TITUS
Klarjeti Polycephalion
Part No. 4
Previous part

Text: 6 
Page of edition: 211 
Line of edition: 13  მეხუთე[სა] კჳრიაკესა წმიდათა მარხვათასა საკითხავი, თარგმანებაჲ სახარებისაჲ
Line of edition: 14  ლუკაჲს თავისაჲ, თქუმული იოვანე ბოლნელ ეპისკოპოსისაჲ, "ფარისეველისა
Line of edition: 15  მისთჳს და მეზუერისა"


Line of edition: 16       მოიქეცით ჩემდა ყოვლითა გულითა თქუენითა, იტყჳს უფალი. მოიქეცით
Line of edition: 17    ჩემდა ყოვლითა გულითა თქუენითა, მარხვითა სიწმიდისაჲთა დაიპენით გულნი
Line of edition: 18    თქუენნი და ნუ სამოსელი თქუენი. და მომეახლენით მე და მე მიგეახლო
Line of edition: 19    თქუენ. "ითხოვდით და მოგეცეს თქუენ, ეძიებდით და ჰპოვოთ, ირეკდით და
Line of edition: 20    განგეღოს თქუენ, რამეთუ ყოველი, რომელი ითხოვნ, მოიღის და რომელი ეძიებნ,
Line of edition: 21    პოვის და რომელი ირეკნ, განეღოს. ვინ-მე იყოს თქუენგანი, რომელსა
Line of edition: 22    სთხოვდეს ძჱ თჳსი ანუ ასული თჳსი პურსა, ნუუკუე ქვაჲ მისცეს მას? ანუ
Line of edition: 23    სთხოვდეს თევზსა, გუელი ნუ მისცესა მას? უკუეთუ თქუენ, უგუნურთა
Line of edition: 24    იცით მისაცემელი კეთილი შვილთა თქუენთაჲ, რაოდენ არა უფროჲს მამამან
Line of edition: 25    თქუენმან ზეცათამან მოგცეს თქუენ, რაჲ-იგი გიჴმს თქუენ"? არამედ
Line of edition: 26    ითხოვდით ხოლო სარწმუნოებით და გულსმოდგინედ და ილოცევდით დაუცხრომელად.
Line of edition: 27    და ამასცა ესევითარსა იგავსა ეტყოდა მათ, ვითარმედ: ყოველსა
Line of edition: 28    ჟამსა ჯერ-არსო თავყანისცემაჲ უწყინოდ და შესლვად სახლსა შინა ღმრთისასა,
Line of edition: 29    ვითარცა-იგი მეფსალმუნჱ იტყჳს: "ხოლო მე მრავლითა მოწყალებითა
Line of edition: 30    შენითა შევიდე სახლსა შენსა და თაყუანის-ვსცე ტაძარსა წმიდასა შენსა შიშითა
Line of edition: 31    შენითა". აწ, საყუარელო, ჩუენდა ჯერ-არს თავყანისცემაჲ უწყინოდ
Line of edition: 32    და ვედრებაჲ წინაშე უფლისა, რამეთუ თავყანის-სცემდა და ილოცვიდა მოსე
Line of edition: 33    მთასა ზედა სინასა ორმეოც დღე და ორმეოც ღამე.. პური არა ჭამა და წყალი
Line of edition: 34    არა სუა, და გამოეცხადა ღმერთი პირისპირ და ჰზრახვიდა მას. ელიაცა
Line of edition: 35    თაყუანის-სცემდა და იმარხვიდა ორმეოც დღე და ორმეოც ღამე. და ჰზრახვიდა
Line of edition: 36    იგიცა ღმერთსა ქორებს შინა პირისპირ. ისო, ძჱ ნავესი, თავყანის-სცემდა
Line of edition: 37    და იდვა ქუეყანასა ზედა პირდაქცევით და გამოეცხადა მას ანგელოზი
Line of edition: 38    უფლისაჲ. ანა, დედაჲ იყო სამოელისი, ილოცვიდა და იმარხვიდა სელომს
Line of edition: 39    შინა. თაყუანისცემითა და ლოცვითა ითხოვა სამოელი ღმრთისაგან, ამისთჳსცა
Line of edition: 40    უწოდა სახელი მისი სამოელ, რომელი გამოითარგმანების სმენილი ღმრთისაჲ.
