TITUS
Sasuliero Poezia
Part No. 6
Previous part

Text: IV  
         თთოჳესა, იანვარსა: კ̂ : მამისა ევთიმესი..
         [ქ: მინჩხისანი:.]

         Ⴍ̃Ⴍ Ⴖ̃Ⴖ̃Ⴗ̃ႱႠ:. [ⴤ̃ⴢ ]: ⴕ̃ⴄ ⴉⴀⴚⴍ ⴋⴍⴗⴍⴣⴀⴐⴄ ⴘ:. ???

Strophe: I  
Line: 1     მამაო ევთჳმი.
Line: 2        შობასა
Line: 3      შენსა მოივლინა ანგელოზი
Line: 4        მაოჳწყებელად. ვითარცა პირველად
Line: 5        ნათლის მცემელისა.
Line: 6      რომელი აღმოსცენდა ნაყოფად ბერწისა_გან
Line: 7        ოჳნაყოფოჲსა.
Line: 8      მიემსგავსე მას და [ჰ]ბრწყინევდ ოჳდაბნოთა შინა და იქმოდე
Line: 9        სასწაოჳლთა ოჳრიცხოჴთა:.

Strophe: II  
Line: 1     მამაო ევთჳმი.
Line: 2        ბერწმან
Line: 3      ნაყოფად გამოგიღო. არამედ შენ
Line: 4        შვილმრავალ იქმენ. რამეთოჳ დასთესე
Line: 5        თესლი სოჳლიერი
Page: 32  Line: 6      ოჳქმსა მას ოჳდაბნოჲსასა და აღავსე იგი
Line: 7        სიმრავლითა მით
Line: 8      მონაზონთაჲთა. მეოხ გოჳეყავ სოჳლთა ჩოჳენთა_თჳს. რომელნი შენ
Line: 9        გალობასა შეგასხამთ:.

Strophe: III  
Line: 1     მამაო ევთჳმი.
Line: 2        წესი
Line: 3      კანონისა შენისაჲ ოჳცვალებელად
Line: 4        დაიმარხე შენ და სარწმოჳნოვებაჲ
Line: 5        ოჳბიწოდ დაიცევ
Line: 6      და ესრეთ ღირს იქმენი შენ ხილვათა საღმრთოთა
Line: 7        და განბრძნობილი
Line: 8      ჰმონებდ სამებასა. მეოხ გოჳეყავ სოჳლთა ჩოჳენთა_თჳს. რომელნი შენ
Line: 9        გალობას შეგასხამთ:. Ⴃⴀⴅⴈⴇⴈⴑ ⴛⴈⴐ:. ???

         ႭႾႨႧႠჂ: {!}

Line: 28     გიხაროდენ. ჭოჳრად რჩეოჳლად. სამკჳდრებელად ღმრთისა გამორჩეოჳ-
Line: 29        ლო. საშოჲთვე დედისაჲთ ოჳფლისა მსხოჳერპლად შეწიროჳლო.
Line: 30        მაღლით ხარებოჳლო მშობელთა შენთა. დიდად სიხაროჳლად სოჳ-
Line: 31        ლიერად მონიჭებოჳლო. ოჳდაბნოჲსა ვარსკოჳლავო ყოვლად შოჳე-
Line: 32        ნიერო და მონაზონთა წესო. საღმრთოო კანონო. მარტოდ მყოფთა
Line: 33        საზღვარო. ოჳმეცართა მოძღოჳარო და ღმრთის მსახურებისა წი-
Line: 34        ნამძღოჳარო მამაო ევთჳმი. ღმერთსა ევედრე აწ მონიჭებად სოჳლთა
Line: 35        ჩოჳენთა დღეს დ[იდი წყალობაჲ]:.

         Ⴍ̃Ⴂ̃Ⴊ̃Ⴁ̃ႱႠ: Ⴀⴐⴀ ⴐⴀⴢ ⴀⴐⴑ ⴑⴀⴞⴄⴃ ⴘ̃:. Link to nevmir

Strophe: IV  
Line: 1     აღმოსცენდი ღმრთისა მიერ
Line: 2        [წ]ყაროჲ სათნოებ[ათაჲ]
Line: 3        სიყრმით შენით_გან. ღირსო.
Line: 4        და მ[ოსცვ]ენ ცის კიდენი
Line: 5        კ[ეთილ]თა საქმეთა გ[ან]:.

