TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 3

Hymn: 3
Verse: 1
Halfverse: a    अश्वि॑ना॒ यज्व॑री॒रिषो॒ द्रव॑त्पाणी॒ शुभ॑स्पती ।
   अश्वि॑ना॒ यज्व॑री॒रिषो
   अश्वि॑ना यज्व॑रीः इषः
   अश्वि॑ना यज्व॑रीर् इषो

Halfverse: b    द्रव॑त्पाणी॒ शुभ॑स्पती ।
   द्रव॑त्पाणी शुभः पती ।
   द्रव॑त्पाणी शुभ॑स् पती ।

Halfverse: c    पुरु॑भुजा चन॒स्यत॑म् ।।
   पुरु॑भुजा चन॒स्यत॑म् ।।
   पुरु॑भुजा चन॒स्यत॑म् ।।
   पुरु॑भुजा चन॒स्यत॑म् ।।

Verse: 2
Halfverse: a    अश्वि॑ना॒ पुरु॑दंससा॒ नरा॒ शवी॑रया धि॒या ।
   अश्वि॑ना॒ पुरु॑दंससा
   अश्वि॑ना पुरु॑दंससा
   अश्वि॑ना पुरु॑दंससा

Halfverse: b    नरा॒ शवी॑रया धि॒या ।
   नरा शवी॑रया धि॒या ।
   नरा शवी॑रया धि॒या ।

Halfverse: c    धिष्ण्या॒ वन॑तं॒ गिरः॑ ।।
   धिष्ण्या॒ वन॑तं॒ गिरः॑ ।।
   धिष्ण्या वन॑तम् गिरः ।।
   धिष्णि॑या वन॑तं गिरः ।।

Verse: 3
Halfverse: a    दस्रा॑ यु॒वाक॑वः सु॒ता नास॑त्या वृ॒क्तब॑र्हिषः ।
   दस्रा॑ यु॒वाक॑वः सु॒ता
   दस्रा यु॒वाक॑वः सु॒ताः
   दस्रा यु॒वाक॑वः सु॒ता

Halfverse: b    नास॑त्या वृ॒क्तब॑र्हिषः ।
   नास॑त्या वृ॒क्तब॑र्हिषः ।
   नास॑त्या वृ॒क्तब॑र्हिषः ।

Halfverse: c    आ या॑तं रुद्रवर्तनी ।।
   आ या॑तं रुद्रवर्तनी ।।
   आ या॑तम् रुद्रवर्तनी ।।
   आ या॑तं रुद्रवर्तनी ।।

Verse: 4
Halfverse: a    इन्द्रा या॑हि चित्रभानो सु॒ता इ॒मे त्वा॒यवः॑ ।
   इन्द्रा या॑हि चित्रभानो
   इन्द्र आ या॑हि चित्रभानो
   इन्द्रा या॑हि चित्रभानो

Halfverse: b    सु॒ता इ॒मे त्वा॒यवः॑ ।
   सु॒ताः इ॒मे त्वा॒यवः ।
   सु॒ता इ॒मे तु॑वा॒यवः ।

Halfverse: c    अण्वी॑भि॒स्तना॑ पू॒तासः॑ ।।
   अण्वी॑भि॒स्तना॑ पू॒तासः॑ ।।
   अण्वी॑भिः तना पू॒तासः ।।
   अण्वी॑भिस् तना पू॒तासः ।।

Verse: 5
Halfverse: a    इन्द्रा या॑हि धि॒येषि॒तो विप्र॑जूतः सु॒ताव॑तः ।
   इन्द्रा या॑हि धि॒येषि॒तो
   इन्द्र आ या॑हि धि॒या इ॑षि॒तः
   इन्द्रा या॑हि धि॒येषि॒तो

Halfverse: b    विप्र॑जूतः सु॒ताव॑तः ।
   विप्र॑जूतः सु॒ताव॑तः ।
   विप्र॑जूतः सु॒ताव॑तः ।

Halfverse: c    उप॒ ब्रह्मा॑णि वा॒घतः॑ ।।
   उप॒ ब्रह्मा॑णि वा॒घतः॑ ।।
   उप ब्रह्मा॑णि वा॒घतः ।।
   उप ब्रह्मा॑णि वा॒घतः ।।

Verse: 6
Halfverse: a    इन्द्रा या॑हि॒ तूतु॑जान॒ उप॒ ब्रह्मा॑णि हरिवः ।
   इन्द्रा या॑हि॒ तूतु॑जान
   इन्द्र आ या॑हि तूतु॑जानः
   इन्द्रा या॑हि तूतु॑जान

Halfverse: b    उप॒ ब्रह्मा॑णि हरिवः ।
   उप ब्रह्मा॑णि हरिवः ।
   उप ब्रह्मा॑णि हरिवः ।

Halfverse: c    सु॒ते द॑धिष्व न॒श्चनः॑ ।।
   सु॒ते द॑धिष्व न॒श्चनः॑ ।।
   सु॒ते द॑धिष्व नः चनः ।।
   सु॒ते द॑धिष्व नश् चनः ।।

