TITUS
Ioane Petrici, Satnoebata kibe
Part No. 4
Previous part

Chapter: IV  
Line: 11  IV

Line: 12  სიზმართათჳს


Strophe: 32  
Line: 13  Verse: a     *32.   სრულთა ჩუენება   რომელთათჳს იქმნების,
Line: 14  Verse: b        იგი მარტივთა   თჳსთა ხედვათათჳს არს,
Line: 15  Verse: c        ზესთა წმიდისა   აღტაცებით სულისა
Line: 16  Verse: d        მობერვითა და   თჳნიერ ჴორციელის
Line: 17  Verse: e        ამის ოთხისა   საკრველისა ზესთა ქმნით.

Strophe: 33  
Line: 18  Verse: a     33.   სოფლით განსრულთა უცხოთა მოღუაწეთა
Line: 19  Verse: b        სიზმარნი ბრძვანან. მით ესე შეუდგინე,
Line: 20  Verse: c        ვინაჲთგან მტერი, სულთა ჩუენთა ეშმაკი,
Line: 21  Verse: d        ოცნებათაგან ღამისათა აშფოთებს,
Line: 22  Verse: e        რათა სოფლადვე მიქცევითა განკიცხნენ.



Strophe: 30X  
Line: 23       30. იტყჳს უფალი, ვითარმედ: "არა მოვედ ქუეყანად მოფენად მშჳდობისა მამა\დედათა
Line: 24    შვილთა მიმართ და ძმათა ძმათა მიმართ, რომელთა ენებოს მონება ჩემი,
Line: 25    არამედ მტერობა და მახჳლი განყოფად ღმრთის მოყუარეთა სოფლის მოყუარეთაგან,
Line: 26    ნივთიერთა -- უნივთოთაგან"... შდრ.: მათე 10, 34-35.

Strophe: 33X  
Line: 27       33. შემდგომად უცხოებად განსლვისა სიზმარნი გუებრძვიან. ამისათჳს ვინებე
Line: 28    უცხოებისა თავსა თანა მცირედი სიზმართათჳსცა თქუმად.




Page of ed.: 177  
Strophe: 34  
Line: 1  Verse: a     34.   გონების აღძრვად ჴორცთა უძრაობასა
Line: 2  Verse: b        შინა იტყჳან ბუნებისა-მეტყუელნი,
Line: 3  Verse: c        ოცნებად -- თუალთა ჴორცთა ცთომილებასა,
Line: 4  Verse: d        რაჟამს გონება, ვითარ მძინარე, იყოს
Line: 5  Verse: e        მისთა საგონთა მირიდებით სრულიად.

Strophe: 35  
Line: 6  Verse: a     *35.   სამნი საქმენი სიზმართა გუაუწყებენ:
Line: 7  Verse: b        პირველი იგი წმიდათა არს უწყება,
Line: 8  Verse: c        ხოლო მეორე ეშმაკთა არს ბოროტი
Line: 9  Verse: d        და მესამე არს ნაჴსოვნი -- დღისისათა
Line: 10  Verse: e        საქმეთა ჴსოვნა, რაჲცა შეჰმთხუეოდეს ვის.

Strophe: 36  
Line: 11  Verse: a     36.   სიზმართ რომელი ირწმუნებდეს, მსგავსი არს
Line: 12  Verse: b        კაცსა თჳსისა აჩრდილისა მდევნელსა,
Line: 13  Verse: c        ვითარმცა მისი შეპყრობა მონდომოდა
Line: 14  Verse: d        და უარსოსა საქმესა ეძიებდა.
Line: 15  Verse: e        ამად განიფრთხვე, მეგობარო, ნუ გძინავს!

Strophe: 37  
Line: 16  Verse: a     37.   ყოფადი ყოვლად ეშმაკთა არ უწყიან,
Line: 17  Verse: b        რამეთუ: ანუ ტყუოდიან მათებრად,
Line: 18  Verse: c        ანუ მალვითი წამ-ყოფით ეცინის რაჲ,
Line: 19  Verse: d        იგინი ძილსა შინა მიუთხრონ მას,
Line: 20  Verse: e        რათა არწმუნოს მომავალთა მცნობლობა.



Strophe: 34X  
Line: 21       34. სიზმარი არს აღძრვა გონებისა უძრაობასა შინა ჴორცთასა. ოცნება არს
Line: 22    ცთომილება თუალთა მძინარესა გონებასა შინა...

