TITUS
Rg-Veda: Rg-Veda-Samhita
Part No. 2
Previous part

Hymn: 2 
Verse: 1 
Halfverse: a    वाय॒वा या॑हि दर्शते॒मे सोमा॒ अरं॑कृताः ।
   
वाय॒वा या॑हि दर्शत
   
वायो या॑हि दर्शत
   
वाय॑व् या॑हि दर्शत

Halfverse: b    
इ॒मे सोमा॒ अरं॑कृताः ।
   
इ॒मे सोमाः अरं॑कृताः
   
इ॒मे सोमा अरं॑कृताः

Halfverse: c    
तेषा॑म्पाहि श्रु॒धी हव॑म् ।।
   
तेषा॑म्पाहि श्रु॒धी हव॑म् ।।
   
तेषा॑म् पाहि श्रु॒धि+ हव॑म् ।।
   
तेषा॑म् पाहि श्रु॒धी हव॑म् ।।


Verse: 2 
Halfverse: a    
वाय॑ उ॒क्थेभि॑र्जरन्ते॒ त्वामछा॑ जरि॒तारः॑ ।
   
वाय॑ उ॒क्थेभि॑र्जरन्ते
   
वायो उ॒क्थेभिः जरन्ते
   
वाय उ॒क्थेभि॑र् जरन्ते

Halfverse: b    
त्वामछा॑ जरि॒तारः॑ ।
   
त्वाम् अछ+ जरि॒तारः
   
तु॒वाम् अछा जरि॒तारः

Halfverse: c    
सु॒तसो॑मा अह॒र्विदः॑ ।।
   
सु॒तसो॑मा अह॒र्विदः॑ ।।
   
सु॒तसो॑माः अह॒र्विदः ।।
   
सु॒तसो॑मा अह॒र्विदः ।।


Verse: 3 
Halfverse: a    
वायो॒ तव॑ प्रपृञ्च॒ती धेना॑ जिगाति दा॒शुषे॑ ।
   
वायो॒ तव॑ प्रपृञ्च॒ती
   
वायो तव प्रपृञ्च॒ती
   
वायो तव प्रपृञ्च॒ती

Halfverse: b    
धेना॑ जिगाति दा॒शुषे॑ ।
   
धेना जिगाति दा॒शुषे
   
धेना जिगाति दा॒शुषे

Halfverse: c    
उ॑रू॒ची सोम॑पीतये ।।
   
उ॑रू॒ची सोम॑पीतये ।।
   
उ॑रू॒ची सोम॑पीतये ।।
   
उ॑रू॒ची सोम॑पीतये ।।


Verse: 4 
Halfverse: a    
इन्द्र॑वायू इ॒मे सु॒ता उप॒ प्रयो॑भि॒रा ग॑तम् ।
   
इन्द्र॑वायू इ॒मे सु॒ता
   
इन्द्र॑वायू इ॒मे सु॒ताः
   
इन्द्र॑वायू इ॒मे सु॒ता

Halfverse: b    
उप॒ प्रयो॑भि॒रा ग॑तम् ।
   
उप प्रयो॑भिः ग॑तम्
   
उप प्रयो॑भिर् ग॑तम्

Halfverse: c    
इन्द॑वो वामु॒शन्ति॒ हि ।।
   
इन्द॑वो वामु॒शन्ति॒ हि ।।
   
इन्द॑वः वाम् उ॒शन्ति हि ।।
   
इन्द॑वो वाम् उ॒शन्ति हि ।।


Verse: 5 
Halfverse: a    
वाय॒विन्द्र॑श्च चेतथः सु॒तानां॑ वाजिनीवसू ।
   
वाय॒विन्द्र॑श्च चेतथः
   
वायो इन्द्रः चेतथः
   
वाय॑व् इन्द्र॑श् चेतथः

Halfverse: b    
सु॒तानां॑ वाजिनीवसू ।
   
सु॒ताना॑म् वाजिनीवसू
   
