TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 6

Hymn: 6
Verse: 1
Halfverse: a    यु॒ञ्जन्ति॑ ब्र॒ध्नम॑रु॒षं चर॑न्त॒म्परि॑ त॒स्थुषः॑ ।
   यु॒ञ्जन्ति॑ ब्र॒ध्नम॑रु॒षं
   यु॒ञ्जन्ति ब्र॒ध्नम् अरु॒षम्
   यु॒ञ्जन्ति ब्र॒ध्नम् अरु॒षं

Halfverse: b    चर॑न्त॒म्परि॑ त॒स्थुषः॑ ।
   चर॑न्तम् परि त॒स्थुषः ।
   चर॑न्तम् परि त॒स्थुषः ।

Halfverse: c    रोच॑न्ते रोच॒ना दि॒वि ।।
   रोच॑न्ते रोच॒ना दि॒वि ।।
   रोच॑न्ते रोच॒ना दि॒वि ।।
   रोच॑न्ते रोच॒ना दि॒वि ।।

Verse: 2
Halfverse: a    यु॒ञ्जन्त्य॑स्य॒ काम्या॒ हरी॒ विप॑क्षसा॒ रथे॑ ।
   यु॒ञ्जन्त्य॑स्य॒ काम्या
   यु॒ञ्जन्ति अस्य काम्या
   यु॒ञ्जन्ति अस्य कामि॑या

Halfverse: b    हरी॒ विप॑क्षसा॒ रथे॑ ।
   हरी विप॑क्षसा रथे ।
   हरी विप॑क्षसा रथे ।

Halfverse: c    शोणा॑ धृ॒ष्णू नृ॒वाह॑सा ।।
   शोणा॑ धृ॒ष्णू नृ॒वाह॑सा ।।
   शोणा धृ॒ष्णू नृ॒वाह॑सा ।।
   शोणा धृ॒ष्णू नृ॒वाह॑सा ।।

Verse: 3
Halfverse: a    के॒तुं कृ॒ण्वन्न॑के॒तवे॒ पेशो॑ मर्या अपे॒शसे॑ ।
   के॒तुं कृ॒ण्वन्न॑के॒तवे
   के॒तुम् कृ॒ण्वन् अके॒तवे
   के॒तुं कृ॒ण्वन्न् अके॒तवे

Halfverse: b    पेशो॑ मर्या अपे॒शसे॑ ।
   पेशः मर्याः अपे॒शसे ।
   पेशो मर्या अपे॒शसे ।

Halfverse: c    समु॒षद्भि॑रजायथाः ।।
   समु॒षद्भि॑रजायथाः ।।
   सम् उ॒षद्भिः अजायथाः ।।
   सम् उ॒षद्भि॑र् अजायथाः ।।

Verse: 4
Halfverse: a    आदह॑ स्व॒धामनु॒ पुन॑र्गर्भ॒त्वमे॑रि॒रे ।
   आदह॑ स्व॒धामनु
   आत् अह स्व॒धाम् अनु
   आअद् अह स्व॒धाम् अनु

Halfverse: b    पुन॑र्गर्भ॒त्वमे॑रि॒रे ।
   पुन॑र् गर्भ॒त्वम् एरि॒रे ।
   पुन॑र् गर्भ॒त्वम् एरि॒रे ।

Halfverse: c    दधा॑ना॒ नाम॑ य॒ज्ञिय॑म् ।।
   दधा॑ना॒ नाम॑ य॒ज्ञिय॑म् ।।
   दधा॑नाः नाम य॒ज्ञिय॑म् ।।
   दधा॑ना नाम य॒ज्ञिय॑म् ।।

Verse: 5
Halfverse: a    वी॒ळु चि॑दारुज॒त्नुभि॒र्गुहा॑ चिदिन्द्र॒ वह्नि॑भिः ।
   वी॒ळु चि॑दारुज॒त्नुभि॑र्
   वी॒ळु चि॑त् आरुज॒त्नुभिः
   वी॒ळु चि॑द् आरुज॒त्नुभि॑र्

Halfverse: b    गुहा॑ चिदिन्द्र॒ वह्नि॑भिः ।
   गुहा चित् इन्द्र वह्नि॑भिः ।
   गुहा चिद् इन्द्र वह्नि॑भिः ।

Halfverse: c    अवि॑न्द उ॒स्रिया॒ अनु॑ ।।
   अवि॑न्द उ॒स्रिया॒ अनु॑ ।।
   अवि॑न्दः उ॒स्रियाः अनु ।।
   अवि॑न्द उ॒स्रिया अनु ।।

