TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 4

Hymn: 4
Verse: 1
Halfverse: a    सु॑रूपकृ॒त्नुमू॒तये॑ सु॒दुघा॑मिव गो॒दुहे॑ ।
   सु॑रूपकृ॒त्नुमू॒तये
   सुरूपकृ॒त्नुम् ऊ॒तये
   सुरूपकृ॒त्नुम् ऊ॒तये

Halfverse: b    सु॒दुघा॑मिव गो॒दुहे॑ ।
   सु॒दुघा॑म् इव गो॒दुहे ।
   सु॒दुघा॑म् इव गो॒दुहे ।

Halfverse: c    जु॑हू॒मसि॒ द्यवि॑द्यवि ।।
   जु॑हू॒मसि॒ द्यवि॑द्यवि ।।
   जु॑हू॒मसि द्यवि॑द्यवि ।।
   जु॑हू॒मसि द्यवि॑द्यवि ।।

Verse: 2
Halfverse: a    उप॑ नः॒ सव॒ना ग॑हि॒ सोम॑स्य सोमपाः पिब ।
   उप॑ नः॒ सव॒ना ग॑हि
   उप नः सव॑ना आ ग॑हि
   उप नः सव॒ना ग॑हि

Halfverse: b    सोम॑स्य सोमपाः पिब ।
   सोम॑स्य सोमपाः पिब ।
   सोम॑स्य सोमपाः पिब ।

Halfverse: c    गो॒दा इद्रे॒वतो॒ मदः॑ ।।
   गो॒दा इद्रे॒वतो॒ मदः॑ ।।
   गो॒दाः इत् रे॒वतः मदः ।।
   गो॒दा इद् रे॒वतो मदः ।।

Verse: 3
Halfverse: a    अथा॑ ते॒ अन्त॑मानां वि॒द्याम॑ सुमती॒नाम् ।
   अथा॑ ते॒ अन्त॑मानां
   अथ+ ते अन्त॑मानाम्
   अथा ते अन्त॑मानाअं

Halfverse: b    वि॒द्याम॑ सुमती॒नाम् ।
   वि॒द्याम सुमती॒नाम् ।
   वि॒द्याम सुमती॒नाअम् ।

Halfverse: c    मा नो॒ अति॑ ख्य॒ आ ग॑हि ।।
   मा नो॒ अति॑ ख्य॒ आ ग॑हि ।।
   मा नः अति ख्यः आ ग॑हि ।।
   मा नो अति ख्य आ ग॑हि ।।

Verse: 4
Halfverse: a    परे॑हि॒ विग्र॒मस्तृ॑त॒मिन्द्र॑म्पृछा विप॒श्चित॑म् ।
   परे॑हि॒ विग्र॒मस्तृ॑तम्
   परा इहि विग्र॑म् अस्तृ॑तम्
   परे॑हि विग्र॑म् अस्तृ॑तम्

Halfverse: b    इन्द्र॑म्पृछा विप॒श्चित॑म् ।
   इन्द्र॑म् पृछ+ विप॒श्चित॑म् ।
   इन्द्र॑म् पृछा विप॒श्चित॑म् ।

Halfverse: c    यस्ते॒ सखि॑भ्य॒ आ वर॑म् ।।
   यस्ते॒ सखि॑भ्य॒ आ वर॑म् ।।
   यः ते सखि॑भ्यः आ वर॑म् ।।
   यस् ते सखि॑भ्य आ वर॑म् ।।

Verse: 5
Halfverse: a    उ॒त ब्रु॑वन्तु नो॒ निदो॒ निर॒न्यत॑श्चिदारत ।
   उ॒त ब्रु॑वन्तु नो॒ निदो
   उ॒त ब्रु॑वन्तु नः निदः
   उ॒त ब्रु॑वन्तु नो निदो

Halfverse: b    निर॒न्यत॑श्चिदारत ।
   निः अ॒न्यतः चित् आरत ।
   निर् अ॒न्यत॑श् चिद् आरत ।

Halfverse: c    दधा॑ना॒ इन्द्र॒ इद्दुवः॑ ।।
   दधा॑ना॒ इन्द्र॒ इद्दुवः॑ ।।
   दधा॑नाः इन्द्रे इत् दुवः ।।
   दधा॑ना इन्द्र इद् दुवः ।।