Line of edition: 41    დანიელ იმარხვიდა ბაბილონს შინა და თაყუანის-სცემდა უფალსა და ილო\ცვიდა.
Page of edition: 212  Line of edition: 1    მღჳმესა შინა დაუჴშნა მან პირნი ლომთანი და არა შეეხნეს იგინი მას.
Line of edition: 2    სამთა ყრმათა მარხვითა და ლოცვითა და თაყუანისცემითა დაშრიტეს აღგზნებული
Line of edition: 3    იგი საჴუმილი და ცუარად გარდააქციეს. ზაქარია და ელისაფეთ იმარხვიდეს
Line of edition: 4    და... უდაბნოს განვიდა, პური ყოვლადვე არა ჭამა, ღჳნოჲ და
Line of edition: 5    იყი არა სუა, თაყუანისცემითა და ლოცვითა ღირს იქმნა ჴელის დადებად
Line of edition: 6    თავსა უფლისასა. და თუ ყოველნი არა ვთქუნეთ შემდგომითი-შემდგომად,
Line of edition: 7    რომელი-იგი გჳთქუმან, აწ იხილეთღა ძმანო, თუ რავდენი კეთილი მოიწევის
Line of edition: 8    ჩუენ ზედა მარხვითა, ლოცვითა და თაყუანისცემითა.
Line of edition: 9       ხოლო ამას გეტყჳ თქუენ, საყუარელნო, რამეთუ უწყინოდ ჯერ-არს ჩუენდა
Line of edition: 10    თაყუანისცემაჲ და ვედრებაჲ და ლოცვაჲ წინაშე უფლისა. ისმინე ესეცა,
Line of edition: 11    რასა-იგი იტყჳს თჳთ თავადი უფალი, ვითარმედ: "მსაჯული ვინმე იყო ერთი
Line of edition: 12    ქალაქსა შინა, რომელსა ღმრთისაგან არა ეშინოდა და კაცთაგან არა ჰრცხუენოდა.
Line of edition: 13    ქურივი ვინმე იყო მასვე ქალაქსა შინა, რომელი-იგი მივალნ მისა ზედაჲსზედა,
Line of edition: 14    ეტყჳნ... მისაჯე მე მოსაჯულისა"... აწყინებდა მას და მოვალნ
Line of edition: 15    მისა ზედაჲსზედა, უწყინოდ თავყანის-სცემნ მას და შეურდებინ, ტირნ, ცრემლოინ,
Line of edition: 16    მოეხჳის ფერჴთა მისთა, ამბორს-უყოფნ ჴელთა მისთა. ხოლო მსაჯული
Line of edition: 17    იგი ჰრისხავნ მას და აგინებნ და განაძებნ მას გარჱ, არამედ ზინ იგი წინაშე
Line of edition: 18    მისა, აწყინებნ და ეტყჳნ მას: მისაჯე5 მე მოვალისა ჩემისაგან, მაშინ თქუა
Line of edition: 19    მსაჯულმან მან გულსა შიდა თჳსსა: "დაღაცათუ ღმრთისაგან არა მეშინოს და
Line of edition: 20    კაცთაგან არა მრცხუენინ, ხოლო დედაკაცი ესე ქურივი დაუცადებელად მაწყინებს
Line of edition: 21    მე და შრომასა შემამთხუევს და არა მიტევებს მე განსუენებად, ვისმინო
Line of edition: 22    მე მისი და უსაჯო მას, რაჲთა არღარა მოვიდეს იგი ჩემდა და არცაღა
Line of edition: 23    მიმდემი მაწყინებდეს მე იგი".
