TITUS
Sasuliero Poezia
Part No. 5
Previous part

Text: III  
         თთოჳესა იანვარსა: ი̂თ : ჴსენებაჲ: ღმრთივ გჳრგჳნოსა-
         ნისა: მეფისა: თევდოსი: მორწმოჳნისა: სასწაოჳლთა:
         მოქმედისაჲ:.

         [ქ: ივანე მინჩხისანი: ქრისტე განთჳსოჳენე სოჳლსა
         მისსა .:.*]

         Ⴍ̃Ⴍ Ⴖ̃Ⴖ̃ႲႷ̃ႱႠ:. Ⴤ̃Ⴢ Ⴀ̂ Ⴂ̃Ⴈ: ⴑⴍⴣⴔⴄⴅⴑ
         ⴖ̃ⴈ ⴜⴀⴐⴋⴀⴐⴇⴇⴀ:. ???

Strophe: I  
Line: 1     სიბრძნით განმგებელო იესოჳ.
Line: 2        სიტყოჳათ დაოჳბადებელო.
Line: 3        დაბადებოჳლნი გადიდებენ
Line: 4      მამისა თანა სოჳლით წმიდითოჳრთ. მარადის
Line: 5        დაოჳდოჳმებელად
Line: 6        გიგალობენ ანგელოზნი
Line: 7        და გმონებენ ადამეანნი:.

Strophe: II  
Line: 1     სოჳფევაჲ შენი სოჳფევა არს
Line: 2        ოჳკოჳნითი ოჳკოჳნისამდე:
Line: 3        შენ გადიდებენ. ქრისტე.
Line: 4      ერნი ზეცისანი. სოჳლნი ოჳჴორცოთანი:
Line: 5        შენ მოსცემ ლოცვასა
Page: 22  Line: 6        მდაბალთა ქოჳეყანისათა.
Line: 7        მორწმოჳნეთა. სათნოთა შენთა:.

Strophe: III  
Line: 1     რაჟამს იყო ოჳრვასა შინა.
Line: 2        ოჳმწყემსოვებისა ზროჳნვასა.
Line: 3        ერი იგი სამწყსოჲ ქრისტეჲსი.
Line: 4      მაშინ მოვიდა მათა კაცი ღმრთისაჲ. \\
Line: 5        რომელი ეტყოდა.
Line: 6        ევედრენით ღმერთსა ფრიად
Line: 7        და მოგცეს თქოჳენ მწყემსი კეთილი:

Strophe: IV  
Line: 1     მაშინ იწყო მარხვად და ლოცვად
Line: 2        სიმრავლემან მორწმოჳნეთამან.
Line: 3        ერთობით ჴმობდეს ქრისტეს მიმართ.
Line: 4      მოჰხედე. მჴსნელო. ვენაჴსა ამას შენსა.
Line: 5        რომელი დაასხი
Line: 6        ჴელითა პირველ მეფისა
Line: 7        კოსტანტინე მორწმოჳნისაჲთა:.

Strophe: V  
Line: 1     ესმა ღმერთსა ჴმაჲ ვედრებისა
Line: 2        მორწმოჳნეთა თჳსთა თხოვისაჲ.
Line: 3        შეიწირნა ლოცვანი მათნი
Line: 4      და მოსცა მათ სარწმოჳნოჲ და გონიერი
Line: 5        თევდოსი მართალი
Line: 6        სათნოდ მეფედ და წინამძღოჳრად.
Line: 7        ვითარცა დავით ისრაჱლთა:.

Strophe: VI  
Line: 1     სამოელ წინაჲსწარმეტყოჳელმან
Line: 2        სცხო დავითს მწყემსობასა შინა.
Line: 3        ხოლო აწ თევდოსის მართალსა
Line: 4      სიგლახაკესა შინა სოჳლმან წმიდამან
Line: 5        სცხო გონიერებაჲ.
Line: 6        გარდაცვალა გოჳლი მისი.
Line: 7        და მეფეჲ ყო იონთა ზედა:.