Strophe: 36X  
Line: 23       36. რომელი სიზმართა ირწმუნებდეს, მსგავს არს იგი კაცსა მას, რომელი აჩრ\დილსა
Line: 24    თჳსსა სდევდეს და ენებოს შეპყრობა მისი.

Strophe: 37X  
Line: 25       37. ეშმაკნი ცუდად დიდებისანი ძილსა შინა წინაჲსწარ-მეტყუელ იქმნიან, რამე\თუ
Line: 26    მომავალთა საქმეთა გუახარებდიან, არამედ მომავალთაგანი არარაჲ უწყინ, გარნა
Line: 27    თუ ტყუოდიან, ანუ თუ იქმნის საქმე იგი და სხჳთა რაჲთმე ეცინის... და მოვიდიან და
Line: 28    მსწრაფლ გჳთხრობდიან.




Page of ed.: 178  
Strophe: 38  
Line: 1  Verse: a     38.   სული არს იგი, ჰაერთა შინა ფრინავს
Line: 2  Verse: b        და იხილის ვინ მკუდარი, აღსრულებული,
Line: 3  Verse: c        მივალნ და უთხრობნ, ვითარცა უმყოფოსა,
Line: 4  Verse: d        რათა რაჲ ესმას, მაშინ მისად ეგონოს
Line: 5  Verse: e        მცნობელობად და ამითა მოაცთუნოს.

Strophe: 39  
Line: 6  Verse: a     39.   ყოვლად არარაჲ მომავალი იციან
Line: 7  Verse: b        თუარა გრძნეულნი სიკუდილსამცა უთხრობდეს
Line: 8  Verse: c        და წინაჲსწარი დიდება მათი იყო,
Line: 9  Verse: d        ვინაჲთგან ცუდთა მოაგონებნ საქმეთა
Line: 10  Verse: e        და ჰაზრთა რათმე ბნელთა და უმეცართა.

Strophe: 40  
Line: 11  Verse: a     40.   სიზმარო არ-მრწმენი გონებითა განბრძნდების,
Line: 12  Verse: b        ვინაჲთგან ღმრთისა განგებასა აღუჭურეტს
Line: 13  Verse: c        და ნივთთა ქსვასა თორმეტთა ზედაჲთ ჰხედავს
Line: 14  Verse: d        გონებითითა საცნაურით ხედვითა
Line: 15  Verse: e        და უმყოფოსა არ უჭურეტს, ბნელსა ამას.

Strophe: 41  
Line: 16  Verse: a     41.   სატანჯველთა და სასჯელისა მჩუენებნი
Line: 17  Verse: b        ესენი შენდა სარწმუნო მარად იყვნენ,
Line: 18  Verse: c        ხოლო წარკუეთა სასოების თუ იყოს,
Line: 19  Verse: d        ესე გონებით, ბრძენო, იგულისჴმაე
Line: 20  Verse: e        და ეშმაკთავე საქმითა განიგონე.



Strophe: 38X  
Line: 21       38. სული არს იგი, და შინაგან ჰაერისა ამის ქმნილნი საქმენი იხილნის და სცნოს
Line: 22    სიკუდილი მომკუდრისა მის და მივიდის და უთხრობნ უგუნურთა და გამოჩნდის მათ
Line: 23    თანა წინაჲსწარ-მეტყუელად.

Strophe: 39X  
Line: 24       39. არა რაჲ მომავალთა საქმეთაგანი იციან წინაჲსწარ-მცნობელობით, თუ არა
Line: 25    გრძნეულნი წინაჲსწარმცა სიკუდილისა თხრობად შემძლებელ იყვნეს...

Strophe: 40X  
Line: 26       40. რომელი სიზმართა ირწმუნებდეს, ყოვლითურთ გამოუცდელ არს, ხოლო
Line: 27    რომელი ურწმუნო იყოს მათდა ყოვლადვე, იგი ყოვლად ბრძენ არს.

Strophe: 41X  
Line: 28       41. ყოველთავე რომელნი სასჯელსა და სატანჯველსა გიჩუენებდეს, მათი გრწმენეს;
Line: 29    ხოლო უკუეთუ სასოწარკუეთილობა გბრძავს, იგიცა ეშმაკთა მიერ არს.




Page of ed.: 179  
Next part


This text is part of the TITUS edition of Ioane Petrici, Satnoebata kibe.

Copyright TITUS Project, Frankfurt a/M, 3.11.2016. No parts of this document may be republished in any form without prior permission by the copyright holder.