TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 5

Hymn: 5
Verse: 1
Halfverse: a    आ त्वेता॒ नि षी॑द॒तेन्द्र॑म॒भि प्र गा॑यत ।
   आ त्वेता॒ नि षी॑दत
   आ तु आ इ॑त+ नि सी॑दत
   आ तु ! एता नि षी॑दत

Halfverse: b     इन्द्र॑म॒भि प्र गा॑यत ।
   इन्द्र॑म् अ॒भि प्र गा॑यत ।
   इन्द्र॑म् अ॒भि प्र गा॑यत ।

Halfverse: c    सखा॑य॒ स्तोम॑वाहसः ।।
   सखा॑य॒ स्तोम॑वाहसः ।।
   सखा॑यः स्तोम॑वाहसः ।।
   सखा॑य स्तोम॑वाहसः ।।

Verse: 2
Halfverse: a    पु॑रू॒तम॑म्पुरू॒णामीशा॑नं॒ वार्या॑णाम् ।
   पु॑रू॒तम॑म्पुरू॒णाम्
   पुरू॒तम॑म् पुरू॒णाम्
   पुरू॒तम॑म् पुरू॒णाअम्

Halfverse: b    ईशा॑नं॒ वार्या॑णाम् ।
   ईशा॑नम् वार्या॑णाम् ।
   ईशा॑नं वारि॑याणाअम् ।

Halfverse: c    इन्द्रं॒ सोमे॒ सचा॑ सु॒ते ।।
   इन्द्रं॒ सोमे॒ सचा॑ सु॒ते ।।
   इन्द्र॑म् सोमे सचा सु॒ते ।।
   इन्द्रं सोमे सचा सु॒ते ।।

Verse: 3
Halfverse: a    स घा॑ नो॒ योग॒ आ भु॑व॒त्स रा॒ये स पुरं॑ध्याम् ।
   स घा॑ नो॒ योग॒ आ भु॑वत्
   स घ+ नः योगे आ भु॑वत्
   स घा नो योग आ भु॑वत्

Halfverse: b    स रा॒ये स पुरं॑ध्याम् ।
   स रा॒ये स पुरं॑ध्याम् ।
   स रा॒ये स पुरं॑धियाम् ।

Halfverse: c    गम॒द्वाजे॑भि॒रा स नः॑ ।।
   गम॒द्वाजे॑भि॒रा स नः॑ ।।
   गम॑त् वाजे॑भिः आ स नः ।।
   गम॑द् वाजे॑भिर् आ स नः ।।

Verse: 4
Halfverse: a    यस्य॑ सं॒स्थे न वृ॒ण्वते॒ हरी॑ स॒मत्सु॒ शत्र॑वः ।
   यस्य॑ सं॒स्थे न वृ॒ण्वते
   यस्य सं॒स्थे न वृ॒ण्वते
   यस्य सं॒स्थे न वृ॒ण्वते

Halfverse: b    हरी॑ स॒मत्सु॒ शत्र॑वः ।
   हरी स॒मत्सु शत्र॑वः ।
   हरी स॒मत्सु शत्र॑वः ।

Halfverse: c    तस्मा॒ इन्द्रा॑य गायत ।।
   तस्मा॒ इन्द्रा॑य गायत ।।
   तस्मै इन्द्रा॑य गायत ।।
   तस्मा इन्द्रा॑य गायत ।।

Verse: 5
Halfverse: a    सु॑त॒पाव्ने॑ सु॒ता इ॒मे शुच॑यो यन्ति वी॒तये॑ ।
   सु॑त॒पाव्ने॑ सु॒ता इ॒मे
   सु॑त॒पाव्ने सु॒ताः इ॒मे
   सु॑त॒पाव्ने सु॒ता इ॒मे

Halfverse: b    शुच॑यो यन्ति वी॒तये॑ ।
   शुच॑यः यन्ति वी॒तये ।
   शुच॑यो यन्ति वी॒तये ।

Halfverse: c    सोमा॑सो॒ दध्या॑शिरः ।।
   सोमा॑सो॒ दध्या॑शिरः ।।
   सोमा॑सः दध्या॑शिरः ।।
   सोमा॑सो दधिआ॑शिरः ।।