Strophe: V  
Line: 1     განაქარვე მწოჳხარებაჲ
Line: 2        მშობელთა შენთაჲ. ღირსო.
Line: 3        ხარებითა მით შენ_თჳს
Line: 4        ღმრთისა მიერ პირველად
Line: 5        შობად შენდადმდე. ევთჳმი:.

Page: 33 
Strophe: VI  
Line: 6     განსცხრებოდა ეკლესიაჲ
Line: 7        სიხაროჳლით. მართალო.
Line: 8        რაჟამს შეგიწყნარა შენ.
Line: 9        ღმრთისა მიერ ნაყოფი
Line: 10      მართლმადიდებლობისაჲ:. Ⴍⴣⴆⴄⴘⴇⴀ̃: Link to nevmir

         Ⴋ̃Ⴞ̃ႪႤႱႠ: Ⴂ̃ⴊ̃ⴁ̃ⴢ ⴑⴍⴣ̃:. Link to nevmir

Strophe: VII  
Line: 1      ვითარცა მთასა სინასა. აჰჴედ. ბრძენო.
Line: 2        სათნოვებათა სიმაღლესა
Line: 3        და შეხოჳედ შეოჳვალსა
Line: 4        ნისლსა ღმრთისა სიბრძნეთასა
Line: 5        და განჰბრწყინდი მას შინა
Line: 6        საღმრთოჲთა მით ნათლითა.
Line: 7        ღირსო ევთჳმი ღმერთშემოსილო:.

Strophe: VIII  
Line: 1      ნაყოფად ლოცვისა აღმოსცენდი. ღირსო.
Line: 2        და მრავალფერნი ყოჳავილნი
Line: 3        გამოიხოჳენ. ევთჳმი.
Line: 4        საღმრთონი სათნოვებანი.
Line: 5        და მით სოჳლნელ ჰყავ სოფელი.
Line: 6        რამეთოჳ ირწყვოდე
Line: 7        შენ ცოჳარითა სოჳლისა წმიდისაჲთა:

Strophe: IX  
Line: 1      ბრძმეთსა შინა გონებისასა. ნეტარო.
Line: 2        შესწირე მსხოჳერპლი ოჳბიწოჲ
Line: 3        ცეცხლითა სოჳლისაჲთა
Line: 4        და. ვითარცა ოქროჲ წმიდაჲ
Line: 5        განწმედილი შჳდ წილად.
Line: 6        წარსდეგ წინაშე ღმრთისა
Line: 7        საკოჳერთხად წმიდად. ღირსო ევთჳმი: Ⴈⴚⴅⴀⴊⴌⴄⴑ
Line: 8        ⴁⴍⴣⴌⴄⴁⴀⴌⴈ ⴘⴍ:. ???

         Ⴂ̃ႬႻႪႨ̃ႱႠ:. Ⴀⴐⴀⴢ ⴑⴈⴁⴐⴛⴌⴈⴇⴀ:. Link to nevmir

Strophe: X  
Line: 1     მშობელმან შენმან
Line: 2        აღიშოჳრვა შოჳრი ანა მართლისაჲ.
Line: 3        რაჟამს სამოელის_თჳს
Line: 4        შესწირვიდა მსხოჳერპლთა სოჳლიერთა.
Line: 1      ეგრეთვე ამან შენცა ღმრთისა მოგითხოვა:

Page: 34 
Strophe: XI  
Line: 1     შეწყნარებითა
Line: 2        საღმრთოთა მათ მცნებათაჲთა განჰჴოჳრდი
Line: 3        და კეთილად დაიცევ
Line: 4        გონებაჲ ვნებათა_გან. ნეტარო.
Line: 5      ამისთჳს სოჳლი წმიდაჲ დაადგრა შენ თანა:.