Strophe: VII  
Line: 1     შრომანი შენნი სოჳლიერნი
Line: 2        და კეთილნი სათნოვებანი
Page: 23  Line: 3        და გოჳლისა სიწრფოვებანი.
Line: 4      დიდო თევდოსი. იხილნა რაჲ მაღალმან.
Line: 5        მოხედვა ყო წყალობით.
Line: 6        რომელი ჰხედავს: მდაბალთა.
Line: 7        და გადიდა სოჳლით და ჴორცით:. ⴑⴀⴖⴋⴐⴇⴍⴑⴀ
Line: 8        ⴒⴀⴉⴍⴣⴉⴑⴀ ⴜ:. ???

         ႭႾႨႧႠჂ Ⴤ̃Ⴢ Ⴀ̂ Ⴂ̃Ⴈ:. Ⴂ̃ⴞ̃ⴄⴌⴇⴀ ⴆ̃ⴀ:. ???

Line: 50     ვითარცა ებანი ჴმატკბილი შოჳენიერი. დღესასწაოჳლი შენი წმიდაჲ
Line: 51        ენითა შემასხმელთა ღმრთის მეტყოჳელთა მგალობელთაჲთა. დღეს
Line: 52        ოხრის ჴმამაღლად ეკლესიასა შინა შენთა მათ სათნოვებათა და სიმ-
Line: 53        დაბლეთა. ღმრთის მსახოჳრო და მის მიერ პატივცემოჳლო დიდო
Line: 54        მეფეო თევდოსი ღმერთშემოსილო. რამეთოჳ სახე ექმენ შემდგომ-
Line: 55        თა მათ მეფეთა. და რომელნი გემსგავსნეს. იშოჳებენ ედემს შინა
Line: 56        შენ თანა. ღმერთსა ევედრე აწ მონიჭებად სოჳლთა ჩოჳენთა დღეს
Line: 57        დიდი წყალობაჲ:.

         Ⴍ̃Ⴂ̃Ⴊ̃Ⴁ̃ႱႠ: Ⴄⴒⴊⴇⴀ ⴑⴈⴋⴐⴀⴅⴊⴄⴢ ⴋ̃: Link to nevmir

Strophe: VIII  
Line: 1     ქრისტეს მოყოჳარეო თევდოსი.
Line: 2        ვერ შემძლებელ ვართ ჩოჳენ
Line: 3        შემსგავსებით ქებასა
Line: 4        სათნოვებათა შენთასა.
Line: 5        არამედ მადლი შენი შემეწიენ
Line: 6        მგალობელთა და ვადიდოთ
Line: 7        ჴსენებაჲ შენი:.

Strophe: IX  
Line: 1     შიში ღმრთისაჲ გაქოჳნდა მარადის.
Line: 2        ნეტარო თევდოსი.
Line: 3        და მით მოიძოჳლე შენ
Line: 4        ყოველივე ნებაჲ ჴორცთაჲ
Line: 5        და ვითარცა ოჳჴორცოჲ იქცეოდე.
Line: 6        რომლისა თჳსცა საცნაოჳრად
Line: 7        გადიდა ღმერთმან:.

Strophe: X  
Line: 1     ღმრთისა მამისა სიმდიდრეო.
Line: 2        გიყოჳარან გლახაკნი
Page: 24  Line: 3        და აცხოვნებ მდაბალთა.
Line: 4        რომელმან აღამაღლე დღეს
Line: 5        შენ_თჳს ნათესავთა_გან ოჳცხოქმნოჳლი
Line: 6        შენ_თჳს დაგლახაკებოჳლი
Line: 7        ღირსი თევდოსი:. Ⴃⴀⴠⴤⴑⴌ̃:. 428?

         Ⴋ̃Ⴞ̃ႪႤႱႠ: ⴋⴈⴅⴑⴚⴄⴇ ⴄⴐⴌⴍ ⴃⴈ̃:. Link to nevmir

Strophe: XI  
Line: 1     ვინ არს. რომელსა ჰნებავს ცხოვრებაჲ
Line: 2        და ოჳყოჳარან მას ხილვად
Line: 3        დღენი კეთილისანი.
Line: 4        მარადის იქცეოდენ კრძალოჳლად.
Line: 5        სიმართლით. და სიმდაბლით.
Line: 6        და სიწმიდით წინაშე ღმრთისა.
Line: 7        რამეთოჳ ჰხედვენ ოჳჩინოთა
Line: 8        და ცხადთა საქმეთა
Line: 9        თოჳალნი მისნი. დაფაროჳლთა მხედველნი:

Strophe: XII  
Line: 1     აღიღო ოჳღელი იგი ტკბილი
Line: 2        ოჳფლისა იესოჳჲსი
Line: 3        სიყრმით განვე თევდოსი.
Line: 4        შეოჳდკა კოჳალსა მოციქოჳლთასა.
Line: 5        შეიყოჳარა მან ღმერთი
Line: 6        და ღმერთმან შეიყოჳარა იგი.
Line: 7        გჳრგჳნოსან ყო და ადიდა
Line: 8        საწოჳთროსა ამას შინა
Line: 9        და საოჳკოჳნოდ ოჳკოჳნისამდე:.

