მეფესა მათგან, ჰრქუა მათ: ვით არს ესე ნიკო\ლაოს?
Line of ed.: 14    მიუგო მას ნაბუტიანოს და ჰრქუა: გაუწყოთ შენ, ჵ მეფე, საქმეჲ ჩუენი.
Line of ed.: 15    მაშინ წარმოუთხრა ყოველივე საქმეჲ წმიდისაჲ მის და გზავნაჲ მათი და
Line of ed.: 16    ვითარ-იგი განარინნა სამნი იგი კაცნი, რომელთაჲ ბრძანა მთავარმან უბრა\ლოდ
Line of ed.: 17    წარწყმედაჲ მათი. მაშინ ბრძანა მეფემან: უწყოდეთ, რამეთუ არა მე
Line of ed.: 18    მიგანიჭე თქუენ ცხორებაჲ, არამედ წმიდამან ნიკოლაოს, რომლისაცა სახელსა
Line of ed.: 19    უჴმობდით. და აწ წარვედით მისა და მოიკუეცეთ თმაჲ თავისა თქუენისაჲ
Line of ed.: 20    მის წინაშე.

Line of ed.: 21       და მისცა მათ მეფემან ბარძიმები ოქროჲსაჲ და სახარებაჲ ოქროჲსაჲ
Line of ed.: 22    და კელაპტრები ოქროჲსაჲ და სამოსელი ოქრო-ქსოვილი, შემკული თუალითა
Line of ed.: 23    პატიოსნითა და წარავლინნა ძღუნითურთ ლუკიად. და ვითარ მიჲწივნეს
Line of ed.: 24    იგინი წმიდისა ნიკოლაოსისა, მოიკუეცეს თმაჲ თავისა მათისაჲ მის წინაშე
Line of ed.: 25    და შეწირეს ძღუენი იგი მეფისაჲ და უთხრეს მას ყოველი იგი ყოფილი
Line of ed.: 26    და განუყვეს გლახაკთა საფასეჲ დიდძალი და ესრეჲთ კეთილითა განგებითა
Line of ed.: 27    ცხონდებოდეს მრავალთა წელთა და ჰმადლობდეს უფალსა, რომელმან იხსნა
Line of ed.: 28    იგინი და განარინნა სიკუდილისაგან უსამართლოჲსა.

Line of ed.: 29       და ჟამითავე ამის წმიდისა ნიკოლაოსისთა იყო სიყმილი დიდი ქუეყანასა
Line of ed.: 30    მას ლუკიაჲსასა, და იფქლი არა იპოვებოდა. და მოიწივნეს ნავნი ალექსანდრი\აჲთ,
Line of ed.: 31    რომელნი მივიდოდეს კონსტანტინეპოვლისა, და სავსე იყვნეს იგი იფქლი\თა.
Line of ed.: 32    და ვითარ ეუწყა წმიდისა მას მათთუის, მივიდა და ჰრქუა მენავეთა მათ:
Line of ed.: 33    მოჰჴადეთ იფქლისა მაგისგანი აქა, რაჲთა ვიყიდოთ თქუენგან და არა
Line of ed.: 34    მოვსწყდეთ სიყმილითა. მიუგეს მენავეთა მათ და ჰრქუეს: ესე იფქლი, მამაო,
Line of ed.: 35    ხარკისაჲ არს და ვერ ვიკადრებთ მას გამოუჴუებად ვერარას. ჰრქუა მათ წმი\დამან
Line of ed.: 36    მან: მომეცით მე ყოვლისა ნავისაგან ას-ასი მოდი, და რომელი და\გაკლდეს
Line of ed.: 37    თქუენ, მე განვასრულო რიცხუი თქუენი ბიზანტიას კონსტანტინე\პოლისს.
Line of ed.: 38    ხოლო მენავეთა მათ მისცეს სარწმუნოებით ნავისაგან ას-ასი
Line of ed.: 39    მოდი.