Strophe: XII  
Line: 1     ოჳბიწოჲ სოჳლი
Line: 2        შენი შეეზავა სოჳლსა წმიდასა
Line: 3        და სოჴლისა თოჳალითა
Line: 4        იხილე სასოჳრველი მართალთაჲ
Line: 5      და მას ჰმონებდი. მამაო ევთჳმი:. Ⴍⴣⴑⴛⴊⴍⴍ ⴑ̃:. Link to nevmir

         Ⴍ̃Ⴍ ႫႤႱ̃ႱႠ:. Ⴋⴍⴑⴃⴐⴈⴉⴄⴌ ⴕ̃ⴄ ⴚⴀⴌⴈ:. Link to nevmir

Strophe: XIII  
Line: 1     გონებაჲ შენი დაიცევ ოჳბიწოდ
Line: 2        და გოჳლის სიტყოჳაჲ შენი
Line: 3        აღიყვანე ღმრთისა მიმართ. ნეტარო
Line: 4        რამეთოჳ ჰხჳდოდე შენ
Line: 5        ძალითი ძალად. მამაო ევთჳმი:.

Strophe: XIV  
Line: 1     საღმრთოდ ქალაქად მიიწიე. ღირსო.
Line: 2        და ჯოჳარს აცოჳ თავი თჳსი
Line: 3        ვნებათა მათ დათმენითა ქრისტეს_თჳს.
Line: 4        რომელმანცა პირველად
Line: 5        ძეთა კაცთა_თჳს ჯოჳარს ცოჳმაჲ დაითმინა:.

Strophe: XV  
Line: 1     განიძარცოჳე შენ ცხოვრებაჲ სოფლისაჲ
Line: 2        და ძლიერად იღოჳაწე.
Line: 3        და ბრძოლა ეც ახოვანსა ოჳდაბნოს
Line: 4        და დაამდაბლე იგი
Line: 5        და ქრისტეს მსგავსად ძლევაჲ შეიმოსე:. Ⴚⴀⴢ ⴃⴀ ⴕ̃:. Link to nevmir

         Ⴖ̃ႫႨ̃Ⴂ̃ႬႱႠ:. Ⴍⴣⴖⴋⴐⴇⴍⴇⴀ ⴅⴄⴐ ⴈⴞⴈ̃:. Link to nevmir

Strophe: XVI  
Line: 1     შჯოჳლი ღმრთისაჲ დაჰმარხე
Line: 2        თავსა შინა თჳსსა
Line: 3        ოჳბიწოდ. ღმერთშემოსილო.
Line: 4      და ჴორცნი დაამდაბლენ შრომისა მარხვითა
Line: 5        და სოჳლსა დაამონე
Line: 6        განზრახვაჲ კორცთაჲ. ღირსო:. \\

Page: 35 
Strophe: XVII  
Line: 1     მხიაროჳლად ჰხჳდოდე
Line: 2        გზათა ოჳდაბნოჲსათა
Line: 3        და შიშითა ქრისტესითა
Line: 4      მიოჳდეგ და ჰშევ შენ ცხოვრებაჲ ბარბაროზთაჲ
Line: 5        და ოჳქმსა ოჳდაბნოსა
Line: 6        ვითარცა მზეჲ გამოშჩნდი. ღირსო:.

Strophe: XVIII  
Line: 1     მსგავსად მზისა ჰნათობდი
Line: 2        სამებისა ნათლითა
Line: 3        და. ვითარცა რაჲ ელვისა
Line: 4      მცხინვარებანი. საცნაოჳრად ბრწყინვენ
Line: 5        სათნოვებანი შენნი.
Line: 6        ღირსო მამაო ევთჳმი:. Ⴠⴍⴣⴐⴈⴀⴇⴀ ⴉ̃.: Link to nevmir

         Ⴖ̃Ⴖ̃Ⴗ̃ႱႠ:. Ⴘⴇⴀⴅⴅⴀⴐⴃⴈ ⴋⴄ ⴑⴈⴖⴐ̃:. Link to nevmir

Strophe: XIX  
Line: 1     ვითარცა ნაშობნი მჴევლისანი
Line: 2        შვილ აზნაოჳრის ჰყვენი
Line: 3        ბანითა მით მეორედ შობისაჲთა.
Line: 4        ეგრეთვე აწ
Line: 5        განმათავისოჳფლენ ჩოჳენ
Line: 6        ცოდვათა_გან. ღმერთშემოსილო:.

Strophe: XX  
Line: 1     მადლისა მიერ ღმრთისა იქმენ შენ
Line: 2        განბრძნობილ. სანატრელო.
Line: 3        და ასწავებდ ოჳმეცართა განგებით
Line: 4        მსახოჳრებად
Line: 5        ქრისტესა ღმერთსა ჩოჳენსა.
Line: 6        და განსდევნენ სოჳლნი ბოროტნი:.