Strophe: XIII  
Line: 1     ღმრთისა შიშმან ოჳშიშ ყვნის მოშიმნი
Line: 2        გონებაჲ სოჳლთა მიმართ
Line: 3        ბოროტთა ოჳკეთოჳრთ[ა]
Line: 4        და სოჳლი ღმრთისა ძლიერებისაჲ
Line: 5        დაადგრების მის თანა.
Line: 6        რომელი ვიდოდის ოჳბიწოდ:
Line: 7        მართალი იყო და მოშიში
Page: 25  Line: 8        ქრისტესი ღირსი თევდოსი
Line: 9        და მადლი მისი დაადგრა მის თანა:. Ⴂⴀⴉⴍⴣⴐⴇ̃:. Link to nevmir

         Ⴂ̃ႬႻႪႨ̃ႱႠ: Ⴐ̃ⴌ ⴃⴀⴀⴔⴍⴣⴛⴌⴄ:. Link to nevmir

Strophe: XIV  
Line: 1     გჳრგჳნი
Line: 2        სამყოჳფოჲ საღმრთოთა_გან ყოჳავილთა.
Line: 3        რომელი
Line: 4        შეგითხზა სიმდაბლემან შენმან.
Line: 5        ვერ დააჭნო იგი
Line: 6        აღმაღლებამან ჴორციელებრმან.
Line: 7        რამეთოჳ ოჳფროჲსად მოიპოე
Line: 8        სროჳლი სიმდაბლჱ.
Line: 9        ღირსო თევდოსი:.

Strophe: XV  
Line: 1     ქრისტემან
Line: 2        მოგცა მადლი სასწაოჳლთაცა საქმედ
Line: 3        და ესრეთ
Line: 4        პატივ გცა საწოჳთროსა ამას.
Line: 5        არამედ შემდგომად
Line: 6        სიკოჳდილისა ოჳფროჲს გადიდა
Line: 7        წინაშე მისსა. პატივცემოჳლი
Line: 8        მეფეთა თანა.
Line: 9        საოჳკოჳნესა:.

Strophe: XVI  
Line: 1     ყოვლადვე
Line: 2        არა სადა შეაპყრა თავი თჳსი
Line: 3        თევდ[ოსი]
Line: 4        სიმდიდრეთა მათ გარდარეოჳლთა.
Line: 5        ლოცავნ ღამჱ ყოველ
Line: 6        მარადის ფაროჳლად სამოსლითა
Line: 7        პირველითა და ითხოვნ ქრისტეს_გან
Line: 8        საწოჳთროჲსა წილ
Line: 9        საოჳკოჳნესა:. Ⴃⴄⴃⴀⴍ ⴛⴈⴑⴀ ⴖ̃:. Link to nevmir

         Ⴍ̃Ⴍ ႫႤႱႫ̃ႱႠ:. Ⴄⴑⴋⴀ ⴋⴍⴑⴊⴅⴀⴢ ⴘ̃:. Link to nevmir

Strophe: XVII  
Line: 1     აღმაღლდებიან მდაბალნი სოჳლითა.
Line: 2        და რომელთა ეშინის. შენ_გან
Page: 26  Line: 3        მიიღებენ გჳრგჳნსა. და ესვენ
Line: 4        ძალსა შენსა ძლიერსა
Line: 5        და ადიდებენ ძალსა შენსა ქრისტჱ:.