Line of edition: 24       ხოლო აწ ჰხედავთა, საყუარელნო, რავდენი კეთილი არს უწყინოდ ვედრებაჲ
Line of edition: 25    და თაყუანისცემაჲ? გესმაა, მსაჯული იგი სიცრუვისაჲ ურცხჳნოჲ,
Line of edition: 26    დაღაცათუ ღმრთისაგან არა ეშინოდა და კაცთაგან არა ჰრცხუენინ, ზედაჲსზედა
Line of edition: 27    წყინებისათჳს ქურივისაჲ ამის -- ვისმინო მისი. ოდესღა მსაჯული იგი
Line of edition: 28    სიცრუვისაჲ ამას იტყჳს და იქმს, ხოლო ღმერთმან არა ყოს შურისგებაჲ მონათა
Line of edition: 29    თჳსთაჲ მაჭირებელთა მათგან? ანუ არა ყოს-მეა წყალობაჲ, დიდი მათ
Line of edition: 30    ზედა, რომელნი ღაღადებდნენ მისა მიმართ დღე და ღამე? ანუ არა-მე სულგრძელ
Line of edition: 31    იყოსა მათ ზედა და მიუტევნეს ცოდვანი მათნი, რომელნი-იგი უწყინოდ
Line of edition: 32    თავყანის-სცემდენ და ევედრებოდიან უფალსა?
Line of edition: 33       ჰჱ, გეტყჳ თქუენ, რამეთუ ყოს ესე ყოველი უფალმან, რომელნი სთხოვდენ
Line of edition: 34    მას, რამეთუ უფროჲს არიან ნიჭნი იგი ღმრთისანი, რომელნი განემზადებიან
Line of edition: 35    მისთა მოყუარეთათჳს, ვითარცა-იგი იტყჳს: "რომელი თუალმან არა იხილა
Line of edition: 36    და ყურსა არა ესმა და გულსა კაცისასა არა მოჰჴდა, რომელი განუმზადა
Line of edition: 37    ღმერთმან მოყუარეთა თჳსთა", "ხოლო ოდეს მოვიდეს ძჱ კაცისაჲ, პოვოს-მეა
Line of edition: 38    სარწმუნოებაჲ ქუეყანასა ზედა"? მიკჳრს მე საყუარელნო ძმანო ჩემნო,
Line of edition: 39    ნანდჳლვე უკუეთუ პოვოს სარწმუნოებაჲ ქუეყანასა ზედა, რამეთუ განკაფდა
Line of edition: 40    ქუეყანაჲ და ყოველნი მკჳდრნი მისნი მის თანა განმრავლებითა მით უშჯულოებისაჲთა,
Line of edition: 41    განჴმა სიყუარული მრავალთაჲ და განქარდა სარწმუნოებაჲ,
Line of edition: 42    რამეთუ მრავალთა დაუტევეს სარწმუნოებაჲ და უკუნ იქცეს. სახელი ზედა-აც
Line of edition: 43    სარწმუნოებისაჲ, მოსილ არიან იგინი სამოსლითა ცხოვართაჲთა, მდუმრიად
Page of edition: 213  Line of edition: 1    იხედვენ, ხოლო შინაგან არიან მგელ მტაცებელ. და ნაყოფისა მათისაგან
Line of edition: 2    იცნეთ იგინი, ვითარცა-იგი თავადი უფალი წამებს... და სხუათა მრავალთა
Line of edition: 3    შეურაცხ-ჰყოფდეს, თავთა თჳსთა განიმართლებდეს, ესევითარი იგავი
Line of edition: 4    ჰრქუა მათ: "კაცნი ვინმე ორნი აღვიდოდეს ტაძარსა მას თაყუანისცემად,
Line of edition: 5    ერთი ფარისეველი და ერთი მეზუერე. ფარისეველი იგი ერთ კერძო დგა, ესრეთ
Line of edition: 6    თჳსაგან ილოცვიდა: ღმერთი, გმადლობ შენ, რამეთუ არა ვარ ვითარცა
Line of edition: 7    სხუანი კაცნი, რამეთუ არა ვარ მეძავი, არცა მტაცებელი, არცა მზაკუვარი
Line of edition: 8    და ცრუმოწამე, არცაღა კუალად ვარ, ვითარცა ესე მეზუერე. ვიმარხავ ორორით
Line of edition: 9    შაბათსა შინა და მივსცემ ყოვლისაგან მონაგებისა ჩემისა".
Line of edition: 10       ჵ ფარისეველო, რაჲსათჳს განლაღებულ ხარ? ნანდჳლვე ვითარცა ფარისეველი
Line of edition: 11    იტყჳს, ვითარმედ: არა ვარ ცრუ და მზაკუვარ... და გამხილებენ საქმენი
Line of edition: 12    შენნი... გმადლობ შენ, რამეთუ არა ეგრეთ ვარ, ვითარცა სხუანი კაცნი.