Strophe: XXI  
Line: 1     ორთა მათ ბოჳნებათა ქრისტესთა
Line: 2        თჳთებითა თჳსითა.
Line: 3        განოჳყოფელთა და შეოჳრევნელთა.
Line: 4        ჰქადაგებდი.
Line: 5        და მოაქციენ. ღირსო.
Line: 6        ოჳრწმოჳნონი სარწმოჳნოვებად:. Ⴈⴕⴋⴌⴀ ⴑⴀⴘⴍⴢ ⴘⴄ-
Line: 7        ⴌⴈ ⴖ̃:. Link to nevmir

Page: 36 
         Ⴉ̃Ⴞ̃Ⴊ-̃ႱႠ:. Ⴁⴀⴁⴈⴊⴍⴌⴑ ⴑⴀⴋⴇⴀ ⴗ̃:. Link to nevmir

Strophe: XXII  
Line: 1     იხილვე ღროჳბელსა შინა ცეცხლებრ ბრწყინვალჱ. ღირსო.
Line: 2        ბოჳნებათა ოჳვაღრეს
Line: 3      შესაწირავსა მას და ჰღაღადებდ.
Line: 4        კოჳრთხეოჳლ ხარ შენ.
Line: 5        ოჳფალო და ღ[მერთო
Line: 6        მამათა ჩოჳენთაო]:.

Strophe: XXIII  
Line: 1     ღირს იქმენ შენ ღმრთისა მიერ. მამაო სანატრელო.
Line: 2        ხილვად საიდოჳმლოთა
Line: 3      ბოჳნებასა სოჳლთა კაცთასა.
Line: 4        რომელნი იგი
Line: 5        ეზიარებიედ
Line: 6        ჴორცსა. ოჳფლისასა:.

Strophe: XXIV  
Line: 1     სამებისაგანსა ერთსა განჴორციელებოჳლსა
Line: 2        ორითა ბოჳნებითა
Line: 3      აღიარებდ. ევთჳმი. და ჰღაღადებდი.
Line: 4        კოჳრთხეოჳლ ხარ შენ.
Line: 5        ოჳფალო და ღ[მერთო
Line: 6        მამათა ჩოჳენთაო]:. Ⴖ̃ⴈⴑ-ⴋⴘⴍⴁⴄⴊⴍ ⴑⴀⴌⴀⴒ̃:. Link to nevmir

         ႠႩ̃Ⴞ̃ႧႱႠ:. Ⴗⴐⴋⴀⴌⴈ ⴁⴐⴜⴗⴈⴌⴅⴀⴊⴄ̃:. Link to nevmir

Strophe: XXV  
Line: 1     განსწმიდე სოჳლი შენი ღმრთისა_თჳს
Line: 2      და აღაგზენ საჴოკმილი ცნობისა შენისაჲ.
Line: 3        ევთჳმი სანატრელო.
Line: 4        და მას შინა შესწირე
Line: 5      ცხოვრებაჲ შენი. ვითარცა მსხოჳერპლი სათნოჲ ღმრთისაჲ
Line: 6        და ჰღაღადებდ დაოჳდოჳმებელად.
Line: 7      ყოველნი საქმენი აკოჳრთხევდით ოჳფალსა:.

Strophe: XXVI  
Line: 1     მკჳდრ იქმენ მადლსა ღმრთისასა. ღირსო.
Line: 2      და მის_გან გეოჳწყნეს მოწევნადნი წინაჲსწარ.
Line: 3        რამეთოჳ განსწმიდე შენ
Page: 37  Line: 4        გონებაჲ ვნებათა_გან
Line: 5      და მძლე ექმენ ჴორცთა ბოჳნებასა და ჴმა ჰყავ.
Line: 6        ოჳფალსა ოჳგა[ლობდეთ ძლევისა
Line: 7        გალობასა. რამეთოჳ დიდებით დიდებოჳლ არს]:.