Verse: 6
Halfverse: a    त्वं सु॒तस्य॑ पी॒तये॑ स॒द्यो वृ॒द्धो अ॑जायथाः ।
   त्वं सु॒तस्य॑ पी॒तये
   त्वम् सु॒तस्य पी॒तये
   तु॒वं सु॒तस्य पी॒तये

Halfverse: b    स॒द्यो वृ॒द्धो अ॑जायथाः ।
   स॒द्यः वृ॒द्धः अ॑जायथाः ।
   स॒द्यो वृ॒द्धो अ॑जायथाः ।

Halfverse: c    इन्द्र॒ ज्यैष्ठ्या॑य सुक्रतो ।।
   इन्द्र॒ ज्यैष्ठ्या॑य सुक्रतो ।।
   इन्द्र ज्यैष्ठ्या॑य सुक्रतो ।।
   इन्द्र ज्यैष्ठ्या॑य सुक्रतो ।।

Verse: 7
Halfverse: a    आ त्वा॑ विशन्त्वा॒शवः॒ सोमा॑स इन्द्र गिर्वणः ।
   आ त्वा॑ विशन्त्वा॒शवः
   आ त्वा विशन्तु आ॒शवः
   आ त्वा विशन्तु आ॒शवः

Halfverse: b    सोमा॑स इन्द्र गिर्वणः ।
   सोमा॑सः इन्द्र गिर्वणः ।
   सोमा॑स इन्द्र गिर्वणः ।

Halfverse: c    शं ते॑ सन्तु॒ प्रचे॑तसे ।।
   शं ते॑ सन्तु॒ प्रचे॑तसे ।।
   शम् ते सन्तु प्रचे॑तसे ।।
   शं ते सन्तु प्रचे॑तसे ।।

Verse: 8
Halfverse: a    त्वां स्तोमा॑ अवीवृध॒न्त्वामु॒क्था श॑तक्रतो ।
   त्वां स्तोमा॑ अवीवृधन्
   त्वाम् स्तोमाः अवीवृधन्
   तु॒वां स्तोमा अवीवृधन्

Halfverse: b    त्वामु॒क्था श॑तक्रतो ।
   त्वाम् उ॒क्था श॑तक्रतो ।
   तु॒वाम् उ॒क्था श॑तक्रतो ।

Halfverse: c    त्वां व॑र्धन्तु नो॒ गिरः॑ ।।
   त्वां व॑र्धन्तु नो॒ गिरः॑ ।।
   त्वाम् वर्धन्तु नः गिरः ।।
   तु॒वां व॑र्धन्तु नो गिरः ।।

Verse: 9
Halfverse: a    अक्षि॑तोतिः सनेदि॒मं वाज॒मिन्द्रः॑ सह॒स्रिण॑म् ।
   अक्षि॑तोतिः सनेदि॒मं
   अक्षि॑तोतिः सनेत् इ॒मम्
   अक्षि॑तोतिः सनेद् इ॒मं

Halfverse: b    वाज॒मिन्द्रः॑ सह॒स्रिण॑म् ।
   वाज॑म् इन्द्रः सह॒स्रिण॑म् ।
   वाज॑म् इन्द्रः सह॒स्रिण॑म् ।

Halfverse: c    यस्मि॒न्विश्वा॑नि॒ पौंस्या॑ ।।
   यस्मि॒न्विश्वा॑नि॒ पौंस्या॑ ।।
   यस्मि॑न् विश्वा॑नि पौंस्या ।।
   यस्मि॑न् विश्वा॑नि पौंसि॑या ।।

Verse: 10
Halfverse: a    मा नो॒ मर्ता॑ अ॒भि द्रु॑हन्त॒नूना॑मिन्द्र गिर्वणः ।
   मा नो॒ मर्ता॑ अ॒भि द्रु॑हन्
   मा नः मर्ताः अ॒भि द्रु॑हन्
   मा नो मर्ता अ॒भि द्रु॑हन्

Halfverse: b    त॒नूना॑मिन्द्र गिर्वणः ।
   त॒नूना॑म् इन्द्र गिर्वणः ।
   त॒नूना॑म् इन्द्र गिर्वणः ।

Halfverse: c    ईशा॑नो यवया व॒धम् ।।
   ईशा॑नो यवया व॒धम् ।।
   ईशा॑नः यवय+ व॒धम् ।।
   ईशा॑नो यवया व॒धम् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.