Verse: 7
Halfverse: a    ओमा॑सश्चर्षणीधृतो॒ विश्वे॑ देवास॒ आ ग॑त ।
   ओमा॑सश्चर्षणीधृतो
   आ ! ऊ॑मासः ! चर्षणीधृतः
   ओमा॑सश् चर्षणीधृतो

Halfverse: b    विश्वे॑ देवास॒ आ ग॑त ।
   विश्वे देवासः आ ग॑त ।
   विश्वे देवास आ ग॑त ।

Halfverse: c    दा॒श्वांसो॑ दा॒शुषः॑ सु॒तम् ।।
   दा॒श्वांसो॑ दा॒शुषः॑ सु॒तम् ।।
   दा॒श्वांसः दा॒शुषः सु॒तम् ।।
   दा॒श्वांसो दा॒शुषः सु॒तम् ।।

Verse: 8
Halfverse: a    विश्वे॑ दे॒वासो॑ अ॒प्तुरः॑ सु॒तमा ग॑न्त॒ तूर्ण॑यः ।
   विश्वे॑ दे॒वासो॑ अ॒प्तुरः
   विश्वे दे॒वासः अ॒प्तुरः
   विश्वे दे॒वासो अ॒प्तुरः

Halfverse: b    सु॒तमा ग॑न्त॒ तूर्ण॑यः ।
   सु॒तम् आ ग॑न्त तूर्ण॑यः ।
   सु॒तम् आ ग॑न्त तूर्ण॑यः ।

Halfverse: c    उ॒स्रा इ॑व॒ स्वस॑राणि ।।
   उ॒स्रा इ॑व॒ स्वस॑राणि ।।
   उ॒स्राः इ॑व स्वस॑राणि ।।
   उ॒स्रा इ॑व स्वस॑राणि ।।

Verse: 9
Halfverse: a    विश्वे॑ दे॒वासो॑ अ॒स्रिध॒ एहि॑मायासो अ॒द्रुहः॑ ।
   विश्वे॑ दे॒वासो॑ अ॒स्रिध
   विश्वे दे॒वासः अ॒स्रिधः
   विश्वे दे॒वासो अ॒स्रिध

Halfverse: b    एहि॑मायासो अ॒द्रुहः॑ ।
   एहि॑मायासः अ॒द्रुहः ।
   एहि॑मायासो अ॒द्रुहः ।

Halfverse: c    मेधं॑ जुषन्त॒ वह्न॑यः ।।
   मेधं॑ जुषन्त॒ वह्न॑यः ।।
   मेध॑म् जुषन्त वह्न॑यः ।।
   मेधं जुषन्त वह्न॑यः ।।

Verse: 10
Halfverse: a    पा॑व॒का नः॒ सर॑स्वती॒ वाजे॑भिर्वा॒जिनी॑वती ।
   पा॑व॒का नः॒ सर॑स्वती
   पाव॒का नः सर॑स्वती
   पवा॒का नः सर॑स्वती

Halfverse: b    वाजे॑भिर्वा॒जिनी॑वती ।
   वाजे॑भिः वा॒जिनी॑वती ।
   वाजे॑भिर् वा॒जिनी॑वती ।

Halfverse: c    य॒ज्ञं व॑ष्टु धि॒याव॑सुः ।।
   य॒ज्ञं व॑ष्टु धि॒याव॑सुः ।।
   य॒ज्ञम् वष्टु धि॒याव॑सुः ।।
   य॒ज्ञं व॑ष्टु धि॒याव॑सुः ।।

Verse: 11
Halfverse: a    चो॑दयि॒त्री सू॒नृता॑नां॒ चेत॑न्ती सुमती॒नाम् ।
   चो॑दयि॒त्री सू॒नृता॑नां
   चोदयि॒त्री सू॒नृता॑नाम्
   चोदयि॒त्री सू॒नृता॑नां

Halfverse: b    चेत॑न्ती सुमती॒नाम् ।
   चेत॑न्ती सुमती॒नाम् ।
   चेत॑न्ती सुमती॒नाअम् ।

Halfverse: c    य॒ज्ञं द॑धे॒ सर॑स्वती ।।
   य॒ज्ञं द॑धे॒ सर॑स्वती ।।
   य॒ज्ञम् दधे सर॑स्वती ।।
   य॒ज्ञं द॑धे सर॑स्वती ।।

Verse: 12
Halfverse: a    म॒हो अर्णः॒ सर॑स्वती॒ प्र चे॑तयति के॒तुना॑ ।
   म॒हो अर्णः॒ सर॑स्वती
   म॒हः अर्णः सर॑स्वती
   म॒हो अर्णः सर॑स्वती

Halfverse: b    प्र चे॑तयति के॒तुना॑ ।
   प्र चे॑तयति के॒तुना ।
   प्र चे॑तयति के॒तुना ।

Halfverse: c    धियो॒ विश्वा॒ वि रा॑जति ।।
   धियो॒ विश्वा॒ वि रा॑जति ।।
   धियः विश्वाः वि रा॑जति ।।
   धियो विश्वा वि रा॑जति ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.