Strophe: XXVII  
Line: 1     შესცვალე გზაჲ ქალაქთაჲ ოჳდაბნოდ
Line: 2      და იქცეოდე ოჳგზოთა მათ ქოჳეყანათა
Line: 3        და მიერ აღიწიე
Line: 4        ზეცისა ტალავართა. ღირსო
Line: 5      მამაო. და ღმრთივ განბრძნობილი ჰაღაღადებდ.
Line: 6        ოჳფალსა ოჳგა[ლობდეთ ძლევისა
Line: 7        გალობასა. რამეთოჳ დიდებით დიდებოჳლ არს]:. Ⴀⴐ-
Line: 8        ⴑⴄⴁⴀⴢ ⴎⴈⴐ̃:. Link to nevmir

         ႠႣ̃Ⴁ̃ႧႱႠ:. Ⴍⴣⴜⴈⴌⴀⴐⴄⴑ ⴘⴍⴁⴈⴑⴀ ⴃⴀ ⴘⴍ̃:. Link to nevmir

Strophe: XXVIII  
Line: 1     აღმომაცენებელო კოჳრნებათაო.
Line: 2        პირველ აღსროჳლებისა
Line: 3        და შემდგომად სიკოჳდილისაცა გპოვეთ
Line: 4      მეოხად ჩოჳენდა. ევთჳმი ღმერთმემოსილო:.

Strophe: XXIX  
Line: 1     ქოჳეყანისა მეფესა შემწედ მოოჳგე
Line: 2        მეოჳფეჲ მეოჳფეთაჲ
Line: 3        მოსრვად კრებოჳლსა ბარბაროზთასა.
Line: 4      ღირსო ევთჳმი საგალობელო:.

Strophe: XXX  
Line: 1     საჴსენებელსა შენსა. ღმრთივ განბრძნობილო.
Line: 2        მორწმოჳნენი ვიხარებთ
Line: 3        და გევედრებით. მეოხ გოჳეყავ ჩოჳენ.
Line: 4      რაჲთა ვიჴსნნეთ ბოროტთა განსაცდელთა_გან:. Ⴃⴀⴋⴒⴄⴅ̃:. Link to nevmir

         ႠႵႤႡ̃ႱႠ Ⴃ̂ Ⴂ̃Ⴈ:. ⴥ ⴋⴈⴍⴣⴜⴃ:. ???

Strophe: XXXI  
Line: 1     ღირსო მამაო ევთჳმი.
Line: 2        დაოჳტევე ქოჳეყანაჲ
Line: 3        და ქრისტესა შეოჳდეგი.
Page: 38  Line: 4      არად შეჰრაცხე ცოჳდი ესე მერმესა მას თანა.
Line: 5        ოჳდაბნოთა შინა ჰმოქალაქობდი
Line: 6        და ეშმაკთა სიმრავლეჲ განიოტე:
Line: 7      ჵ. კადნიერებასა შენსა. სანატრელო.
Line: 8        და სოჳლისა
Line: 9      მჴოჳრვალებასა ქრისტეს მიმართ. მეოხ გოჳეყავ ჩოჳენ:.

Strophe: XXXII  
Line: 1     ღირსო მამაო ევთჳმი.
Line: 2        ჭეშმარიტად გამოშჩნდი
Line: 3        მონაზონთა სიქადოჳლად.
Line: 4      მართლმადიდებელთა სიმტკიცედ. სოფლისა მნათობად.
Line: 5        რომელი მზაკოჳვარისა მის მტერისა
Line: 6        ბრძოლასა სიმჴნით არაჲ მოოჳძლოჳრდი:
Line: 7      ჵ. მადლთა შენთა სიმრავლესა. სანატრელო.
Line: 8        რომელმანცა
Line: 9      მოღოჳაწებით დასთრგოჳნე მტერი. მეოხ გოჳეყავ ჩოჳენ

Strophe: XXXIII  
Line: 1     ღირსო მამაო ევთჳმი.
Line: 2        ჭეშმარიტად ფრთოვან ჰყავ
Line: 3        სოჳლი შენი ღმრთისა მიმართ
Line: 4      მონაზონებითა. დაამორჩილე მას გონებაჲ
Line: 5        და დაოჳცადებელითა ლოცვითა
Line: 6        ღირს იქმენ ოჳოხჭნოსა ცხოვრებასა:
Line: 7      ჵ. შოჳენიერო მონაზონთა დიდებაო.
Line: 8        შენ ქრისტემან
Line: 9      მკჳდრ გყო ოჳსხეოჳლთა თანა. მეოხ გოჳეყავ ჩოჳენ:. ⴥ
Line: 10      ⴃ̃ⴁ̃ⴊⴈ ⴑⴀⴈⴃⴍⴣⴋⴊⴍⴢ ⴐ:. ???

Page: 39 
Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.