Line of edition: 13    მადლობაჲ იგი კეთილ არს, ხოლო შემდგომი ამისი სავსე არს უკეთურებითა.
Line of edition: 14    ვერ შესაძლებელ არს ერთისა თუალისაგან წყაროჲსა გამოდინებაჲ ტკბილი
Line of edition: 15    და მწარე: ღმერთსა ჰმადლობ და თავსა შენსა იქებ და სხუათა მრავალთა
Line of edition: 16    განიკითხავ და შეურაცხ-ჰყოფ. იტყჳ, რამეთუ: "არა ვარ მზაკუვარი, არცა
Line of edition: 17    მტაცებელი, არცა ცრუმოწამე და არცა მეძავი". და თუ ნანდჳლვე შენ არა ხარ
Line of edition: 18    ეგრე, ვითარ-ეგე შენ იტყჳ თავით შენით, რაჲსათჳს დასჯი მოყუასსა შენსა?
Line of edition: 19    არა გასმიესა წერილისაჲ მის, რასა-იგი იტყჳს: "ნუ განიკითხავთ, რაჲთა
Line of edition: 20    არა განიკითხნეთ და ნუცა დასჯით, რაჲთა არა დაისაჯნეთ. საწყაულითა, რომლითა
Line of edition: 21    მიუწყოთ, მითცა მოგეწყოს"? გინათუ რაჲსათჳს აყუედრებ პირისპირ
Line of edition: 22    მეზუერესა მას და იტყჳ: "არცაღა ვარ, ვითარცა ესე მეზუერე". "შენ
Line of edition: 23    ვინ ხარ, რომელი განიკითხავ სხჳსა მონასა, დგეს სამე თჳსისა უფლისათჳს,
Line of edition: 24    გინა თუ დაეცეს? დგეს სამე, რამეთუ შემძლებელ არს უფალი იგი მისი
Line of edition: 25    დამტკიცებად მისსა".
Line of edition: 26       იტყჳ, რამეთუ "ორი დღე ვიმარხე შაბათსა შინა და ათეული მივსცი
Line of edition: 27    ყოვლისაგან მონაგებისა ჩემისა გლახაკთა".
Line of edition: 28       ჵ ფარისეველო, რაჲსათჳს ჰმაღლოვი და ჰქადაგებ ამას? არა გესმაა,
Line of edition: 29    რასა-იგი იტყჳს: "ნუ აგრძნობნ მარცხენე შენი, რასა იქმოდეს მარჯუენე
Line of edition: 30    შენი?" უკუეთუ ამას იქმ ღმრთისათჳს, ღმერთმან თჳთ უწყის ყოველი, რამეთუ
Line of edition: 31    იგი არს გულთმეცნიერი და მან უწყნის დაფარულნი კაცთანი. ხოლო
Line of edition: 32    აწ არა თუ ღმრთისათჳს არს საქმჱ ეგე შენი, არამედ შური ბოროტი დათესულ
Line of edition: 33    არს შენ თანა სიტყჳსა მისთჳს უფლისა, რომელი თქუა მეზუერეთათჳს, ვითარმედ:
Line of edition: 34    მეზუერენი და ცოდვილნი წინა-გიძღოდიან თქუენ სასუფეველსა
Line of edition: 35    ცათასა*.
Line of edition: 36       და ესეცა უწყოდე, რამეთუ ესევითარი ჩუეულებაჲ არს ფარისეველთაჲ:
Line of edition: 37    ყოველსა, რასაცა-იგი იქმანედ წინაშე კრებულსა და ერსა შორის საჩუენებლად
Line of edition: 38    კაცთა, რაჲთა იდიდებოდიან მათგან და მათგანცა მიიღონ სასყიდელი
Line of edition: 39    მათი. რამეთუ "ამპარტავანთა ღმერთი შეჰმუსრავს, ხოლო მდაბალთა მოსცეს
Line of edition: 40    მადლი". და კუალად იტყჳს: "შეჰრისხენ ამპარტავანთა. წყეულ არიან,
Line of edition: 41    რამეთუ მათ გარდააქციეს მცნებათაგან შენთა".