Strophe: XVIII  
Line: 1     დღეს ზეცით მოვლინებოჳლმან მფრინველმან
Line: 2        სამეოჳფოჲ გჳრგჳნი
Line: 3        შეჰმოსა თავსა თევდოსისსა.
Line: 4        და გოჳლისხმა ყვეს ყოველთა.
Line: 5        ვითარმედ სთნდა იგი ღმერთსა მაღალს

Strophe: XIX  
Line: 1     რამეთოჳ საყდართა სამყოჳფოთა
Line: 2        ბრძანებითა მამისაჲთა.
Line: 3        სიყოჳაროჳლითა ძისაჲთა.
Line: 4        სოჳლისა წმიდისა ნებითა
Line: 5        ღირს იქმნა დაჯდომად თევდოსი:. Ⴂⴀⴌⴍⴣⴞⴐⴜ̃:. Link to nevmir

         Ⴖ̃ႫႨ̃Ⴂ̃ႬႱႠ Ⴐ̃ⴌ ⴘⴄⴈⴋⴍⴑⴄ ⴌⴀⴇⴄⴊⴈ:. Link to nevmir

Strophe: XX  
Line: 1     ყოჳავიან მარადის მართლმადიდებელთა მათ.
Line: 2        ქრისტეს მოყოჳარეთა მეფეთანი
Line: 3        საღმრთონი სათნოვებანი.
Line: 4        სიწმიდე. სიმშჳდე. და სიმდაბლეჲ.
Line: 5        და გლახაკთ მოწყალებაჲ:.

Strophe: XXI  
Line: 1     შენ თანა დაიმკჳდრა სოჳლმან სახიერმან.
Line: 2        ვითარცა დავითს მამათ მთავარსა.
Line: 3        და ვითარცა რაჲ სოლომონს
Line: 4        მოგცა სიბრძნეჲ ოჳზეშთაესი.
Line: 5        ღმრთის მსახოჳრო თევდოსი:.

Strophe: XXII  
Line: 1     დაგამორჩილნა მდინარენიცა ქრისტემან.
Line: 2        ღმერთშემოსილო დიდო თევდოსი.
Line: 3        მიოჳწერე შენ ნილოსსა
Line: 4        და მოოჳწოდე. რაჲთა მორწყოს
Line: 5        ქოჳეყანაჲ წყოჳრიელი:. Ⴃⴀⴠⴤⴑ̃:. Link to nevmir

Page: 27 
         Ⴖ̃Ⴖ̃ႲႷ̃ႥႱႠ:. Ⴘⴇⴀⴅⴐⴃⴍⴋⴈⴊⴈ ⴑⴈⴖⴐ̃:. Link to nevmir

Strophe: XXIII  
Line: 1     ერნი იგი ოჳრიცხოჳნი.
Line: 2        შვილნი სიონისანი.
Line: 3        სიონს შინა შეკრებოჳლნი.
Line: 4        ილოცვიდეს დაოჳდოჳმებელად
Line: 5        სამ დღე და სამ ღამეჲ ცრემლითა.
Line: 6        ოჳჴმობდეს ღმერთსა მოწყალესა.
Line: 7        რომელი ჴმა სცემს კეთილად
Line: 8        ჴმასა მოშიშთა მისთასა:.

Strophe: XXIV  
Line: 1     მიიღებენ მართალნი.
Line: 2        ქრისტეს ნების მყოფელნი.
Line: 3        აღთქოჳმასა მას ჭეშმარიტსა
Line: 4        პირითა მით ოჳტყოჳველითა.
Line: 5        ვითარცა თჳთ ბრძანა ქრისტემან.
Line: 6        ას წილად აქა პატივი
Line: 7        და მერმე საოჳკოჳნესა
Line: 8        მკჳდრყოფაჲ სასოჳფეველსა:.

Strophe: XXV  
Line: 1     მეფეთა სიმტკიცეო.
Line: 2        მთავართა დიდებაო.
Line: 3        ოძლოჳრთა ძლიერებაო.
Line: 4        მდაბალთა აღმამაღლებელო.
Line: 5        გლახაკთა განმამდიდრებელო.
Line: 6        სათნოდ სიგლახაკესა შინა
Line: 7        თევდოსი შარავანდედ ჰყავ.
Line: 8        მართლგანმგებელო ოჳფალო:. Ⴒⴀⴉⴍⴣⴉⴈ ⴞⴀⴐ:. Link to nevmir

         Ⴉ̃Ⴞ̃ႰႱႱႠ Ⴍⴣⴔⴐⴍⴢⴑⴀⴃ ⴀⴖⴋⴀⴖ̃:. Link to nevmir

Strophe: XXVI  
Line: 1     ქრისტემან. ღირსო თევდოსი.
Line: 2        მოგცა მწყემსად სამწყსოთა
Line: 3        თჳსთა.
Line: 4        და განმხიაროჳლდეს დღეს.
Line: 5        რამეთოჳ. ჭეშმარიტად.
Page: 28  Line: 6        სადა არნ მწყემსი კეთილი.
Line: 7        მოჳნ მხიაროჳლ არნ სამწყსოჲ იგი:.