Verse: 6
Halfverse: a    उ॒त नः॑ सु॒भगाँ॑ अ॒रिर्वो॒चेयु॑र्दस्म कृ॒ष्टयः॑ ।
   उ॒त नः॑ सु॒भगाँ॑ अ॒रिर्
   उ॒त नः सु॒भगा॑न् अ॒रिः
   उ॒त नः सु॒भगाँ अ॒रिर्

Halfverse: b    वो॒चेयु॑र्दस्म कृ॒ष्टयः॑ ।
   वो॒चेयुः दस्म कृ॒ष्टयः ।
   वो॒चेयु॑र् दस्म कृ॒ष्टयः ।

Halfverse: c    स्यामेदिन्द्र॑स्य॒ शर्म॑णि ।।
   स्यामेदिन्द्र॑स्य॒ शर्म॑णि ।।
   स्याम इत् इन्द्र॑स्य शर्म॑णि ।।
   स्यामेद् इन्द्र॑स्य शर्म॑णि ।।

Verse: 7
Halfverse: a    एमा॒शुमा॒शवे॑ भर यज्ञ॒श्रियं॑ नृ॒माद॑नम् ।
   एमा॒शुमा॒शवे॑ भर
   आ ई॑म् आ॒शुम् आ॒शवे भर
   एम् आ॒शुम् आ॒शवे भर

Halfverse: b    यज्ञ॒श्रियं॑ नृ॒माद॑नम् ।
   य॑ज्ञ॒श्रिय॑म् नृ॒माद॑नम् ।
   य॑ज्ञ॒श्रियं नृ॒माद॑नम् ।

Halfverse: c    प॑त॒यन्म॑न्द॒यत्स॑खम् ।।
   प॑त॒यन्म॑न्द॒यत्स॑खम् ।।
   प॑त॒यत् मन्द॒यत्स॑खम् ।।
   प॑त॒यन् मन्द॒यत्स॑खम् ।।

Verse: 8
Halfverse: a    अ॒स्य पी॒त्वा श॑तक्रतो घ॒नो वृ॒त्राणा॑मभवः ।
   अ॒स्य पी॒त्वा श॑तक्रतो
   अ॒स्य पी॒त्वा श॑तक्रतो
   अ॒स्य पी॒त्वा श॑तक्रतो

Halfverse: b    घ॒नो वृ॒त्राणा॑मभवः ।
   घ॒नः वृ॒त्राणा॑म् अभवः ।
   घ॒नो वृ॒त्राणा॑म् अभवः ।

Halfverse: c    प्रावो॒ वाजे॑षु वा॒जिन॑म् ।।
   प्रावो॒ वाजे॑षु वा॒जिन॑म् ।।
   प्र आ॑वः वाजे॑षु वा॒जिन॑म् ।।
   प्रावो वाजे॑षु वा॒जिन॑म् ।।

Verse: 9
Halfverse: a    तं त्वा॒ वाजे॑षु वा॒जिनं॑ वा॒जया॑मः शतक्रतो ।
   तं त्वा॒ वाजे॑षु वा॒जिनं
   तम् त्वा वाजे॑षु वा॒जिन॑म्
   तं त्वा वाजे॑षु वा॒जिनं

Halfverse: b    वा॒जया॑मः शतक्रतो ।
   वा॒जया॑मः शतक्रतो ।
   वा॒जया॑मः शतक्रतो ।

Halfverse: c    धना॑नामिन्द्र सा॒तये॑ ।।
   धना॑नामिन्द्र सा॒तये॑ ।।
   धना॑नाम् इन्द्र सा॒तये ।।
   धना॑नाम् इन्द्र सा॒तये ।।

Verse: 10
Halfverse: a    यो रा॒यो॒ ऽवनि॑र्म॒हान्सु॑पा॒रः सु॑न्व॒तः सखा॑ ।
   यो रा॒यो॒ ऽवनि॑र्म॒हान्
   यः रा॒यः अ॒वनिः म॒हान्
   यो रा॒यो अ॒वनि॑र् म॒हान्

Halfverse: b    सुपा॒रः सु॑न्व॒तः सखा॑ ।
   सु॑पा॒रः सु॑न्व॒तः सखा ।
   सु॑पा॒रः सु॑न्व॒तः सखा ।

Halfverse: c    तस्मा॒ इन्द्रा॑य गायत ।।
   तस्मा॒ इन्द्रा॑य गायत ।।
   तस्मै इन्द्रा॑य गायत ।।
   तस्मा इन्द्रा॑य गायत ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.