Page of edition: 214 
Line of edition: 1       ხოლო მეზუერჱ იგი დგა ერთ კერძო, არა უნდა არცაღათუ ზე ახილვად
Line of edition: 2    თუალთა მისთა, არამედ იცემდა მკერდსა თჳსსა და იტყოდა: "ღმერთო, მილხინე
Line of edition: 3    ცოდვილსა ამას", უფალო, უკუეთუ ჯერ-არს, მომიტევენ მე შეცოდებანი
Line of edition: 4    ჩემნი.
Line of edition: 5       ეჰა, საყუარელნო, კეთილი განზრახვაჲ განიზრახა მეზუერემან მან, რამეთუ
Line of edition: 6    ვერ აღიხილვიდა თუალთა ზეცად, არამედ სულთქუმითა მით უსიტყუელითა
Line of edition: 7    იცემდა მკერდსა თჳსსა და იტყოდა: მან უწყნის დაფარულნი გულისა
Line of edition: 8    ჩემისანი, მანვე გულისხმა-ყვნეს აურაცხელნი ესე სულთქუმანი ჩემნი უსიტყუელნი.
Line of edition: 9    და ვიცი და მრწამს, უკუეთუ ინებოს, შემძლებელ არს იგი აჴოცად
Line of edition: 10    ყოველთა ცოდვათა ჩემთა.
Line of edition: 11       და გეტყჳ თქუენ, საყუარელნო, იხილეთღა, რავდენსა მადლსა მიემთხჳა
Line of edition: 12    მეზუერე იგი, რავდენსა მოტევებასა ცოდვათასა.
Line of edition: 13       გარდამოვიდოდა იგი მიერ ტაძრით, განმართებული დიდითა მით სიმდაბლითა
Line of edition: 14    თჳსთა, ღაღადებდა და იტყოდა: კეთილ არს... და რამეთუ სიმდაბლესა
Line of edition: 15    ჩემსა მომიჴსენა მე და რამეთუ მოხედა ლოცვასა მდაბალთასა და არა
Line of edition: 16    შეურაცხ-ყო თხოვაჲ მათი.
Line of edition: 17       ხოლო ფარისეველი იგი გარდამოვიდოდა განცრუვებული და სირცჳლეული
Line of edition: 18    სილაღითა მით მისითა, "რამეთუ რომელმან აღიმაღლოს თავი თჳსი,
Line of edition: 19    იგი დამდაბლდეს და ყოველმან, რომელმან დაიმდაბლოს თავი თჳსი, იგი
Line of edition: 20    ამაღლდეს".
Line of edition: 21       აწ მოვედით, ძმანო ჩემნო საყუარელნო და სასურველნო ქრისტესნო,
Line of edition: 22    და მოვიძულნეთ და მოვიძაგნეთ საქმენი იგი და სიტყუანი ფარისეველისანი და
Line of edition: 23    მის თან ვილოცვიდეთ და შევიყუარნეთ სიტყუანი და საქმენი მეზუერისანი, და
Line of edition: 24    მის თანა თაყუანის-ვსცემდეთ და ვევედრებოდეთ. მის თანავე სულთ-ვითქუმიდეთ
Line of edition: 25    უსიტყუველად, მის თანავე ვღაღადებდეთ და ვიტყოდით: "უფალო, გჳლხინე
Line of edition: 26    და მოგჳტევენ შეცოდებანი ჩუენნი, და რაჲთა წმიდანი ესე დღენი ორმეოცნი
Line of edition: 27    აღვასრულნეთ ღირსებით, წმიდითა გულითა ვიმარხვიდეთ და ვილოცვიდეთ,
Line of edition: 28    რაჲთა მივემთხჳნეთ და მივიწინეთ მკუდრეთით აღდგომასა უფლისა
Line of edition: 29    ჩუენისა იესუ ქრისტესსა და სიხარულით ვდღესასწაულობდეთ და ერთობით
Line of edition: 30    ვადიდებდეთ მამასა და ძესა და წმიდასა სულსა, რომლისა შუენის დიდებაჲ
Line of edition: 31    და პატივი და მადლი აწ და მარადის და უკუნითი უკუნისამდე. ამენ. "


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.