Page of ed.: 72 
Line of ed.: 1       და ვითარ ესე ყვეს, მოეცა მათ ქარი კეთილი, და მცირეთა დღეთა
Line of ed.: 2    მიიწივნეს ბიზანტიად მშვიდობით. და ვითარ მიუწყეს იფქლი იგი, პოვეს
Line of ed.: 3    ეგრეჲთ სრული რიცხუით, ვითარ-იგი აღწეულ იყო ალექსანდრიას, და არა\რაჲ
Line of ed.: 4    დააკლდა მათ ყოვლადვე, და დაუკუირდა მათ ფრიად და უთხრობდეს
Line of ed.: 5    ერსა საკუირველებასა მას და ადიდებდეს ღმერთსა, რომელმან მიანიჭის
Line of ed.: 6    მადლი მოშიშთა და მოყუარეთა მისთა. ხოლო წმიდამან ნიკოლაოც განუყო
Line of ed.: 7    იფქლი იგი გლახაკთა და უღონოთა, და ეყო საზრდელად მას წელიწადსა
Line of ed.: 8    და დაუშთა, რამეთუ აკურთხა ღმერთმან იფქლი იგი ლოცვითა მის წმიდი\საჲთა,
Line of ed.: 9    ვიდრემდის ეყო თესლად მეორესაცა წელსა. ყოველნი ადიდებდეს
Line of ed.: 10    ღმერთსა და ჰმადლობდეს წმიდასა მას, რამეთუ მის მიერ იხსნნა იგინი
Line of ed.: 11    ღმერთმან სიკუდილისაგან და სიყმილისა.

Line of ed.: 12       ხოლო ამან წმიდამან კუალად ქმნა სასწაული დიდი, რამეთუ განდევნა
Line of ed.: 13    ეშმაკი იგი სადგურით მისით, რომელსა ერქუა არტემის, რომელსა წარმართნი
Line of ed.: 14    ჰხადიან დედად ღმერთთა მათთა, და განაძო იგი ლუკიჲთ და ყოვლით სა\ზღვრით
Line of ed.: 15    მისით სახელითა უფლისა ჩუენისა იესუ ქრისტეჲსითა. ხოლო ბო\როტი
Line of ed.: 16    იგი ივლტოდა და ვერღარა იკადრებდა შემოსლვად საბრძანებელთა
Line of ed.: 17    მის წმიდისათა და წარვიდა და შემზადა ზეთი სახრული და შემწინკუებული
Line of ed.: 18    გრძნებითა და დიდად ბოროტად შექმნული და მავნებელი, რაჲთამცა დაწვა
Line of ed.: 19    ქალაქი მავრაონი და ეკლესიაჲ მისი ზეთითა მით შეგრძნებულითა და
Line of ed.: 20    სახრულითა. და მიემსგავსა ბოროტი იგი არტემი დედაკაცსა ქრისტეანესა
Line of ed.: 21    და მივიდა ზღუის-კიდედ და პოვნა მუნ კაცნი ვინმე მენავენი, რომელნი მი\ვიდოდეს
Line of ed.: 22    მავრაონდ ქალაქად, რაჲთამცა თაყუანი-სცეს წმიდასა ნიკო\ლაოსს,
Line of ed.: 23    და ჰრქუა მათ: გევედრები თქუენ, რაჲთა წარიღოთ მცირედი ესე
Line of ed.: 24    ზეთი და სცხოთ კედელთა ეკლესიჲსათა ამისგანი, რომელ არს მავრაონ
Line of ed.: 25    ქალაქსა და მომიხსენოთ მას ადგილსა წმიდასა, რამეთუ მინდა მისლვაჲ მუნ
Line of ed.: 26    და ვერ ვიმარჯუე.