Strophe: XXVII  
Line: 1     ვითარცა ეკლესიასტჱ.
Line: 2        იყავ შენ სიბრძნითა
Line: 3        სავსეჲ.
Line: 4        მართლგანგებით მსაჯოჳლი.
Line: 5        ობოლთა მწყალობელი.
Line: 6        შემწეჲ დაწოჳნებოჳლთაჲ
Line: 7        და მსაჯოჳლი ქოჳრივთაჲ:.

Strophe: XXVIII  
Line: 1     ვითარცა მზისა ნათელმან.
Line: 2        განანათლნა გონებანი
Line: 3        შენთა
Line: 4        მგალობელთანი.
Line: 5        შოჳენიერო თევდოსი.
Line: 6        ყოვლად საგალობელმან
Line: 7        დღესასწაოჳლმან შენმან:. Ⴄⴐⴇⴈ ⴂⴍⴣⴀ̃:. Link to nevmir

         ႠႩ̃Ⴞ̃ႧႱႠ:. Ⴘ̃ⴌ ⴋⴞⴍⴊⴍⴑⴀ ⴃⴀⴋ̃:. Link to nevmir

Strophe: XXIX  
Line: 1     დღეს ადიდებენ
Line: 2        ანგელოზთა კრებოჳლნი
Line: 3      დღესასწაოჳლსა შენსა. ნეტარო თევდოსი.
Line: 4      მეფენი და მთავარნი ჩოჳენ თანა იტყჳან.
Line: 5      ვაკოჳრთხევდეთ ქრისტესა ოჳკოჳნისამდე:.

Strophe: XXX  
Line: 1     იხილნა ღმერთმან.
Line: 2        დაფაროჳლთა მხედველმან.
Line: 3      დაფაროჳლნი და ცხადნი შენნი სათნოვებანი
Line: 4      და გამოაბრწყინვა. ვითარცა ნათელი მზისაჲ.
Line: 5      სიმართლეჲ შენი. პატიოსანო მეფეო:.

Strophe: XXXI  
Line: 1     არა ხჳდოდე
Line: 2        მდიდართა თანა. არცა
Line: 3      იქცეოდე ოჳღირსთა თანა. თევდოსი.
Line: 4      არამედ დამსდაბლდი და აღგამაღლა ქრისტემან
Line: 5      საყდართა ზედა ქალაქსა სამეოჳფოსა:. Ⴘ̃ⴌ ⴞⴀⴐ ⴑⴀⴋⴄⴁⴀⴢ
Line: 6      ⴂⴀⴐⴄ-ⴘⴄⴍⴣ̃:. Link to nevmir

Page: 29 
         ႠႣ̃ႡႣ̃ႧႱႠ:. Ⴄⴑⴀⴈⴀ ⴋⴞⴈⴀⴐⴍⴣⴊ ⴈⴗⴀⴅ, ⴕⴀⴊ̃:. Link to nevmir

Strophe: XXXII  
Line: 1     დადვა მდინარეთა ზედა
Line: 2        მარჯოჳენე შენი ქრისტემან.
Line: 3        თევდოსი და ყოველსა
Line: 4        ქოჳეყანასა
Line: 5        განსცა ჴმაჲ შენი.
Line: 6        და ოჳრიცხოჳსა იონთა ერსა
Line: 7        დასცა ზარი შენი
Line: 8        და შიშნეოჳლად
Line: 9        გერჩდეს ყოველნი:.

Strophe: XXXIII  
Line: 1     აეროვნებაჲ პირისა
Line: 2        შენისაჲ და სიმჭლეჲ გოჳამისაჲ
Line: 3        წამებდა სოჳლიერთა
Line: 4        სიმჴნით შრომათა
Line: 5        შენთა. თევდოსი.
Line: 6        ხოლო სიმდაბლით ქცევაჲ შენი
Line: 7        ოჳბიწოვებასა
Line: 8        შინაგანისა
Line: 9        გონებისასა:.

