TITUS
Sasuliero Poezia
Part No. 4
Previous part

Text: II  
         დასდებელნი: წმიდისა: აღდგომისანი:.
            [.:. მინჩხი .:.]

         Ⴍ̃Ⴍ Ⴖ̃Ⴖ̃ႲႷ̃ႱႠ Ⴤ̃Ⴢ Ⴂ̃Ⴈ:. .... ႧჃႧႬႨ:.

Strophe: I  
Line: 1     რაჟამს მოხოჳედი
Line: 2      ზეცით ქოჳეყანად. მჴსნელო ჩოჳენო.
Line: 3        და ინებე შენ
Line: 4      შობაჲ საშოჲსა_გან ოჳბიწოჲსა
Line: 5        ცხოვრებისა_თჳს
Line: 6        ადამის ნათესავისა
Line: 7        შეცთომილისა. მრავალმოწყალე:.

Strophe: II  
Line: 1     ჯოჳარს ეცოჳ ჴორცითა
Line: 2      ბოჳნებით ოჳვნებელი ღმრთეებაჲ.
Line: 3        შთაჰჴედ ქოჳესკნელად.
Line: 4      და განაქარვე მთავრობაჲ ბნელისაჲ
Line: 5        და აღადგინე
Line: 6        ბოჳნებაჲ კაცთაჲ დანთქმოჳლი.
Line: 7        ბოჳნებაჲ კაცთაჲ და გადიდებდა:.

Strophe: III  
Line: 1     რაჟამს დაეფალ.
Line: 2      მაცხოვარ. გოჳლსა ქოჳეყანისასა.
Line: 3        ცანი იგლოვდეს
Line: 4      და აღივსნეს მნათობნი მწოჳხარებითა.
Line: 5        ხოლო განათლდეს
Line: 6        ბნელისა მყოფნი ნათლისა
Line: 7        ოჳხილავისა ბრწყინვალებითა:.

Strophe: IV  
Line: 1     საგლოველ იყო
Line: 2      მიხედვად პირსა მგლოვარეთასა.
Line: 3        რაჟამს ტიროდეს
Line: 4      მწოჳხარედ. აღვსებოჳლნი ცრემლითა.
Page: 20  Line: 5        და ეძიებდეს
Line: 6        გოჳამსა მას სამყოჳფოსა.
Line: 7        სამ დღე კაცთაებრ მკოჳდრად შერაცხილსა:

Strophe: V  
Line: 1     საღმრთოჲ საფლავი
Line: 2      ცხოვრება გოჳექმნა ჩოჳენ. მორწმოჳნეთა.
Line: 3        რომლისა განცა
Line: 4      აღმობრწყინდა მზეჲ სიმართლისაჲ
Line: 5        და განანათლნა
Line: 6        კიდენი ქოჳეყანისანი
Line: 7        აღდგომისა მისისა მადლითა.

Strophe: VI  
Line: 1     აღჰმაღლდი ზეცად
Line: 2      თანამფლობელი მამისა და სოჳლისაჲ.
Line: 3        და შეაერთე
Line: 4      კაცებაჲ ღმრთეებასა. მოწყალე.
Line: 5        და აღიყვანე
Line: 6        საღმრთოსა დიდებასა
Line: 7        ადამ დანთქმოჳლი ნათესავითოჳრთ:.

Strophe: VII  
Line: 8     რაჟამს მოხჳდე
Line: 9      განშჯად. მსაჯოჳლო სიმართლისაო.
Line: 10        მიჴსნენ. სახიერ.
Line: 11      საშჯელთა მათ_გან საოჳკოჳნეთა
Line: 12        და ღირს ყვენ სოჳლნი
Line: 13        მიცვალებოჳლნი წიაღთა
Line: 14        აბრაჰამისთა და განოჳსოჳენე:.

Strophe: VIII  
Line: 1     შეოჳრვებოჳლი
Line: 2      გოჳლითა. მგლოვარე გონებითა
Line: 3        ეგლოვდა ძესა
Line: 4      თჳსსა ჯოჳარს ცოჳმოჳლსა ღმრთის მშობელი:
Line: 5        ესე დღეს აღდგა
Line: 6        საფლავით. ვითარცა ღმერთ არს.
Line: 7        იხილე. ოჳსძლოო. და გიხაროდენ:.

Strophe: IX  
Line: 1     შეოჳხებელმან
Page: 21  Line: 2      საღმრთომან ცეცხლმან ოჳსხეოჳლომან
Line: 3        არაჲ აღაგზნა
Line: 4      მსგავსად მაყოჳლისა წმიდაჲ ქალწოჳლი
Line: 5        და განაკჳრვნა
Line: 6        ძალნი ზესკნელს ცათანი.
Line: 7        ვითარცა მოსე მთასა სინასა:.

Next part


This text is part of the TITUS edition of Sasuliero Poezia.

Copyright TITUS Project, Frankfurt a/M, 15.11.2017. No parts of this document may be republished in any form without prior permission by the copyright holder.