Line of ed.: 27       ხოლო კაცთა მათ მიჲღეს ზეთი იგი და არა უწყოდეს ზაკვაჲ იგი და გრძნე\ბაჲ
Line of ed.: 28    ბოროტისაჲ მის, რომელი იყო ზეთსა მას შინა, და წარემართნეს იგინი ნა\ვითა
Line of ed.: 29    ზღუასა შინა, და იგი განეშორა მათგან. მაშინ წმიდასა ნიკოლაოსს
Line of ed.: 30    ეუწყა საქმეჲ ესე, რომელი იყო ზეთსა მას შინა ზაკუვაჲ, და ეჩუენა მენავეთა
Line of ed.: 31    მათ ზღუასა შინა მჯდომარეჲ მცირესა ნავსა და ჰრქუა მათ: ჵ ძმანო, მით\ხართ
Line of ed.: 32    მე, რაჲ გრქუა მაცთურ არს და მზაკვარი, და ნუცა მოცემულსა მისსა, რა\მეთუ
Line of ed.: 33    ესე არტემი არს მაცთური, რომელი აცთუნებს კაცთა და წარჰსწყ\მედს,
Line of ed.: 34    არამედ შთააგდეთ მოცემული მისი ზღუასა და იხილოთ, რაჲძი
Line of ed.: 35    იქმნეს. და მათ ისმინეს ბრძანებაჲ მისი და შთააგდეს ზეთი იგი ზღუასა, და
Line of ed.: 36    იქმნა იგი ცეცხლ მოტყინარე, საშინელ ფრიად, და ეგზებოდა პირსა ზედა
Line of ed.: 37    წყლისასა, ვიდრე ათხუთმეტ მილიონამდე.


Page of ed.: 73 
Line of ed.: 1       და ვითარ იხილეს ესე მენავეთა მათ, დაუკვირდა ფრიად და ადიდებ\დეს
Line of ed.: 2    ღმერთსა. და ვითარ მიჲწივნეს იგინი მავრონდ ქალაქად, თაყუანი\სცეს
Line of ed.: 3    წმიდასა ნიკოლაოსს, შეურდეს და ჰრქუეს მას: ჭეშმარიტად შენ ხარ,
Line of ed.: 4    მამაო წმიდაო, რომელი გუეჩუენე ჩუენ ზღუასა შინა და საკუირველებაჲ დიდი
Line of ed.: 5    ჰქმენ. და უთხრეს მას ყოველი იგი. ხოლო მან ულოცა მათ და აკურთხნა და
Line of ed.: 6    განუტევნა იგინი მშუიდობით. და წარვიდეს და ადიდებდეს ღმერთსა. ესე
Line of ed.: 7    სასწაულნი ქმნნა უფალმან ჴელითა მონისა თუისისა ნიკოლაოზისითა ცხორე\ბასა
Line of ed.: 8    მისსა, იყო რაჲ ჴორცთა შინა. ხოლო სასწაულნი და საკუირველე\ბანი,
Line of ed.: 9    რომელნი ქმნნა შემდგომად აღსრულებისა მისისა, ვერვინ შემძლებელ
Line of ed.: 10    არს აღრაცხად მათა: რავდენნი სნეულნი განკურნნა, ანუ რავდენნი ეშმაკე\ულნი
Line of ed.: 11    განათავისუფლნა და რავდენთა ჭირვეულთა მსწრაფლ შეეწია და სა\პყრობილესა
Line of ed.: 12    შინა შეწყდომილნი და მწუხარენი მყის განარინნა და რავდენთა
Line of ed.: 13    ზღუასა მიწყუდეულთა და განწირულთა მსწრაფლ მჴნე ექმნა და გან\მარინებელ
Line of ed.: 14    და რავდენთა უდაბნოს მხადელთა მისთა გამოეცხადა და მოგზა\ურთა
Line of ed.: 15    თანა-მავალ ექმნა და მცველ და აწცა შეეწევის ყოველთა და მეოხ
Line of ed.: 16    არს ყოველთა მორწმუნეთათუის წინაშე უფლისა ჩუენისა იესუ ქრისტესა,
Line of ed.: 17    რომლისაჲ არს დიდებაჲ და პატივი მამისა თანა სულით წმიდითურთ აწ და
Line of ed.: 18    მარადის და უკუნითი უკუნისამდე. ამენ.



Next part


This text is part of the TITUS edition of Hagiographical Texts edited by I. Imnaishvili.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.