TITUS
Svan Texts (from Sbornik Materialov)
Part No. 4
Previous part

Text: IV/Ltl. 
IV


Page: 3 
Line: 1    "დედე-ხიად, ლეზიზ ამნაყ:
Line: 2    ერსკან-კვიცრა საუდ ლამად."
Line: 3    აშ ოხნაყე დედედ ლეზიზ
Line: 4    მეთხვარ მიჩა ლელატ გეზალს.
Line: 5    დოსდა ძინარს ჟი-ამჩედხვი,
Line: 6    ჟი-ამჩედხვი თანაღთე-ჟი,
Line: 7    ხევსი ლიკედს ხვემურჯალე,
Line: 8    ეშხვი თჷმი კილ მასჷმდა,
Line: 9    ამღა მი მადმა ონფაში;
Line: 10    მერმე კილ აჯაღ ლამსჷმდა.
Line: 11    მი ლჷჭათი მოდ ლახვმეჴრა
Line: 12    ალი კილი მავ იროლე!
Line: 13    ლეჟოვ ლახვსგი -- თვეთნე კოჯ ლი --
Line: 14    კოჯას დალი ხელღვაჟალე,
Page: 4  Line: 15    ჩუქან თხერილ ხოდერაჯი.
Line: 16    დალის გეზალ კოჯს ხაშყედა,
Line: 17    ეჯი თხერილს ეშ ლოხქარვა.
Line: 18    მეთხვარ კოჯა ძირად აჩად.
Line: 19    ჟი-ლახგარგლე კოჯა დალილდს:
Line: 20    "დიდაბ აჯჴად, მაღე სგოჯი?
Line: 21    ქადო-მისგვჯი, გუნ მეკვადი!"
Line: 22    "მი ხვიროლე კოჯა დალი,
Line: 23    ჩინჩვლიდ მიშგვი თხერილდ ამღე!" --
Line: 24    "ეჯღა სი ნომა ანფეშე!
Line: 25    მაბგარ თხარილს მი ლახვღვეჭნი.
Line: 26    თხერილ ზაგრუშ ჩქარდ ესღჷრდა,
Line: 27    დალი გეზალ ჴარჴს ხოსდანდა.
Line: 28    აშხვ ზაგრილ-ჟი ჟი-ლახვინცვილ,
Line: 29    მერმა ზაგრილს უშდვინდ ლოხვყუ,
Line: 30    ტყვიფ ათღანდა თოფის მიშგვა,
Line: 31    თხერილს ჴარჴ მჷკარ ხასადა,
Line: 32    დალიშ გეზალ ჩუ-ლოხვცვირნა,
Line: 33    ბარჯს ესსგვირ ი ეჯჟი ლოხოჴდ
Line: 34    დედეს მიჩა -- კოჯა დალის.
Line: 35    "დედე მიშგვი, ლუსდიგვ ამყიჰ!"
Line: 36    დალი კოჯას ქა-ლაისგიდა,
Line: 37    კოჯა ძირის გეზალს ხეწად.
Line: 38    ჩუ-ლოჰყიჰე ვოქვრე ლუსდიგვ,
Line: 39    მიჩა გეზალ ჟი-ლაიყე.
Line: 40    "მიშგვი ლამზჷრ ლახშადა
Line: 41    მაშედ ისგვა მეთხვარილს!
Line: 42    სი მეთხვარ, მა ჰაჯ ჯეკვეს,
Line: 43    ეჯი ჰაჯი მი ქამაშგვემნ:
Line: 44    ჯიცხენდეს ი ლიდივ მიშგვი,
Line: 45    ჯიცხენდეს ი ლიდჩურ-ლილატ!"
Line: 46    -- "ეჩის დიდაბ-უვ აჯჴედა,
Line: 47    მია ეჩის დეშ ჯაშგედი!" --
Line: 48    "მადეჲ ჯაჰვდი მჷკხა თხუმ-ჟი
Line: 49    სემი ლჷკმინ არა ღვაშას,
Line: 50    ბარბლაში თხუმ იშგვიდ ღვაშას,
Line: 51    ნეცინ ერსკანს ნაგზა შელდჟი.
Line: 52    ივას მერდე სი ხიროლე!
Line: 53    მაგ მეთხვჲარ გვარიშ ისგვი,
Line: 54    ლერსგვან მეჴარს მი ხვენჴრინი!




Next part


This text is part of the TITUS edition of Svan Texts (from Sbornik Materialov).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.