TITUS
Keimena II
Part No. 4
Previous part

Chapter: IV  
Line of edition: 29       IV. მაშინ განრისხნა მსაჯული იგი და ბრძანა გუემაჲ მისი ძარღჳთა
Line of edition: 30    ზროხისაჲთა ჴმელითა და, რაჟამს განიპყრეს მტარვალთა მათ და იწყეს გუემად,
Line of edition: 31    აღიხილნა თვალნი თჳსნი ზეცად წმიდამან, ღაღადყო და თქუა: "ქრისტე
Line of edition: 32    ღმერთო ჩემო, შემეწიე მონასა შენსა ღუაწლსა ამას შინა წმიდასა"! ჰრქუა მას
Line of edition: 33    მსაჯულმან: "უგე ღმერთთა და წარვედ ვიდრეცა გნებავს და, უკუეთუ არა, შემავალხარ
Line of edition: 34    უძჳრჱსთა სატანჯველთა ამის ყოფილისასა:. ჰრქუა მას წმიდამან ლუკიოს:
Line of edition: 35    "ამისთჳს მოსწრაფე ვარ, რაჲთა ვიღუაწო ვნებითა გუამისა ჩემისაჲთა
Line of edition: 36    და ვიქმნე მე მჳდრ სასუფეველსა ცათასა; ყავ უკუე აწ რომელი გნებავს, რამეთუ
Line of edition: 37    ქრისთჱ შემწე ჩემდა არს, და შეურაცვჰყოფ სატანჯველთა შენთა. რამეთუ
Line of edition: 38    მან თქუა, მოძღუარმან ცხორებისამან, ვითარმედ ნუ გეშინინ მათგან, რომელთა
Line of edition: 39    მოწყჳდნენ ჴორცნი თქუენნი, ხოლო სულისა ვერ შემძლებელ არიან მოწყუედად,
Page of edition: 11   Line of edition: 1    არამედ მისა გეშინოდენ, რომელსა ჴელმწიფებაჲ აქუს სულისა და
Line of edition: 2    ჴორცთა წარწყმედად გეჰენიასა შინა ცეცხლისასა. და კუალად: რომელმან აღმიაროს
Line of edition: 3    მე წინაშე კაცთა, მეცა აღვიარო იგი წინაშე მამისა ჩემისა ზეცათაჲსა.
Line of edition: 4    და ამისთჳს არა დაუტევებ ღმერთსა ჩემსა და არცა თაყუანის ვსცემ ეშმაკთა
Line of edition: 5    შეგინებულთა". ჰრქუა მსაჯულმან მტარვალთა მათ: "უფროისრე უწყალოდ გუემეთ
Line of edition: 6    ეგრე და ვიხილოთ, უკუეთუ მოვიდეს ღმერთი მისი შეწევნად მისა". ჰრქუა
Line of edition: 7    წმიდამან მოწამემან ლუკიოს: "არა მეშინის მე სატანჯველთა ამათგან შენთა
Line of edition: 8    და, უკუეთუ უძჳრჱსნი არიან შენ თანა, მოაწიენ იგინიცა ჩემ ზედა. რამეთუ
Line of edition: 9    მრწამს მე ქრისტჱსი, შემწისა მის ჩემისაჲ, რაჲთა არა ვგრძნობდე მე წყლულებათა
Line of edition: 10    ტანჯვისა შენისათა; რამეთუ აქამომდე, ვითარცა მახჳილი, დამეცემის
Line of edition: 11    ჩემ ზედა და არას ვჰზრუნავ". და ვითარცა ესე თქუა წმიდამან მან მოწამემან,
Line of edition: 12    უბრძანა მსაჯულმან, რაჲთა დააცადონ გუემაჲ მისი და შებორკილონ იგი და
Line of edition: 13    შეაყენონ საპყრობილესა, ნუ უკუე ესრჱთ შეცვალოს განზრახვაჲ თჳსი და ისწრაფოს
Line of edition: 14    მსახურებაჲ ღმერთთაჲ.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.