Verse: 6
Halfverse: a    दे॑व॒यन्तो॒ यथा॑ म॒तिमछा॑ वि॒दद्व॑सुं॒ गिरः॑ ।
   दे॑व॒यन्तो॒ यथा॑ म॒तिम्
   देव॒यन्तः यथा म॒तिम्
   देव॒यन्तो यथा म॒तिम्

Halfverse: b    अछा॑ वि॒दद्व॑सुं॒ गिरः॑ ।
   अछ+ वि॒दद्व॑सुम् गिरः ।
   अछा वि॒दद्व॑सुं गिरः ।

Halfverse: c    म॒हाम॑नूषत श्रु॒तम् ।।
   म॒हाम॑नूषत श्रु॒तम् ।।
   म॒हाम् अनूषत श्रु॒तम् ।।
   म॒हाम् अनूषत श्रु॒तम् ।।

Verse: 7
Halfverse: a    इन्द्रे॑ण॒ सं हि दृक्ष॑से संजग्मा॒नो अबि॑भ्युषा ।
   इन्द्रे॑ण॒ सं हि दृक्ष॑से
   इन्द्रे॑ण सम् हि दृक्ष॑से
   इन्द्रे॑ण सं हि दृक्ष॑से

Halfverse: b    संजग्मा॒नो अबि॑भ्युषा ।
   सं॑जग्मा॒नः अबि॑भ्युषा ।
   सं॑जग्मा॒नो अबि॑भ्युषा ।

Halfverse: c    म॒न्दू स॑मा॒नव॑र्चसा ।।
   म॒न्दू स॑मा॒नव॑र्चसा ।।
   म॒न्दू स॑मा॒नव॑र्चसा ।।
   म॒न्दू स॑मा॒नव॑र्चसा ।।

Verse: 8
Halfverse: a    अ॑नव॒द्यैर॒भिद्यु॑भिर्म॒खः सह॑स्वदर्चति ।
   अ॑नव॒द्यैर॒भिद्यु॑भिर्
   अनव॒द्यैः अ॒भिद्यु॑भिः
   अनव॒द्यैर् अ॒भिद्यु॑भिर्

Halfverse: b    म॒खः सह॑स्वदर्चति ।
   म॒खः सह॑स्वत् अर्चति ।
   म॒खः सह॑स्वद् अर्चति ।

Halfverse: c    ग॒णैरिन्द्र॑स्य॒ काम्यैः॑ ।।
   ग॒णैरिन्द्र॑स्य॒ काम्यैः॑ ।।
   ग॒णैः इन्द्र॑स्य काम्यैः ।।
   ग॒णैर् इन्द्र॑स्य कामि॑यैः ।।

Verse: 9
Halfverse: a    अतः॑ परिज्म॒न्ना ग॑हि दि॒वो वा॑ रोच॒नादधि॑ ।
   अतः॑ परिज्म॒न्ना ग॑हि
   अतः परिज्मन् आ ग॑हि
   अतः परिज्मन् आ ग॑हि

Halfverse: b    दि॒वो वा॑ रोच॒नादधि॑ ।
   दि॒वः वा रोच॒नात् अधि ।
   दि॒वो वा रोच॒नाद् अधि ।

Halfverse: c    सम॑स्मिन्नृञ्जते॒ गिरः॑ ।।
   सम॑स्मिन्नृञ्जते॒ गिरः॑ ।।
   सम् अस्मिन् ऋञ्जते गिरः ।।
   सम् अस्मिन्न् ऋञ्जते गिरः ।।

Verse: 10
Halfverse: a    इ॒तो वा॑ सा॒तिमीम॑हे दि॒वो वा॒ पार्थि॑वा॒दधि॑ ।
   इ॒तो वा॑ सा॒तिमीम॑हे
   इ॒तः वा सा॒तिम् ईम॑हे
   इ॒तो वा सा॒तिम् ईम॑हे

Halfverse: b    दि॒वो वा॒ पार्थि॑वा॒दधि॑ ।
   दि॒वः वा पार्थि॑वात् अधि ।
   दि॒वो वा पार्थि॑वाद् अधि ।

Halfverse: c    इन्द्र॑म्म॒हो वा॒ रज॑सः ।।
   इन्द्र॑म्म॒हो वा॒ रज॑सः ।।
   इन्द्र॑म् म॒हः वा रज॑सः ।।
   इन्द्र॑म् म॒हो वा रज॑सः ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.