TITUS
Keimena II
Part No. 6
Previous part

Chapter: VI  
Line of edition: 31       VI. და ვითარცა წარადგინეს წინასე მისსა, მიჰხედა მსაჯულმან მან და
Line of edition: 32    ჰრქუა მას: "რასა უკუე იტყჳ, ჵ ლუკიანოს, განჰბრძნდია უგუნურებისაგან შენისა
Line of edition: 33    ანუ მასვე უკეთურებასა ზედა ჰგიე ვიდრე აქამომდე და გნებავს ბოროტად
Line of edition: 34    წარწყმედაჲ თავისა შენისაჲ? აღიარენ აწ უკუე ღმერთნი და ჩემგან პატივცემულ
Line of edition: 35    იყო". ჰრქუა მას წმიდამან მოწამემან ლუკიოს: "არა მეშინის მე სიქადულისაგან
Line of edition: 36    შენისა, არამედ რომელსა იგი გეტყოდე, კუალადცა მასვე გეტყჳაწ,
Line of edition: 37    ვითარმედ ქრისტიანე ვარ და არა თაყუანისვსცემ კერპთა უსულოთა და
Line of edition: 38    არცა დაუტევებ ღმერთსა, დამბადებელსა ცისა და ქუუყანისასა, ზღჳსა და ყოველი
Line of edition: 39    რაჲ არს მათ შინა. ხოლო ესე რომელი პატივი აღმითქუ და ღმერთთა
Line of edition: 40    შენთა შეწყალებაჲ, რაჲთა უკუე ვცნა ამისი სიმტკიცჱ, არათუ მრქუან მე პირსპირ,
Page of edition: 12   Line of edition: 1    თუ რომელსა მოსაგებელსა მომაგებენ მე აქა და მერმესა მას, მაშინ
Line of edition: 2    ღა თაყუანისვსცე მათ ზორვითა". ჰრქუა მას მსაკულმან: "ესენი არას ვისჰზრახვენ
Line of edition: 3    კეთილსა, გინა თუ ბოროტსა". ჰრქუა მას წმიდამან ლუკიოს: "ჵ
Line of edition: 4    უღრმთოო და შვილო ეშმაკისაო! და რაჲსა უკუე მიბრძანებ მე მსახურებად
Line of edition: 5    ყრუთა და უტყუთა?" ჰრქუა მას მსაჯულმან მან: "აჰა ესერა შეგემთხჳა, რაჲიგი
Line of edition: 6    შეგემთხჳა, და შენ მასვეღა სიცოფესა და უგუნურებასა ზედა ჰგიე; უგე
Line of edition: 7    ღმერთთა და განერი სატანჯველთა და განსაცდელთაგან წინამორბედთა! "ჰრქუა
Line of edition: 8    მას წმიდამან ლუკიოს: "ყოველნი სატანჯველნი, რომელნი მოაწინე ჩემ ზედა,
Line of edition: 9    _ ღმერთი ჩემი შემწე ჩემდა არს, -- და მე მადლობით მივითუალავ, რაჲთა ცნან
Line of edition: 10    ყოველთა: რომელნი ქრისტესა ჰმსახურებენ უძლიერეს არიან ძალსა მამისა თქუენისა
Line of edition: 11    ეშმაკისასა და კერპთა თქუენთა შეგინებულთასა, და ჰრწმენეს უღმრთოთაცა,
Line of edition: 12    ვითარმედ ღმერთი ჭეშმარიტი ჩუენთანა არს". და ვითარცა ესე თქუა
Line of edition: 13    წმიდამან მოწამემან, კრებული იგი, რომელი დგა გარემოჲს მსაჯულისა მის,
Line of edition: 14    ღაღადყვეს და თქუეს: აღიღე ესე, მტერი ღმერთთა ჩუენთაჲ, აღიღე დამარღუეველი
Line of edition: 15    საკურთხეველთა ჩუენთაჲ და მომკუეთელი თმასა შვილისა შეწირულთასა!"
Line of edition: 16    მაშინ ერისკაცთა მათ დაადუმეს კრებული იგი. ჰრქუა მსაჯულმან მან
Line of edition: 17    ნეტარსა მას: "ვიდრემდის კადნიერხარ და არა თავსიდებ მსახურებასა ღმერთთასა
Line of edition: 18    და არცა ბრძანებასა თჳთმპყრობელისასა? "მაშინ ჴმაყო მოწამემან ქრისტჱსმან
Line of edition: 19    და ჰრქუა მსაჯულსა მას და კრებულსა: "მე ქრისტჱს აღსაარებისათჳს
Line of edition: 20    მოსრაფე ვარ შეწყნარებად ყოველთა სატანჯველთა თქუენთა და ამით მოვეკი
Line of edition: 21    გჳრგჳნსა ზეცისასა. ხოლო თქუენ რაჲ უკუე სასოებაჲ ჰაქუს კერპთა მიმართ
Line of edition: 22    უსულოთა, რომელნი არარაჲ არიან, ამაოდ ჰმსახურებთ და ხართ თქუენ თანაზიარ
Line of edition: 23    წარწყმედასა მათსა".

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.