सु॒तानां वाजिनीवसू

Halfverse: c    
तावा या॑त॒मुप॑ द्र॒वत् ।।
   
तावा या॑त॒मुप॑ द्र॒वत् ।।
   
तौ या॑तम् उप द्र॒वत् ।।
   
ताव् या॑तम् उप द्र॒वत् ।।


Verse: 6 
Halfverse: a    
वाय॒विन्द्र॑श्च सुन्व॒त आ या॑त॒मुप॑ निष्कृ॒तम् ।
   
वाय॒विन्द्र॑श्च सुन्व॒त
   
वायो इन्द्रः सुन्व॒तः
   
वाय॑व् इन्द्र॑श् सुन्व॒त

Halfverse: b    
आ या॑त॒मुप॑ निष्कृ॒तम् ।
   
या॑तम् उप निष्कृ॒तम्
   
या॑तम् उप निष्कृ॒तम्

Halfverse: c    
म॒क्ष्वि॒त्था धि॒या न॑रा ।।
   
म॒क्ष्वि॒त्था धि॒या न॑रा ।!। ।।
   
म॒क्षु+ इ॒त्था धि॒या न॑रा ।।
   
म॒क्षु इ॒त्था धि॒या न॑रा ।।


Verse: 7 
Halfverse: a    
मि॒त्रं हु॑वे पू॒तद॑क्षं॒ वरु॑णं च रि॒शाद॑सम् ।
   
मि॒त्रं हु॑वे पू॒तद॑क्षं
   
मि॒त्रम् हुवे पू॒तद॑क्षम्
   
मि॒त्रं हु॑वे पू॒तद॑क्षं

Halfverse: b    
वरु॑णं च रि॒शाद॑सम् ।
   
वरु॑णम् रि॒शाद॑सम्
   
वरु॑णं रि॒शाद॑सम्

Halfverse: c    
धियं॑ घृ॒ताचीं॒ साध॑न्ता ।।
   
धियं॑ घृ॒ताचीं॒ साध॑न्ता ।।
   
धिय॑म् घृ॒ताची॑म् साध॑न्ता ।।
   
धियं घृ॒ताचीं साध॑न्ता ।।


Verse: 8 
Halfverse: a    
ऋ॒तेन॑ मित्रावरुणावृतावृधावृतस्पृशा ।
   
ऋ॒तेन॑ मित्रावरुणाव्
   
ऋ॒तेन मित्रावरुणौ
   
ऋ॒तेन मित्रावरुणाव्

Halfverse: b    
ऋतावृधावृतस्पृशा ।
   
ऋ॑तावृधौ ऋतस्पृशा
   
ऋ॑तावृधाव् ऋतस्पृशा

Halfverse: c    
क्रतु॑म्बृ॒हन्त॑माशाथे ।।
   
क्रतु॑म्बृ॒हन्त॑माशाथे ।।
   
क्रतु॑म् बृ॒हन्त॑म् आशाथे ।।
   
क्रतु॑म् बृ॒हन्त॑म् आशथे* ।।


Verse: 9 
Halfverse: a    
क॒वी नो॑ मि॒त्रावरु॑णा तुविजा॒ता उ॑रु॒क्षया॑ ।
   
क॒वी नो॑ मि॒त्रावरु॑णा
   
क॒वी नः मि॒त्रावरु॑णा
   
क॒वी नो मि॒त्रावरु॑णा

Halfverse: b    
तुविजा॒ता उ॑रु॒क्षया॑ ।
   
तु॑विजा॒तौ उ॑रु॒क्षया
   
तु॑विजा॒ता उ॑रु॒क्षया

Halfverse: c    
दक्षं॑ दधाते अ॒पस॑म् ।।
   
दक्षं॑ दधाते अ॒पस॑म् ।।
   
दक्ष॑म् दधाते अ॒पस॑म् ।।
   
दक्षं दधाते अ॒पस॑म् ।।


Next part



This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.