Strophe: XXXIV  
Line: 1     საწოჳთროსა ამას შინა
Line: 2        კეთილად პატივ გცა ქრისტემან
Line: 3        და მერმე საოჳკოჳნოდ
Line: 4        მოგიწოდა
Line: 5        წმიდათა თანა.
Line: 6        დიდებითა და პატივითა
Line: 7        გჳრგჳნოსან გყო.
Line: 8        თევდოსი. ჩოჳენ თჳსცა მეოხ გოჳეყავ:.

Strophe: XXXV  
Line: 1     პატიოსანო მეფეო.
Line: 2        სათნოდ ღმრთისა ჰმოქალაქობდი.
Line: 3        ამის თჳსცა აწ ღირსად
Line: 4        ცათა შინა
Line: 5        მართალთა თანა
Line: 6        ჰმოქალაქობ სასოჳფეველსა.
Page: 30  Line: 7        ევედრე ღმერთსა
Line: 8        და მოსცეს ძლევაჲ მეფესა ჩოჳენსა:. Ⴀⴐⴀⴢ ⴇⴍⴣ ⴂ̃:. Link to nevmir

         ႠႵႤႡ̃ႧႱႠ:. Ⴐ̃ⴏ̃ⴑ ⴈⴞⴈⴊⴌⴀ ⴃⴀⴋⴁⴀ:. ???

Strophe: XXXVI  
Line: 1     მწყემსო კეთილო
Line: 2        საღმრთოთა სამწყსოთაო.
Line: 3      ღირსო მეფეო. შენ ემსგავსე მნესა მას გონიერსა
Line: 4      და მიიღე ტალანტი ოჳფლისა შენისაჲ.
Line: 5        განამრავლე იგი
Line: 6        და მიოჳძღოჳანე
Line: 7        მრავალნაწილად
Line: 8        მიმნიჭებელსა:.

Strophe: XXXVII  
Line: 1     გარეწარჰჴედ
Line: 2        შენ საწოჳთროჲსა საცთოჳრთა.
Line: 3      დაღათოჳ გაქოჳნდა სიმაღლეჲ ჴორციელი. დიდებოჳლო.
Line: 4      არამედ სოჳლითა დამდაბლებოჳლი
Line: 5        ჰმსახოჳრებდი ღმერთსა.
Line: 6        არაჲ შესცვალე
Line: 7        ტალანტი შენთა
Line: 8        სათნოვებათაჲ:.

Strophe: XXXVIII  
Line: 1     ღმერთმან მხოლომან
Line: 2        აღამაღლა რქაჲ შენი.
Line: 3      ღირსო თევდოსი. და გადიდა ჴორციელთა შორის.
Line: 4      და მერმე. შემდგომად მიცვალებისა.
Line: 5        ოჳჴორცოთა თანა
Line: 6        დაგამკჳდრა შენ.
Line: 7        სადა თჳთ ნათობს
Line: 8        ნათელი. მისი:.

Strophe: XXXIX  
Line: 1     ღირსო მეფეო.
Line: 2        სანატრელო თევდოსი.
Line: 3        მოგიგებს მეოხად
Line: 4        მეფეჲ ჩოჳენი. მადიდებელი შენი.
Line: 5      და პატივსცემს დღესასწაოჳლსა შენსა.
Line: 6        ითხოვე ქრისტეს_გან
Page: 31  Line: 7        და შენ თანავე
Line: 4        გჳრგჳნოსან ყოს
Line: 5        სასოჳფეველსა:.

Strophe: XL  
Line: 1     ოჳზეშთაეს ხარ
Line: 2        ქებოჳლებათა. ღირსო.
Line: 3        და ოჳშოჳენიერეს
Line: 4        ყოველთა სამკაოჳლთა. ღმრთის მშობელო.
Line: 5      ოჳნათლეს მნა\\თობთა სამყაროჲსათა.
Line: 6        რამეთოჳ. საღმრთოჲთა
Line: 7        ნათლითა სავსე.
Line: 8        მარადის ჰნათობ
Line: 9        წინაშე ღმრთისა:. Ⴘ̃ⴌ ⴑⴈⴕⴀⴃⴍⴣⴊⴍ:. ???

Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.