TITUS
Keimena II
Part No. 5
Previous part

Chapter: V  
Line of edition: 15       V. და ვითარცა მიჰყვანდა წმიდაჲ იგი მოწამჱ საპყრობილედ, ჰრქუა თავსა
Line of edition: 16    თჳსსა: "ისწრაფე, ლუკიოს, ნაწილსა მას, რომელი განგემზადა". და
Line of edition: 17    ვითარცა შეიყვანეს იგი საპყრობილესა, განვლო ღამჱ იგი თაყუანისცემით და გალობით,
Line of edition: 18    ადიდებდა და ჰმადლობდა ღმერთსა ყოფილსა ამას ზედა. და ვითარცა
Line of edition: 19    შუვაღამჱ იყო, ცრემლნი გარდამოსთხინა და თქუა: ჵ უფალო ღმერთო ჩემო,
Line of edition: 20    მჴსნელო და მაცხოვარო, იესუ ქრისტე, ნუგეშინისმცემელო მწუხარეთაო
Line of edition: 21    და შემწეო შეუწეუნელთაო, მოთმინეთა და მოღუაწეთაო, რომელნი სახელისა
Line of edition: 22    შენისათჳს იგუემებიან! ნუ შეურაცხჰყოფ სიმდაბლესა მონისა შენისასა, არამედ
Line of edition: 23    მომეც მე ძალი და მოთმინებიჲ ვიდრე აღსასრულადმდე, რაჲტა არა თქუას
Line of edition: 24    მტერმან ჩემმან ვითარმედ "მძლე ვეყავ მას". და ვითარცა აღასრულა ლოცვაჲ
Line of edition: 25    ესე გარდამოჴდა ანგელოზი უფლისაჲ ზეცით და შეახო მას და მუნქუესვე განიკურნა
Line of edition: 26    გუამი მისი გუემულებისაგან. და ჰრქუა მას: "მჴნე იყავ და გაძლიერდი,
Line of edition: 27    რამეთუ მე შენთანა ვარ, იტყჳს უფალი". და ხვალისა დღე კუალად დაჯდა
Line of edition: 28    მსაჯული იგი საყდართა ზედა სამშჯავროსა და კრებული მრავალი საკუთართა
Line of edition: 29    მისთაჲ გარემოჲს მისსა. მაშინ ბრძანა მოყვანებაჲ ახოვნისა მის ქრისტჱსისა
Line of edition: 30    წმიდისა ლუკიოსისი.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.